شاهد كيف طرد اهالي ام دوم الوالي والمعتمدمن العزاء يوجد فيديو

لقد سطر اهالي ام دوم الصامدة اليوم اروع وانبل المواقف عندما تم طرد الوالي والمعتمد من عزاء الشهيد محمد عبدالباقي واخبر انه غير مرحب به

يا ترى لماذا لم يدين هذا النفعي القتل والموت الذي تعرض له اهلنا فى ام دوم واظنه لا يعلم ان الشهيد محمد عبد الباقي تربطه صلة دم ورحم به

قام اهالي أمدوم بطرد عبد الرحمن الخضر والي الخرطوم و معتمد المحلية المرافق له
من سرادق عزاء ابنهم الذي اغتالته قوات شرطة الولاية و واجهوة بتجاهل اعلام الحكومة لهم ولحادثة اغتيال ابنهم في مشهد شديد التاثير
و مشحون بعواطف الحزن و الغضب
ولكن الوالي و مرافقيه لم يستطيعو التعليق علي اي من اسئلة اهالي الشهيد
واسرعو بالانصراف و الابتعاد عن سرادق العزاء

Quote: قام اهالي أمدوم بطرد عبد الرحمن الخضر والي الخرطوم و معتمد المحلية المرافق له من سرادق عزاء ابنهم الذي اغتالته قوات شرطة الولاية و واجهوة بتجاهل اعلام الحكومة لهم ولحادثة اغتيال ابنهم في مشهد شديد التاثير و مشحون بعواطف الحزن و الغضب ولكن الوالي و مرافقيه لم يستطيعو التعليق علي اي من اسئلة اهالي الشهيد واسرعو بالانصراف و الابتعاد عن سرادق العزاء

عفيت منهم
اعزلوا القتلة المجرمين

رفضنا جميعا
كل آل الخليفة طه
استقبال والي القضارف حينها الشريف احمد عمر بدر
و هذا الرجل ذو الجلد السميك و المن حط لم يغادر سرادق العزاء
و لقد شتمته نعم شتمته و قلت له لا نستقبل العزاء من امثالك في رجل بطهر ابي جعفر الخليفة
عبد الرحمن الخضر بموقفه هذا اثبت لي انه ليس سودانيا و لا ينتمي لاهل هذا الكوكب
تم طرده
نعم تم طرده
و اصر علي الجلوس
في ممارسة توضح مدي اختلاف الكيزان عن السودانيين
هؤلاء ليسو آدميين هم فقط كيزان

ادني من مرتبة الحيوان

فلنتحد لاسقاط نظامهم و محاسبتهم و احراقهم

من هذا المستوي و من تلك الشاكلة يرد
كيزان المنبر
فلا تؤاخذوهم
علي سفا لتهم فلا يملكون غير هذه البضاعة سخافة تقل دم و نفوس مريضة نفوي قتلة
يا اخي دي سخافة ما معقولة
يا اخي دي تقالة دم غير معقولة
يا جماعة دا جلد فيل

يا اخينا قالوا قوم فوت
ناس الوجعة طردوك و تقعد زي التلاجة زي الورم
ملعون ابو الخلف امكم يا اولاد الحرام

يا سيف معليش

انا متضايق جدا من التفاهات دي


طه جعفر

يا بكري ارفع لينا البوست فوق
عشان الناس تعرف سخافة و تقل دم و حقارة الكيزان
فعلا ديل قتلة

خلوهم براهم..خلوهم براهم
اكتر من كده يقولوا ليك شنو يا عبد الرحمن الخضر. و الله لو منك انتحر.

غير كدا مابفهموا السجم ديل
عايزين يقتلوا الزول ويجوا يعزوا
لكن رجال والله ناس ام دوم

رجال يا ناس أم دوم ... رجال والله.

جاي يسوي شنو؟ بعد ما كتلو الولد وأصدرت الشرطة بيان نتفي مسئوليتها ... جايين يسووا شنو؟

محل ما يمشي مفروض ينطرد.

ده أقل شئ يستاهلوه ، قمة الاستخفاف بمشاعر الناس و مآسيهم
ليكم يوم

هذا الشريط مقزز جدا
الزول الكتلوهو لا شلكاوي لا دينكاوي لا نويراوي ,,عربي زيكم؟
تف عليك يا وطن

لأول مرة أشوف مثل سوداني ينطبق بحذافيرو علي موقف
( يكتلوا الكتيل ويمشوا في جنازتو)


رغم تقديري لحالة الحزن والإنفعال لكن للأسف مقطع الفيديو يحمل إشارات عنصرية غير لائقة

التحية لاهل امدوم الاشاوس برافو

هذا الشريط مقزز جدا
الزول الكتلوهو لا شلكاوي لا دينكاوي لا نويراوي ,,عربي زيكم؟
تف عليك يا وطن
_________________________________

الأخ عصمت
تحياتى ،،
طالما هذه هى العقلية العنصرية البغيضة حتى فى سرادق العزاء ، لا يرجى من الوطن خيراً وسوف يظل هكذا حتى يتجزأ لدويلات فى الغرب والشمال والشرق وقد سبقهم الجنوب نحو الإزدهار والتنمية . لا بد من إعادة صياغة المواطن السودانى ، إذا كان هنالك من أمل.
رحم الله الشهيد محمد عبد الباقى وأسكنه فسيح جناته.
مودتى ،،،

هذا الشريط مقزز جدا الزول الكتلوهو لا شلكاوي لا دينكاوي لا نويراوي ,,عربي زيكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تف عليك يا وطن

بالضبط هذا الرجل مقزز .. بس ما قال لينا هل وقفتم الإحتجاجية برضو خاضعة لمنطقو المعوج ده ؟ .. فما الفرق بين دماء إبنهم رحمة الله ودماء الدينكاوي والشلكاوي والنوباوي ... هذا الرجل لا يستحق التعاطف ، عليه أن يعتذر للقبايل الأقحما في مصيبتو .. قبح الله العنصرية والعنصريين في القبل الأربعة ... أدعو هذا الرجل للتوبة الى الله من هذا الكلام القبيح والإعتذار لتلك القبايل الما عملت ليهو أيي حاجة وأساء ليها بدون أيي وازع .. وسبحان الله من زمان بنسمع إنو ناس أمدوم من أكتر الناس بيتزوجو من القبايل الأساء ليها دي .. للأسف خلونا نعترف إنو السودان ده فيهو نسبة لا يستهان بها من المشوهين .. جايين نعزيهو ونقيف معاهو لقيناهو عامل مصيبة أكبر من القتل : ماعندو مانع إنو يتكتلوا ناس تانين بيستحقوا الموت بحكم أصلهم ، بس في ناس تانين ما ممكن يتكتلوا لأنهم بحكم أصلهم ما بيستحقوا الكتل !!!!!!!!!!!!! والله داير أعمل معادلة لي غضبي لكن ما قادر ... يا الله

على روح الشهيد الف رحمة
وعلى ظلم الكيزان الف لعنة
.........
ليس هناك دلالة اثبات كلام قريب الشهيد فى الفيديو على انه كلام عنصرى
فقد يكون القصد من ذلك القريب وكأن لسان حاله يقول: يا ناس الحكومة انكم حاربتم الجنوبيين من الدينكا والشلك على اساس انهم اعدائكم ايها العنصريون
فلماذا قتلتم هذا الشاب الذى ينتمى لكم وهو جزء من تكوينكم الاثنى هذا دليل انكم ظلمة ومجرمين حتى على بنى جلدتكم.
.....
مجرد دعوة لحسن الظن حتى يتم اثبات العكس تماما.
للفقيد الرحمة
انا لله وانا اليه راجعون

ناس رصد ذاتهم مفروض يشيلوا الكلام ده من الفيديو
وبلاش المزيد من الفتن وإشعال النيران

اللهم ارحم الشهيد -بإذن الله- محمد عبد الباقي
وانتقم ممن قتله يا رب العالمين

Quote: هذا الشريط مقزز جدا الزول الكتلوهو لا شلكاوي لا دينكاوي لا نويراوي ,,عربي زيكم؟ تف عليك يا وطن

سمعتها و استغربت
اهالي ام دوم ذوي صلات تجارية بالجنوب
و شهد معظمهم فصول المآسي التي لاقاها الجنوبيون من االانظمة المتعاقبة
قتلا و سحلا و تهجيرا
غريب ان تقال هذه العبارة في هذه المناسبة
غريب


طه جعفر

Quote: فقد يكون القصد من ذلك القريب وكأن لسان حاله يقول: يا ناس الحكومة انكم حاربتم الجنوبيين من الدينكا والشلك على اساس انهم اعدائكم ايها العنصريون فلماذا قتلتم هذا الشاب الذى ينتمى لكم وهو جزء من تكوينكم الاثنى هذا دليل انكم ظلمة ومجرمين حتى على بنى جلدتكم. ..... مجرد دعوة لحسن الظن حتى يتم اثبات العكس تماما.

إنها ليست دعوة لحسن الظن فقط بل هي الحق أخي النيل ، هذا الرجل يخاطب حكومة الكيزان التي جيّشت أهل السودان
وشبابهم لقتل الآخرين المختلفين قائلاً : ما هي حجتكم في قتل هذا وهو منكم وهي تحسب له لا عليه ، لست أدري كيف
تسنى فهمها كعنصرية !!!!؟

أبو حمـــــــــــــد

سلام للجميع...


أين العنصرية هنا.....??????

ما شايف أي عنصرية ....يقصد يقول أها ديلك عارفينهم قتلتوهم قلتو حرب وجهاد وشنو ما عارف....دا قتلتوة بياتو عزر....

يا خوانا زول ملان ألم وحزن وغبن...وإنتو جايين تترصدوا لي كلامو وتفسرو دة عنصري ...وكمان معاها تفووو عليك يا بلد....


غايتو اللة يستر علينا من العنصريين ومحاربي العنصريين....


ما هكذا تحارب العنصرية أيها السادة

تحية للجميع وباسم اهلي وعشيرتى فى ام دوم اعتزر لهذه الاشارات العنصرية وكان ينبقى ان لأ يتفوه بها ولكن هذه ثقافة بلد كامل ولابد من تقيير نظرتنا للكثير من القيم والمعتقدات العنصرية والذى كان لهذا النظام دور كبير فى تأجيج القبلية والشعوبية والنظرة الدونية للكثير من القبائل السودانية وأتمنى ان لأ تقير هذه العبارات من تضامننا مع محنة اهلنا فى مدينة ام دوم وهذا يؤكد ان اهلنا فى دارفور والنيل الازرق وجبال النوبة يجب ان تسلط الاضواء والاعلام لمشاكلهم لأن القتل والاغتصاب يمارس يوميآ فى تلك المناطق بأبشع الصور والموت والقتل بصورة جماعية والذى حصل فى ام دوم شاهد حي لتركيبة مجتمعنا العنصري وانا لأ ابريئ نفسي من هذه الممارسات العنصرية لذلك ظللنا دومآ ندعو لاسقاط هذا النظام يعنى مقتل شاب فى ام دوم طلعو الاهالي وطردو الشرطة وقامو بحماية امنهم بانفسهم لكن لو الذى حصل فى ام دوم لو انه حصل فى دارفور لانطلقت الطائرات والدبابات وتم قتل كل الاهالي وسحلهم ولقد راينا كيف ان طلبة فى جامعة الجزيرة طالبو بأعفائهم من رسوم الدراسة تم دفنهم احياء فى ترعة مياه حتى لقوا حتفهم اتمنى ان نستقل ما حدث فى ام دوم ونتوحد جميعآ ونعرف ان العدو واحد لأ يعرف ود غرب او شرق ولأ شمالي ولأ جنوبي ولنفوت الفرصة على الذين يريدون الاصطياد فى الماء العكر وتقيير مجرى الاحداث ومسار البوست لاتجاهات اخرى مع خالص ودى للجميع
سيف محمد جبريل بابكر الهادي
من الجريف غرب واجدادي نزحو من ام دوم والجريف شرق وسوبا والعيلفون