رجاء للاخوه الاعزاء .. ملاسي .. وانقابو

يا ريت لو تختو الكورة واطه

ملاسي ارخي الزول لو سمحت
انقابو ملاسي زي اخوك الكبير فوت ليه كمان





معليش يا جماعة ..

يا شفت كلّكم على بعد امتار من بعض
سيبك من المنابر اسي يتملي البوست نعيق بوم ومحبي الخراب
مشاكل البوردات كلام فاضي ساي وما ليها اي اساس المقابلة وجها لوجه بتذوب الجليد
سوقوهم الإتنين فنجان قهوة في اوزون النفوس بتطيب براها

والله يا ود البشري
احتمال اقابلك السنة الجاية في جبل حفيت وما اقبل الاخوان ديل

ياخ والله البلد بقت طاحونة .. وفرقة لي اي حاجة تانية ماف

المهم محاولة وربنا يوفق

Quote: يا ريت لو تختو الكورة واطه ملاسي ارخي الزول لو سمحت انقابو ملاسي زي اخوك الكبير فوت ليه كمان

أبصم بالعشرة


سلام يا ولي

الباهي ازيك ياخ

مشتاقين والله

الاح وليد :
شكرا لك لمبادرتك لاصلاح ذات البين
الاخ انقابو :
نثق في استجابتك لمبادرة الصلح
مطلوب حضورك فورا للتصالح مع ملاسي وبدء صفحة جديدة

ما بال أهل الصحافة يختلفون .. صلو على الحبيب انتو اولاد كار

ايوي خليك من شغل الجودية بتاعت اسافير هذه
اختف ارجلهم علي كندهار و انهي الموضوع ده عشان نرتاح من واق واق بتاعتهم دي.

ان الله لا يضيع اجر من احسن عملا.

مرحب اخونا محجوب

هاهاهاهاهاهاهاها

الله يهون .. الله يهون

Quote: فنجان قهوة في اوزون

انا ارفض اوزن عشان ( .....)

الكراسى قدام البيت على الخور وبت فلاح ظابطه القهوة


عليك امان الله يا ولي اجيب ليك عمك وهبه بتاع الهلال داااااااااااااااااااااااااااااااااااك صحبة راكب


قلت شنو





_________
وقطعاً ملاسى اخو وهبه الكبير سيحضر

































شنو يا انقابو ياخ

بدر الدين حبابكم مليار

مرحب بيكم في اي وكت تحددوه .. لكن في بيتنا في التاسعة
قهوه واي حاجة كمان
لو عاوزين عرقي نجيبو

مرحب مرتضى

اسعدنا مرورك

عبد الله بله

بل الشكر لك انت


للعلم عبد الله بله هو صاحب المبادرة .. وقد كلفني بفتح البوست باعتبار اني اعرف الزميلين في الواقع الحقيقي


فله الشكر

الأخ العزيز الصديق وليد تحية طيبة

أول حاجة ح أخت النقاط على الحروف
حسين ملاسي التقيته في اول مشاركة لي في لمات بورداب الخرطوم .. حقيقة كنا منسجمين واخدنا وادينا مع بعض
غير اني بعرفه كعضو في المنبر من خلال متابعتي قبل وبعد الانضمام للمنبر ..
وحتى الآن لا يوجد من ناحيتي أي عداء أو كراهية تجاهه ..
بالنسبة لي الموضوع لا يعدى كونه خلاف منبري انساه بمجرد قفل الكمبيوتر
وعشان الناس تكون ملمة بالموضوع:
كما اسلفت ليست لدي أي عداء او حتى خلاف مع حسين .. فجأة وجدته فتح هذا البوست أنقابو ما غلطان
لا أدري لماذا هذا التجني البائن .. والتقليل من شأني كعضو .. بل أتبع حسين بعد ذلك البوست وصفي بعدم الفهم
في نظرة استعلائية غير مبررة ..
عموماً ما أوردته أعلاه ليس للنقاش أو التبرير .. فقط لمن أراد الاطلاع على الحيثيات


الاخوة الاعزاء
خاطركم عندي غالي وذي ما بقولو أهلنا "اتنين لو قالوا ليك راسك مافي أهبشو"
استجيب لرغبتكم في قفل الصفحة القديمة وفتح اخرى
لكن هل يستجيب حسين ؟؟

تسلم انقابو

يديك العافية

للتكرار

شكرا لانقابو علي سرعة الاستجابة
ونثق كل الثقة في استجابة الاخ حسين ملاسي لبادرة الصلح وبدء صفحة جديدة

شكرا ليك يا انقابو يا حبيب ..
ودي المحريه فيك ..

وينو حبيبنا ملاسي كمان عشان نخلص الموضوع ده ..

شكرا وليد الشفت ..
شكرا عبد الله بله ..

وخيرهما ..

انقابو و ملاسي املوها بكرة يا جماعة، انتم زملاء صنعة.












شكراً يا وليد على التوفيق بين الاخوين.

قعدوا الكــلام في علبه ..
شوفوا مين غلطان وكلموه والزموه بالاعتذار
أو على الاقل التعهد بعدم التعرض للتاني

تلك هي الطريقة الوحيدة لازالة الغبن واصلاح ذات البين

شكراً يا شفت

شكرا يا وليد علي المساعي الحميدة لإصلاح ذات البين
ومادام الخلاف فقط داخل المنبر أما خارج المنبر العلاقة طبيعية فالموضوع ساهل
المشكلة الوحيدة إنو ملاسي ما بجامل داخل المنبر وما زول شلليات وبعد يدخل المنبر بتغابي المعرفة وهو أصلا إكتسب شهرته من نقده الساخر لما يكتب وليس الأشخاص عشان كده لا يأمن شره (أقصد نقده ######ريته) أحد وصعب يدخل في إلتزام بأنو ما يجيب ذكرة الأخ أنقابو
الحل حسب رأي إنو الأخ أنقابو ياخ حقو أول بأول وينهي الموضوع في وقتو بدل يسك ويترصد حسين من بوست لبوست

المشكلة الحقيقية العاوزة حل وصراحة فات الحد هو الملاسنات الحاصلة بين الاخوان هشام هباني وحيدر الزين وأتمني لو في أصدقاء مشتركين يحاولوا يتدخلوا ويضعوا ليها حد

كتب اسامة البلال

Quote: المشكلة الوحيدة إنو ملاسي ما بجامل داخل المنبر وما زول شلليات وبعد يدخل المنبر بتغابي المعرفة وهو أصلا إكتسب شهرته من نقده الساخر لما يكتب وليس الأشخاص عشان كده لا يأمن شره (أقصد نقده و سخـريته) أحد وصعب يدخل في إلتزام بأنو ما يجيب ذكرة الأخ أنقابو الحل حسب رأي إنو الأخ أنقابو ياخ حقو أول بأول وينهي الموضوع في وقتو بدل يسك ويترصد حسين من بوست لبوست

الكلام دا من عندك ولا من ملاسي


عشان نفض السيرة دي !!

الصديق هشام

كيف الاخبار

يا زول ربنا يوفق

يعني تكون كيف شفت لو ما عملت كده


ونرجوا من الحبايب حسين وانقابو زي ما قلت يختو الكورة واطه مع انو كورة زاتو بقت مافي للضمان كده اعمل ليك كورة شراب وجيبها ليهم والبصل مية تضقيله هو الفائز

الدنيا كلها كم حرف لمن يطول فيها الاسف

انقابو ياها المحرية فيك يا أخوي

شكرا وليد نتمني استجابة الاخ ملاسي

الجمهور بحب الأكشن .. ودي طبيعة منتدى سودانيز أون لاين أعضاء على قراء ..!

أنقابو قال الخلاف عندو بينتهي لمن يقفل الكمبيوتر وأكيد ملاسي برضو نفس الشي ..

نثنق بيرسونال أت أول !!

عشان كدة خلو الأمور على طبيعتا ..

ولا شنو ؟!!

Quote: عشان كدة خلو الأمور على طبيعتا .. ولا شنو ؟!!

اثني رايك واتفق معكـ..
ناس الـ"صحافة " وابناء الصنعة الواحدة ديل البينهم بيكون غويص جداً.. ونحن خارج هذا المجال اكيد لا نفهم ماوراء الاكمة..

لذا لنترك الزميلين الصحفيين الاستاذ ملاسي والاستاذ حافظ انقابو يحلو اراءهم الصحفية وفق ادبيات صنعتهم..


مع الشكر لوليد الشفت على المبادرة وحسن النية

.

يعني هسي انقابو في تعقيبو زي الاتهم اسامة البلال أنو محرشو ملاسي أو أسامة البلال وملاسي شخصية واحدة .. أو ملاسي ضرب تلفون لي أسامة البلال وقال ليهو أكتب كدة (أي زول حر في البيفترضو قدام الكيبورد مش ؟) ..

طوالي أنا (.........)ول بحب الاكشن بتمنى أسامة البلال يندرع في أنقابو ويطل منو يثبت كلامو دا وأنو هو وحسين شخصية واحدة وكمان يطالعو في بوست جديد بعنوان (حافظ أنقابو أثبت ما نقبته بحقي وحق ملاسي) .. ويقوم انقابو يجي سالي سكينتو ويتصارعو صراع جبابرة في بوست والجمهور يكون متابع وكمان معلق من الفيس بوك ..!!


وفي النهاية اي زول يقل كمبيوترو وينسى الحصل ..!!

دي هي قصة الصراعات في سودانيز أون لاين ..!!


مالكم يا وليد الشفت دايرين تحرمونا من المتعة دي ؟!

المنبر شن طعمو بلا صراعات وتعديات ؟!

مرة من المرارير قابلت واحد من الشباب في عمل عام وطلب مني أنضم لي منتدى في النيت وأنو منتدى قديم جدا وأعضاء أكتر من 1500 نفر .. وعدتو أخش ورسل بي ياص ويرد وقلت أعمل طلعة أشوف الحاصل شنو !!

أول ما المنتدى فتح معاي جاتني موسيقى هادية كدة وفراشات طايرة في كل حتة وببغاءات وغزلان ومش عارف إيه !! المنتدى كلو بيرقش ويلمع زي وش العروس في ليلة الدخلة !! قلت يا ود الخليفة كدي تر لا قدام امكن الوضع يتصلح !! بالله البوستات كلها من شاكلة (فلانة الليلة معزومين عندنا تورتة ) تخش جوة تلقى الموضوع عيد ميلاد مهند ولد خالة صاحب الموضوع والنقاش في لون التورتة .. تكون بيجية ولا بنفسجية ؟! ما عرفت أخش أهني ولا أعزي !! البوست البعديهو فاتحو واحد كدة عضو ألماظي !! بيتكلم عن روعة أغاني طلال مداح في دبي ؟! والبوست مستف تحت وفوق صور طلال مداح والمتداخلين كلهم كاتبين (تسلملي يا رب) وواحد كمان بيرشح البوست أفضل بوست في السنة دي ؟!! قلت يا ربي طلال ود ملاح دا بيغني شنو وبيغني وين مدنو الأهمية دي كلها !!

المنتدة كلو شكلو زي شكل أفلام الكرتون بتاعت قناة براعم ديك .. الأعضاء تتخيلم زي الكل واحد من الألف وخمسمية ديل لابس طربوش مزركش وقاعد في النجيلة بي أدب ومسكنة وما في حوك لا لي ألفة لا لي أدمن لا بطيخ !! حلويييييييييييييييييين مؤدبيييييييييييييييييين ما ناقشين شي في الدنيا دي وفي المنبر داك غير التورتات وأعياد الميلاد ..


حايم في المنتدى داك وأنا بتعجب من العناوين !! قلت أشوف لي بوست كدة فيهو صراع فكري بين نفرين أو حتى نقاش في أي موضوع غير موضوع التورتة وطلال مداح والله ما لقيت حاجة ومحل ما أدخل ألقى قدامي ووراي فراش ملون وغزلان بمبية ..

كان شفت حصان بس كان أتطمنت شوية .. لكن للأسف مافي ...!!

طوالي ضربت لي زولي اعتذرت ليو قال لي مالك المنتدى ما عجبك ولا شنو ؟ : قلت لهو عجبني شديد بس أعفيني منو .. والله خايف أكتب بوست ولا مداخلة من نوع البكتبم في سودانيز يقوم المنتدى بتاعكم دا يا يحمل ولا يجيهو اجهاض !!!








خلو الصراعات يا شباب طالما حدها قفل الكمبيوتر ..!!

صراحة كدا ياجماعة الخير ملاسي تعدى ساكت كدا على انقابو
والمشكلة انو تعدي في شخصو وليس في بوست معين كتبتو انقابو
بعدين حكاية الاجاويد المقطوعة من النص ساكت دي وباركوها ياجماعة ضررا اكتر من نفعها
وانا رجعت قريت البوست بتاع ملاسي عن انقابو
لقيتو كلو من اولو لآخرو عبارة عن استهتار واستهزاء ساكت على الرجل
واذا ملاسي ما عجبو كلام انقابو في احد البوستات كان ينتقد الكلام دا وبس
لكن لمن يضع نفسو الحاكم بامره في المنبر لدرجة طرح ان وجود انقابو
في المنبر يعد سبة فاعتقد ان معالجة الأمر بطريقة باركوها فيهو ظلم كبي لانقابو
ولبقية اعضاء المنبر
ومن حق ملاسي ان يعتبر نفسه علامة وحبر البورد... بس ما يقلل من شأن الآخرين كمان
وللا أقول ليك يا ملاسي اعمل ليك منبر اشراف زي مدارس الاشراف الكانت مخصصة لاولاد سيدي

شكرًا انقابو ولا يعرف قدر الرجال إلا الرجال والذي يتسامي فوق الصغائر هم الواثقون بأنفسهم أصحاب الهمم العالية لاينقص من قدرهم شئ . كنت عند حسن ظن صاحب المبادرة ونلت احترام كل من مر علي البوست ، وتأكد ان الاعتزار شيمة لا يعرفة إلا الرجال أصحاب الفضائل . وكتر خيرك ياحبيب .

أنقابو قال:

Quote: بالنسبة لي الموضوع لا يعدى كونه خلاف منبري انساه بمجرد قفل الكمبيوتر

وجاب بوست من الارشيف كسبب لبداية المشكلة..

فتأمل!!

من الفيس بوك

Quote: Fakhr Malik · ‏43‏ سنة سلام الاخوان جميعا.الاخ اسامه البلال ليس مطلوبا من ملاسي ان يجامل الاخ حافظ انقابو بل فقط مطلوب منه ان يوضح لماذا فتح بوست باسم حافظ وبتلك الطريقه المملؤه بالاهانه والتي تفتقر للاحترام وكلام ود البشاري هو العداله بعينها بان يتم التقصي وسؤال ملاسي ومسألته من قبل الاخوان وبغير ذلك فليستمر ملاسي في تعاليه وشتائمه ولن يضير ذلك حافظ شئيا فهو ليس متلهفا لعلاقه مع ملاسي باي ثمن وما استجابته السريعه لندائكم الا تقديرا لوجوهكم الكريمه.

Quote: Fakhr Malik · ‏43‏ سنة الاخ اسامه لو ان ملاسي فتح بوست باسمك تماما كما فعل مع حافظ وقال لك انت ماغلطان بل غلطان بكري الذي اتى بك لهذا المنبر وكانك حثاله او قمامه فلن تدرج ذلك في باب النقد كما فعلت الان.

Quote: أبو أحمد أبو أحمد · الأكثر تعليقا تحية يا شباب.. المعروف عن ملاسي إنو غياظ، لكن انت أخذت الأمر بحساسية زايدة عن اللزوم يا أنقابو، هسا تلقى يضحك ملء شدقيه، لأنو عرف يدورك تدويرة مظبوطة. رد · أعجبني · متابعة المنشور · منذ ‏11‏ ساعة

كما طلب الاخ فخر مالك .. ان صحت قراءتي لاسمه




الشكر كل الشكر للاخوة المتداخلين .. من زملاء المنبر والفيس بوك
ولكل من أحسن الظن بشخصي الضعيف ..
ولي عودة برغم حزني على فقد الاخ المستشار البحيراوي

Quote: وفي النهاية اي زول يقفل كمبيوترو وينسى الحصل ..!! دي هي قصة الصراعات في سودانيز أون لاين ..!! مالكم يا وليد الشفت دايرين تحرمونا من المتعة دي ؟! المنبر شن طعمو بلا صراعات وتعديات ؟!

بالظبط يا ناذر دا الأنا قاصدو مادام الخلاف داخل المنبر وينتهي بقفل الكمبيوتر فما تحرمونا من متعة الخلافات فهي ملح المنبر بس بعيد عن الشتائم والإتهامات المفبركة
ويبدو إنو حافظ فهم كلامي غلط أنا قصدي إنو ملاسي ما حيخلي إسلوبو ولن يلتزم بأي إتفاق وعلي حافظ أن ياخد حقو ويرد علي ملاسي في وقتو وينتهي الأمر بقفل الكمبيوتر لأنو حكاية المطاردة من بوست لبوست وفتح بوستات كتيرة للرد علي بوست واحد تعتبر ضعف ومزعجة لباقي الأعضاء

Quote: لو عاوزين عرقي نجيبو

شكرا وليد
الاخ انقابو شكرا لك و انت الاحسن و خيرهما الذى يبدأ بالسلام
انت عملت العليك و هو عامل فيها اكبر من الاعتذار

أها يا وليد ..

الرحمة و المغفرة لاخي و صديقي العزيز بحيراوي .... حافظ أنقابو .... إحترامي ليك من صميم قلبي ...