Post: #1
Title: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 06:37 AM
أم علي وبابا غنوج ختوهم في التلاجة جمب بعض ..
قامت أم علي كووركت ليك في بابا غنوج وأدتو نهرة وقالت ليهو :
هووووي يا بابا غنوج زححح مني كده ولا كده مااا تتلصق فيني ..
بابا غنوج ردّ وقال ليها :
قووولي لي غنووج ساااي ...
تخريمة :
غايتو المنبر ده فيهو كترة بابوات عاملين فيها غنانيييج!!!
موووبااالغااااا...
والعجب أمهات علي ..
|
Post: #2
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ود الباوقة
Date: 05-08-2013, 06:41 AM
Parent: #1
| Quote: والعجب أمهات علي .. |
الفاروق
انت عارف انا بحب المطايب
ام علي بدون ( مكسرات ) ما قاعد اكلا
.......................................................
بابا غنوج دا اكلتو مرة واحدة لحدي هس ( انكرش )
قال بابا غنوج
قال
|
Post: #3
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 06:51 AM
Parent: #2
ود الباوقة :
والله لو ما زول صاحبي عايز أحشر إسمك مع البابا غنوجات :) :) :)....
أما فيما يتعلق بي أم علي بدون مكسرات وتكون من نارا يا قول النكتة فبتكون حاجة ما تخلص :):)..
تخريمة :
أخوك الليلة فاطر بي فطيرة جبنة القشقوان مع قليل من النقانق وكوب حليب ..فتذكرتك ..
|
Post: #4
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ود الباوقة
Date: 05-08-2013, 06:55 AM
Parent: #3
| Quote: والله لو ما زول صاحبي عايز أحشر إسمك مع البابا غنوجات :) :) :).... |
اخونا الفاروق
انا حتى لو غنجت فغنجي بريء
لكن المشكلة في غنانيج الغمتي
| Quote: خوك الليلة فاطر بي فطيرة جبنة القشقوان مع قليل من النقانق وكوب حليب ..فتذكرتك .. |
سبحان الله
البطون شواهد
انا هس قدامي فطائر من ماما نورة
اثنين باللبنة وثلاثة بالعسل البري
مع عصير برتقال ( بيور )
بالهنا والشفا
ومحل ما تسري تمري
اخوكم ود الباوقة
|
Post: #5
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: omer osman
Date: 05-08-2013, 06:58 AM
Parent: #4
| Quote: أخوك الليلة فاطر بي فطيرة جبنة القشقوان مع قليل من النقانق وكوب حليب ..فتذكرتك .. |
بس شفوت امدرمان ما يسمعوا بالكلام ده 
|
Post: #6
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: حيدر حسن ميرغني
Date: 05-08-2013, 07:00 AM
Parent: #5
| Quote: والعجب أمهات علي .. |
امهات على الـ في الكرتلة 
-
يازول ابعد من الخضار
|
Post: #7
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 07:08 AM
Parent: #6
فعلاً يا ود الباوقة البطون شواهد ..بالله شوفت ناس ماما نورا ديل عندهم فطائر بت لزيينا كيف؟؟ بس عييبا الوحيد بتنقط ليك في القميص :):):)
طيب خلينا ننسق للغدا مع بعض نطلب ريّش وصحنين حمص مع زيت الزيتون الصافي وقليل من الكبة :)
|
Post: #8
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 07:12 AM
Parent: #7
| Quote: بس شفوت امدرمان ما يسمعوا بالكلام ده |
سمعوووهو يا جنابو لكن مااا فرزوا أييي حاجة ..واحد منهم قايل نقانق دي معناها الزول المرطّب ..طبعاً لخبطا مع أووو يا معلم فلان داك عايش عيشة نقنقا ..:)
|
Post: #11
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 07:15 AM
Parent: #8
يا حيدرا :
| Quote: يازول ابعد من الخضار |
الخضار خضاري يااا ناس خضاري ومن العين بدااري يااا ناس خضاري..
أموووت انا في الخضر وحزب الخضر ..
يا نبي الله الخضر..
|
Post: #9
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: مجدي عبدالرحيم فضل
Date: 05-08-2013, 07:15 AM
Parent: #7
Quote: فعلاً يا ود الباوقة البطون شواهد ..بالله شوفت ناس ماما نورا ديل عندهم فطائر بت لزيينا كيف؟؟ بس عييبا الوحيد بتنقط ليك في القميص :):):)
طيب خلينا ننسق للغدا مع بعض نطلب ريّش وصحنين حمص مع زيت الزيتون الصافي وقليل من الكبة :) |
مبااااااااااالغة عمر تحياتي
تعرف انت وودالباوقة تمشوا من دربكم ده لبوست وليد طه حق المطااااااااعم
ودي لك
،،،،أبوقصي،،،،
|
Post: #10
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ود الباوقة
Date: 05-08-2013, 07:15 AM
Parent: #7
| Quote: طيب خلينا ننسق للغدا مع بعض نطلب ريّش وصحنين حمص مع زيت الزيتون الصافي وقليل من الكبة : |
اليوم لا
ممكن بكرة باذن الله
اليوم طالب مشويات من بيت الشواية
وشكرا
|
Post: #12
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 07:21 AM
Parent: #10
| Quote: اليوم طالب مشويات من بيت الشواية |
أهااااا كده إختلفنا..
انا جني وجن الأكل الرخيييص ده ..
ياخ بيت الشواية ده ملوة الرز فيهو بي تلاتة ريال ..
عموماً أنصحك بعد الأكل من بيت الشواية بقليل من لبن المراعي الطازج ..وإن لم يتوفر فلا بأس بمنتجات نادك أو حليب ماهر بنكهة الشوكولا ..
|
Post: #14
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: زول ساكت
Date: 05-08-2013, 07:24 AM
Parent: #12
يازول دا كلام ششنو دا
نحنا ناس
ام فتفت
وابو غازيي
وقس على ذلك
او فتأمل
|
Post: #24
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ياسر منصور عثمان
Date: 05-08-2013, 08:02 AM
Parent: #14
Quote: يازول دا كلام ششنو دا
نحنا ناس
ام فتفت
وابو غازيي
وقس على ذلك
او فتأمل |
كلمو بالله ..
اقصى حاجة فول من النسيم العليل..
بالمناسبة دي يا عمك ... مافي بتاعة فول زليدة كده والا كده والا نسحب سفيرنا..اقصد..شطتنا؟؟
|
Post: #15
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ود الباوقة
Date: 05-08-2013, 07:24 AM
Parent: #12
Quote: أهااااا كده إختلفنا..
انا جني وجن الأكل الرخيييص ده .. |
عندهم الارز المشكل دا روعة
ومحل بتاع ( بسابيس) برضو ( تحلية ) ممتازة
قلنا نغير من الرومانسية دي شوية يا اخ
|
Post: #16
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 07:30 AM
Parent: #12
طبعا يا مجدي بتكون سيد العارفين إنو السعودية دي أحسن بلد بيزهجوا فيها ..اها الزهج ده بنفكو بي الأكل بس....
|
Post: #13
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: أنس عباس حسن
Date: 05-08-2013, 07:23 AM
Parent: #10
البوست بدا بي شارع الزلط
لما فيهو ود الباوقه وداهو بالدقداق
رجعونا الزلط يااااااااخ
|
Post: #17
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: اسلام عبد الرحمن عمر
Date: 05-08-2013, 07:31 AM
Parent: #13
أنا بفتكر انو الموضوع دا فيهو
(استيلااااب ثقافى كبيييير )
شنو يعنى ام على ؟؟؟ وعلى دا ظااااااتو منو ..
ام فتفت دى مالاااا ,, عيبا لى عليك النبى .
قال ام على قال ..
______________________________________________________
خالص الود لصاحب المطعم ..
اقصد صاحب البوست (وش شنو كدا ماعارف داك)
|
Post: #20
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 07:36 AM
Parent: #17
والله الواحد جا جاري جري عشان يرد عليك يا إسلام ويفط ناس عباس وفرناس ومنو ديل من الضكور بإفتراض إنك أول ام علي تشرفينا بي جاي وقلت العب دول البابا غنوج وكده ..
أها أقوووم كده الاقيك في نهاية المداخلة كاتب :
فأدركت إنك من الغنانيج زيينا كده ..
فندمت وتمنيت لو رديت على عباس زول ساكت قبالك ..
|
Post: #21
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: بدرالدين الطائف
Date: 05-08-2013, 07:39 AM
Parent: #17
Quote:
البوست بدا بي شارع الزلط
لما فيهو ود الباوقه وداهو بالدقداق
|
والله يا انس سبقتنى .
لكن هو ودالفاروق ده ما ضعيف قدام الحاجات دى.
ودالباوقة تلقاهو متغدى بى كسرة بملاح خدرة مع بلص بالشطة والملاح سائل حدو الكوع .
ويجى يقول ليك بيت الشواية وماما نورة.
|
Post: #22
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ود الباوقة
Date: 05-08-2013, 07:44 AM
Parent: #21
| Quote: ودالباوقة تلقاهو متغدى بى كسرة بملاح خدرة مع بلص بالشطة والملاح سائل حدو الكوع . |
تصدق يا ود الطائف
حتى في السودان الكسرة ما قاعد اكلها
رغم حبي المفرط لها
لو جيت الرياض تعال علي عشان تعرف الله واحد هههه
وشكرا
|
Post: #18
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: حيدر حسن ميرغني
Date: 05-08-2013, 07:32 AM
Parent: #13
مكرر
|
Post: #19
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ود الباوقة
Date: 05-08-2013, 07:32 AM
Parent: #13
Quote:
رجعونا الزلط يااااااااخ
الظلط بلا ( كفرات ) يا انس
خليك مع بابا غنوج
يا ااااخ
|
Post: #23
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: اسلام عبد الرحمن عمر
Date: 05-08-2013, 07:58 AM
Parent: #19
والله ياعمر افحمتنى لمن عرفت حاجه
ياعمر ياخ انا من غنانيج ام بخت تقول لى اول ام على ههههههه
عارف يا حبيب :
والله انا شفت البوست كدى قلت عمر الفاروق دا كتااااااااااااااب و نحنا بنشجع اللعبه الحلوه
وكدى ( ماهلالاب كمااااان )
اها طبقت نعلاتى وجيت جارى لقيت ليك البلد كلها غنننج (الكلمه دا خطيره صاح ) من شنننف ومثال لذلك
قول البنت (اهلنا شنننف )
ذكرتنى تصاريف اللغة العربيه الزمان ديك
وجمع المذكر السالم... وكدى
ف كلمتك دى قلت اجمعا جمع مذكر سالم لكن لقيتا بتجيب مشاكل هههههه
______________________________________
بالنسبه لموضوع التصابى دا
مره كده كنت فى السوق العربى قبل يحولو المواقف
اها فى الحته بتاعت الزحمة بتاعت مواصلات (الثوره ) ديك
بالغلط ومع الدفر والزحمه طقشت لى حاجه كدى يعلم الله اكبر من امى
الساعه القامت كده وانفصمت فينى ...ههه انسى بث
نظام شنو ... انا اتحرشت بيها وكده
وحات الله كان شفتها داقه جرس تقول من الاربعتاشرات ههه
خالص الود ياحبيب
|
Post: #25
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: إدريس محمد إبراهيم
Date: 05-08-2013, 08:50 AM
Parent: #23
بوست روووووعه ..... كتلتونا بي الضحك .... عارفو أنا عمر الفاروق لامن يكون رايق قاعد يبدع ..... هههههه ....
المارتديلا كيف معاك ....
نفس الشعور معاك يا عمر ... بيت الشوايه أي كلام .... يا ود الباوقه كدي جرب مندي كرم العرب بتاع غبيره داك .... تاني ولا بتسأل في مطاعم المثلوثه يا عمك ....
بالمناسبه فاقدين ود الصايم في المعمعه دي .... ياخ الراجل ده خبره وخيط في موضوع العلايق ده .... ههههههه .....
مع كل الحب الذي تعرف ؛؛؛؛؛
|
Post: #26
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ياسر منصور عثمان
Date: 05-08-2013, 08:55 AM
Parent: #25
البوست انقلب لمطبخ كبيييييييييييير ....زي السعودية
فارقو رامي بعييييييييييييد
ارمى بعيد
قريب مؤمن
يا ود اختي
|
Post: #27
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: omer osman
Date: 05-08-2013, 08:58 AM
Parent: #25
ياااااخ انت احسن زول في العالم هههههه
بس كمان لو بقت بالفرن حاجة ما تخلص هههههههه
كان جيت الخرطوم امشي مطعم البحر الاحمر جنب ميدان الامم المتحدة الزمان
عندهم ريش ممكن تنافس ههههه
|
Post: #28
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: طارق جبريل
Date: 05-08-2013, 09:06 AM
Parent: #27
خلاص قمت علي جنك
|
Post: #29
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: Kabar
Date: 05-08-2013, 09:09 AM
Parent: #28
هل الموضوع ليهو علاقة بي كراع العنقريب؟..
عمر ..حبابك يا صديق..
يااا خ السودان فيهو جنس لذاذة واحدة..!!!
كبر
|
Post: #30
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: أيمن الطيب
Date: 05-08-2013, 09:13 AM
Parent: #27
يا عمورى هدى اللعب واحتسب ياخ 
Quote: البوست انقلب لمطبخ كبيييييييييييير ....زي السعودية
فارقو رامي بعييييييييييييد |
وقول الحمد لله على المطعم ,,
والله كدا أحسن لينا من العجاجات
|
Post: #31
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: أيمن الطيب
Date: 05-08-2013, 09:17 AM
Parent: #30
يا كبر,,| Quote: هل الموضوع ليهو علاقة بي كراع العنقريب؟.. |
بالعنقريب زاتو ما كراعو
|
Post: #33
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: اسلام عبد الرحمن عمر
Date: 05-08-2013, 09:33 AM
Parent: #31
والله انا اقترح نخت يافته فى مدخل البوست دا ونكتب فيها ...
( الغنوجاااااب ) ...
يوجد رييييش
وداندرما
____________________________
فيما يخص الجومه ..
نحنا ياعمر قبل نجى الخرتوم حد عرفتنا الملاح البيلاقوهو بالويكه فقط .. ظاااااتو ماعارفين
فى حاجه بتتعمل ملاح غير الويكه ..
وعلى الحلال الحاجه الاسمها (بيتزا ) ديك لى قريييييييييب دا انا قايلا صنف من اصناف التحليه
تقول لى ملاح بابا غنوج ؟؟؟؟
|
Post: #32
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: خالد علي
Date: 05-08-2013, 09:21 AM
Parent: #27
غايتو عمر فاروق ده أكتر زول قاعد يضحكني من زمن كنت (مجرد متاوق من بره)..
بس عيبو الوحيييييد.. أنه بكاوي أستاذ موصلي..
عندي سؤال يا عمر فاروق .. وده خاص بأيتكيت تناول الطعام..
عندك وجبة رئيسية (مقبلات - سلاطات - أصناف طعام مختلفة) وعندك (تحلية) مختلفة الأصناف - وعصائر وشاي وقهوة.. طُلب منك تقديم أطباق تحتوي على شرائح من الجبن للضيوف.. متى تُقدِم شرائح الجبن دي؟؟
مع ملاحظة إني لست من مجموعة بابا غنوج ولا بعرفهم..
مسموح لود الباوقة بالدخول من أوسع الأبواب للرد !!
|
Post: #34
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: garjah
Date: 05-08-2013, 10:28 AM
Parent: #32
يا عمر
باالله ارجع الظلط وورينا المتصابين ديل منو ؟
غايتو
انا برررة
|
Post: #35
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ياسر منصور عثمان
Date: 05-08-2013, 10:55 AM
Parent: #34
Quote: عندي سؤال يا عمر فاروق .. وده خاص بأيتكيت تناول الطعام..
|
انت كمان ما تبالغ يا خالد..
خخخخخخخخخخخخخ
|
Post: #36
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: MOHAMMED ELSHEIKH
Date: 05-08-2013, 11:50 AM
Parent: #35
ود الباوقة
لمان تأكل
الكمشة باليمين ولا بالشمال؟؟
Quote: شنو يعنى ام على ؟؟؟ وعلى دا ظااااااتو منو ..
ام فتفت دى مالاااا ,, عيبا لى عليك النبى .
قال ام على قال .. |
شنو الأمات الواقعة فينا اليومين ديل ام روابة ام الطيور ام رخم؟؟
|
Post: #37
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: محمود بكر
Date: 05-08-2013, 11:59 AM
Parent: #36
الحبيب / عمر الفاروق
نرجع لاصل البوست (التصابي) ونمسك الرجال
هناك قاعدة ارجو ان نتفق عليها نحن الرجال
وهي ان الرجل مطلق الرجل من مابلغ مبلغ الرجولة وحتى حافة القبر
يحب اثنين (المال والنساء )
ابعد المال مايهمنا هنا النساء
اذا مسالة الاعجاب دي مسالة كامنة وموجودة يبقى
التعامل معها كيف
عذرا ساقطع الحديث لبعض العمل وساعود
|
Post: #38
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 01:28 PM
Parent: #37
والله يا جماعة جهجهتوووني..
المداخلات أيييي مداخلة تحتاج لي رد منفصل النصيييحة وبالمناسبة أحيطكم علماً البوست لم يطلع من الظلط بس ظلطنا ده زييي ظلطات السودان (ماف زول يقراها لي سلطات خصوووصا زولنا بتاع الجبنة القبل الاكل ولا التحلية ده :)..)وظلطات السودان معروف عنها كترت التخريمات والمقصات ..مرة تلاقيك حفرة مرة كارو مرة ركشة مرة زول ماشي لكن تظل انت في الظلط..
النصيييحة التانية قصة الأكل دي راقت لي أكتر من قصة الغنوجات والعلييات ..حكمة الله البوست إتملا غنانيج..يا كافي البلا أم علي واااحدة ما جات ولااا حتى أخت علي ولااا خالتو زاتو..
عليه سأمهل البوست حتى نهاية اليوم عسى ولعل تزوروا واحدة من العالياب تشجعنا على الردود وإلا فحينها مضطرا أرد عليكم يا بنو غنوج :):):)
تخريمة :
أسة عليييكم الله زول يقول ليك أم فتفت وأبو غازي..التقول غازي صلاح الدين ..صحي زووول ساكت..يقولوا ليهو بابا يقول أبو..
|
Post: #39
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: أمير محي الدين محمد
Date: 05-08-2013, 01:59 PM
Parent: #38
| Quote: عليه سأمهل البوست حتى نهاية اليوم عسى ولعل تزوروا واحدة |
إن شاء الله تجيك مريم ذخيرة الأكلت رحطا ولاّ هي سوت شنو كدا ماعارف
بس كمان مريم ذخيرة مثقفة ما بتهوّب ناحية بوستات اللغوسة دي
ــ
و....شايفكم كلكم بي ياسر منصور متجنبين الفول ...
|
Post: #40
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 02:12 PM
Parent: #39
| Quote: .شايفكم كلكم بي ياسر منصور متجنبين الفول ... |
ياسر منصور ده بيتجنب الفول في البوستات بس..لكن على الطبيعة شووف عين ماااا حدسوني بيو بيسلمك الصحن يلمعولااا بتحتاج تغسلو..
ولو مكضبنا ما مصدقنا اسأل عباس
|
Post: #41
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: زول ساكت
Date: 05-08-2013, 02:18 PM
Parent: #40
| Quote: و....شايفكم كلكم بي ياسر منصور متجنبين الفول ... |
ايواااااااااااااتليك
والله الزول دا كان استفولت ماهو الا تآمن
وكذلك صاحب البوست الموقر
ملحوظة مهم
عمر دا صاح عندو بطن موسيقية وممكن يفيدكم جداً في امور العضة ولوازمها
لكني احذركم مافي زول يستشيرو في موضوع ستاير خالص خالص
اللهم هل بلغت فاشهد
الناس دي عاصرةعلى حكاية التصابي دي كدا ليه
الغريبة كلهم يبدو السوط وصله
ويكاد المتصابي يقول خذوني
|
Post: #42
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 02:27 PM
Parent: #41
يا عباس يا اخوي وزي ما قال المهاجم للريس بتاع الفريق..
كورة الألف بنعرفا وكورة العشرين مليون بنعرفا..
أها دحين يا اخوي النحدسك ..
ستاير ال100 ريال بنعرفا وستاير ال 1000 ريال بنعرفا ..
|
Post: #43
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: Ali Sirelkhatim
Date: 05-08-2013, 02:42 PM
Parent: #42
ياخى بما انى كومر ومالابس نضارتى اللام فى كلمة التصابى فى عنوان البوست شفتها نون ..لمممممن امنت ذاتو قلت عمر ده جنّ ولا شنو ؟؟؟
وبعدين ودالباوقه اضاف نكهه حاصه للبوست افضل من اى سفرجل ذاتو .. وجعله ذو مذاق خاص كالعاده
تحياتى ليك ولى ضيوفك يا عمر..بوست جميل ياخى
|
Post: #44
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: خالد علي
Date: 05-08-2013, 02:51 PM
Parent: #43
إنت عايز (بأم علي) شنو .. طالما معاك (خالد علي)..
جاوب على سؤالي ما تعمل رايح!!
|
Post: #45
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: عمر الفاروق
Date: 05-08-2013, 03:05 PM
Parent: #44
هي لكن عاد يا خالد باقي ليك التلاجة بتشيل ود علي؟؟
تخريمة :
صحبتنا في الجامعة عندها مقولة بتقولا دايماً:
النفوس لو طيبة الحمّام بيشيل عشرة..
|
Post: #46
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: خالد علي
Date: 05-08-2013, 03:08 PM
Parent: #45
كلامها في محلو..
وكمان يا أخوي النفوس لو طيبة .. الثلاجة بتشيل جبل أم علي..
|
Post: #47
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: ود الباوقة
Date: 05-08-2013, 03:11 PM
Parent: #46
الحمد لله والشكر لله
ابتلت العروق
|
Post: #48
Title: Re: إهداء إلى كوامر المنبر رجال ونسوان بمناسبة التصابي..!!مكرر..!
Author: محمد حمزة الحسين
Date: 05-08-2013, 03:27 PM
Parent: #38
النجيضه يا عمر ود الباوقه جدع لك المراقه وانتا اتشعلقتا
|
|
|