Post: #13 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حبيب نورة Date: 05-02-2013, 11:53 PM Parent: #12
تعرف يا سيد الأمانتي ليك _ أنا مصر قضيت وطري منها، بعد أن نمت على سريرها _ آلاف المرات، وعشان أستعيد نشاطي الوجداني _ يلزمني " كُراع عنقريب " ! شفت كيف ؟؟ السنة الفاتت، والزمان عقاب ليل وطرقعة أكواب الفرح المعبأ في زجاجات _ تقول يا واحد وأربعين . جاني تلفون _ ولا أخفيك سراً _ أنا أكره رنين هاتفي حين يأتيني ممهُوراً بتوقيع رجل ! بعد العاشرة مساءً . أتوكّلت علي اللا نام ولا أكل الطعام، ورفعت السماعة، ولم أنس أن أشحذ ربي بأن ترفعه التلاتة تسعات، ويجد نفسه ما بين غمضة عينٍ _ وانتباهتها _ في الحراصة :) ربّك رب الخير أراد إن الصديق ده أتصل لكي يدعوني على غير عادتهِ إلى ديسكو، أولاد الناس يدلّلونه ويطلقون عليه مرقص . انطلق بنا التاكسي الفاخر الذي كان عدّاده لا يخشى في دراهمِ الرجل _ لومة لائم . ( ديني أناااااااااااااا ) قلتها وأنا أعرف أن هذا ليس مكانها، ولكن " الحفتي " كانوا منورين المنطقة، وزايدنها حلا .
يا راجل دبي دي فيها جنس لبش !! نسأل الله السلامة من هذا اللبش _ أحياناً .
أسمع عليك دينك ما تبشتنا في عقاب الليل ده
صراحة أنا خايف أقوم أنداح وأجيب ليك خبر التفاح :)
Post: #14 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: Adam Omer Date: 05-02-2013, 11:58 PM Parent: #12
ألاخ حسن حماد محمد
تحية و الســــــــلام.
تعرف الكلام عن العلاقة ما بين الســــــــــــــودان و أثيوبيا يجب علينا كسودانيين أن نأخذة مأخذ الجد!
اذا هناك أمتداد طبيعى لى الســــودان صدقنى هى أثيوبيا
اذا هناك شقيقة و أخت بلادى صدقنى هى أثيوبيا
هذا الشعب لة تاريخ و كان لة ملك لم يظلم عندة أحد
أمتداد السودان و تكامل السودان و أندماج السودان . لا يليق مع أى بلد أخر غير أثيوبيا
Post: #15 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حبيب نورة Date: 05-03-2013, 00:17 AM Parent: #14
Quote: أمتداد السودان و تكامل السودان و أندماج السودان . لا يليق مع أى بلد أخر غير أثيوبيا
وهم أكتر ناس بحبونا يا حبيب
Post: #16 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حسن حماد محمد Date: 05-03-2013, 01:00 AM Parent: #1
الاخ محمد الشيخ حبابك الف
حب الاثيوبيين للرائع الراحل المقيم عليه رحمة الله كبير جداً
هذه الحشود شاهدة على تقارب الوجدان بين الشعبين رغم فارق اللغة
احييك وابقى قريب
Post: #17 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: عماد ساتي Date: 05-03-2013, 01:22 AM Parent: #16
احسن لينا ننداح مع اقربانا ...
ديل حتى اسدهم حلو (الشعار)
Post: #18 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حسن حماد محمد Date: 05-03-2013, 01:46 AM Parent: #1
Quote: بالطريقة دى البلد ما حيفضل فيها متر مربع ـــ الارض كشت
قاسم المهداوى
اخى قاسم (زعيم بورداب القاهرة حسب ما اعتقد)
عليك الله يا اخوى قاسم البلد مليون ميل وله تلاتة مليون ميل مربع هسع نحن قاعدين فيها
الجواها عايز يطلع منها والطلع منها غالبو يرجع ليها
ادينا رايك نتلم على مصر وهى اصلاً ما حاسا بينا
وله ننداح مع الحبشة البتشبهنا وبتحبنا ونحن زااااااااااتنا بنحبها
Post: #19 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: nour tawir Date: 05-03-2013, 03:40 AM Parent: #18
حسن حماد..
يخليك.. ويبارك فيك..
جبت كباية الشاى وقعدت قدام الجهاز ساعة كاملة.. طلعت فيها من الحالة الاوتوماتيك الاحنا فيها دى.. حكومة...معارضة.. معارضة حكومة.. لما بقينا روبوت..
Post: #20 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: علي جلاس Date: 05-03-2013, 06:43 AM Parent: #19
غايتوا الحمد لله عثمان قرمه ما عندوا باسورد كان حتل هنا وشعلق البوست ده فوووووووووووق علي مدار العام
Post: #21 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: بابكر قدور Date: 05-03-2013, 08:33 AM Parent: #20
الأخ حسن حماد لك الود والتحايا الطيبات يعترفون وبصدق أن الموسيقى الأثيوبية قد اكتسبت هذا التقدم بفضل أخذها من موسبقى جيرانها .. وعلى رأسهم السودان الشقيق .... وأن الموسيقى هي رابط قوي يوحد بين الشعوب خاصة الشعب الأثيوبي والشعب السوداني .. هذا هو مجمل الحديث الذي دار بين هذه الفتاة وهذا الفتي .. فرحة بما تغني به الفنان سيد خليفة باللغة الأمهرية .... إنهم يعتبرون ذلك فخر لهم .... أي محبة يكنها لنا الشعب الأثيوبي .. ودي ومحبتي وتقديري لك ولضيوفك وللشعب الأثيوبي الحبيب ....
تنا يستلنق .. إندامن آجو ....
Post: #22 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: MOHAMMED ELSHEIKH Date: 05-03-2013, 09:04 AM Parent: #21
مع التحية لكم وقد رجعنا لكي بوردنا الحبششش .... أقصد العربي
في السبعينات ونحن اطفال كنا نستمع للاذاعة الأثيوبية التي كانت تصدح باغاني عمالقة الفن السودان وفي برامج خاصة ومنتظمة أذكر هناك برنامج مايطلبه المستمعون من الأغاني السودانية من الساعة تلاتة ونص للساعة اربعة حيث كان اغلبهم سودانيون من كلي و الحصاحيصا و ملكال وام روابة ذاتها كانت دايما ما تفوتني قسمة التمرين بتاع كرة القدم بسبب التاخير في الأستماع للشفيع او البلابل او وردي او......
ياسلام على ولاد عمنا الحقيقين
Post: #23 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: قاسم المهداوى Date: 05-03-2013, 01:42 PM Parent: #22
سلاام يا صديق يا عميق
Quote: اخى قاسم (زعيم بورداب القاهرة حسب ما اعتقد) عليك الله يا اخوى قاسم البلد مليون ميل وله تلاتة مليون ميل مربع هسع نحن قاعدين فيها الجواها عايز يطلع منها والطلع منها غالبو يرجع ليها ادينا رايك نتلم على مصر وهى اصلاً ما حاسا بينا وله ننداح مع الحبشة البتشبهنا وبتحبنا ونحن زااااااااااتنا بنحبها
زعيم بورداب القاهرة هو الاخ صلاح المليح ثم من بعد ياتى ابازر عبد الباقى ارى ان نتلم كلنا الحبشة ــ اريتيريا ـ وباقى القرن الافريقى ولكن تظل مسالة الاشواق والامنيات والتمنى ـــ فاشواقنا صوب القرن الافريقى لا جدال فيها وــــــــــــــــ امنيات البعض منذ امد بعيد ـ الاستقلا ل ام الاتحاد ( تاريخيا )
خارج النص :ـــــ فايز ود القاضى وين ؟؟؟ حد يصحى ود القاضى
قاسم المهداوى
Post: #24 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حبيب نورة Date: 05-03-2013, 03:29 PM Parent: #23
أخبار التكامل شنو ؟
Post: #25 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حبيب نورة Date: 05-03-2013, 03:32 PM Parent: #23
أخبار التكامل شنو ؟
Post: #26 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حسن حماد محمد Date: 05-04-2013, 01:09 AM Parent: #1
Quote: يا راجل دبي دي فيها جنس لبش !! نسأل الله السلامة من هذا اللبش _ أحياناً .
أسمع عليك دينك ما تبشتنا في عقاب الليل ده
صراحة أنا خايف أقوم أنداح وأجيب ليك خبر التفاح :)
حبيب نورة بما انك عشت فى قاهرة المعز فترة ليست بالقصير انت والاخ قاسم
بتكونوا عارفين اكتر
انا غايتو لله كدا المصريين ديل ما واقعين لى
واتصور نظرتهم للسودانى يشوبها كثير من التعالى ( وانتو أدرى عشتو معاهم )
لكن يالحبيب مالك بقيت بتخاف
خلاس الجماعة الارهابيين فى المنبر قدروا عليك
انداح ياخى ولا تخف فى الاحباش لومة لائم
Post: #27 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حسن حماد محمد Date: 05-04-2013, 01:52 AM Parent: #1
Quote: تعرف الكلام عن العلاقة ما بين الســــــــــــــودان و أثيوبيا يجب علينا كسودانيين أن نأخذة مأخذ الجد!
اذا هناك أمتداد طبيعى لى الســــودان صدقنى هى أثيوبيا
اذا هناك شقيقة و أخت بلادى صدقنى هى أثيوبيا
هذا الشعب لة تاريخ و كان لة ملك لم يظلم عندة أحد
حبابك ادم اخوى
وتشهد على ذلك الاعداد الكبيرة من الاحباش فى السودان والعكس
كنت اتوقع بدل عقد مؤتمر للأحزاب الأفريقية بالخرطوم أن يعقد مؤتمر بين أثيوبيا وأرتريا ودولة جنوب السودان والسودان
هذه الدول لها امتداد وتتداخل فيما بينها وشعوبها على تقارب وتناغم لا يتوفر مع اى دولة أخرى
وتجمعنا مصالح ومصير واحد ومشاكلنا وظروفنا متشابهة
وكان يمكن ان يكون مثل هكذا تقارب ان يكون نواة للتقارب والتواصل مع بقية الدول الأفريقية
تمر علاقاتنا حالياً بهذه الدول باستقرار نسبى
المطلوب المزيد من الاندياح ولنبدأ بالحبشة
مشكور اخى على المرور والتعليق وأدينا زيادة
Post: #28 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حسن حماد محمد Date: 05-04-2013, 02:11 AM Parent: #1
Quote: احسن لينا ننداح مع اقربانا ...
ديل حتى اسدهم حلو (الشعار)
ابقى قريب عماد - البيت بيتك
Post: #29 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: Nasr Date: 05-04-2013, 02:25 AM Parent: #28
وأقول ليك الكلام الجد تننتظرنا (وأثيوبيا كمان) مكاسب لا حصر لها متي إندحنا وتكاملنا معهم وهو تكامل (حاجة أهم من وحدة) ستجد حتي مصر نفسها فيه وسترغب في الدخول طائعة مختارة
المهم
أقنعتني بما يدع مجالا للشك أنهم أهلنا لحم ودم وثقافة وأشواق
Post: #30 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: Khalid Osman Date: 05-04-2013, 03:47 AM Parent: #29
بوست أكثر من موفق ، نحن محتاجين شوية إيجابية
أحقن عروقنا بالفرحه شوية وسط زحمة الحزن الحايم ده
تحياتنا للجميع
Post: #34 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: محمد الجزولي Date: 05-04-2013, 07:24 AM Parent: #30
Quote: الواحد بقى كل ما يدخل المنبر غير قتلوه احتلوهو سحلوهو الجبهة الثورية الدفاع الشعبى ما يشوف حاجة
جننتونا غير الموت والحرابة ما عندكم شغله
روقوا المنقة شوية مع الناس المسالمين ديل وانداحو وهدوا اعصابكم وانسوا همومكم
وهم الأكثر منا خوضاً للحروب والمعاناة والتشرد وبرغم ذلك يبسطون للحياة سماحتهم .. فأصبحت في سيمائهم ...
وشكراً لهدوء الأعصاب يا حماد
تحياتي للجميع
Post: #31 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حسن حماد محمد Date: 05-04-2013, 04:42 AM Parent: #1
Post: #32 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: الصادق سيكا Date: 05-04-2013, 05:54 AM Parent: #31
Quote: شوف العمم الكبيرة دى اتجهجت كيف مع المنقة الحبشية
العمم براها يا أبو على ..؟ وحات سيدى الحسن ما عارف روحى العشاء صليتو كم ركعة ...!!!
Post: #33 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: محمد عبد الماجد الصايم Date: 05-04-2013, 06:52 AM Parent: #32
Quote: الأخ نور تاور مرحبتين حبابك تعرف انت تقريبا الوحيد الفهمتنى صاح
معليش يا أستاذة نور .. امسحيها في وش البوست
Post: #35 Title: Re: حبيب نورة ايهما تحبذ التكامل مع مصر ام الاندياح مع الحبشة (فيدوهات Author: حسن حماد محمد Date: 05-04-2013, 02:42 PM Parent: #1
معذرة للأستاذة نور
وفنجان جبنة خاص
لكن يا ود الصايم اصبر لى وبعدين انت ما حا نجيبك معانا
