Post: #1
Title: رشوهم !
Author: محمد حامد جمعه
Date: 04-27-2013, 02:49 PM
Parent: #0
اها يا صلاح جادات ، جماعتك هسة بلقطو فيهم منفرد وجماعى ، ليبقى السؤال هل تقدم هذه القوات على مثل هذه الهجمات عن وعى وبناء لخطة ام كيف ، كل خسائر العدل والمساواة والجبهة الثورية - او المسمى- فى كل خسائرها الاخيرة سيزيد الى الضعف فى هذه العملية الخرقاء
|
Post: #2
Title: Re: رشوهم !
Author: معاوية عبيد الصائم
Date: 04-27-2013, 02:55 PM
Parent: #1
بريمة عندو راى تانى قريتو ؟؟يالعشا بجكن..من الدغش كنت وين غاتس
|
Post: #4
Title: Re: رشوهم !
Author: Amin Mahmoud Zorba
Date: 04-27-2013, 02:59 PM
Parent: #2
ياولدنا الديامي كدي فصل وما تفصل الرش ده وين في أمروابة ولا في إحساسك
|
Post: #3
Title: Re: رشوهم !
Author: محمد حامد جمعه
Date: 04-27-2013, 02:58 PM
Parent: #1
وكماشة تجعل خيارات القوات المهاجمة قاسية فلا امكانية للعودة الى جنوب كردفان بالاتجاه جنوبا واما الانعطاف الى الغرب فيجعل القوات لقمة سائغة للهجانة على محور شيكان وبارا واما الرهد فامره محسوم
|
Post: #5
Title: Re: رشوهم !
Author: محمد حامد جمعه
Date: 04-27-2013, 03:02 PM
Parent: #3
ما استطيع قوله - والى حين ميسرة معلوماتية- ان القوات المعادية التى مست ام روابة افضل ما يمكن ان تخرج به خسائر لن تزول ولا تعوض
|
Post: #6
Title: Re: رشوهم !
Author: محمد حامد جمعه
Date: 04-27-2013, 03:04 PM
Parent: #5
| Quote: ياولدنا الديامي كدي فصل وما تفصل الرش ده وين في أمروابة ولا في إحساسك |
دا رش زى الرش ، مط زى المط ، الجماعة ديل قنطرو نفسهم بطريقة لو انفقت الخرطوم قراب الارض عملاء وجواسيس ما نالت فيهم هذه الفرصة
|
Post: #10
Title: Re: رشوهم !
Author: Amin Mahmoud Zorba
Date: 04-27-2013, 03:09 PM
Parent: #6
اقولك كلام ياود جمعه الأمر خارج الحسابات لو رشوك أو اترشيت الخسارة واحدة بس الشماتة بتختلف
|
Post: #7
Title: Re: رشوهم !
Author: سرالختم عباس
Date: 04-27-2013, 03:05 PM
Parent: #5
كيف كيف حسب معلوماتك
ومعلوماتك دي كانت وين لما الناس دي قطعت الفيافي دي كلها
غايتو استخفافكم بعقول الآخرين بقي يضحك
|
Post: #8
Title: Re: رشوهم !
Author: saif massad ali
Date: 04-27-2013, 03:07 PM
Parent: #7
ههههههههههههههههههههههههههههههه
ود جمعة ازيك الايام دي الشديد القوي مسكنك في المنبر العام
نهاية اليمة يازول
|
Post: #12
Title: Re: رشوهم !
Author: Adil Ali
Date: 04-27-2013, 03:15 PM
Parent: #7
| Quote: اما الانعطاف الى الغرب فيجعل القوات لقمة سائغة للهجانة على محور شيكان وبارا |
كعادتك يا شاويش نفّاخ وهراط وبتاع إنشاء بس... إنت بتتكلم عن قوات الجبهة الثورية أم عن حملة هكس باشا؟؟
|
Post: #11
Title: Re: رشوهم !
Author: فايزودالقاضي
Date: 04-27-2013, 03:11 PM
Parent: #5
الجبهة الثورية تمارس حرب عصابات استنزافية قاتلة لجيش الحكومة ولا تمارس احتلال مواقع
وبالتأكيد ستنسحب بعد أن تحقق غايتها المعنوية والمادية
وسيأتي المتحدث أن حررنا ام روابة زي ماحرر هجليج المُنسَحب منها ..
عافيت من الجبهة طيرت ليهم رحمان قلبهم ..
|
Post: #13
Title: Re: رشوهم !
Author: محمد حامد جمعه
Date: 04-27-2013, 03:18 PM
Parent: #11
الحرب مرفوضة والله مرفوضة
|
Post: #14
Title: Re: رشوهم !
Author: محمد حامد جمعه
Date: 04-27-2013, 03:21 PM
Parent: #13
بالمناسبة طريق كوستى الابيض انتظمت فيه حركة السير
|
Post: #15
Title: Re: رشوهم !
Author: Amin Mahmoud Zorba
Date: 04-27-2013, 03:24 PM
Parent: #13
يا لرقة قلبك ياود جمعة الرفض مشترك لكن الناس تسوي شنوا مافي غير تلكع تحارب لا توجد خيارات
|
Post: #16
Title: Re: رشوهم !
Author: محمد حامد جمعه
Date: 04-27-2013, 03:29 PM
Parent: #15
المحصلة الاكيدة لما جرى ان قوات الجبهة الثورية مارست نهبا مريعا لاموال المواطنين ومركباتهم ، بعض االافراد من مليشيات الهجوم بدات فى الترجل عن مركباتها والهيام على الارض
|
Post: #17
Title: Re: رشوهم !
Author: محمد حامد جمعه
Date: 04-27-2013, 03:31 PM
Parent: #16
المليشيات وكما هو متوقع (تشتت) وان ظلت القوة الرئيسية هى المواجهة لمدينة تندلتى
|
Post: #18
Title: Re: رشوهم !
Author: Amin Mahmoud Zorba
Date: 04-27-2013, 03:33 PM
Parent: #16
نهب قتل سلب هي طبيعة الحرب وهذا لا يساوي شيء مما نهب بمسميات مختلفة وعلى راس هذه المسميات الفساد ارحمونا يرحمكم الله
|
Post: #19
Title: Re: رشوهم !
Author: الجنيد حمد
Date: 04-27-2013, 03:37 PM
Parent: #16
على حسب ما تفضلت به امامهم طريق واحد هو الانتصار لا سواه
|
Post: #20
Title: Re: رشوهم !
Author: محمد حامد جمعه
Date: 04-27-2013, 03:51 PM
Parent: #19
نهبت اموال وبنوك
نهبت جوالات محاصيل من بعض المواطنين فى اب كرشولا وتم الاعتداء على مسيد شيخ اسد حيث قتل احد الصبيان وجرح اربعة
|
Post: #21
Title: Re: رشوهم !
Author: Amin Mahmoud Zorba
Date: 04-27-2013, 03:58 PM
Parent: #20
أعد
|
Post: #22
Title: Re: رشوهم !
Author: سرالختم عباس
Date: 04-27-2013, 04:01 PM
Parent: #21
تتحدث عن النهب ههههههههههههههههه
وناس أسامه عبدالله ديل البيسووا فيهو ده كان من خزائن جدودهم
|
Post: #24
Title: Re: رشوهم !
Author: Amin Mahmoud Zorba
Date: 04-27-2013, 04:07 PM
Parent: #22
يا محمد جمعة حصحص والحصحصة هي الحق ما هو الناهب الأكبر وكم تساوي كل تلك المدن والقرى المنكوبة مقابل ما تم نهبه من قبل نافذ واحد في المؤتمر الوطني في حق الشعب السوداني
|
Post: #23
Title: Re: رشوهم !
Author: محمد حامد جمعه
Date: 04-27-2013, 04:04 PM
Parent: #21
| Quote: نهب قتل سلب هي طبيعة الحرب |
زوربا
انظر من عذبت الثورية اليوم ، لم تمس البشير ولا عبدالرحيم (المشير الان فى قاعة الصداقة ) وما اتاثر زول ، الدمرو ليهو كهبرتو وهدموا برج اتصالاتو زول مسكين ، بسيط ، مزارع ولا تاجر عادى ، لا مرق الترابى من السلطة عشان تجى العدل والمساواة تعذبو ولا طرد ياسر عرمان من القصر عشان يجى قطاع الشمال
ببساطة حماة المهشمين ...بعذبو المهمشين
|
Post: #40
Title: Re: رشوهم !
Author: أحمد الابوابي
Date: 04-27-2013, 05:58 PM
Parent: #13
| Quote: الحرب مرفوضة والله مرفوضة |
بالحيييييل ..
هذه كلمة حق ..
و لكن ما تريدونه هو الباطل ..
إنكم تريدوننا أن نغني معكم هذه الأغنية (( الحرب مرفوضة والله مرفوضة )) ..
و تمنعوننا التظاهر السلمي ..
و كافة أنماط التعبير الحر ..
في الشارع .. في الصحف .. في النقابات ..
إنكم تمنعون قيام الندوات .. و تغلقون المراكز الثقافية ، بذريعة العمل المعارض ..
إن قيام ندوة في أحد المراكز الثقافية ، يترك أمره إلى أحد رجال الأمن (( لا يعرف أكلمة ثقافة ، بال ( س ) أم بال ( ث ) )) ، ليقرر أتقوم أم لا ..
تمنعون التظاهر ، و التعبير لمن يختلف معكم .. و تبيحونه لدعاة العنصرية ، و الهوس ،
يقومون به متى شاءوا ..
.
.
فكفوا عن تضليل الشعب .. و التغني برفض حرب أنتم بظلمكم ، من يشعلها ..
.
(( الحرب مرفوضة والله مرفوضة )) ... كلمة حق .. و لا نقولها بقولكم ..
|
Post: #25
Title: Re: رشوهم !
Author: عبدالله محمد أحمد
Date: 04-27-2013, 04:11 PM
Parent: #1
الاخ محمد جمعة تحياتي
افهما صاح، الشئ الوحيد الواجب فهمه هو ان الحرب بدات تقترب من الخرطوم
|
Post: #26
Title: Re: رشوهم !
Author: محمد حامد جمعه
Date: 04-27-2013, 04:15 PM
Parent: #25
| Quote: فهما صاح، الشئ الوحيد الواجب فهمه هو ان الحرب بدات تقترب من الخرطوم |
الحرب واحدة كان فى الخرطوم لا اى حتة
عجبا لكم كراهية الحكومة ما تخليكم تفرزو ما يحدث الان
|
Post: #28
Title: Re: رشوهم !
Author: محمد حامد جمعه
Date: 04-27-2013, 04:19 PM
Parent: #26
Quote: بيــــــان مــــن قــائــــد القــوات المشــــتركة للجبهـــــة الثــورية الســــــودانية
قامت قوات الجبهة الثورية السودانية المتحـــدة (جيش تحرير السودان/ مناوي؛ جيش جيش تحرير السودان /عبدالواحد؛ جيش حركة العدل و المساواه وجيش الحركة الشعبية – ش ) اليوم السابع والعشرون من أبريل عام 2013 م برد الهجوم الغادر الـــذي قامـــت به منذ ايام قوات الموتمر الوطنى المأجورة وأســـفر ذالك التصــــدي بتحرير كل من حاميات ابوكرشولة ، وأم كتيرة, وبعدها إستمرت المطاردة الى أن دخلت قوات الجبهة الثورية مدينة أم روابة ومنطقة الله كريم ومن ثم مدينة السميح وحتى بوابة الرهد.
النصر لجماهير الشعب السودانى والنصر لقوات الجبهة الثورية السودانية
الفريق/ عبدالعزيز أدم الحلو
قائد اركان قوات الجبهة الثورية المتحـــدة
27/04/2013 م . |
للعلم والحفظ
|
Post: #29
Title: Re: رشوهم !
Author: Mohamed Doudi
Date: 04-27-2013, 04:27 PM
Parent: #26
| Quote: عجبا لكم كراهية الحكومة ما تخليكم تفرزو ما يحدث الان |
يا محمد فى دى صدقتك ...فعلا كلنا بنكره حكومه المؤتمر الوطنى لانها
1- سطت على الديمقراطيه بليل يعنى سرقه عديل
2-مارس منتسبى الانقاذ فساد لم يسبق له مثيل (لقد تم تحويل كل ممتلكات الدوله لضيعه خاصه بمنتسبى ما يسمى بالحركه الاسلاميه....عطاءات حكوميه مقفوله لعضويتهم فقط...فصل مئلات الالاف من الخدمه المدنيه وتمكين منتسبى الكيان)
3-تفشى القبليه والجهويه واستخدامها ككرت رابح حتى فى صراعاتهم الداخليه
4-نقل الحروب لكل اطراف السودان
5-التفريط فى السياده الوطنيه حيث توجد الالاف من قوات السلام الدوليه
6-تدويل قضايا السودان ورفض الجلوس مع ابناء الوطن وتقديم التنازل لهم
7-والطامه الكبرى تقسيم البلد وتفريط فى اجزاء عزيره منه
دودى
|
Post: #27
Title: Re: رشوهم !
Author: Amin Mahmoud Zorba
Date: 04-27-2013, 04:18 PM
Parent: #25
يا ولدنا هل تفتكر ناس البشير وعبد الرحيم تخصص تعذيب الخرطوم وبس يآخي ناس البشير ديل عذبوا العذاب ذاتو
|
Post: #30
Title: Re: رشوهم !
Author: محمد حامد جمعه
Date: 04-27-2013, 04:30 PM
Parent: #27
المهم يا جماعة المليشيا دى اترشت ، امرها حسم ، وفض حشدها
(تكرهو الحكومة تحبو عمر البشير دا مبحث اخر )
|
Post: #32
Title: Re: رشوهم !
Author: Amin Mahmoud Zorba
Date: 04-27-2013, 04:39 PM
Parent: #30
يآخي مالو ماتترشا ما مشكلة..... لكن تاني في رش ولا مافي ....... ؟
|
Post: #31
Title: Re: رشوهم !
Author: بشير أحمد
Date: 04-27-2013, 04:34 PM
Parent: #27
يامحمد ياخوي عايز تقنع المناتلين الفوق ديل...
يازول خليها تولع والرهيفة التنقد ..والعايز يغير النظام يلحس كوعو
بلا جبهة ثورية بلا بطيخ
هو الناس ديل كان ما وهم ؛بيموتوا عشان الكلــــــــــــب عرمان والتور مالك عقار!!!
|
Post: #33
Title: Re: رشوهم !
Author: محمد حامد جمعه
Date: 04-27-2013, 04:45 PM
Parent: #31
| Quote: امحمد ياخوي عايز تقنع المناتلين الفوق ديل... |
ابدا انا بكتب لاى سودانى قلبو على بلدو ، واقف فوق المنبر دا وناس جادات بكضبو عليهو
النجيضة قوات الفريق الحلو ...اترشت
|
Post: #34
Title: Re: رشوهم !
Author: Ishraga Mustafa
Date: 04-27-2013, 04:58 PM
Parent: #33
يالهوان الانسان
يالهوانك وانت الخسران
انت الخسران يابلد
مالو (موت الجماعة عرس) قالوا!!
|
Post: #35
Title: Re: رشوهم !
Author: كمال عباس
Date: 04-27-2013, 05:01 PM
Parent: #33
** في إعتقادي أن الجبهة الثورية ليس من أهدافها ولا من مصلحتها إحتلال المدن والبقاء فيها في هذه المرحلة , الجبهة الثورية تمارس سياسة الإنهاك وإضعاف الروح المعنوية وإظهاره بمظهر العاجز عن الدفاع عن المدن والتأكيد علي أن
- أن الحرب ميدانها ليس فقط دارفور وجبال النوبة وجنوب النيل الأزرق! - ** في وقت يتم الحديث فيه عن محاداثات بين المؤتمر الوطني والإدارة الامريكية والتفاوض في أديس أبابا بين - الانقاذ وقطاع الشمال - ومشروع ضغط وتركيع يصاغ في الكونقرس الامريكي- تقوم الجبهة الثورية بهذه الإكتساحات العسكرية وترسل رسائل نارية للإدارة الامريكية ودولة قطر والإتحاد الأفريقي ! تدعو خلالها لإعادة الحسابات ومراعاة الحقائق علي الأرض وعدم الرهان علي حصان الأعرج والعاجز عن الدفاع عن التراب والذي قام بتسيس الجيش ونقل صراعات أجنحة المؤتمر الي خنادق ومعسكرات القوات المسلحة !
** كردفان تقع في دائرة إهتمام الجبهة الثورية ومدنها وريفها أهداف تطالها قبضة الزراع الطويلة- وتقول الجبهة لبعض ا لزعامات الكردفانية والإدارة الاهلية بها لاتعتمدوا ولاتراهنوا علي الانقاذ ولاتتكلوا علي الحيطة المايلة !
* هذه العمليات تزرع الفرقة والنزاع وتفرز تبادل الإتهامات في الخندق الحكومي ويعلو صوت التخوين والأتهام بالتفريط والعمالة وتهتز الثقة بين أطراف السلطة !
** لماذا أعتقد أن الجبهة الثورية ليس من أهدافها ولا من مصلحتها إحتلال المدن والبقاء فيها في هذه المرحلة?
_ إحتلال المدن يعني إدارة المدن وتصريف شئونها وتوفير إحتياجات السكان وهذه مهمة صعبة تستنزف الموارد وتحول الجبهة لمركز الدفاع بدلا عن المبادرة والهجوم !
* سياسة أضرب وأهرب سياسة ناجعة وموجعة تحقق الهدف في زمن وجيز وبأقل الخسائر - إنهاك وإستنزاف موارد/ هز الثقة وخلق بلبلة وإضعاف إرادة الحكومة والتشكيك في قدراتها العسكرية والإستخبارتية والامنية بالإضافةلإرسال رسائل للمجتمع الدولي !
** إنسحاب الجبهة الثورية بعد المباغتة وتحقيق الهدف المرحلي - تكتيك ناجح - وليس إنتصار آو ميزة للحكومة ! فالحكومة فشلت إبتدأ في حماية الاراضي التي تقع تحت قبضة المركز - وأصبحت مدن كردفان مستباحة تدخلها الجبهة الثورية بقوتها وتنسحب منها وفق تكتيكاتها ! ** علي الجبهة الثورية عدم المساس بالابرياء والعزل والمدنين والحرص علي التعرض لممتلكاتهم والا فستخسر الإهالي وتفقد التعاطف الشعبي ** علي الإنقاذ مواجهة هذه الحقائق المرة وتتجرع كأس فشلها بصمت والا تترك عادة إدمان تصوير الفشل كنصر والعجز كقدرة ففي عهد ثورة المعلومات وتدفق الحقائق الكترونيا ما عاد لأمثال المفكر الإستراتيجي حسن مكي أو المحلل الإستراتيجي ربيع عبد العاطي- ما عاد لأمثال هولاء موقع في خارطة التحليل العلمي والتعاطي مع الحقائق بلا رتوش أو إثارة وأكاذيب !
.......
|
Post: #36
Title: Re: رشوهم !
Author: Hani Arabi Mohamed
Date: 04-27-2013, 05:10 PM
Parent: #35
كفاية
|
Post: #37
Title: Re: رشوهم !
Author: محمد حسن العمدة
Date: 04-27-2013, 05:19 PM
Parent: #36
الممطورة ما بتبالي من الرش
هل تذكرون دخول قوات العدل والمساواة الي ام درمان في 2008 ؟؟ الجماعة قالو نحنا قاصدين هم يخشو عشان نرشهم !!
نفس السيناريو ح يتكرر بكرة يقولو ليكم نحنا قاصدينهم يخشو ام روابة والسميح والله كريم .. وتقريييييييبا كدا قاصدين كمان
يخلو اسرائيل تضرب اليرموك وبورتسودان عشان العالم كلو يعرف انها معتدية !!
حكومتنا تفتحية عارفة كل حاجة ومع ذلك بتخلي العدو يخش والبلد تتخرب والناس تموت وبرضو تفتيحة
وكدا كدا يا الترلة اللمبي القاطره الرقاص عمر البشير اياهو عماركم واياهو فهمكم ... كسرة اخبار اسامة عبد الله شنوووووووووووووو ؟
كسرة تانية الجماعة ديل جو بالليل والواطة ضلام ولا شمس تصقع ؟
كسرة اخرى
معاهم ناس بيض ؟؟!!
|
Post: #38
Title: Re: رشوهم !
Author: Mohamed Doudi
Date: 04-27-2013, 05:25 PM
Parent: #37
**Quote: في إعتقادي أن الجبهة الثورية ليس من أهدافها ولا من مصلحتها إحتلال المدن والبقاء فيها في هذه المرحلة , الجبهة الثورية تمارس سياسة الإنهاك وإضعاف الروح المعنوية وإظهاره بمظهر العاجز عن الدفاع عن المدن والتأكيد علي أن
- أن الحرب ميدانها ليس فقط دارفور وجبال النوبة وجنوب النيل الأزرق! - ** في وقت يتم الحديث فيه عن محاداثات بين المؤتمر الوطني والإدارة الامريكية والتفاوض في أديس أبابا بين - الانقاذ وقطاع الشمال - ومشروع ضغط وتركيع يصاغ في الكونقرس الامريكي- تقوم الجبهة الثورية بهذه الإكتساحات العسكرية وترسل رسائل نارية للإدارة الامريكية ودولة قطر والإتحاد الأفريقي ! تدعو خلالها لإعادة الحسابات ومراعاة الحقائق علي الأرض وعدم الرهان علي حصان الأعرج والعاجز عن الدفاع عن التراب والذي قام بتسيس الجيش ونقل صراعات أجنحة المؤتمر الي خنادق ومعسكرات القوات المسلحة !
** كردفان تقع في دائرة إهتمام الجبهة الثورية ومدنها وريفها أهداف تطالها قبضة الزراع الطويلة- وتقول الجبهة لبعض ا لزعامات الكردفانية والإدارة الاهلية بها لاتعتمدوا ولاتراهنوا علي الانقاذ ولاتتكلوا علي الحيطة المايلة !
* هذه العمليات تزرع الفرقة والنزاع وتفرز تبادل الإتهامات في الخندق الحكومي ويعلو صوت التخوين والأتهام بالتفريط والعمالة وتهتز الثقة بين أطراف السلطة !
** لماذا أعتقد أن الجبهة الثورية ليس من أهدافها ولا من مصلحتها إحتلال المدن والبقاء فيها في هذه المرحلة?
_ إحتلال المدن يعني إدارة المدن وتصريف شئونها وتوفير إحتياجات السكان وهذه مهمة صعبة تستنزف الموارد وتحول الجبهة لمركز الدفاع بدلا عن المبادرة والهجوم !
* سياسة أضرب وأهرب سياسة ناجعة وموجعة تحقق الهدف في زمن وجيز وبأقل الخسائر - إنهاك وإستنزاف موارد/ هز الثقة وخلق بلبلة وإضعاف إرادة الحكومة والتشكيك في قدراتها العسكرية والإستخبارتية والامنية بالإضافةلإرسال رسائل للمجتمع الدولي !
** إنسحاب الجبهة الثورية بعد المباغتة وتحقيق الهدف المرحلي - تكتيك ناجح - وليس إنتصار آو ميزة للحكومة ! فالحكومة فشلت إبتدأ في حماية الاراضي التي تقع تحت قبضة المركز - وأصبحت مدن كردفان مستباحة تدخلها الجبهة الثورية بقوتها وتنسحب منها وفق تكتيكاتها ! ** علي الجبهة الثورية عدم المساس بالابرياء والعزل والمدنين والحرص علي التعرض لممتلكاتهم والا فستخسر الإهالي وتفقد التعاطف الشعبي ** علي الإنقاذ مواجهة هذه الحقائق المرة وتتجرع كأس فشلها بصمت والا تترك عادة إدمان تصوير الفشل كنصر والعجز كقدرة ففي عهد ثورة المعلومات وتدفق الحقائق الكترونيا ما عاد لأمثال المفكر الإستراتيجي حسن مكي أو المحلل الإستراتيجي ربيع عبد العاطي- ما عاد لأمثال هولاء موقع في خارطة التحليل العلمي والتعاطي مع الحقائق بلا رتوش أو إثارة وأكاذيب !
....... |
تحليل ممتازا
شكرا
|
Post: #39
Title: Re: رشوهم !
Author: منتصر صلاح
Date: 04-27-2013, 05:43 PM
Parent: #38
ود جمعة
الا الشديد القوي ما بخليك ساكن في المنبر كدة
المهم - يا قول تبارك - الثوار جهجهو باكاتكم
جهجهة شديدة خلاص والغريق قدام بس لوك
الصبر
|
Post: #41
Title: Re: رشوهم !
Author: فتحي الصديق
Date: 04-27-2013, 06:17 PM
Parent: #39
مفهوم أمن المواطن غاية في الضحالة في فهم المؤتمرجية ...
اليوم أم روابة ..
وبكرة أب قوتة ..
-------------------------------------------------
أب قوتة عشرين كيلو من جبل الأولياء ... وهي مدينة ومافيها حامية جيش .
|
Post: #42
Title: Re: رشوهم !
Author: Nasr
Date: 04-27-2013, 06:26 PM
Parent: #41
يا للبؤس وفقر الروح
يفتح بوست بعنوان
رشوهم.....
ثم يقول
| Quote: الحرب مرفوضة والله مرفوضة |
يعني حيرشوهم بالزهور والبرد؟؟؟؟؟؟
يا للنفاق
هسع الزول البيناقض عنوان بوسته متنه
يكتب كل ذلك مدفوع الأجر
من أموالنا؟؟؟؟؟؟؟؟
يا لهواننا علي أيدي الطغاة والديكتاتوريات
|
Post: #43
Title: Re: رشوهم !
Author: آدم صيام
Date: 04-27-2013, 06:43 PM
Parent: #42
| Quote: المحصلة الاكيدة لما جرى ان قوات الجبهة الثورية مارست نهبا مريعا لاموال المواطنين ومركباتهم ، بعض االافراد من مليشيات الهجوم بدات فى الترجل عن مركباتها والهيام على الارض |
نهبا مريعا لاموال المواطنين ومركباتهم
ما كان لي أن أرد التحية على كذاب ظنين
|
Post: #44
Title: Re: رشوهم !
Author: Nagat Sid Ahmed Elshiekh
Date: 04-27-2013, 09:31 PM
Parent: #27
Quote: نهبت اموال وبنوك
نهبت جوالات محاصيل من بعض المواطنين فى اب كرشولا وتم الاعتداء على مسيد شيخ اسد حيث قتل احد الصبيان وجرح اربعة |
| Quote: شدد الأمين العام للحركة الإسلامية الزبير أحمد الحسن على ضرورة أن يكون دعم المرتبات هو الأولوية الأولى لوزارة الدفاع، داعياً لإعطائهم نسبة من الغنائم في الحرب، وشدد على ضرورة صنع جنود بشروط إسلامية للانتصار على التمرد |
دى ما وصية شيخ الزبير ذاتة الغنائم ولا ما كدا يا محمد جمعة ؟
|
Post: #45
Title: Re: رشوهم !
Author: ABDELMAGID ABDELMAGID
Date: 04-27-2013, 10:01 PM
Parent: #44
| Quote: افهما صاح، الشئ الوحيد الواجب فهمه هو ان الحرب بدات تقترب من الخرطوم |
+
الكلام دخل الحوش ...
|
Post: #46
Title: Re: رشوهم !
Author: Alshafea Ibrahim
Date: 04-27-2013, 10:28 PM
Parent: #45
بعض االافراد من مليشيات الهجوم بدات فى الترجل عن مركباتها والهيام على الارض
=================================
يا سعادتك
المؤكد أن جيوش اللا وطني بمختلف أنواعها ومسمياتها ومهامها تترجل هايمة في في كل شبر بالسودان ( المتبقي) وخاصة المدن القرى - وياحبذا مدينة (أم روابة) بلد تجارة الحبوب والزيوت والأغنام وغيرها وتلك أشياء ( يسيل) لها لعاب الكيزان ... أها ما قبضوا ليهم (وافد) ( غازي) ( متمرد) ( محارب) أيا كان الاسم أو الصفة ليه ؟؟
غايتو إذا كان الكاتب عاقل فليكن القاريء (مريض) ... أها رشوهم - واقتلوهم ضدان مع دعوتكم لرفض الحروب والقتال - نفهم كيف ؟؟؟
الشفيع
|
Post: #47
Title: Re: رشوهم !
Author: كمال عباس
Date: 04-28-2013, 03:08 PM
Parent: #46
شكرا محمد دودي:-
|
Post: #48
Title: Re: رشوهم !
Author: صلاح جادات
Date: 05-02-2013, 07:28 AM
ود جمعة مالي البوست اكاذيب وتقول علينا كذابين ها ها ها
اها وين صور الغنائم ؟
مدير بنك السودان قال ما في نهب وكل ماذكر كذب والعجيبة ان النشر كلامو قناة الشروق
براكم تكذبو وبراكم تفضحو في نفسكم ( انطقكم الله )
اها نصدقك ولا نصدق مدير بنك السودان ؟؟؟
قلت لي القوات في كماشة ها ها ها ذكرتني كماشة ابو ريالة ( ما عارف العاجبكم في الكمشات شنو )
يا اخ الحلو وصل حتي شيكان وخلاكم تجقلبو ليل نهار وخاصة انت ( بوستاتك تطاشق هضربة من الحلو )
اها ادينا النجيضة الحلو وين ؟؟؟
Quote:
اها يا صلاح جادات ، جماعتك هسة بلقطو فيهم منفرد وجماعى ، ليبقى السؤال هل تقدم هذه القوات على مثل هذه الهجمات عن وعى وبناء لخطة ام كيف ، كل خسائر العدل والمساواة والجبهة الثورية - او المسمى- فى كل خسائرها الاخيرة سيزيد الى الضعف فى هذه العملية الخرقاء |
|
|