يا محمد جمعة هل تعتذر حكومة الكيزان لـ (كونا)؟

كونا هى وكالة الانباء الكويتية، تم تسريب اٍشاعة مقتل الحلو اليها و نشرتها. الكيزان طبعاً لا يفهمون خطورة اللعبة التى يقومون بها.
خطورت ان تتأكل مصداقية الدولة نفسها لدى المجتمع الاعلامي الدولي، اي ان تصبح دولة مثل محمود الكذاب. هجم النمر هجم النمر.


http://www.kuna.net.kw/ArticleDetails.aspx?id=2309859andLanguage=ar

السؤال لمحمد حامد جمعة لانه هو من جلب خبر كونا الى المنبر، لا استبعد ان يكون هو من سربه لها
السودان يعلن وفاة قائد الجبهة الثورية المتمردة

ابوبكر


الناس ديل

حسبو الشغلة لعب

سلام بكور
كونا كانت أكثر مهنية و دقة
نقلت الخبر بصيغة لا تسبب لها اي لوم (السودان يعلن) و أوردت إسم مصدر التصريح بكل وضوح

سلامات بكَور
لحدي هسع ماعارف كيف الحكومة بنت افتراضها ان الحلو حي يرزق ولم يقتل
هل شاهدت مادة مسجلة صوت وصورة مثلا ، أم مجرد اعتماد على حاستها الخربانة والمصرَجة دائما

-
نفسي اعرف بالجد الحلو حي ولا ما حي

Quote: الناس ديل حسبو الشغلة لعب

ايوة يا ود مساعد، الناس بالجد حسبو المسألة لعب. لكن لعبة كلفة عالية، هل يعقل ان تجاذف دولة كاملة بمصداقيتها؟
و هل فى مكسب سياسي او عسكري يمكن ان يوزاري مصداقية الدولة؟

Quote: كونا كانت أكثر مهنية و دقة نقلت الخبر بصيغة لا تسبب لها اي لوم (السودان يعلن) و أوردت إسم مصدر التصريح بكل وضوح

سلام حبيبنا ود البشرى، كلامك سليم مية مية، كونا اوردت الخبر على لسان السودان (يا للحسرة السودان طلع كضاب).
لكن يظل الكيزان مسؤولين اخلاقياً من التصحيح لدى كونا، او على الاقل يرسلوا ليها النسخة الجديدة من الخبر الذى
نشرته سونا. لان عدم التصحيح ممكن يضر كونا بطريقة او اخرى.

غايتو القصة بايظة مرة واحدة، و انا متأكد انها سوف تنعكس فى المستقبل على تعامل المنابر الاعلامية المختلفة مع
الاخبار التى تصدر عن حكومة السودان. الناس ديل و الله ما بفهموا، المصداقية أكبر رصيد سياسي للدولة. أكبر
من اى مكسب عسكري لحظي.

Quote: سلامات بكَور لحدي هسع ماعارف كيف الحكومة بنت افتراضها ان الحلو حي يرزق ولم يقتل هل شاهدت مادة مسجلة صوت وصورة مثلا ، أم مجرد اعتماد على حاستها الخربانة والمصرَجة دائما

حيدر يا حنين، لك التحيات
حكاية الحكومة بسيطة، عرفت لانها هى الطلعت وهمة الموت الاولى، كانوا دايرين معلومات عن مكان الحلو.
يبدو ان القطريين قالوا ليهم بس انت اعرفوا لينا مكانوا. اها لمن المسالة ما جابت مريسة تآمزين و فى نفس
الوقت جعلت الحكومة اضحكوة امام العالم قاموا اترجعوا عنها.

اطمئن الحلو بخير، و بسلم عليك

Quote: اطمئن الحلو بخير، و بسلم عليك

الله يسلَمو قول ليهو اظهر ياخ

Quote: الله يسلَمو قول ليهو اظهر ياخ

بظهر قريب، بس الايام دى مشغول شوية، بنجض فى الكيزان ديل

ظريفة فى زول قال مفروض يظهر فى تسجيل فيديو و يرفعوه فى النت.
فيديو وين فى الخلا داك و انترنت وين محلو؟ الانترنت فى الخرطوم
شغال بالجلالة.

Quote: لحدي هسع ماعارف كيف الحكومة بنت افتراضها ان الحلو حي يرزق ولم يقتل هل شاهدت مادة مسجلة صوت وصورة مثلا ، أم مجرد اعتماد على حاستها الخربانة والمصرَجة دائما

ختفا بكور من خشمي يا حنين

يكاد المريب ان يقول خذوني
هم كضابين .. وعارفين انهم كضابين
























-----------

المحيرني المليارات البصرفوها على الامن والدفاع دي!!
واحد فيهم خيالو واسع ساي مافي، يكرب الحبكة الدرامية شوية!؟

كانت ظاهرة يا قيقيا، زول يقول الزول دا مات ضربناه، لكن اصلو ما قالوا ضربوه وين.
حكاية عجيبة، ضربوه لكن ما عارفين وين، بعد شوية بقوا يقول ضربوه فى المعارك فى
جنوب كردفان، جنوب كردفان اكبر من قطر

بعد شوية جابوا قصص اسطورية، بتاعت واو و ما الى ذلك.

الناس ديل لا يعون ان مصداقية الدولة و مؤسساتها اكبر فى قيمتها السياسية من قتل قائد معارض.
لكن من يفهم، اذا كان البلاد يقودها ناس عبد الرحيم و ود الباوقة و عصام دقداق و فكي اٍسحق.

بكووووووووووووووور

يقع في يدكم العدو بركة اللانام ولا أكل الطعام ياخ!

Quote: يا محمد جمعة هل تعتذر حكومة الكيزان لـ (كونا)؟

ممكن في حالة واحدة بس
لو اعتذر حسين ملاسي لحافظ انقابو
غير كده ما تحلم لا انت ولا (كونا)..

وآمال نحن يكوونا كيف!

عيب عليكم يا كيزان، الكضب توده كونا و الصاح توده سونا.

يا جماعة لو فى صحفى عنده اتصل بناس كونا ديل يكلمهم بما حدث.
طبعاً اي وكالة بتكون دايرة تكون فى السبق و تنشر الاخبار الصحيحة.

Quote: يقع في يدكم العدو بركة اللانام ولا أكل الطعام ياخ!

اووو حبيبنا البشاري، المداخلة دى لبدت منى من قبيل ما شفتها
ياخي نحنا مساكين و الله، وقعنا فى يد الشفوت ناس جمعة ديل
بقوا يجروا ببلدنا الشوك. بالله السودان طلع كضّااااب بشكل
حسب الكويتية، هم ما عارفين انو دا ما السودان، السودان حشاه الكضب
ديل الكيزان، الله لا يكسب الكيزان!

يا ابوبكر انت بي صحك؟
اعتذار شنو؟
ياخي اسحق فضل الله بدل
يعتذر عن كذبو في موت الحلو
قال عقار مات بس ما ورانا فارشين
وين

Quote: يا اخي اسحق فضل الله بدل يعتذر عن كذبو في موت الحلو قال عقار مات بس ما ورانا فارشين وين

سلام يا امينو، غايتو الله يعظم الاجر. الكذب الداخلى عرفناه و عهدناه
لكن لمن الاكاذيب تتوزع على المستوي الاقليمي تبقى الخسارة افدح
الناس ديل ما فاهمين انو مصداقية الدولة او النظام السياسي شئ كبير شديد.

مصداقية الدولة زي عود الكبريت، لو خسرتها فهى خسارة للابد. غير قابلة للترميم.