ناس الفنون ومحبي الجمال..هلموا..(معرض تشكيلي وحضور أنيق)

الفنان التشكيلي السوداني الجميل..الشيخ إدريس..

ما أروع هذا الإنسان المتواضع ..

جاءني صوته عبر الهاتف:

- إزيك يا أستاذ..

- مرحب مين؟ "بكل وقاحة مين؟" الله يسامحني غايتو..

- معاك شيخ إدريس..

(صمت)

- أهلاااااااااااااااان..إزيك يا أستاذ..معليش التلفون دا جديد ولسه ما نقلت الأرقام..و(الحنك العاضي دا)..

(بمنتهى التهذيب) يعزمني

- عليك الله لو لقيتوا طريقة تشرفونا بكرة افتتاح معرضي في صالة العالمية..

- أكيد يا أستاذ إن شاء الله نحن نتشرف والله..

وفعلاً ..أخدت بعضي في الموعد المضروب وتوووووووووش..صالة العالمية..

الإفتتاح كان حاجة مهيبة وجميلة وفريدة ..

الله يديك على قدر نيتك يا أستاذ شيخ إدريس ياخ..













طبعاً شيخ إدريس لمن لا يعرفه هو الأول من اليسار..

والصورة وباقي اللوحات جاياكم..

..
.
.

ازيييييك يا كابتن ...والتحية عبرك للفنان الجميل المبدع الشيخ ادريس



ياخ الرياضة فاقدك والله ...


شكرا

سلامات الاخ محمود


نتابع معك بشغف روائع شيخ ادريس

تحياتي

عزيزنا عبدالعزيز عيسى.. حبابك والله..

واتفضل خمشة من الروائع..


















والبقية جاياكم...

يلاحظ المتابع لأعمال شيخ إدريس...النقلة الملحوظة نحو التجريد المدهش والتعامل الجريء مع الخامات...طبعاً خبرة السنين مع موهبة عملاقة أكيد عاملة شغل

رفع راسنا والله خلى ليك الحضور في الصالة مندهش ليوم الليلة..

..

.

الرياضة؟؟

ما نجهوني أنا...

إنت تحديداً يا مواطن لعبت دور كبير جداً و"مؤثر" في حكاية النجيهة دي..

..

.

نواصل..




الشيخ إدريس عبدالرحمن..

سامحني أيها الجميل..

مرات الناس العنقالة زينا كدا... ما بيكون عندهم حلول كتيرة في مسألة الـCropping..أهو بنقطع من طرف ساي..

طبعاً المفروض الزول يقول اللوحة دي أبعادها كدا × كدا...والألوان المستخدمة كدا... والسطح أو الورق كدا..

لكن الله غالب..

..

الشي لا أحمد المرضي لا تبارك لا خالد كودي لا تاج السر الملك لا شتين؟؟

خلاص الموضوع نمسكه ليكم أنا ولؤي والموصلي...

المافي شنو؟؟




والله الباقي بس البخور ورزيم النوبة والطار والشتم...

..

.

شئ يسر البال ويفرح

شكرا يا صديق

كنت أتوقع حضور الجميلين...وما خاب ظني..

Quote: شئ يسر البال ويفرح شكرا يا صديق

حبابك يا دكتور يا فنان..

وفعلاً...شيخ إدريس جمالٌ يسعى بين الناس..

سعدت حقيقةً بوجودك هنا..

..

.

الأخ ، الكريم :
Mahmoud Mustafa Mahmoud

شكراً على هذا الإبهار والإمتاع المتواصل بتواصل مدد تقنية العمل أسلوباً ومعنى صوفياً عميق ،
أثرى الكثير من اأعمال الشيخ إدريس ، موطدة لجزئية من الثقافة السودانية في رسوخها وبعدها الإنساني
والحضاري ، فى أزمان الإستلاب والأفكار المادية المنتشرة عبر الأعمال التشكيلية التي تعج بها صالات
العرض العالمية ، وتبقى التشكيلية السودانية محل حفاوة وإبداع ، ولعل التفاعل الذى ذكرته بين هذه المفاهيم المتفردة
لدى إدريس هو مايجعل المتلقي أين ما كان يبهر بالفكر والثقافة الذى تشع به جوانب اللوحة لدى إدريس فى مددها التراثي
والحضاري معاُ .. ، بل ومبعثاً للثقافة الفنية التشكيلية السودانية مما جعلها أكثر صموداً من خلال مرتكزات أكثر صلابة
وتحدياً لأعمال الغير فى عملية التكرار أحياناً لديهم ....، فأخونا إدريس وبحثه الدائم في الأصالة الإبداعية ، يقوده الى
التفرد من خلال إنجاز فني خلاق ومبتكر مستمدة من أصل الحركة التشكيلية السودانية وليدة الأكاديمية الكلاسيكية
القديمة ، وفق أسس التربية الفنية الحديثة فى العالم .
أشكر لك وللفنان الأخ إدريس هذا الإمتاع المتفرد ..
محمد مختار جعفر

وها قد جاءكم الفنان محمد مختار جعفر

بحديث العارفين..

Quote: شكراً على هذا الإبهار والإمتاع المتواصل بتواصل مدد تقنية العمل أسلوباً ومعنى صوفياً عميق ، أثرى الكثير من اأعمال الشيخ إدريس ، موطدة لجزئية من الثقافة السودانية في رسوخها وبعدها الإنساني والحضاري ، فى أزمان الإستلاب والأفكار المادية المنتشرة عبر الأعمال التشكيلية التي تعج بها صالات العرض العالمية ، وتبقى التشكيلية السودانية محل حفاوة وإبداع ، ولعل التفاعل الذى ذكرته بين هذه المفاهيم المتفردة لدى إدريس هو مايجعل المتلقي أين ما كان يبهر بالفكر والثقافة الذى تشع به جوانب اللوحة لدى إدريس فى مددها التراثي والحضاري معاُ .. ، بل ومبعثاً للثقافة الفنية التشكيلية السودانية مما جعلها أكثر صموداً من خلال مرتكزات أكثر صلابة وتحدياً لأعمال الغير فى عملية التكرار أحياناً لديهم ....، فأخونا إدريس وبحثه الدائم في الأصالة الإبداعية ، يقوده الى التفرد من خلال إنجاز فني خلاق ومبتكر مستمدة من أصل الحركة التشكيلية السودانية وليدة الأكاديمية الكلاسيكية القديمة ، وفق أسس التربية الفنية الحديثة فى العالم . أشكر لك وللفنان الأخ إدريس هذا الإمتاع المتفرد .

لا فض فوك يا أستاذ..

مداخلتك أثرت هذا البوست وزادت محتواه جمالاً وعلماً..

..

.

Quote: عزيزنا عبدالعزيز عيسى.. حبابك والله.. واتفضل خمشة من الروائع..

عزيزي/ محمود مصطفى
سلام


نحن نتعاطى التعامل مع اللون والشكل بادمان..
وأي تحليق في فضاءات التشكيل هي اضافة ثرة نتوق لها بتعطش

وقد سررت كثيرا بالتجول والتسكع في هذه الابعاد الجمالية

ونتمنى تشرفنا بمعرضنا في نهاية العام

تحياتي

عزيزنا عزيز دنيانا عبدالعزيز عيسى..

يا زول أقول ليك كلام؟ تعال سوق البوست دا..

Quote: نحن نتعاطى التعامل مع اللون والشكل بادمان.. وأي تحليق في فضاءات التشكيل هي اضافة ثرة نتوق لها بتعطش وقد سررت كثيرا بالتجول والتسكع في هذه الابعاد الجمالية

تسكع؟ أنا أخو التسكع.. أنا كمان "بحدسوني" بالتسكع؟

أمانة ماني متسكع من زمن الجامعة..ساكن عديل مع ناس الفنون

شي داخلية هباني وشي الكنيسة وعييييك..

في هباني أسكن مع أبو شريعة ونورين والشفيع والجزولي والناس الجميلة دي..

لما يلاقيني في ردهات الكلية حسين ميرغني ويكون خرمان "غنا"..بمشي معاهو داخلية الكنيسة..

إيييه..يا عزيز...ما أجمل تلكم الأيام.. وهيهااااااات يعود الكان ولى..

أتسكع آآخوي..قشة ما تعتر ليك..

Quote: ونتمنى تشرفنا بمعرضنا في نهاية العام

معرض وفي نهاية العام ؟؟ هازول ها..سنغافورة؟؟

والله دي حا تكون رحلة العمر..

..

ربك يجيب الخير..

..

شكراً ، محمود مصطفى مرة أخرى
وللفنان القدير ، خالص الود

الفنان الجميل محمد مختار جعفر...

شكراً لعودتك الجميلة إلى هذا المكان ..

ثم شكراً لأنك رفعت البوست لمزيد من المشاهدات..

ولأنك خطاط مجيد.... نهديك هذه الحروفية المكربة..






أرجو أن تنال إعجابك..

شخصياً ، شيخ إدريس السنة دي أدهشني بالتنوع والأعمال تقريباً كلها من المقاس الكبير جداً..

..

معرض ولوحات جميلة وتتجلى فيها ايقونات الوجه الاسلامي للسودان المتعدد الثقافات
البوست ده مفروض يترفع عنوان رائيسي
ويا تشكليين السودان في العالم اتحدو
الفن وحده سيبقي على الوجه الحضاري للسودان
الذى اضحى يضمحل سياسيا وجغرافيا

المخضرم عادل أمين..

حبابك والله..

Quote: معرض ولوحات جميلة وتتجلى فيها ايقونات الوجه الاسلامي للسودان المتعدد الثقافات البوست ده مفروض يترفع عنوان رائيسي ويا تشكليين السودان في العالم اتحدو الفن وحده سيبقي على الوجه الحضاري للسودان الذى اضحى يضمحل سياسيا وجغرافيا

وكلامك يبقى وساماً يزين هذا البوست ويحمل دعوة واضحة لصناع الجمال في حياتنا

أن: اتحدوا وجملوا ما بقي من الحياة..

شكراً أستاذ عادل..

..

.

آخر رفعة..خصوصاً إنه الليلة آخر يوم في المعرض لو ما بكرة..

..

.

Quote: عزيزنا عزيز دنيانا عبدالعزيز عيسى.. يا زول أقول ليك كلام؟ تعال سوق البوست دا.. تسكع؟ أنا أخو التسكع.. أنا كمان "بحدسوني" بالتسكع؟ أمانة ماني متسكع من زمن الجامعة..ساكن عديل مع ناس الفنون شي داخلية هباني وشي الكنيسة وعييييك.. في هباني أسكن مع أبو شريعة ونورين والشفيع والجزولي والناس الجميلة دي.. لما يلاقيني في ردهات الكلية حسين ميرغني ويكون خرمان "غنا"..بمشي معاهو داخلية الكنيسة.. إيييه..يا عزيز...ما أجمل تلكم الأيام.. وهيهااااااات يعود الكان ولى.. أتسكع آآخوي..قشة ما تعتر ليك..

عزيزي محمود مصطفى

يا دفعة التسكع وذلك الزمان الجميل..
كانت سكنتي الاولى برلوما بالاس تي اس
ثم فترة بداخلية هباني في السنة التانية
والسنة التالتة والرابعة بميز أنور (الكنيسة)
وتللك الادبيات الجميلة وذكريات من ذهب..

أبو شريعة ونورين والشفيع والجزولي
ديل الحلوين في الدفعة الورانا
وطالما بتجي ميز انور وكمان للمزيقا والغناء!!
أكيد نكون قد تلاقينا لان أمير بنقز صديق حميم وعاصم عسيلة فردة عمر حتى ليبيا وبعدها افترقنا في 1993م
يا محمود مصطفي انت وين؟ ياخي فتحت لي موال الزمن الجميل
ربيع العمر
واحلى الذكريات

انت من زمان وين!!

مودتي

عزيزنا عبدالعزيز عيسى...

Quote: أبو شريعة ونورين والشفيع والجزولي ديل الحلوين في الدفعة الورانا وطالما بتجي ميز انور وكمان للمزيقا والغناء!! أكيد نكون قد تلاقينا لان أمير بنقز صديق حميم وعاصم عسيلة فردة عمر حتى ليبيا وبعدها افترقنا في 1993م يا محمود مصطفي انت وين؟ ياخي فتحت لي موال الزمن الجميل ربيع العمر واحلى الذكريات

عييييييييك...

إذا الشباب ديل دفعة وراك معناها إنت دفعة ناس طارق الزين وحسين ميرغني ومنال مامون (زوجته حالياً)..وصلاح المر..

عاصم عسيلة بالحيل بعرفو..ذلك الفنان الجميل..وكان لفترة ساكن معانا في هباني..

حتى آخر أيام تواجده قبل المغادرة إلى ليبيا..

زمن..

يلعن أبو الزمن الكعب زاتو يا عبدالعزيز ياخ..



..

.

Quote: الشي لا أحمد المرضي لا تبارك لا خالد كودي لا تاج السر الملك لا شتين؟؟ خلاص الموضوع نمسكه ليكم أنا ولؤي والموصلي...

يا فنّان
صباح الـخيـر

لؤي خرّف عديــــــل
علـيّ القسـم ما شفت البوست الـجّـميـل زيّك دا إلاّ هسّا







تـحاياي

Quote: لؤي خرّف عديــــــل

صاحبي الفنان الأنيق لؤي..

يسعد أيامك يا حبيب..

حاشاك الخرف..ولكنه فوران الصفحة الأولى ..

ترفع موضوع جديد لنج الساعة 8 صباحاً.. تعمل ريفريش للصفحة الساعة 9

تلقاهو في الصفحة التانية..

الصفحة الأولى كالرمال المتحركة..

على فكرة.. قبل ردي عليك بثواني تلقيت مكالمة من الفنان التشكيلي المحترم

أستاذ شيخ إدريس.. وهو ينقل إليكم جميعاً شكره وتقديره..

والمعلومة المهمة خاصة لناس جدة ..إنه آخر أيام المعرض هو الخميس البكرة دا..

ولا عزاء لناس "الشرقية"..

احترامي وتقديري الذي تعلم يا فنان..

..

.

الخميس 2 مايو 2013م

آخر أيام المعرض الشخصي للفنان التشكيلي الجميل الشيخ إدريس ...

تعال ومعك آخرون على قول ناس الدعايات..

..

.