Post: #1 Title: السودان يدرب النساء للحرب ضد الشيطان الاكبر و الجبهة الثورية السودانية Author: بكرى ابوبكر Date: 05-09-2013, 07:39 PM Parent: #0
Post: #2 Title: Re: السودان يدرب النساء للحرب ضد الشيطان الاكبر و الجبهة الثورية السود Author: بكرى ابوبكر Date: 05-09-2013, 07:40 PM Parent: #1
Post: #3 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Sameer Kuku Date: 05-09-2013, 07:57 PM Parent: #2
ده أسوأة انواع الاستغلال لنساء الهامش فبعد الدفع ب ابناء الهامش للموت المجان ليتنعم ابناءهم, جاء اليوم ليتسغلوا فقر المرأة الهامشية المغلوبة على امرها. مالو الرياض و المنشية و الطائف و كافوري مافيه نسوان و بنات, يدرشوا اخواتنا و بناتنا و امهاتنا و يخلوا بناتم للجامعات و الوظائف و الدعة و الراحة.
Post: #4 Title: Re: السودان يدرب النساء للحرب ضد الشيطان الاكبر و الجبهة الثورية السود Author: كمال عباس Date: 05-09-2013, 08:15 PM Parent: #3
** يتنعمون بالثروة والجاه والقصور المترفة والسيارات الفارهة وتستمع نساؤهم بأحداث صيحات الذهب من دبي وأفخر الثياب وتدرس بناتهم في أرقي المدارس والجامعات ومع هذا لايتورعون عنالتخفي وراء الأوجه الكالحة للفقيرات والمسحوقات - وشحنهن بشعارات التسعينات المستهلكة وحشدهن أمام الكاميرات بغرض تصوير دعاية سياسية رخيصة ! **المراة السودانية التي فقد طفلها حق العلاج المجاني وخسرت إبنتها حق التعليم المجاني لايمكن أن تحترق لتفدي أمثال البشير ونافع وعبدالرحيم محمد حسين كي يتشبثوا أكثربكراسي السلطة ووهج الثروة ! من تكافح من أجل لقمة العيش وكسوة العيال وفاتورة العلاح وحق الإيجار مكانها هو الصفوف الأمامية للثورة السودانية لا الوقوف أمام الكاميرات لتصوير عمل دعائي غرضه إيهام الناس بأن الدفاع الشعبي لازال حيا يرزق! ,أو سحب قلة منهن الي أحراش الموت ** واهم من يظن أن عملية غسيل الادمغة التي كانت تحدث في التسعينات يمكن أن تبعث من جديد , لا لا يمكن إعادة الشعارات التي أكتشف زيفها وأتضح أنها " للسلطة والجاه لا لله والدين, لم يعد البسطاء يخدعون بعدأن رأوا رموز السلطة تغرق في الفساد والثراء الباذخ بينما يموت البؤساء من الجوع والمرض ! * هل تظن ماكينة الدعاية الإنقاذية أن تلك الاجساد المتهالكة والوجوه البائسة ستصمد أمام العوز والشقاء اليومي ناهيك عن أن تصمد في مياديين القتال ?
Post: #5 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Sameer Kuku Date: 05-09-2013, 08:48 PM Parent: #4
النسوان و البنات البرقصن مع البشير ديل ما عاوزين يحاربوا شيطان الجبهة الثورية و لا كيف؟
ديل ياهن المستفيدات من البلد, المفترض يتقدموا الصفوف و يخلو لينا اهلنا في حالم!
Post: #6 Title: Re: السودان يدرب النساء للحرب ضد الشيطان الاكبر و الجبهة الثورية السود Author: nour tawir Date: 05-09-2013, 09:25 PM Parent: #5
أبننا سمير كوكو..
(ده أسوأة انواع الاستغلال لنساء الهامش فبعد الدفع ب ابناء الهامش للموت المجان ليتنعم ابناءهم, جاء اليوم ليتسغلوا فقر المرأة الهامشية المغلوبة على امرها. مالو الرياض و المنشية و الطائف و كافوري مافيه نسوان و بنات, يدرشوا اخواتنا و بناتنا و امهاتنا و يخلوا بناتم للجامعات و الوظائف و الدعة و الراحة)...
شوف اللابسآت الكاكى منو؟ و البيرقصن على بت النيل منو؟..
واذا علّقنا بى كلمة وآحدة.. يبقى عنصريين حتى النخآع..
نعم أنا ضد الحرب.. لآنه البيموتوا هم المظلومين.. وليس الظلمة..
ولكن حينما نرى هذا الاستهتار والاستفزاز الآرعن.. تصبح البندقية متلازمة مدمرة لابد منها.. حتى يعود الوطن.. الى أصل الحكاية والروآية..
Post: #7 Title: Re: السودان يدرب النساء للحرب ضد الشيطان الاكبر و الجبهة الثورية السود Author: كمال عباس Date: 05-09-2013, 10:05 PM Parent: #6
لا لـن أحـيــد .. أبيات مختارة من قصيدة للشاعر مـحـى الديـن فـارس
Post: #8 Title: Re: السودان يدرب النساء للحرب ضد الشيطان الاكبر و الجبهة الثورية السود Author: nour tawir Date: 05-09-2013, 10:29 PM Parent: #7
لا .. يسـمـعـون صخــب الـمـلاييـن الجيــاع
تشــق أسمــاع الـوجــود
وغــداً نـعـــود
حتمــاً نــعـــود .
Post: #9 Title: Re: السودان يدرب النساء للحرب ضد الشيطان الاكبر و الجبهة الثورية السود Author: nour tawir Date: 05-09-2013, 10:44 PM Parent: #8
وهكذا وصلت عبثية الموت فى السودان الى أقصى مدآها.. وأصبح الظالم هو الضحية.. والضحية هى الظالم..
وهكذا أختلطت المعآيير.. والقيم.. ووصل الاستهتار بعقول الناس.... ومصآئرهم.. الى ما لا يعلم مدآه الا الله..
بلد تستقر على كومة من الاكاذيب. والضلال.. والعنف.. والجريمة..
وأصبحت القضية السودانية.. متكّلسه.. شديدة التعقيد..
وأصبح البلد بكامله.. يعج بصخب البنادق... وأنين الثكآلى... وجوع الايتام.. و(هجيج) الحكومة.. التى تصر على أن ترقص.. فوق هذه الاكوآم.. من جثث القتلى.. وجماجم الشباب.. وأنهار الدماء الذكية الطآهرة... التى تتدفق بأستمرار.. لتخط فى عزم واصرار.. ملحمة العزة.. والكرآمة.. بأن نكون.. أو لا نكون..
Post: #25 Title: Re: السودان يدرب النساء للحرب ضد الشيطان الاكبر و الجبهة الثورية السود Author: كمال عباس Date: 05-11-2013, 04:04 PM Parent: #9
,
Post: #15 Title: Re: السودان يدرب النساء للحرب ضد الشيطان الاكبر و الجبهة الثورية السود Author: محمد كابيلا Date: 05-10-2013, 02:29 PM Parent: #6
Quote: شوف اللابسآت الكاكى منو؟ و البيرقصن على بت النيل منو؟..
واذا علّقنا بى كلمة وآحدة.. يبقى عنصريين حتى النخآع..
؟
؟؟
؟؟؟
Post: #10 Title: Re: السودان يدرب النساء للحرب ضد الشيطان الاكبر و الجبهة الثورية السود Author: د.ماجدة ميرغني Date: 05-09-2013, 11:12 PM Parent: #3
Quote: ده أسوأة انواع الاستغلال لنساء الهامش فبعد الدفع ب ابناء الهامش للموت المجان ليتنعم ابناءهم, جاء اليوم ليتسغلوا فقر المرأة الهامشية المغلوبة على امرها. مالو الرياض و المنشية و الطائف و كافوري مافيه نسوان و بنات, يدرشوا اخواتنا و بناتنا و امهاتنا و يخلوا بناتم للجامعات و الوظائف و الدعة و الراحة.
مية المية الاخ سمير
Post: #11 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Kostawi Date: 05-09-2013, 11:21 PM Parent: #10
Post: #12 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Mohamed Adam Date: 05-10-2013, 04:47 AM Parent: #11
*. ياناس المؤتمر الوطني سرقتوا كل السودان وكمان ما قادرين تحموه إلا بسواعد الغلابه! بعد دا ليكن معلوماً لديكم حماية كراسييكم هي مسئولية بناتكم ومسئولية زوجاتكم !!
ماكفايه قتلتم الرجل المهمش وأتمتم أولاده ولسع كمان ياكافي البلاء عايزين تقتلوا ليه أخته وزوجته بكلمة الله أكبر ولله الحمد!! .
هؤلاء الكادحات المغبرات في حوجه ماسه لمن يدربهن علي فن الحيًاه ولستن في حوجه لمن يدربهن علي فن الموت لأنهن(في موت بطيئ )...
السودان بهذه الصوره ما ح يتقدم خطوه واحده للأمام.. ماهو الحل؟ الحل إثنان لاثالث لهما: 1- أن يتشك فوق تحت ويوزع من جديد. أو 2- كل واحد فينا يطلع شدرتو لينوم علي الجنبا البتريحو..
.
Post: #13 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Sameer Kuku Date: 05-10-2013, 01:52 PM Parent: #12
Quote: شوف اللابسآت الكاكى منو؟ و البيرقصن على بت النيل منو؟..
Quote: مية المية الاخ سمير
الاستاذة نور, د. ماجدة تحياتي ليكم و تسلموا. الناس البتبجهوا هنا و عاملين لينا صداع ليل نهار بالقوات المسلحة, مالوا ما شايفين بناتكم و نساءكم و لا حتي اولادكم كجنود في القوات المسلحة؟ السياسة بتاع محاربة العنصر بنفس العنصر لن يستمر طويلاً و قريبا كلنا ح نشوف, فقد فعلها صدام من قبل حينما اجبر الشيعة على محاربة الشيعة في الجنوب و ايران من دون ارادتهم و فعلها استالين حينما اجبر الكثير من الشعوب السوفياتية لمحاربة شعوبها, فاين هم اليوم و انظمتهم..............
Post: #14 Title: Re: السودان يدرب النساء للحرب ضد الشيطان الاكبر و الجبهة الثورية السود Author: كمال عباس Date: 05-10-2013, 02:19 PM Parent: #12
بينما ترفل نافذات المؤتمر الوطني في النعيم والثروات التي تجمع من عرق ودماء الكادحين يتم تجييش المسحوقات اللواتي لاتقوي سيقانهن الضامرة علي حمل أجسادهن المتهالكة ودفعهن الي مجازر الموت والضياع ! إنه زمن الحرب بالوكالة والهلاك في سبيل حماية من يكتنزون الثروة ويحتكرون السلطة ! ,,,,,,,,, خبر
Quote: لدي مخاطبتها قافلة النفرة النسوية .. اشراقةسيد محمود وزيرة العمل وتنمية الموارد البشرية : لا صوت يعلو الآن فوق صوت البندقية05-10-2013 01:39 PM الخرطوم(سونا) - سيرت لجنة المراة العليا المنبثقة من اللجنة العليا للتعبئة والاستنفار صباح اليوم قافلة النفرة النسوية الكبري والتي انطلقت من عريش المجاهدين بمنسقية الدفاع الشعبي تحت شعار ( معا لتجديد العطاء في سوح الفداء ) بحضور وزيرة العمل وتنمية الموارد البشرية اشراقة سيد محمود ووزيرة الرعاية والضمان الاجتماعي مشاعر الدولب والمنسق العام للدفاع الشعبي ومنسقية الدفاع الشعبي بالمراة .
وقالت الأستاذه اشراقة (لا صوت يعلو الآن فوق صوت البندقية) وستمضي مسيرة الجهاد حتي الدخول الي كاودا ويعود للوطن عزته وكرامته وينال التمرد درسا في الاخلاق ودعت الي وقفة جادة لتحرير ابوكرشولا وارجاع النازحين وحسم المعركة من فلول العمالة والمرتزقة ابولاية شمال كردفان .واعلنت الوزيرة استمرار قوافل الدعم والمؤازرة للمجاهدين والنازحين عبر القوافل الانسانية وقوافل دعم المجاهدين . ووصفت الوزيرة العدوان علي ام روابة وابوكرشولا بانه رسالة ضعيفة من فئة خائفة وهاربه سنرد عليها برسالة واحدة فقط وحدة الصف النسائي ضد هذا الاستهداف الغاشم .
Post: #16 Title: Re: السودان يدرب النساء للحرب ضد الشيطان الاكبر و الجبهة الثورية السود Author: AMNA MUKHTAR Date: 05-10-2013, 03:10 PM Parent: #14
كل واحد فينا يطلع شدرتو لينوم علي الجنبا البتريحو..
Post: #17 Title: Re: السودان يدرب النساء للحرب ضد الشيطان الاكبر و الجبهة الثورية السود Author: أحمد ابن عوف Date: 05-10-2013, 03:18 PM Parent: #16
دي مادة مستفزة جدا لكل السودانيين
الكيزان ديل وهم
Post: #18 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Yasir Elsharif Date: 05-10-2013, 03:42 PM Parent: #17
هذا استغلال بشع للنساء المهمشات، وسيرتد على هؤلاء الظلمة في يوم من الأيام، عندما ينقلب السحر على الساحر...
Post: #19 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Elfatih Abuelhia Date: 05-10-2013, 03:53 PM Parent: #18
Quote: هذا استغلال بشع للنساء المهمشات، وسيرتد على هؤلاء الظلمة في يوم من الأيام، عندما ينقلب السحر على الساحر.
Post: #20 Title: Re: السودان يدرب النساء للحرب ضد الشيطان الاكبر و الجبهة الثورية السود Author: nour tawir Date: 05-10-2013, 05:41 PM Parent: #19
(وقالت الأستاذه اشراقة (لا صوت يعلو الآن فوق صوت البندقية)...
ومن أين تسمع الاستاذة أشراقة هذه.. صوت البندقية؟ من مكتبها الوثير المكيف؟ أو من صالونها الآكثر رآحة وبذخا؟.. أو من راديو سيارتها الدبل كابين؟
يا عالم..
وصل الحال بالظلم السودانى.. الذى (يقدل) على رجلين.. الى التبّجح به.. وتحدى لمشاعر الفلابة.... بكل جرأة وأستفزاز..
Post: #21 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Sameer Kuku Date: 05-10-2013, 07:02 PM Parent: #20
قالت شنو: لا صوت يعلو الآن فوق صوت البندقية قال
امبارح عينت اخوها حارس "محرم" في اغرب تصرف من وزير و الليلة بتتكلم عن دخول كاودا و عاوزة ترسل بنات الناس عشان ينجزوا ليها المهمة و تكون هي مرطبه في كرسي السلطة!
Post: #22 Title: Re: السودان يدرب النساء للحرب ضد الشيطان الاكبر و الجبهة الثورية السود Author: nour tawir Date: 05-10-2013, 08:53 PM Parent: #21
كلما حآولنا أن نقنع أنفسنا بأننا سودانيين فى الحقوق والوآجبات.. تأتينا مثل هذه النمازج.. الشاذة... لتؤكد لنا بأننا مخطئون.. وحآلمون..
وأن السودان الذى يعيشون فى ظلاله... هو مثلث حمدى.. جغرافية.. ووجدانا.. وأن بآقى السودان.. ما هو الا دماء تغذى شرايين رعايا مثلث حمدى.. ليس ألا..
وأن سودان الغلابة.. الذى نعنيه.. يقبع فى فم البندقية..
ولم يتبق معنى للدبلوماسية.. والصبر.. وطول البآل.. والذى منه..
فقد نفد مالدينا من صبر.. وكذلك جميع محآولاتنا الدبلوماسية...
Post: #23 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Elawad Eltayeb Date: 05-11-2013, 00:31 AM Parent: #22
فعلاً شيء مؤسف ومتوقع من الكيزان تجار الدين لمن تحصل عكة في أي حتة من السودان برسلو ليها أهلها في قوات الجيش والأمن والدفاع الشعبي ويختوهم في وش المدفع ولما كملوا الرجال وقرضو الشباب الآن قبلوا على النساء لحماية قصورهم العالية
لكن الله فعال لما يريد، هم الآن فعلياً بيدربو في نساء المعارضة اللي حيشربوهم كأس الموت الأحمر. ونحن نرى في كل شر يريدونه لنا خير أراده الله الحكم العادل.
Post: #24 Title: Re: السودان يدرب النساء للحرب ضد الشيطان الاكبر و الجبهة الثورية السود Author: nour tawir Date: 05-11-2013, 03:15 AM
(الاخ سمير فى زمتك وعليك الله هسى البنتين ابان احمر ديل شبه درش ولا شبه صفاء وانتباه .. شفتا بكشفو كيف )...
ما هو زآآآتو دا الكلام البجيب الكلام... البنات الماشبة درش ديل.. شوف بالله نآعمات كيفن؟ والما بخليهن كدى شنو؟
لا عمرن وردن للموية... ولا عمرن شالن صفيحة موية فى رآسن.. ولا عمرهن مشن مشاوير بى رجليهم للزرع ولا للغابة يجيبن حطب... ولا فرشن فى السوق 25 ساعة.... ورمن العيال فى الحلة... وطول النهار قلقانين عليهم.. ولا عمرهن أشتهن حاجة وما لقنها قّدامهم..
الما بخليهن مبسوطات... ويكشفن مع الرئيس شنو؟ البلد كلها شّغالة على حسابهن.. هن وأهلن.. سلالة الابالسة.. ونسب الجن..
أعوذ بالله من الشيطان الرجيم.. بسم الله الرحمن الرحيم..
(دعهم يخوضوا ويلعبوا حتى يلاقوا يومهم الذى يوعدون)...
صدق الله العظيم..
Post: #26 Title: Re: السودان يدرب النساء للحرب ضد الشيطان الاكبر و الجبهة الثورية السود Author: saif massad ali Date: 05-11-2013, 07:00 PM Parent: #24
ده الكلام البجيب الكلام
لكن كويس بنات الهامش مسلحات وبعرفن يستعملن السلاح
Post: #27 Title: Re: السودان يدرب النساء للحرب ضد الشيطان الاكبر و الجبهة الثورية السود Author: Zakaria Joseph Date: 05-11-2013, 07:31 PM Parent: #26
Quote: ده الكلام البجيب الكلام
لكن كويس بنات الهامش مسلحات وبعرفن يستعملن السلاح
المسالة ليست خيار فى الماطق التى تدور فيها المعارك. هذه الصورة, اظنها من النيل الازرق, لمقاتلة من الجيش الشعبى.
Post: #28 Title: Re: السودان يدرب النساء للحرب ضد الشيطان الاكبر و الجبهة الثورية السود Author: nour tawir Date: 05-12-2013, 01:09 AM Parent: #27
(لك الله يا وطني.. ولا أود أن أستدعي ما قاله سيد أحمد الحردلو (ملعون أبوها........). غير أني سأختم تعليقي بمثل سوداني يقول (الله يكضب الشينة)!! رد · أعجبني· منذ 23 ساعة..
الشينة .. جآية... جآية.. عشان السودان دا يبقى بلد.. زى بلاد الله.. لازم المعادلة الاثنية تتصّحح..
يعنى لازم نكون كلنا سودانيين... ومافى حاجة أسمها الشمالى النيلى.. ولا مثلث حمدى.. ولا مثلث برمودا.. يعنى سودانى وبس..
Post: #29 Title: Re: السودان يدرب النساء للحرب ضد الشيطان الاكبر و الجبهة الثورية السود Author: عواطف ادريس اسماعيل Date: 05-12-2013, 06:29 AM Parent: #28
