اشياء تصعب على الانسان فى الدول الاخري وتسهل فى السودان؟؟والعكس صحيح!

1) انك تصبح مغني.
2) انك تصبح مذيع.
3) انك تصبح صحفي.
4)انك تلعب فى المنتخب القومي.
.....

كلامك صاح مليون في المية اخي معاذ فعلا السودان صار بلد المليون فنان وفنانة في فترة وجيزة ولا ننسى دور برنامج نجوم( القد ) في هذه الكارثة، ياخ بين كل ناصة وناصية بتلقى بتاع اورغن وساوند وفنان او فنانة غايتو لو ما اخاف الكذب اقول 3/4 الشعب السوداني بقى بغني وكمان في حاجة تانية ما تنساها مسالة السوادن كلو بقى شاعر بين عشية وضحاها ياخ ما تفتح ليك قناة سودانية إلا وتلقى ليك شاعرة جديدة مستضافة في برنامج اما عن الصحافة والكورة فحدث ولا حرج ,, وموضوع انك تصبح مذيع دي غايتو ( لا تعليق ) والله ما عارف انا السودان ده ماشي على وين ,, ربك يسترنا بس



تحياتي : ياسر العيلفون