Post: #1
Title: قول "داير كم؟؟"
Author: منير عثمان
Date: 05-14-2013, 08:38 AM
لمحمد الحسن ابنعوف
قول داير كم
،،،،،
من الاخر كده جاهزين
ندفع ليك عشان تنطم...
قول داير كم
لساتك شاب
والفقر عذاب
فى البنك الخزنه وفى الدولاب...
قول ما تهتم...
قول داير كم...
عربيه وبيت
بت ناس نديك
مشروع يغنيك عن شيلة الهم...
اتكلم قول قول داير كم...
قول داير كم
مالك بالطير
وحقوق الغير
اسمعنا اخير
قبالك كم من سيف بتار
سينالو جفير...
ديل شعب وهم...
قول داير كم
منصب نديك
والدنيا تجيك
لا تنبح ساى زى نبحى الديك
وحنحلف ليك بالستره
قسم...
قول داير كم؟؟؟؟
وانا دير كم؟؟؟
انا دير كم...
الدايرو كتييييير
علشان انطم...
قول يا ستار
يا اولاد الدرهم والدينار...
انا ما ود رشوة
ولا ود شينه
انا ما ود عار...
انا ود الدنقر والدلوكه
ود النوبه وود الطار...
انا ود البرزم فى الضحويه
وساعة العركة مخلف وحااااار...
ود السيف الهبرو
شليه
ود السوط
البقلى قليه
ود البكلح فى الضهار...
ود العز الما سمعتوبو
ود الشعب
البقدح نار...
انا داير كم؟؟؟
انا داير شعب
يثور ويصارع
انا داير امه
تعبى الشارع
عشان الفضل
ما ينهار...
انا داير
مال الشارع الغربى
وناس خط هيثرو
ومشروع سندس
واب كرشولا
الراحت سنبله
بين القائد والتجار....
انا داير تار
وقبيل ود كار
انا داير تار....
تار الماتن
فى المستشفى
عشان القسطره
ما مجان...
تار الهاجر
قفى عقابو
عشان لا واسطه ولا سلطان...
تار الخلا المدرسه
شااااااطر
شان ما يربى
تمانيه اخوان...
تار النخل
القلد المويه
عشان وطاتو تكون خزان
والخزان
بقى ما خزان...
انا داير كم
تار ام دوم
وحلايب
تارى
ام روابه وتار قيسان...
تار الشهدا
الدم الطاهر
دم القسمك
يا سودان...
تار الصمغ العربى الثروه
تار السكر والاقطان...
تار الترعه
وتار الجدول
تار الصحرا
وتار الغابه
تار المشنقه والميدان...
تار البلد الكلو حرابه
وكل واطاتو
تبق نيران...
تار الجامع
وتار الخلوه
تار الشفع
والنسوان...
تار لمتنا على الصينيه
وتار المضيفه
والديوان...
داير كم
ديل بى كم...
قول يا ود خيرى
اتكلم قول
يا محمد اخوى
انا داير كم...
انا داير كم....
انا داير عز
لى وطن العز
ممهور بالدم...
وعداله
تخوجل بين الناس
حفيره
ودونكى
ومنبر نم...
انا داير كم
انا داير
مدرسه للاطفال
ومصانع
تنبح للعمال
تيراب وتركتر
للتربال
انا داير جيش جبااااار واصم...
انا داير مجلس للنواب
مجلس حاساب
ووزير بفهم...
انا داير مسكن للطلاب
انا داير قاعه
ودفتر
ولاب...
شوووف ديل بى كم
انا داير كم؟؟؟؟
حنجيب قانون
احكم بالعدل
العين بالعين والسن بالسن والدم بالدم
لو لازم دم
انا داير دم....
|
Post: #2
Title: Re: قول andquot;داير كم؟؟andquot;
Author: garjah
Date: 05-14-2013, 08:57 AM
Parent: #1
قصيدة رائعة يا منير
أرجو كتابة اسم الشاعر
وان كا هو أنت فيبشر المنبر بشاعر حصيف
|
Post: #3
Title: Re: قول andquot;داير كم؟؟andquot;
Author: منير عثمان
Date: 05-14-2013, 09:05 AM
Parent: #2
شكراً gargah اسم الشاعر مكتوب في مقدمة القصيدة
| Quote: لمحمد الحسن ابنعوف |
|
Post: #4
Title: Re: قول andquot;داير كم؟؟andquot;
Author: إدريس محمد إبراهيم
Date: 05-14-2013, 09:08 AM
Parent: #1
Quote:
لمحمد الحسن ابنعوف
قول داير كم
،،،،،
من الاخر كده جاهزين
ندفع ليك عشان تنطم...
قول داير كم
لساتك شاب
والفقر عذاب
فى البنك الخزنه وفى الدولاب...
قول ما تهتم...
قول داير كم...
عربيه وبيت
بت ناس نديك
مشروع يغنيك عن شيلة الهم...
اتكلم قول قول داير كم...
قول داير كم
مالك بالطير
وحقوق الغير
اسمعنا اخير
قبالك كم من سيف بتار
سينالو جفير...
ديل شعب وهم...
قول داير كم
منصب نديك
والدنيا تجيك
لا تنبح ساى زى نبحى الديك
وحنحلف ليك بالستره
قسم...
قول داير كم؟؟؟؟
وانا دير كم؟؟؟
انا دير كم...
الدايرو كتييييير
علشان انطم...
قول يا ستار
يا اولاد الدرهم والدينار...
انا ما ود رشوة
ولا ود شينه
انا ما ود عار...
انا ود الدنقر والدلوكه
ود النوبه وود الطار...
انا ود البرزم فى الضحويه
وساعة العركة مخلف وحااااار...
ود السيف الهبرو
شليه
ود السوط
البقلى قليه
ود البكلح فى الضهار...
ود العز الما سمعتوبو
ود الشعب
البقدح نار...
انا داير كم؟؟؟
انا داير شعب
يثور ويصارع
انا داير امه
تعبى الشارع
عشان الفضل
ما ينهار...
انا داير
مال الشارع الغربى
وناس خط هيثرو
ومشروع سندس
واب كرشولا
الراحت سنبله
بين القائد والتجار....
انا داير تار
وقبيل ود كار
انا داير تار....
تار الماتن
فى المستشفى
عشان القسطره
ما مجان...
تار الهاجر
قفى عقابو
عشان لا واسطه ولا سلطان...
تار الخلا المدرسه
شااااااطر
شان ما يربى
تمانيه اخوان...
تار النخل
القلد المويه
عشان وطاتو تكون خزان
والخزان
بقى ما خزان...
انا داير كم
تار ام دوم
وحلايب
تارى
ام روابه وتار قيسان...
تار الشهدا
الدم الطاهر
دم القسمك
يا سودان...
تار الصمغ العربى الثروه
تار السكر والاقطان...
تار الترعه
وتار الجدول
تار الصحرا
وتار الغابه
تار المشنقه والميدان...
تار البلد الكلو حرابه
وكل واطاتو
تبق نيران...
تار الجامع
وتار الخلوه
تار الشفع
والنسوان...
تار لمتنا على الصينيه
وتار المضيفه
والديوان...
داير كم
ديل بى كم...
قول يا ود خيرى
اتكلم قول
يا محمد اخوى
انا داير كم...
انا داير كم....
انا داير عز
لى وطن العز
ممهور بالدم...
وعداله
تخوجل بين الناس
حفيره
ودونكى
ومنبر نم...
انا داير كم
انا داير
مدرسه للاطفال
ومصانع
تنبح للعمال
تيراب وتركتر
للتربال
انا داير جيش جبااااار واصم...
انا داير مجلس للنواب
مجلس حاساب
ووزير بفهم...
انا داير مسكن للطلاب
انا داير قاعه
ودفتر
ولاب...
شوووف ديل بى كم
انا داير كم؟؟؟؟
حنجيب قانون
احكم بالعدل
العين بالعين والسن بالسن والدم بالدم
لو لازم دم
انا داير دم.... |
شكراً أخي الكريم منير محمد عثمان لإيراد كل هذا الجمال هنا ....
وشكراً الشاعر / محمد حسن أبنعوف للصدع بكلمة الحق في زمن الخوف والتشظي ......
Quote: دم القسمك
يا سودان... |
وهذه أكبر الجرائم التي أرتكبت بحق الوطن على مر التاريخ .... وهي إن غفر الشعب للقائمين على الأمر كل خطاياهم فلن يغفرها ولن ينساها لهم ......
شكراً لك مرة أخي منير محمد عثمان .....
إن شاء الله تسلم ياخ ....
مع خالص ودي وتقديري ؛؛؛؛
|
Post: #5
Title: Re: قول andquot;داير كم؟؟andquot;
Author: منير عثمان
Date: 05-14-2013, 09:39 AM
Parent: #4
الشكر ليك يا استاذي إدريس
وفعلاً ابدع الشاعر في تصوير وتشخيص الواقع
| Quote: وهذه أكبر الجرائم التي أرتكبت بحق الوطن على مر التاريخ .... وهي إن غفر الشعب للقائمين على الأمر كل خطاياهم فلن يغفرها ولن ينساها لهم ...... |
اتفق معاك تماماً وسيأتي يوم الحساب ان شاء الله قريباً
|
|