Post: #1
Title: العمة السرقت خطيب بت أخوها ؟!#
Author: زهير عثمان حمد
Date: 04-22-2013, 11:51 PM
ما تستغربوا للقصه حصلت بجد في مجتمعنا المسلم والمسالم ونحن الايام دي بنعيش في ألعن وأغرب أوضعنا الاجتماعية ما ح تصدقوا العانس دي عملت شنو اما القصه اللي سمعتها كلمتني بيها احدى قريباتينا الكريمات ومن عاشقات الشمارات الاجتماعية التي أصبحت عسل الونسة اليومية وحدثت فعلا وحقيقة
لواحدة من بنات اهل زوجها على الرغم اني لا اعرفها شخصياو من هم ابطال قصة لكن قريبتي حكت لي الكثير عنهم بما يكفي لسرد قصتي
وما حدث ليس بالصدفه هو رجل باخر الثلاثينات يعمل في بنك وكمان مدير فرع بضاحية راقية في بحري ويملك منزل كقرض حسن من عمله ولديه عربيه وكمان شريك في عمل تجاري في السوق العربي خطب احدى بنات حي راقي في عاصمة الصمود والممانعة و قرر الزواج منها وبعد زيارة أهل البت التي وقع الاختيار عليها كان الجو شوية مكهرب لانو العمة كانت علي علم بالعريس عن طريق صديقة مشتركة وقالت (ودا النوع المطلوب والمواصفات النادرة ) أمشي للشافعه دي دا المحال بعينو !!!
ودبرت المكيدة وهي روجت لاشاعة أنو العريس دا خطب قبل كدا أربعة سنين وما أتزوج ونط من تلات خطوبات قبل دا وكان مصاحب (نجاة شكشكه) غناية منحطة تسعه سنين وبتاع قمار وسكران طوالي والغريب العمه كنت قاعدة بيت الاهل عادي لكين في واحدة مأجورة جات مخصوص قالت الكلام ومرقت لما جا العريس ومعه بعض أقربائه كانت الحالة في البت بس حرب أهلية كل الناس أنتي مجنونة دا أختيار شنو ؟ دي جبتي من وين دا نفر شنو ؟ ما سمعتي كلام المرة دي برضو عايزة تعيش باقي عمرها في عذاب وفضايح !
المهم كانت الاستقبال فاتر وجات العروس من جهة النسوان وقالت نادوا لي العريس وقلت كلام واضح للعريس
( يا خي بالله أمشي ما في نصيب أمكن تلقي الابرك مني ! ) بدون ما تعرف حقيقة الكلام بس أشاعة وعلي هذا الأساس قررت شتات يا فردة مسكينة ما عارفة بكرة شكلوا كيف !
زولنا كمان تور عديل كدا قرر يغظ العروس بضربة قاضية وكمان جرح ما يندمل العمر كلو لكين كيف فكر معهو واحد أحقد من الحقد ذاتو وأتفاقوا علي أنو يشوفوا منو أجمل قريبات العروس رسالوا جاسوسة من (.........)ار (الكي بي جي) للوسط العائلي دا وكنت ضربة الموسم جابت صورة العمة والعمة في نهاية الثلاثينات من عمرهاأيضا وكمان عندها جسم وتلفزيون ملون 34 بوصه وجمال رهيب مع الكفل دا حاجة تهبل و كانت مخطوبة لطيار حربي مات في العمليات وظلت صابرة لكين جوع الجسد ما بعرف أي موانع المهم دخلت الاجاويد وتم أقناع العمه وعاملة داقسه ما عارف العريس منو ولا كان شنو وعملوا لمة أهل للتعارف تاني وأصرت علي عقد القران من واقع تجربة سابقة أنو الخطبة نحس وتم العقد وسط حيرة الكثيرين وكلام البعض وأنفعال أم العروس السابقة قالت بحرقة (دا ما أخر الزمن العمة تسرق خطيب بت أخوها ....!
لكين ماالالم هنا ما بينتهي نحن ما عارفين كيف الاجواء في وسط عايلة يحصل فيها كدا؟!؟
وكمان في فتره تواجدم التلاته مع بعضهم في مناسبة عائلية مثلا
كثر الكلام هنا وهناك دي سرقت ودي رفضت ودا مريض والعمة دي عيانة راجال
*غرائب فعلا هل تصدقون ؟!!!حدث فعلا في مجتمعنا
لكن يبقى ان ناخذ بالعبره
|
Post: #2
Title: Re: العمة السرقت خطيب بت أخوها ؟!#
Author: HAIDER ALZAIN
Date: 04-23-2013, 06:32 AM
Parent: #1
يا ابو الزهور .. صباحاتك..
كلو معلوم صديــق .. بس هذا انا مافي معلوم كلام انت ..
| Quote: وتلفزيون ملون 34 بوصه |
أيش كلام !!
|
Post: #3
Title: Re: العمة السرقت خطيب بت أخوها ؟!#
Author: انصاف ابراهيم عبدالعزيز
Date: 04-23-2013, 06:46 AM
Parent: #2
عندما نكون نتاج مجتمعات تقيدك وتجعل لاحلامك سقف محدد
ستحسب انفاسك ... كلماتك ... حكاياتك ... ستجد نفسك رقم بنسب هندسية فى ذاكرة من حولك
........................................................
الروح ابدى من الصاحب ........ المثل يليق بالقصة وهى جزء من بيئتنا .......... لا غرابة .............
الغرابة . لو ماعملت كدا فى الزمن الفقرى فى ظل مجتمع يضع للمرأة تاريخ صلاحية كما زجاجة الكولا ............
. تحياتى وصباحك خالى من الدهشة ...
|
Post: #5
Title: Re: العمة السرقت خطيب بت أخوها ؟!#
Author: زهير عثمان حمد
Date: 04-23-2013, 07:02 AM
Parent: #3
الاستاذة أنصاف كيفك
لماذا هكذا من القائل الاربعينية معطوبه ولا الخمسنية لا تستطيع أن تقدم الحب جمعهن أناث رائعات
بالله ما تتوقعوا الشر قبل وقوع
أستطيع أن أقول معك أن الغاية تبرر الوسيلة
لك أسعد صباح
|
Post: #7
Title: Re: العمة السرقت خطيب بت أخوها ؟!#
Author: زهير عثمان حمد
Date: 04-23-2013, 07:29 AM
Parent: #3
الاستاذة أنصاف كيفك
لماذا هكذا من القائل الاربعينية معطوبه ولا الخمسنية لا تستطيع أن تقدم الحب جمعهن أناث رائعات
بالله ما تتوقعوا الشر قبل وقوع
أستطيع أن أقول معك أن الغاية تبرر الوسيلة
لك أسعد صباح
|
Post: #4
Title: Re: العمة السرقت خطيب بت أخوها ؟!#
Author: زهير عثمان حمد
Date: 04-23-2013, 06:56 AM
Parent: #2
أخي حيدر تحياتي
أعني أن لها مؤخرة ضخمة جدا
هل علم
أبو الزهراء
|
Post: #6
Title: Re: العمة السرقت خطيب بت أخوها ؟!#
Author: HAIDER ALZAIN
Date: 04-23-2013, 07:04 AM
Parent: #4
عييك يا ابو الزهر .. والله مع الـ ال سي دي والـ اتش بي ... والانيفجين .. وباقي الحاجات البنسمع بيها .. الوضع اتغيـر ،،،
زمنا دااااااك كان بالكتيـر يقولوا عليهو " دِش " هسع بالله شوف الدش بقي تلفزيون..
عموما ربنا يسعدهم يآخ وبالمال والبنون وتكبر كدة وتبقي سينما عديل شاشتها بالمتر بدل 34"
تحياتي
|
Post: #8
Title: Re: العمة السرقت خطيب بت أخوها ؟!#
Author: ALZOLZATOO
Date: 04-23-2013, 07:35 AM
Parent: #6
ابو الزهراء
هو زول ماعارفين عنو حاجة جاي يخطب طوالي ؟
ربنا يستر عليك ما يدبسوك في حبوبة الراديو بتاعها مايلقط الا يعلقوا ليهو سلك في راس البيت 
تحياتي
زاتوووو
|
Post: #9
Title: Re: العمة السرقت خطيب بت أخوها ؟!#
Author: عبداللطيف شريف على
Date: 04-23-2013, 10:49 AM
Parent: #8
فى زمن الغربة والترحال ...!!!
عريس بدون سؤال , اصلو الشغلة فك من يدك وبس ...!!!!
كل المستحيل اصبح ممكن فى زمن الدهشة و الاستعجال ...!!!
مش كفاية البلد مزحومة باكلى السحت ...!!!
والله اديها الكلاب ولا تتزوج بهذا الوصف والاسلوب ...!!!
فعلا رجال اخر زمن وبنات متصرمعات على الزواج ..؟؟؟
|
Post: #10
Title: Re: العمة السرقت خطيب بت أخوها ؟!#
Author: عبداللطيف شريف على
Date: 04-23-2013, 10:49 AM
Parent: #8
فى زمن الغربة والترحال ...!!!
عريس بدون سؤال , اصلو الشغلة فك من يدك وبس ...!!!!
كل المستحيل اصبح ممكن فى زمن الدهشة و الاستعجال ...!!!
مش كفاية البلد مزحومة باكلى السحت ...!!!
والله اديها الكلاب ولا تتزوج بهذا الوصف والاسلوب ...!!!
فعلا رجال اخر زمن وبنات متصرمعات على الزواج ..؟؟؟
|
|