بكرى ابو بكر ... المنبر يعانى مشكلة حقيقية ..تعبنا يا اخى

من بعد الصيانة
نعانى من مشاكل كثيرة فى المنبر اخى بكرى ويجب الانتباه لذلك
ولا اعتقد ان المشكلة عندى فقط ربما عند الكثيرين ايضا وهذا ما علمته بعد التواصل معهم
معظم ردودنا التى كتبناها ضاعت واحيانا تاتينا صفحة اخرى بها رسالة غريبة
هذه المشكلة عانينا منها طوال النهار الان ارى الوضع افضل قليلا
اختفت الصفحة الغريبة لكن المعاناة فى الردود لا زالت قائمة
رجاء اعد النظر

ما ممكن تكتب اكتر من عشرين رد وما تلقى ولا واحد نازل
الان الوضع افضل لكن ليس بالصورة المثلى او ما قبل الصيانة

ملاحظتك صحيحة يا هشام
وتأكيدا لكلامك /م عندما فتحت المنبر تم تحويلي الى صفحة أُخرى
وفي الصفحة قالو لي ...... مبروك انت فوزت بموبايل اي فون
إضغط هنا !!

انتو ياهشام الواحد فيكم يجي سايق بي نمرة 5 ودايس ابنص صاجة والمفروض انو المنبر طالع من صيانه تكون السرعة القصوى محددة لغاية ما تتسلك المكنة بتاعت المنبر.
انا لم تقابلني اي مشكلةغير مداخلات فلان داك القطيمة

وعلى العموم
نتمنى لكم تصفح مريح
ولكم تحياتنا

يا هشام ياخ!!
انا قايلك بتتكلم عن مشاكل البورد الحقيقية التعبتنا فعلا من تلفيق وبهتان ومستوى حوار متدني وكمان الجاتنا في صمة خشمنا النافذة الاتفتحت لتوسيع المشاركة وجابت ليها مرضى باسماء مستعارة و انتحالات وقيامة رابطة
المشاكل التقنية و التصفح بتتحل آجلا أو عاجلا الكلام مشاكل النفوس
غايو خليني استغل البوست طالما الريس ح ينتبه ليه و اوجه ليه نداء بتفعيل اللائحة فعلا لا قولا

محمد بشرى انت قصتك شنو؟ !!
خلاص سلطوك على الزول ده للقيام بالدور!
البوست ده مفتوح لمناقشة امر معينة بنعاني منها
شيل كلامك ده امشي ناقش بيهو في بوستك


انت عايز لستة بناس تركوا البورد حسب ما فهمتا.
عشان تلقى لستتك ده امشي ارشيف 2007 و 06 و08 و09
وشوف وقارن مع 2013 ..وح تلقى الاسماء الانت داير تعرفها

إنتهى!

غالبا الكلام دا ناتج من تصفح المنبر بمتصفحات قديمة ..الموقع بعد الصيانة سريع جدا وسلس في التصفح وكتابة الردود

بالنسبه للناس البتجيها صفحة بيضا دي تقريبا الزول بيكون هبش اعلانات قوقل التجاريه علي جنبي المنبر

_

يا احمد تهجمك الفوق دا ما عندو مبرر طالما الهدف من البوست ايصال بعض الملاحظات والشكاوي لصاحب الموقع

الصديق معاوية سلامات وكيفك مع الاجازة اليوم

لا لا يا معاوية الموضوع ليس كما كتب هذا المكار المدعوا محمد بشرى
تابع القصة هنا
حتى لا يكون الكلام مجاني: أقلام معارضة قوية تركت المنبر...

Quote:

طلب بشرى من هشام قامة اسماء وظل يلاحقه ويفتح البوستات بهذا الموضوع
ويرسل بشرى رسالة خبيثة للقارئ بأن هشام كذاب وليست لديه لستة و اسماء

هشام ذكر مشكلة واحدة من بين عدة مشاكل
وكان ينبغي على بشرى ان يذكر المشاكل التي قالها
من دون التهجم على هشام بخلفيات سابقة

دي كلها ادوار قذرة يقوم بها معارضي المعارضة وملاحقة المعارضين الحقيقيين الذين يكتبون ما يؤلم نظامهم الإنقاذي المتهالك

يا احمد كنت عايز ارد على كلامك بتاع سلطوك وشنو رد يليق بيه و بي سذاجتك المعروفة
لكن لقيت الجزء التاني البتقول فيه (حسب ما فهمتا) اني عايز لستة بأسماء ناس غادرت البورد فا شنو, طالما دا ياهو الـ (حسب فهمك) كدا, عذرتك في كلامك كلو
فآسف ياخ على حرف البوست (حسب فهمك)
ويا تاني شنو ... أيوة
زول على بركة الله :)

Quote: يا احمد كنت عايز ارد على كلامك بتاع سلطوك وشنو رد يليق بيه و بي سذاجتك المعروفة لكن لقيت الجزء التاني البتقول فيه (حسب ما فهمتا) اني عايز لستة بأسماء ناس غادرت البورد فا شنو, طالما دا ياهو الـ (حسب فهمك) كدا, عذرتك في كلامك كلو فآسف ياخ على حرف البوست (حسب فهمك) ويا تاني شنو ... أيوة زول على بركة الله :)

بطل فلسفا وحتى لو لم افهم ماقلته
هذا لا يعني اننا نلاحظ انك تهاجم هشام

لماذا تهاجم هشام مع انه مناضل حقيقي واعتقل عشرات المرات نسبة لرأيه الشجاع
الغرض مرض ...... انت ونجاة مين ديك عاملين فيها معارضين
لكنكم من تحت الطاولة اعداء للمعارضة .. وتهاجمون الشرفاء بقضايا تافِه

سلام


اخي احمد محمد بشير, دي مشاركة محمد البشرى

Quote: انا قايلك بتتكلم عن مشاكل البورد الحقيقية التعبتنا فعلا من تلفيق وبهتان ومستوى حوار متدني وكمان الجاتنا في صمة خشمنا النافذة الاتفتحت لتوسيع المشاركة وجابت ليها مرضى باسماء مستعارة و انتحالات وقيامة رابطة

وده جزء من ردك و اتهامك ليهو.

Quote: خلاص سلطوك على الزول ده للقيام بالدور!

Quote: انت عايز لستة بناس تركوا البورد حسب ما فهمتا.

مافي (رساله مدسوسه) في رد محمد البشرى. انت بطريقتك دي بتخرب مسار البوست لي ناس بالجد بتكون منتظره حلول...



تحياتي

أحمد ياخي البوست الانت جبت رابطه اسمه حتى لايكون الكلام مجاني,انت يا كافي البلا حتى العنوان ما فهمتو, فما ممكن تملانا كلام مجاني ساي اني بطارد في هشام وعايز اطلعه كذاب, اذا كان لا انا ولا هشام نفسه ولا القراء - غير السذج - ما فيهم زول فهم فهمك دا
انت حر ياخي تفهم وتقرا بطريقتك الساذجة دي لكن ما تفرض على الآخرين ياخدوا بيها
بعدين ياخي لنفترض اني معارض معارضة او كوز او اي حاجة هل دا ينفي اني بتكلم عن حقائق, هل في فهمك العلى قدرك دا انو عشان تكون معارض بطل لازم اي حاجة تتقال ولو غير صحيحة او غير دقيقة تصدّقها وتمشيها!!
ثم ما تراكا بتهاجم في جادات هل دا كافي لتصنيفك معارض معارضة و عندك اجندة

يا مالديني خليك دقيق ما تقول (أي) مداخلة هن كلهن امهن وابوهن خمسة ستة مداخلات
ثم انا بقول كلامي دا لأني متضرر اتشمت بأسماء مستعارة و من ناس ما بعرفهم ولا بعرف عنهم حاجة
صاحب المنبر قبل كم سنة سحب الاسماء المستعارة من الاعضاء هنا و بدلهم يوزر نيمس بأسماءهم الحقيقية منعا للكلام الحاصل دا وعشان كل واحد يكتب باسمه الحقيقي يتحمل مسؤوليته
يعمل شنو اذا دا فهمنا للحرية قاصر كدا و الواحد بفتكر الكتابة باسم مستعار تعني كارت بلانش لينطلق في اساءة الآخرين آمنا من الملاحقة و بعيدا عن تحمل المسؤولية
وانا بقول رأيي ما بفرضه على بكري لكن بقوله انت كمان قول رأيك وما تمنعني اقول رأيي
انتو ما ترسلو صورة جوازاتكم لبكري وتعالوا فوق وخلاص :)

دي انتبهت ليها اسي

Quote: طلب بشرى من هشام قامة اسماء وظل يلاحقه ويفتح البوستات بهذا الموضوع

عشان ما يبقن عليك سذاجة وكذب كمان يا احمد كدي جيب لي روابط للبوستات الفتحتهن ديل

المشكلة قائمة عندى حتى الان والرد على مداخلة يحتاج للمحاولة اكثر من مائة مرة

احمد بشير ..
تحياتى لك وفعلا اعانى من نفس المشكلة
محمد الشيخ ..
لا ادرى اين المشكلة ان كانت فى اهزتنا اتمنى توضيح الحل لنقوم بالمعالجة

محمد البشر ..
اراك استبنت النصح ضحى الغد .. اكثر من مرة طالبتكم بالهدوء وايقاف ما تفعلونه من مطاردات ومساسكة لمصلحة المنبر وحتى لا تنفلت الامور
ونبهتكم ان هذا الامر ستكون عواقبه وخيمة وسننحدر الى اسفل سافلين .. وحدث ما توقعته والان جاى تشكى من الحاصل .؟؟؟ انا كنت بحكى ليكم فى عبس

المشكلة قائمة عندى حتى الان والرد على مداخلة يحتاج للمحاولة اكثر من مائة مرة

احمد بشير ..
تحياتى لك وفعلا اعانى من نفس المشكلة
محمد الشيخ ..
لا ادرى اين المشكلة ان كانت فى اهزتنا اتمنى توضيح الحل لنقوم بالمعالجة

محمد البشرى ..
اراك استبنت النصح ضحى الغد .. اكثر من مرة طالبتكم بالهدوء وايقاف ما تفعلونه من مطاردات ومساسكة لمصلحة المنبر وحتى لا تنفلت الامور
ونبهتكم ان هذا الامر ستكون عواقبه وخيمة وسننحدر الى اسفل سافلين .. وحدث ما توقعته والان جاى تشكى من الحاصل .؟؟؟ انا كنت بحكى ليكم فى عبس

Quote: راك استبنت النصح ضحى الغد .. اكثر من مرة طالبتكم بالهدوء وايقاف ما تفعلونه من مطاردات ومساسكة لمصلحة المنبر وحتى لا تنفلت الامور ونبهتكم ان هذا الامر ستكون عواقبه وخيمة وسننحدر الى اسفل سافلين .. وحدث ما توقعته والان جاى تشكى من الحاصل .؟؟؟ انا كنت بحكى ليكم فى عبس

ما هو يا هشام لو انت وغيرك لو ما كنتو بتغضو الطرف عن قول الحقيقة كما هي و تسموا الاشياء باسمائها الحقيقية وتقولوا على الكذب كذب و التلفيق تلفيق و البهتان بهتان بغض النظر عن التفكير بطريقة دي حكومة ودي معارضة غلطاتها مغفورة ودا صاحبي و دا قابلتو قبل كدا و كنتو بطلتو جمع صاحب الفعل مع صاحب رد الفعل ما كان حد لجأ لأخذ حقه بما اسميته مساككات

Quote: ما هو يا هشام لو انت وغيرك لو ما كنتو بتغضو الطرف عن قول الحقيقة كما هي و تسموا الاشياء باسمائها الحقيقية وتقولوا على الكذب كذب و التلفيق تلفيق و البهتان بهتان بغض \ النظر عن التفكير بطريقة دي حكومة ودي معارضة غلطاتها مغفورة ودا صاحبي و دا قابلتو قبل كدا و كنتو بطلتو جمع صاحب الفعل مع صاحب رد الفعل ما كان حد لجأ لأخذ حقه بما اسميته مساككات

تعرف مشكلتك شنو يا ود البشرى
مشكلتك انك ما قادر تطلع من دور الضحية اللى انت عايشها دى
يا اخى والله العظيم لا احد قبل او وافق معاوية عبيد فيما قاله فى حقك وفى انتهاكه لعرضك وفى درجة الانحطاط التى مارسها ضدك
وفى وقتها انتقدناه وطالبناه بالاعتذار وقلنا اذ لم يكن الاعتذار كافيا فى حق ود البشرى معه كامل الحق فى اتخاذ ما يراه مناسبا من اجراء
حتى اتى معاوية صاغرا واعتذر
هذا ما حدث اما ان تاتى فى كل بوست وتصفنا بمساواة الضحية والجلاد فهذه لعمرى قسمة ظالمة جدا
انت عايزنا نعمل شنو يعنى ؟؟ نشيل سوط ونجلد معاوية ولة نقوم نمشى جدة نخنقو ؟؟
ولة نقعد ليه فى كل بوست يفتحوا نحولوا لشتائم ومطاردة ومساسكة ؟؟
لا والله لو انت عايز مننا دا ما حتلقاه مننا وفسرها حسب ما تفسرها
حينما اخطا قلنا انه اخطأ وحين استحق الانتقاد انتقدناه وفى حينها قلنا معك كل الحق يا ود البشرى
عند هذا انتهى دورنا ولو عاود الخطا سنقف فى وجهه اما ان نطارده مجاملة لك او لغيرك هذا لن يحدث
فبالله حكاية اننا ساوينا بينك وبين معاوية دى ما تكررها لينا لانك انت عارف انها ما حقيقية
وما حدث لك حدث لنا فى هذا المنبر من المدعو علاء الدين يوسف وفى حينها وقفنا فى وجهه ووصلنا معاه للاخر وكشفنا كذبته وانتهى الامر
لن اطارده فى كل بوست ولن اشتمه ولن استجدى عطف الناس لمطاردة علاء يوسف وحين يفتح اى بوست ساناقشه فى مضمون بوسته بعيدا عن
تحويل مجرى البوست لاغراض شخصية او تصفية حسابات ...
يا اخى انت قادر تقبل اعتذار معاوية اهلا وسهلا والله غفور رحيم
ما قادر تقبل اعتذاره انت حر ومعك الحق ولا احد ينكر عليك ذلك
لكن ليس مطلوبا منا ان نقف فى صفك ونطارد معاوية عبيد
اتمنى تفهم النقطة دى وكفى الله المؤمنين شر القتال

نسيت ان اشكر بكرى لعودة المنبر كما كان
اتمنى ان تكون المشكلة قد حلت عند جميع الذين عانوا مثلى

يبدو انك يا هشام لا تستطيع الخروج من اسر الكلام المجاني الساي و في نفس الوقت تقرأ قراءة انطباعية, كلامي ليك و التعميم الفيه مقصود رد على تعميمك لما تقول مساككتكم و قلت ليكم و غيرها,انا ما جبت سيرة معاوية وما جرى لكنّها يبدو في ذهنك
حديثي عام ومسألة مساواة المخطئ ورد الفعل عليه ليست رهينة بموضوع معاوية بل هو سلوك غالب في البورد زيو وزي التغاضي عن الأخطاء أو التبرير ليها نتيجة لتأثيرات الشلة و الجماعة و الحزب و التوجه وإنت ماشي
وكتير انا كتبت هنا بالنسبة لحكاية إدانة ما حدث انها لن تضيف لي وعدمها لن ينقص شيئا و العايز يدين بدين عشان ضميره قال ليه كدا و الماعايز برضه بترجع لضميره عامل كيف
موضوعي و حقي مع معاوية انا كفيل به ما حصل طلبت من احد شي, , ولم اصور نفسي ضحية بل صاحب حق, إذا انت او غيرك شايفنها كدا دي مشكلتكم انتو
لكن من ياتي و يبرر لمعاوية ومن يعترض على خياري في تصرفي معاه دا الأنا سألته من قبل وبسأله
وما عارف وين انا طلبت منك تقيف معاي وتدين معاوية لما براك تبرعت بانك ادنته سألتك أدنته على شنو؟ على كذبه ولا كما يفعل الكثيرين وبحاولو يخففو ويقول ليك شخصنة وبتاع لأنها في رأيي تفرق
عموما من الآخر كدا حديثي لا علاقة له بمعاوية او زيد من الناس بل حديث عام
لك ان تقبل كلامي او تصر على رأيك, انا ما لدي قلته

Quote: وما حدث لك حدث لنا فى هذا المنبر من المدعو علاء الدين يوسف وفى حينها وقفنا فى وجهه ووصلنا معاه للاخر وكشفنا كذبته وانتهى الامر لن اطارده فى كل بوست ولن اشتمه ولن استجدى عطف الناس لمطاردة علاء يوسف وحين يفتح اى بوست ساناقشه فى مضمون بوسته بعيدا عن تحويل مجرى البوست لاغراض شخصية او تصفية حسابات ...

سلام يا هشام
ياخي دا خيارك ومبروك عليك لكن لا تستطيع أن تفرضه على الآخرين. محمد أصلا ما جاب سيرة معاوية هنا وإنت الجبته وكتبت كلامك الكتير دا على أساسه. دا منبر حر وما في زول بقدر يحدد لزول يكتب شنو وين ومتين مادام ما تجاوز قوانين المنبر. بالمناسبة أنا زي ود البشرى لمن قريت العنوان افتكرت الموضوع حيكون عن المصايب الاتملا بيها المنبر والأكاذيب والتخفي ورا الأسماء المستعارة.
ياتو ناس المحمد بستجدي تعاطفهم ديل؟ أفتح عيني حين أفتحها على كثير ولكن لا أرى أحدا. الذين يعرفون محمد ويعرفهم ويهمه رأيهم فيه ما محتاجين ليهم منبر. وأصحاب الإدانات الباردة الذين يبذلونها كأداء واجب ويقدمونها باليمين ويسحبونها بالشمال وهم يغدقون على الكذابين المفترين الصفات اختاروا موقعهم.

Quote: انا قايلك بتتكلم عن مشاكل البورد الحقيقية التعبتنا فعلا من تلفيق وبهتان ومستوى حوار متدني وكمان الجاتنا في صمة خشمنا النافذة الاتفتحت لتوسيع المشاركة وجابت ليها مرضى باسماء مستعارة و انتحالات وقيامة رابطة المشاكل التقنية و التصفح بتتحل آجلا أو عاجلا الكلام مشاكل النفوس غايو خليني استغل البوست طالما الريس ح ينتبه ليه و اوجه ليه نداء بتفعيل اللائحة فعلا لا قولا

هشام مسكاقمي
غايتو تبريرك بطلب الاعتذار من المدعو معاوية بكون مقبول لو كان بنية خالصه
مع عدم العوده اتخييل ليا الهييج ود البشرى هو تكرار الفعل الشنيع بحق اخوات واشخاص
في القروب المرة دي من خلال الفيس بوك باسم مستعار وفيهو فتنه ووقيعه لزميل بالمنبر يبقا
الاعتذار هنا فايدتو شنو وهل بعد ثبوت الفعل الاخير ده بكون عندك نفس تقوليو اعتذر انا جديد هنا
الدباره شنو مع التكرار اتخييل ليا اقل واجب انو شخص زي ده يجب مضايقتو اجتماعيا وحصارو تمام حتى يقف في حده ده تصرف
قبل اللائحه والعقوبه الاجتماعيه دي اكيد خصوصا بعد الفعله الاخيره دي حتجيب نتيجه ده تضامن ضد البهتان والتزوير واتهام الناس بالباطل معاوية كل المدافعين ليو بقولو زول ضكران وكويس واصيل يبقا فيهو عيب وخلل يجب معالجتو وهو متابعه خلق الله وتوزيع الاتهامات الشخصية للنيل من خصومو لو خلاها لو جا ود البشرى او نجاة او ايو زول تاني بعداك وقفوهم منو لكن لحدت هسع هو مستمر في شغلو وبكره يجي يعتذر اعتذارو مابفيد
بالنسبة لموضوع البوسط فالمنبر بقا ميه ميه بعد الصيانه ومن كل المتصفحات