قتل الحلو...لم يقتل الحلو....نقد للكاركتير الفوق دا (صورة واضحة)

تضاربت الأخبار حول مصير الحلو
الكاركتير ... يتناول ..تفاعل المتعاطفين مع المؤتمر الوطني

نتمني أن يكون ... هذا البوست مكان لكل ما يتعلق بالكاركتير

ولكم مني كل الإحترام والتقدير

السلام عليكم
يا حبيبنا صدقني الكاركاتير البشرحوهو دا محتاج إعادة صياغة ..
أنا شايف انك محتاج خبرة وإطلاع أكتر

قهمت الراجل ياخ..

سلام عليكم

أحمد ابراهيم عثمان يقول لطلحة

Quote: قهمت الراجل ياخ.. سلام عليكم

اهلا احمد إبراهيم
الله لا جاب البقهم الناس
وأعتقد الرد لي طلحة يمكن يكون كافي ليك
لو ما كفاية قول عوووك
ولك كل التحية والإحترام.

طلحة عبدالله يقول

Quote: السلام عليكم يا حبيبنا صدقني الكاركاتير البشرحوهو دا محتاج إعادة صياغة .. أنا شايف انك محتاج خبرة وإطلاع أكتر

أهلا حباب طلحة..وعليكم السلام
يبدو أن أول مرة تدخل علينا.... عشان كدا لذم توضيح الإمور
في كل كاركتير يترفع فوق ....بفتح معاهو بوست
براح للنقد الهادف
وكل إنسان حسب قراءته
وأنا هنا أبحث عن الخبرة ... والإطلاع
ونسأل الله لنا ولك وللجميع التوفيق

ولك كل الشكر والإحترام

حسب تقيمي المتواضع

يعني الكاركاتير دا احسن بكثير من سابقه

شكرا ابو مصطفى

اردم

Quote: يبدو أن أول مرة تدخل علينا.... عشان كدا لذم توضيح الإمور في كل كاركتير يترفع فوق ....بفتح معاهو بوست براح للنقد الهادف وكل إنسان حسب قراءته وأنا هنا أبحث عن الخبرة ... والإطلاع ونسأل الله لنا ولك وللجميع التوفيق ولك كل الشكر والإحترام

الصديق والدفعة عبدو ود مصطفي حبابك الف

يا اخي الكلام ده كان تخليهو لينا نحن
وحيات الله جاي افتح بوست بخصوص الكاركتير ولكنك سبقتني بخطوتين
اقسم بالله انه عمل يجسد الوضع الحقيقي لحالة الكتائب الالكترونية الكيزانية وبقية ازلام النظام
شابكننا الحلو مات والمر طار والعسل دفق وشنو كدا مش عارف في الوقت الناس بتتكلم فيهو عن موت المدنيين !!
يا اخي انت زول فنان وليك ذوق عالي ودقة في اختيار المواضيع .. كما انو فنونك واضحة ولا تحتاج الي اي تفسير (رش يا حبيب رش)
اكيد عمل زي ده ما ح يعجب ازلام النظام .. ولذلك اعتقد انهم ح ينقدونك من هذه الزاوية ولذلك اقول ليك يا حبيب رش ولا تهتم بتنديد الكيزان ونقدهم الهدام

ولي قدام .. ولا نامت اعين الكيزان

جميل ... جميل يا عبده
بالجد اكثر كاريكاتير يضحكني في الفترة الاخيرة
لكن طالما البوست للنقد - طبعا احنا السودانيين النقد بالنسبة لينا يعني الشناف و فتيش السلبيات بالفتاشة :)
عشان كدا ما بجيك يدي فاضية
شايفك غيرت العبارات الفي الكيبورد بين المشهدين، يمكن تكون مقصودة لكن تكرار التفاصيل التانية زي ما هي زي المنقد و الهبابة بفرض انو الكيبورد برضو ما يتغير
عموما زي ما قلت ليك دي ملاحطة للشناف ساي
العمل جميل و ذكي اهنيك عليه وزي ما قال محمود ما تشتغل بالكيزان الزي طلحة تنظير ديل :)

محمد البشرى الخضر
يقول

Quote: جميل ... جميل يا عبده بالجد اكثر كاريكاتير يضحكني في الفترة الاخيرة لكن طالما البوست للنقد - طبعا احنا السودانيين النقد بالنسبة لينا يعني الشناف و فتيش السلبيات بالفتاشة :) عشان كدا ما بجيك يدي فاضية شايفك غيرت العبارات الفي الكيبورد بين المشهدين، يمكن تكون مقصودة لكن تكرار التفاصيل التانية زي ما هي زي المنقد و الهبابة بفرض انو الكيبورد برضو ما يتغير عموما زي ما قلت ليك دي ملاحطة للشناف ساي العمل جميل و ذكي اهنيك عليه وزي ما قال محمود ما تشتغل بالكيزان الزي طلحة تنظير ديل :)

مرحب حباب الزول الجميل ودالبشري
شكرا للإطراء
بالنسبة لتغير الكلمات في الكيبورد
فهذا جزء من الكاركتير...(مقصودة)..لأن هؤلاء لا يستطيعون التعامل مع ..مفاتيح كثيرة
فيتم تغير المفاتيح أوتوماتيكي....حسب الحالة العامة
لان الألفاظ بتتغير...
ولك مني كل التحايا

الفاضل عبدو .. للتو انتبهت انك صاحب الكاركاتير ..
واصل و متابعين

لك كل التقدير و الاحترام ..

يقول محمد علي

Quote: الصديق والدفعة عبدو ود مصطفي حبابك الف يا اخي الكلام ده كان تخليهو لينا نحن وحيات الله جاي افتح بوست بخصوص الكاركتير ولكنك سبقتني بخطوتين اقسم بالله انه عمل يجسد الوضع الحقيقي لحالة الكتائب الالكترونية الكيزانية وبقية ازلام النظام شابكننا الحلو مات والمر طار والعسل دفق وشنو كدا مش عارف في الوقت الناس بتتكلم فيهو عن موت المدنيين !! يا اخي انت زول فنان وليك ذوق عالي ودقة في اختيار المواضيع .. كما انو فنونك واضحة ولا تحتاج الي اي تفسير (رش يا حبيب رش) اكيد عمل زي ده ما ح يعجب ازلام النظام .. ولذلك اعتقد انهم ح ينقدونك من هذه الزاوية ولذلك اقول ليك يا حبيب رش ولا تهتم بتنديد الكيزان ونقدهم الهدام ولي قدام .. ولا نامت اعين الكيزان

معليش اخ محمد علي ولكن تعودت أن أفتح بوست بدري قبل
الناس ينتبهو....(إحتكاري مش)
لك كل الإحترام والتقدير
وندعو الله أن يوعدنا خيرا قريبا

بمثل ما اشار هي تلك الكتائب وهؤلاء المعتسلون حتى اعماق اذهانهم وهي عاداتهم الاستعجال لحسم الازمات والمشاكل دون الصبر للحلول وإتاحة الزمن المطلوب لها فكل الامور تمضي بصرخة العجلة هرم عندهم النفس الطويل فالحلو لو مات لبنت حلواً أخر ربما لايقدرون لصد ريح توجهه
قال ود الباوقه

Quote: حسب تقيمي المتواضع يعني الكاركاتير دا احسن بكثير من سابقه

أنه لم يوفق في التقيم نسبة لتك العجلة
فالحركة الاسلامية ماتت موت متعفن ليس مبعوثه منه من جديد
فالتحية لك
أبو ولدي

عادل البراري يقول:

Quote: بمثل ما اشار هي تلك الكتائب وهؤلاء المعتسلون حتى اعماق اذهانهم وهي عاداتهم الاستعجال لحسم الازمات والمشاكل دون الصبر للحلول وإتاحة الزمن المطلوب لها فكل الامور تمضي بصرخة العجلة هرم عندهم النفس الطويل فالحلو لو مات لبنت حلواً أخر ربما لاقدرون لصد ريح توجهه قال ود الباوقه Quote: حسب تقيمي المتواضع يعني الكاركاتير دا احسن بكثير من سابقه أنه لم يوفق في التقيم نسبة لتك العجلة فالحركة الاسلامية ماتت موت متعفن ليس مبعوثه منه من جديد فالتحية لك أبو ولدي

الأخ ود البرار...حياك الله

من الأشياء االتي دائما اتوقف عندها...يعلم النظام خطورة المجتمع الإسفيري
ولكنه ...لم يوفق في كيفيه التعامل معه فجند له ...ما يعرف بالجداد الإلكتروني
عرف عنه إستخفافه بعقول المتابع... بعبارات مكررة... لا يرهقون انفسهم
بالتفكير قليلا...بما يحدث...ليس لنقص في التركيبة...فكلنا سواسية
ولكن في المنهج الذي أرضع لهم
نتمني أن يتحرر هولاء من هذا التقيد...ويحترمو عقول المتابع
فليس كل متابع.....معارض
والمثال الذي يتخذه الكراكتير يجسد هذه الحالة
فجملة
وقتل عشرات المواطنين..لا تهم هؤلاء...فقد يهمهم موت الحلو

ودائما نقول الهدايا من الله

ولك مني كل الاحترام والتقدير

ودالباوقة يشرف البوست ويقول

Quote: حسب تقيمي المتواضع يعني الكاركاتير دا احسن بكثير من سابقه شكرا ابو مصطفى اردم

تقيمك دايما محل إحترام وتقدير
ولك مني كل الود

عبدو مصطفي يا حبيب
لا أنا دخلت عليك قبل كدا مرة ومرتين لكن الظاهر عليك يا أستاذ نسيت
غايتو أنا للأسف بتفق مع كلام اللخو التحت الاسمو محمود علي دا في انو المفروض اتا ترسم وتخلي
غيرك يفتح بوست للتعليق علي رسمك .. لكن بالتأكيد اتا أدري وحر فيما تفعل .
المهم ياحبيب إتا قلتا عايز نقد وأديتك نقد ..
قلت .. عايز خبرة وقلت ليك إتا محتاج خبرة وإطلاع .. يبقي ردك علي مشى وجاء لنفس مداخلتي ..
عموما يا حبيب ربنا يوفقك في البتعمل فيهو ..
.................
محمود علي يا اللخو .. روق شوية .

Quote: عبدو مصطفي يا حبيب لا أنا دخلت عليك قبل كدا مرة ومرتين لكن الظاهر عليك يا أستاذ نسيت غايتو أنا للأسف بتفق مع كلام اللخو التحت الاسمو محمود علي دا في انو المفروض اتا ترسم وتخلي غيرك يفتح بوست للتعليق علي رسمك .. لكن بالتأكيد اتا أدري وحر فيما تفعل . المهم ياحبيب إتا قلتا عايز نقد وأديتك نقد .. قلت .. عايز خبرة وقلت ليك إتا محتاج خبرة وإطلاع .. يبقي ردك علي مشى وجاء لنفس مداخلتي .. عموما يا حبيب ربنا يوفقك في البتعمل فيهو .. ................. محمود علي يا اللخو .. روق شوية

يا زول هوي انت بتكتب تحت تأثير ولا شنو؟
اللخو التحت!!
ويروق شوية!!

كده قول بسم الله .. محمود قال شنو اصلا عشان يروق؟
ده كلو عشان حذرنا من غدر وعباطة الكيزان يعني!
وبعدين زول صنفتو تحت يروق كيفن؟

والله انت لم تاتي لحوار
ولا لنقد من اجل تصحيح المسار
بل انك تحاول الاثارة واشعال النار
فجنبنا الله شر من تفننوا في غراب الديار


ولذلك ساتركك وشأنك حتي لا نشوش البوست

كاريكاتور جميل

فقط كونه به مشهدين لمؤيدي الحكومة فكنا عايزين نشوف مشهدين لمعارضي الحكومة

وبكدا ح يكون عندنا أربع مشاهد

هذا النوع من كايكاتور المشاهد المتعددة تجده ينشر بكثر في صحافة التابلويت في الغرب وهو ما يطلق عليه cartoon strip


أكثر ما عجبني هو الأزرار المعدة مسبقاً والتفرغ التام لمؤيدي الحكومة للضغط على الأزرار حتى القهوة لا يحتاج أن يقوم ويعدها فهو يأخذها بالدرب

حركة تحريك "الهبابة" ملعوبة بذكاء

حلوة

تطور نوعي .. جدا جميل
الموضوع ... الفكرة وطريقة التعبير

شكرا

Gafar Bashir
يقول

Quote: تطور نوعي .. جدا جميل الموضوع ... الفكرة وطريقة التعبير شكرا

لك التحية أخ Gafer
ونتمني التطور دا يمر علي الزول القاعد يشرب
في قهوتو بالطريقة دي ولا يهمه موت عشرات المواطنين

ولك مني كل الود

Frankly يقول

Quote: كاريكاتور جميل فقط كونه به مشهدين لمؤيدي الحكومة فكنا عايزين نشوف مشهدين لمعارضي الحكومة وبكدا ح يكون عندنا أربع مشاهد هذا النوع من كايكاتور المشاهد المتعددة تجده ينشر بكثر في صحافة التابلويت في الغرب وهو ما يطلق عليه cartoon strip أكثر ما عجبني هو الأزرار المعدة مسبقاً والتفرغ التام لمؤيدي الحكومة للضغط على الأزرار حتى القهوة لا يحتاج أن يقوم ويعدها فهو يأخذها بالدرب حركة تحريك "الهبابة" ملعوبة بذكاء حلوة

شكرا أخ Frankly
علي الإطراء ...والقراءة بعين حريفة
ولك مني
كل الإحترام والتقدير