ليلة توزيع المصاحف - فيديو سري خرج اليوم للعلن

بعد انقلاب الانقاذ بحوالي ستة اشهر في تاريخ 4 ديسمبر 1990 اجتمع مجلس شورى الحركة الاسلامية السودانية في منزل بشير حسن بشير بالخرطوم بحري في ليلة عرفت لاحقا بليلة توزيع المصاحف تاريخها خاطبها حسن عبد الله الترابي الامين العام للحركة - هذا الفيديو نشره اليوم شخص يدعى حاتم عجب فيما يبدو انه ردا على احمد عبد الرحمن الذي ذكر ان الترابي حل الحركة الاسلامية في تلك الليلة وسلم اعضاء مجلس الشورى مصاحف كهدية تقاعد بعد ان تمكنت الحركة من السيطرة على الحكم في السودان

الفيديو نشر في الفيس بوك

للتوثيق فقط نريد معرفة عدد من الحاضرين لهذا الاجتماع والذين ظهروا في هذا الفيديو
يس عمر الامام
الترابي
علي الحاج
.
.
.
.

سبحان الله !!!
الرجل كأنّما كُشفت له الحُجُب في ذلك الماضي
السحقيق فنظر للحاضر الماثل أمامنا اليوم. نظره
في نفسه قبل الأخرين !!!.

Quote: مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ وَمَا كَانَ اللَّهُ لِيُطْلِعَكُمْ عَلَى الْغَيْبِ وَلَكِنَّ اللَّهَ يَجْتَبِي مِنْ رُسُلِهِ مَنْ يَشَاءُ فَآمِنُوا بِاللَّهِ وَرُسُلِهِ وَإِنْ تُؤْمِنُوا وَتَتَّقُوا فَلَكُمْ أَجْرٌ عَظِيمٌ

سلآمات يا حبيب...

سلام يا ود إبراهيم
دا سبق صحفي كبير. وين لقيت المصيبة دي دا فيديو خطير. كتر الكلام حوله وإستعمل سلاح ضد الترابي بعد المفاصلة بأنه حل الحركة وباع القضية (في الليلة ديك)

بيني وبينك الراجل حاول يوصل ليهم الكلام بالذوق مرة يذكرهم بالشيب وبأنهم خلاص زمانن فات وغناين مات ومرة بأن الشغلة نضجت وكفاية إنكم ربنا وفقكم حضرتوا التمكين وبعد كدا خليكم في الذكر رطبوا ألسنتكم كفاية عليكم الدعوة باللسان
وحتي المصاحف إتلجلج ماقدر يقول ليهم بالواضح كل زول ياخدو مصحفو ويطلب الله. وحتي رفيق دربه يسن عمر الإمام عرض ليهو بي حكاية (وهن العظم لكن ما داير يعترف) يعني بالواضح يا يسن إنت ودفعتك كفاكم إرتاحوا
وحكاية يتلاقوا يوم في السنة دي ذكرتني أولاد الدفعة بكون عندهم يوم في السنة يتلاقوا فيهو يتونسوا ويجتروا الذكريات يعني بقيتو أرباب معاشات.

وليس من عاداته نزل شكر في من جاءوا بعدهم من الأجيال ويبدوا القصد إنو الناس البعدكم حيشيلوا الحمل ويسدوا الفرقة ما تشيلوا هم

بصراحة صدق من قال الموضوع كان حفل وداع. لكن الدنيا ما دوامة الشباب الرباهم بي إيدوا وتحت بصروا وباع الشيوخ من دفعته من أجلهم باعوهوا نهار جهار

شايف علي الحاج جالس القرفصاء ويتبسم! أكيد كانوا طابخنها سوا

الصوت ضعيف يا هندسة ..
دي من عندي ول من المصدر؟

Quote: شخص يدعى حاتم عجب

محمد ابراهيم..حبابك يا صديق..

يا تري ن هل هو حاتم الفاضل عجب..ولا تشابه اسماء؟..

يتخيل لي حاتم الفاضل كان رئيس اتحاد طلاب جامعة الخرطوم يوما ما..و درس في كلية الطب..و احتمال كبير يكون قريب لجلسات زي دي..!!!

كبر

Quote: يتخيل لي حاتم الفاضل كان رئيس اتحاد طلاب جامعة الخرطوم يوما ما..و درس في كلية الطب..و احتمال كبير يكون قريب لجلسات زي دي..!!!

بالغت يا كبر .. معقولة بس؟

حاتم الفاضل .. السكرتير الإجتماعي لاتحاد طلاب جامعة الخرطوم دورة 90-91
دي تهمة كبيرة جدا ..

لا تقصد حاتم المهدي رئيس الاتحاد ؟
الاتنين تهم كبيرة جدا بدون مبرر

مالك يا زول

Quote: بالغت يا كبر .. معقولة بس؟ حاتم الفاضل .. السكرتير الإجتماعي لاتحاد طلاب جامعة الخرطوم دورة 90-91 دي تهمة كبيرة جدا .. لا تقصد حاتم المهدي رئيس الاتحاد ؟ الاتنين تهم كبيرة جدا بدون مبرر مالك يا زول

جعفر.. حبابك..
كتر خيرك على التنبيه..

دقسة بسيطة يا عم.. حاتم ابراهيم فعلا هو السكرتير الإجتماعي في دورة المحايدين في الفترة الذكرتها..
و حاتم المهدي كان رئيس اتحاد تلك الدورة..
لكن الزول المقصود كان في منتصف الثمانينات..و كان كادر بتاع اتجاه اسلامي.. و درس كلية الطب..
و اسمو: حاتم عبد الفاضل عجب..و من ناس النهود..

كبر

هندسة

في كلام مقطوع ببين الدقيقة التاسعة وثلاثون ثانية واتنين وثلاثون، وفي حضور واضح انهم ما سودانيين

تعديل

Quote: بعد انقلاب الانقاذ بحوالي ستة اشهر في تاريخ 4 ديسمبر 1990

الصحيح انه بعد حوالي سنة ونصف من الانقلاب

في تلك الليلة كان الكثير من افراد الشعب السوداني ما بين مطارد داخل السودان او يتلمس طريقه الى منفى بعيد عن ايدي النظام او واقعا تحت ايدي جلادي الانقاذ في تلك الفترة
في تلك الليلة كانت اسر 28 ضابطا سودانيا اعدموا في ابريل 1990 تذرف الدموع على ابناءها المقتولين غدرا بعد ان اعطاهم النظام الامان قتلوا ولم يسمح لذويهم حتى اليوم معرفة اين دفنت جثامينهم
هل دفنوا باكرام هل صلي عليهم كمسلمين ام دفنوا هكذا واهيل التراب على اجسادهم الكريمة كما يهال على الانعام
في تلك الظروف حسن الترابي وافراد عصابته يتتبادلون التهاني بقيام الدولة الاسلامية في السودان (ولكن الله مكر الله شديد)

سلام معاوية المدير
الترابي وصل الى سدرة منتهاه في تلك الايام وتخيل انه قد اعاد دولة الخلافة الراشدة :)
يمكرون ويمكر الله وهو خير الماكرين

سلام اسامة البلال

Quote: وين لقيت المصيبة دي دا فيديو خطير. كتر الكلام حوله وإستعمل سلاح ضد الترابي بعد المفاصلة بأنه حل الحركة وباع القضية (في الليلة ديك)

الفيديو كما علمت كان محفوظا لدى يس عمر الامام وهذا الجزء الذي اخرج منه للعلن ردا على افادات قالها احمد عبد الرحمن محمد في لقاء معه في برنامج مراجعات
ذكر فيها قصة هذه الليلة المعروفة بليلة المصاحف وهو لم يكن حاضرا لسبب او لاخر واتهم الترابي بانه هو من حل الحركة الاسلامية واحال شيوخها للتقاعد

وصلني بالصدفة البحتة فاثناء تصفحي في الفيس بوك وفي صفحة صديق له صديق عامل شير للفيديو من صديق آخر وهكذا وجدت نفسي اتامل في الحال في تلك الفترة
والاجتماع المعني يبدو انه كان طويلا وكان فيه متداخلين اخرين فتمت معالجته لاظهار كلام الترابي فقط وهو ما يشير الى معلنه له علاقة بالترابي ويس عمر الامام

يا قيقا
جودة الصوت فعلا ليست بالمستوى المطلوب فتاريخ الاجتماع والامكانيات التقنية في تلك الفترة لن تساعد باكثر من الذي حصلنا عليه

تحياتي كبر
فعلا الشخص الذي يبدو انه نشره اسمه حاتم عجب ولكن لا اعرفه وهو لابد ان يكون من المقربين من الترابي ويس عمر الامام
ربما يفيدنا في هذه المعلومة صديق محمد عثمان لو راى هذا البوست فهو مقرب من الترابي ايضا



سلام ابوالجعافر
كبر ما عجر لدرجة انو يخلط الخلط الكبير ده هههههههههههه

سلام الصادق

Quote: في كلام مقطوع ببين الدقيقة التاسعة وثلاثون ثانية واتنين وثلاثون، وفي حضور واضح انهم ما سودانيين

اكيد الفيديو ليس مكتملا فلا زالت مافيا الانقاذ لديها مصالح مشتركة على الرغم من المفاصلة يعني بالواضح (دافننو سوا)
فعلا لاحظت وجود اثنين يبدو من هيئتهما انخا غير سودانيين اعتقد (غير جازم) ان احدهما هو راشد الغنوشي

سلام يا هندسة
طبعا ولسان حالهم كتاب الله ما بنابهو لكن الفيكم اتعرفت

Quote: للتوثيق فقط نريد معرفة عدد من الحاضرين لهذا الاجتماع والذين ظهروا في هذا الفيديو يس عمر الامام الترابي علي الحاج . ..

المرحوم احمد شريف محمد سليمان
صلاح ابوالنجا
عباس حسن التوم

سلام

Quote: في تلك الظروف حسن الترابي وافراد عصابته يتتبادلون التهاني بقيام الدولة الاسلامية في السودان (ولكن الله مكر الله شديد)

اعتقد و كما سمعت ان عدد مقدرا من هؤلاء كان يكن للترابي بغضا شدديا و لم يوافقوه على ما فعل ..و خرج عددا منهم و هم غاضبون منه...حتى اني سمعت
ان احهم قال الدعوة الى الله لا يمكن التقاعد منها الا بالموت ...
المهم... لا اعتقد انه كان حل لمجلس الشورى بل (رسالة لكل قدماء الاخوان) ان اجلسوا في بيوتكم و اقراءوا ما وزع اليكم من مصاحف فانتم في نهايات عمركم ...
.........

سلام يا كباشي

Quote: طبعا ولسان حالهم كتاب الله ما بنابهو لكن الفيكم اتعرفت

ياها زاتا البقت عليهم
بس فيهم واحدين بقى عليهم حال (الصلاة مع الترابي اقوم والطعام مع البشير ادسم ) :)

شكرا يا مدثر صديق على الاضافة
يلا شد حيلك معانا وورينا البقين
ساحاول ان ارجع الى كتاب المحبوب لارى ان كان قد ذكر من كان حاضرا لهذا الاجتماع

Quote: لا اعتقد انه كان حل لمجلس الشورى

هل دعاهم للاجتماع في العام الذي تلاه ؟