Post: #1
Title: ينادون المواطن للجهاد والاستشهاد وهم منه افر
Author: فرح الطاهر ابو روضة
Date: 05-02-2013, 07:13 AM
ايام معركة هجليج قالت احدى نساء المسيرية
عيال المؤتمر الوطني عردوا
وكانت الفضيحة الكبرى لحظة بث التلفزيون الجنوبي لاسرى مليشيات الانقاذ وقائدهم يتوسل الحركة الشعبية
ويذكر شعب الجنوب بانهم شعب واحد
ولم يكتفوا بفرارهم المفضوح من جنات النعيم والحور العين التي كانوا يشتهونها
انتظروا انسحاب قوات الحركة من هجليج ليدخلوا لمواقع انهزموا في قضية الدفاع عنها
ليصورا للمواطن البسيط بانهم استعادوا هجليج وفي كرنفالات ذايفة استنزفت فيها خزينة الدولة
ما ارهق كاهلها المرهق
....
دخلت الحركة الثورية ام روابة وما حولها عنوة واقتدر وقاد هروب مليشيات الانقاذ امام جيش الحركة الباسل
والي الولاية بنفسه ولما تبين له جبن ووضاعة ما صنعوا رتدوا على اعقابهم لحظة خروج الحركة الثورية
ليواجهوا من مواطن ام روابة بمظاهرات واحتجاجات فضحت ذيفهم وخداعهم وقلة حيلتهم ..
فاين استعدادتهم للعدؤ
والعملاء والماجورين كما يقولون ؟؟
لماذا لم يتقدموا ولو مرة واحدة لساحات المعركة وهم كما يدعون يشتهون اخوانهم من شهداء الغدر والخيانة
ابراهيم شمس الدين وشهيد طائرة السوباط الزبير محمد صالح ؟؟
هل جف رحم الجنة من الحور العين ام اكتفى هؤلاء بما نالوه من حواري الدنيا مثنى وثلاثة ورباع
هل المواطن البسيط وحده هو من تذفه الملائكة ذفاً لصاحبة سعد لامسية مع الحور العين
وفض بكارة مباركة من سبعة سموات
طباقا
؟؟؟
كبرت كلمة طالما خرجت من افواههم وما يدعون اليه المواطن على مدى ربع قرن من زمان ما هو الا بهتان وكذب لعين
وشبع الشعب السوداني استغفالاً وتوظيفاً كدرع بشري لحماية عصابة الجبهة الاسلامية
وهو غير معني بخرقاتهم واستنفراهم عليهم خوض المعارك وحدهم
والتقدم لساحات القتال الذي دعوا اليه
هنا لن نسأل عن انسحاب مليشيات الانقاذ من الفشقة او حلايب
ومعركة تحررهما بلا شك تنتظر جيش سوداني مهيب
يعيد للدولة سيرتها الاولى ومعني في المقام الاول بالدفاع عن الارض والعرض وليس سلطة مهترية ترهلت
وضعفت حتى عافها الهوان نفسه
ولكن في يقيني بان الكيزان اكثر من يكرهون الجنة بالرغم من دعواتهم المتالية اليها وتشمدقهم باشتهاء رياحينها
قوم نسوا بان
الله حق
والله عدل
والله نور
والله حكيم
والله رحيم بالعالمين
والله سلام ولطيف بعباده
فانساهم انفسهم
مع التحييييييييييييييييييييييييية
|
Post: #2
Title: Re: ينادون المواطن للجهاد والاستشهاد وهم منه افر
Author: أيمن الطيب
Date: 05-02-2013, 07:32 AM
Parent: #1
الحياة حلوة يا أبوروضة,,
خاصة لو بقى فيها مناصب وأملاك وعقارات وعربيات وتلاتة أربعة نسوان وأسفار وهجيج شديد!!
الجنة ما قاعدة للبستحقوها حا تطير يعنى!!!
تحياتى,,
|
Post: #3
Title: Re: ينادون المواطن للجهاد والاستشهاد وهم منه افر
Author: معاوية عبيد الصائم
Date: 05-02-2013, 07:36 AM
Parent: #2
|
Post: #5
Title: Re: ينادون المواطن للجهاد والاستشهاد وهم منه افر
Author: فرح الطاهر ابو روضة
Date: 05-02-2013, 02:04 PM
Parent: #3
حكاية الجنوبي يا معاوية عبيد القال للدباب مالي اراك تكرهين الجنة
ههههههههههه
وشوف الكذب
http://www.youtube.com/watch?v=JHBRHNuprKc
|
Post: #4
Title: Re: ينادون المواطن للجهاد والاستشهاد وهم منه افر
Author: فرح الطاهر ابو روضة
Date: 05-02-2013, 01:59 PM
Parent: #2
تحياتي ايمن الطيب
سياحه مع سيرة الصحابه.
صياعة مع الغفاري وأهل الله في زمن غلط
تستغرب يا رسول الله
يا أول وتاني الخلفاء
تستغرب يا أبذر لو جئت في هذا الزمن الجهجاه
لو فيكم حد يا حنفاء
إتجاسر وقال ما معناه :
(في الدين لا إكراه)
وبني آدم أدرى بدنياه
أو أن العالم شركاء
في الكلاء النار وفي الماء
أو حاول ينصح وينطاول
لي حاكم ظالم وقال لا
يا لاقى جهنم مأواه
فتحولو ترابيس شالا
يا راجع نفسو اقلاه
السيف فوق راسو مخاواه
بالذات الزيك يا اب ذر
بالذات الزيك لو جاء
راكب دغريتو العرجاء
دايماً غلباوي وغالاط
لخباط للعيشة الخمجاء
بالذات الزيك لو جاء
في زمن الزيف المنشر
والتشريعات العوجاء
يا انباع يا يرجى الراجا
يا واقف فوق عمق الدين
يا شايف لآخر دنياه
يا طيب يا ابن الغبراء
الشركة يسارك يا أب ذر
من اسمك واللا من الذر
الكسحت ديكا كريسيدا
داك سيدا اب دقناً شمطاء
وجيب ايدك يلا النيلين
لو درت تشوف العنقاء
يا صاحب النفس الامارة
بالوعي الديني المحتارة
ده الدين .. المقلع ده الدين
والمزرعة من فضل الله
سال سيفك داقس شقيش
قدامك عاين كم ديش
الزمن اندقش دقيش
الأمن .. محاكم النفتيش
في كل المدن العربية
حا تلاقي شدرتك مسبية
يا انتحرت بي بترودين
وعصفورك منزوع الريش
اجلاف كنزوها بلايين
والناس بي الله ويامين
بتحلحل دين الكنتين
تنلفت كايس لي مين
الأمن محاكم التفتيش
واصحابك جوة زنازين
واسيافن صقرو مافيش
ما انبعنا وباعتنا قريش
لامريكا وبي حبة عيش
والحاكم قبض البقشيش
سال سيفك داقس شقيش
جنسيتك .. بظبورتك .. الفيش
في كل المدن العربية
حا تلاقي النفس العربية
في مصحة امراض عصبية
بين الحجبات والارتيل
تنململ شاحبة وصفراء
وقافلاها متاريس الديش
والكضبة عمايل للأمراء
سال سيفك داقس شقيش
إتراجع يا ابن الغبراء
يا صاحب النفس الأمارة
بالثورة القادرة الجبارة
إتراجع وانس الفقراء
أمثال العسكر غدارة
زراعك تنفد تتنفض
عمالك منك تتجارى
وكل الكادحين الشرفاء
وراح تفضل وحدك في الدارة
راح تفضل وحدك في البر
لا زوجة لا قطة ولا غطاء
لا تكتل نفسك يا أب ذر
سيب خونة مكة وتجارا
إتراجع يا ابن الغبراء
في لجة انكسرب بي السارة
زلفتني عجالة الشعراء
فلقتني من الريدة حجارة
سرقتي بدمي الصحراء
أب ذر .. لا سمعني ولا تبعني
طبطب علي همي بيسراه
وكان دمي انمازج بدماه
بي دم الغبش الشهداء
من أول وتاني الخلفاء
اتجمع في رسول الله
زي نهر بيحفر مجراه
مصلوب فوق عتب الفيحاء
مجلوب في السوق السوداء
وما صرخت بنت أبي بكر
وإسلاماه ... إسلاماه
كانت هي الاخرى ورا القصر
تنململ بين الدهماء
تجار الدين الساقطين
الجنرلات الجبناء
مكتوفة الارجل والايدي
مكفوفة الاعين بكماء
اوسدك الباردة الحاضر الغائب حميد
مع التحيييييييييييييييييييييية
|
Post: #6
Title: Re: ينادون المواطن للجهاد والاستشهاد وهم منه افر
Author: نايف محمد حامد
Date: 05-02-2013, 02:18 PM
Parent: #4
يا اخونا فرح تحياتى
ايام هجليج
ود نافع فى هجليج
كدى جيب الصورة
تحياتى
|
Post: #7
Title: Re: ينادون المواطن للجهاد والاستشهاد وهم منه افر
Author: فرح الطاهر ابو روضة
Date: 05-02-2013, 02:25 PM
Parent: #6
الحبيب نايف
كدي اسمع كلام الحكمة من اصحاب الوجعة والقضية
وفيما يختص بالصورة المعنية محول الطلب لاحد طوربيدات المنبر
مع التحيييييييييييييييية
خالص الود
http://www.youtube.com/watch?v=K1tBLhbBz6o
|
Post: #8
Title: Re: ينادون المواطن للجهاد والاستشهاد وهم منه افر
Author: معاوية عبيد الصائم
Date: 05-02-2013, 02:28 PM
Parent: #6
اتقضل يا نايف
|
Post: #9
Title: Re: ينادون المواطن للجهاد والاستشهاد وهم منه افر
Author: نايف محمد حامد
Date: 05-02-2013, 02:34 PM
Parent: #8
شكرا يا طوربيد
ماقصرت
بالله شوف البغلة ده
رقبتو من راسو ما بيتعرف!
|
Post: #10
Title: Re: ينادون المواطن للجهاد والاستشهاد وهم منه افر
Author: حسين عبد المجيد
Date: 05-02-2013, 02:37 PM
Parent: #8
ابو روضة
سكة الجهاد في الصورة الفوق
هؤلاء مجاهدين في قصورهم
سؤال لكيزان المنبر
لماذا تكرهون الجنة ؟؟
ما تمشوا تجاهدوا زي الراجل الفوق دا
بطلوا جهاد الملافيظ بتاعت اردم واركز وجيبو حي
|
Post: #13
Title: Re: ينادون المواطن للجهاد والاستشهاد وهم منه افر
Author: فرح الطاهر ابو روضة
Date: 05-02-2013, 11:17 PM
Parent: #10
Quote: ابو روضة
سكة الجهاد في الصورة الفوق
هؤلاء مجاهدين في قصورهم
سؤال لكيزان المنبر
لماذا تكرهون الجنة ؟؟
ما تمشوا تجاهدوا زي الراجل الفوق دا
بطلوا جهاد الملافيظ بتاعت اردم واركز وجيبو حي |
العزيز حسين عبدالمجيد
قلة من كانوا يتعشمون في صدق جماعة الاسلام السياسي
كانوا يغيبنهم ببعض حكايات تدغدغ وجدانهم لنيل احدى الحسنيين هؤلاء
قتلوهم في حروبهم اللعينة بكافة الوسائل منهم من زج به الي معارك مفتعلة
بدعوى اسلمة الجنوب
او يدخل القوم في ذمة حكمهم الباطش عنوة واقتدار
ومنهم من تعمدوا قتله ثم اتواء بدم كذب ومشوا على جثمانه يبكونه بكاء التماسيح
اما شيخهم وعرابهم فقد نال منهم ما نال بعد ان اعترف بفظاعة ما ارتكب
فلم يبقى من القوم غير عسكري رعديد يتمشدق بالمواجهة والعدة والعتاد
من خلفه قصرة المحروس
او اسلامي عرف كيف يتسلق من خلف مشروع ولد ميتاً
اما في سوالك عن مؤتمرجية المنبر
فهم موجودين بين بوستات الشابورة وشاي المغرب
وعلى سطور رش يرشو رشاً
وفي احسن حالتهم يجود عليهم قوقل بحكاية عن اتحاد العمال
وشعار يا عمال العالم
فهم في حل عن الاجابة عن اي سوال كما عودونا وقت الضيقات
وهناك دوماً من يدافعون عنهم بالانابة
ومن هم على استعداد لاهدار قلمه وموقفه مقابل اجر محفوظ
مع التحيييييييييييييييييييييييييييية
|
Post: #11
Title: Re: ينادون المواطن للجهاد والاستشهاد وهم منه افر
Author: نايف محمد حامد
Date: 05-02-2013, 02:38 PM
Parent: #8
Quote: الحبيب نايف
كدي اسمع كلام الحكمة من اصحاب الوجعة والقضية
وفيما يختص بالصورة المعنية محول الطلب لاحد طوربيدات المنبر
مع التحيييييييييييييييية |
تحياتى ليك فرح
هنالك نفر من قيادات الكيزان قتل لهم ابناء فى الجنوب فى التسعينات
و طبعا ديل الكانوا مخدوعين شوية كده و مصدقين الشغلة قبل الترابى ما يقول فطايس
الليلة هم ندمانيين و بيقولوا يا ريت اولادنا لو كانوا معانا الان
لكن برضو مستفيدين على حس المسالة دى بانو والد الشهيد و بيقبضوا فى اثمان اولادهم من اموال الشعب
|
Post: #14
Title: Re: ينادون المواطن للجهاد والاستشهاد وهم منه افر
Author: فرح الطاهر ابو روضة
Date: 05-03-2013, 00:13 AM
Parent: #11
Quote: تحياتى ليك فرح
هنالك نفر من قيادات الكيزان قتل لهم ابناء فى الجنوب فى التسعينات
و طبعا ديل الكانوا مخدوعين شوية كده و مصدقين الشغلة قبل الترابى ما يقول فطايس
الليلة هم ندمانيين و بيقولوا يا ريت اولادنا لو كانوا معانا الان
لكن برضو مستفيدين على حس المسالة دى بانو والد الشهيد و بيقبضوا فى اثمان اولادهم من اموال الشعب |
|
Post: #12
Title: Re: ينادون المواطن للجهاد والاستشهاد وهم منه افر
Author: فرح الطاهر ابو روضة
Date: 05-02-2013, 11:01 PM
Parent: #8
معاوية عبيد
لك التحية ومعروف راعي واجب
واولاد الانتهازيين ولدوا وعلى افواههم ملاعق من ذهب
في ظنهم ارض المليون ميل سخرها الله لهم بناسها وخيراتها
مكلف هذا الشعب بمصاريف علفهم
وترفيهم
وحتى جلسات مجونهم
كما تكلييف بعض ماجورين ومطبالتية للدفاع عنهم
هؤلاء يا عزيزي لن يكون مصيرهم بافضل من مصير ابناء حسني مبارك
او سيف الاسلام القذافي الذي يجلس اليوم امام محاكم العدل الليبية
هي لحظات تفصلهم بين نعيم دنياهم الكذب والفساد
وغضبان وقصاص عادل ينظرهم
خالص الود
|
|