Post: #1
Title: والي الخرطوم: قواتنا دخلت أبوكرشولا وخرجت منها
Author: محمد علي عثمان
Date: 05-15-2013, 03:38 AM
اضحك مع والي الخرطوم قواتنا دخلت أبوكرشولا وخرجت منها حفاظا علي الارواح !
May 15, 2013
(حريات)
في تصريح يثير السخرية قال والي الخرطوم عبدالرحمن الخضر، أن الجيش السوداني وقوات الدفاع الشعبي دخلوا منطقة أبوكرشولا ثم انسحبوا منها حفاظاً على الأرواح والعتاد!
وقال الخضر في كلمة ألقاها في سرادق عزاء القيادي بقوات الدفاع الشعبي الذي لقي مصرعه في معارك ابوكرشولا نصر الدين محمود بمدينة الثورة الحارة الرابعة بأم درمان أمس الثلاثاء ، ان (المجاهدين) بدأوا في التدافع بالمئات لمقر منسقية الدفاع الشعبي ، طالبين الذهاب لتحرير أبوكرشولا.
وأكد أن نصر وزملاءه في أبوكرشولا كبّدوا العدو خسائر فادحة، وكانوا مقبلين غير مدبرين، وأن المجاهدين الآن أقسموا أن يأخذوا بثار الشهداء، وبثأر المواطنين الذين أهدر المتمردون دماءهم غدراً.
وعلق الاستاذ خالد عويس بصفحته على الفيسبوك على تصريحات الوالى قائلاً : عبدالرحمن الخضر (بكل عبقرية) يؤكد حديث الجبهة الثورية عن تدمير متحرك حكومي !!
((والي الخرطوم: الجيش دخل أبوكرشولا ثم انسحب حفاظاً على الأرواح
1. علاقة والي الخرطوم بالقصة دي كلها شنو ؟؟ مش لما يحصلوا ولايتك؟ شوف ترعتك وين ياخوي
2. الجيش الدخل أبوكرشولا ده..طيب ما كان يقيّل ولا يخلي الدنيا تبرد شوية..مستعجلين في طين كم؟
3. انسحب حفاظا على أرواح منو بالضبط؟ كيف يعني؟؟ القصة برضو كان فيها (لحام) ولا شنو؟؟
4. وقال: انسحبوا منها حفاظاً على الأرواح والعتاد..عتاد؟؟ هي يا بري !!
5. وقال : وكانوا مقبلين غير مدبرين..ده طبعا بيتكلم عن قواته
هسة في زول سألك قال ليك مقبلين ولا مدبرين؟؟
لكن..كويس برضو..عرفنا .
|
Post: #2
Title: Re: والي الخرطوم: قواتنا دخلت أبوكرشولا وخرجت منها
Author: محمد علي عثمان
Date: 05-15-2013, 03:57 AM
Parent: #1
يعني طلعتوا مرتين , ده لو صدقناكم
|
Post: #3
Title: Re: والي الخرطوم: قواتنا دخلت أبوكرشولا وخرجت منها
Author: عماد ساتي
Date: 05-15-2013, 07:23 AM
Parent: #1
تصريح مضحك ....
يكون دخلوا شربو مويه وطلعوا ... 
التصريحات الزى دى بتخلينا نفقد المصداقية فى تصريحات المسئولين ...
|
Post: #4
Title: Re: والي الخرطوم: قواتنا دخلت أبوكرشولا وخرجت منها
Author: محمد علي عثمان
Date: 05-15-2013, 08:11 AM
Parent: #3
Quote: تصريح مضحك ....
يكون دخلوا شربو مويه وطلعوا ...
التصريحات الزى دى بتخلينا نفقد المصداقية فى تصريحات المسئولين ...
|
شكرا يا عمدة
تعرف الوالي دة دائما مضحك في حادثة اليرموك قال مافي اي خسائر و الحريق بسيط جدا سببته ماكنة لحام
|
|