Post: #1
Title: هاااااام اجتماع عاجل لمجلس الوزراء
Author: د.محمد حسن
Date: 04-28-2013, 03:58 PM
الرئيس ( زعلان وبي نهرة شديدة ) : الجماعة ديل دخلو كيف؟
عبد الرحيم : اسال الصوارمي الصوارمي : يسالني انا ليه : عبد الرحيم : مش انت المتحدث الرسمي الصوارمي : بس انا بتحدث لما تقول لي انت ... مش انت الوزير عبد الرحيم : وانا قلت ليك شنو؟ الصوارمي : قلت لي جو بالليل والليل بغطي الجبال .. وانا قلت كدة الرئيس : عبد الرحيم ده كلام شنو عبد الرحيم : ما انا ياريس كنت في الحبشة مش انت عارف ؟ الرئيس : طيب يعني اسال منو هسة رئيس الجهاز : اسال العنبة الرامية جمب بيتنا الرئيس : نعم؟؟؟؟؟؟ رئيس الجهاز : نحن يا ريس قلنا نخليهم يدخلو يكملو بنزينهم ونزرهم في النص ما يقدرو يرجعوا وبكدة نكون انتهينا من ناس الفجر الجديد الرئيس : اها وعملتو شنو عبد الرحيم : اسال بتاع الدفاع الشعبي قائد الدفاع الشعبي : ياريس استنفرنا المجاهدين بس المجاهدين قالو امروابة ما فيها قرود الرئيس : ده كلام شنو قائد الدفاع الشعبي : يا ريس القصة الناس ديل قالوا بلعبوا في الغابات وام روابة ما فيها غابات عشان كدة قالوا ارتكاز الرئيس: يعني شنو؟ قائد الدفاع الشعبي : يعني كل زول يرطب في بيتهم الرئيس : يرطب؟ نائب الرئيس: ياريس نعمل مؤتمر نفرة الرئيس : يا حاج آدم عليك الله ده وقت مؤتمر النائب الاول للرئيس: يا ريس ده كلو من وائل؟ الرئيس : وائل؟ وائل مالو؟ النائب الاول للرئيس : وائل قفل الموبايل الرئيس: طيب والحل اسامة عبدالله : يا ريس الحل في الحل نافع: يا اسامة اتكلم كويس اسامة عبدالله : انا قصدي حل اللجان الشعبية لانهم ما قايمين بالدور التعبوى الرئيس : نرفع الجلسة لحد ما نشوف الابيض البحصل عليها شنو
|
Post: #2
Title: Re: هاااااام اجتماع عاجل لمجلس الوزراء
Author: ادريس خليفة علم الهدي
Date: 04-28-2013, 04:11 PM
Parent: #1
يا دكتور بكرة يطلع لينا ابوريالة بمقولته المشهورة
(الفشل لا يعني الفشل)
وانتهي الامر
|
Post: #3
Title: Re: هاااااام اجتماع عاجل لمجلس الوزراء
Author: د.محمد حسن
Date: 04-28-2013, 04:13 PM
Parent: #2
Quote: (الفشل لا يعني الفشل) |
الناظر جنا الناظر
الفشل الكلوي
قول آمين
|
Post: #4
Title: Re: هاااااام اجتماع عاجل لمجلس الوزراء
Author: ادريس خليفة علم الهدي
Date: 04-28-2013, 04:25 PM
Parent: #3
قايلني بشرب موية صرف صحي !!!
|
Post: #5
Title: Re: هاااااام اجتماع عاجل لمجلس الوزراء
Author: د.محمد حسن
Date: 04-29-2013, 12:04 PM
Parent: #4
Quote: قايلني بشرب موية صرف صحي !! |
بتبالغ يا خليقة
|
|