العفو والعافية !

اي زول عندو حق علي بطلب منه الصفح لله والرسول
الدنيا ما معروفه ياخ


تحياتي ..........

مالك يا ول ابا البشاري

حلمت حلم ما كويس ولا شنو

سامحناك والله دنيا واخرة والعفو والعافية .. وانت برضو سامحنا ياخ البيحصل ما معروف !





_________________________________________________________________
يا اخي معليش للهرجلة الجاتك في بوستك داك .. والله ناس سودانيز ديل لو جاء نبي حيطلوهو من طورو

يا سلام عليك يا البشاري دائما سباق بالخير
عفو العافية يا حبيب
الدنيا اخرها التراب واحسن الناس تبيض النية
وانت برضك ما تقصر سامحنا لو غلطنا في حقك

لله والرسول

والله القصة مهمة كيف؟؟؟ سبحان الله
ما دست لى على طرف ولا اظنى فعلت
بس قولت العفو والعافية دى مريحة ياخ


____________________________________
زمان حبوبتى الله يرحمها لما تتم قعدتها معانا
وهى مارقة تقوم تكورك لينا هى يا اولاد نعمات اعفو لى
اقوم اقول ليهو ابيييييييينا
تتغاظ منى تقول لى والله تعفو لى جوة عينكم و لا على كيفكم

كانت مرة لذيذة و طيييييبة وكنت بحب اكاويها
الله يرحمها ويجعل روحها للجنة

يا زول اغلط فينا زي ما داير

شنو يا مان هي كلها نقاش نقاشين مع ود المسلمي وودالبشري انبوا ضميرك كدا ..طيب الناس البتسيء للاسر والاعراض والامهات (في المنبر هنا) مفروض تعمل عمرة وحجة عشان تكفر عن الاساءات دي !

لله والرسول مالك ياهندسة مع انو طول معرفتنا
بيك هنا ولاهناك ماشفنا منك الا كل خير
تسلم ياحبيب

كم انت كبير يا ود البشاري ..

والله بوست زي حقك مفروض كل واحد يكون عندو زيو ..
يعصر الجماعة بي هناك ويجي يطلب العفو ..

ويسامحوك ولا علا كيفهم ..

دايما بقول من لم يعظة موت اخونا مجدي (هنا) فلا واعظ له

مداخلة ونعي في صفحات هذا الموقع الفرق بيناتوم ساعتين لا اكتر

Quote: من يشتم الناس سوف يتعرض للشتم وإذا ما بتشتم الناس ماف زول حيشتمك ...... والله صحي

يا اللمين الجاتك فى نظريتك الفوق دى سامحتك.
على قناعة تامه بان المبادرة بالاعتذار والسماح من شيم العظماء الكرماء الاوفياء.
وإن كان البعض يفهما على انها ضعف أو جبن.

Quote: على قناعة تامه بان المبادرة بالاعتذار والسماح من شيم العظماء الكرماء الاوفياء. وإن كان البعض يفهما على انها ضعف أو جبن

وما اكثر هؤلاء يا اخ بدرالدين
جاء في الحديث «كل ابن آدم خطاء، وخير الخطَّائين التوّابون »
حقا في زماننا هذا من يسكت خائف ومن يعتذر ج ب ا ن

كونوا بخير يابدرالدين وصاحب البوست وضيوفكم الكرام

التعديل,, كلمة ج ب ا ن للحيلولة دون حجبها

الاخ الأمين

انا والله خشيت هنا كنت بفتكر انك سايب المنبر!
فقلت اقول بدري يا هليفة

لكن ما دام حركات ساي
الله يعفانا و يعفاك
و شكرا

طه جعفر

يا سلام
ليت المنبر كله مثلك
هكذا نتمنى ان نكون كسودانيين
..
..لم نتناقش ولم يصلنا منك رشاش
بل كنا ولا نزال من المستفيدين لوجودك
أرجو ان تعفو لنا ...

خير يا بشاري مسافر ولا حاجة ؟
لله و الرسول بدون ما تغلط علي, وانا برضو اسأل العفو لو غلطت عليك

يا زول لله والرسول
وانت برضو اعفي لي انا غلطت في حقك
والمسامح كريم

غايتو كمتابع للمنبر من زمان لو بتذكر بوستيك بتاع توثيق الاساءات داك
مع الهسع ده لو في الفه هنا لرشحتك بجداره اتا زول قدامك مابنقول
ربنا يوفقك ويغتي عليك ويحميك
زول بحبك لله في لله

ود البشاري ...

ما تكون حِلِمتَ الحلمِ الشافو ( جاد الله ) ...

يديك العافية، والعفو ليك ولينا.

الله يعدل طريقك أبشاري محل ما تقبل

العفو لله ورسوله
يا أخي الأمين البشاري
وربنا يحفظك من كل سؤء

العفو والعافية يا الأمين موسى البشاري يا أخوي ، العفو والعافية لكل من قرأ هذه الكلمات ، العفو والعافية لكل من عرفنا ونسأل كل من عرفنا أو تعامل معنا أو قرأ لنا أ وسمع عنا أو تكلمنا عنه أو تكلم عنا ان يظل العفو والعافية دائماً لله .....


العفو والعافية يا ناس ....


ربنا يسترنا ويستركم وييسر لنا وييسر لكم


آمين يا رب

امين البشاري سلام يا وجيه
يا الاخو بتعافي في الناس ماشي وين ؟؟؟؟؟
معقولة تمشي تخلينا !!!
في ناس هنا كثير بتعزك ...منو البستحق عشان تخلي ليهو المكان.
متابع مفترعك الاخير كان ماشي بي سلاسة وطبيعي هنا في سودانيز اجيك اشتر او مخالف بدون رؤيا اخرمج ليك.
مسكت ليك خيط الاستفادة كانت بتكون كبيرة لو مشيت فيهو للاسف وقفت في النص.
نتمني ان تعاود في الكتابة علي ذات الموضوع
عفوك بنعتبرو عفو عيد والاعياد ماشة وجاية...
في انتظارك يا الحبيب للمعايدة في بوست اخر

ماشي وين يا معلم ..
نحن منتظرينكـ تفضى عشان ندرشكـ من جديد!!
بالذات في النظرية القطعتها لينا من شبطكـ عن الخصوم!!


النجيضة ..
في الفترة الأخيرة بقيت أعاين ليكـ وأدي ربي العجب!!

العفو والعافية

دا كلام زولا مسامح
وعارف الدنيا آخرا كوم تراب
ما ختّاها فى نفسو الغبينه
ولا غرّاهو فى الدنيا السراب
اعفيلنا ان زلّت حروفنا
فى حقك او قصّرنا يا اغلى الصحاب




---------------------------
ابياتى دى كنت داير اشارك بيهن فى شيتا يجيب قروش بس ما خساره فيك يا ود البشارى

حق الواتساب داخل في العفو ده ولا نرجاك هناك تعتذر لينا ؟!!




العفو والعافية

لله والرسول

هــي الـدنـيـا كـلـهـا كم حــرف لامــن يطــول فيـهـا الاســف؟؟‏

ياخى انتا الزيييك منوووو
كالغيث اينما وقع نفع
:
:
:
لله والرسول عفوياً يسمدك ويتيربك
تحياتى

ابييييينا بتاعت بت المجمر الفوق دى ....!

يا ريت الناس تختلف زيك ، وتعرف انو اختلف معاك فى الرأى والخوه فى مكانا .....

برضه ده ما يمنع انو اخونا امير ياخذ عينات من البوست ده .....!

تحياتي وشكرا لكل من مرّ من هنا

والعفو والعافية تاني .......