اعتذار لكافة زملاء وقراء المنبر .....

رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

( صدق الله العظيم )

وذلك في بوست تاكيد خبر موت الحلو ( وهو ما زال حيي يرزق )

وجزاكم الله عنا خير الجزاء

اللهم ارنا الحق حقا وارزقنا اتباعة وارنا الباطل باطلا وارزقنا اجتنابه

اللهم امين يا رحمن يا رحيم

يا سلاااام ياود الباوقة .. هذا الكان مرجو منك والمؤمل فيك من بدري
عرفتك كبيــراً وستظل كبيرا ..
انت رجل حقاني ولاتتبع سوى الحق ولقد برهنت على ذلك بهذا السلوك الذي يشبهك

شكراً لك فلقد اسعدتني بهذا الاعتذار الذي يشبهك كثيراً
والاعتذار خير من الاصرار على الخطأ ..

بارك الله فيك اخي .. ليت الجميع يتعلمون منك فضيلة هذه الثقافة ..


حيدر الزين

Quote: اللهم ارنا الحق حقا وارزقنا اتباعة وارنا الباطل باطلا وارزقنا اجتنابه

عامل فيها حقاني -- لكن ياخي ده قمة النفاق

إنت عارف الانقاذ دي على باطل وعارف وين الحق .. لماذا تأيد الباطل؟!!
اعوذ بالله من أمثال هذا الآفاك و المتاجرين بإسم الاسلام

الله في

يازول انت داقى صيوان حدادى مددى ...قروش كشف البكا ووووين ؟

Quote: وذلك في بوست تاكيد خبر موت الحلو ( وهو ما زال حيي يرزق ) وجزاكم الله عنا خير الجزاء

الدباب ودالباوقة الرجوع للحق فضيلة

Quote: وذلك في بوست تاكيد خبر موت الحلو ( وهو ما زال حيي يرزق ) وجزاكم الله عنا خير الجزاء

الدباب ودالباوقة الرجوع للحق فضيلة

هههههههههههه
عندما يسترزق الكوز بكلمات اعتذار كاذبة العب غيرها يا كوز

صوم ثلاثة أيام غير رمضان وفطورك على ..نكسب أجرك...إن شاء الله.

تاني أقرا (إن جاءكم فاسق بنبأ...) قبل ما تلفح أي خبر من ناسكم الكذابين ديل.

Tayeb Abdalla · الأكثر تعليقا · ودالسائح الثانويه بنين
خبرك الجبتو هين واعتذارك مرفوض... بالنسبة لانتمائك للمؤتمر الوطنى بتعمل شنو!!!!!!!!!!!!!!!!!!!111
رد · أعجبني · متابعة المنشور · منذ دقيقتين

كلام واحد من القراء

نتمني أن يهتدي الجميع بما في الأيه

( يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6))

اها يا ود الباوقه
سمعت كلامي فوق شنو اللقافه
قراية اي خبر تستوجب التأني دوماً
برضو يا غالي سلام

عايز تبقى زول راقي يا ود الباوقة ..
عموماً حاجة جميلة منك وبتشبهك شديد

بس عندك لسته طويله من الاعتذارات ..
يا ريت تكملها ياخ ...

لا يا البشاري
فاليعتذر مرة واحدة وهي تكفي
أنه كان على ضلال مبين حين أتبع الشيطان الرجيم الحزب اللعين اللا وطني
شكرا ود الباوقة واصل وأكمل توبتك ... الرجوع فضيلة
الشفيع

يعني ما قادر تقول حكومتك كضابة وغير مسئولة ؟؟!!

الايات دي وفرا لي بعدين وقت تقول تبت وخدعونا وغشونا

قريب دا ح تتلب منهم وتلصق الايات

برضو كويس ودي مناسبة تعتذر من المؤتمر الوطني دا بالمرة


روشتة:

1- تمشي تصلح الفرامل بتاعة الكيبورد بتاعك دا
2- تبطلوا مباراة إسحق أحمد فضل الله والإنتباهة ديل
3- تحياتي

وشكرا

شنو يا خوانا قايمين على الراجل كدا
وين العادة بتاعة سودانيزازنلاين في حالات الإعتذار ناس يا بطل و يا معلم ويا فعلتك ويا تركتك وياها دي المحرية و شنو ما عارف :)

اللهم ثبتنا على الحق و مناصرته اللهم اجعلنا من أصحاب القول السديد و زهدنا في ‏الدنيا و رغبنا في الآخرة

اللهم امين

فرصة للنشالين .....

Quote: شنو يا خوانا قايمين على الراجل كدا وين العادة بتاعة سودانيزازنلاين في حالات الإعتذار ناس يا بطل و يا معلم ويا فعلتك ويا تركتك وياها دي المحرية و شنو ما عارف :)

الشكولاته للحبايب
.
.
.
الدوم لود الباوقة
كويس أنو طلع بدوم

الاعتذار هذا لمقتل الحلو فقط لا غير

على من يريدون الاصطياد في الماء العكر

الرجاء الابتعاد عن ذلك

هذا ما لزم توضيحه

( يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6))

شكرا عمر

نتمني في الايام الجايه

تريث في نقل مثل هذه الاخبار

حكمة اليوم
الخطأ يمكن قبول الاعتذار فيه لكن الكذب والشماتة فلا

الرجوع للحق فضيلة يا ود الباوقة ..

وياها المحرية فيك والله ..

Quote: الاعتذار هذا لمقتل الحلو فقط لا غير على من يريدون الاصطياد في الماء العكر الرجاء الابتعاد عن ذلك هذا ما لزم توضيحه

يعنى حكايات كاودا نفر .... وردم ___ واخبار سارة
فيهن زكاة ركاز ......ولاه موضوعن كيف !!!!

تحية طيبة


الاعتذار فضيلة

قراءة خاطئة لحدث ما نتج عنها الاعتذار . وهذه محمده لودالباوقة

فنحن هنا مجرد مشاهدون لما يجري في الوطن

فلنصفق له وللاخرين الذين سيسيرون على هذا الدرب ؟؟؟؟؟

............

بالنسبة لاعتذار ودالباوقة عن الولاء للمؤتمر الوطني

فإن كان ذو جهد يذكر في المؤتمر الوطني فلن يشفع له اعتذاره

وإن قبلناه سنقبل اي اعتذار من ابالسة النظام الاسلادموي

يعني عادي يجي البشير بعد اقرب زنقة ويقدم اعتذار

ونشبكو دي المحرية فيك والرجوع للحق فضيلة

وباركوها ياخ والناس اهل .. وتضيع دماء الشرفاء

وتضيع المحاسبة والتي لو عملنا بها منذ زمن بعيد لما وصلنا الى ما وصلنا اليه اليوم


النجيضة كما يقول ود الصائم

ود الباوقة زول مشجع عادي زي البقية فلا تثقلوا عليه .


....................
ودالباوقة سلام


..........
اضافة كلمة

لا يفرق كتير ياسيدي الجميل

Quote: وقع فيها عدد من القتلي كان متوقعاً ان يكون الحلو من بين القتلي

اليس كذلك

Quote: الله اكبر معا لردم الثورية بارك الله فيك استاذنا احمد

لقد انطلقت من مطلق شماته
لم تترحم فقد ذهبت الي الردم مباشرة كانك تريد أن شفي شي ما

Quote: على من يريدون الاصطياد في الماء العكر

نصطاد ماذا ياود الباوقه
نحن ندافع عن شخص يحمل قضية أشتعلت النيران في ارضه فأكلة الأطفال قبل الكبار
ولم تركضوا ناحية نصر الحق يومها وكانت الجبال ملاجي لهؤلاء الأطفال للنساء للشيوخ الذي لم تفرق بينهم ماسورة البندقية
خيطتم شلاليفكم مع بعضها يومها الا من التأيد والتكبير والتهليل لنصر زائف
فالازمة ليس في كادقلي وليس بين جبال النوبة فقط لكنها هي الاشرس والاعنف

Quote: Torin Tor · الأكثر تعليقا · Bruessl كان من افضل الاعتذار مباشر لعبدالعزيز الحلو ... رد · أعجبني · متابعة المنشور · منذ ‏26‏ دقيقة

برضو من القراء

الإنتهازي ود الباوقة.

تلقاها عند الغافل.

أنت زول بتساند في نظام القتلة والمجرمين في السودان، وتهلل وتكبر عندما يتم قتل الأبرياء وتعذيب الشرفاء وتشريد الأطفال والنساء.
أعتذارك ده تبلو وتشرب مويتو. أنت بلعت زيك زي بقية أبواق النظام، وجاي تفتح البوست ده لكي تخفف به الهجوم عليك. العب غيرها يا متملق.

لو كنت سمعت كلامي وأختشيت لما كان حدث لك ذلك.

رمضان قرب. الحلو مر بتاعك جاهز؟

Quote: الإنتهازي ود الباوقة. تلقاها عند الغافل. أنت زول بتساند في نظام القتلة والمجرمين في السودان، وتهلل وتكبر عندما يتم قتل الأبرياء وتعذيب الشرفاء وتشريد الأطفال والنساء. أعتذارك ده تبلو وتشرب مويتو. أنت بلعت زيك زي بقية أبواق النظام، وجاي تفتح البوست ده لكي تخفف به الهجوم عليك. العب غيرها يا متملق. لو كنت سمعت كلامي وأختشيت لما كان حدث لك ذلك. رمضان قرب. الحلو مر بتاعك جاهز؟

الزغلباني دينق

حديثك هذا يؤكد دعم حكومتكم ( السغيرونة ) لما يسمى بالثورية

إعتذار مقبول يا ود الباوقة لكن تلزمكـ كفارة و هي إطعام أثنين مساكين ( أنا و عمر الفاروق) فطائر من ماما نورة لمدة ستين يوم
بخلاف البارد و الحاجات التانية *






* الحاجات التانية دي تخص عمر الفاروق ... أنا ده طرفي منها

الشيخ ود الباوقة لا يكذب ولكن يتجمل

قال اتلحس الحلو

اهه اتا بعلت


برضو كبير يا بق بق عملتك دي ناس ابو الحسين ما بعلوها

ابو الحسين قوم افتح بوست بهذه المناسبة

سميهوعملية تعتذرون

واضعف الايمان عملية لوز في ركبة ود الباوقة

نحن يا شباب غير مصداقيتنا الحايمين بيه وسط الناس

تاني ما عندنا اي شيء

Quote: نحن يا شباب غير مصداقيتنا الحايمين بيه وسط الناس تاني ما عندنا اي شيء

طيب وناس دينق حايمين بشنو !!

ول ابو الحسين حائم باللوز والراجل فتت حصاوي

برضه ستظل ود الباوقة الطبّال الأرزقي الذي يدافع عن الباطل بغباء وسذاجة.

هيييييع .. سيل الوادي المنحدر


..

بعد ما عصرنا ناسكم الرماديين ( الغواصات )
اعتذاركم ما بفيد
******* مهزلة *******

عليك بما قال الحبيب اسماعيل عباس

وانا بفطر معاكم معاكم..

قصرت معاك؟؟؟

ود الباوقة زول محترم وود ناس -- وانا احترم أسلوبه -- وارى ان فضائل الرجل كثر مقارنة بهفواته ,

وانه رجل مهضوم حتى للغالبية من خصومه ناهيك عن شيعته .

وانا احييه من هنا اولا لشجاعته الكبيرة فى الكتابة والمواجهة دونما ملاججة او فحش فى القول او فجور فى الخصومة ,

وثانيا لرجوعه فى مواقف كثيرة الى فضيلة الحق كما فعل الان ,

لك التحية يا ود الباوقة وانا بالكاد اعرفك .

الأخ ود الباوقة
تحياتى ،،
الإختلاف فى الرأى يجب أن لا يفسد للود قضية ، إذا دمغ الرحمن على نفسه الرحمة والمغفرة ، فمن نحن حتى لا نقبل إعتذارك ، كن دائماً بهذه الروح ، خصوصاً فى إبتعادك عن الفجور فى الخصومة ، هذا ما لاحظته فى بوستاتك ومداخلاتك ، وهى محمدة تنسحب فى سجل الإيجابيات . إعتذارك مقبول .
مودتى ،،

Quote: وذلك في بوست تاكيد خبر موت الحلو ( وهو ما زال حيي يرزق ) وجزاكم الله عنا خير الجزاء

أبعد من الصوارمي وأبو ريالة ومن لف لفهم حبة حاجة بتجيك مافي...
حبوبتي بتسلم عليك وبتقول ليك الكذب حبلو قصير ،
نسأل الله السلامة وعذاب القبر،
شكرا يا ود الباوقة بس أمشي علي كلامي الفوق دا .

بارك الله فيك اخي ود الباوقه.. ليت الجميع يتعلمون منك فضيلة هذه الثقافة
مع كل الود

والله حاجة عجيبة !!

اولا انت ادعيت بانكك جيت تعتذر صادقا .. واستدليت بكلام ربنا .. واتيت بالاية ادناه:

Quote: رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ (صدق الله العظيم )

يعني كانك تاففت صادقا وعهدت الله بترك الكذب والنفاق وطلبت العفو من الله ..

ما اختلفنا ولكن نحن برضو ذكرناك بكلام الله ادناه ..

Quote: يا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ

لغاية هنا نحن كويسين ..


ولكنك جيت تاني في مداخلتك ادناه نقدت عهدك مع الله وقلت الاتي

Quote: الاعتذار هذا لمقتل الحلو فقط لا غير

يعني مصر انك ح تكذب في المستقبل .. وهذا يعني بانك لا تخشي الله اصلا بل انك تتاجر بكلامه فقط .. وفي هذا الحال ينطبق عليك كلام الله ادناه

Quote: إنَّ الَّذِينَ يَشْتَرُونَ بِعَهْدِ اللهِ وَأَيْمَانِهِمْ ثَمَنًا قَلِيلًا أُولَئِكَ لَا خَلَاقَ لَهُمْ فِي الآَخِرَةِ وَلَا يُكَلِّمُهُمُ اللهُ وَلَا يَنْظُرُ إِلَيْهِمْ يَوْمَ القِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ

شفت نفاق الكيزان ولعبهم بالدين وفسوقهم لعهود الله
الدين برئ منكم كبرائة الذئب من دم ابن يعقوب !!


انت عارف اما ان تصر علي رايك الاعوج ده وتصبح حينها زي الحرامي الطاردينو في وسط السوق .. او تعتذر صادقا بحق وحقيقة .. ليرفع الناس لك القبعات
والخيار لك

يعني زول زي معاوية عبيد يبهت الناس و يصل لاعراضهم و يقذف ناسئهم .. يجي يخت اعتذار مغلف و العنيان يشيل المكسر و ياها المحرية فيك و طوربيد و لا تهتم و دي شجاعة منك .. اما ناقل الخبر المغلوط اعتذار ما مقبول و كذاب و منافق ..

كمية نفاق و دجل يكفوا الدنيا لمائة جيل قادم ..

ود الباوقة لا تهتم .. واصل في دربك

Quote: الاعتذار هذا لمقتل الحلو فقط لا غير

انت انسان تاف ه ووقوفك مع قتلة شهداء دارفور ومناصير

وقتلة اهلى كجبار اعتذار الدينا ما بيفيدك والله الانتقام قادم

لا محال

بلعت

( يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6))

غايتو طلعت ناس "الأنتفاخة" فاسقين عديييييييل كدى ويابختك يا ملاسي!!

بالمناسبةانت عرفت كيف انو الحلو حي ؟؟؟ المصدر بالله

وما تنسى كلام ولدنا اسماعيل عباس بتاع الصيام دا
والفطور عليهو وقال في "كودو"


تحياتي واعتذارك..... بفيدك

المعروف ان منتسبى المؤتمر الوطنى و جهاز الامن يعملون بتنسيق اوكسترالى كبير هنا..يعنى مافى شئ بالصدفة لأننا لو اعتقدنا ذلك سوف نكون من السذاجة بمكان.

الواضح يا ود الباوقة و فى هذا الموضوع بالذات كنت رأس الرمح واللاعب الرئيسى..بالنسبة لى الخطة كانت واضحة و الغرض من الاشاعة و تثبيتها على مدى الايام الفائتة كان واضحا جدا و عندما استوفت الاشاعة الغرض منها نفاها مصدرها الرئيسى : جهاز الامن. لم يهتم لمصداقيتك ولا مصداقية غيرك ففى هذا اللعب الكبير لا اهتمام بادوار الصغار.

يا ود الباوقة انت تخدم بوعى او بدون وعى نظام غارق فى دم شعبه و تعمل ضمن من منظومة مجرمة شئت أم ابيت.إذا اردت الاعتذار اترك العمل برمته و تبرأ من هذا النظام الفاسد والا فلا معنى لإعتذارك الآن لأن عملك حقق اهدافه فكيف تريد منا ان نكون من العباطة بحيث نقبل هذا الاعتذار و تاتى انت و تقوم بنفس المهام مستقبلا و تعتذر للاضينية مرة اخرى و تمشى على اشلاء الحقيقة!!!!!

التبرؤ من هذه العصابة ياود الباوقة هو حلك الوحيد والا فاشتغل شغلك ولا تعتذر لنا فلسنا مجموعة من الاغبياء.

ياها المحريه فيك يا عمر

تحياتي يا حبيب

بلاش هرطقه و نفاق و دجل ...
إستخسرت فيو حتى كلمة ( مات ! )
و كنت بتتحدث بكل عنجهيه و غطرسه
و دجل بأنه ( إتلحس ! ) !!!!
التحية للقائد :
عبدالعزيز الحلو
و رفاقه فى الجبهة الثورية السودانية
و هم يدكون معاقل الإستكبار و أساطين
الهوس و الكذب و ابالسة الضلال و النفاق و الدجل ,
فى حرب التحرير الشاملة التى لا تبقى و لا تذر ...
و لا عفا الله عما سلف ...
عبدالماجد

بارك الله فيك اخي ود الباوقه.. اوصي نفسي واياك بالصدق
مع كل الود

اعتذارك ما بفيدك
و العملتو كان بايدك