Post: #1 Title: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-17-2013, 10:32 AM Parent: #0
Quote: الزول لو قال ليك أي حاجة يا حمودي بتزعل وطوالي بتقلبها عداوة وتقعد تردم المداخلات بلا توقف كما صنعت مع محمد عثمان والبطل وآخرين. أتمنى أن تخليني في نعيمي بدون عادتك السيئة هذه، أي تعمل لي طلبية استثناء خاص من عادتك دي، شكرا لتفهمك.
اعتذر هنا -اعتذار غير ذي عوج- اني زول بزعل فيما اراه حقي وعن ازعاجي للناس بعادتي السيئة هذه
-----------
آخر ما اتمناه في دنيتي الفانية دي كسب الاعداء وأحمد الله - من جانبي- لا استطيع عد عدو وااااحد وبالقطع ود البتولا لم ولن يكون عدو .. ولا في واحدة من اساطيرو الاخيرة دي والله هو العالم بما في القلوب ..
ودا سبب البوست دا ذاتو!! قديمن قيل بحق: الطبع يغلب التطبع فلا تلموني فيما لا املك
لخير كدا اطلب العفو .. اصفحوا فانتم اهل للصفح ونتلاقى في مساحات ارحب
العفو والعافية
Post: #2 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Hussein Mallasi Date: 05-17-2013, 10:52 AM Parent: #1
ظننته مجرد ثرثار فإذا بالأمر أفدح!
Post: #5 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-17-2013, 11:14 AM Parent: #2
Quote:
ظننته مجرد ثرثار فإذا بالأمر أفدح!
وظننتك اذكى من كدا .. وخاب ظني
--------
واعتذار -تاني- لملاسي ان كان هو لا يستحق .. فروحي الحلوة دي تستحق الا اهدرها
المافي شنو!؟
اعتذار غير ذي عوج يا ملاسي وكلامي الكتبتو في حقك بهناك دا دربي لمسحو
العفو والعافية ... لم يعد باستطاعتي المواصلة في درب لا طائل من وراءه ح نصل وين يعني!؟
خليتك في نعيمك انتا دا ذاتك!!
Post: #3 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: بدر الدين اسحاق احمد Date: 05-17-2013, 11:01 AM Parent: #1
فتح الرحمن السلام عليكم ورحمة الله لعلك طيب عايز اكتب ليك حول ( التالي ) البصمة الخاصة بالزول السمح والشين البغض الحب الاصدقاء الاعداء الصراع الحوار المواقف الادانة الاعتذار الدعم والاسناد الشلــة المنبرية مكة المكرمة الدين ملاسى وهبه صاج السمك البورداب المعارضة الحكومة المؤتمر الوطنى الفكر الشيوعى المساجلات المنبرية لازمتك ( المافي شنو ) .... ....
_______ يا زول جمعة مباركة ورجاء ادعو لينا معاك فى بيت الله الجمبك دا
______ ......... ( حركتك بتاعت مط المداخلة دا عجيبة جدا )
Post: #4 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: AMNA MUKHTAR Date: 05-17-2013, 11:11 AM Parent: #3
وليييييه تعتذر عن حق من حقوقك يا قيقا ؟!!
أهو إنت أديت فرصة لملاسي يجي يشمت فيك ، مع إنو هو الغلط عليك وفتح ليك بوست كامل .
.................
إنت زول مسالم جدا ، وما حصل شفتك كست ليك كواسة عداوة مع زول إلا كان غلط عليك .
والكلام القالوا محسن خالد (غير صحيح ) ، فأنت بالذات لطالما دافعت عن محسن بالحق وبالباطل .. وأهو آخر الجزا طلع أذى .
محسن رماك بما فيه .. فهو من أبرز عاداته السيئة ( مهاجمة كل من يخالفه الرأي ) والدليل بوسته الأخير .. الذى كفر فيه مخالفيه ..ووصمهم بعبادة الشيطان ..!!
Post: #6 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: بدر الدين اسحاق احمد Date: 05-17-2013, 11:19 AM Parent: #4
Quote: فأنت بالذات لطالما دافعت عن محسن بالحق وبالباطل .. وأهو آخر الجزا طلع أذى .
هو ملاسى بيلقى الفرصة من وين ما من جتس كلامك دا
_______ معقول بس
Post: #10 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: AMNA MUKHTAR Date: 05-17-2013, 11:25 AM Parent: #6
معقول ونص يا فكي إسحق ..
(ملاسي دا كمان منو العاملين ليهو بيهو غاغة ؟)
بعدين ملاسي ما بيحتاج فرصة منى ، ما أهو من يومو مدى لنفسه الحق فى الإساءة للناس بدون سبب .
Post: #7 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: معاوية الزبير Date: 05-17-2013, 11:21 AM Parent: #4
Quote: ظننته مجرد ثرثار فإذا بالأمر أفدح!
دا كان زمان يا ملاسي، تستثير حنق الناس حتى يردوا عليك ويظل اسمك عاليا. أرجو أن ينتبه المعنيين لهذا، وأعني "الدائرين في الفلك" و"الحاشية-الجوقة" ----------------------- العفو والعافية يا فتح الرجمن
Post: #9 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: usama Babiker Date: 05-17-2013, 11:24 AM Parent: #7
Quote: اعتذار غير ذي عوج يا ملاسي وكلامي الكتبتو في حقك بهناك دا دربي لمسحو
العفو والعافية ... لم يعد باستطاعتي المواصلة في درب لا طائل من وراءه ح نصل وين يعني!؟
خليتك في نعيمك انتا دا ذاتك!!
انت رجل جميل وكفا ...
Post: #18 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-17-2013, 12:32 PM Parent: #7
Quote:
----------------------- العفو والعافية يا فتح الرجمن
لله والرسول
------------
يا اخوانا وح يتبرع ياخد لي الاذن من حبيبنا النذير حجازي دا اكمل اعتذاراتي دي بس قبل ما اخلي ليو منبرو هو بكري دا
عليييييك الله يا النذير ما تطردني اسي .. خليني اعتذر ليك انتا دا ذاتك واتم (هبالتي) في بوستيني دا .. ما بجي بهناك تاني اتفقنا!؟ المافي شنو ياخي
وهاك الوردة دي
Post: #8 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد المسلمي Date: 05-17-2013, 11:22 AM Parent: #4
Quote: لخير كدا اطلب العفو .. اصفحوا فانتم اهل للصفح
تسلم ياغالي وانت معدن نفيس عالي الأخلاق. التحية لك
Post: #11 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: صلاح عباس فقير Date: 05-17-2013, 11:34 AM Parent: #8
حيا الله فتح الرحمن، وجمعة مباركة، والعفو والعافية، واطمئن أنت في هذا البوست على الأقل غير مخطئ أبداً، مخطئ من يجازي الكلمة الطيبة بالإساءة!
Post: #15 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-17-2013, 12:23 PM Parent: #4
سلامات يا آمنة
Quote:
فأنت بالذات لطالما دافعت عن محسن بالحق وبالباطل
ابداً لم ادافع عن محسن او غير محسن بباطل كنت مقتنع بأي حاجة قلتها .. ودافعت عنها. ... تصدقي
-------------
المشكلة هنا انو اي زول عاوزك تغني ما يطربو ودي ما بقدر عليها انا لا اجيد الغنا المرهون
Post: #12 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-17-2013, 11:37 AM Parent: #3
Quote:
يا زول جمعة مباركة ورجاء ادعو لينا معاك فى بيت الله الجمبك دا
والله كان ما حبيب ألبي ود (البتولا) قال لا ما تزعل كلو كلو .. كان قلت ليك (صاحبي) البطل ملكم معلومة غلط مكة يا حبيب مني زي 70 كيلو متر (بالسعودي) ما يعادل 100 مما تعدون (بسعر بنك السودان) صليت قبلي .. وانت برضو ادعو لينا ربنا يطير شواطينا دي
ياخي ما احكي ليك نكتة بمناسبة العادات السيئة دي .. وكان طلعت بايخة .. بايخة ح كون متآسي باستاذي البطل في هذا المجال
قليك واحد جنو يمرق النصيحة -التقول حالف قسم!- مرة الجماعة عاوزين يعودوا مريض ، مرضان مرض شديد .. في خط ستة لي ود اللحد اها حموهو مش معاهم، حلف والتزم بانو ح يخت الخمسة في اللتنين طول فترة الزيارة .. فساقوهو معاهم. وقد كان، التزم بالصمت طووووول فترة الزيارة .. ولمن جوا طالعين خلاس .. صاحبنا وقف يتأمل في باب العنبر مسااافة .. مسافة تبقى قدر مسارب الورجغة!! لمن سألوهو: مالك!؟ رد بيقين ورجغي زاعق: اسي عليكم الله دا باباً بمرق ليو عنقريب جنازة!؟
كلنا لها .. ويبقى وجه ربك ذو الجلال والاكرام ما تنسانا من صالح الدعاء . . انسونا من طالح السياسة ... سمح؟
Post: #13 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد حيدر المشرف Date: 05-17-2013, 11:47 AM Parent: #12
بالطريقه دى بتفقِد الاعتذار المعنى بتاعو .. لك أن تضرب صفحا عن البطل .. الا أن تعتذر ليهو, فده كلام ما عندو معنى .. وين الكلام ده من أن تكون هجائيا كما ينبغى ان تكون ساعة الظلم ؟! ولا المسأله كلام ساى .. ساى ومغتغت وفاضى وخمج ..
عجبى !!
Post: #16 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Hussein Mallasi Date: 05-17-2013, 12:25 PM Parent: #13
ها قد انفرط تحالف (المصابين) ولا عجب!
Post: #20 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-17-2013, 12:59 PM Parent: #13
سلامات يا رفيقي في الغار
Quote:
بالطريقه دى بتفقِد الاعتذار المعنى بتاعو .. لك أن تضرب صفحا عن البطل .. الا أن تعتذر ليهو, فده كلام ما عندو معنى .. وين الكلام ده من أن تكون هجائيا كما ينبغى ان تكون ساعة الظلم ؟! ولا المسأله كلام ساى .. ساى ومغتغت وفاضى وخمج ..
عجبى !!
تعرف اكتر رأي وموقف وتقييم لعوة ذات البندول ديك -من وجهة نظري طبعاً- جا من حاتم الياس ..
قال انو متضامني معاي، لكن ما بالشكل السوقي الغوغائي داك .. لانو ببساطة البطل ما جاني في بيتنا وكيل لي!!
فعلاً دي الحقيقة .. انا من سعيت للبطل واعياً .. وكانت لي المبادرة ومفروض اتحمل (رد الفعل) مهما كان
الحق حق .. والفضل فضل
---------
البطل يستحق اعتذار مني .. وها انا افعل
ولا ابالي
Post: #14 Title: سمح ونص خمسة Author: بدر الدين اسحاق احمد Date: 05-17-2013, 12:17 PM Parent: #12
لم تشنق نفسك في مقام الإعتذار ولم تقدم مواقفك الواعية الموضوعية تضحية للإعتذار عن الغضب والزعل والكراهية. الموقف من الإنقاذ ، من العلمانية، من المطبلين للظلم هو موقف يتجاوزك يا صديقي يتجاوز هواجسك العاطفية موقف تجوز فيه الخصومات المتجاوزة لي (دا بريدو ودا ما بطيقو).
شهوة أن تكون الخصومة واضحة في عزها غير مخدوشةٍ بالعناق الجـبـــــان
فيا حبيب لك أن تحب محسن ، ولك أن تكره كتااباته الأخيرة .. ولا ينقص ذلك منك شيئاً ولك أن تقول أن ملاسي قارص اللغة ومنتبه لتناقضات كتابات الآخرين .. ولك أن تكره موقفه المائع الأقرب لمن يقهرون ويقتلون السودانيين
لا تحتاج إلى إعتذار فقط قف مع مواقفك لا تحتاج لإعتذار
Post: #19 Title: Re: سمح ونص خمسة Author: محمد البشرى الخضر Date: 05-17-2013, 12:54 PM Parent: #17
Quote: فروحي الحلوة دي تستحق الا اهدرها
جميلة يا قيقراوي .. عجبتني و ح استلفها منك شأت أم أبيت لما مزاجي يكون رايق وأحيانا روحي تصبح حلوة :)
Post: #21 Title: Re: سمح ونص خمسة Author: سامى عبد المطلب Date: 05-17-2013, 01:29 PM Parent: #19
فتح الرحمن حمودى الحمد لله ان هداك لترك ذاك الطريق الذى لا يشبهك فانت قلم واعى وجميل ولا يستحق ان تهدره فى مماحكات طفوليه ، ولذه الانتصار للذات لا تدوم طويلاً
Post: #24 Title: Re: سمح ونص خمسة Author: فتح الرحمن حمودي Date: 05-17-2013, 01:49 PM Parent: #21
Quote:
مماحكات طفوليه
اها دي عجبتني انا يا ود البشرى .. انت شيل ديك وانا بشيل دي
اما انت يا سمسم ففي الزبالة كنتما .. قوم لف
--------
حبايبنا
المسلمي اسامة بابكر صلاح عباس فقير
كتر خيركم يا شباب
Post: #23 Title: Re: سمح ونص خمسة Author: أمير محي الدين محمد Date: 05-17-2013, 01:46 PM Parent: #19
حلّوة الروح و..عني غايتو..نسّم علي البوست دا من مفرق قيقراوي
الكراهية عامل أثبتت بُطلانّه الأيام و..حركة التاريخ وماعارف ليه بس عندي إحساس مُشاتر كدا بإنو حبيبنا البروف برضو طالبك اعتذار - ودا طبعا" مابمنع إنو أقول النكته حلوة ..بس ممطوطة و.. فيروز دي بي ترترها كيتا" لود البشرى ـ التعديل علشان ألبس فيروز الترتر
Post: #26 Title: Re: سمح ونص خمسة Author: فتح الرحمن حمودي Date: 05-17-2013, 01:56 PM Parent: #23
اها انا اعتذرت للبطل .. امين غبينتو معاي في ورثة تاني ول شنو!؟
يازول حرم ما ترجع فاضي افو .. يقولوا علي شنو في البد!؟ انت عاوز القبيلة تتبرأ مني؟
اعتذار يليق للبروف ... تاني
قصرت معاك؟ يقصر الملح
Post: #22 Title: Re: سمح ونص خمسة Author: فتح الرحمن حمودي Date: 05-17-2013, 01:37 PM Parent: #17
[ولم تقدم مواقفك الواعية الموضوعية تضحية للإعتذار عن الغضب والزعل والكراهية. الموقف من الإنقاذ ، من العلمانية، من المطبلين للظلم هو موقف يتجاوزك يا صديقي يتجاوز هواجسك العاطفية موقف تجوز فيه الخصومات المتجاوزة لي (دا بريدو ودا ما بطيقو).]
ليت الفصل القلتو دا ممكناً يا صديقتاذنا عماد .. ليته كان ممكناً
-------
في الآخر كلنا بشر .. عاطفيون .. خطاؤون خلينا نعول على النسيان المافي شنو!؟
في الحقيقة الوكت البنذرفو هنا دا غالي جداً اولى بيو (ناس) تانين ... قاعدين نظلمهم بوجودنا هنا ومنهم ذواتنا الفانية دي ذاااتا
Post: #25 Title: Re: سمح ونص خمسة Author: محمد حيدر المشرف Date: 05-17-2013, 01:56 PM Parent: #22
Quote: قال انو متضامني معاي، لكن ما بالشكل السوقي الغوغائي داك .. لانو ببساطة البطل ما جاني في بيتنا وكيل لي!!
فعلاً دي الحقيقة .. انا من سعيت للبطل واعياً .. وكانت لي المبادرة ومفروض اتحمل (رد الفعل) مهما كان
في هذا المجال الذى نحن فيه .. لم يذهب أحد لآخر في منزله مطلقا !!.. أما وقد سعيت نحو الرجل بالباطل .. فأحمد لك إعتذارك وإنما سعينا نحوه بالحق الذى نراه ونحمد الله على ذلك .. ولا نعتذر عن الحق مطلقا ثم ولا أخفيك يا صاحبي دهشتي من تقييمك لتضامن الناس معك .. ودهشتي أكبر إذ تعلنها داوية هكذا: تضامن سوقي ؟!!!
Post: #28 Title: Re: اعتذار غير ذي عوج Author: فتح الرحمن حمودي Date: 05-17-2013, 02:04 PM Parent: #25
Quote:
في هذا المجال الذى نحن فيه .. لم يذهب أحد لآخر في منزله مطلقا !!.. أما وقد سعيت نحو الرجل بالباطل .. فأحمد لك إعتذارك وإنما سعينا نحوه بالحق الذى نراه ونحمد الله على ذلك .. ولا نعتذر عن الحق مطلقا ثم ولا أخفيك يا صاحبي دهشتي من تقييمك لتضامن الناس معك .. ودهشتي أكبر إذ تعلنها داوية هكذا: تضامن سوقي ؟!!!
الا أن تضامن الناس معك لم يكن سوقيا لدرجة
يا مشرف اللولة ليه!؟
وين انا قلت اني سعيت بباطل هنا او في اي مكان؟ كدي ارجع اقرأ البوست الاسي مع العنوان .. ما تجيب لي افكار مسبقة
---------
ومتين انا قلت انو تضامن الناس معاي سوقي!؟
يازول مالك انتا؟
ياخي بعتذر عما يليني فيما قاله محسن .. والحيثيات تجدها في البوست الرئيس .. ولست مسئولاً عن اي افكار مضافة من دا او داك
Post: #27 Title: Re: سمح ونص خمسة Author: سامى عبد المطلب Date: 05-17-2013, 01:57 PM Parent: #22
Quote: Quote:
مماحكات طفوليه
اها دي عجبتني انا يا ود البشرى .. انت شيل ديك وانا بشيل دي
اما انت يا سمسم ففي الزبالة كنتما .. قوم لف
هههه كدى قبل ما اقوم الف استعدل لينا البوست وامسك الطاره دى من شيخ اسحق ده لانو بالطريقه دى حيودرنا ....!
عندى احساس انو الروح الشريره دى اتقمصتك من يومك الكتلت قيقراوى .... وشلتو على ضهرك لاكتر من مائه بوست ...!
المشكلة هنا انو اي زول عاوزك تغني ما يطربو ودي ما بقدر عليها انا لا اجيد الغنا المرهون
عشان كدا ما ترهن غناك لى زول مهما كان .
والرهيفة التنقد .
دا مش منبر ( حوار ورأى ) وللا شنو ..؟!
،،،،،،،،،،،،،،،،،،،،،،
بعدين بخصوص تجنبك للعداوات يا قيقا .. صدقني الأعداء بيجوك برااااهم ..وبيصنعوك عدو ليهم حتف أنفك .. ولو أدرت لهم خدك الأيسر ..الله قال بى قولك ..فيادوووووب حا يتلحوك .. ويغلطوا فيك كل يوم ويطالبوك بإعتذار .
إنت فاكر دنيانا دى شنو ؟ غابة عديييل ..القوي ياكل فيها الضعيف ويمزمز بيهو .. عشان كدا سميت بالحياة الدنيا .
لذلك حتما ولابد تركب وش ككو .. حتى لو كان دواخلك دواخل ملاك .
_____________
ما شايف معظم الناس بيطبلوا ويهللوا لكل جبار ولئيم ومفتري ..
Post: #31 Title: Re: سمح ونص خمسة Author: فتح الرحمن حمودي Date: 05-17-2013, 02:56 PM Parent: #29
Quote: ما شايف معظم الناس بيطبلوا ويهللوا لكل جبار ولئيم ومفتري ..
لا في الحالة دي نجيب ليهم عقد الجلاد يغنوا ليهم:
الذاهبون الى الفجيعة انتم
فقط افهمووووووا الا (حقيقة)او نفاق ولا وثيقة او ثاق تخفي عن الاطفال عورة من دفنتم من رجال!
طبارك -رغم خشونته البتصل مرات غير القانونية- قال الحقيقة .. وفي سطر واحد لكن مين عندو ضمير!؟. ح يقع ليكم كلامي دا لمن تبلبلكم دموع التماسيح .. ونواح حبر البكاسل .. الرخيص [يا عملات حسن موسى]
واخشى ان تكون ساعة لات مندم!!
----------
يا سحس يا حبيبي ألبي استرح يا اخوي (انت ما بتمل كلو كلو!؟)
مصابين بتاع فنيلتك!؟
يا زول انا هنا بطبع مع البطل عدييييل هو قال شنو عني تحديداً (ممالي)!؟
ياخ انت فهمتو غلط الميم الزايدة دي خطأ مطبعي .. هو قاصد (مالي) وانا فعلاً مالي .. مدير ماااالي هدومي المافي شنو!؟
حتى التانية .. بماذا يضيرني اعتقاد اي زول في لا اعتقادي!؟ عندو نار قطاع خاص ح يحشرني فيها!؟
Quote: وما من كاتب الا وستبقى كتابته وان فنت يداه فلا تكتب غير شئ يسرك في القيامة ان تراه
الله يسامحنا جميعا واعلموا اني احبكم
Post: #33 Title: Re: سمح ونص خمسة Author: Balla Musa Date: 05-17-2013, 03:04 PM Parent: #30
Quote: الزول لو قال ليك أي حاجة يا حمودي بتزعل وطوالي بتقلبها عداوة وتقعد تردم المداخلات بلا توقف كما صنعت مع محمد عثمان والبطل وآخرين. أتمنى أن تخليني في نعيمي بدون عادتك السيئة هذه، أي تعمل لي طلبية استثناء خاص من عادتك دي، شكرا لتفهمك
ياقيقا الكلام المقتبس دا والله النصيحة جارح شديد وخصوصا لو جا من محسن خالد (كما ظنيت )..
معليش ياقيقا وعليك الله أشملنى فى الاعتذارات دي عشان كنت بخاف منك فى بوستاتى فعليك الله اعتذر لى على هذا الاحساس الذى لم تعلمه وتسبب لى فى فقدان سوائل.
Post: #32 Title: Re: سمح ونص خمسة Author: محمد حيدر المشرف Date: 05-17-2013, 02:58 PM Parent: #27
اعتذر ما شئت يا قيقراوي .. لست مانعك ولا أملك هذا ..
تعجبت من الاعتذار وقلت رأيي فيه .. وذلك بحق التواجد في هذا المكان .. وبحق علاقتي المباشرة بخيطك الذي تعتذر عنه الآن ..
Quote: وين انا قلت اني سعيت بباطل هنا او في اي مكان؟
عندما تعتذر عن سعيك المتعمد نحو أحد ما .. وفى سياق يفهم منه بصورة واضحة جدا أن هناك خطأ متعمد في هذا السعي يوجب منك إعتذراً عنه .. فذلك سعيٌ بالباطل .. ولو شئت .. فهو سعىٌ متعمد بالخطأ نحو عبدالعزيز البطل .. والا ما أوجب عليك الإعتذار .. وها أنت تقر بالإثنين .. بالخطأ .. والتعمد .. وتبذل الاعتذار عنهما
Quote: انا من سعيت للبطل واعياً .. وكانت لي المبادرة
وحمدت لك ذلك .. واتمنى أن يصفح عنك وهو أهل لذلك .. أين "اللولوة" في ذلك ؟!!
Quote: ومتين انا قلت انو تضامن الناس معاي سوقي!؟
قلت هنا ..
Quote: تعرف اكتر رأي وموقف وتقييم لعوة ذات البندول ديك -من وجهة نظري طبعاً- جا من حاتم الياس .. قال انو متضامني معاي، لكن ما بالشكل السوقي الغوغائي داك ..
فهذا هو اكتر رأي وموقف وتقييم بالنسبة لك وفى سياق الاشادة لدرجة تبنيه وادراجه في بوستك هذا !!..
ياخى تحياتى واحترامى الكامل لخياراتك كيفما كانت وأينما تأرجحت بها يمنة ويسرة .. فقط أؤكد على انو في هذا المجال مافى زول بيسعى بالرأى بين الناس في بيوتهم !! والسلام عليك وعلى ضيوفك في هذا المقام..
Post: #34 Title: Re: سمح ونص خمسة Author: فتح الرحمن حمودي Date: 05-17-2013, 03:35 PM Parent: #32
يا مشرف ياخي مالك دا تكتر علي الاكسرسيس!؟ بي كدا سلسلة اعتذاراتي دي ما بتخلص كلو كلو
بخصوص السوقية والغوغائية انظر جداً كلمة (داك) يا ربي تكون عشان ما جات بالفصحى (ذلك) اسم الاشارة .. للاشيء تقريباً او لشيئاً في قعر ذاكرة جمعية!! اي ربط لكملة (داك) مع تضامن موجود فعلاً في النص على مسئولية رابطه
----------
ثم عليك الخوة ورفقة الاصابة ارجع اقرى البوست الرئيس وشوفني بعتذر عن شنو او اقرأ مداخلة بلة القريبة دي طيب!
شكراً يا بلة ياخي
لكن الزيك ديل يبتذلوا ليهم اعتذارهم في (آخرين) ساي .. لا لا ياخي المتلك تفرز له البوستات .. والاعتذارات .. والمحبات المافي شنو ياخي؟
Post: #35 Title: Re: سمح ونص خمسة Author: عبدالمنعم الطيب حسن Date: 05-17-2013, 04:28 PM Parent: #34
تضامنت معاك وبشدة، وها قد طلعت سوقي، هو السوق مالو؟ وهل النسب اليه شين لها الحد؟ لا اعتقد على الاقل ناس السوق ديل، المفردهم سوقي! لا يرضي الضيم، ولا يتنازل عن حقه، ولا يعتذر عنه بالضرورة؛ ولا بعمل فيها مثالي، عشان شكرة شكرتين، ممن يذبحون الشعب السوداني المسكين على مدار الوقت كله.... .........................................................
قيقا خذلتني، وتراجعت-عندي على الاقل- من منزلة عالية الى اخرى ادنى .... ما زال في تلك العالية، زملاء زي محمد المشرف، حيدر الزين كنماذج فقط؛ وبها _ اي تلك المنزلة _ كُثُر ...
حكمة اليوم : الاكثار* من الاعتذار**ابتذال * تُقرا بكثير كلام وبلا خطأ ولكل من هب ودب، اي كلمة من حادة من ملاسي تستحق اعتذارا طويلا ** تُقْرا الاعتذارات
Post: #36 Title: Re: سمح ونص خمسة Author: داليا حافظ Date: 05-17-2013, 04:55 PM Parent: #35
يا قيقا بهديك أبيات ود الرضي دي .. فى حوال الزمن صار الفكر حاير والياباك خلو عندو شن داير فوق اهل الفكر كاس الوحيح داير نفد سوق النفاق سوق السمح باير
الحمد لله الذى اعانك علي نفسك .. وشكراً لك وانت تجازى من اساءوا اليك بالاحسان والكلم الطيب .. صدقنى يا قيقا خلال الفترة السابقة تركت قراءة مشاركاتك لانك كنت تسلك طريقاً وعراً غير طريقك الذى ألفناه ..
Post: #40 Title: Re: سمح ونص خمسة Author: فتح الرحمن حمودي Date: 05-17-2013, 08:49 PM Parent: #39
مراحب يا شباب
Quote:
قيقا خذلتني، وتراجعت-عندي على الاقل- من منزلة عالية الى اخرى ادنى .... ما زال في تلك العالية، زملاء زي محمد المشرف، حيدر الزين كنماذج فقط؛ وبها _ اي تلك المنزلة _ كُثُر ...
جميل يا زميل نفيد سعادتكم بأنه لا مانع لدينا من اي منزلة دنيا ترونها سعادتكم مناسبة المافي شنو هو!؟
---------
يا اخوانا الصفقة مالا تعبانة؟ خذلتوني مع منعم دا يا كيزان وين يا شفيف ويا وريف .. ويا لبن بي رغيف؟
النقدة يا شباب .. فاتحين البوست دا نحنا للتشجيع ؤ كدا
يا اخوانا ممكن تقروا البوست الاساسي وتجوا نتفاهم براحة .. ول نخليكم في ي ي ي نعيمكم دا!؟
كرهتونا البلي عديييل كدا ما عندي وكت لي شرح الشرح دا
قد اخسر الدنيا ... نعم لكنني اقول الآن لاااااااااااا
شكراً يا خنتيلة ... على كلو والله كان ما مداخلتك دي الواحد كان مشى انتحر وجاهم راجع
يا نذير يعني ما مطرود من البورض .. ممكن اكمل اعتذاري عاااادي؟
Quote: يا نذير يعني ما مطرود من البورض .. ممكن اكمل اعتذاري عاااادي؟
والله يا قيقراوي لو ماشالك البورد نشيلك فوق راسنا وكلامي السابق كتبتو كلام زعل ساكت وما عندو معني حقيقي
Post: #42 Title: Re: سمح ونص خمسة Author: د.نجاة محمود Date: 05-18-2013, 05:09 AM Parent: #41
جميل انت ياقيقا وولد ناس يشهد الله
ليك احترامي ومودتي التي تعرفها وربنا يخلي ليك العيال وامهم
Post: #43 Title: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 09:14 AM Parent: #42
في ظل تغييب تبارك يا شباب انا مضطر نعيد كلامي بصورة اكثر وضوحاً ...
دي المداخلة الاساسية هنا يا شباب
Quote:
Quote: الزول لو قال ليك أي حاجة يا حمودي بتزعل وطوالي بتقلبها عداوة وتقعد تردم المداخلات بلا توقف كما صنعت مع محمد عثمان والبطل وآخرين. أتمنى أن تخليني في نعيمي بدون عادتك السيئة هذه، أي تعمل لي طلبية استثناء خاص من عادتك دي، شكرا لتفهمك.
اعتذر هنا -اعتذار غير ذي عوج- اني زول بزعل فيما اراه حقي وعن ازعاجي للناس بعادتي السيئة هذه
-----------
آخر ما اتمناه في دنيتي الفانية دي كسب الاعداء وأحمد الله - من جانبي- لا استطيع عد عدو وااااحد وبالقطع ود البتولا لم ولن يكون عدو .. ولا في واحدة من اساطيرو الاخيرة دي والله هو العالم بما في القلوب ..
ودا سبب البوست دا ذاتو!! قديمن قيل بحق: الطبع يغلب التطبع فلا تلموني فيما لا املك
لخير كدا اطلب العفو .. اصفحوا فانتم اهل للصفح ونتلاقى في مساحات ارحب
العفو والعافية
-------
وبرضو مضطر لممارسة عادتي السيئة، ما دام الناس ما عاوزة تبطل عاداتها الاسفيرية السيئة* هي بالمقابل .. ولا عاوزة تعتذر
* تعديل عنوانا البوست بدون ما يشاوروني. * اشباع شهوة التعليق قبل القراية وفهم (الموضوع) ذاتو شنو!؟
تواتر عن خالد ماسا عن منو ذاتو ما عارف انه قال:
"ان لم تكن متأكداً انك قد اجدت القراءة، لا تشرع في الكتابة ابداً"
رواه قيقاراوي .. وقال حديث صحيح
البوست دا انتهى في المداخلة الاولى .. لكن مع الوضع الجديد دا مضطر امارس اسوأ عاداتي .. واردم عسى ولعل الفكرة تصل لمن لم تصله.
شكراً لكل الشباب هنا وشكر خاص جداً -وعله يليق - للصديقة دكتور نجاة يا دكتورة انت زولة اصيلة .. ودي حاجة نادرة الزمن دا
سأعود
Post: #44 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: احمد الأمين على إدريس Date: 05-18-2013, 09:42 AM Parent: #43
إعتذار بالمتر والقائمة ويتور النفس كمان - ههههههه ومع ذلك ثرثرتك موهبة وادبك هبة ..
Post: #45 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 09:45 AM Parent: #43
قد أخسرُ الدنيا .. نعم! لكنني اقول الآن: لا
Quote:
Tabaruk S Gibriel · الأكثر تعليقا · Acting president في Green Party of Sudan كالعادة ... قام بكري أبوبكر بإيقاف حسابي لأن البعض هنا لا يحتملون آرائي الصريحة والواضحة ... وذلك - كالعادة أيضًا - يحدث رغم أنني لم أخالف أي لائحة من لوائح المنبر ...
بدون تعليق
---------
معليش اتحملوا اخوكم شوية يا شباب خلوني اقول الفي نفسي بعدين تعالو انشرحوا .. وعبروا عن احاسيسكم الما مؤسسة بي المفروض اعتذر ليهم .. وبدون حيثيات ذاتو!! والشامي ريحة اباطو الاسفيرية يجي يتكلم عن (طفوليتي) بعد داك!!
ح ادردق البوست دا ككرة ثلج .. تدي للعايزن الفكرة .. وللباقين الطراوة بعدها كل زول يجي يمارس عاداتو السيئة براحتو الحرية لنا ولمن سوانا المافي شنو!؟
Post: #46 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: حمد عبد الغفار عمر Date: 05-18-2013, 10:14 AM Parent: #45
المجد لفتح الرحمن حمودي
الراعي الرسمي لشياطين الجن والإنس بالبورد
لماذا تعتذر عن كلمة لا قلتها ودعمتها بقدر ما استطعت من نظريات المعرفة وأقوال المفكرين ووافقك فيها الكثيرون
لماذ تريد أن تتنصل من حكمة الخالق في أن يكون هناك صراع وإختلاف الأمر ليس كرها أو محبة كما ذكر لك عيدروس وانما هو جدال وصراع مناهج وأفكار
هل كلمة لا تكون صحيحة عندما يقبلها من قيلت له وتصبح خطأ عندما لا يقبلها " أو يزعل منها"
الكتاب كما السياسيون يوجهون الرأي العام لذلك فهم عرضة لنقد أفكارهم " ما في زول بخلوهو مطلوق ساي كدا ينظر ويفرض حاجاتو لأنو مفكر أو كاتب أو سياسي ضليع"
انتهى زمن الخم فالكل لديه مستوى "متفاوت" من المعرفة يجعله لا يقبل غير الصحيح وغير ما ينفع الناس
مع التأكيد أن كلمة نعم لا تعني دائما التبعية والإنكسار ولكنها سهلة الإطلاق وقليلة التكلفة أما كلمة لا فلا يقوى الكثيرون على لفظها لأنها تحتاج إلى الأسانيد
لكن نعمل شنو انت زول الله خلقك حنين وحساس نعمل فيك شنو نجدعك يعني؟
لا والله
المهم
* المهم دي تصبيرة لحدي ما يجي تبارك
Post: #48 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 10:31 AM Parent: #46
انتهى زمن الخم فالكل لديه مستوى "متفاوت" من المعرفة يجعله لا يقبل غير الصحيح وغير ما ينفع الناس
-----------
"لا يمكن لأحد أن يقدم صيغة جديدة للحقيقة الكونية ما لم يكن قد تلقى من الله"
"يمكن لمن وُهب وحده أن يقدم رؤية كونية جديدة، مناسبة للعصر وموافقة للحقيقة"
من التعاليم السرية لقدماء المصريين (!)
(استهلال كتاب "العقل في الاسلام" - ص 9)
Post: #47 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: حافظ انقابو Date: 05-18-2013, 10:20 AM Parent: #45
الزول الشفيف النضيف قيقا راوي عهدناك هكذا مسامحا متسامحا .. واضح المواقف لكن ذلك لا يسلب حقك في الرد على من أخطأ بحقك ولا يعني أيضا ان يكون البعض وصيا عليك في قراراتك
الخيار خيارك
______________ عليك الله انا برضو اعتذر لي
اليومين دي انا في حالة اني قللت نشاطي في البورض خاصة بعد انا صنفني البعض ضمن الجوقة الداير حول فلك الصحافة السودانية
عليك الله اعتذر لي
Post: #49 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 10:40 AM Parent: #47
Quote: عليك الله اعتذر لي
حااااضر
بس في بوست تاني .. البوست دا (الصحفيين) غيرالمصرح بهم في العنوان ما ليهم الا الطراوة .. والكلام ليك يا المنطط عينيك!! امش جيب مكتوب من محسن يشهد فيو انك من ضمن الـ(آخرين) ديل .. هذا والا الطراوة ليك وللمنطط عينيو
ياخي هنا عاوزين نختبر المقولة في عضما في الاول:
لزول لو قال ليك أي حاجة يا حمودي بتزعل وطوالي بتقلبها عداوة وتقعد تردم المداخلات بلا توقف كما صنعت مع محمد عثمان والبطل وآخرين.
------
هل العبارة اعلاه ستصمد اما م رياح (الحقيقة) التي لا تبقي ولا تذر غير الحق؟ ام هو مجرد زعم صاعق زاعق .. وعدم أمانة في (حقيقة) دنيوية .. تااافهة .. فانية!؟
STAY TOUNED
وفالك طيب
Post: #50 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 11:28 AM Parent: #49
Quote: الزول لو قال ليك أي حاجة يا حمودي بتزعل وطوالي بتقلبها عداوة وتقعد تردم المداخلات بلا توقف كما صنعت مع محمد عثمان
أي حاجة اي حاجة .. على الاطلاق كدا؟ ول [أي حاجة ] باطلة من جهة شوفي يا محسن؟
اها زي نوع كلامك دا ياهو البزعلني والله صحي
لانو باطل اريد به باطل!! يا زول اصحى من ذهولك دا قايل نفسك بتكتب وين انتا؟
--------
فيما يخص محمد عثماننا هو عضو هنا معانا .. وله ان يشهد من ناحيته اما من نحايتي، فوضحت ليك الما بتقدر تشوفو (النوايا) التي لا يعلمها الا الله (بالمناسبة كان قاصدني بالايات الجبتها بهناك دي كدي بالاول ابداها باسم الله والتعوذ من الشيطان! شايفك اتحسنت شوية واتواضعت وبقيت تقول في اعتقادي واظن .. و"الله أعلم" يا دوب!!)
قال ربنا تبارك وتعالى :
بعد العباذ بالله من الشيطان الرجيم بسم الله الرحمن الرحيم
كلامي معاك هنا دنيا دنيا وحق الله عافي ليك دنيا وآخرة .. والله على ما اقول شهيد المافي شنو؟
لكن ما عندي سكة غير الردم والعادة السيئة دي ما عندي سكة تانية
ح انقل ليك آخر تقاطعات لي مع المذكورين واتمنى تمتلك الشجاعة وتجي تثبت كلامك .. او تعتذر بانو حظ النفس عني لا اعتذار مطلوب .. تعتذر للحقيقة .. و والله لا احمل لك الا كل محبة .. واتمنى لك كل خير
Post: #51 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 12:05 PM Parent: #50
Quote: السلام عليكم ورحمة الله وبركاته يا محمد عثماننا
لو بتقبلا مني .. انت برضو نفسك حار والمقطع الانقليزي بقول [والآخرين] .. وانت قلت في شخص واحد، او ما يعادلها. بعدين الوعود البطلقا اوجلان، او انكسارو او موتو حتى لا يعني نهاية الثورة بطلع مك من يات من حتة ..
خذ مثل قرييييب بالحالة الجنوب سودانية
وتابعها من توريت عام 1955 لحدي مآلات 2011م
تحياتي ليكم الجوز
قيقراوي (سابقاً)
----------
يا معاوية ما ليك حق والله
ودا ردو علي:
Quote: يا فتح الرحمن قيقراوي سابقاً كيفك يا حبيب نفسي حار وين يا زول؟ انا جيت عرضت فكرة بس.. انت عارف إنو الآخرين ديل ذكروا فقط في الزحمة مع أوجلان ولم يقدم حزب العمال الكردستاني أي قائمة للرأي العام بمعتقليه.. أوجلان كان يرسل النسوة والفتيات لتفجير انفسهن والان يعلن رجاله أنهم مستعدون لإلقاء اسلحتهم مقابل اطلاق سراحه. لو كان مناضلاً شريفاً لقال لهم لا تلقوا اسلحتكم .. أنا ذاهب وليظل الكفاح مستمراً لكنه اختار الموقف الأضعف وهذا لا يليق به كقائد.
بنفس التاريخ .. لاحقاً عقبت:
Quote: بقصد في الكتابة الاساسية نفسها .. هنا او في المقال التاني
هو رأي شخصي طبعاً
-----------
قد يكون كلامك صحيح عن اوجلان تحديداً .. لكن الثورة بروسس كبير .. ومساراتها ليست مستقيمة كاستقامة اهدافها ومراميها ..اي ثورة ليها انكساراتها واحباطاتها لكنها في الاخر بتنتصر .. هكذا علمنا التاريخ
وين العداوة هنا يا محسن!؟
--------
كفاك ول اردم زيادة .. هناك المزيد .. الصرييييح اكتفي بهذا القدر بخصوص محمد عثماننا ولو كان له رأي آخر فليتفضل غايتنا الحقيقة ولا شيء غير الحقيقة ول شنو!؟
Post: #52 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 12:50 PM Parent: #51
Quote: بس حمودي الأيام دي ما مستحمل .. وبينجرح من النسيم!
صدق حسين .. برغم انو الفاظو ما حلوة الومين ديل كاتب هذه السطور البائسة زول حساس شديد .. لذا لزم التنويه
بالمناسبة العداوات البلا صالح دي برضو سئمت منها انا! من يوم الليلة دي، حسين دا صاحبي الوتد بالوتد، نربط حميرنا في نص ص ص ص ص حمير الكتاب المافي شنو!؟
والبطل ذاتو صاحبي ..
لو واصل في نهج النكت البايخة وركز على الفورة كم .. وساعدا بكم حكوة عن التيتل وكمين قصة خرافية كدا .. وكتر في حكاوي الخيلان .. انا خيلاني كلهم ماتوا اطفال .. الا واحد -حفظ عقاب السيمت- ومات في نفس سني دي تقريباً
حولاااااااا!! اذا كنت انا المقصود بالنكرة دا، فابداً والله لم يحصل .. لا معك ولا مع غيرك بل طلبت منك انت ان تتمنى الموت ان كنت من الصادقين، وحجزت ليك مقعد لوج في الجنة .. المافي شنو تاني!؟ وهنالك فرق [كلام بيع] .. ما زي [بيع كلام]
ول شنو!؟
عمري ما اتمنيت موت زول .... نحن انصار الحياة .. بنرفض نحنا نموت ان شاء الله طول العمر يا عمك (ياخي 1980 الاتخرجت فيها دي انا في تانية ابتدائي)
-------
مع الاعتذار لملاسي على الاملال بالمناسبة ممكن تعتبروا لي (ملاسي) ممثل حصري و وحيد لـ(آخرين) ديل
بالجد انا دا ذاتي مليت .. وزهجت وقرفت من الورجغة البلا فايدة دي!!
وانا ماشي .. وامكن ما ارجع (للضمان كدا: حسب النفسيات)
مسئولين من الخير -نافخي الكير ومريم زخيرة يمتنعون- انتو البطل دا بكتب لي مساجين؟ وكان مساجين .. نكتتم دي ما سمعوها؟ ياخي نكتة الفورة كم دي غبارا يعمل وجع حلق عديييل كدا!!
قليك واحدة جات ماشة جمب السجن .. مسجون شاغلا من فوق الاسوار: شنو يا تتي!؟ ردت ليو بأسى يليق: وا شريري .. وا شريري .. انت مسجون من زمن تتي!؟
THAT SAID, او بالعربي: اقول قولي هذا واستغفر الله العظيم لي ولكم قوموا الى ما ينفعكم ويصلح حالكم ومآلكم مالكم ومال الورجغة اللا بتقدم ولا بتأخر!؟
نتلاقى في ساعة خير وكان صاحب الوداعة استلمها .. فلله ما اخد وله ما اعطى والعفو والعافية
Post: #53 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Hussein Mallasi Date: 05-18-2013, 01:56 PM Parent: #52
كان (املال) ما عارف .. يعلم الله هلكتنا هلاك!
_______ عليك أن تعتذر عن اعتذارك!
Post: #54 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: عمر محمد ابراهيم Date: 05-18-2013, 02:20 PM Parent: #53
Post: #58 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: عبدالمنعم الطيب حسن Date: 05-18-2013, 03:04 PM Parent: #56
Quote: كان (املال) ما عارف .. يعلم الله هلكتنا هلاك!
_______ عليك أن تعتذر عن اعتذارك!
هذا رد فعل طبيعي، لكل ما هو غير طبيعي؛ ضرِّي ، ضرِّي عيشك يا ملاسي الهواء قبلي ؛ ولا احلى .....
..................................
اها يافتح الرحمن، خم وصر؛
Post: #59 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 03:12 PM Parent: #58
Quote: اها يافتح الرحمن، خم وصر؛
اخم واصر شنو يا منعم؟
--------
انا اديت ملاسي خيايرين (يا انو كذب في اني ما كاتبو المفضل، يا كمان مخو دا يكون ما حلو .. البخليو يقرأ من الاساس ذاتو شنو؟)
اها انت رأيك ياتا؟
اسمع انت نزلتني اسفل سافلين عشان انضميت لمنظمة عدم الانحياز بتاعة كمال على الزين (الكنت معتقد انو عدوي برضو) ول شي تاني؟
Post: #60 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: كمال علي الزين Date: 05-18-2013, 03:14 PM Parent: #58
Quote: اها يافتح الرحمن، خم وصر؛
الاخ عبدالمنعم أظن أنك مدين لي باعتذار عن اتهامك لي بعداوة فتح الرحمن الممل ده لما جيت اتبرعتا بشرح نواياي من بوست كاتبي المفضل .. اها انتا زي فتح الرحمن ده بتعتذر وناكل باسطة .. قال عدو عدوك صديقك ..
_______________________________________________ معليش ياعدوي فتح الرحمن عشان استخدمتا البوست بتاعك لسؤال الاخ عبدالمنعم
Post: #61 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 03:29 PM Parent: #60
Quote: معليش ياعدوي فتح الرحمن عشان استخدمتا البوست بتاعك لسؤال الاخ عبدالمنعم
ما عرفتك وانت مجلط شعرك .. وشاقيو من النص .. من كترة الجل
------------
ياخي منعم دا -رغم انو خسف بي الارض- لكن ح ارفعو لمقام كاتبي المفضل ... لبقية الربع دا
ياخي كونو يجيبك دي براااه كفاية صدق يئست من قوة عينك دي .. وضميرك المافي قلت ما بتجي في شهادة حق انتا! وخااااب ظني
Post: #57 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 02:52 PM Parent: #53
Quote: عليك أن تعتذر عن اعتذارك!
مش شغلك
---------
عاوز تشهد .. اتوكل على الله ما عاوز .. خليك في نعيمك دا
انصرف راشداً ما تبقى ممل وما بتفهم في نفس الوكت اكتفي بالطراوة كان ما فاهم لحدي اسي
حسن والله انا جادي عاوز اسمع منك هل بينا عداوة؟
دا موضوع البوست يا اخوي .. اها اديناك النجيضة افيدنا باك .. خليك مرة واحدة مفيد في عمرك المنبري الممتد
Post: #62 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: تيسير عووضة Date: 05-18-2013, 07:33 PM Parent: #57
الفوق ليك والتحت لي ملاسي ..
Post: #63 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: تيسير عووضة Date: 05-18-2013, 07:39 PM Parent: #62
يا أنا الليلة ضحكت لي ضحك بتاع شهرين لي قدام
إنت يا قيقا ليك يومين تقدم رجل وتأخر التانية ووقت الرحمن فتحا عليك وقفلت الباب ومشيت يقووووم ملاسي تاني يجيب سيرة البحر بس لا بريدك لا بحمل بلاك
وإنت ما صدقت تاني جيت راجع بالتيلة تاني حتى تمرق
قال إعتذار قال
Post: #64 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-18-2013, 10:03 PM Parent: #63
Quote:
بس لا بريدك لا بحمل بلاك
انت اسي قايل البرعب ملاسي شنو؟ خايفني امشي من هنا قارئ العزيز على ألبي دا .. بنتحر شكلو
شفتيو فارة كيف؟
لمن خلعني ذاتو .. بسم الله الرحمن الرحيم .. التقول كان قاعد لي في مفتاح انتر جبت سيرة الؤط .. وقبل ما اعمل رفرش جا ينط!! وبرضو يكضب يقول ليك بمل!؟ طيب الجابرك شنو .. راسك دا ما فيو طايوق!؟
قالوا في المثل الملفق : عدو عاقل خير من (صديغ) غوغائي
الحمد لله انا -حظي كدغيغ- غوغائين بي هنا وبي هنا!!
--------
انتو يا اخوانا ابوحمد بتاع الفيس دا جايي مع منو!؟ ول جا براو!؟
يازول اعتذار بتاع فنيلتك!؟
اعتذر انتا دا كان مشتهي الاعتذار
اسي دا كل الطلعت بيو من البوست دا
اجل دثريني يا صفية ونوحي (دي على وزني غطيني يا صفية وصواااتي!!) اللهم عليك باصحاب قيقراوي كان بقوا ما بتفرزوا من اصحاب البطل(اقرا سذج)
Post: #65 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-19-2013, 08:34 AM Parent: #64
هههههههههههههههههههههههههه يا قيقا .. ما يفوتكـ الحمار التحت!!
Post: #66 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 09:09 AM Parent: #65
Quote: هههههههههههههههههههههههههه يا قيقا .. ما يفوتكـ الحمار التحت!!
ما شايف والله الا تجيبو انت
---------
وكان نبز ساي .. جليو يا عمك النبز عمرو ما كتل ليو زول .. والشتيمة قالوا بتدور وتدور وبترجع لصاحبها
يا شباب الله يرضى عليكم انا البوست دا ما فتحتو لنقاش ما اتيت من أجل حوار ولا حاجتين انما اجندتي وااااضحة .. انو اقول كلامي انا فقط لا غير وانتو دوركم تصفقوا وتكتروا من يا رائع يا شفيف .. والحاجات الما عارفين معناها دي
اها روعونا بالله .. ما تلخبتوا الاختساسات!!
Post: #67 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-19-2013, 09:15 AM Parent: #66
أبدا يا قيقا .. ما نبذ ولا حاجة فيديو ممتع عديل .. أداكـ النجيضة!
Post: #68 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-19-2013, 09:17 AM Parent: #67
هههههههههههههههههه يا عبدو أقسم بالله حماركـ صنع يومي عديل! لكن جيتو هنا كمان صعبة بالحيل!! عارف ناس القراية بي ساعة الحُمار!!
Post: #69 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-19-2013, 09:22 AM Parent: #68
تعرف يا عبدو .. بعد دا ح يكون في مصطلح جديد اسمو (التفكير بطريقة حمار قيقانظرية)!!
Post: #70 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 09:37 AM Parent: #69
Quote: تعرف يا عبدو .. بعد دا ح يكون في مصطلح جديد اسمو (التفكير بطريقة حمار قيقانظرية)!!
الحمد لله كان كدي
---------
من يوم حبيب ألبي اداني وتد جمبو في نص مواقف حمير الكتاب .. وانا محتار
حمار ما عندي .. اربط فيو شنو يا حسرة!؟ لكن ربك ربك الخير اهو جاب لي حمار .. واداني نظرية (مع اني ما شفت الحمار .. ولا عارف النظرية شنو؟) لكن لا مانع لدينا .. انا اصلاً بحب الشهرة وصراحة ما عندي زمني -انا زول عجوز وصاحب عيا بعيد عنكم- اقعد اقرأ وافكر واكتب
أعتمد يا عمك وشكراين ومقدرين حسن تعاونكم سلفاً يا عبدو
Post: #71 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-19-2013, 10:42 AM Parent: #70
Quote: هاهاها خلينا نسميها طريقة الموترجية أو الموترجوية لانو لو بارينا الحمار حنجيب سيرة البحر .. قاليك جادي معتقد انو الزول مستعمل الهنايات ساعة رملية وكده هاهاها
Done Ya Abdouuuuuuu
Post: #72 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: معاوية الزبير Date: 05-19-2013, 10:50 AM Parent: #71
تعرف يا ود الصايم -بعد التحايا وكدا- أجمل ما في قصة الحمار دي إنك can tell many things, not only the time منها: - ----------------------- لكن "مأيت" يا عبدو
Post: #73 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-19-2013, 11:02 AM Parent: #72
Post: #74 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 11:18 AM Parent: #73
اخرجوا من هذا البوست جميعاً شنو عملتو لينا فوضى وغوغائية يا شباب
------
صراحة ما شفتا .. لكن قلبي اكلني من موتر عبدو دا
يا شباب انا البوست دا فتحتو لـ(قضية) محددة انقلعوا من هنا
خلاس جبرنا!! بابح
المداخلة الجاية (القفلة) .. التصحيح وتوزيع النتائج الما بلقى اسمو .. يدور موتور كان عندو حديدة .. او يكب الراندوق الحميري لدابته .. بتعرفوهو؟
Post: #75 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 12:30 PM Parent: #74
الاول: حبيبة ألبي وثبات عقلي ودرقتي وسيفي:
Quote: والكلام القالوا محسن خالد (غير صحيح )
امنة مختار
صدقوا كل البوست دا قائم لأجل وبهدف الوصول للنتيجة دي (عني ما كان ممكن اقولها .. مش يمكن يكون العكس صحيح؟)
الاول مشترك:
Quote: الكلام المقتبس دا والله النصيحة جارح شديد وخصوصا لو جا من محسن خالد (كما ظنيت )..
د. بلة موسى
المركز التالت و(الطيش) ايضاً:
Quote: فيا حبيب لك أن تحب محسن ، ولك أن تكره كتااباته الأخيرة .. ولا ينقص ذلك منك شيئاً
والطيش لانو رجع طبزا .. وقيل جلاها ثااابتة بي:
Quote: لا تحتاج إلى إعتذار فقط قف مع مواقفك لا تحتاج لإعتذار
الباقين .. وقيل في رواية مجيدة (الباغين) .. لم ينجح أحد!! كلو واحد جايبو غرضو .. الجا يونس الناس باحاسيو الساي والشامي ريحة اباطو يدوب لبس روب الوعاظ و تمحس في حكمة لن يسمح له عمره بها .. وجا ينصح! وزعيم الغوغائيين جا مارس اسوأ عاداتو!! وتيسير جابت فتيل سطحيتا كلو .. دفقتو لينا هنا شنو ما صدقتو لقيتو ليكم زول عندو نفسيات ويتيم وكل واحد عامل ليو في منقطا!؟ اكرهوا نفسكم ياخي!؟
تاني بتجوا؟ ما قلنا ليكم اقروا يا شباب شايفين عدم القراية بتعمل شنو!؟
--------
رحلة البحث عن (عدو) عاقل .. وبخاف الله في ظل بحار الغوغائية الهادرة
يا شباب الله يرضى عليكم ارحمونا من غوغائتكم دي!! ياخي انا طارح نفسي بي (حمودي) دي كـ(مفكر) ما تقفلوها معانا بالله!! الزول ما يتوهم معاكم .. ما كلكم عاهات نفسية ومدعين في (السراي الصفراء) دي خلاص جات على ود بت السيمت؟
د. نجاة ياخي والله عاجز عن ايفائك حقك .. ومستحقك وفي نص السيرك العملو لي الشباب هنا دا ما قدرت اقول الكنت عاوز اقولو .. لو ادوني راحتي
قدر ما فتشت في نص الغوغائين الهنا ديل والحولي ما لقيت زول يستاهل لقب (عديق) فا شنو ما تخدمينا في الحتة دي ؤ كدا على الاقل بكون مطمن .. قديمن قيل: " الما بخاف الله الزول بنخاف منو" .. لكن انت دي انا جانبك بأمنو على نفسي واهلي وذمتي .. وبقدر اختلف معاك في كلو بعد دا
اها قلتي شنو؟
Post: #77 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: تيسير عووضة Date: 05-19-2013, 12:50 PM Parent: #75
Quote: وتيسير جابت فتيل سطحيتا كلو .. دفقتو لينا هنا
لا لا خليت حبة في آخر الفتيل الدنيا ما معروفة
والله يا قيقا يا حبيب ألبي ما يحدث على وجه هذه البسيطة سطحيتي دي زاتا كتيرة عليهو
ياخ البحفروا الترب مش بقولوا ما تغرّق؟
ما تغرّق ياخ السطحية هي الحل
وقديماً قال الشاعر:
أختا الرملة ما تقع البكان الهش ..
Post: #76 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-19-2013, 12:49 PM Parent: #74
يااا عيدروس ياخ كم مرّة يقولو ليكـ ما تضرب التأمين!!
Post: #78 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد البشرى الخضر Date: 05-19-2013, 12:53 PM Parent: #76
حسي يا قيقرا انا ذنبي شنو خليتني مع الباغين, زول عجبتو حاجة ما يقول عجبتني!!
Post: #79 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أمير محي الدين محمد Date: 05-19-2013, 01:03 PM Parent: #78
Quote: حسي يا قيقرا انا ذنبي شنو خليتني مع الباغين, زول عجبتو حاجة ما يقول عجبتني!!
ولاّ أنا الجاي جاري فيروز بي ترترها ...يااا دا الكسوف
Post: #80 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-19-2013, 01:12 PM Parent: #79
Quote: يااا عيدروس ياخ كم مرّة يقولو ليكـ ما تضرب التأمين!!
يا عمك النعمة حرام يدسوها
Post: #81 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 01:18 PM Parent: #79
امير والله الترتر ما بناباهو (للضمان كدا انا ما عارف معناهو الاصطلاحي عند (المهندسين))
لكن الفيك اتعرفت تب
زميلن لينا -على وزن صاحبن لينا- زمن الجامعة .. لمن كان شايلنا الشباب .. ومتاوقين الكتاب .. مشى لست الفول والتسالي البتقعد جمب البوابة المين، يبرم في صويفات مقدمة راسو المليان ورجغة ورطانة (سغافية) ويحنك: "يا ست الفول والتسالي، ياخي الواحد زي عندو رغبة ياكل فول وتسالي .. آآآآي هي زي رغبة ما مؤسسة ؤ كدا .. والزول عارف انو المسألة دي مفروض تتم في اطار تبادل واعي او مقايضة بقيمة مكافئة .. لكن بعد داك الواحد برضو عندو الرغبة دي ... اللخ اللخ من هيك حنك ثورجي بيش!!"
انقر ست الفول والتسالي عملت شنو!؟
علي بالحلال حواجبينا ما ينفرز اليمين من الشمال .. ولا بي عملية تجميل ذاتو اظنو بعد عقدتن ديك! خمشت فول وتساليه .. وخلت نعلاتا في ي ي ي محلهن .. جرت لا تلوي على دهشة المجنون الخلتو مع النعلات دا .. ورغباتو الما مؤسسة ديك يرزحوا في ي ي نعيمم!!
----------
Quote: حسي يا قيقرا انا ذنبي شنو خليتني مع الباغين, زول عجبتو حاجة ما يقول عجبتني!!
انت ما محسوب في المهرجلين ولا اسامة بابكر وبقية الشباب القالو رأيهم فيما امامهم
انا قصدت الغوغائين* بس .. الدخلوا باجندات تخصهم .. بلا هدى او كتاب منير
* معتمد اصطلاح د. حسن موسى هنا
Post: #83 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أمير محي الدين محمد Date: 05-19-2013, 01:33 PM Parent: #81
Quote: انت ما محسوب في المهرجلين
بختك وأبسط يامعلّم ــ نحن بعد دا بس نركب موترنا و..نقوم نلف و..نجئ نسأل الساعة كم
Post: #82 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-19-2013, 01:26 PM Parent: #79
يا قرقراوى سلامات ياخ,,
ياخ بطريقتك دى أنا زاتى طالبك إعتذار!! وقصة المداخلة تبداها فى نفق برى وتتمها فى لفة أبوحمامة دى ياخ قصة مؤلمة خالس خالس!!
(زبحتنا زبح )على قول وضاح..
والواضح إنو الهزة الإرتدادية كانت أقوى مما تخيلت!!! (لكن الإبداع إتمركز وإتمحور حول فتيل سطحية تاو تاو دا)
معقولة بس
Post: #84 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-19-2013, 01:36 PM Parent: #82
Quote: والواضح إنو الهزة الإرتدادية كانت أقوى مما تخيلت!!!
شنو يا أيمن ياخخخخخخخخخ ............. الراجل نسارق فيه مسارقة داير ترجعوا لينا مضارب بني عبس
وبيني وبينك لياقتو وجاهزيتو الزمان كلها ظهرت في الهجمة المرتدة .. حتى كاد أن يرجع لنا قيقا كامل الدسم فدحين ساعدنا بالنقدة قيقا .. قيقا .... طرق طرق طرق
Post: #85 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 01:39 PM Parent: #82
Quote: ياخ بطريقتك دى أنا زاتى طالبك إعتذار!! وقصة المداخلة تبداها فى نفق برى وتتمها فى لفة أبوحمامة دى ياخ قصة مؤلمة خالس خالس!!
(زبحتنا زبح )على قول وضاح..
انتو يا شباب قوة عين القراء مع كتابم المفضلين ومفكرنهم الشباب دي مع الكل ول معاي انا بس!! السؤال للزملاء الكتاب والمفكرين الشباب*
-----------
الاولى انعم علي بيها زعيم الغوغئين -من حيث لا يدري- والتانية نفحت بيها روحي البريدا دي براي .. وفرجتها عليها
المافي شنو هو في (السراي الصفراء)** دي!؟
** مصطلح (السراي الصفراء ..) في وصف (مطعم الباشا) الحسنية من صك حبيبنا والمفكر الزميل ايمن الطيب همسلف
والحقوق الادبية لتايسا .. وسطحية تايسا الحقوق الفكرية محفوظة لمفكر زميل ما بقدر اجيب اسمو .. الهوا بقسمو (لا بالجد ما ليو في غوغائياتكم دي لذا نتحفظ على الاسم مع حفظ الحقوق) في معرض دفاعو عن (رأي) لتيسير وتبرئة دفاعو عن دفاعو دا من أي بيص محتمل .. قال انو اصلاً (مواضيع) تيسير ما من ضمن اهتماماتو .. فتأمل!!
Post: #86 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد حمزة الحسين Date: 05-19-2013, 01:57 PM Parent: #1
نسخة تستحق التأمل لفتح الرحمن حمودى وهو يتخلص من هكر قيقا : : : تحياتى يا راجل يا كبير ياخى دقهم واعتذر لهم وخلينا نستمتع هو المافى شنو
Post: #87 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: اساسي Date: 05-19-2013, 02:31 PM Parent: #86
يا محمد المشرف انا ما شايف اي سبب او مبرر لغضبتك من الاخ قيقراوي كونه " ركبك التيتل" ., الاخ قيقراوي اتصالح مع نفسه واعتذر من البطل لأسباب اراها موضوعية واظن معي البروف امين نوتة في تلك الرؤية , فالبوست الولغ فيهو قيقا في سيرة البطل كما اوضح قيقا في ذات البوست بتاع البندول انه بوست مفتوح للـ "بل" والـ "هجاء" وما اظن دي ادوات نقد موضوعية , رغم تعلقك باستارها في ذاك البوست ومحاولة ردم البطل من وجهة نظرك الا ان قيقا هنا اعتذر عن ما يليه من مواقف ولك موقفك الذي تحدده ان ركبت " التيتل " ولا شلت " القفة " فقيقا اتكلم عن "هيم سيلف " وما جاب سيرتك , فكونه اعتذار قيقا بيقوم يدى مواقفك في ذلك البوست ضربة سلاخية دي حاجة انت الوحيد المسؤل منها فما في داعي تعمل صاحب "البطل " والبطل الاخير المعني هو قيقا , فحاول انزل من التيتل دا بطريقة آمنة ما استطعت وان كانت الصورة العامة انك الان دقيت الدلجة " ومكندك التراب "
كتب في ذلك البوست امين نوتة مستفسرا من قيقا: سلام يا قيقا ... ياخي قريت كلامك كذا مرة عشان أعرف نقاط خلافك مع البطل في المقال غلبني ... ما عارف ليه جاني إحساس انك قررت تبل البطل بعد داك بقيت تفتش في الأسباب !!
فكان رد قيقا الواضح : البوست دا بوست للهجاء ما للنقد .. والفرق كبيييير الما عارف يلجأ للقواميس .. او يسأل العارفين ولم يكتف واردف قيقا بكل وضوح : يا شباب الاتى لحوار يفتش ليو بوست تاني اآسفين والله لم نأت لحوار هنا .. لكن تبين .. بل الجواب باين من عنوانو [في هجاء البطل] يقولوا ليكم هجاء تقولوا احلبوهو!؟
يعني بالعربي انحنا جمهور الهتيفة والفريجة كان واضح لينا انه قيقا بعتذر عن " تحرشه " بالبطل من اجل متعة الهجاء والبل الذكرها هو في سياق البوست الفتحه والدخلته انت بكراعك الشمال والان بتفتش لي كرعينك الاتنين وما لاقي الشباشب خليك من الكرعين
Post: #89 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 02:41 PM Parent: #87
جاء اساسي متحنجلاً باجندته الخاصة ...
----------
بعد رفع العزاء
التعلق باستار المسرح .. بعد نهاية العرض .. ملهاة قائمة بذاتها
يا شباب انا البوست دا بالنسبة لي استنفذ اغراضه .. وقيل (غرضي المونسني) شكراً لكل من ساهم في رفع البوست (في ناس غايتو ما ح ينالهم من الصالح الا دي) قلت البريح ضميري .. وكل زول وضميرو عاد!
اختم -بالشفتو منكم- بحديث متواتر عن الزميل المفكر الشاب هشام آدم:
الجرذان لا تستطيع مقاومة قطعة الجبنة!
تم اغلاق البوست في ساعته وحينه (بالنسبة لي) والعجبتو (الجبنة) .. ما بقدر امنعو عاد
Post: #90 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: اساسي Date: 05-19-2013, 02:50 PM Parent: #89
بالنسبة ليك يا قيقا انا شايف تستغل فترة "رج" تبارك خلف الكيبورد , وتاخد اليومين او الاسبوعين الجايات ديل اجازة من نفسك تريح اعصابك واعصاب ملاسي بالمرة وجودك المتواتر منذ بدء هيعة البطل كما ذكرت اعلاه " ملهاة قايمة بجماعتها " بحاجة انت يا قيقا لاراحة اعصابك و ملاسي
Post: #91 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 03:11 PM Parent: #90
Post: #88 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 02:31 PM Parent: #86
محمد حمزة حسين تشكر يا معجب
لكن شنو يا شباب اعجابكم ناااشف كدا؟ ياخي الكتاب الزملاء بتلقوا هدايا عينية .. وكدا من المعجبين ومرات مرات كااااش .. الكاش مفيد للصحة النفسية مع الظرف الاقتصادي الداغط دا ؤ ورانا بنات بنربي فيهن ياخ اديكم رقم الحساب؟
----------
نبهني ود البشرى لأمر خطير .. وبالطبع هو غير مقصود يا شباب (الغوغائيين) الفاشلين هنا مقصود بيها اصحاب قيقراوي واصحاب البطل .. بعد التطبيع ان شاء الله ح نوحد المصطلح ذاتو ليشير لنفس (الشي) انا غايتو ما شايف فرق!! مافي داعي للبذار .. ول رأيكم شنو يا الركاب؟
نسيت اهم زول .. وعليه يتم ترسيب عماد عيدروس وإلحاقه بجوقة وقيل جوطة الغوغاء رفقاتو .. منهم واليهم
ويتم تعميد الخنتيلا في المركز الثالث (لو امنة ما الريس كان رميناها ليك .. وانت خضراء مؤلفة قلوبهم ساي لسة .. والتراتبية الخضراء عندنا مقدسة)
وريهم بالله!!
محبات كميات يا ام ملك
Post: #92 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: تيسير عووضة Date: 05-19-2013, 03:43 PM Parent: #88
تعجبني يا قيقا وأنت تتنصل من ماضيك
غايتو بركة كلامي في بوست البندول كان سابق بسنة كاملة وإلا كان هسي أكون ببكي وبنوح وبصيّح على موقفك العامل زي الجنيه السوداني دا
بعدين لمعلومية حضرتكم يا قيقاحاوي
مصطلح السراي الصفراء دا من بنات أفكاري الحيرانة وإن كان أيمن أول من نقله إليكم هنا مش كدا يا أستاذ أيموووني ؟
أو كما قالت
وهذا هو النداء الأخير: ارجع لينا قيقراوي الجميل داك
فتح الرحمن دا غلبني أزدردو يا قول روزمين
Post: #93 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-19-2013, 03:51 PM Parent: #92
اسأل عن الحقيقة .. فيأتون ذرافات ويكلمونني عما يريدون
فتأمل
--------
الشكية لي اب ييداً قوية
الله في
Post: #94 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-20-2013, 00:03 AM Parent: #93
الله يجازي محنك يا عبدو ياخي!!
حبيبنا محمد ياخي ح نضيفك لامنة وبلة .. ياخي اظنك اول زول يشوت في التمنيات
ابو احمد يا حبيبنا ياخي ما بيناتنا
شفتوا المعايير هنا مقلبنة كيف!؟ وقع ليكم كلامنا؟ كان ما وقع عاد حمار عبدو دا ما بتقدر نجيبو بي جوة الحوش .. معانا عوايل هنا!!
----------
اسي يا بكري خليك من تبارك .. النقاش التحت دا ما ارقى من الغوغائية التمت فوق دي!؟
اتمنى انك تراجع معاييرك .. صادقاً والله
وللناس الفاكاها في روحا .. اتمنى انو تراجعوا ضمائركم .. قبل ما تلبسوا لينا روب النصاح ليست رؤيتكم هي الوحيدة الصحيحة دائماً قليل من التواضع يا شباب
Post: #95 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-20-2013, 06:50 AM Parent: #94
يا تاو تاو..
Quote: مصطلح السراي الصفراء دا من بنات أفكاري الحيرانة وإن كان أيمن أول من نقله إليكم هنا
خير خير يا صاحب وما بيناتنا سرايا صفراء سرايا بنفسكج , خانكة , جنخانة ياهو كلو هنا دا..
تحت تحت ما عندي مانع نناقش التحولات خصوصاً إني لحدي اللحظة ما قلت كلامي الكنت دايرة أقولو في السراي الصفراء
المافي شنو؟
Post: #97 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-20-2013, 07:18 AM Parent: #96
Quote: فتح الرحمن دا غلبني أزدردو يا قول روزمين
يا تيتا .. ازدراد (حمودي) بقى يحتاج إلى سفن أب في كثير من الأحـوال!!
سيم سيم طعمية بايتة!!
Post: #98 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Mohamed E. Seliaman Date: 05-20-2013, 08:04 AM Parent: #97
متعة يا فتح الرحمن
بالله أساسي هنا كمان
Post: #99 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: داليا حافظ Date: 05-20-2013, 09:03 AM Parent: #98
يا أخوانا حبيبنا قيقا ده ما حاصلة ليهو أي تحولات ..
لكن زول طيب ونقي شديد عشان كدة بنسى بسرعة ..
بنسى شنو ده عندو زهايمر عديل
ـ
بمناسبة الزهايمر ده قاليك واحد مزهمر بعمل في تمارين رياضية وأدها جكة ..المهم قام تعب شديد ونفسو قام..فوقف ودنقر كدة وختا ايدينو في ركبو عشان يرتاح ..لمن رفع راسو قال سمع الله لمن حمده..
Post: #100 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: تيسير عووضة Date: 05-20-2013, 09:24 AM Parent: #99
Quote: يا تيتا .. ازدراد (حمودي) بقى يحتاج إلى سفن أب في كثير من الأحـوال!!
تزدرد بي سفن أب وتهضم بي شربوت
الشعب يريد قيقاراوييييي
Quote: بمناسبة الزهايمر ده قاليك واحد مزهمر بعمل في تمارين رياضية وأدها جكة ..المهم قام تعب شديد ونفسو قام..فوقف ودنقر كدة وختا ايدينو في ركبو عشان يرتاح ..لمن رفع راسو قال سمع الله لمن حمده..
Post: #101 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-20-2013, 09:26 AM Parent: #99
Quote: بمناسبة الزهايمر ده قاليك واحد مزهمر بعمل في تمارين رياضية وأدها جكة ..المهم قام تعب شديد ونفسو قام..فوقف ودنقر كدة وختا ايدينو في ركبو عشان يرتاح ..لمن رفع راسو قال سمع الله لمن حمده
خالد ود العبيد -ما بتاع سودانيز- صاحبنا، يادوب امامو كبر .. قال آآآآآآآآآىمين مع الجامع الغادي!
ما زهايمر .. لاحق السوق
--------
انتو داليا حافظ دي منو؟ وبوستكم دا موضوعو شنو ذاتو!!
اساسي على العليو حمارو اعرج .. جا -يتحنجل هو وحمارو- بعد جبرنا!!
ياخي ما تباصر لينا موضوع (ماهو المعيار) من جديد؟ بالجد الناس هنا حيرونا كلو كلو
Post: #102 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد النذير الوراق Date: 05-20-2013, 10:16 AM Parent: #101
يا قيقراوي...آسف...يا فتح الرحمن قلت النقدة، فجينا "ننقد" والنقد"دة" خشم بيوت، فهناك البِشّير وهناك صفقة البنات، وغناهن الجماعي...يا الله الله من الصوت الجماعي لغناءالبنات...حاجة تشعرك بالفرح الحقيقي...
ـــــــــــــــــــــــــــــــــــــــــــــ بالمناسبة الحب لابد يكون مُتبادل...الحب من طرف واحد ليس حلاً، ومرات بجيب الشواكيش واللوم والعذابات والظلامات، وكذلك الاعتذار وقديماً قال الشاعر: لأنها من طرف واحد
البراق
Post: #103 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: وليد محمد المبارك Date: 05-20-2013, 10:31 AM Parent: #102
الحكاية بسيطة يا حبيبنا
كن ... أنت
ان نازعتك نفسك للاعتذار .. اعتذر ولا تلوي على قول امنه ومحمد والاخرين وان اضطررت للعداوة .. فعادي فليست كل العداوة ظلم
المهم ان لا تظلم ولا تفجر يعني ما تكون ختااااااااااااااااي ولايوق
عن نفسي لا اجدك ختاي ابدا .. لكن في شي من لياقة
Post: #104 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-20-2013, 10:38 AM Parent: #103
Quote: قبل ايام فى دبى فى خطوط إتلاقت عندك وغالبا بتكون جاتك عشراقة اليوم داك
أيموني ... فك التشفير ولو في المسنجر
سؤال: إنتا في الإمارات؟
Post: #105 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: حمد عبد الغفار عمر Date: 05-20-2013, 10:52 AM Parent: #104
Post: #106 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-20-2013, 10:52 AM Parent: #104
Quote: أيموني ... فك التشفير ولو في المسنجر سؤال: إنتا في الإمارات؟
لا فى باكستان,,
فك الشفير يا كبير وبعد داك بنبقى فى وللللاهى دا ما أنا,, _________________________________ بقيت شغال ضرب تأمينات مبالغة والله..
Post: #107 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-20-2013, 11:40 AM Parent: #106
Quote: لا فى باكستان,,
,ونحنا ما ناس عشراقة... ناس( إزدراد) ساكت وربنا يدي ناس باكستان الصحة وطولة العمر وراحة البال ويديم لينا الصداقة والمحبة والنية السليمة
Post: #108 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-20-2013, 11:51 AM Parent: #107
Quote: (عدل بواسطةaydaroos on 20-05-2013, 10:43 AM)
شنو يا هندسة!!!! نحن يا داب إبتدينا
Post: #109 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-20-2013, 12:05 PM Parent: #108
Quote: شنو يا هندسة!!!! نحن يا داب إبتدينا
إنتا عارف أحلى5 حاجات سودانية 3 : الفتة وأم فتفت .... والفت فشنو : قشة ما تعتر ليك فت اأم فتفت في الفتة (تقدر تقولها عشر مرات سريع وما تغلط)
Post: #110 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-20-2013, 12:11 PM Parent: #109
يا زول فتة شنو أم فتفت منو قول بسم الله!!!
إنت عارف أم فتفت بت منو؟؟؟
إن شاء الله يا عيدروس يلم فيك قرقراوى يفتلك عدد واحد بوست يخليك المنبر دا تشوفو جرجير جرجير..
ياخ ما تمرق من بوست الإعتذارات دا!! أنا منتظر إعتذارى وبعدها تانى ما بجى هنا!!
Post: #111 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-20-2013, 12:16 PM Parent: #110
Quote: يخليك المنبر دا تشوفو جرجير جرجير..
وإنتا جرير (علي قول طلحة تنظير) قايلو زولاً ساهل دا طلع (مثقف) خطير ... وبفهم في الشعر الحديث وقصائد الإزدراد ولو مكضبني أسأل روزمين الصياد .. (ما ود الصايم ... صحيح هو كان هناك لكن ما فهم أيي حاجة)
Post: #113 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-20-2013, 12:27 PM
أقول ليك جرجير تقول لى جرير!!
يا هندسة أعصابك.....
Post: #115 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: AMNA MUKHTAR Date: 05-20-2013, 12:46 PM
المهم ان لا تظلم ولا تفجر يعني ما تكون ختااااااااااااااااي ولايوق
إنظروا من يتحدث فى ثياب الواعظينا ..!!
وليد يا شفت .. على قول المثل المصري :( لو كنتو نسيتو اللى جرى ..هاتو الدفاتر تنقرا )....:)
،،،،،،،،،،،،،،،،،،
تايسا ليكى وحشة والله . وقيقا سيظل عندنا قيقا ، هو قايل تغيير الألقاب سااااهل كدا ؟
هذا مع العلم إن لقبي تغير من الجدة الشريرة إلى ( السلعوة العلمانية ) .. وفى لقب تاني ..خايفة أقولو يقوم بكرى يطردني ......:)
غايتو ليهو علاقة ب(بابل ) .. قرقرقر
Post: #112 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-20-2013, 12:26 PM Parent: #102
Quote: يا قيقراوي...آسف...يا فتح الرحمن
حتى أنت يا بروتس!!
اها الحكاية دي واحدة من انصع تجليات الغوغائية الهنا ..
ياهو اللفحي وختف المحافض البقولو عليو داك بي ذاتو!!
باماكاناتو المتواضعة -حملا ساي الا ربع مما تعدون- فهم كلامي زي ما عاوز يفهمو .. وليته احتفظ بفهمو لنفسو .. جا هنا يرغي ويزبد .. ويتهدد ويتوعد
في ذمتك دا ما عذاب اسي!؟
ياخي -في اطار التبادل الدبلوماسي والتثاقف بين المنبرين الشقيقين- ما تكلم لينا المسئولين بهناك يدونا حق اللجوء السياسي من الكتابات [ الأسافيرية المصنوعة من خامة الإلتواء الأخلاقي و الغوغائية السياسية.]*دي انت تقعد بي جاي تحاول ترفع وعي الوهم الهنا ديل** وانا امش بهناك اعمم الصفوة والزلابية للجميع المافي شنو؟
انا هنا اتعرضت لعسف ما يعلم بيو الا الله .. ما صدقوا لقوا ليهم يتيم وعندو نفسيات!! قيل بحق: لو عاوز تعذب عالم -زي حالتي كدا- ما تسجنو .. او على وجه الدقة ما تسجنو براو .. كدا انت بتكون وفرت ليو كل مسببا ت(السعادة) لكن اسجن معاو واحد غوغائي من جنس حملا ساي .. او حملا ساي الا ربع ديل!! بتكون سمته سوء العذاب كدا!
--------
* د. حسن موسى
ياخي الدراويش ديل حيروني ذاتو في فهمهم للحياة مطلق كدا، وحيواتنا الاسفيرية دي .. وللكتابة!! وفهمم لـ(الآخر) شنو هم ؟ والله لو ما اسفرت غزوة ذات البندول الا عن مقالة د. حسن موسى .. او حتى ما انجلى نطع الموقعة الا عن مجرد المقتبسو منها انا دي لكفتكم فائدة معاصرة لكن ماذا نفعل للغوغائية وسواد النية!!
** والله لو ما خايف من المهندسين يقولوا [بتاع ترتر] .. كان رحبت بيك بي عبارة من جنس [اضافة حقيقية لمنبرنا العامر .. ان شاء الله تستفيد وتفيد .. وهكذا]
Post: #114 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: HAIDER ALZAIN Date: 05-20-2013, 12:40 PM Parent: #112
قل هو الله احد ..
Quote: صدق ابداً ما قاولتو .. ولا شاورتو!! والله صحي
ياهو اللفحي وختف المحافض البقولو عليو داك بي ذاتو!
انا المسكين دا خليني .. حقي وكلت بيهو الله هو حسيبي ونعم الوكيل.. ثم ينتقم لي ببركة انبيائه واصفائه واولياؤه.. ببركة محمد وآل البيت الطاهرين وسيدي نبي الهجعة ووولى المسورات .. صاعد توتيل والتاكا سيدي المحسن الخالد ود البتولا..
لكن هاك الشهادة دي كمان .. وبس انا تاني ما بنضم ..:)
Quote: Ummoayad Moayad ·
الا قاولتو ونص كمان اها وبالامارة في نفس اليوم القاولتو فيه نزل البوست ده . انا علي الشهادةبس حلف اليمين والكابشر علي حيدر الزين .. انت مالك شغال تفك رقبة ده وتنط في رقبة التاني .
رد · أعجبني · متابعة المنشور · 13 مايو، الساعة 01:03 مساءً
اها تعال قول فرمالتك الصفوية الاستعلائية الفوقيــة الانغلاقية بإنه دي جدادة خلا والبيت بيت ابونا وما إلي حيث ذلك من هلمجرا حنك المثقفاتية والمفكرين الذين لا يرون غير رايهم.. ولا يحبون ان يسمعوا غيــر ابواقهم..
جانا جنس دا ونكريبة .. أجي ..!!!!!!
Post: #116 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: aydaroos Date: 05-20-2013, 12:48 PM Parent: #114
Quote: أقول ليك جرجير تقول لى جرير!!
يا هندسة أعصابك.....
ركز يا أيموني وما تبقا ليني زي (ملاسي) و(د. محمد إي سليمان) طوالي شغالين تصحيح عربي ركز علي المحتوى ياخ
Post: #117 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-20-2013, 01:00 PM Parent: #116
هى نان هناك فرق!!! جرجير براهو وجرير براهو!!إختساسين مختلفين!!!
فى الحالات الزى دى المحتوى زاتو بروح شمار فى مرقة!!
ياخ فرصة سعيدة ياخ ...
قرقرا شايفو صحا تانى
تحياتى,,
Post: #118 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-20-2013, 01:02 PM Parent: #116
Quote: Ummoayad Moayad
لا خلاس افحمتني شوال فحم عديييل كدا!!
جايب لي زولة ذمتا لستك
--------
كلو بساعد في تكبير ملف اللجوء السياسي
اللهم لا تسلط علينا بذنوبنا من لا يخافك ولا يرحمنا اسي انا اعتذاري دا بحاول اقلل ذنوبي ساي انتو ذنبوكم كيف؟
ايمن يا عمك قلت لي راجيني اعتذر ليك؟ سمح انتظر في الصف .. لمن اعتذر للقالو حاسين انو (مفروض اعتذر ليو) .. او لمن حمار الوادي يهنق .. ايهما تم قبل القيامة الحق .. يوم التغابن الجد حيث لا إلتواء اخلاقي .. ولا غوغائية سياسية انتو الله دا طوالي خالينو في ضهركم يا شباب!؟
Post: #119 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-20-2013, 01:16 PM Parent: #118
صف !!!!!!!!!!!! صف شنو يا قرقرا!!!
عايز تعتذر إعتذر عديل ما عايز يا زول دربك أخدر بس تانى ما تمشى مع غسان أبوقميص أحمر داك ترفعو فاتحة وتتصورو وتجى تقول لينا مشينا رمى جمرات!!!
يا زول خلاص إعتبرو وصل!
شكرا..
Post: #120 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: HAIDER ALZAIN Date: 05-20-2013, 01:23 PM Parent: #118
هسع بإختصار كدة .. وبدون لولوة يعني تاني ننسي قصة فتح الرحمن حمودي ونرجع لمناداة قيقراوي عااادي كدة وبالاستايل الــ"يعجبنا " والا فيها قولان؟
Post: #122 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-20-2013, 01:39 PM Parent: #120
حليلو قبلو!!
Quote: هسع بإختصار كدة .. وبدون لولوة يعني تاني ننسي قصة فتح الرحمن حمودي ونرجع لمناداة قيقراوي عااادي كدة وبالاستايل الــ"يعجبنا " والا فيها قولان؟
ؤ بعد دا يسألني: [بتعرف المنجلة !!]
قول ما بعرفا .. اسي انت كدا ما ربطتها لي فوق راسي وزرققنتها عليو كدا! وبي كدا بتكون دي اصعب طريقة لدخول المعرفة في راس بني آدم (ركز آآ .. بقت تفرق دي!) بصيرة أخرى (او كما قال شيخي)!!
-------
اشهد ان لا إله الا الله وان محمداً رسول الله!
في دي ليه شاورتا .. ما تسوي فهمك برضو المافي شنو!؟
Post: #123 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: HAIDER ALZAIN Date: 05-20-2013, 02:10 PM Parent: #122
هههههههههههههههههههههههههه
وقع ليك كلامي يا عزيزي " قارئ قيقراوي " اهو جاء ورجغ وورجغ ووورجغ... حتى قال الكيبورد ليته سكت..
ثم في الاخيــر لم يجاوب سؤالنا الاساسي اللي هو هذا ..
Quote: تاني ننسي قصة فتح الرحمن حمودي ونرجع لمناداة قيقراوي عااادي كدة وبالاستايل الــ"يعجبنا " والا فيها قولان؟
بِس عليك غايتو .. الفايدة الوحيدة الممكن اقول اني طلعت بيها من كلامك دا انك بتعرف المنجلة
Post: #121 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: تيسير عووضة Date: 05-20-2013, 01:38 PM Parent: #116
أوووو الجدة الشريرة وحشة كميات يا فردة
قيقا يا أمونة في رحلة البحث عن الذات البقولوها ديك ناكرنا حطب ناكرنا شنو هو ناكر روحو زاتا ..
صدق من قال: الطريق إلى "جهنم" مفروش بالنوايا الحسنة
Post: #124 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-20-2013, 03:00 PM Parent: #121
Quote: الطريق إلى "جهنم" مفروش بالنوايا الحسنة
حسنة بالحا .. كأحسن ما يكون؟
------------
انا باقي لي لو انتحرت ودخلت جهنم (الاصل) .. ما ح اتعذب قدر عذابكم السايمني ليو انت وسابقاً دا، ببطء فهمكم دا انتو بكري بلقى [اليتامى وابناء السبيل .. وشماشة الاسافير] ديل وين؟
والله محسن دا ما نصيح ولا حاجة اسي وهم زيكم كدا البرسلوهو رسول ليهم دا ما بجن ساي!! ما يخليكم تبقوا حطب النار بس .. هو بعذبوهو بيكم قدر عذابكم الح تعذبوهو ليهو من جنس الشفتو منكم دا!؟
اشهد ان لا إله الا الله .. واتوب إليه!!
Post: #125 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أمير محي الدين محمد Date: 05-21-2013, 05:30 AM Parent: #124
Quote: ياخي -في اطار التبادل الدبلوماسي والتثاقف بين المنبرين الشقيقين- ما تكلم لينا المسئولين بهناك يدونا حق اللجوء السياسي
من أمس الكلام دا مقلق بي وحامني النوم فـتمهل يابراق تمهل قبل ماتكلم المسئولين هناك عندنا محاذير لأحبائنا حمودي وقيقراوي ومريم ذخيرة ومن باب ذكر ومن محبة لله ليس الأ... وأنتم الـ 3سيد العارفين حرق المراحل بسوي شنو... دا من جهة ومن جهة تانية إنتم فائقي الإحساس مساخة ملاسي اللذييييذة دي بتزيد كثافتكم ونحن نشيل ونحنّس وبكري الكيشة يشيل ويغير لينا في أسامينا* فهل لكم القدرة على إستحمال كلام على شاكلة يازول على بركة الله يتبعه مشهد وصمت كصمت الحملان كلام أساسي دا آآي جاي متحنجل وآآي نعم متأخر بس ماتجليهو بمداخلة مُجلية و..ياهدااك أمين شايفو رجع يكتب عن مصر والمرة دي ختاها على بلاطة من غير إإي ياسمين لو حابي تعتذر ليهو إعتذر لو ماحابي خُترك ــ * وفيروز كمان و..كمان بس المرة دي من غير ترتر
واللحن مهداه أيضا" للجدة الشريرة صاحبة الأسامي الكتيرة أسامينا..أسامينا شو تعبو ناس أسافيرنا يلّصقو فينا أسامينااا وأخيرا" لو سمحتم سادتي لي بسؤال ساااي كدا حملا ساي الأ ربع دي بتوقيت ياتو ساعة؟؟.. آها كمان لو مٌصمم للمشي هناك يازول على بركة الله وترتر مايعتر ليك...و..نأسف لإطالة
Post: #126 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: وليد محمد المبارك Date: 05-21-2013, 05:55 AM Parent: #125
Quote: المهم ان لا تظلم ولا تفجر يعني ما تكون ختااااااااااااااااي ولايوق
إنظروا من يتحدث فى ثياب الواعظينا ..!!
وليد يا شفت .. على قول المثل المصري :( لو كنتو نسيتو اللى جرى ..هاتو الدفاتر تنقرا )....:)
امنه بوبار خربتي حزب الخدر وكشحتي فيه من نفسك المريضة .. فاصبحت خدرتو ناشفه بقوا كلهم بشبهوك ويا خساره
عليك الله قومي لفي انت عندك مشتاكل نفسية .. واحساس بالدونية والاضهاد...لو وزعوها على اهل البورد لكفتهم .. بتحاولي تتخارجي منها بتصوير نفسك بصورة عكسية يعني طوالي البت خاشه ليك في دور معلمه كبيرة
عليك الله شوفي ليك شغله .. وامشي فكي عقدك بعيد مني وانت تعلمي تماما .. ما ستقلينه ستجدين عليه الرد المناسب تماما
Post: #127 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: النذير حجازي Date: 05-21-2013, 06:56 AM Parent: #126
سلام يا قيقراوي، بصراحة أنا ما بقرأ كل ما يُكتب، وما عندي زمن ولا طولة بال لمتابعة البوستات، فهل نفهم من خاتمة هذا البوست إنو مصالحتي ليك وتوسط ود البشرى كلها فشوش في فشوش؟!
تحياتي
Post: #128 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Mohamed E. Seliaman Date: 05-21-2013, 07:10 AM Parent: #127
Quote: دي لكفتكم فائدة معاصرة
Post: #129 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أمير محي الدين محمد Date: 05-21-2013, 07:33 AM Parent: #128
هههههههه متعة والله ..متعة هو بالله الحبشي هنا ــ بوست الإعتذارات... اللي مامعروفة كيف كيف دي إجتمعت فيهو كل عناصر الآكشن النضيف ما ناقص الأ واحد ينوبو ثواب يملأ يدينو ويعمل المديّدة حرقتني ...بالعدم يعمل المنجلة زرقنتني .. عنيّ أنا غايتو يااادوبك برلوم ..وشغل المحترفين والمهندسين ورؤساء الأحزاب والسيناتورات دا بتفرّج فيهو من بعيد ..بعيد
Post: #130 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: HAIDER ALZAIN Date: 05-21-2013, 07:36 AM Parent: #128
ماتضحك يا حبشي .. فقيقراوي .. آسف فتح الرحمن حمودي .. لا يستحمل العصِر والمصِر.. والفائدة المعاصرة فيما اقتبسه من قول يفيد انه العصِر والمصِر " البطولي للبطل" اننا ( دعوناهم لابائهم ) المااافي شنو.. قيقراوي - سابقاً - انسان انفعالي .. ومعتزرجي .. ومبرراتي .. دي عارفنها.. لكن فتح الرحمن حمودي دا .. لي هسع ما عرفنا عنه غيــر انه قيقراوي مزعلو .. ومزعلو شديييد عشان جابوهو في الجرائد
المهم .. ( حقت تبارك لغاية ما يقوم من الملاريا بالسلامة)
Post: #131 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: داليا حافظ Date: 05-21-2013, 11:20 AM Parent: #130
يا حيدر ..
Quote: هسع بإختصار كدة .. وبدون لولوة يعني تاني ننسي قصة فتح الرحمن حمودي ونرجع لمناداة قيقراوي عااادي كدة وبالاستايل الــ"يعجبنا " والا فيها قولان؟
آر يو كيدنغ هيم ؟
تعرف سالتو مرة قلت ليهو أنت غيرت اسمك ليه لليلة لافي بي صينية ..
ياخ قيقا ده إجاباتو فلسوصوفية من شان هيك جر اللالوبة بس ..ولو ما عندك محبة ما عندك الحبة ده الجواب..
يافتحراوي ياخ بالأكتر ..وأنت عاجبنا بايتها شكل كان ..
ويا أمونة غايتو السلعوة العلمانية دي مبااالغة من مبالغات العصر الحديث ..موتا بالضحك ..وشكرا ليك كتير على الترحيب البهناك ..
Post: #132 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-21-2013, 12:53 PM Parent: #131
Quote: آر يو كيدنغ هيم ؟
تعرف سالتو مرة قلت ليهو أنت غيرت اسمك ليه لليلة لافي بي صينية ..
آر يو كيدنغ هيم ؟ ام:
آر يو كيدنغ مي!؟
يا شباب -قسماً بالله العظيم جادي- انا فترت من حلب التور دا يا اخوانا ما تفضحونا وتخلوا القبيلة تتبرأ مننا .. انتو قايلين النت دا ما جانا في امطرقاً عراض .. كأعرض ما يكون ول شنو!؟
يا شباب للمرة الاخيرة
فتح الرحمن خلف الله عبد الكريم حمودي
دا اسمي الكامل .. كما تنص كل الوثائق الرسمية (جواز سفر/اقامة/شهادة الميلاد ...اللخ اللخ)
شنو هو الغيرتو دا .. دايبر هو!؟
العاوز يعرف السبب (الحقيقي) للرجوع -ركزوا- لاسمي الحقيقي يراجع:
ثم كيف يعني يا حيدر يا غوغائي عاوزني انفي حاجة اصلاً انا ما قلتها .. ولا بقدر اقولها اصلاً زي ما ربنا قدرتك على الغوغائية .. مفروض تبطل الالتواء الاخلاقي دا .. وتتشجع تفتح ليك بوست بالصيغة:
اعتذار للاستاذ/ المفكر الدخلو حملا ساي ضمن الكتاب، بعد ما شاب العالم العلامة الحبر الفهامة سيدي فتح الرحمن قيقراوي حمودي، مريم زخيرة ، الزعيم وحيد، فريدة، ود الحاجة، ود التومة .. ود بت السيمت ... اللخ اللخ
تصدق كل الاسماء دي اتسميت بيها يوماً ما والله صحي
ياخي الاسم مجرد لافتة .. بنفتريها نحن واباؤنا الاولين .. فيها تحتملها ساقينا .. وفيها نسقط وكلو ما انزل الله به من سلطان
احكي ليكم حكوة (فريدة ؤ وحيد) وتاني كان حلفتوني بوستيني دا ما جاييهو .. واللتنين في المتوسطة لو بتتذكروا في نايل كورس في شخصيات (امين/فريدة) .. مع دكتور تروتا .. Car اها الاستاذ/ طلب واحد يمثل دور فريدة .. الناس كلها كشت .. وتقدمت انا في المتوسطة ومع بدايات اننا بنشم اباطاطنا .. اتلصق فيني الاسم .. وكان حاجة مؤزية جداً تعرف ليه؟ لاني كنت بضارب اي زول يقولو لي برة الفصل!!
(وحيد) بنفس الرتم ..
ومناسبتها في تالتة كنا بندرس (جين اير) في اللترتشا .. ومشتركين في الكتاب تلاتة .. وفصلنا جمب المزيرة الزول الفي النص نطت ليو قعونجة في رجلو -باااااردة ولزجة- اتخلع نطا .. كبس الدرج بي ركبتو .. الكتاب جانا طاير في ي ي وشنا بعد طارت سكرة الخلعة .. وحلت فكرة كوميديا المشهد كلو .. كان الاستاذ انتبه للموقعة ذات النطع والغبار دي .. حدد المنطقة .. لكن ما قدر يحدد المجرم/المجرمين .. وقفونا كلنا .. وبدأ -للغرابة- بنفس المصاب .. وانكر انو ضحك سألوني انا: دفنت دقن .. قلت ليو ما عارف .. انا كنت متابع طاااخ جاني السؤال: واقفين وين جاوبت بثبات -بعد الاستعانة بصديق خت لي يدو محل واقفين وقريت بثبات: (ماي بيرنتس واظ ديد وين آ واظ أ بيبي آند ليت مي ألون .. اللخ اللخ) رحمة مافي كلو كلو الزمن داك سين سؤال: (ليت مي) يعني شنو؟ الصديغ* في وكت الضيق .. همس لي انو الترجمة بالعربي بالرصاص فوق .. كشفت ليك كدا كحلت ليك (وحيد) كف نف لفحتها ونفحت بيها (اللستاز) .. طلعت قصاد وترجمة (ألون) دي الرحمة انعدمت بين الناس .. معاها هوزيز راس كمان : وحيد يا وحيد!؟ فصارت مثلاً جرت به العربان
عالم الله وشاهد نحنا ابطال عديييل كدا .. اسي دا (اوستاز) دا ول شماشي!؟
فااا شنو ما تقعد تمارس غوغائتك دي علي .. تاريخي الممتد مع اللسامي دا ساي ما بسمح لي اكون قاولتك .. ولا شاورتك كلو كلو
يا شباب قلت كل العندي هنا وشرحت كل المحتاج شرح لم يعد لدي ما اضيفه ولا قدرة حلب التور .. وضعي الاممي كـ(قيقاراعي) ما بسمح لي كل زول يحلب تورو الجا كاريهو هنا .. وبعدين بستروهو مخيرين
انا دا دقيت خروج نهائي ... بلا عودة البوست دا كان اختبار لصحة مقولة .. الناس قالت رايها بما يرضي ضميرها ول شنو!؟
Post: #133 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-21-2013, 01:06 PM Parent: #132
قرقراوى كان إسم فتحى حمودى دا برضو ما قسم معاك أخوك بقترح عليك تغيرو ل( ستة شنكل)!!
أو قرقر الميل أربعين كلو ماش,,
تحياتى ياخ..
ـوأقترح نلحق البوست دا بأغنية (أغلطو إنتو يا حلوين نجيكم نحن بالأعذار)
Post: #134 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: HAIDER ALZAIN Date: 05-21-2013, 01:11 PM Parent: #132
Quote: تعرف سالتو مرة قلت ليهو أنت غيرت اسمك ليه لليلة لافي بي صينية ..
ما بيلف بيك صينية كيف يا داليا ؟!. دا ملك الصينية .. وملك اللف.. ( طبعاص لف الكنافة عشان ما تقولوني ما لم اقوله )
شوفي بالله اللف واللف والووورجغة ..
هسع عايني يا ام ملكة انه قال شنو ؟
Quote: العاوز يعرف السبب (الحقيقي) للرجوع -ركزوا- لاسمي الحقيقي يراجع:
وعندما ترجعي لما اتي به تجدي :
Quote: الحمد لله الذي خلصنا من رجس (قيقراوي) ذات الـدبل G
يضحك نهارك والله
انت النسألك يا محسن .. (شيث) دا ما جاب غيركم انت وعادل عبدالعاطي ديل بس؟ اسي الاقرب ليك دماً منو فينا؟
غايتو طمنتنا .. لو عادل مفروض يعبر معاك البوابة بكون وكتها حمار الوادي بهنق!!
وهي مبنية على مقتبس فيه : بعدين ميرا ابنة الشيطان، وقوقل كذلك هو اسم لأحد الشياطين. يعني ود القرشي صاحبي قبل كدا قال لي إنه هو قوقل، إذن هو شيطان بخشم الدرب، وابنته ميرا.
ابو الزفت زاااتو
لالالا خلاص فهمنا ..فهمنا
ــــــــــــــــــــــــــ والله اصلوا ناس المتوسطة ما غلطانين عليك انت شخصية فعلاً " فريدة " و " وحيدة " أحييي يا فريدة تاني بدل احي يا صفية.. هسع اللكنك كدة جاوبت يعني
Post: #135 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: AMNA MUKHTAR Date: 05-21-2013, 11:56 PM Parent: #134
كيفك أم ملك ، سلعوة علمانية ما لذيذ زى الجدة الشريرة هيك وللا موهيك على قولك ؟
غايتو النكتة الجبتيها إستخدمتها طوااالي ضد زول صاحبنا نسااااااي ...:)
::::::::::::::::::::::
وليد الشفت دا هاج وماج كدا مالو ..مع إنو هو الختاااااي !!
أما بخصوص الرد المناسب ومش عارفة إيه .. زماااااان عصرناك لما جبت الزيت ..وإعتذرت وقلت الرووووووب . فشنو ..شوف مواضيع الكورة أحسن ..لأنو التعاطي مع الطفيليات من أمثالك ضياع زمن .
بعدين إنتو حزب الخضر (الخدرتو ناشفة ، وسيجارتو خدرا ) دا شاغلكم كدا لييييييييه طيب !!
Post: #136 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Yassir Tayfour Date: 05-22-2013, 00:39 AM Parent: #127
Post: #137 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: النذير حجازي Date: 05-22-2013, 05:42 AM Parent: #136
عفواً
Post: #138 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: وليد محمد المبارك Date: 05-22-2013, 05:54 AM Parent: #137
Quote: وليد الشفت دا هاج وماج كدا مالو ..مع إنو هو الختاااااي !!
أما بخصوص الرد المناسب ومش عارفة إيه .. زماااااان عصرناك لما جبت الزيت ..وإعتذرت وقلت الرووووووب . فشنو ..شوف مواضيع الكورة أحسن ..لأنو التعاطي مع الطفيليات من أمثالك ضياع زمن .
بعدين إنتو حزب الخضر (الخدرتو ناشفة ، وسيجارتو خدرا ) دا شاغلكم كدا لييييييييه طيب !!
عصرناك شنو يا امنه بوبار
موش ياها ونستك الفي الفيس ديك .. ولا واحده تانية
شفتك جيتي متازمة فحنيت عليك وقلت ارحمك ... لكن لو كترتيه برجع تاني خمسة خطوات للخلف وبرشك .. وبتقعدي في لي قلت كده وانت يا وليد زول حقاني .. وواك ورووك وما ادراكما
امشي يا زول فكي عقدك بعيد منى انت زولة كهربتك زايده
Post: #139 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-22-2013, 06:02 AM Parent: #138
تم سحب المداخلة بحثا عن التوفيق بين الأطراف وبمبادرة من الأخ أيمن الطيب ..
مع تثبيت إدانتي للشتيمة بعمومها .. وتغليظ شديد في حالة الأسـرة .. والأب والأم على وجه الخصوص ما دخل أبائنا وأمهاتنا فيما نكتب وفي خلافاتنا؟
_
Post: #140 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: النذير حجازي Date: 05-22-2013, 06:27 AM Parent: #139
يا ود الصائم الأهبل دا أنا حذرتو ألف مرة ما يجيب سيرة اسمي علشان ما أشتم أهلو لكن هو مواصل في غيو، وأنا ح أوريهو نهايتو شنو، زول أهبل وما عندو موضوع، شوف الأهبل دا ترك البورد لمدة طويلة وأول مداخلة توووووووووووووووووشك معاي علشان بسكت ليهو أنا ح احددها معاهو هنا وبرة المنبر دا، وأوريهو الصعلقة على أصولها
Post: #141 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: HAIDER ALZAIN Date: 05-22-2013, 06:30 AM Parent: #139
تم سحب الاقتباس
Post: #142 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Yassir Tayfour Date: 05-22-2013, 06:42 AM Parent: #137
Post: #148 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Yassir Tayfour Date: 05-22-2013, 07:22 AM Parent: #147
ويا نذير تاني أي شتيمة للوالدين سترد لك في والديك.. ___ وأنا لن أتركك ما لم تعتذر عن كل الشتائم التي وجهتها لوالدي في السابق..
Post: #149 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: وليد محمد المبارك Date: 05-22-2013, 07:23 AM Parent: #147
الان تساويتما يا ياسر .. والبادي اظلم
خسارة والله كبيرة ومساكين الوالدتين الشتيمة تجيهم في بطن بيتهم من اولاد غير محترمين
Post: #150 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد عبد الماجد الصايم Date: 05-22-2013, 09:17 AM Parent: #149
تم سحب المداخلة بحثا عن التوفيق بين الأطراف وبمبادرة من الأخ أيمن الطيب ..
مع تثبيت إدانتي للشتيمة بعمومها .. وتغليظ شديد في حالة الأسـرة .. والأب والأم على وجه الخصوص ما دخل أبائنا وأمهاتنا فيما نكتب وفي خلافاتنا؟
_
Post: #151 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-22-2013, 09:17 AM Parent: #149
الله يكرمكم يا النذير ويا ياسر والله يكرمنا جميعا بأن نختلف دون أن نسئ لبعضناالبعض مهماإختلفنا.
طبعا الكلام عن إساءة الوالدين يصعب حتى الكلام حوله وعنه ولكن الواضح إنو دا خسران مبين و غضب لا مبرر له ومرحلة لا يمكن أن يوجد سبب واحد للوصول إليها ومنطقة محظورة بكل المقاييس,,
واتمنى أن يسحب وليد وحيدر أيضا الكابشرس ونشوف طريقة نمنع بها تماما الدخول فى المناطق المحظورة,,
تحياتى..
Post: #152 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: حيدر حسن ميرغني Date: 05-22-2013, 09:23 AM Parent: #151
كلام طيب يا ايمن اتمنى ان يسمعه الاحبة ياسر والنذير شئ مؤسف شديد والله لولا معزتنا كلنا لكم والله ما اشتغلنا بيكم كم من نفر يتنابذون في هذا المنبر كل يوم استهدوا بالله والعنوا الشيطان
Post: #153 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: وليد محمد المبارك Date: 05-22-2013, 09:31 AM Parent: #151
ايمن
بالنسبة لي انا تم الاجراء الغريبة الاثنين اصحابي جدا واعزهم معزه كبيره والله
اكن احرجونا احراج ما بعده احراج
الامهات يا يالنذير وياسر !!
ما لقيتو الا الامهات
ياخ انا بحترم السوريين - ولا احترم - وكت يتسافهو ويتنابزوا ويخرجو من الدايره .. بتنابزوا الاخوات اصلهم ما بهبشو الام ياخ الام دي قيمة كبيرة خلاص
تنتهك حرمتها وشرفها في شكلة بورد ؟!
اخير تنبذوا روحكم ان كان لابد داك يقول ليه انت (.........) والتاني يقول ليه انت منجكه
ما تقربوا الامهات ياخ
عليكم الله
Post: #154 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Yassir Tayfour Date: 05-22-2013, 09:43 AM Parent: #153
النذير ده ليهو سنتين يشتم في والدي، وما حصل رديت ليهو الشتيمة، وناس كتيرين إتكلموا معاهو ومسح شتايمو، لكن المرة دي رديت ليهو، عشان يفهم حاجة، والنذير لم يسمع في الماضي، وما كان ليسمع لكم لو لم أرد عليه.. وعشان يختها حلقة في أضانو، تاني الأم بالأم والبادي أظلم.. ___ وأنا كلمتو، في البورد قدر ما ألقاهو في بوست وتهف لي "تدويرة" بدورو، يشتم والِدي، برجع ليهو فاضي الشتيمة مليان..
Post: #155 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-22-2013, 10:02 AM Parent: #154
شكرا وليد وحيدر حسن ,,
النذير وياسر الAnger Mangagement مطلوبة والتبريرات نفسها ممكن تستفز الإنسان لكن أرجوكما وأن تتذكروا ما إتفقنا عليه..
لا أعتقد إنو أحدكما سيتعدى على الآخر مرة أخرى فقط من أجل الخوة والمعزة والعشرة لناس كتار هنا وأهو وليد قال ليكم أحرجتونا ياخ,
بالله أمنعوا الإشتباك وفكونا من شكل الكيبوردات دا.. حقنا عليكم وحقكم علينا مانقيف نتفرج ونخليكم فى مكان أنا متأكد أنكم حا ترضو تشوفونا واقفين فيه..
شكرا شباب..
Post: #156 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-22-2013, 10:17 AM Parent: #154
مزيداً من الطين واختلال المعايير
تفرج شوف يا سلام على ضمير البورض المعتل!!
-----------
Quote: قيقراوي ذاته ذبحنا بي طيبتو وخضرتو، تباً له!
الما عارف يقول عدس ساي؟
يا شباب موضوع البوست دا شنو كان هو!؟
اظنكم كلكم ح تقولوا (عدس) .. حتى ابتفة همسلف
كويس انكم سحبتوا مداخلاتكم براكم يا ياسر والنذير .. كنت سأطلب سحب البوست كلو في حال تمسكتوا بيها اصلاً البوست استنفذ اغراضو بالنسبة لي من زماااان .. وكل المداخلات الاخيرة لم يعد لها معنى
بالعربي:
محسن خالد طارح طرح غيبي لا يمكن استكناهه والاستيثاق من مفردات ما يسميه (حقائق كونية) .. لكن بطريقة بسيطة يمكننا اختبار صدقية محسن همسلف -مؤخراً- بامتحان مقولاتو في حقائق قريبة يمكن ببساطة الخلوص لنتائج حمولها سلفاً انا واصل للنتيجة .. كنت عاوز اشوف الناس شايفين شوفي .. ول لا؟
اخترت المقولة المنقولة في البوست هنا والتي وسمت العنوان (وهي تمسني مباشرةً .. وهبشت وتر حساس عندي) والاعتذار الحقيقي هنا لمن هم مشمولين بالعنوان فقط لا غير .. واخترت (ملاسي) ممثل حصري و وحيد لـ(آخرين) (راجع البوست لو عاوز تتأكد) اي موهم حسب نفسو مشمول بالاعتذار، او اي متوهم لأني مفروض اعتذر لزول تاني لـ(احساس) غير مؤسس يخصه هو، ما عندي شغلة بيهو .. يمش يفتح بوست -بلوشي بالمناسبة- ويطرح حيثيات الاعتذار المطلوب دا .. كان اقنعني والله اجي اعتذر ليو ولا جميليتي .. واتذلل لطلب العفو جصت لايك أ دوغ اما المجانية والسذاجة دي .. والله ما عندي ليها دوا هنا انا! فليتمتعوا بنعيمهم .. ويخلوني في نعيمي الزلابية للجميع والسراي الصفراء برضو .. تسع المافي شنو!؟
Post: #157 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-22-2013, 10:30 AM Parent: #156
يا ود الصايم شكرا وعذرا يا حبيب,, جليتك فى حالة الجاط الرايس دا...
حقك علينا ياخ..
Post: #158 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: النذير حجازي Date: 05-22-2013, 10:34 AM Parent: #156
شكراً يا شباب والله آسف للإزعاج وتسلموا على النصائح، والغلط غلط وأنا بعترف بغلطي
وشكر خاص للصديق الصدوق أيمن الطيب
يا جماعة واحد حريف يكلم لينا حبيبنا حيدر الزين يمسح الاقتباس، الذي أعلنت بأنني سحبتو ومسحتو، شايفو كتب قال ما جاي البوست دا تاني
Post: #159 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: حيدر حسن ميرغني Date: 05-22-2013, 10:41 AM Parent: #158
معليش فتح الرحمن ورب الكعبة اختلط على البوست وما طالعت فيه الا اخر مداخلات بين الطرازانات ديل تقبل اعتذاري وادانتي لكل فعل قبيح من اي احد مسيئ حايم في البورض ده
- - سأتصل على حيدر الزين لسحب الاقتباس المشار إليه
Post: #160 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: Yassir Tayfour Date: 05-22-2013, 10:58 AM Parent: #159
يا شباب المسألة ما عدم تقدير ليكم بقدر ما كانت رسالة تأخر إيصالها لهذا النذير، وأظن آثما، قد وصلته الآن، والنذير هذا يجلس على قائمة "أعدائي ؛)" في هذا المنبر الظالم أهله، لن أتركه حتى يعتذر عن الشتائم التي طالت والِدي في السابق، الشتائم الأخيرة معفية، لأنّ القانون لا يعاقب المجرم على جريمة مرتين ؛)، وقد نال عقابه ؛). ___ يا قيقراوي أنا عارفو ما عدس، لكن عندي باقي عدس مع النذير الفوق ده ؛)
Post: #161 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: حيدر حسن ميرغني Date: 05-22-2013, 11:00 AM Parent: #160
Quote: يا جماعة واحد حريف يكلم لينا حبيبنا حيدر الزين يمسح الاقتباس، الذي أعلنت بأنني سحبتو ومسحتو، شايفو كتب قال ما جاي البوست دا تاني
تم المسح يالنذير
Post: #162 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-22-2013, 11:33 AM Parent: #161
حيدر يا حنين اعتذار بتاع فنيلتك؟ وفتح الرحمن دا منو البتعتذر ليو دا!؟
------------
فعلاً ما قريت البوست .. ولا الصفحة القبل دي بس
لووووووووووووول
ياخي انا قيقراوي .. بدبل G .. الاولى طبعاً G الارض السابعة .. اسفل سافلين (محل غتسني منعم داك) و الـG التانية معناها (السمسم الابيض) .. ما عادل (الزيتون) مما تلهطون
ياخي خلي عينك قوية زي النذير وابتفة وأمير (من ميرا بت الشيطان) البرلوم والبرلوم (سمسم الما ابيض) الشامي عفنة اباطو الاسفيرية ديل .. ثم لا تعتذر كلو كلو
كبر الـG .. وروق الـD يا عمك وخليك اخدر .. واضرب سجارة من نفس اللون المافي شنو!؟
حقيقة:
الجرذان لا تستطيع مقاومة قطعة الجبنة
حتى لو عفنت زي البوست دا اسي الجابركم شنو!؟
Post: #163 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: أيمن الطيب Date: 05-22-2013, 11:54 AM Parent: #162
قرقراوى !!!!!
Post: #164 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: النذير حجازي Date: 05-22-2013, 12:01 PM Parent: #163
Quote: تم المسح يالنذير
العزيزان حيدر حسن وحيدر الزين ملايين الشكر، وإن شاء الله نردها ليكم في الأفراح واليالي الملاح وأنا بتشكركم كتير على قول أخوانا اللبنانيين
Post: #166 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: حيدر حسن ميرغني Date: 05-22-2013, 12:42 PM Parent: #164
Quote: فعلاً ما قريت البوست ..
تصدق شاهدت اسم اب تفة كأخر متداخل وطوالي فتحت الصفحة ومنها بقيت اعمل ريفرش بس ، وما اشتغلت بإنو البوست فاتحو منو لانو كان غائب لفترة طويلة وكنت في شوق لمطالعة ماكتبه - بعدين ياخ حبيت اخاطبك باسمك الاتولدت بيهو وضبحوا ليهو خروف طالما تمرَدت على اللقب غايتو واحدة من فضائل بوستك ده انو الحبايب ديل سمعوا كلامنا
Post: #167 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-22-2013, 12:55 PM Parent: #166
Quote: طالما تمرَدت على اللقب
حليلو قبلو!!
Post: #165 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: فتح الرحمن حمودي Date: 05-22-2013, 12:40 PM Parent: #163
Quote: وأمير (من ميرا بت الشيطان)
او امير بتاع الترتر بلغة الـ(المهندسين)
-----------
ايمن يا عمك ياخي انا مصطلح (الترتر) دا عجبني .. ح نضمو لقاموس السراي ياخي حقو نعمل استدعاء للاستاف من خلا الفيس ونجي نفتح العيادة .. غيبتم طالت و اتوحشناهم بزاف بزاف العيانين كتروا ذاتم ياخي!!
تايسا شنو يا اختي ما تتلحلحي شوية وتشوفي الاستاف وين .. الهومويرك دا ما تقل علينا؟ الذ حاجة متهمين محسن -وهو انصح زول هنا- وما شايفين عوجة رقبتم!!
Post: #168 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: محمد البشرى الخضر Date: 05-22-2013, 01:32 PM Parent: #165
بالنسبة لمصطلح "ترتر" طالما ح يدخل الخدمة الاسفيرية قلنا ناصل لحقوقه قولة ترتر نفسها ترجع لتبلدينا زماااااان اما مصطلح " منتديات الترتر" فحقوق الفكرة ترجع لتمبس وانا ترجع لي حقوق استخدامها في وصف منتديات الكلام فيها مجاااااااني زوول بسالك ولا يغالطك او يقول ليك جيب مصدر مافي :)
Post: #169 Title: Re: اعتذار لمحمد عثماننا والبطل وآخرين .. الله يعلمهم ثم محسن خالد Author: عبدالمنعم الطيب حسن Date: 05-22-2013, 08:07 PM Parent: #168
Quote: وتراجعت-عندي على الاقل- من منزلة عالية الى اخرى ادنى ....
كما هو واضح انها منزلة ادنى من الاعجاب ، ولكنها ليست غتس اسفل سافلين ،
Quote: اسفل سافلين (محل غتسني منعم داك)
ولماذا داك دي ، ياخ ما حلوة ... وقبل كدة بهناك عصرنا فيها صاحبن لينا لمن اعتذر، لا اطالبك باعتذار عنها ، ولا ارغب ، فالحكاية بسيطة ، اعذرك يا صديقي فقد تكون نسيت الطيب ، يازول انت اكان رجعت كما عهدناك ، حا تنسى داك وتتذكر الطيب ...
)
