Post: #1
Title: لأول مرة مسؤول في الأمم المتحدة ينتقد الجماعات المسلحة في دارفور
Author: اميرة السيد
Date: 05-10-2013, 05:14 PM
عقد مجلس الأمن جلسة الأسبوع الماضي لمنافشة الوضع في السودان وخاصة الوضع في كردفان بعد الهجوم الذي شنه حركة العدل والمساواة , والقى مبعوث الأمين العام للأمم المتحدة بيانا ادان فيه الهجوم على
مدينة امروابة .. وقال متساءلا : هل هذه الجماعات المسلحة التي نهبت ثمانية بنوك في المدينة وبها اموال تخص مواطنين مدنيين ودمروا محطات المياه والكهرباء مما زاد من معاناة سكان المدينة.. هل هؤلاء يعملون من اجل مصلحة الشعب السوداني؟؟؟ وطلب من مجلس الأمن توقيع عقوبات على هذه الجماعات المسلحة التي ترفض السلام وتريد ان تزيد من معاناة السكان المدنيين...
وتعليقي هو ان حركة العدل والمساواة ، وبهجومها على ناس مدنيين في ام روابة ، قد ارتكبت خطأ فادح وتريد ان تخسر تأييد المنظمة الدولية لقضية عادلة وهي قضية تهميش منطقة الغرب .. وطبعا ناس الأمم المتحدة جنهم وجن واحد يهبش سكان مدنيين وجنهم وجن الاعتداء على الأطفال والنساء.. واذا انقلب مسؤولو الأمم المتحدة على زعماء حركات التحرر مثل العدل والمساواة وبدأوا ينتقدوا اعمالهم ، فإن هذا يعني ان المنظمات الدولية والاقليمية الأخرى سوف تقلل من دعمها لهذه الحركات وستفقد بذلك اي دعم معنوي وسياسي على المستوى الدولي وبالتالي ستفقد دعم الدول الغربية التي غالبا ما تقف في صف المهمشين في الدول الدكتاتورية... يعني مفروض للجماعات التابعة لحركات التحرر ما تقوم بالاعتداء على مواطنين مسالمين لم يرفعوا سلاحا في وجوههم.. ويقتلوا ويدمروا ممتلكات سكان ليس لهم ناقة ولا جمل في ما تفعله حكومة الانقاذ من جرائم.... ومجلس الأمن بيناقش في اجتماعات مغلقة انشطة هذه الجماعات المسلحة في دارفور وكردفان بالتفصيل وبيراقب الوضع بدقة... وعشان كده نصيحتنا انو حركات التحرر ما تعمل غلطة تانية وما يهاجموا مدنيين ابرياء ( على وصف مسؤول الأمم المتحدة).. ويركزوا هجومهم على قوات مسلحة .. عشان ما بفقدوا تعاطف المجتمع الدولي مع قضيتهم...
|
Post: #2
Title: Re: لأول مرة مسؤول في الأمم المتحدة ينتقد الجماعات المسلحة في دارفور
Author: ياسر احمد محمود
Date: 05-10-2013, 05:28 PM
Parent: #1
| Quote: بعد الهجوم الذي شنه حركة العدل والمساواة |
| Quote: وتعليقي هو ان حركة العدل والمساواة |
انتي متأكدة يا اميرة إنو قال العدل والمساواة 
ثم ما هو المصدر؟
|
Post: #3
Title: Re: لأول مرة مسؤول في الأمم المتحدة ينتقد الجماعات المسلحة في دارفور
Author: عبدالعزيز الفاضلابى
Date: 05-10-2013, 05:40 PM
Parent: #2
| Quote: وطلب من مجلس الأمن توقيع عقوبات على هذه الجماعات المسلحة التي ترفض السلام وتريد ان تزيد من معاناة السكان |
المدنيين...
سلامات يا اميرة ـ
يعني يعاقبوهن كيفن؟
دي ذكرتني قصة الطالب الرباطابي الراكب مع ابوهو في القطر.
ابوه شغلتو ـ فتل الحبال وبيعها في السوق.
الولد نزل في محطة شندي يشتري طعمية وعيش ليهو ولابوهو.
نامن جاء راجع لقا ابوهو ضارب شمطة مع زول داير يقعد في مكان الولد.
الولد : لاااا حولاااا يابوي ـ ده زول مسؤل كبير في الدولة .
الأب: إنت مسعول كبير في الدولة؟
المسؤل: ايوه.
الاب: أرفدني.
----------------------------------------------------------
يكون بتاع الامم المتحدة ده جلابي؟
|
Post: #4
Title: Re: لأول مرة مسؤول في الأمم المتحدة ينتقد الجماعات المسلحة في دارفور
Author: اميرة السيد
Date: 05-10-2013, 08:57 PM
Parent: #3
عزيزي ود الفاضلابي
مسؤول الأمم المتحدة ما جلابي لكنه لامن يطالب بتوقيع عقوبات فهو بيقصد ان تمتنع جميع الدول الأعضاء في الأمم المتحدة من تقديم اي مساعدة سواء بطريقة مباشرة او غير مباشرة لهذه الجماعات المسلحة.. وطبعا هو عارف بالضبط مين الدول التي تورد الأسلحة والمعدات لهذه الجماعات المسلحة.. وطبعا قرارات مجلس الأمن الزامية واي دولة لا تنفذ القرار بتقع في مشاكل لا حد لها ، باستثناء اسرائيل المدعومة من الدول العظمى ذات النفوذ.. ومن العقوبات ايضا حظر سفر زعماء هذه الجماعات المسلحة لأي دولة او عبورهم لأراضي اي دولة من الدول الأعضاء في الأمم المتحدة.. بالاضافة إلى تجميد اموالهم واصولهم المالية في المصارف الدولية او المصارف المحلية والاقليمية.. يعني يا ود الفاضلابي اذا قرر مجلس الأمن توقيع عقوبات فهذا معناه خراب بيوتهم من نواحي كثيرة سواء كانت معنوية او مادية او لوجستية..
ونتمنى كمان نسمع كل خير عن النجيبة تبيان في عالم الصحافة والاعلام...
والله يديك العافية
|
Post: #5
Title: Re: لأول مرة مسؤول في الأمم المتحدة ينتقد الجماعات المسلحة في دارفور
Author: اميرة السيد
Date: 05-10-2013, 09:07 PM
Parent: #4
عزيزي ياسر
المصدر ما في يدي في الوقت الحاضر لكن بعمل محاولة انزل ليك كلمة مسؤول الأمم المتحدة مصور من تلفزيون اأمم المتحدة او انزل البيان بالكامل مكتوب وانت ترجمه بالعربي .. لأني احتمال اكون ترجمت مصطلح حركة العدل والمساواة بالغلط او لخبطت بينها وبين حركة اخرى زي حركة تحرير السودان .. لأني كتبت البوست من الذاكرة .. لكن الوثائق موجودة .. بس يكون عندك الصبر الببل الآبري..
وبعدبن يا ياسر اسألك سؤال :: هسع الحركات الكثيرة دي مش كان احسن تتوحد في حركة واحدة وينشئوا حركة تحرير واحدة ويسموها " الاتحاد الوطني للعدالة والمساواة" وبكده ممكن يوحدوا الجهود مع بعض والناس تلتف حولهم ويكون عندهم متحدث رسمي واحد .. وبعد كده شوف الدعم بينهمر كيف من الدول والمنظمات التي تقوم بدعم حركات التحرير في العالم والخلاص من الدكتاتوريات...
والله يديك العافية
|
Post: #6
Title: Re: لأول مرة مسؤول في الأمم المتحدة ينتقد الجماعات المسلحة في دارفور
Author: عبدالعزيز الفاضلابى
Date: 05-10-2013, 09:20 PM
Parent: #5
| Quote: باستثناء اسرائيل المدعومة من الدول العظمى ذات النفوذ |
اسرائيل بس يابت السيد؟
الدول العظمي دي ياها ذاتا البتكتل القتيل وتمشي في جنازتو.
|
Post: #7
Title: Re: لأول مرة مسؤول في الأمم المتحدة ينتقد الجماعات المسلحة في دارفور
Author: وضاح عبدالرحمن جابر
Date: 05-11-2013, 09:31 AM
Parent: #6
| Quote: وعشان كده نصيحتنا انو حركات التحرر ما تعمل غلطة تانية وما يهاجموا مدنيين ابرياء ( على وصف مسؤول الأمم المتحدة).. ويركزوا هجومهم على قوات مسلحة .. عشان ما بفقدوا تعاطف المجتمع الدولي مع قضيتهم... |
سلام استاذة أميرة
فقط عشان ما يفقدو تعاطف المجتمع الدولي ؟
ولا عشان مفروض يكون عندهم وازع اخلاقي وديني وانساني وسوداني ... يمنعهم من استهداف المدنييين
|
|