Post: #1
Title: قصيدة قوية للشاعر هشام يوسف حسن : من امدوم للقصر رسالة
Author: النذير حجازي
Date: 05-03-2013, 09:55 AM
قصيدة للشاعر هشام يوسف حسن : من امدوم للقصر رسالة
ياريسنا الظالم اسمع ..
نحن طلعنا ومابنتراجع ..
الا جحافل بطشك ترجع ..
جينا نوصل رأينا بكلمه …
وكان الرد منك متوقع ..
ردك كان القمع المفرط …
وردنا ليك حيكون الموجع …
أمانه عترت وماسميت …
لو فكرت في أرضنا تطمع …
لِم إخوانك وباقي حثالتك …
وأحسن ليك لي حوشك ترجع …
مابنتاجر … مابنقايض…
مابنساوم … مابنفاوض…
ما بنتهدد … ولا بنهادن…
الا الحق لي أهلنا يرجع ….
..
ياريسنا الظالم اسمع ….
أكرب نصك …
ما كالعادة عشان ماترقص …
شان حتلاقي اسودنا بواسل …
حالفه ترجع أرضنا كامله …
عزيزه … كريمه…
شبر ما تنقص …
..
من امدوم دي رساله صريحه…
كان للريس . كان للوالي … كان للضابط … كان للنائب ….
إما الحق يرجع لاصحابو.. ولا الليله تشوفو عجائب …
أرضنا لاهجليج لا حلفا لا ام روابه ولاها حلايب …
“محمد” خَطَ بدمو الرايه ..
في وش المدفع كاشف وشو …..
قال للظالم ليك نهايه ..
خلي جحافل العسكر يكِشو….
قال للحاكم جورك بيِّن …
دمنا ماهو رخيص لاهين … بيفدي ام دوم الشاب والشايب ..
وكل الدنيا حتسمع صوتنا .. لما يعود الحق الغائب …
أرضنا لازم ترجع لينا .. ماضاع حق في وراهو مُطالِب …
لابنتخوف لا بنتهدد
لابنتراجع .. لابنتردد ..
لا مستثمر .. لاشفاته..
لا جياشي .. ولا رباطه…
همنا واحد .. ويدنا واحده .. وفوق الظالم ربنا غالب ..
هشام يوسف حسن .. دوامي …
2013/4/28
|
Post: #2
Title: Re: قصيدة قوية للشاعر هشام يوسف حسن : من امدوم للقصر رسالة
Author: Elawad Eltayeb
Date: 05-03-2013, 07:53 PM
Parent: #1
مع احترامي للشاعر
وللروح الثورية
لكن هذه القصيدة لم ترتقي لمستوى الوطنية
وحولت قضية أم دوم من قضية وطنية إلى مجرد نزاع حول أرض زراعية
قصيدة للشاعر هشام يوسف حسن : من امدوم للقصر رسالة
ياريسنا الظالم اسمع ..
نحن طلعنا ومابنتراجع ..
الا جحافل بطشك ترجع ..
جينا نوصل رأينا بكلمه …
وكان الرد منك متوقع ..
ردك كان القمع المفرط …
وردنا ليك حيكون الموجع …
أمانه عترت وماسميت …
لو فكرت في أرضنا تطمع …
لِم إخوانك وباقي حثالتك …
وأحسن ليك لي حوشك ترجع …
مابنتاجر … مابنقايض…
مابنساوم … مابنفاوض…
ما بنتهدد … ولا بنهادن…
الا الحق لي أهلنا يرجع ….
..
ياريسنا الظالم اسمع ….
أكرب نصك …
ما كالعادة عشان ماترقص …
شان حتلاقي اسودنا بواسل …
حالفه ترجع أرضنا كامله …
عزيزه … كريمه…
شبر ما تنقص …
..
من امدوم دي رساله صريحه…
كان للريس . كان للوالي … كان للضابط … كان للنائب ….
إما الحق يرجع لاصحابو.. ولا الليله تشوفو عجائب …
أرضنا لاهجليج لا حلفا لا ام روابه ولاها حلايب …
“محمد” خَطَ بدمو الرايه ..
في وش المدفع كاشف وشو …..
قال للظالم ليك نهايه ..
خلي جحافل العسكر يكِشو….
قال للحاكم جورك بيِّن …
دمنا ماهو رخيص لاهين … بيفدي ام دوم الشاب والشايب ..
وكل الدنيا حتسمع صوتنا .. لما يعود الحق الغائب …
أرضنا لازم ترجع لينا .. ماضاع حق في وراهو مُطالِب …
لابنتخوف لا بنتهدد
لابنتراجع .. لابنتردد ..
لا مستثمر .. لاشفاته..
لا جياشي .. ولا رباطه…
همنا واحد .. ويدنا واحده .. وفوق الظالم ربنا غالب ..
هشام يوسف حسن .. دوامي …
2013/4/28
|
|