Post: #1 Title: شوف الناس ديل كانوا حلوين كيف؟ Author: عمر الفاروق عبد الله الشيخ Date: 05-13-2013, 12:06 PM
ور أركويت - أول دعاية سياحية تم انتاجها في السودان فى الستينات من القرن الماضي إنتاج : وحدة أفلام السودان
Post: #2 Title: Re: شوف الناس ديل كانوا حلوين كيف؟ Author: النذير حجازي Date: 05-13-2013, 12:08 PM Parent: #1
زور أركويت دي جزء أصيل من ترحيل الفلاشا عبر السودان وأظن وأن بعض الظن أثمٌ بأن للموساد ضلع فيها
Post: #3 Title: Re: شوف الناس ديل كانوا حلوين كيف؟ Author: عمر الفاروق عبد الله الشيخ Date: 05-13-2013, 12:15 PM Parent: #2
Quote: زور أركويت دي جزء أصيل من ترحيل الفلاشا عبر السودان وأظن وأن بعض الظن أثمٌ بأن للموساد ضلع فيها
الفلم الدعائي لفرقة البساتين بقيادة اسماعيل عبد المعين في ستينات القرن الماضي
Post: #4 Title: Re: شوف الناس ديل كانوا حلوين كيف؟ Author: النذير حجازي Date: 05-13-2013, 12:18 PM Parent: #3
Quote: الفلم الدعائي لفرقة البساتين بقيادة اسماعيل عبد المعين في ستينات القرن الماضي
يا الفاروق أتمنى أن يكون ذلك صحيحاً، ولكن منتج أركويت لم يكن شيئاً مذكوراً إلا إبان ترحيل الفلاشا.
تحياتي
Post: #5 Title: Re: شوف الناس ديل كانوا حلوين كيف؟ Author: عمر الفاروق عبد الله الشيخ Date: 05-13-2013, 12:26 PM Parent: #4
اخي النذير قلنا نشوف لينا حاجة سمحة في خضم اخبار الحرب والقتل والموت
تبين وجه سودانا الجميل الذي نتمني له الخير رغم ما فعله بنا وما سيفعل المتكالبون نحو كرسي السلطة والثروة
Post: #6 Title: Re: شوف الناس ديل كانوا حلوين كيف؟ Author: محمد أبوالعزائم أبوالريش Date: 05-13-2013, 01:45 PM Parent: #5
سلام الأخ عمر الفاروق ....
يا نذار، أركويت من الستينات حصل فيها مجهودات من الجهات المختصة لتكون جاذبة للسياحة الداخلية والخارجية، وكانت فعلاً قبلة العرسان لقضاء شهر العسل.
لكن كما يحدث دائماً عندنا ..... دوام الحال من المحال.
أركويت موجودة من زمان ... ولا يسئ ليها جعلها محطة لتهريب الفلاشا.
بعدين الفيديو واضح إنو مصوّر من زمن قبل أيام تهريب الفلاشا، والمرحوم إسماعيل عبدالمعين وفرقة البساتين ليهم بصمات واضحة في تقديم الجديد في الغناء السوداني.
Post: #7 Title: Re: شوف الناس ديل كانوا حلوين كيف؟ Author: النذير حجازي Date: 05-13-2013, 01:50 PM Parent: #6
شكراً يا الفاروق وأبو الريش للتوضيح، لكن يا أبو الريش لو قريت عن ترحيل الفلاشا كانوا مخططين ليهو من السيتنيات من القرن الماضي، وكان منتجع أركويت هو نقطة ترحيل الفلاشا إلى إسرائيل لتقوية جيشها.