Post: #1
Title: مصطلحات ومصطلحي سودانيزاونلاين
Author: درديري كباشي
Date: 05-08-2013, 02:56 PM
Parent: #0
من ما جيت هنا من بداية العام
لاخظت انه المنبر هنا اصبحت له لغته الخاصة ( تيرمنولوجي9
رغم انه عربي لكن لن تجده في مكان آخر
تعالوا نبحر فيها شوية ونربطها مع اصحابها
يتخيل راح نطلع بموضوع طريف
ينفع مكمدات اللالتهابات المولعة اليومين ديل نتيجة الحروب
وعلى المناضلين اعتبروها استراحة محارب
|
Post: #2
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 02:58 PM
Parent: #1
أشهر عبارة فتأمل : لحسين ملاسي التي يختم بها بوستاته
ثم تليها : المهم بتاعة تبارك
ثم أردم لود الباوقة
المافي شنو : لحمودي قيقا
|
Post: #3
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 03:00 PM
Parent: #2
والله صحي
انا ماعارف مين مبتكرها لانها شايعة بين أمين وود مدير
والله صحي
|
Post: #4
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 03:12 PM
Parent: #3
أرشو ؟؟
لا ادري من صاحبها هنا
لكن هي اصلا نكته لقدامى المغتربين .. ما نحكيها عشان ما نجيب لهم الهوا في الجو المكهرب بالحريق دا..
وتستخدم في الاستئذان في الهجوم لاحد الاعضاء كشف حال يعني
|
Post: #5
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 03:15 PM
Parent: #4
زوووووووووووط
تتداول بكثرة ابان مباريات كرة القدم
ويمكن تشير الى الهزيمة بصورة عامة او احراز هدف
يتم سحبها في حالات التعادل عادة ..
وتكثر في مباريات هلال مريخ ريال مدريد برشلونة
اذ انقسم السودانيين رياضيا الى هذه الكيمان الاربعة
لا ندري من مبتكرها
لانها كلمة عامة
|
Post: #6
Title: Re: مصطلحات ومصطلحي سودانيزاونلاين
Author: عوض أبو عيش
Date: 05-08-2013, 03:30 PM
Parent: #5
| Quote: ثم أردم لود الباوقة |
وكع أيضاً..
وعدم قراءتنا لهاتين الكلمتين.. في آخر مداخلات الأخ عمر ود الباوقة..
بنعرف إنو المؤتمر الوطني مزنوق.. في ساحات الحرب والسلم.. ده لو في سلم!
|
Post: #7
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 03:35 PM
Parent: #6
وقوم لف خقة حسين بالانجليزي على ما عتقد رغم انتشارها عند كثيرين
لا ادري ما هي دلالاتها لكن تحس بانها تعبر عن ندمه على المداخلة ..
|
Post: #8
Title: Re: مصطلحات ومصطلحي سودانيزاونلاين
Author: ود الباوقة
Date: 05-08-2013, 03:36 PM
Parent: #7
اردم يا دردرة
كع
|
Post: #9
Title: Re: مصطلحات ومصطلحي سودانيزاونلاين
Author: Yousuf Taha
Date: 05-08-2013, 03:41 PM
Parent: #8
شيخي الدرديري سلامات
جينا نقول ليك نحن وراك وراك من الراكوبة لحوش بكري من زمن بوستك الفي الراكوبة
بتاع زهجنا الكنت بدخل الراكوبة عشان ارفعو ليك
ابوصفية
يوسف طه
|
Post: #13
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 04:27 PM
Parent: #9
هلا يا ابو صفية
والله ان سعيد جدا بطلتك هنا
انا في وقت الهمبري مرقت من الراكوبة للحوش
وكان نقطت برجع تاني
ترى راكوبتنا مشكورة في الخريف
مافي كلام
|
Post: #10
Title: Re: مصطلحات ومصطلحي سودانيزاونلاين
Author: عوض أبو عيش
Date: 05-08-2013, 03:42 PM
Parent: #8
يازول... أبو كرشولا .. تم تحريرها.. وللا شـنــو.. 
|
Post: #11
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 04:10 PM
Parent: #8
اردم يا دردرة
كع
سلام يت بقبق ترانا رادمين لامن نشوف آخرتها
|
Post: #12
Title: Re: مصطلحات ومصطلحي سودانيزاونلاين
Author: Mahjob Abdalla
Date: 05-08-2013, 04:14 PM
Parent: #11
علي ما اظن البشاري اول من استخدمها.
|
Post: #14
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 05:27 PM
Parent: #12
ولوووووووول
خقة منو يا محجوب
لاحظت مرات تقرن بعناوين البوستات
وانا يتخيل لي حتى ما سودانية ربما خليجية ونسائية بحتة
يمكن توازي في كلام نسواننا ... اووووووب علي
|
Post: #15
Title: Re: مصطلحات ومصطلحي سودانيزاونلاين
Author: عبدالعزيز الفاضلابى
Date: 05-08-2013, 06:18 PM
Parent: #14
سلام صاحب البوست وضيوفه الكرام
تعجبني:
لووووووب بتاعة دينا خالد .. وبالذات لما تكتب ماتحت الخط في آخر المداخلة فكأنها تكتب ماوراء الخبر الذي عادة يكون اهم من الخبر.
هيييييع ـ الطيب شيقوق
النجيضة ـ محمد عبدالماجد الصايم
فاوضني بلازعل ـ الشايقي
وهذه العبارات تسمي لوازم ـ وكأنها اصبحت لازمة من لوازم اصحابها ,,
وبمناسبة لازمة هذه
اذكر ان الشاعر المصري المخضرم احمد فؤاد نجم
كان يحاكم علي قصيدة كان قد عرَّض فيها بالسادات.
كان في صحيفة الاتهام انه قد استخدم لازمة من لوازم السادات
فكان رده علي المحكمة :
هو السادات كان ليهو لازمة ـ فكان رداً بليغاً ..
|
Post: #16
Title: Re: مصطلحات ومصطلحي سودانيزاونلاين
Author: محمد حمزة الحسين
Date: 05-08-2013, 07:00 PM
Parent: #15
الدرديرى سلام
ان انسى لن انسى
التجاهل
التجاهل
التجاهل
بتاعت عمك الدكتور انا ما عارفك الوقت داك متابع والله لاأأأأأع
|
Post: #20
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 08:52 PM
Parent: #16
محمد حمزة انت من الزمن داك معاين من الشباك زيناا كدا
ولا رخصت جديد وغيرت نمر بس
|
Post: #17
Title: Re: مصطلحات ومصطلحي سودانيزاونلاين
Author: Artiga Gilani
Date: 05-08-2013, 07:03 PM
Parent: #15
بسم الله الرحمن الرحيم
درديرى
الله فرجينى - هاشم نوريت
اختشى - دينق
ارتيقا
|
Post: #18
Title: Re: مصطلحات ومصطلحي سودانيزاونلاين
Author: Mahjob Abdalla
Date: 05-08-2013, 07:23 PM
Parent: #17
قررررررررررررررررررررررر
و عييييييييييييييييييييييييييييك
|
Post: #21
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 08:54 PM
Parent: #17
سلام يا ادروب
قريبنا ارتيقا
والله ما في اريح من بسملتك وحرصك عليها
|
Post: #19
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 08:45 PM
Parent: #15
سلام يا فاضلابي ومنور
وحلوة بتاعة السادات كان ليه لازمة ؟؟
صحي والله والذين من بعده
|
Post: #22
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 09:02 PM
Parent: #19
صديقنا مصطفى البشاري من الفيس بوك
ذكرنا بلازمة ابو روضة .ابو روضة له عدة لازمات حصيلة طقم كامل نرجه نحصرهم منهم يا زول يا وهيط ز
الحقيقة مصطلح لازمة الجابو الفاضلابي ممتاز جدا وملائم للحالة نشكره عليه ونستأذنه في الالتزام به
|
Post: #23
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 09:04 PM
Parent: #22
معقولة ننسى
اشهر لازمة لاشهر عضو مشاغب وعامل ضجة في المنبر ؟؟
يا مواطن
بتاعة معاوية عبيد
|
Post: #79
Title: Re: مصطلحات ومصطلحي سودانيزاونلاين
Author: درديري كباشي
Date: 05-15-2013, 07:29 PM
Parent: #23
.
|
Post: #24
Title: Re: مصطلحات ومصطلحي سودانيزاونلاين
Author: Mahjob Abdalla
Date: 05-08-2013, 09:04 PM
Parent: #19
Quote: ولوووووووول
خقة منو يا محجوب
لاحظت مرات تقرن بعناوين البوستات
وانا يتخيل لي حتى ما سودانية ربما خليجية ونسائية بحتة
|
لووووول ربما بتاعة المهندس محمد ابراهيم
و هي في الاصل ترجمة من الانجليزية
LOL
or
Laugh Out Loud
|
Post: #25
Title: Re: مصطلحات ومصطلحي سودانيزاونلاين
Author: درديري كباشي
Date: 05-08-2013, 09:08 PM
وبكدا يخيل لي يا محجوب راح تكون ترجمتها ( ليست الحرفية)
( الضحك شرطنا)
|
Post: #27
Title: Re: مصطلحات ومصطلحي سودانيزاونلاين
Author: عباس الدسيس
Date: 05-08-2013, 09:29 PM
Parent: #25
يا وجيه
مفترع في السلك
زووووووووووط مقرونه بي رووووووط هق
قبل كده عملت فيني عمايل بدايتها كانت:
Quote: الجماعه شالوا الحجارة
اتاري الحجاره طلعت حلاوة
شايلنها في جويبهم بشاره
قايلين بتغلوبنا ياخي شبكت عواره
هاك الدفن ده في مقبرة النصاره
تقول لي بشه يا كشه
,,,,,,,,,,,,,,,,,,,,,,,,,,,,,,,,,,,,,,,,,,,
حسبوها غلط بي سادومبا اتفائلوا خير
معز سديت نفس الهلاب يا زير
ما قالوا كبير
وبتقبض حمامه بطير
يا حليلك يا معتز كبير
عامل فيها محلل خطير
تعال شوف المعز الغفير
,,,,,,,,,,,,,,,,,,,,,,,,,,,,,,,,,,,,,,,,,,,,,
عاميلن فيها اسياد البلد ليكم عليها حقوق
طلعتوا خازوق
الكنفدراليه نفوق
يا راجي ظوط روط هق
,,,,,,,,,,,,,,,,,,,,,,,,,,,,,,,,,,,,,,,,,,,,
في لحظة تجلي
تعطف تلطف يا رب درون تخلي
تفتشو لي ضربة الجزاء بالملي
المواسير منو يا ترللي
,,,,,,,,,,,,,,,,,,,,,,,,,,,,,,,,,,,,,
في المقبره صدر القرار
ده للمواسير اختبار
وين الزفه وين الزار
قناة قون عملتي نايمه شالك الحمار
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
ما دام لعبنا مع كرورج خطط ورق
ما فيش اي داعي عشان نقلق
انشاءالله اطردو قلق
بس الجماعه ما تفلق |
ثم قبل الشكلة النهائية في تعريفها
ظوط جاية من الظعط وهو النتف ويقال تم زعط ريش الديك ... وروط كلمة ليس لها دلالات في المعني زي أححححححححح لتكون في ثياق المعني مع زوط وتمثل الزفير وهق شهقه انبساطه مساعده في عملية الزفير والشهيق كالمد والجذب والمعني العام للجملة نتفنا الجماعه نتف باريحيه لو أنا مابشبه صفوت المريخ اعتبرني صعلوق المريخ ...... هق
ايام والله يا ابو الدر ...... عجيب
|
Post: #26
Title: Re: مصطلحات ومصطلحي سودانيزاونلاين
Author: Artiga Gilani
Date: 05-08-2013, 09:17 PM
Parent: #19
بسم الله الرحمن الرحيم
درديرى
البسملة دى انا ما حصل عملت مشاركة او كتبت
شى بدونا .. من نحو 11 سنة فترة تواجدى بهذه
الاسافير.. ودى حاجة قديمة من ايام الثانوى
رغم تهكم البعض منها هنا.. واستغرب انو زول يتهكم
على كتابة البسملة ...
بالجنبة :
أتذكرتك يوم الجمعة وانا مارى بى جنب المحلية
وبفتش لى لوحة المكتبة فى كسلا .
سخانة عدوك اليومين دى
ارتيقا
|
Post: #28
Title: Re: مصطلحات ومصطلحي سودانيزاونلاين
Author: إدريس محمد إبراهيم
Date: 05-09-2013, 05:10 AM
Parent: #26
الدرديري ....صباح الخيرعليك وعلى ضيوفك ...
والله صحي تخص زميلتنا الاستاذة الشاعرة / أسماء الجنيد ....
(غايتو جنس غايتو) ....للكارثه ود الصايم واحده من أقدم لوازمه ....
مع خالص ودي وتقديري؛؛؛؛
|
Post: #29
Title: Re: مصطلحات ومصطلحي سودانيزاونلاين
Author: haroon diyab
Date: 05-09-2013, 05:43 AM
Parent: #28
وكااااااااااااااااااااااااااااااااااااك 
|
Post: #31
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 05:45 AM
Parent: #29
حلوة يا هارون
انا براي قلت معقولة هارون دياب بكل الردم دا ما عندو لازمة خاصة بيه ؟؟
كااااااااااااااااااااااااااااااااك جات براها
|
Post: #32
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 05:49 AM
Parent: #31
كابشر
انا بدون تردد بقول بتاعة المهندس محمد ابراهيم
وان كان هي مصطلح انجليزي استحدثت له وظيفة مع طهور النت..
وانا عمري ما انسى الكبشرة العملها لاشراقة الوزيرة ايام الاعلان اياه
الولية قشت خشمها وجات الصباح قالت ما قلنا حاجة
بالله محمد ابراهيم عمل فيها عملية زي ماريا في بيول في آخر مباراة لريال مدريد وبشلونة \\
الراجل حت بلالي الركب ومن يومها ما دق كورة تاني ..
|
Post: #30
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 05:43 AM
Parent: #28
متشكرين يا عبس وادريس وارتيقا على الدعم الفني والمعنوي
انا فتحت بوست خفيفة نكسر به حاجز الموت والرتابة والطشاشات
الذي الم بالسودان وبمرآته المصغرة ( بدون تواضع طبعا) سودانيز اونلاين ..
تخيلوا تقوم حرب في السودان يموتوا ناس ويكون في المنبر في مؤيدين للطرفين القاتل والمقتول ؟؟؟
|
Post: #33
Title: Re: مصطلحات ومصطلحي سودانيزاونلاين
Author: محمد البشرى الخضر
Date: 05-09-2013, 06:02 AM
Parent: #30
صباحاتك دردير يا عمّك
قلنا ما نجي يدنا فاضية :)
لازمـــــــــــات البورداب
الحقوق محفوظة ...( مصطلحات , تعابير , أقوال وأفكار سايبرية)
_______________________________________________________________________
الحركة البايخة دي - حركة جيب روابط لبوستات سابقة لها علاقة بالبوست المعني - لو اعتبرتها مصطلح أو لازمة فا سيدها ناذر الخليفة ماعطنا بيها من يوم جينا هنا
|
Post: #34
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 06:13 AM
Parent: #33
[الحركة البايخة دي - حركة جيب روابط لبوستات سابقة لها علاقة بالبوست المعني - لو اعتبرتها مصطلح أو لازمة فا سيدها ناذر الخليفة ماعطنا بيها من يوم جينا هنا
ـــــــــــــــــــــــــــــــــــــــــــــــــــــــــــــــــــــــــــــــــــــــــ
بالله
انا براي قلت معقولة الباشمهندس ود البشرى ما عندو باع في الخيط دا لقيتك ملك الباعات ذاتو ..
ما تنسى نحن لازالنا في الاطوار الاولى من دورة حياة البوردابي او البورضابي كما تقال ..
بالمناسبة الخيط حقة منو ؟؟؟
انا اعرف بمصطلح خاص ببيوت الزار
لكن الجابو المنابر منو الله اعلم ؟؟
|
Post: #35
Title: Re: مصطلحات ومصطلحي سودانيزاونلاين
Author: محمد البشرى الخضر
Date: 05-09-2013, 06:33 AM
Parent: #34
ههههههههههههه
ناس خيط و افترع ومش عارف ايه دي ما مصطلحات بورد بقدر ما هي قندفة وحذلقة وفقيع حاجات :)
الواحد يكون عايز يخش بوستات جادة شديد و بتناقش امور فلسفية وأدبية وشنو و شنو فنوع من تقاليد البوستات دي انّك تلبس يونيفورم الحذلقة دا (تو فيت إن)
حاجة كدا زي الشعر المستعار بتاع قضاة الإنجليز :)
لكن أغلب الظن جابوها مطاريد الفورأول و المعجبين بيهن
|
Post: #36
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 07:13 AM
Parent: #35
صحي ذكرتني يا ود البشرى المفترع
انا شخصيا شفتها عند صاحبي عباس الدسيس رفيق الاسافير والبراري
لكن هو لافحها من وين ما قال لي والله
عمل خيانات
مع انه ما بيناتنا والله
|
Post: #37
Title: Re: مصطلحات ومصطلحي سودانيزاونلاين
Author: حسين ديقول
Date: 05-09-2013, 07:35 AM
Parent: #36
سلام درديري
غير المصطلحات أعجبتني مقولات لبورداب
1- ( اهم شئ في البورد دا مفروض تفهميها انه مافي زول عارف نفسو نهائي-) قالها ( حيدر الزين ) في بوست بيان هام من المؤتمر الشعبي للناس
2- ( الدخول في الشِبكات سهل _ ولكن التأمّل في الخروج ) . قالها ( حبيب نورة ) في بوست أولاد وبنات السريات
3- ( كفى بالرزيلة أن تكون كوزا ) قالها ( طه جعفر ) في بوست بنات واولاد السريات
4- ( اهلك جدعو الجنا وربو التبيعة,, ) قالتها ( د. نجاة في بوست عنصريو المركز
5- حلة بريستو تنفجر يمرق اوباما .. ولاية تسقط يتركوننا لمحمد حامد جمعة ( أحمد ابن عوف )
مع التحية والتقدير
|
Post: #38
Title: Re: مصطلحات ومصطلحي سودانيزاونلاين
Author: سامى عبد المطلب
Date: 05-09-2013, 09:14 AM
Parent: #37
سلام درديرى
يتبع للحبيب طلوحى
الاعوج راى والعديل راى للغائب كانتونا
الكنكلوجن ود الصائم
يضحك نهارك محسن خالد
تليشه طارق جبريل
البل البروف امين
قواسيب مودتى للحبيب الصادق سيكا
|
Post: #39
Title: Re: مصطلحات ومصطلحي سودانيزاونلاين
Author: سامى عبد المطلب
Date: 05-09-2013, 10:04 AM
Parent: #38
كمان فى ناس اشتهروا بنوع ولون خط معين واشهرهم الشايقى وعز الدين الفحل ولؤى
|
Post: #40
Title: Re: مصطلحات ومصطلحي سودانيزاونلاين
Author: محمد المرتضى حامد
Date: 05-09-2013, 11:19 AM
Parent: #39
Quote: ههههههههههههه
ناس خيط و افترع ومش عارف ايه دي ما مصطلحات بورد بقدر ما هي قندفة وحذلقة وفقيع حاجات :)
الواحد يكون عايز يخش بوستات جادة شديد و بتناقش امور فلسفية وأدبية وشنو و شنو فنوع من تقاليد البوستات دي انّك تلبس يونيفورم الحذلقة دا (تو فيت إن)
حاجة كدا زي الشعر المستعار بتاع قضاة الإنجليز :)
لكن أغلب الظن جابوها مطاريد الفورأول و المعجبين بيهن |
مبالغة..
دي من عينة المداخلات التي تغني عن بوست بحاله ،
أثق أن شيقوق لو مر بها لقال : مسنووووووح - درديري،
شكرا ل (افتراعك) بوست سيارة الإطفاء هذا.
|
Post: #41
Title: Re: مصطلحات ومصطلحي سودانيزاونلاين
Author: محجوب البيلي
Date: 05-09-2013, 12:11 PM
Parent: #40
يخيل لي بتاعة أخينا أبو الحسين (بالعربي)| Quote: كمان فى ناس اشتهروا بنوع ولون خط معين واشهرهم الشايقى وعز الدين الفحل ولؤى |
...وعماد عبد الله وMandingoo وناذر الخليفة.
|
Post: #46
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 02:18 PM
Parent: #41
فعلا يا بيلي اختيار خط مختلف واحيانا من خط فقخم هل هذا يخصم من الموضوع او يضيف تحتاج لراي لوحدها
|
Post: #42
Title: Re: مصطلحات ومصطلحي سودانيزاونلاين
Author: داليا حافظ
Date: 05-09-2013, 12:14 PM
Parent: #40
الليلة ووووب بتاعة اميرة الشيخ ..
|
Post: #47
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 02:23 PM
Parent: #42
منورة يا دكتورة داليا وشكرا على الاضافة والطلة
|
Post: #45
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 02:15 PM
Parent: #40
حلو بوست سيارة الاطفاء هذا يا مرتضى
في الحقيقة انا عندي هدف من البوست
لكن مخليه في النهاية
لامن نجمع الملاحظات كلها
يعني افتراع فوق راي
|
Post: #44
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 02:12 PM
Parent: #38
سلام سامي
طلتك اضافة
ولفت نظري لظاهرة الانجليزي بالعربي دي
وعند يمكن فتح الرحمن حمودي كثيرة جدا
وانا آي دوات
من مبتكرها
|
Post: #43
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 02:06 PM
Parent: #37
حلوة المقطتفات يا ديجول
ممكن تصلح تغريدات لتويتر
|
Post: #48
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 02:59 PM
Parent: #43
مصطلح "الخيط" على ما اظن والله اعلم بدأ استعماله الدكتور عارف عوض الركابي
احمد علي من الفيسبوك
انا كنت شاكي في مصطلح الخيط قلت يكون بدأ خطأ املائي يعني مبتدره كان قاصد الخط
لانها اقرب للمنطق وانسب للحوار والمقام
مش العرب قالوا لكل مقام مقال ؟
لكن لامن كترت وانتشرت
كلمة خط عند ناس الزار مثلا تتغير الدقة فجأة احد النساء تهستر وتتلبش
يقولوا خيطها جا
يعني الاغنية التي يحبها شيطانها الذي يتلبسهااو الاسياد كما يقولون .
|
Post: #49
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 03:39 PM
Parent: #48
في ناس ابتدعوا غير اللازمة الكلمة اسلوب يمكن يعتبر لازمة
وهي لغة اهل الريف او الضهاري
نحن كلنا كتبنا بالعامية لكن بلغة ناس البندر او ناس امدرمان
بس هؤلاء استخدموا عامية ريفية جدا بالذات من شمال شندي وانت طالع ..
اذكر منهم بنت قضيم
وطارق جبريل في الوقت الحالي
ودكتور عادل سجيمان
ومن الحاضرين ود مدير
انا لا ادري من هو البادئ لكنه اسلوب فرض نفسه وانتقل حتى للصحف السيارة
على العموم هي عامية راقية جدا ومعبرة ولذيذة ومبهره
تشبه بيوت الجالوص الالمانية
حيث تلاقي البيت طابقين وبه زجاج مظلل وحديقة وبلكونات وعندما يقال لك مبني بالجالوص تندهش
|
Post: #50
Title: Re: مصطلحات ومصطلحي سودانيزاونلاين
Author: عبدالعزيز الفاضلابى
Date: 05-09-2013, 03:47 PM
Parent: #48
| Quote: ممكن تصلح تغريدات لتويتر |
سلامات درديري
إنت تعال تغريدات دي شنو؟ وجات من وين؟
انا بسمع بيها في السعودية الرياضية!!!
|
Post: #51
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 04:02 PM
Parent: #50
فاضلابي
غرد تعال ما تبتعد
تغريدات هي الكلمة العربية الموازية لتويتر وهو صوت العصافير بالانجليزي
تعمم المصطلح واخذ طابعه الخاص كانه كلمة ولدت هكذا بسنونها اقصد بمنقارها
|
Post: #52
Title: Re: مصطلحات ومصطلحي سودانيزاونلاين
Author: عبدالعزيز الفاضلابى
Date: 05-09-2013, 04:09 PM
Parent: #51
| Quote: تغريدات هي الكلمة العربية الموازية لتويتر وهو صوت العصافير بالانجليزي |
يعني ممكن يادرديري نطلق علي ـ بعض ـ من البوستات في سودانيزانلان
تنهيقات ـ ؟
|
Post: #53
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 04:21 PM
Parent: #52
هيك لاكان يا عمنا فاضلابي
انت بتاع مشاكل
الناس تحب صوت العصافير وما تحب صوتالحمير
مع انها كلها مخلوقات ربنا
|
Post: #54
Title: Re: مصطلحات ومصطلحي سودانيزاونلاين
Author: د.نجاة محمود
Date: 05-09-2013, 05:42 PM
Parent: #53
خيط هذه تخص الاخوة الجمهوريين ايام البورد الذهبية
الكلام الانجليزي المكتوب بعربي استخدمتها انا
حينما كان عندي مشكلة في الفيرجوال كيبورد وتحويله ايام العصر الذهبي
وصار عاديا بعد ذلك
|
Post: #55
Title: Re: مصطلحات ومصطلحي سودانيزاونلاين
Author: د.نجاة محمود
Date: 05-09-2013, 05:43 PM
Parent: #54
نسيت اسلم واقوليك بوست في السلك
مع التحية
|
Post: #56
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 07:13 PM
Parent: #55
منورة يا دكتورة
اول مرة تشرفينا
كان نضبح ليك والله
انشاء الله كيبورد
|
Post: #57
Title: Re: مصطلحات ومصطلحي سودانيزاونلاين
Author: Artiga Gilani
Date: 05-09-2013, 07:36 PM
Parent: #55
بسم الله الرحمن الرحيم
نسيتو اشهر نقطة فى البورد
.
( النقطة الرافعة )
تجيب البوست من سقط لقط للصفحة الاولى
ارتيقا
|
Post: #58
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 07:59 PM
Parent: #57
صحيح يا ارتيقا وهي واحدة من ابداعات هذا البورد
لانه في منابر ما تقبل منك مشاركة اقل من ماية حرف بالتمام والكمال ..
كل ما تكتب تجي تحفظ يقول لك
فيك الخير زود شوية ..
وانا مندهش بعد مرات تلاقي مشاركة فاضية ولا حتى النقطة مافي
انا ما عارف دي كيف يكون نقطة بالابيض ؟
|
Post: #59
Title: Re: مصطلحات ومصطلحي سودانيزاونلاين
Author: Artiga Gilani
Date: 05-09-2013, 09:01 PM
Parent: #58
بسم الله الرحمن الرحيم
الحبيب درديرى
عارف النقطة دى زى العفريته
بس عفريتة البورد دى 2 × 1
ترفع البوست وترفع رصيد المشاركات
بدون مجهود ..
وغالباً بتستخدم فى حالة ركود السوق
وعدم وجود زبائن .. او لتكبير كوم المشاركات
يعنى لو قلت بسم الله واشتغلت ليكم اخبار الصحافة
اليوم .. بكم موضوع فى اليوم .. وشبكت المواضيع
تنقيط ساى اليوم كلو .. بلحق دفعتى بكل سهولة
دم بخير
ارتيقا
|
Post: #60
Title: Re: مصطلحات ومصطلحي سودانيزاونلاين
Author: الطيب شيقوق
Date: 05-09-2013, 09:23 PM
Parent: #59
| Quote: أثق أن شيقوق لو مر بها لقال : مسنووووووح |
مسنوح يا مرتضى هنا goes without saying
ازيك يا درديري معليش بس مرتضى يحب يشاغل
|
Post: #61
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 09:30 PM
Parent: #60
منور يا معام شيقوق البجيي منك كله حلو
على قول الحلنقي
اي كلام تقولو حلو
|
Post: #62
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 09:30 PM
Parent: #60
منور يا معام شيقوق البجيي منك كله حلو
على قول الحلنقي
اي كلام تقولو حلو
|
Post: #63
Title: Re: مصطلحات ومصطلحي سودانيزاونلاين
Author: محمد البشرى الخضر
Date: 05-09-2013, 09:36 PM
Parent: #60
سلام تاني يا درديري
من اشهر اللازمات - آكشوالي هي فرمالات - الريّس بكري
قولة done و يا حبيب
حبيبنا كبر عندو قولة حبابك يا صديق و الجميل فيها بقولها للجميع وبعدها انت ونصيبك قد يكون كل حاجة لطيفة وقد يكون رش زي الرش:)
في بائس بتاعة عمر فضل المولى و الذ استخدام ليها لمّا يقرنها مع الحبيب أو الحبيبة يقول ليك الحبيبة البائسة فلانة و الحبيب البائس فلان بتطلع مكس ما حصل :)
في مصطلح "بين القوسين" دا قصتو طويلة خليها اسّي, لكن حقوقه ترجع للشفت على ما أظن
على سيرة القوسين دي في الفور اول بقولو عليها بين مزدوجين أو بين معقوفتين كنوع من القندفة المالهاش لازمة :)
|
Post: #64
Title: Re: مصطلحات ومصطلحي سودانيزاونلاين
Author: درديري كباشي
Date: 05-09-2013, 09:42 PM
Parent: #63
والله انت بتاع شبك يا بشبش
ضحكتني جد والله
مش حاسيب الا تجيب الما بين القوسين
|
Post: #65
Title: Re: مصطلحات ومصطلحي سودانيزاونلاين
Author: الامين موسى البشاري
Date: 05-09-2013, 11:39 PM
Parent: #64
دريري يا صاحب
سلام عليك وعلى ضيوفك ...
كتب دريري
Quote: والله صحي
انا ماعارف مين مبتكرها لانها شايعة بين أمين وود مدير
والله صحي
|
وكتب ادريس محمد ابراهيم
| Quote: والله صحي تخص زميلتنا الاستاذة الشاعرة / أسماء الجنيد .... |
والحبيب مهجوووووب اداكم النجيضة
| Quote: علي ما اظن البشاري اول من استخدمها. |
عبارة والله صحي أول من استخدمتها أنا هنا في البورد
وبعدها لفحها معاوية والحبيبه اسماء الجنيد
وكان ذلك في هذا البوست http://ابو الزفت!! رشـاهم رش صاح.. والله صحي!!
ثبت لينا حقنا بالله
لوووووووووووب لصاحبتها دينا خالد
حكمة اليوم لصاحبها بلير
___
|
Post: #66
Title: Re: مصطلحات ومصطلحي سودانيزاونلاين
Author: درديري كباشي
Date: 05-10-2013, 04:59 AM
Parent: #65
أديتنا النجيضة يا أمين
حقك محفوظ والله صحي
كان ما ثبتنا حقك
ماكان
لووووووووول ..)
والتي بعد البحث والترجمة مع محجوب من الانجليزي للعربي looool
اتضح انه ترجمتها
الضحك شرطنا
|
Post: #67
Title: Re: مصطلحات ومصطلحي سودانيزاونلاين
Author: درديري كباشي
Date: 05-10-2013, 05:07 AM
Parent: #66
هنا سؤال يطرح نفسه
هل اللازمة متعمدة ام عفوية
بمعنى هل صاحب اللازمة يختارها مثل ما يختار الشخص توقيعه ؟
ام هي تأتي بالصدفة
ثم بالتدريج تلصق بصاحبها فيجد ها اصبحت ملازمة لكتاباته مثل الختم ؟
ثم هل هي موجوده في كلامهم العادي ؟
ام مرتبطة بالكتابة في المنبر
انا شخصيا اعتقد اثنين على الاقل موجودات في كلام صاحبيهما العادي
وهي المهم بتاعة تبارك
و والله صحي بتاعة امين بشاري
|
Post: #68
Title: Re: مصطلحات ومصطلحي سودانيزاونلاين
Author: خالد العبيد
Date: 05-10-2013, 05:45 AM
Parent: #67
أضبط ! .. بوست جميل
--------------------------------------------
زميلتنا شيري الله يطراها بالخير
اشتهرت بي اصطلاح
سلام مربع
|
Post: #69
Title: Re: مصطلحات ومصطلحي سودانيزاونلاين
Author: درديري كباشي
Date: 05-10-2013, 05:57 AM
Parent: #68
متشكرين زعيم خالد
من قدامى المحاربين ولا خليها المحاورين
شهادتك تاج
ووجودك مرجع
|
Post: #70
Title: Re: مصطلحات ومصطلحي سودانيزاونلاين
Author: درديري كباشي
Date: 05-10-2013, 07:14 AM
Parent: #28
معليش يا ادريس
انا بعمل مراجعات لقيت نفسي ما علقت علىى مداخلتكمع انها اضافة حقيقيةط
فاذرنا يا درش
ولا يهمك
|
Post: #71
Title: Re: مصطلحات ومصطلحي سودانيزاونلاين
Author: درديري كباشي
Date: 05-10-2013, 10:55 AM
Parent: #70
اذا كانت اللازمات المختلفة
بالاضافة الى الطريقة الغريبة في كتابةا الانجليزي بالعربي نسميها الفوضى الخلاقة ( ذنبها على مبتدعتها دكتورة نجاد )
اكسبت الكتابة بالمنابر ميزة جديدة وخصوصية الا تتفقوا معي بانها زادتها صفوية وخصوصية المنابر وعزل عن باقي المجتمع ؟
اصلا كتاب المنابر حتى لو اخذت اشهرهم واكثرهم صيتا وشيوعا ستجده غير معروف في ارض الواقع ..
ببساطة لان متابعي المنابر من اهل السودان الثلاثين مليون بعد الانفصال والابعين ما قبل لا يساوا 2%
بالرغم من شيوع النت بالسودان ورخصها مقارنة بباقي المناطق من حولنا
والدليل دعاية الصعايدة ( والنبي يا رجب شوف لي شقة معاك في الخرطوم)
رغما عن ذلك لم تستطع المنابر الاسفيرية ان تحتل اولوية من ضمن اولويات اهتمام المواطن السوداني , وتحل محل الصحف
بل حتى ( السوشيال ميديا) الفيس بوك وغيرها جذبت اهتمام السودانيين اكثر من المنابر
وسؤال الاخير هل تصلح مواضيع المنابر ان تنسخ في الصحف مثل ما هي دون تنقيح ونعديل ؟
|
Post: #72
Title: Re: مصطلحات ومصطلحي سودانيزاونلاين
Author: درديري كباشي
Date: 05-10-2013, 01:11 PM
Parent: #71
|
Post: #73
Title: Re: مصطلحات ومصطلحي سودانيزاونلاين
Author: درديري كباشي
Date: 05-11-2013, 06:26 AM
Parent: #72
هل التنابذ بالالقاب الثابتة يعد من اللوازم
مثال جركاز هشام هباني التي تصرف لكل من يدافع عن النظام او من يشاع انهم ظباط امن
او السغيروني بتاعة ود الباوقة التي يصرفها للمعارضين
وهلم جارة جر شديد خلاص
يا اخوان هذا البوست رغما عن انه عصير منقة في الخلاطة لكنه مهم جدا لصحة البورد ولغة الحوار
تعالوا نفلترها معا
حتى نعالج السلبيات ونصل للغة تخاطب الشارع بسلاسة وثلاثة
ثلاثة الثانية هي
السهولة
التواضع
العمومية بدلا عن الخصوصية
|
Post: #74
Title: Re: مصطلحات ومصطلحي سودانيزاونلاين
Author: مامون عبدالله نور
Date: 05-11-2013, 07:41 AM
Parent: #73
درديري سلمت ياخي تعرف انا من زمان مبهور بهذه المصطلحات والمناكفات التي تدور في البورض على قولهم ...
الجميل إنك لملمت كل ما هو شيق هنا ...
سلمت والله ..
بالله بعدها جيب لينا أشهر المناكفات في البورض
|
Post: #75
Title: Re: مصطلحات ومصطلحي سودانيزاونلاين
Author: درديري كباشي
Date: 05-12-2013, 05:56 AM
Parent: #74
سلام يا مامون
يتخيل لامن نفك رموز اللازمات والتنابذ بالالقاب المناكفات راح تذوب ما في شك
|
Post: #76
Title: Re: مصطلحات ومصطلحي سودانيزاونلاين
Author: عواطف ادريس اسماعيل
Date: 05-12-2013, 06:20 AM
Parent: #75
درديري صباح الخير
ياخي جوعتنا بالتفاحة دي عموما بوست ظريف خفيف الظل
تشكر على المجهود ...
|
Post: #77
Title: Re: مصطلحات ومصطلحي سودانيزاونلاين
Author: Artiga Gilani
Date: 05-12-2013, 08:21 AM
Parent: #76
بسم الله الرحمن الرحيم
تسلم كتير مصطفى البشارى
وربنا يقدرنى احافظ على ( كيفك منى )
خالص الود
ارتيقا
|
Post: #78
Title: Re: مصطلحات ومصطلحي سودانيزاونلاين
Author: ود الباوقة
Date: 05-12-2013, 08:22 AM
Parent: #77
بوستاتك دائما بنكهة الزيزفون
شكرا دردرة
|
Post: #81
Title: Re: مصطلحات ومصطلحي سودانيزاونلاين
Author: درديري كباشي
Date: 05-16-2013, 10:37 PM
Parent: #78
Quote: بوستاتك دائما بنكهة الزيزفون
شكرا دردرة |
شكرا يا ملك الزيزفون فاقدنك
بالجمبة كدا الزيزفون دا شنو ؟
|
Post: #80
Title: Re: مصطلحات ومصطلحي سودانيزاونلاين
Author: درديري كباشي
Date: 05-15-2013, 07:35 PM
Parent: #76
استاذة عواطف
طلتك واحة في صحراء عز الهجير
نورتي
|
|