كاتبي المفضل ..

(*)

حسين ملاسي ..

(*)

ملاسي زول النصيحة الحارة ديك ..

(*)

ثم أنه غير قابل للاستفزاز ..

(*)
ثم أنه لايوق بغير مساككة ..
لو أتلحك ما بسكك , بيد أنه شغال وفق المثل غير السري :
(الموز بجيبك ياقرد)..
ويجيد الهجمة المرتدة , وربما تهاجمه محاولاً صيده - لتجد نفسك إتسيكتا

(*)

وجهه مجلد , أنا ماعارفو بلاقي الناس دي ويحضنوا ويتصوروا معاهو كيف ؟
لأنو برشك عادي كائناً من كنت ..
لكنه والحق يقال (مابتاع ناسات ) ..يعني ممكن تكون صاحبو الانتيم و
ومتغدي معاك في البيت , لو دقستاممكن بعد الغدا يقول ليك :
ممكن كباية شاي ؟
تجيب الشاي , يشربوا ويدخل يرشك من كمبيوترك وانتا بتعاين ..
ويمضي غير آبه ..

(*)

ثم أنه مهذب وليس له نصيب من ساقط القول ..
(كان قليت أدبك مابسكت ليك وبقل أدبو بس بأدب )









___________________________________________
الصياعة أدب

سلآمات يا كمال،
وعبرك له التحايا...

اخشى ان يكون منطلقك اخي كمال ،
ان عدو عدوي صديقي ،
هل وضعت في الاعتبار مضمون هذه الكتابات ، ودفاعها المستميت
عن امين ، وغازي ، ووزارة الصحة ...
لحسين الحق كله ان يدافع عن من يشاء ،
ولنا الحق كله القول ، ان هذا ضد تطلعات الشعب ، وحق الشعب في الحرية والديمقراطية ،
كمال ....
هل انت معانا ، ولَّ مع الخيانا ؟
وفي النهاية سيظل فتح الرحمن حمودي ، عملاقا ، منحازا للشعب وتطلعاته ،
وسيظل نخلة ،
وبكتاباته ومواقفه سيظل
فينا ، اجمل ما يكون ،

(*)

الأخ / منعم
الذي به ضربت مثلاُ , ليس بعدو لي وهو خارج حسابات هذا التوبيك ..
فأرجو أن لا تشخصن ما أود قوله ..
أما عن الانحياز للشعب السوداني الفضل (فهو ما محتاج انحياز زول)
فكلما ازداد البعض انحيازا , كلما ازدادت ماسي الشعب و الانقاذ زاد عمرها سنة
يعني علاقة طردية :
زيادة الانحياز تطول عمر الانقاذ








____________________________________________________
لذلك أرجو أن ينضم البعض لمنظمة عدم الإنحياز رأفة بهذا الوطن

Quote: وعبرك له التحايا...

ود المدير
مشكور على التحايا
وان شاء الله نردها ليك في السمح
-
ياي أصلي


-
سلامات كيمو

(*)

حيدر ازيك ياخ ..
معاوية المدير ده صاحب راني وما ادراك ما راني
فبالله حيوا بعض بعيد لانو بعد كده البوست ده ببقى زي الجامع بعض صلاة العيد
(تحايا ساكت)
وكمان ببقى زي الشكلة في الحفلة (ضرب من طرف )

Quote: كمال .... هل انت معانا ، ولَّ مع الخيانا ؟

ثم لا أنسى يا أخي عبدالمنعم أن أسألك :
من أنتم ؟ عشان أعرف أنحاز ولا آآكل باسطة ..

(*)

سلمت يامعاوية المدير ..
طيب ما تحييه براك إلا عبري ولا خايف يتلموا فيك (المنحازين لقضايا الشعب)
إن قلت خيراً في ملاسي عدو الشعب ..








______________________________________________
بالمناسبة راني كان صحا بسكن لي في البوست ده الحاقد

سلامات يا منعم
احمد الله ما عدني عداوة مع اي زول هنا ..
ولا شيء اصلاً يستحق العداوة ..


زي ما قال محمد الجزولي هنا مساحة لنتكب ما نظن انه يفيد ..
وهي - نفس المساحة- مدخورة ليوم اسود يليق بالجميع .. تسود فيه على شرفنا
ما بدها يا حبيب















-------

والسلام والرحمة تعم الجميع من اتبع الهدى والضالين

صدق يا منعم ما عندي اي اعتراض ولا على تفصيلة واحدة من القالو كمال عن ملاسي دا؟
والله صحي

ومصداقاً لكلامو، ملاسي من الناس السعيت للقاءهم في اجازتي الاخيرة ..
وللاسف ما كان لي في الطيب نصيب .. كان مريض
واتصلت عليو عبر حاتم الياس ..

[صوتو ما خبيث]* زي مشاركاتو هنا!!

*دي قالها وهبة عني انا لما اتكلمنا اول مرة
بالمناسبة الزول الوحيد القابلتو في كل زياراتي، وهو الاحرص والاجمل بين كل بورداب الخرطوم هو وهبة دا
ياخي شكراً ليك ولكمال لاتاحة فرصة لقول الكلام دا

هم ما قاعدين ينزلوا الصور عشان الجماعة المنحازين ما يصنفوني اظنو .. ول تقديرم شنو ما بعرف؟

لكني وكت جابت ليها منظمات .. ممكن تسجلني في منظمة عدم الانحياز يا كيمو عادي
والله صحي

كذبت اغنيتي وصدقت الخريف .. يا ليتني صدق اغنيتي وكذبت الخريف
عمرنا دا كلو منحازين .. ومآسي البلد بتزيد
خلينا نجرب سي جديد
المافي شنو؟

Quote: ثم لا أنسى يا أخي عبدالمنعم أن أسألك : من أنتم ؟

اخي كمال معقول تفوت عليك البديهية دي ، نحن الشعب ياخ ....
ثم رديت على كل كلمة كتبتها ،
ولكنك تجاهلت سؤالي عن رايك في مضمون كتابات ملاسي ...
من حقك عدم الاجابة ، ولكن من حقي ايضا التساؤل ....
لا تحاول ايهامنا بان الموضوع لا علاقة له بفتح الرحمن ،

Quote: اخي كمال معقول تفوت عليك البديهية دي ، نحن الشعب ياخ .... ثم رديت على كل كلمة كتبتها ، ولكنك تجاهلت سؤالي عن رايك في مضمون كتابات ملاسي ... من حقك عدم الاجابة ، ولكن من حقي ايضا التساؤل .... لا تحاول ايهامنا بان الموضوع لا علاقة له بفتح الرحمن ،

انتو الشعب مرة واحدة كده ؟
كان كدي سمح

بعدين إيهامنا دي الضمير فيها راجع للشعب اللي هو إنتو ؟
يعني اسي انتا همك كلو بقى تنحاز لقضايا الشعب اللي هو انتم
وتثبت اني قاصد بالبوست ده شخص معين عشان تحرر السودان من الكيزان الفاسدين ؟
يامنعم .. انحاز انحيازك
هذا التوبيك من أجل ملاسي فقط , ولو أن بيني وبين أي شخص ما يستدعي عداوة
بمشي بقبقبوا في حتتوا ..
فبطل قراء نوايا وفنجان ..
فبالله قول رايك فيما كتبت وأترك ما تتوهم ..

سلامات يا كمال

Quote: ود المدير مشكور على التحايا وان شاء الله نردها ليك في السمح - ياي أصلي

ياي خلعتني،
هسّع أنا قايلوا جا بغضه وقضيضه لمان شاف
القلوب النابضة دي. عندي عشم كبير إنوا يرُد
علي كمال علي الزين عشان كدي حملتوا أشواقي
الكتيرة.

عليك الله بالمرّة كدا قول لكمال دا إنّ بعض الظن
إثم علي بال ما ضربت لراني.

ياي يا أصلي،
لقيتك كدا،،،،، الحركة البيعملوها دِيّك...

لم أكن أتوقع أن تكون هذه المعايير التي ذكرت يا كمال هي معايير الكاتب .



ناهيك عن أن يكون مفضلاً أو غير مفضل .

(*)
طيب رايك شنو في معايير الانحياز لقضايا الشعب يافتحي ؟