كلام من الاخر: فى موضوع ختان بالبنات

فى وسط الاجيال الحالية الختان يضيق فرص البنت فى الزواج، فما بالك بالمستقبل.

أقول هذا الكلام عن نتيجة حوارات طويلة مع أبناء جيلي -ناس اوائل الثلاثينات- من منهم تزوجوا او على أعتاب الزاوج.
الكل يجمع على انه يفضل الاقتران بشابة غير مختونة. ايوة غير مختونة.

معظم الشباب أصبحوا على اٍطلاع حسن على تفاصيل الحياة الجنسية و سبل اٍستقرارها
بل و دورها فى الاستقرار الاسري و ما الى ذلك. و عليه اصبحوا يفضلونها غير مختونة
بحثاً عن الحياة الجنسية المستقرة و الآمنة و الظريفة

طبعاً اى اب و ام (اسرة) بيكونوا دايرين يزوجوا اٍبنتهم لرجل متعلم و مؤهل
ليكي يضمنوا لها حياة سهلة و مريحة، لكن الرجل المتعلم الذى يمر بمقاعد
الدرس و مجتمعات المتعلمين يتعلم ايضا أشياء أخري عن الزواج و الاستقراري الاسري
و التدابير اللازمة له.

كما ذكرت هذا الوعي بموضوع الختان و ضرره على الحياة الزوجية حادث الان. الاجيال الحالية المقبلة على الزواج
اصبحت تسأل بوضوح، عن ما اٍذا كانت البنت مختونة ام لا؟ و تفضلها غير مختونة، يعنى الختان factor هم فى عميلة
اٍتخاذ قرار الارتباط و الزواج.

اٍذا كان هذا هو حال اليوم، فكيف يكون حال الغد؟ حال الاجيال القادمة التى بالتأكيد سوف يصلها مزيد من الوعي عن مضار الختان؟

فى الاجيال الحالية أصبح عدم الختان هو السائد -لله الحمد و المنة على ذلك- هذا من فضل الجهود الكبيرة التى بذلت
فى التوعية بمضار الختان و مخاطره على حياة النساء المستقبلية. و الحال كذلك سوف تصبح البنات المختونات مثل كلمة
شاذة وسط الجيل القادم و فى هذا مزيد من التعقيد لحيواتهم و مستقبلهن.

اى زول بفكر فى ختان بنته يجب ان يفكر فى هذه العقبات الخطيرة التى تحيط بمستقبلها.

زي ما قلت عزيزي المواطن، خليك من كلام الجماعة المثقفين بتاعين الاثار النفسية للختان و ما الي ذلك، ديل ناس حساسين ساكت و بتاعين كلام كتير.
لكن اخدها منى نصيحة من اليوم الفينا و انتا ماشي قدام، اي بنت تختن تقل فرصها فى الزواج بشكل فظيع جداً. و انت ما بدور لبنتك الا السمح
عشان كده ابعدها من الختان بعيد.

ابوبكر

بقولوا في ختان سنة دا كيف بالله شرحو

ما قالوا البت الما مختونة ريحة عفنة
او كما قال عضو البرلمان دفع الله حسب الرسول
ههههههههههه

Quote: بقولوا في ختان سنة دا كيف بالله شرحو

الغريبة يا سيدي ناس السعودية اكثر وعياً ومعرفة بالسنة ما قاعدين يختنوا
ناسنا ناس قريعتي راحت ديل وناس برلمانا البناقشوا عفنة غلفة الزولة الما مختونة ديل
جابو الكلام دا من وين ؟؟؟؟؟؟؟

Quote: فى وسط الاجيال الحالية الختان يضيق فرص البنت فى الزواج، فما بالك بالمستقبل.

ابوبكر سلامات

ذكرتنى بمحاضرة القاها الدكتور الراحل ابوحسبو عليه رحمة الله فى مطلع الثمانينات

وكان ذلك بكلية الآداب جامعة الخرطوم

وقد ذكر الاهوال التى تصيب العرسان جراء هذه العادة الخرقاء

اشمئذ كل الحضور من الجنسين من عملية الختان بعد معرفة آثارها السالبة

من ناحية صحية ومن ناحية جنسية

اها البنات المختونات بالحيل اتأثرن بالمحاضرة ودبرسن عديييييييييييل

اها قامت واحدة سألت الدكتور وقالت ليهو ما معناهو شن الدبارة فينا نحن المختونات

يعنى نسوى شنو ؟؟؟

وفى الحقيقة هناك طبيبة فى كندا اشتهرت باجراء عملية لاعادة اعضاء الفتاة لطبيعتها قبل الختان

اها قاليك معظم زبائنها من اهلنا

غايتو انا عندى كلام كتييييييير للشيخ حسب الرسول ( بتاع البرلمان ) وله اسمو منو ماعارف

لكن بخاف تقولوا على جنيت عشان كدا مؤجل الكلام معاهو لحدى ما واحد من الجماعة اياهم يفتح ليهو بوست جرئ

ولحدى ما تدونى الأمان يا مان (اصلو الجماعة ديل ما مضمونين وعلى الهبشة ، هسع يمرقونا من الملة )

بعدين شنو جيل التلاتينات دى على بالحراب نحن جيل الخمس وعشرينات دا بنطالب بتعويض وما بنرضى الا بى اتنين من النوع الاستاندرد

تحياتى

Thanks dear friends, I will come back

الغالي ابوبكر صالح
لن يوقف عجلة التقدم و التغيير أي شيء

بكري صالح سلامات

دا زول موتور البرلماني حسب الرسول دا .

اي زوج وزوجة بعرفوا مضار الختان بالتجربة في حياتهم وخصوصا عند

لحطة انجاب الاطفال والفرق بين المختونة والــ ( سليمة ) بتضح بعد الانجاب .

والما عايز يكرر الام زوجته المختونة في كل انجاب اكيد ما ح يسمح بختان بناته

Quote: ابوبكر بقولوا في ختان سنة دا كيف بالله شرحو

يا حسين، انا بوستى دا موضوعو بسيط و واضح. قلت ليك انا بتكلم عن ابناء جيلي، معظم الشباب الاصدقاء و المعارف و زملاء الدراسة
كل ما يجي موضوع الزواج و الارتباط و الونسة تاخدنا فى التفاصيل و الاختيار اجد الناس تميل الى تفضيل الارتباط ببنت غير مختونة.
غير مختونة نهاااائي، يعنى تكون سااادة ساكت. و المسألة دى اظنها ماشة تتوسع فى الاجيال الجيدة بحكم فرص الاطلاع الكبيرة المتوفرة.
بالاضافة للوعي الجديد حول موضوع العلاقة الجنسية و مساهمتها فى اٍستقرار الحياة الزوجية. دا بالاضافة لانو الناس فى معظم المناطق
الحضرية لم تعد تختن البنات ولا اي نوع من الختان، اٍذن البنت المختونة فى المستقبل القريب سوف تصبح كلمة شاذة فى محيطها.

كل هذه النقاط تصب جميعها فى تعقيد حياة البنت التى سوف تختن و تضييف فرصها فى الارتباط فى المستقبل.

Quote: ما قالوا البت الما مختونة ريحة عفنة او كما قال عضو البرلمان دفع الله حسب الرسول ههههههههههه

التحيات الطيبة يا ابو روضة.
ياخي و الله انا حزنت بالجد على بلدي عندما قرأت هذا الهراء او الهرار الذى اطلق فكي حسب الرسول. و الله شئ مؤسف انو يكون
ناس زي حسب الرسول هم اعضاء المجلس التشريعي لبلد مثل السودان. بلد عرفت البرلمانات المحترمة قبل ما يزيد من نصف قرن من
الزمان تجي على أخر الزمن تهون زلابيا تمثيل الشعب فيها الى ان تقع بي يدي ناس هذا الحسب الرسول. غايتو نصبر و نحتسب عند
الله بس، الي يوم قريب.

Quote: ذكرتنى بمحاضرة القاها الدكتور الراحل ابوحسبو عليه رحمة الله فى مطلع الثمانينات وكان ذلك بكلية الآداب جامعة الخرطوم وقد ذكر الاهوال التى تصيب العرسان جراء هذه العادة الخرقاء اشمئذ كل الحضور من الجنسين من عملية الختان بعد معرفة آثارها السالبة من ناحية صحية ومن ناحية جنسية اها البنات المختونات بالحيل اتأثرن بالمحاضرة ودبرسن عديييييييييييل اها قامت واحدة سألت الدكتور وقالت ليهو ما معناهو شن الدبارة فينا نحن المختونات يعنى نسوى شنو ؟؟؟ وفى الحقيقة هناك طبيبة فى كندا اشتهرت باجراء عملية لاعادة اعضاء الفتاة لطبيعتها قبل الختان اها قاليك معظم زبائنها من اهلنا غايتو انا عندى كلام كتييييييير للشيخ حسب الرسول ( بتاع البرلمان ) وله اسمو منو ماعارف لكن بخاف تقولوا على جنيت عشان كدا مؤجل الكلام معاهو لحدى ما واحد من الجماعة اياهم يفتح ليهو بوست جرئ ولحدى ما تدونى الأمان يا مان (اصلو الجماعة ديل ما مضمونين وعلى الهبشة ، هسع يمرقونا من الملة ) بعدين شنو جيل التلاتينات دى على بالحراب نحن جيل الخمس وعشرينات دا بنطالب بتعويض وما بنرضى الا بى اتنين من النوع الاستاندرد

سلامات كتيرة عزيزي حسن حماد
فعلا الختان يتسبب فى اهوال و محن للازواج، شئ يمسخ عليك العرس هههههه. المصيبة انه يحدث للاطفال الصغار
دون وعي كافي منهن، و لمن يكبرن يكتشفن حجم الكارثة و الفاجعة مثل ما حدث للطالبات اللائن كن فى المحاضرة التى ذكرت.

طبعاً فى ناس كتار و مؤسسات تحدثت عن المضار الصحية للختان, الفهم فهم و فى ناس لسه ما دايرين يفهموا. عشان كده
انا حبيت انبههم الى الخطر الاجتماعي و هو عدم الزواج من الاساس. لان الناس بالجد وعت لانو العلاقة الجنسية الصحية
تعد عصب حيوي للاسرة المستقرة، و لا يكمن ان تكون فى علاقة جنسية صحية و مرضية للطرفين بدون اعضاء تناسلية سليمة.

Quote: الغالي ابوبكر صالح لن يوقف عجلة التقدم و التغيير أي شيء

التحيات الطيبة و المودة عزيزي طه جعفر،
و الله القول ما قلت. لا شئ يوقف عجلة التقدم، و التاريخ الانســاني يمضى للامام بكل عنوة و اٍقتدار.
طبعاً يا مان الناس نضمت فى ندوات عن المضار الصحية و الخاضر على الصحة الانجابية التى يسببها
الختان لكن لازال البعض يصر بغرابة على اٍغلاق اذنه عن كل هذا.

لكن اخيراً دا مدخل جديد لمعالجة الازمة، مدخل الوعي الاجتماعي و الوعي بالخيارات الحياتية. الانفجار المعرفي
الذى وفرته ثورة الاتصالات جعل المعلومات العلمية و الخبرات الحياتية لكل شعوب الارض متاحة لاي انسان فى
اى مكان فى العالم. هذه الاضواء المعرفة الكاشفة هى من سيقصم ظهر الجاهلية المقيمة لدينا.

لكي تستقر الحياة الزوجية لابد من الاستقرار العاطفي و الجنسي (عشان مافى زول يمشي يبحث عن اٍحتياجاته خارج نطاقها) فى علاقات اخري او حتى زواج اخر.
و اعيد و اكرر انو الاستقرار دا لا يتأتي الا لناس اصحاء تماماً. الشباب الان يعلمون انو فى مشكلة فى التواصل مع امراة مختونة، طيب لماذا يرتبط بالمختونة من الاساس؟

Quote: دا زول موتور البرلماني حسب الرسول دا . اي زوج وزوجة بعرفوا مضار الختان بالتجربة في حياتهم وخصوصا عند لحطة انجاب الاطفال والفرق بين المختونة والــ ( سليمة ) بتضح بعد الانجاب . والما عايز يكرر الام زوجته المختونة في كل انجاب اكيد ما ح يسمح بختان بناته

تحيات يا بخاري ياخي، ان شاء الله تكون بلغت الصحة.

طبعاً الموضوع فيهو حجج كتيرة، هسه يقولو ليك فى خفاض سنة و واحدة بالجبنة و ما الى ذلك. قصص ميتة بالالاف.
المهم انا داير انقل للناس نبض الشارع او نبض الشباب الحولي و هم على وشك الزواج. و لانو الموضوع ما عندو معاير
الزول ما بعرف سنة دا بالضبط كيف؟ حاجة عشوائية و تعمد على الدايه و على مزاجها فى اللحظة ديك. عشان كده
الشباب لو قلت ليهم بت مختونة بقول ليك يا زول كبّر اللفة، و الله صحي.

خاصة انو فى اجيال الثمانيات و التسعينات القريبة، خلاص اصبحن نساء مقبلات على الزواج، و وسط هؤلاء البنوتات قل موضوع
الختان بدرجة كبيرة. اٍذن المستقبل هو للبنات غير المختونات. و اي زول بيختن بنته الصغيره حاليا هو فقط يدمر مستقبلها بيديه.

Quote: الغريبة يا سيدي ناس السعودية اكثر وعياً ومعرفة بالسنة ما قاعدين يختنوا

منو القال يا ابو روضة .. والله بختنوا جنس ختان كمان
..
..


يا بكور ما دام بديت الحكاية يا أخوي ..
الختان دا نفسه انواع ياخ .. فحقوا تفصّل فيهو
والختان أو المكرمة القلت عليها أنا وكما جاءت في الحديث الشريف
ما فيها وما فيها ضرر ولا وجع ولاده ولا شيتن..
الموضوع محتاج لتوعية لمنع الختان الفرعوني الضار ..
اما التاني داك عشان نكف بيهو كلام الناس ونقة المجتمع
في النهاية يا بكور العايز يطهر يطهر والما ينقطنا بسكاته ..

هذا مع تحياتي طبعاً

سلامات اخونا ابوبكر

قلت

Quote: معظم الشباب أصبحوا على اٍطلاع حسن على تفاصيل الحياة الجنسية و سبل اٍستقرارها بل و دورها فى الاستقرار الاسري و ما الى ذلك. و عليه اصبحوا يفضلونها غير مختونة بحثاً عن الحياة الجنسية المستقرة و الآمنة و الظريفة

يعني الشباب ديل انانيين بفكروا في روحهم وراحتهم ومتعتهم في المقام الاول

والختان واثره على الانثى ما مهم المهم انهم يستمتعوا

خلال استطلاعاتك دي هل واحد قاليك انا برضو بتهمني متعة الطرف التاني؟

Quote: خلال استطلاعاتك دي هل واحد قاليك انا برضو بتهمني متعة الطرف التاني؟

وهو قالوا ليك فى متعة اكتر من انك تمتع الطرف التانى ؟؟؟

صدقنى مافى متعة تعادل احساسك انك متعت الطرف التانى !!!!!!

لكن هناك فرق بين ان يكون الطرف التانى شغال بى نص مكنة وله مكنة كاملة

عشان ما تطر تقومو باللز

كلام اخونا ابوبكر من أساسو الحرص على متعة الطرف التانى دى زاتا وبعدين تجنب بقية المشاكل التانية

اها يالحبيب ابوبكر قصرنا معاك وكفيناك مشقة الشرح ولو عايز صور بنزل ليك ( المافى شنو زى ما قالوا)

Quote: وهو قالوا ليك فى متعة اكتر من انك تمتع الطرف التانى ؟؟؟ صدقنى مافى متعة تعادل احساسك انك متعت الطرف التانى !!!!!! لكن هناك فرق بين ان يكون الطرف التانى شغال بى نص مكنة وله مكنة كاملة عشان ما تطر تقومو باللز كلام اخونا ابوبكر من أساسو الحرص على متعة الطرف التانى دى زاتا وبعدين تجنب بقية المشاكل التانية اها يالحبيب ابوبكر قصرنا معاك وكفيناك مشقة الشرح ولو عايز صور بنزل ليك ( المافى شنو زى ما قالوا)

ننظرايك حبة مرة قريت المقال دا في الريدرز دايجست عدد بتاع سنة 1982

Quote: sex for women should not be judged by male standards New sex views: 1.It is Different for women A growing number of experts now believe that what is sexually important to men may not be that important to women-and vise versa By James Lincoln Colleir "Shortly after our culture said to women,'you may have orgasms,' it began saying,'you must.'" So state Dr.john francis steege,assistant professor of obstetrics-gynecology at Duke university medical center.Contrary to current cultural wisdom,he maintains that orgasm is not inevitably a part of sex for women;indeed,for some women it is not even terribly important. Dr.steege is one of a growing number of experts who are saying that sex for women should not be judged by male standards.investigators in universities and clinics around the country have concluded that males and females do not bring all of the same needs to sex,or experience in the same way.Although it may be true,as some researchers have reported that there is little physical difference between male and female orgasm,its meaning appears to be different for a woman than for a man. For almost two decades women have been taught that they can and should have orgasms as easily as men-indeed,more easily, because they have the capacity for multiple orgasms which men lack.Despite all this "consciousness raising," however,many women have more difficulty than men do in achieving orgasm in intercourse . ___________ الموضوع لسه طويل وكسلت اطبعو ع الكيبورد

Quote: يا بكور ما دام بديت الحكاية يا أخوي .. الختان دا نفسه انواع ياخ .. فحقوا تفصّل فيهو والختان أو المكرمة القلت عليها أنا وكما جاءت في الحديث الشريف ما فيها وما فيها ضرر ولا وجع ولاده ولا شيتن.. الموضوع محتاج لتوعية لمنع الختان الفرعوني الضار .. اما التاني داك عشان نكف بيهو كلام الناس ونقة المجتمع في النهاية يا بكور العايز يطهر يطهر والما ينقطنا بسكاته ..

يا بشاري
انا على قناعة انو الختان دا ما ليهو اي علاقة بالدين، من بعيد او قريب. بالنسبة للاحاديث كما تعلم، انو فى أحداث كتيرة ضعيفة، بل فى واحدات مشتولة شتل و العياذ بالله، ناس يتكذبوا على الرسول. الختان عندو علاقة بالثقافة العربية الجاهلية التى تتحرّج من المرأة و تعتبرها مصدر للعار. لذا كانت تقتل البنات خوفاً ان يجلبن للعار. هى ذات الثقافة التى تجز الاعضاء التناسيلة للمراة بسبب الخوف من العار. العربان محرجين من الاعضاء التناسيلة للنساء. الختان كله سئ، سنة ولا فرعوني كل بطال. حتى البسموه سنة دا مسألة عشوائية ساكت على حسب يد الداية، تقرم ما شاء الله لها. تركيزي فى البوست ليس على المضار الصحية، انما على التبعات الاجتماعية، العرس العرس. لو يد الداية دخلت فى الموضوع دا باي شكل فرص العرس فى المستقبل بتضييق.

++++++
احكي ليك قصة حقيقة. واحد صاحبنا كان برة السودان، و هو راجل طيبان. المهم عندو بنت اهلو كده قابلها مرات بسيطة و بقا مفكر فى الارتباط بيها، بعداك حصل السفر. و هو فى السفر دا الامور ظبطت و الاهل تموا العرس بالعقد و كده، اها فى مرة بتونس معاها بالمسنجر الزمان داك. قام سالها من قصة الختان دي. قال ليها انتى مختونة؟ قالت ليهو اي، سنة. و الله الساعة الرزع الكي بورد دا انا قلت القيامة قامت، و دخل فى دبرسة مبالغة. لاحظ صاحبنا دا زول طيب لانو سأل بعد العرس. و لو لا صلة القرابة انا متأكد انو الراجل دا كان ممكن يفك الارتباط حتى بعد اٍكتمال اٍجراءات العرس.

واحد تاني صاحبنا كان بفتش لعروس، و الله عندو check list يعنى لمن يتعرف على بت و يتكلم معاها بحاول يمر على اللستة حقتو بالاسئلة، خريجة، جامعية، غير مختونة الخ.

Quote: يعني الشباب ديل انانيين بفكروا في روحهم وراحتهم ومتعتهم في المقام الاول والختان واثره على الانثى ما مهم المهم انهم يستمتعوا خلال استطلاعاتك دي هل واحد قاليك انا برضو بتهمني متعة الطرف التاني؟

شكرا اخي الكريم أحمد سيد أحمد على المداخلة. افتكر العزيز حسن حماد أجاب و افاض فى الاجابة على سؤالك. المسألة ما فيها انانية بل العكس فيهو بحث عن طرف مؤهل للدخول فى علاقة كاملة و صحية و مرضية للطرفين. ببساطة الختان هو اٍعاقة للمراة بتخريب اعضائها التناسيلة. هذه الاعضاء خلقها الله بشكلها هذا لحكمة يعلمها. خلقها هكذا عشان تودى مهمة محددة فما المعنى ان يتدخل الانسان و يجز هذه الاعضاء؟ هذه الاعضاء التى تزال بعملية الختان ليست زوائد عديم القيمة و التاثير، مثل الزائدة الدودية او الغلفة عن الرجال. هى اكثر الاعضاء حساسية فى جسد المرأة، هى الاعضاء المليئة بملايين النهايات العصبية التى تنقلها احساسها للعقل اثناء الممارسة الجنسية لتكتمل العملية على أحسن وجه. أعضاء عندها مهام جدية و لا يوجد ما يعوضها.

Quote: وهو قالوا ليك فى متعة اكتر من انك تمتع الطرف التانى ؟؟؟ صدقنى مافى متعة تعادل احساسك انك متعت الطرف التانى !!!!!! لكن هناك فرق بين ان يكون الطرف التانى شغال بى نص مكنة وله مكنة كاملة عشان ما تطر تقومو باللز كلام اخونا ابوبكر من أساسو الحرص على متعة الطرف التانى دى زاتا وبعدين تجنب بقية المشاكل التانية اها يالحبيب ابوبكر قصرنا معاك وكفيناك مشقة الشرح ولو عايز صور بنزل ليك ( المافى شنو زى ما قالوا)

تسلم عزيزي حماد على المساهمة المقدرة فى توصيل الفكرة للاخ أحمد و للجمهور. شايف اختنا صفية اضافة مشاركة فى الاسفل عن طريق
الفيس بووك تتفق مع أحمد سيد أحمد، اتمنى ان تكون وجدت فى هذه المداخلة اجابة على رؤيتها. على كل حال سوف اعود الى صفية فى مداخلة
منفصلة.

Quote: سلام استاذ ابو بكر اامن على ما خطه المتحدث الاخير اقصد المتداخل الاخير عن ما هي اعتبارات المراة ، حقيق رغم ما يبدو من ايجابية في طرحك للقضية موضوع الحديث بقدر ما النظرة الذكورية الصارخة المتني جدا. لي عودة عن تفاصيل آثار الختان على استمتاع المراة ومشاركتها الايجابية وليس الختان لوحده بل عدة عوامل تؤثر سلبا على تجاوب او استمتاع المراة وبالتالي تؤثر على العملية الجنسية باكملها وتلقى بظلالها على الطرف الاخر ان كان >ا بعد انساني وليس من منطلق ذكوري. المهم تحياتي ونقطة ايجابية رغم ما يسودها من محاذير صفية

مداخلة من الاخت صفية عن طريق الفيس بووك
سلام يا صفية. ما عارف وين النظرة الذكورية فى كلامي. فى الحقيقة انا قصدت ان الفت انتباه للجمهور الذى لازال يعتقد فى ختان بالبنات الى المخاطر الاجتماعية التى اصبحت تطل برأسها بخصوص البنات المختونات. فى ناس كثيرين و مؤسسات كتيرة، تناولت مضار الختان الصحية و اثره على الصحة الانجابية و العلاقات الجنسية. انا ما طبيب و ما داير ادخل فى الموضوع صحية الغريقة، لذلك حصرت نفسي الخطر الاجتماعي من واقع ما توفر لى من معلومات من حصيلة حوارات و ملاحظات مع شباب من ابناء جيلي. انا اتعاطف بكل تأكيد مع اي اٍمراة تعرضت للختان و انا لست هنا لتشجيع عدم الزواج من المختونات ولا اى شئ. انا فقط اعكس ما اصبح يدور وسط الشباب. هذا تنبيه للناس الذين لازالوا فى غيهم يعمهون. عشان كده سميت البوست كلام من الاخر لانو فى كلامات كتيرة نشرت عن المضار الصحية و الالام النفسية للختان، مع هذا لازال البعض مصر على عادات الجاهلية هذه.

مرحب بعودتك لنقاطك اخرى. مع التحيات الطيبة.