زميلات المنبر رايكن شنو في رفيقتكن دي ـ توجد سواتر.

ساتر اول
الفيديو في البوست علي مسؤلية صاحبتو.

ساتر تاني
وضاحة ومن لفت لفَّها ـ ممنوع دخول البوست باسلحة فتاكة
يسمح فقط بحمل العكاكيز بشرط الا تكون مضببة

ساتر اخير
انا والله بحبكن كوووولكن ـ وبحترمكن جت ـ بس حابب اسمع رايكن .. وعقلكن مايمشي بعيد من ناحيتي.
اتفقينا.

توكلنا علي الحي الذي لايموت.

جيب من الاخر

والله ياجنس شقاوتي ـ اول مبارزة تطلع لي سمارت هي ..
ده ما الكلام الخايفين منو ذاتو ـ بس يا سمارت روبي المنقة
النشوف الـ بعدك منو ـ العمر مابعزقة.

شوفتي ياسمارت ارعبتيني نامن كتبت روبي المنقة بدل روقي المنقة.
اها كدي سمح؟

ههههههه قول اتنين...
كمان اخرته فنانتك دي عاوزة تبقي واعظة سبحان الله...
سلام الاخ عبد العزيز وجايك راجعه تاني.

Quote: ساتر اول الفيديو في البوست علي مسؤلية صاحبتو.

الفاضلابي

بعد السواتر دي

الله يستر

احتمال كبير تشيل شيلتك !!!

Quote: ههههههه قول اتنين...

حباب اختي نجاة ـ غايتو سمارت دي غتست بعد مداخلتها الاولي الله يستر.
اها انتي جاياني راجعة ماشة تجيبي المفراكة ولا شنو؟

Quote: كمان اخرته فنانتك دي عاوزة تبقي واعظة سبحان الله...

غايتو ما عارف لكن كلامها ده بذكرني كلام عبدالرحيم محمد حسين وزير الدفاع.

**********************************************************************
انا مابلحيل علي الغنا ده ـ لكن في واحد اسباني شغال معاي في المكتب متلحني ـ عاوز غنا سوداني عاوز غنا سوداني.
قمت كتبت وردي جاني .. وردي ـ القمر بوبا ـ قلت الناس دي بحبوا الهجيج دعست علي الغنية بقدرة قادر جاتني زولتك دي وبي موعظتها كمان ـ اها انا غلتان؟

Quote: الفاضلابي بعد السواتر دي الله يستر احتمال كبير تشيل شيلتك !!!

سلام ياعمدة ـ
انا كنت داير انزِّل يس كساتر اول
قلت يا ولد هسع يجن يتشربكن فيك ويقولن ليك نحن شواطين؟

*******************************************************
شنو ياعمدة ماجيت باركت لينا لتبيان بنتي في البوست بتاع عبدالرحيم منصور ـ تبيان عاوزة تبقي صحفية زيكن. ادخل وقول لينا رأيك في الفلم بتاعها

عايني يا نجاة لي مداخلة اسمارت الفوق دي
انا جاني احساس انها كتبتا وهي مكرِّجا سنونا
جييييب من الآخر ـ لاسلام لاكلام ـ مع انو الـ بينا عامرة.

سلامات يا فاضلابى ...وينك يا رجل ?
نجاة....مشتاقين و الله.

طبعا يا فاضلابى لما قريت "روبى المنقة" دى كنت ح اموت من الضحك ...قلت فاضلابى داير يقول روبى الزباردى ....روقى المنقة...وبلى الابرى...كله مع بعض!!

مع ان صحبتك ندى القلعة دى انا عندى راى فى صوتها و غناها لكن غنيتها دى كويسة. الرسالة فى الاغنية كويسة جدا. ما سعتها قالت شنو? ...{ جوعة و لا شبع ذلة)... ده اللى احنا بنقول فيه فى البورد ده لينا سنوات.
اخير الواحدة تعيش مع البحترمها و يقدرها حتى لو على موية وتمر. و تبعد من اللى ما بيحترمها و يقدرها و ممكن يعرس عليها و يضربها حتى لو عندو مال قارون.
الاستاذة ندى فى الاغنية دى قالت {بيت السترة ما تسيبه}. و بيت السترة هو البيت اللى الناس الفيه مستورين. او محترمين روحهم. ما فى راجل بيكورك فى مرته و اولاده و يفضحهم ويفضح روحه فى الحلة.

لكن موضوع (لوكى القرض) ده شككنى فى الموضوع...على اى حال و الموضوع قلة قروش ما مشكلة كلو كلو.. و ما سمعنا بزولة سابت زوها عشان فقير. بس ان شاء الله {لواكة القرض} دى تكون من الفلس بس..... ما عدم الاخلاق.
صفقة قوية للست ندى...و صفقة اقوى لاخونا الفاضلابى

_______________________________________________________________
لكن يا فاضلابى ده ما بيمنع انى ح اشاكلك...ايوه صحيح البينا عامرة...لكن للمرة دى طبظتها...بالله ده رايك فينا??? احنا بتاعات قروش???. احنا ننبح هنا بالسنوات للبنات عشان يقروا ويتعلموا وينفعوا روحهم و اسرهم و ما فى واحدة تتجبر انها تعرس (راجل مرة) عشان فقيرة و محتاجة من يعولها. قصرتا معانا يا فاضلابى.

Quote: لكن موضوع (لوكى القرض) ده شككنى فى الموضوع...على اى حال و الموضوع قلة قروش ما مشكلة كلو كلو.. و ما سمعنا بزولة سابت زوها عشان فقير. بس ان شاء الله {لواكة القرض} دى تكون من الفلس بس..... ما عدم الاخلاق.

الغالية أسمارات مشتاقين والله كيفك وأخبارك..
اها لوكي القرض دي المشكلة ذاتة معناها موتي بالمغصة ما الفلس براهو..
واها المرة الفنانة بتاعة الاخ عبد العزيز القال كان بفتش لوردى جاتو أم قرض ناطة ههههه ،قالت كان ما جاب ليك حاجة تلبسيها كذبي واتفشخري وقولي جاب لي بالردوم ولا ما كدا..
بنجيك صادين يا عبد العزيز..

سلامات ياسمارت,,
هووي ياسمارت ماتدردقيني .. انا عارفك لابدا لي بالعكاز المضبب
امال تكوني سمارت كيف.
******************
النشوف اختك نجاة ــ غايتو انا مَرَدِّفْ.

قالت ندي:

وراجلك كان مالبسك قولي جاب لي بالكتير

بعض النساء يقولن ليه انا انتظر من الراجل يلبسني
انا مع حرية المرأة الاقتصادية ـ السيدة خديجة نموذجاً
بشرط الا تتعارض مع تربية العيال ـ لاني ومن واقع تجربتي في امريكا وملاحظاتي خرجت بنتيجة مؤداها ان الرجال الذين يقودون العالم الأن هم تربية نساء ـ وهؤلاء النساء تم اعدادهن قبل ان توكل اليهن مهمة تربية الاطفال.
يعني كأن الامريكان طبقوا مقولة شوقي ـ الام مدرسة ـ بحذافيرها.
واظن ان ذلك ماينقصنا.

قالت ندي:

المرأة بتدخل براجلها الجنة
حكاية المرة بتدخل براجلها الجنة دي مدخل للسيطرة اذا اخذناها بطريقة لاتقربوا الصلاة.

لوكي القرضة دي معناتها تمسكي فيهو علي علاته.

Quote: لكن يا فاضلابى ده ما بيمنع انى ح اشاكلك...ايوه صحيح البينا عامرة...لكن للمرة دى طبظتها...بالله ده رايك فينا??? احنا بتاعات قروش???. احنا ننبح هنا بالسنوات للبنات عشان يقروا ويتعلموا وينفعوا روحهم و اسرهم و ما فى واحدة تتجبر انها تعرس (راجل مرة) عشان فقيرة و محتاجة من يعولها. قصرتا معانا يا فاضلابى

انا اقول انتن بتاعات قروش؟ اكان قت كدي ياربي تدقشني رقشة سايقاها تراجي .

Quote: النشوف اختك نجاة ــ غايتو انا مَرَدِّفْ.

ما بحلك مننا عاوزين نشوف لواكة القرض دى اخره شنو؟
الفلس ما مشكلة بس الله يحل فنانتك دي من القرض الجابتو لينا ههه.

Quote: وراجلك كان مالبسك قولي جاب لي بالكتير

اها دا ما كذب وفشخرة في الفاضي , دا التناقض المقصود في كلمات الاغنية يعني الجنة في الطوع والنار في جنس الكضب دا .

الاخ الكريم فاضلابى وضيوفه الكرام
مودة واحترام تسبق كل شى


الزولة دى قالت راجل السترة يعنى حددت نوعية الراجل ودى زى ما قالت
احد الاخوات دى رسالة سمحة لكن انا شخشيا ههههه بقول وكت الشغلانة فيها لواكة قرض
يبقى نلوك الاتنين يعنى ما ما ممكن الوك براى ومطلوب منى اتمسك معنها الشغلانة
صعبة وطالما فى صعوبة يجب على الجهتين اظاهر التمسك ببعض والا تبقى الشغلانة
ما مبلوعة ولواكة القرض لى زول واحد صعبة

غايتو بسمع الغنوة تانى وبجيك كان الله مد فى العمر

Quote: بعض النساء يقولن ليه انا انتظر من الراجل يلبسني انا مع حرية المرأة الاقتصادية ـ السيدة خديجة نموذجاً بشرط الا تتعارض مع تربية العيال ـ لاني ومن واقع تجربتي في امريكا وملاحظاتي خرجت بنتيجة مؤداها ان الرجال الذين يقودون العالم الأن هم تربية نساء ـ وهؤلاء النساء تم اعدادهن قبل ان توكل اليهن مهمة تربية الاطفال. يعني كأن الامريكان طبقوا مقولة شوقي ـ الام مدرسة ـ بحذافيرها. واظن ان ذلك ماينقصنا.

كبرتا و خرفتا يا فاضلابى.....

ما كل الزوجات بيتمتعوا بالاسقلال الاقتصادى.
و الست ندى عاوزه تقول للجكس ما تشيلو حس ازواجكم

Quote: المرأة بتدخل براجلها الجنة حكاية المرة بتدخل براجلها الجنة دي مدخل للسيطرة اذا اخذناها بطريقة لاتقربوا الصلاة.

الست ندى لظنها واعية للموضوع ده. لانها فى البداية قالت (جوعة ولا شبع ذلة)
كل اغنية الست ندى بتعتمد على ان الزوج ده هدى و رضي و ومحترم زوحته و خاتيا فى راسه. مشكلته الوحيدة الفقر. و الست ندى بتقول الفقر ما عيب فى الاسرة.

Quote: لوكي القرضة دي معناتها تمسكي فيهو علي علاته.

ح تقول الاستاذة ندى ملم تقله ????
قنا ليك القرض ده بسبب قلة القروش وليس الاخلاق

فاضلابي يا صديق تحياتي وسلامات

في الشكل
لقيتك ( جبنة ) - بكسر الجيم وتسكين الباء - جبنة تاريخية
في الموضوع
نساعد في تجميع الطوب ونضعه تحت أيدي من يهمهن الأمر

Quote: الزولة دى قالت راجل السترة يعنى حددت نوعية الراجل ودى زى ما قالت

الأخت الفاضلة ـ أمينة.
غايتو من الشايفو كدي مداخلاتكن دي الهدؤ الي بسبق الكتاحة
عشان كدي لميت فرشتي من قبيل وبس راجيها تنقط وجري علي الاوضة.
انا في كلمة السترة دي. لانه السترة ضدها الفضيحة
يعني المرة كان ما اتزوجت البفضحها شنو؟الكلمة ماقادر ابلعها زي قرضتها الدايراكن تلوكنها دي.
امسي عافية ــ

سمارت ـ انا خرِّفت وصيَّفت ذاتو.
بعد كدي انتي استحقيتي السواتر
وبكده انت بقيتي لي باترويت عديل .
اها انا من هنا ورايح في حواك ـ
كان مرتي قرت البوست ده خايفهاتقول لي:
انت ماراجل سترة الـ بتتحامي لـي في النسوان.

Quote: لقيتك ( جبنة ) - بكسر الجيم وتسكين الباء - جبنة تاريخية

الحبيب عاطف
يازول مالنا ومال القراية ام دق.
انت ماسمعت بالـجَبَّان ربي عيالو.
النسوان ديل قدر ماتقول كشفت ورقِنْ تلقاهن مَغَيِّرات القَفْلة.
الباسورد بتاعن محمي من مايكروسفت ذات نفسو.

Quote: في الموضوع نساعد في تجميع الطوب ونضعه تحت أيدي من يهمهن الأمر

الفيك اتعرفت
ياخ خليك محضر خير

سلامات يا فاضلابى واريتك طيب
انت بس اركز التقيل وراء وانا جايبة عكازى

الزولاية دى قالت راجل السترة يعنى الراجل البخاف الله فى بيته واسرته
يعنى راجل محترم ما راجل فضيحة ودا لو انا فهمتها بمعنى انه الراجل
دا راجل مستور حال وبيستر حال المراة وهنا انا بقول لو هو بالمواصفات دى
بيستحق يلوكوا ليهو القرض ويبلعوا ليهو الحنضل رغم اعتراضى المبدئى
على اللواكة والبلع من جه واحدة
لكن زى ما قلت ليك انا جاياك وناوية ليك النصيحة لى الله بس
هسى نعست بمشى اتخمت وكان ما مت بجيك

لك ولضيوفك
محبتى واحترامى

Quote: الزولاية دى قالت راجل السترة يعنى الراجل البخاف الله فى بيته واسرته يعنى راجل محترم ما راجل فضيحة ودا لو انا فهمتها بمعنى انه الراجل

غايتو يابنات حواء ـ وآدم
زي ماقلت لي عاطف ,, الباسورد بتاعكن محمي من بل غيتس نفسه
يعني هسع كان الاغنية دي غناها راجل ده بكون رايكن؟
غايتو الرجال ديل مظلومين ظلم الحسن والحسين .

Quote: يعني المرة كان ما اتزوجت البفضحها شنو؟الكلمة ماقادر ابلعها زي قرضتها الدايراكن تلوكنها دي.

شفتا???? انت متحامل على الاستاذة ندى
يا اخى الزولة دى ما قالت بيت السترة معناها بيت الزوج و بيت الفضيحة معناها بيت الاب!!!!!
قالت لو راجلك مستور و ود ناس و كويس اصبرى على الفقر.
انا هسي عرفتا احنا ح نشاكلك فى شنو. ح نشاكلك فى تفسيرك للغنية...مش على الاغنية
__________________________________
لما طلع اول شريط لندى القلعة كنا فى الجامعة. و كان فى امتحانات نهاية السنة. انا و صحباتى كنا بنعسكر للامتحانات. كل زول يقرا براه لكن بنتقل بعض. المهم...اهم شيء كان فى المعسكر كان المسجل. اول يوم شغلنا الشريط كان فى بيتنا. بعد كم اغنية كده جات امى قالت ان اخوى الكبير ابدى اندهاشه من مستوى الاغانى اللى بقينا نسمعها. الاغنية المقصودة كانت بتقول:
يا يابا شن سويت...انا ما ابيت البيت
انا بس بدور زولى ....المعاه من (شنو كده ...ما عارفة)

Quote: يا اخى الزولة دى ما قالت بيت السترة معناها بيت الزوج و بيت الفضيحة معناها بيت الاب!!!!!

انا الخلاني السبب الخلاني اقول كلامي الفوق ده هو انها في معرض كلامها قالت: المرة مابتبقي بدون راجل.
وزي مابتعرفي الكلام ده مابيعجب نسوان كتار عشان كدي انا فتحت البوست ده عاوز اشوف رايكن وعاوز اقول لاخواتنا المتطرفات دي واحدة منكن بتقول الكلام ده ـ القومة والقعدة في شنو؟ وكمان شوفي كمية النسوان المتفاعلات معاها ديل ـ اكيد متصالحين مع عاداتهم ومفاهيهم وطربانات للكلام البسمعن فيهو ده.

بس انا لما عملت السواتر دي خايف من النوع البجي داخل بلا بسم الله.
باقي كلامي الفوق ده تسخين للبوست وتحلية.

نشوفكن باكر ان الله هون

سلام يا فاضلابي ..

أغنية رفيقتنا ندى استاذت اسمارت لوووول ..لا غبار عليها كما يبدو في الظاهر ..

لكن زي ما قالت ليك اسمارت هي أغنية بتتكلم عن حالة محددة وخاصة جدا وهي حالة زوج معدم ..لكنه محترم وزول سترة ..والزوجة ربة منزل لا حول لها ولا قوة تدعوها السيدة ندى القلعة أو بالأحرى الشاعرة للاستكانة للأمر الواقع وعدم التطلع حسب الأغنية ..وده في المجمل يبدو كلام كويس ..لكنه عادي وما بشبه الزمن ده ..ليه ؟ ما لأنو ما بتماشى مع المتطلبات المادية للعصر ده..لكن لأنه بتعارض مع الطموح ومحاولة تغيير الحال الضنك ..ولانو ما بتكلم عن قيمة مساعدة الزوجة لزوجها في تحسين وضعهم الاقتصادي ..ولأنه بتكلم عن الخنوع والقبول للأمر الواقع وده شيء بختلف عن القناعة ..

قبول الفقر بسبب قلة الحيلة فعلا (لواكة قرض) بل واشد فتكا ..وده دايما بحصل في حالات الاعتماد الكلي على الزوج ..أوالحظ العاثر جدا وده شي الزول ما بتمناه للناس البحبهم ..وأنا شخصيا مع تعلية قيمة الطموح الواعي المشروع ومع النضال من أجل واقع افضل حتى أخر رمق ..وبعدااااك اذا كان قدرنا ياهو اللواكة بتفتش على حاجة اقل مرارة من القرض

سلامات و لعلكم كلللكم بخير
و تحية خاصة للفاضلابي، زمن منك و من بوستاتك ، غايتو الجابني روبي المنقة دي
سمارت و البقية ما قصرو :)
لكن من زمان انا مفهوم السترة ده متعبني شوية، يعني شنو السترة في مجتمعنا؟ و ليه المراة غالبا هي الملزمة بالموضوع ده؟


بالمناسبة رفيقتنا دي انا عندي مشكلة اساسية مع رسائلها، علي اعتبار انه صاحب الرسالة مفروض اقلها يكون ملتزم بيها
و تتمثل فيه الرسالة دي، علي قدر ما احب استقلالها و اعتمادها علي نفسها اقلها من الناحية المادية، غناها للشريف وتمسحها
بيه و مشاكستها لاخواتها الفنانات و المظهر المادي الشديد الدائما تحرص تظهر بيه من دهب وكشكشة لا يتوافق في نظري مع
الرسائل البترسلها دي.

Quote: شنو ياعمدة ماجيت باركت لينا لتبيان بنتي في البوست بتاع عبدالرحيم منصور ـ تبيان عاوزة تبقي صحفية زيكن. ادخل وقول لينا رأيك في الفلم بتاعها

مبروك لتبيان

مع انو ما شفت البوست

الي الان