ما ينوم .. NEXT الدمازين

هكذا تقول الخريطة

وبالعدم أورما

كمان جابت ليها مدني وكوستي؟؟؟

الداير يقول الخرطوم يقول

انا بقول الدبازين

Quote: وبالعدم أورما

ابو حميد دي موجودة في الخريطة

محلها وين !!!

الاخ حسن

Quote: ابو حميد دي موجودة في الخريطة محلها وين !!!

خطأ مطبعي
أروما

رفقا بإخوة لكم فإن ذلك يثير الرعب في نفوسهم الغير ( آمنة) منذ 23 سنة
أخونا عمر ود الباوقة والدكتور بشير والصحفي السيد (ح) و الدقداق ألخ نموذجا
تعرف يا أحمد أخوي الجماعة ديل قاعدين في حالات إجتماعات لكون البترول دنى قطافه ...
لغاية ما يلقوا ناس الجزيرة دخلوا القصر
جمعة مباركة
الشفيع إبراهيم

احمد بن عوف

صباح الخير

الناس دي عليهم براحة كبو الجاز للجري



دنقلا كيف الدبة



حلفا الجديدة

اصحى يا ابريش

الجبهة الثورية تنقل عملياتها إلى النيل الأزرق و تسقط حامية "دندروا"

الدفعة أحمد بن عوف،

يا خوى أنا عارفك خبير إستراتيجى من أيام قصة إسم التفجيرات لما
كنا طلبة و بعدين أخونا آدم عمر لما سماك أحمد تفجيرات
أظنه كان قاصد خططك العسكرية دى.

يا جماعة للشهادة و التاريخ منذ أن كنا طلبة و أحمد دا كان ود غرفتى ما كان يوافقنا على
الحلول السلمية أبداً كان دوماً طرحوا فى إجتماعاتنا المغلقة على شاكلة نفجر الخرطوم
وندك القصر الجمهورى وووو حتى سمى":أحمد تفجيرات" ووقتها نحن والله ما عندنا إلا جزمنا اللابسنها. ولما يحمّر ا########س بيننا
وبين كلاب الأمن كنا نحتمى بداخل منزلهم العامر لمدة أيام بشارع الحرية جوار عمارة ودالجبل
كان بيت أشباح إختيارى لأن أسرة أحمد أظنها هاجرت السعودية منذ مجيئ الإنقاذ.

اووو ذكرتنا ايام لها ايقاع يا الصادق اخوي

لمن الكوز في جامعة الخرطوم من سنة 90 وانت ماشي كان بمشي جنب الحيط بس وما يقول بغم
لم يخيب ظني فيهم هؤلاء الارازل، لم اتوقع يوما ان يكونوا بشرا ويفهموا الحوار.
كان اخير يتم حسمهم من بدري بدري.

عزيزي أحمد

ياخي سلامات، وكيف حالك، ولعلكم جميعاً عافية

يازول ده شنو البتسوِّي فيهو ده! جبهة ثورية بتاعة مين ياخي! هذه جبهة مصلحجية وفاقد أخلاقي

وهل أي حرب الناس، تنفخ فيها ..؟ حتى لو كان الكيزان هم الحاكمين!


يؤسفني أن أقول لك: أن عنونة بوست لك، بهذا العنوان، فجيعة والله

أليس لك أهل في الدبازين؟ ألستَ تأبه أن يبعج الرصاص "المأجور" والطامح "بكل الغرور" بطون كثيرين، من فقارة السودانيين، الغلابى، التعابى، إلخ,,, وكذلك رؤوسهم دون ذنب إلا أنهم - في غالب الأحوال - قد وجدوا نفسهم في المكان الخطأ والزمن الخطأ والسياسة الخطل؟


عزيزي الشفيع، الجزيراوي
سلامات

ياخي ما تجامل أحمد ساي! ناس الجزيرة كان فيهم "شوية نار" الليصلوبا واليهم الذي لا ينشغل إلا بالجهاد إعلامياً، ويترك كل العوَج في بُكانو!

ولسوء أوضاع السودان، فقبل شوية، شاهدت كاشا، الوالي العائد (بايتاً) بعد أن رأى فيه " مركزيّوه" أنه لا يصلُح في ولاية جنوب دارفور، فأقالوها وهو المُنتَخَب! ثم حرِد! لمّا عرضوا عليه "شرق دارفور" .. ولمّا لم يجد ما يفعله! أو بالأصح، لمّا لم يكن ذي جدوى، ما ظل يفعله!!
فقد قبِلَ أخيراً أن يرجع والياً لشرق دارفور، وقد نسيَ الحَردة؛ ويبدو أن الدّهر عضّه!! لمّا وجد نفسه بلا ولاية؛ هذا الكاشا، شاهدته في تلفزيون أم درمان يقول: ما دايرين زول في مكتب، ما دايرين مرَة في مكتب، خدمة مدنية بتاعة شنو! والبلد في حالة حرِب!..

فتأمّل!



----
والتحايا للجميع

سلام يا ابوجودة
تحياتي ليك وللاسرة، نحن بخير والحمدلله

Quote: يازول ده شنو البتسوِّي فيهو ده! جبهة ثورية بتاعة مين ياخي! هذه جبهة مصلحجية وفاقد أخلاقي

والكيزان احسن منهم في شنو؟؟ ما صعاليك واولاد حرام عدييل كده

Quote: وهل أي حرب الناس، تنفخ فيها ..؟ حتى لو كان الكيزان هم الحاكمين!

عن اي حرب تتحدث يا ابوجودة، اهي الحرب الدائرة منذ مجيء الانقاذ ام منذ منذ الاستقلال
وما شأن احمد ابن عوف بها لانفخ فيها، ما ياها مدورة من ما عرفنا السودان، الجديد شنو

Quote: يؤسفني أن أقول لك: أن عنونة بوست لك، بهذا العنوان، فجيعة والله

فجيعة لكن حقيقة
ومالو عنوان البوست، شوف تاريخه بتين، انا قلت الجبهة الثورية سيكون هدفها التالي هي الدمازين
وما كنت غلطان

Quote: أليس لك أهل في الدبازين؟ ألستَ تأبه أن يبعج الرصاص "المأجور" والطامح "بكل الغرور" بطون كثيرين، من فقارة السودانيين، الغلابى، التعابى، إلخ,,, وكذلك رؤوسهم دون ذنب إلا أنهم - في غالب الأحوال - قد وجدوا نفسهم في المكان الخطأ والزمن الخطأ والسياسة الخطل؟

وانتو كنتوا وين لمن الكيزان دخلوا الدمازين وانقلبوا على شرعية الوالي عقار وشردوا اهلها
بليل بهيم ومازالوا مشردين في الحدود في ظرف 48 ساعة غادرها 150 الف مواطن سوداني
وين ما سمعنا استنكاركم بتاع رصاص يلعلع.

يا ابوجودة اخوي، اي زول ينوم على الجنبة البتريحوا، اذا كان في حسبانكم ان الجبهة الثورية
ناس صعاليك ساكت، واخير لينا الكيزان منهم واساسا ما بقدروا يصلوا الخرطوم والجزيرة
وسمعان البروباغاندا الكيزانية، براحتكم، انا ارى غير ذلك، انا شايف الخرطوم زاتا قريبا
ح ينعق فيها البوم من الخراب الفيها.

فا شنو، ما عندكم حل، يا تتفرجوا بس على الحاصل وما تشتغلوا بينا، يال تشيلوا سلاح مع الكيزان
وتمشوا الجبهة في الخطوط الامامية وتثبوا الفاقد التربوي ديل عند حدهم.