ماذا يعني خبر نفي مقتل الحلو ؟؟

وخاصة ان الاخبار الاولي صادرة عن جهات حكومية وعسكرية مفادها انه تمت اصابة عربات فيها الحلو وان الراجح قتله

ثم جاءت تصريحات من سياسيين تفيد بمقتله ودفنه بواو


ثم اليوم اوردت صحف الخرطوم نفيا قاطعا من جهاز الامن لمقتل الحلو!!!!!!!!!!!!


فماذا يعني ذلك ؟

يعني الحلو مر

يعنى:


نشر البلبلة والاشاعات لشغل الناس حتى يتم لملمة الصفوف و استعادة ما احتل و من ثم تعم الاحتفالات البلاد والعباد يا مولانا

Quote: نشر البلبلة والاشاعات لشغل الناس حتى يتم لملمة الصفوف و استعادة ما احتل و من ثم تعم الاحتفالات البلاد والعباد يا مولانا

ان كان الامر كذلك فلاباس

حيث لايعدو ان يكون نوعا من التاكتيك العسكري وهولا امر مقبول


لان الحرب النفسية احدي اسباب النصر

يعنني اننا مانصدق تاني اي خير من طرف الحكومة

يعني زي ما بكتبو ناس المؤتمر الوثني هنا
ترشو والا ارشو يا فلان

Quote: يعني زي ما بكتبو ناس المؤتمر الوثني هنا ترشو والا ارشو يا فلان

يادكتور

ياخ انت محسوب من قادة الراي

فهذا لايليق بك

بيعني انه استخباراتكم العسكرية
محتاجة يودوها الضل
يا عمر صديق ياخي حرب نفسية شنو
بي موضوع كان ممكن الحلو يجعلكم
أضحوكة للعالم كله لو ظهر في نفس
يوم تصريحكم
الحكاية وما فيها أنكم ما عارفين الحلو وين
فطلعت التصريحات العبيطة دي عل وعسي
ترصدو مكانه
بس طلع أذكي منكم بي كتير
للأسف الحكومة فقدت مصداقيتها المفقودة
أصلاً من وزير دفاعها لي برلمانها لغاية الكاروري
في خطبة الجمعة
ياخي حتي محمد حامد جمعة أكثر زول عنده
مصداقية فيكم فقدها علي الأقل بالنسبة لي

Quote: بيعني انه استخباراتكم العسكرية محتاجة يودوها الضل يا عمر صديق ياخي حرب نفسية شنو بي موضوع كان ممكن الحلو يجعلكم أضحوكة للعالم كله لو ظهر في نفس يوم تصريحكم

طيب يا مين مادام لم يفعل ذلك


وجاء الاخبر الاكيد بعدم مقتله بواسطة جهاز الامن

يبقي انه لم يحقق نصرا اعلاميا

وفي تقديري انه لو فعل ذلك وظهر في احدي القنوات قبل خبر الامن لكان حقق نجاحا


والان ظهوره من عدمه اصبح لايعني شيئا

سلامات ياعمر
ما هو ده البقصد بيهو تصريحات عبيطة
ياخي اب ت الاستخبارات انه لما يكون عندك
معلومات غير صحيحة خصمك مفروض يخليك
في عماك والا ما كدي؟
يعني انت كنت عايذ الحلو يصحح ليهم معلوماتهم
والا كيف؟

Quote: سلامات ياعمر ما هو ده البقصد بيهو تصريحات عبيطة ياخي اب ت الاستخبارات انه لما يكون عندك معلومات غير صحيحة خصمك مفروض يخليك في عماك والا ما كدي؟ يعني انت كنت عايذ الحلو يصحح ليهم معلوماتهم والا كيف؟

بل كان سيفعل ذلك

ليقوم بنفي الخبر


ولكن الان ضاعت عليه الفرصة

مكرر

Quote: يعنني اننا مانصدق تاني اي خير من طرف الحكومة

يعني انت قبل كدا كنت قاعد تصدقهم !!!!!!!!!!!!!!

Quote: ان كان الامر كذلك فلاباس حيث لايعدو ان يكون نوعا من التاكتيك العسكري وهولا امر مقبول لان الحرب النفسية احدي اسباب النصر

ده كلام شنو يا عمر؟؟ عاوزين تعتمدوا علي الأكاذيب ؟؟ يعني تاني أخبار النصر ذاتها ستكون أكاذيب وإشعاعات .. !!! .. لا حول ولا قوة إلاّ بالله .. ما سمعتوا بمقولة الشيخ فرح ودتكتوك .. إن الصدق ما نجّاك الكضب ما بينجيك؟؟ ..

ياعمر صديق :















إتلهى .

Quote: ياعمر صديق : إتلهى .

ياكمال سالم


المناضل




مرحب بيك

Quote: ده كلام شنو يا عمر؟؟ عاوزين تعتمدوا علي الأكاذيب ؟؟ يعني تاني أخبار النصر ذاتها ستكون أكاذيب وإشعاعات .. !!! .. لا حول ولا قوة إلاّ بالله .. ما سمعتوا بمقولة الشيخ فرح ودتكتوك .. إن الصدق ما نجّاك الكضب ما بينجيك؟؟ ..

لالا يامنير

انا علقت علي الاخ هشام المجمر

فارجو ان تقرا تعليقي في سياق الرد علي ماقاله

ثم ان الناطق الرسمي لم يؤكد مقتل الحلو

بل ترك الامر مفتوحا

لانه قال ان عربته اصيبت بصاروخ
ولم يجزم باصابته


ولكن من جزم بمقتله سياسيين


لادخل لهم في العمليات العسكرية

وفي راي ان هذه الحادثة يجب ان تردعهم وتمنعهم من التدخل في الامور التي ليست من اختصاصهم

Quote: نشر البلبلة والاشاعات لشغل الناس حتى يتم لملمة الصفوف و استعادة ما احتل و من ثم تعم الاحتفالات البلاد والعباد يا مولانا ان كان الامر كذلك فلاباس حيث لايعدو ان يكون نوعا من التاكتيك العسكري وهولا امر مقبول لان الحرب النفسية احدي اسباب النصر

لا أدري لماذا حكومة الإنقاذ وبما بها من تكنوقراط يخرج منها افعال عبثية مثل تصريحات الصوارمي الساذجة أو خربطات وزير الدفاع البليــدة غير العلمية والمهنية أو استخدام جهاز الأمن والمخابرات لوسيلة دنيئة مثل الكذب بتقديرات خاطئة أنّه يكسب جولة ؟؟؟؟

عالمياً إذا أراد جهاز الأمن والمخابرات بث إشاعة يستخدم التسريبات من "مسؤول فضّل عدم ذكر اسمه"

لمذا يتسابق المسؤولون السودانيون في حشر انفسهم في أماكن ضيقة دون اي حوجة لذلك بل بإرادتهم الذاتية

شيء محيّر


لو كان في جهاز الأمن من عاقل لأعلن أنّه لا يعلم على وجه التأكيد مصير الحلو وما يصدر من البعض يعبر عنهم وليس عن مؤسسات الدولة


وبذلك يكسب جولتين :

1- يترك الإشاعة تتمدد وتهز من الروح المعنوية للعدو وتزيد من الروح المعنوية للجيش

2- إن جاءت الحركة بما يثبت أنّ الحلو حي فتكون الحكومة قد سبقتها بعد التأكد من مصيره وبذلك لا تكسب الحركة الشعبية شيء مقابل إثبات حياة الحلو

ولكن إنّها الإنقاذ بكل عجرها وبجرها

يا عمر
جدتى زمان كانت بتحكى لى قصة واحد كان راعى غنم الحلة اسموا محمود

قالت كل مرة يقول ليهم هجم النمر هجم النمر الحلة كلها تمرق بالعكاكيز لكن ما بلقوا النمر
فاخر مرة قعد يصيح هجم النمر هجم النمر مافى حد طلع ليه هو كان حقيقة النمر هجم
فقام اكلوا واكل الغنم

اها ناس الحكومة ديل بقوا زى محمود راعى غنم الحلة

ولما يبقي الكذب سيرة ومسيرة!!
وفق خبر جهاز الأمن فإن نفي خبر مقتل الحلو يعني:-


1- و يؤكد أن الحلو حي يرزق!!
- وأنه يتمتع بكامل صحته ولم يصاب بأذي بدليل بأنه لازال يدير العمليات العسكرية حتي حتى اليوم السبت الحادي عشر من مايو بحسب إعتراف جهاز الامن وعليه فإن جهاز الأمن وبضربةواحدة يثبت بأن:-
** الناطق الرسمي للقوات المسلحة الصوارمي كذاب ومضلل لأنه سبق أن أعلن ترجيح مقتل الحلو أوأصابته بجروح مميتة
** كذب وفبركة وزير الإعلام السوداني ردد نفس مزاعم الناطق الرسمي للجيش
** كذب نافع علي نافع الذي زعم أن الحلو مابين قتيل ومصاب
** إنعدام مصداقية صحيفة الإنتباهة التي قالت أن الرجل قتل
وشبع موت ودفن بواو !
**تضليل وأفك الاستاذ محمد حسن الامين القيادي بالحزب الحاكم الذي روج لإفك إغتيال الحلو
** نسف مصداقية وحدة الجهاد الالكتروني والكوادر الإسفيرية الذين أجتهدوا في تسويق تلك الكذبة

** ثانيا موضوع أن الحلوحي ثبت عبرالحلو نفسه - بالصوت والشواهد الحية وبالتالي فإن تأكيد جهاز الامن علي تكذيب خبر مقتل الحلو جاء من باب المعلوم بالضرورة ومن باب مكره أخاك لا بطل !ولم يكشف جديدا!!
** ثانيا خبر جهاز الامن يرمي لتحقيق مكاسب علي حساب الاستخبارات العسكرية ولإيهام الناس بأنه وفي بحر هذه الأكاذيب وغياب المعلومة هناك جهة رسمية تعرف وتصرح بالحقائق.. ولكن هذا المسعي بائس لأن المعلومة التي أعلنها جهاز الامن بايتة ومكشوفة حيث أعلنت بواسطة خصومه ونشرها الإعلام الخارجي !وبالتالي فإن الجهاز لم يأتي بما لاتستطعه الاوائل بقدر ما أكد وبصورة قاطعة تناقض الأجهزة الحكومية وتعدد السنتها وغياب التنسيق بينها وهو مؤشر إنهيار وتفكك !!!

Quote: ماذا يعني خبر نفي مقتل الحلو ؟؟

يعني ان كل الكلام الفارغ بتاع النهب و السلب و القتل ال هي اصلاً اسلوب مليشيات المؤتمر الوطني و الموثقة بالفيديو ذي التحت ده ما عندو اي اساس
من الصحة الاً في قرعوبة من روجوا لمقتل عمك الحلو!

Quote: يا عمر جدتى زمان كانت بتحكى لى قصة واحد كان راعى غنم الحلة اسموا محمود قالت كل مرة يقول ليهم هجم النمر هجم النمر الحلة كلها تمرق بالعكاكيز لكن ما بلقوا النمر فاخر مرة قعد يصيح هجم النمر هجم النمر مافى حد طلع ليه هو كان حقيقة النمر هجم فقام اكلوا واكل الغنم اها ناس الحكومة ديل بقوا زى محمود راعى غنم الحلة

سلامات ياوضاحة

وحبوبتك دي زي ماقال ليك واحد في تعليقات الفيس بوك الا تكون مشرف تربوي


لانو دي من قصص المطالعة في الابتدائية زمان


وشكرا لمرورك

Quote: لمذا يتسابق المسؤولون السودانيون في حشر انفسهم في أماكن ضيقة دون اي حوجة لذلك بل بإرادتهم الذاتية شيء محيّر

فعلا اخي كمال

نحن في حاجة الي ضبط خطابنا السياسي والاعلامي

بحيث يعرف كل مسئول متي واين وكيف يصرح

حتي لاتتضارب التصريحات وتتداخل الاختصاصات

وحتي لاتختل السياسات العامة للدولة

يجب علي السياسيين عدم التدخل في مايتعلق بالامور العسكرية والفنية

وان يكون هنالك فرق واضح بين تصريحات مسئولي المؤتمر الوطني كل بحسب اختصصاصه

وبين مسئولي الدولة كل حسب وظيفته

Quote: فماذا يعني ذلك ؟

يعني سيدي جهجهة سراب سااااااكت
فوق شنو الزعل

Quote: ماذا يعني خبر نفي مقتل الحلو ؟؟

ولا حاجة

























------------

انتو الفكيتوها ياعمر .. وبراااكم صدقتوها ...
وتاااااني جيتوا بلعتوا السيف متني

بالنسبة لي تعني خطاب داخلي -داخل المؤتمر- من الطباخين الكبار في مطبخ الاكاذيب.. لصغار السفرجية في مطعم الباشا
اعتذار في شكل وردة ؤ كدا!!
بقيتوا مااااا بتستحوا يا عمر ..
غايتو كان وصلتوا مرحلة ما تستحوا حتى من الله تكون عوجة!!

Quote: ولا حاجة ------------ انتو الفكيتوها ياعمر .. وبراااكم صدقتوها ... وتاااااني جيتوا بلعتوا السيف متني بالنسبة لي تعني خطاب داخلي -داخل المؤتمر- من الطباخين الكبار في مطبخ الاكاذيب.. لصغار السفرجية في مطعم الباشا اعتذار في شكل وردة ؤ كدا!! بقيتوا مااااا بتستحوا يا عمر .. غايتو كان وصلتوا مرحلة ما تستحوا حتى من الله تكون عوجة!!

ياقيقا

اول شئ قلت ولاحاجة

تاني شرحت معناها عندنا نيابة عنا

وتالتا شرحت ماذا تعني ليك



وكل ماذكر يؤكد انه عني لك شيئا


ونحمد لك انك في اخر حديثك خفت الانسلم امورنا لله بان نستحي منه

ونسال الله ان نكون وانت من الهداة المهديين

الذين يخافون من الله

ونساله ان يديم عليك اسلامك السياسي الذي كنت اجهله عنك

واتضح لي من جملتك الاخيرة وان لم ترضي الاقرار بذلك

سلامات أخ عمر صديق
كتبت:-

Quote: وجاء الاخبر الاكيد بعدم مقتله بواسطة جهاز الامن يبقي انه لم يحقق نصرا اعلاميا وفي تقديري انه لو فعل ذلك وظهر في احدي القنوات قبل خبر الامن لكان حقق نجاحاوالان ظهوره من عدمه اصبح لايعني شيئا

فيما يتعلق بنفي جهاز الأمن فإن الجهاز لم يأتي بما لم تستطعه الأوائل ولم يكتشف الذرة ! إنه وبكل بساطة قام بتكذيب الفرية التي أطلقها رجال وأجهزة الإنقاذ !

** قطاع الشمال وعبر قادته وأدبياته نفي الشائعة ** الحلو وبنفسه أ كد أكثر من مرة - أنه حي ولم يصاب بأذي ..أكدها
بصوته وبذا قطعت جهيزة قول كل خطيب !!** ومع نفي الحلو إجتهدت كوادر الإنقاذ لسلخ جلد النملة! وسعوا حثيثا لوراثة مماحكة بني إسرائيل في سؤالهم عن لون وشكل البقرة!
** المماحكة والغلاط ليس بقروش من هنا يمكن أن يسأل أي مجادل :- مفترض جها ز الامن ينفي مقتل الحلو بالإستناد - لصوت الحلو وصورته! شنو
البخلينا نثق في نفيكم دا!? مش ممكن يكون إنتو أصلا ماعارفين -إنو الحلو ميت وللا حي وعايزين تظهروا بمظهر العارف ?! شنو البخلي نفي
جهاز الامن رجل ونفي الجبهة الثورية كراع ?
** عموما نفي جهاز الأمن نعده شهادة شاهد من أهل لا أكثر وهو فوق هذا يكذب أجهزة الانقاذ الاخري ويكشف تناقض وتهافت الحكومة ! ولكنه وفيما يتعلق بواقعة مقتل الحلو فأنه لم يأتي بجديد بقدر ما إعاد تعبئية خبر بايت ومعروف ونفي ماتم نفيه مسبقا!!

يا عمر سلامات يااخي
حيرة شديدة خلاص
andlt;a href="http://www.sudaneseonline.com/cgi-bin/sdb/2bb.cgi?seq=postandboard=430andmsg=1368356812andrn=23" target=_selfandgt;Re: ماذا يعني خبر نفي مقتل الحلو ؟؟

Quote: الاصل بواسطة : Frankly لو كان في جهاز الأمن من عاقل لأعلن أنّه لا يعلم على وجه التأكيد مصير الحلو وما يصدر من البعض يعبر عنهم وليس عن مؤسسات الدولة

Frankly تحياتى

القوات المسلحة والامن والاستخبارات أجهزة مكملة لبعضها البعض فى كل بقاع الارض .. وفي الحروب من المعلوم انّ من يقوم بتزويد وتمليك المعلومات لوسائل
الاعلام هو المتحدث الرسمى باسم القوات المسلحة للدولة المعنية ..

وفي الحالة السودانية ولان كل شئ مقلوب في السودان وخير مثال ماهو بين ايدينا ( نفى جهاز الامن لمقتل الحلو ) لان هذا ليس من اختصاصهم ابداً انمــــــــا الجهة
ذات الصلاحية (الناطق الرسمى باسم القوات المسلحة ) بمعنى ان جهاز الامن قد تغوّل على اعمال الغير ..

تحياتى صاحب البوست

Quote: فماذا يعني ذلك ؟

يعنى انه ان اوان ان يعترف النظام بالهزيمة واللجو الى القوى الوطنية
بما فيها الجبهة الثورية للانفاق على حل وطنى
للازمة فى السودان

Quote: يا عمر سلامات يااخي حيرة شديدة خلاص

ولك خالص التحايا ياعمر

ولم اسطتيع قراءة الرابط

Quote: فيما يتعلق بنفي جهاز الأمن فإن الجهاز لم يأتي بما لم تستطعه الأوائل ولم يكتشف الذرة ! إنه وبكل بساطة قام بتكذيب الفرية التي أطلقها رجال وأجهزة الإنقاذ !

تحياتي استاذ كمال عباس


اعتقد ان قيام الجهاز بتكذيب الخبر الذي ورد عن قيادات الانقاذ يعني شيئا

والا لما قام بذلك

وكثيرا ما تاتي اخبار تهم الجهاز نفسه ولايقوم بالتعليق عليها


ولعل بعضا من هذه المعاني

ماجعلك تتداخل مرتين للتعليق !!!!!!

سبحان الله


كانما الرجل قام بعمل بطولي يستحق ان يعرف الناس مصيره
ان كان حيا او ميتا


هذا المارق الخائن بفعلتة ال########ه هذه ان كان ميتا او حيا فهو فطيس

فكرو باهاليكم المرميين تحت الشجر هم واطفالهم وهم علي هذه الحال
مازالو يتقبلون العزاء في اهاليهم الذين قضو في هذه العملية الحقيره


فكرو في ماذا سيحل بقبائل النوبه التقويي والتجرك وغيرهم و الكانو في امن وامان يعيشون مع العرب الحوازمه في ام كرشوله بعد ان اتو بهم من اعالي الجبال هم ومعيزهم وماان ظهر لهم الحلو بقواته
اصبحو مرشدين له يدلونهم علي بيوت العرب لقتلهم في ام كرشوله
يكفي ان يشير النوباوي علي اي منزل ويقول كلمه عرب
وعينك ماتشوف الا النور

تحدثو عن تقصيرهنا وهناك ان كان من الدوله او من الوالي احمد هارون
عشان الواحد ياخد ويدي معاكم في الكلام

ولا انتو عاوزنو حي عشان يمكن يعملهامره تانيه؟؟

الله اعلم

يعني بالعربي الفصيح زولكم ده فك طلقه في نص راسو المقودس ده

Quote: ونساله ان يديم عليك اسلامك السياسي الذي كنت اجهله عنك واتضح لي من جملتك الاخيرة وان لم ترضي الاقرار بذلك

اسلام سياسي؟
وحقي انا!؟






























---------

احمد الله اسلامي ما فيو سياسة كلو كلو
عقيدتي ليست لمثل هيك عبث
دا براو ودا براو
الكلام عليكم انتو الملخبطين دا بي دا .. واخشي عليكم لا تلموا في دا ولا داك!!

عدم معرفتك بالحاجة ما بعني عدم وجودها .. ول مو هيك!؟

Quote: اسلام سياسي؟ وحقي انا!؟ --------- احمد الله اسلامي ما فيو سياسة كلو كلو عقيدتي ليست لمثل هيك عبث دا براو ودا براو الكلام عليكم انتو الملخبطين دا بي دا .. واخشي عليكم لا تلموا في دا ولا داك!! عدم معرفتك بالحاجة ما بعني عدم وجودها .. ول مو هيك!؟

نعم ياقيقا

وماعليك الا ان تقوقل الحياء من الله

لتعرف انو عندك اسلام سياسي

وفعلا


فان عدم معرفتك به مابعني عدم وجوده


والمافي شنو علي قولك

Quote: فان عدم معرفتك به مابعني عدم وجوده

بل قصدت عدم معرفتك انتا دا يا عمر .. ما تخمني ساي يا اخوي



















--------

اقوقل شنو؟