غارزيتو : هل هو مصاب بالزهايمر؟

إذا كان هذا الخبر صحيحا:

Quote: صفق مدرب الهلال السابق الفرنسي دييجو غارزيتو لتمريرات اللاعب هيثم مصطفي في مباراة المريخ امام الموردة وكان الفرنسي قد تابع المباراة من داخل وحسب المشاهد فان الفرنسي قد اشاد باللاعب هيثم مصطفي ووصفه بالمدهش وقال ان تمريرته لراجي عبد العاطي حسمت المباراة تماما للمريخ

المصدر : كفر ووتر

المشكلة ما في زهايمر غارزيتو المشكلة في البنجروا الاخبار

في مباراة دجوليبا ضد الهلال العام الماضي...كان الهلال أحوج ما يكون لخدمات هيثم مصطفي...وكان هناك إحتمال التأهل بمشاركة هيثم....هذا المدرب غريب الاطوار إستبعد هيثم مصطفي من البعثة المسافرة تماما...بالرغم من أنه كان السبب في فوز الهلال بمباراة محلية قبل السفر (أعتقد ضد هلال كادوقلي) ضمنت للهلال الفوز...

قرار غارزيتو كان غريبا....إذ كان يمكن أن يسافر اللاعب و لايلعب...ربما يحتاج إليه....

سكتنا وقطعناها في مصارينا......لكن أن يأتي ويقول هذا الحديث الان.......لاشك أن هذا العجوز يمتلك جينات هذا المرض الوراثي

الاخ ياسر منصور

سلامات


هو دا الاحتمال الوحيد انو يكون الخبر مفبرك....لانه لو كان خبر صحيح يبقي إحتمال الزهايمر هو الاصح


هناك أكثر من حديث موثق بأن هيثم لاعب لا يحتاجه غارزيتو....بل وكان لا يشركه في أغلب الاحيان....ولو شارك يكون فقط لعشرة دقائق




شكرا

Quote: .......لاشك أن هذا العجوز يمتلك جينات هذا المرض الوراثي

القصة و ما فيها يا دكتور هو أن العجوز بيغازل في المريخ. قبل يومين كتبت أحد الصحف أن المريخ يفكر في التعاقد مع هذا الفاشل.
وهو ما صدق. طوالي بدأ في التصريحات الغريبة دي. خاصة هو سمع بالوالي حيرجع للمريخ. و طبعا هيثم مصطفى حيكون عقبة أمامه.

وأمس في مباراة المريخ والموردة ... زولكم قاااعد في المقصورة ...

ويتابع بإهتمام ..






أرجح حالة الزهايمر ...

عمار سلامات


الزول دا قاعد سنتين في السودان....ماعارف إنو ناس المريخ ديل ماعندهم قشة مرة....يعني ما سمع بمسلسل الحضري...

قول ليهو يمشي عليهم علي طول...وما يتحسس...

يا دكتور ما هو براهو اللى عنده زهايمر كل ادارة الهلال و جهازههم الفنى يشكو من هذا المرض

زمان قلنا ربنا ابتلانا بى ادارة لا تعرف عن الهلال شيء و بى مدرب لا يقدر جهد اللاعبين

و قلت ليكم اخشى ان لا يكون هناك فريق اسمه الهلال فى المستقبل القريب ان استمرت هذه الادارة و قالوا لينا دا مجرد تشاؤم

و اهو بدأنا و ماشين فى الطريق تعادلات مع فرق ما كانت تحلم بالهزيمة 2 و طيران من منافسات افريقية محببة الى جماهيرنا بواسطة فرق مغمورة

لن ينصلح حال الهلال الا بعد زوال كل من شارك فى تدمير هذا الصرح من اعضاء الادارة و الجهز الفنى ز ادارة الكورة

و لك التحايا من بعد و من قبل

الان بديت اصدق ما قاله عنه ناس الوداد البيضاوي

البعمل فيهو ده يؤكد تماماً انه شخص غير محترم

إبراهيم

والله فعلا شكلها زهايمر.....


حيدر يا صديق

بالنسبة للمدرب ....هي حالة مرضية

أما بالنسبة للادارة: فالأقرب هي حالة المؤامرة....أو قل صفقة تجارية.....جمال الوالي دا في عشرة سنين دفع دفع مالايخشي الفقر لإعاقة نادي الهلال بعد مافشل في التفوق عليه فنيا...

وحياتك البرير دا في أقل من سنة خلاهو ليك زي تشليح (النظيم) للسيارات......و بما إنو الزول دا تاجر...تبقي فرضية الصفقة واردة


نسأل الله أن يطلع النادي من غرفة الانعاش بالسلامة...

مسلسل غرزة ابو لوزة