رجل أمن سوداني يقول لمواطن دارفوري(خليناكم عيشتو وبقيتو لئيمين)

هدد أحد رجال الأمن مواطن من منطقة زالنجي غربي السودان قائلآ له (خليناكم عيشتو وبقيتو لئيمين)
ياهو دا السودان !!!!!!!!!!!

Quote: عنصر أمن يستفز سائق في زالنجي من الفور قائلا ً : (خليناكم عشتو، وبقيتو لئيمين) April 22, 2013 حسن اسحق – حريات) اثارت كلمات جارحة ردود فعل غاضبة في مدينة زالنجي بولاية وسط دارفور، وسط قبيلة الفور في المدينة ، عندما قال احد افراد الاجهزة الامنية لسائق يعمل في موقف مواصلات زالنجي ام دخن (خليناكم عشتو، وبقيتو لئيمين) . وقال احد مواطني زالنجي ،كان حاضرا ، ان سبب النقاش الذي قاد الي الاستفزازات البغيضة ، ان فرد الامن لم يتفق مع السائق الذي ينتمي الي قبيلة الفور حول سعر الترحيل، لانه كان يريد ان يحجز مقعدا لاحد اقاربه الذاهبين الي منطقة ام دخن ، ويقع موقف المواصلات شمال مستشفي زالنج ، واثارت هذه العبارة رد فعل غاضب ، ولكن تم احتواؤه سريعا ، بعد تدخل العقلاء حتي لاتحدث توترا في المنطقة التي تعيش في حرب منذ عشرة سنوات. واضاف المواطن لولا تدخل العقلاء لحدثت كارثة ، لا تعرف عواقبها، مشيرا الي ان جملة خليناكم عشتو ، تؤكد علي ان النظام ينتهج سياسة الابادة الجماعية،ويضع نفسه في موضع كأنه الله تعالى ، يعطي الحياة لمن يريد ، ويأخذها لمن لا يرغب في وجوده.

سلامات الاخ محمد نور،
هل يمكن العيش في وطن واحد مع هؤلاء؟

Quote: they are no different. between darfury and sudany all sudanese .

سلام
تاج الدين

Quote: هل يمكن العيش في وطن واحد مع هؤلاء؟

يبدو لي الآن جاء دور تنفيذ أوامر والي جنوب دارفور الأسبق الحاج عطا المنان الذي قال يومها لبعض سكان دارفور (أبحثو عن تاني لتسكنو فيها)
تحياتي

محمد
بالتاكيد كلام قبيح ومدان
بس ياريت كان تكمل جميلك وتوضح من اي بقاع السودان هذا الرجل بتاع الامن

سلام الأخ
حيدر حسن ميرغني

Quote: بالتاكيد كلام قبيح ومدان بس ياريت كان تكمل جميلك وتوضح من اي بقاع السودان هذا الرجل بتاع الامن

بتآكيد كلام غير مقبول لأي إنسان لكن هذا حال بلدنا السودان الذي أصبح المواطن فيه أرخص شئ
تحياتي

Quote: they are no different. between darfury and sudany all sudanese

ياعوض ده المفترض وليس الواقع ..
ناس الانقاذ ديل بيدوك احساس انه الدارفوريين ديل مابشر خلى يكونوا سودانيين ..
السودان ده لن تقوم له قائمة اذا الناس ديل استمروا في الحكم .


تحياتي ..

سلام الأخ
فايز ود القاضي

Quote: ياعوض ده المفترض وليس الواقع .. ناس الانقاذ ديل بيدوك احساس انه الدارفوريين ديل مابشر خلى يكونوا سودانيين .. السودان ده لن تقوم له قائمة اذا الناس ديل استمروا في الحكم .

في ظل وجود حكومة المؤتمر الوطني السودان لن يري خير أبدآ
بل سنتوقع أسواء كارثة ضد المواطن السوداني البسيط الذي بات هدفآ من يحميه.
تحياتي

my brothers
Mugahid Abbaker

عوض أبو عيش

Quote: they are no different. between darfury and sudany all sudanese

I know very well there is no difference between the Sudanese and Darfuri all Sudanese
I mentioned the word Sudanese security man for identification only .instead of a security man hating
Thank you

Quote: رجل أمن سوداني يقول لمواطن دارفوري(خليناكم عيشتو وبقيتو لئيمين)

وانا بلسان المواطن الدارفوري بسجي خالص التحايا لعنصر الامن في ان تركني عائشا (عزرائيل دا)
--------
يا اخي يعني منتظر شنو من عنصر الامن ،ادبياته الاتربى عليها هي القتل والسحل والتعذيب ، فمخرجاته ستكون من ضمن ما تلقاه من تعليم في مؤسسة الامن
عشان كدى ،انا ما دايركم تتحسسوا من كلام اي عنصر في هذا النظام سواء كان جندي او سياسي رسمي او شعبي ،(لان دي اخلاقهم
---------
يا عزيزي هؤلاء الاوغاد رئيسهم وصف شعبا كاملا بالحشرات ،وقال في لقاء موثق انو الماتوا في دارفور( 10 الف بس )
---------
بدل الزعل من هذه التصرفات رصوا صفوفكم كلكم واعملوا على ازاحة المسبب في قتلكم ونزوحكم
لا تلتفتوا الى هذه الاتفاقيات الصورية
------------
الخلاص بيدكم لا بيد غيركم وفي وحدتكم لانكم اصحاب مظالم

تحياتي

سلام الأخ

علي دفع الله

Quote: بدل الزعل من هذه التصرفات رصوا صفوفكم كلكم واعملوا على ازاحة المسبب في قتلكم ونزوحكم لا تلتفتوا الى هذه الاتفاقيات الصورية ------------ الخلاص بيدكم لا بيد غيركم وفي وحدتكم لانكم اصحاب مظالم

إزاحة هذا النظام والخلاص منه مسؤلية أي سوداني وليس ناس دارفور فقط ياعزيزي لكي نعيش في وطن يحترم فيه الإنسان السوداني بأمان بدل تهديدة وإستفزازه .
تحياتي

Quote: إزاحة هذا النظام والخلاص منه مسؤلية أي سوداني وليس ناس دارفور فقط ياعزيزي لكي نعيش في وطن يحترم فيه الإنسان السوداني بأمان بدل تهديدة وإستفزازه .

ما قصدتو اخي محمد هو انتم في دارفور يجب ان ترصوا صفوفكم ، لانكم هناك في الثغور في قلب المعركة
وكلنا يعمل من حيث تواجده ،لا اقول المسئولية عليكم فقط لا بل هي مسئولية لنا جميعا
------------
لي قدام لكنس الاوغاد
مودتي

ما قصدتو اخي محمد هو انتم في دارفور يجب ان ترصوا صفوفكم ، لانكم هناك في الثغور في قلب المعركة
وكلنا يعمل من حيث تواجده ،لا اقول المسئولية عليكم فقط لا بل هي مسئولية لنا جميعا
شكرآ علي دفع الله
للنصيحة الغالية ولقدام ذي ما قلت

Quote: تعليق من الفيس بوك Salih Ibrahim كان يشرط بطنه بالسكين حتي يكون عبرة لغيره ..يا جماعة, الدولة السودانيه برمته بيحكموا انسان رضع العنصريه من ثدي امه, تتوقعوا شنوا من مرشالاتوا؟ سيبوا الكواريك وكلام فارغ اصلا مافي حاجة يجمعنا مع الشماليين لا من قريب ولا من بعيد

.
لا يا أخي صالح إبراهيم
شماليين وغرابة وشرقاويين وجنوبين كل سودانيين يجب أن لا نفرق بيننا بلجهويات وكن حكيم في كتابلتك ربما رجل الأمن نفسه من دارفور آيضآ
تقديري وإحترامي