إتـلـومـنـا مـعـاك يـا مُـحـسِـن خـالـد... سـامـحـنـا يـا زوّل ...

Quote: بسم الله الرحمن الرحيم السلام عليكم ورحمة الله يا أخوانا اختفيت منكم حيناً من الدهر وطالت بنا الطِّوَل، ثم تفرَّقت مهديتنا المشوطنة بين شياطين الجن والإنس فما قامت لها نار يشب ولا فرقعت لها مذراة! أمَّا وقد حسبتُ نفسي عزيزاً عند كثيرين منكم، ولكن ما سأل عني ولو صفير الهواء في الباب. خوتكم طلعت خوة شواطين فعلا ولستك. قلنا ماكن طيبين؟ ويضحك نهاركم إلى حين قريبٍ فحسب

Re: مراجعة المنهج والتجربة

إطلآلة محسن خالد ولومو للناس أتت في زخم الهرج والمرج
الدائر في المنبر هذه الأيام وكادت تذهب أدراج هذه الرياح
الهوجاء.
لمحت وجود هذا المحسن، وقلت الطريقة الوحيدة للفت نظر
الناس لهذا العتاب المؤلم المشحون بالألم هي إفراد بوست
وسط هذه الفوضى.

يا محسن أهلنا قالوا اللوم بيجي بالغفلات
لكن كمان حكاية العتاب يحتِل مع البوستات،
أها دي شينة تب.
بندور نقع لك فوق راسك كان لقيناك.

مودتي...

العرب ما يكتروا!!





























---------

عريبي يرحب بعريبي


يازول والله اللوم حاصل ..
لكن خفنا ساي المهدي دا يطقنا بي عنخ يطير لينا شواطينا الفي رسينا دي ساي. ..
ونحنا مربنهن .. وبندوعل فيهن



مرحب بعودة ود البتولا
رجعة القمرا لي وطن القماري

عوداً حميداً يا محسن وفرحانين بعودتك للمنبر

شكراً ود المدير

Quote: وقلت الطريقة الوحيدة للفت نظر الناس لهذا العتاب المؤلم المشحون بالألم هي إفراد بوست وسط هذه الفوضى.

شهوة بوستات ليس إلا

السلام عليك يا مدير,,

هذا المكان وناسه يفتقدون محسن خالد وقلمه..
محسن خالد قيمة متعددة الجوانب والملامح ووجوده
كان يقلل ولو قليلا من طعم مرارة واقع الحال..

له التحية والإحترام والعتبى..

والله انا بالذات متلوم مع محسن دا
محسن اب جلحات هكذا كنت اناديه حين فرض نفسه كاديب المعى
فى البورد...
تشكرا ياود المدير,,على تذكيرنا باخ عزيز,,ساعدنا فى خبا سناه
فهو معدن اصيل,,وهنا احى العم صديق الموج هذا الرجل وقف الطود
مع محسن ايام خناجر البورد تكالبت عليه وانا لى خنجر معهم

تعال يا محسن تعال
الناس عنك فى سوال
اكتب نثرا وشعرا موال
فالادب بعدك شد الرحال

ابقوتة فى الدوام

الاخ محسن خالد من العقول التى حبانا بها الله فى ارض النيلين والتى يجب ان نعض عليها بالنواجز
اتمنى له كل خير
اهديه هذه الصوره الجميله لايام جامعه الجزيره

Quote: العرب ما يكتروا!! --------- عريبي يرحب بعريبي يازول والله اللوم حاصل .. لكن خفنا ساي المهدي دا يطقنا بي عنخ يطير لينا شواطينا الفي رسينا دي ساي. .. ونحنا مربنهن .. وبندوعل فيهن مرحب بعودة ود البتولا رجعة القمرا لي وطن القماري

أما إذا سألتم عن قيقراوي فقد غيبته عنا أم قشعم وقبره بنواحي أحقاف بني بورد بكري
تنهشه الديدان، ويخرج من راسه مِعيطِيّب في جوف الليل البهيم صائحاً، أسقوني، أسقوني،
فلما سمعت به بني حمودي في نواحي بطانة اب سِن إنبرى منها عبد الرحمن بن حمودي
وهو عربي مِهيجري من تلك الأصقاع النائية مطالباً بثأره زاعماً أنه مقتول مستدلاً علي
ذلك بصياح المِعطِيّب.
المِهيجري عبد الرحمن ود حمودي بقى للناس في تولآتُن ولي يومك دا
ما جابلوا تار...

والله صحي خوتكم لمحسن طلعت خوة لستك ..
هسه كنت مفتكراكم محيطين به إحاطة السوار بالمعصم !!

منذ إنتهاء موقعة ذات القيامة ، وكان نفسي أسأل عن محسن وأحواله ..
لكن خشيت يكون زعلان مني ، أو يفتكر السؤال حب إستطلاع وشماتة على حاله .

.............

غايتو من لوم محسن أعلاه ..كدا اطمنت عليه ..
فالإنسان طالما تمتع بعقل ناقد ، سيكون بخير دوما ..
مهما لعبت به شياطين الإنس والجن .

Quote: اهديه هذه الصوره الجميله لايام جامعه الجزيره

شكرا يا ود المدير على ابتدار البوست ده ومحسن زول نقى ودواخلو نضيفة واكيد عتابو ده عتاب محبة لانو عارف محبتو جوه الناس قدر شنو !
وياسامى صورتك دى اكيد حتثير شجون الكتير من الاحباب العاصروا محسن وموسى فى الجامعة ,,, ليهم وليك كل المحبة ...

Quote: عوداً حميداً يا محسن وفرحانين بعودتك للمنبر شكراً ود المدير

النذير يا حجازي،

لك التحايا النواضر...