المعارضة دي منو ؟

منو يا جماعة ؟ سؤالي جادي


الناس الشايلين حال المعارضة


إنتو ما معارضين ؟ ول كيف ؟

ولا مخليين ناس تانيين يعارضوا ليكم بالوكالة؟

لو أحسنوا احسنتم ولو ما أحسنوا ترشوهم ولا تأخذكم بهم رحمة

مفروض المعارضة تعمل شنو عشان تكون كويسة؟


أي زول عندو نظرة يجي يقولها

معا من أجل إصلاح المعارضة

دا اسبوع المعارضة خلّي بالك يا حمد, قلت تلحق السوق ولا كيف :)
طيب هاك قدحي
في رأيي لايوجد كيان كدا بس اسمو المعارضة على اطلاقها
يوجد كيانات رافضة للوضع الحاصل وتعارضه كل من زاويته وتتباين منطلقاتها و ادواتها في تفعيل معارضتها, دا أولا
نجي لسؤالك

Quote: مفروض المعارضة تعمل شنو عشان تكون كويسة؟

المفروض - في رأيي - تكون صياغته كالتالي: ما الذي لا يجب أن يفعله من يعارض النظام حتى لا يكون سيئا مثله؟
لأنو الكواسة هي الأصل و اي زول - مفروض - كويّس لحدي ما يرتكب ما يجعله غير كويّس
من يعارض الإنقاذ - إذا لم يكن منطلقه و دوافعه منازعتها على كرسي السلطة وهو حق مشروع طبعا - إذا كانت منطلقاته في معارضتها هي فسادها و عدم شرعيّتها و مظالمها وموبقاتها, إذا كانت دوافعه كذلك , فكل المطلوب منه أن لا يرتكب ما يعارض لأجله حتى يكون كويّس
وأن يقدم للجماهير التي ينوي قيادتها نموذج إيجابي يدفع الناس لمناصرته و يحفّزهم للوقوف ضد الظلم
فإذا كانت المعارضة تمارس عين ما تعارض لأجله فلن تجد من يناصرها ويسعد لتقديم تضحيات تعود عليه بحاج أحمد بديلا لأحمد
معارضة تكذب و تدلّس - أولا ترى عيبا أو سوءًا في من يفعل - و لا تراعي الحقوق وبمؤسسّاتها نفس امراض الفساد المالي و المحاباة و الفشل التي تعاني منها الإنقاذ وتعمل على اقصاء المخالف وتنتهج الميكافيلية فايدتها شنو ؟ ونقع بيها وين؟
اتمنى أن يكون قدحي مفيد و اجاب على السؤال :)

هلا محمد البشرى
ومشكور على الإضاءة

Quote: دا اسبوع المعارضة خلّي بالك يا حمد, قلت تلحق السوق ولا كيف

بالعكس دا اسبوع الحكومة ما شايف فكي بدر الين ومحمد حامد فايرين كيف لا وكمان بجندوا في الناس " حيدر الزين مثالا"

بخصوص كيانات المعارضة
انا مثلا بعتبر نفسي معارض (رافض) للنظام دا لكن ما تابع لأي من الكيانات دي تنظيميا (بشجع بعضا منها أو قريب منها)

وفي الوقت نفسو قد تكون لي ملاحظات على بعضها بس الملاحظات دي ما بتصل لمرحلة عداء وبالتالي تخذيل

بمعنى آخر الما قادر أعملو أنا كمعارض ما بطالبهم هم يعملوه لأنو أنا ما مفوضهم يعملوا نيابة عني أو أقوم أخت ليهم سقف أقول ليهم انتو ككيانات مفروض مستوى معارضتكم يكون كدا وتعفوني أنا لأني فرد وانما مفروض على أدعم خطواتهم الإيجابية أو أفرادهم الإيجابيين وأغض الطرف مؤقتا عن هفواتهم إلى حين (ليس نهائيا) لأنو على الأقل في اتفاق على حد ولو أدنى

أما الناس السيئيين جدا في المعارضة ديل يجب عدم اسقاط سقطاتهم على المعارضة ككل

التجاهل بس

Quote: أما الناس السيئيين جدا في المعارضة ديل يجب عدم اسقاط سقطاتهم على المعارضة ككل التجاهل بس

ضـربـة جــزاااااااااااااااااء

يا أبو حسين كيفك

Quote: ضـربـة جــزاااااااااااااااااء

يا زول مافي ضربة جزاء ولا حاجة أنا ما لمست الكورة بيدي

كنت عايز أكتب بين قوسين (إن وجدوا) لكن صرفت النظر عنها خايف تنزل لستة في البوست

على العموم المعارضة ما بتخلو من بعض المشتطين او سميهم سيئين . (ما بالضرورة يكونوا هم الفي رأسك) لأنو أنا برضو في رأسي في ناس بعتبر انهم مضرين بالمعارضة من زاوية تانية

شيئ تاني لازم تفرق بين كلمة المعارضة في المنبر دا وخارج المنبر

يعني لما يظهر د. نافع أو ربيع عبد العاطي الخ في التلفزيون ويشتم المعارضة

الكلمة بتختلف تماما عندما يشتم واحد في المنبر المعارضة هناك عندها معنى وهنا عندها معنى آخر

بس لما واحد من العامة يسمع التلفزيون ويجي يفتح المنبر ويلقى نفس الشتيمة هنا الأمر بلتبس عليهو وتكون إنت المفتكر نفسك معارض وعايز إصلاح المعارضة رسخت ليهو نفس الفهم الإتكون عندو لما سمع التلفزيون

في المنبر في معارضين يعتد بهم وعليهم اتكال وهم كثيرين يا أبو حسين

المعارضة طفل صغيرونى شايف طفل تانى قاعد وبياكل فى فشار وبيشاهد فى فلم أبطاله الشعب..
الطفل الاسمو المعارضة بيرفس وينخس ويضرب فى الطفل الاسمو الحكومة ومرات يبكى, والطفل الاسمو الحكومة قااااعد ياكل فى فشارو ويتفرج (أصلو مدغلب وجلدو تخين)..
فى ناس تانيين بالغين سن الرصد, سألوا الطفل الاسمو المعارضة:
ياشافع مشكلتك شنو؟
قال: عايز اقعد فى الكرسى القاعد فيه الطفل الاسمو الحكومة

قالوا ليه هسع لو اديناك كرسى تانى وكيس فشار بتخليه يقعد؟

دخل يدو اليمين فى صرتو ويدو اليسار تنتقل مابين نخرتو والدايبر وقال:
بس يكون زى كرسيه ونفس الفشار (دا لو ماكملو كلو)

أها ياحبيب جوا جماعة شابو فوق خشبة المعاناة, شايلين حبل تيل
بتنوا الطفلين وكسروا الكرسى وظلوا واقفين بين الشعب يباشرون حاجاته ويبلسمون اوجاعه ويصحوا أول ناس وينوموا آخر ناس ولايأكلون حتى يشبع الشعب.

ملحوظة:
شعرت أن قدح أبوحتوت داك قدحى, فقلت أغطى قدحى عشان المعارضو والحكومة مايشوفوا فيه شنو!!

هلا د. بلة

يا دكتور دا بيع جملة
مستحيل الطفلين ديل يكونوا واحد
ما مكن تجمع زول قاعد يأكل ولسه الصينية قداموا ونفسوا لسة فاتحة للأكل مع زول لسة ما أكل
بعدين الطفل القاعد يعاين دا قبل كدا الفشار كان عندو وأكل الطفل الثاني دا معاه وباقي الناس كمان

Quote: أها ياحبيب جوا جماعة شابو فوق خشبة المعاناة, شايلين حبل تيل بتنوا الطفلين وكسروا الكرسى وظلوا واقفين بين الشعب يباشرون حاجاته ويبلسمون اوجاعه ويصحوا أول ناس وينوموا آخر ناس ولايأكلون حتى يشبع الشعب.

بكل أسف يا بلة ناسك ديل قاعدين يبتنوا في الطفل الجائع بس وعايزنو يجيب ليهم أكل من مافي

موش مفروض أو حاجة يساعدوه يقلع الفشار من البيأكل براه دا أول وبعد دا يقلعوه منو هو لو اكل براه؟

أخونا حمد سلام
كلامنا عن المعارضة في المنبر و ليس خارجه
في المنبر عندما يخطئ واحد من ناس المؤتمر الوطني يحاسب المؤتمر الوطني
و عندما يخطئ واحد من المعارضين فهو يمثل نفسه ..!!!!!

من يتحدث عن مساوئ المعارضة أو حتى معارض ينسب للكيزان أو للأمن أو للمؤتمر الوطني

المعارضة تمارس الإرهاب بكل أنواعة مع من يقف في طريقهم حتى بتلفيق أكاذيب قذرة جداً حتى يرهبوهم
و الكف عن كشف أكاذيبهم.

معارضة المنبر فشلت في خلق رأي عام يدعم إسقاط الحكومة
معارضة المنبر فشلت في إقناع المواطن اللي في الوسط لا حكومة و لا معارضة علشان إقيف في صفها
العضوية المنتمية لي أحزاب فشلت في إستقطاب أعضاء المنبر لصالحها لضعف مواقفها ...

تحياتي و إحترامي

مرحب أبو حسين

صدقني لما فتحت البوست ما في بالي شخص أو اشخاص بعينهم ولا قاصد بيهو زول معين وإنما نتيجة قراءات هنا وهناك (دا مهم جدا)

لكن عشان اثبت ليك فكرتي شنو منو مضطر اجيب مثال من القراءات دي ونرجو المعذرة ممن ترد اسماؤهم

كتب محمد حامد جمعة في بوسته هذا الفتى يعجبني (ومحمد حامد ركيزة من ركائز النظام في المنبر دا وزول صاحب قلم يمكن ان يكون مؤثرا)

Quote: لانه يثبت ان المعارضة ....وهم .. كفكرة وكاشخاص

شوف الخلاصة الوصل ليها وعايز يثبتها استنادا على هجوم حيدر الزين على هشام هباني

حيدر الزين لا كوز ولا أمنجي ممكن يكون زول وصل لمرحلة إحباط وأستوت عندو المعارضة أو بعض منها والحكومة مثلو متل كتيرين أو بيعتقد إنو ناس المعارضة مفروض يكونوا قدوة في العمل حسب الحالة في رأيو
وهشام هباني زول طارح نفسو كمعارض وبطريقتو الخاصة بيهو ما بالضرورة يكون بمثل المعارضة

لكن أهو محمد حامد التقط القفاز وما فوت الفرصة ورش المعارضة كلها واختزلها في هشام هباني

شيء تاني تفلتات الناس الأعضاء في أحزاب ممكن ترفضها انت وأنا وغيرنا لكن الحزب حتى ولو كانت مرفوضة ليهو بغض عنها الطرف مرحليا لأنو حريص على عضويتو

يعني ممكن كوز أو شيوعي أو امة اتحادي الخ يظهر منو شيئ مشين ناس التنظيم ممكن يكونوا رافضين للسلوك لكن بعملوا رايحين ودي حاجات بتحتما المسائل التنظيمية

Quote: لكن أهو محمد حامد التقط القفاز وما فوت الفرصة ورش المعارضة كلها واختلها في هشام هباني

تعرف يا حمد الكلام دا غير دقيق
الإختزل المعارضة في هشام ما هو محمد حامد ولا الكيزان ولا الرماديين
من فعل ذلك هم من يعتبرون انفسهم معارضين وشرفاء ونبلاء و بلا بلا بلا إلى آخر هجص الاسافير دا
هم من اختزل المعارضة في شخوص و منح هؤلاء الشخوص كارت بلانش لخرق كل القيم و ارتكاب عين الموبقات التي يعارضون الحكومة لأجلها ومنحهم حصانة من النقد
فصار من ينتقد الموقف لاحظ الموقف وليس الشخص يصنّف و يمارس عليه االإرهاب
عودة للموضوع

Quote: انا مثلا بعتبر نفسي معارض (رافض) للنظام دا لكن ما تابع لأي من الكيانات دي تنظيميا (بشجع بعضا منها أو قريب منها) وفي الوقت نفسو قد تكون لي ملاحظات على بعضها بس الملاحظات دي ما بتصل لمرحلة عداء وبالتالي تخذيل بمعنى آخر الما قادر أعملو أنا كمعارض ما بطالبهم هم يعملوه لأنو أنا ما مفوضهم يعملوا نيابة عني أو أقوم أخت ليهم سقف أقول ليهم انتو ككيانات مفروض مستوى معارضتكم يكون كدا وتعفوني أنا لأني فرد وانما مفروض على أدعم خطواتهم الإيجابية أو أفرادهم الإيجابيين وأغض الطرف مؤقتا عن هفواتهم إلى حين (ليس نهائيا) لأنو على الأقل في اتفاق على حد ولو أدنى أما الناس السيئيين جدا في المعارضة ديل يجب عدم اسقاط سقطاتهم على المعارضة ككل

يا حمد انا بقول ليك جرائم عديل كدا كذب و سرقة بل وحتى القتل
حاجات زي دي تقول لي هفوات ومؤقتا !!
ما في داعي اعيد كلامي عن ان المعارضة ليست كيانا واحدا وبتفق معك ان التعميم على الجميع خطا
وبنفس المستوى من يرتكب اخطاء و مساوئ لا يشفع له كونه معارض ليغفر له اخطاؤه وجرائمه
كونك معارض في حد ذاتها ليست ميزة ولا تغفر لك او تعفيك من المحاسبة
ولا تجعل ممن ينتقدك على فعلك معارض للمعارضة أو يخدم خط الكيزان

دا قدح تاني يا بلة ما تقوم تغتيه برضو

سؤال وجيه
بس انا مستغرب لغاية الآن وانت تسأل السؤال ده مابقيت:
كوز
مؤتمر وطني
ظلامي
امنجي
الخ .. الخ..
معايير المعارضة هي:
ان تشتم البشير باقذع الالفاظ والا فمعارضتك زي عدمها.
ان لاتقول ان المؤتمر الوطني اصاب ابداً فهذه من الكبائر.
ان لاتسلِّم علي اي فنان غني في عهد المؤتمر الوطني وان تقاطع حفلاته.
ان تتهم اي زول بدون دليل.
أن تؤمن بحكمة البصيرة أم حمد نقطع راس العجل جوه الزير وبعد داك نكسر الزير عشان نطلِّع راس العجل.
ان تؤمن ان الدين الاسلامي هو سبب مشاكل السودان.
ان تؤمن بمبدأ وضع العربة امام الحصان.
ان يكون خطابك دائماً ذكر مسالب الإنقاذ دون ذكر الحلول
رغم علمك ان راعي الضان في الخلاء يعرف مسالب الإنقاذ.
ان تردد كالببغاء كل مايقوله خصوم المؤتمر الوطني
ان لاتخالف اي زول يكتب في سودانيز اونلاين تحت اسم المعارضة.
ان تؤمن ان الديمقراطية وحرية الراي مكفولة فقط للمعارضة.

أخونا الفاضلابي
تلخيصك الأخضر ده حول معايير المعارضة أصاب الحقيقة
وقد يكون أبواب لكتاب لنفقد تجربة المعارضة السودانية بكل شفافية

شكرا

اتفق معك فيما كتبت

تحية طيبة

العزيز / حمد عبدالغفار تحياتي


اها نخش طوالي

المعارضة دي منو ...؟؟

ياخ السؤال ده كبير خلاس ودايرلو قعدة في الواطة للتفصيد


نمسك (الشدر الكبار) الما حتة لينا الحبة

التحت ديل كلهم معارضة وهم

الاحزاب المشاركة (وايدا في قلبا) خوف الطردة وديل ناس سيدي

الاحزاب الغير مشاركة (وحارية ) المشاركة وبرضو ديل ناس سيدي


الاحزاب الغير مشاركة (وقنعانة ) من المشاركة وديل الليل والقمرا الضدين واجتعوا

وما ننسى

الناس الكاتلاها المغسة وواطين الجمرة (ودايرنها حمرة عين )

الناس بتاعين الكلام الناعم ديلك ناس الاسس والمعايير ولابد وحتما وورشة عمل ولجان منبثقة منها لجان تنبثق لعدة لجان منبثقة ...الخ انبثاق

وفي برضوا الناس المدورة راسها كل الليل عشان مخرج من الزنقة الحاصلة وديل بسيطين (خالس ) وديل العليهم الرك

وماتنسي الناس (الحردانة والزعلانة) والبتنفس غضبتها بالاسافير .وديل برضوا منهم فائدة عظيمة

اها ديل كل الناس البتتكون منهم المعارضة ..

لحدي الان بقول ليهم النتيجة اعد

كل الجهد المبذول راح شمار في قدرة ..؟؟؟


.................................................................................
المطلوب او الواجب

بداية لعمل سياسي متكامل يخرج البلاد من الدائرة اللعينة


تحديد المطالب او الغاية من العمل المناوي للنظام ... يعني شغلة يوم نتفاوض ويوم نتداوس دي ما منها فائدة

تكوين حكومة ظل لوضع الخطط والدراسات والبرامج الاسعافية لادارة الدولة بعد رحيل النظام
مع تسمية من يشغلون الحقائب الوزارية وغيرها ؟؟؟


(في اعتقادي) إذا تم الاتفاق على النقطتين اعلاه سيكون عمل المعارضة ذو جدوى ويرسي ثقافة جديد في سودانا ده


...............................................

تحياتي مرة اخرى

مرحب سيف اليزل

فاضلابي ممكن يكون أغلظ على المعارضة شيئا ما
لكن دا ما بينفي أيضا غلظة بعض المعارضين
بس دا ما بيقفل الباب لحوار أو تنسيق مع معارضة الكيانات

Quote: ان تؤمن ان الديمقراطية وحرية الراي مكفولة فقط للمعارضة.

أخونا الفاضلابي .. ياخي جنّنت الجن ذاتو ...
وعايز تكفل الديمقراطية وحرية الرأي لمنو تاني يا اللخو ؟

يعني عايز تساوي بين القاتل والمقتول بدون ذنب ؟

ولا عندك رأي منسوب المؤتمر الوطني بإنهم يحكمونا غصباً عنّا .. من المُفترض أن يُعتبر رأي ويُحترم ؟
ولا عندك رأي منسوب المؤتمر الوطني بأن النظام شرعي .. دا رأي ومفروض يكون محل تقدير واحترام للرأي الآخر ؟

ولا عندك رأي منسوب المؤتمر الوطني بإنو البلد فيها ديمقراطية دا مفروض يكون رأي آخر ويُحترم ؟

غايتو مُش جنّنت الجن .. جنّنت معارضي المُعارضة ذاتم :)

سلامات ودالعم طه ـ
ان اقصد المعارضة الكتب عنها صاحب البوست
لأن المعارضة الـ في راسي انا لسه امها وابوها ما دخلوا ببعض.
يعني في رحم الغيب وقد تولد ونحن في باطن الارض وليس علي ظهرها.
ومع ذلك يا بن عمي :
انا اقصد ان المعارضة الموصوفة في مداخلتي اعلاه تقول ان كل من ليس معنا فهو ضدنا وبالتالي فهو محروم حاضراً مستقبلا من ممارسة الديمقراطية ومن حرية التعبير ـ فقط لأنه لم يكن معنا.
يستوي في ذلك من لم يكن معهم لقناعته بأن المعارضة سلكت طريقا يضر البلد اكثر مما ينفعها و من كان يري ان المعارضة لاتختلف كثيرا عن الحكومة .
وملخص القول :
ان الديمقراطية تعني : حكم الشعب بالشعب وللشعب.
ومن مظاهر هذا المبدأ التي لايتحقق الا بها هو ان يترك للشعب حرية الاختيار دون وصاية.
وان حرية التعبير تعني في ابسط صورها ان الدولة لاتكون وصية عليك فيما تقول وتكتب وترسم وتشاهد الا في اضيق الحدود.
وبهذا المعني فإجرام الحكومة له عقوبات اخري تناسبه واذا حرمت احدا من حقه في ممارسة الديمقراطية وحرية التعبير بسبب ان شارك في نظام مثل نظام الانقاذ فانت تعاقب الشعب علي اختياره وتكون وصياً عليه .. ولن تتوفر لك تلك الوصاية الا ان تكون صاحب سلطة.
وفي هذه الحالة تكون انت ومن حرمته متساوون في السوء.

ولايقدح في قولي هذا ان الحرمان يكون بقانون صادر من الشعب ، لأن هذا لايكون الا من خلال نظام ديمقراطي حقيقي لا من نظام ينتج من مثل المعارضة التي نحن بصدد التساؤل عنها في هذا البوست.
فهذه معارضة ودت البلد في داهية اكتر مما ودته الحكومة.
لنترك الحكم للشعب ـ

Quote: ولا عندك رأي منسوب المؤتمر الوطني بإنهم يحكمونا غصباً عنّا .. من المُفترض أن يُعتبر رأي ويُحترم ؟ ولا عندك رأي منسوب المؤتمر الوطني بأن النظام شرعي .. دا رأي ومفروض يكون محل تقدير واحترام للرأي الآخر ؟ ولا عندك رأي منسوب المؤتمر الوطني بإنو البلد فيها ديمقراطية دا مفروض يكون رأي آخر ويُحترم ؟

وهذا بعض ماعنيته يا بن عمي
فمنسوبي المؤتمر الوطني طرائق قددا
والاصل ان الحرمان من الحقوق الدستورية في الديمقراطيات العريقة لايكون علي سبيل التأبيد ـ انما علي سبيل التأقيت
والاصل ايضا ان الحرمان من الحقوق الدستورية لايكون الا بقانون ومن خلال محاكم وطنية ـ طبيعية.
ومعارضة مثل التي نراها لانطمع ان نري منها ممارسة سليمة للديمقراطية والا لما كانت فقدتها اصلا.
وقد يتساءل البعض طيب ماهو الحل ـ ايريد الفاضلابي القول ان هذه الحكومة احسن من المعارضة نتركها؟
والجواب هو :
ابداً لايمكن ان تكون هذه الحكومة بديلا لاي شئ مهما كان.
ولكن البديل هو معارضة مسؤلة ـ واعية ـ مستنيرة .
عمادها الشباب.
وقودها وحدة الصف
هدفها انقاذ البلد من الدرك السحيق.
تضع مصلحة البلد قبل مصلحة الحزب
والجهة والقبيلة.
تحارب العنصرية
والعدل اول اولوياتها

الاخ حمـد
سلام،

فى الجرائم الغامضـة أول ما تبحث عنه الشرطة هو (المستفيـد).. من هو المستفيـد؟

وبالنسبـة للمعارضـة فإن هى استفادت من كتابات شخص ما ضـد الحكومـة، ثم تغاضت عن تفلتاته القانونية والاخلاقيـة، فهو منهم وإن نكروه.

سلامات يا حمد ..
اسمح لي ارد على الفقرة دي حسب فهمي و " رؤيتي " مع كامل احترامي وتقديري لقرايتك ليها ..

Quote: حيدر الزين لا كوز ولا أمنجي ممكن يكون زول وصل لمرحلة إحباط وأستوت عندو المعارضة أو بعض منها والحكومة مثلو متل كتيرين أو بيعتقد إنو ناس المعارضة مفروض يكونوا قدوة في العمل حسب الحالة في رأيو وهشام هباني زول طارح نفسو كمعارض وبطريقتو الخاصة بيهو ما بالضرورة يكون بمثل المعارضة لكن أهو محمد حامد التقط القفاز وما فوت الفرصة ورش المعارضة كلها واختزلها في هشام هباني

اول قبل ما انسي احب اشكرك على حسن ظنك اني لا كوز لا امنجي ودا ظن حسن منك ان قلت ذلك لكن ... ( ودي عشان تشوف نحن بنتكلم عن شنو ) ولكن هل تقدر تمشي تكتب رايك دا في بوست من بوستات هباني
او ترد ليهو بصورة مباشرة بالكلام دا وأنت في مامن من القرف والملل والعوارة بتاعت اسطوانته المشروخة بتاعت ماريك في.....ومارايك في موقف.....ومارايك في قوله .... وباقي مداخلاته الصبيانية الطفولية المحفوظة لكل متابع للمنبر؟؟
بل هل اذا كتبت ذلك حاتكون في مأمن من انك نفسك تطلع كوز وامنجي وضنب كيزان او أقلاها تكون زول بتخدم في خط النظام..؟!
طبعا في إمكانك كتابة ذلك لكن حايكون في بالك انه تبعات الجهر برايك في زول ( خلاص ) تم تصنيفه من "أحد " حراس بوابة النضال حاتكون كبيرة لذلك من الأفضل عدم الدخول في معمعة مامنها فايدة ودا موقف معذور أي انسان يتخذه
لانه التجربة علمت الكثيرين انه الصمت خير وسيله لكسب راحة الراس..

نرجع لموضوعنا..
قولك ياحمد اني وصلت مرحلة احباط اعتقده غير حقيقي ولم ولن تستوي عندي المعارضة والحكومة البتة ولو في ناس استوت عندهم يبقي مفروض يعيدو النظر..
بالعكس انا بعتبر المعارضة ( على أرض الواقع ) اتقدمت خطوات كبيــرة والنظام انهار من عدة اتجاهات لكنها للأسف هنا دا بس ( وهنا بالمنبر ) أي المعارضة متراجعة عن مواكبة الواقع ومشلولة جزئياً في اداءها والسبب يكمن في انه يوجد
بعض المتسلبيط فيها والمتعلقين في سلمها بيشدوها للأسفل وذلك بتشويه خطابها وخطها العام.. ودايما انا شخصيا بقول " بيشوهو " لانهم هم بالتأكيد لا يمثلوها ولن اعطيهم هذا الشرف حين اقول انه هشام هباني " مثلاً " بيمثل المعارضة
كدة حا اكون اديتو اكبر من حجمه واكتر من حقه لانه لايمثل الا نفسه الدنيئة لكن شعبطته هو او من هم على شاكلته - على قلتهم - بيعمل تشويش على الخطاب الاعلامي المعارض وبيدي فرصة لمثل محمد حامد جمعة الانت وصفته بركيزة
للنظام بالمنبر وقلم مؤثر مثلاً انه يتخذ منهم مدخل لطعن المعارضة وليس هو فقط المعارضة بالمنبر اذا تتبعنا تاريخها تعرضت لعدة هجمات من منسوبي النظام او من بعض الاعلاميين على مدي فترات - عندك الهندي عز الدين مثلا
وعندك مصطفي البطل وعندك كمال عبد اللطيف وعندك شلة منبر باريس وعندك بعض الاعضاء هنا ممن يمكن ان تقول متابعين فقط وغيرهم - هؤلاء عندما يريدون ان يهاجموا ( معارضة المنبر ) ماهو مدخلهم لذلك؟
وماهي الشخوص التي يهاجمون المعارضة المنبرية في شخصها ؟
ستجد ان الكذب ، الفبركة ، الاشاعة ، البذاءة ، الانحطاط ، قلة الأدب ، تشويه سمعة الغير ، نشر الأخبار الكاذبة ، ترويج فبركات جهاز الامن لترتد على الاعلام المعارض حين كشفها ..
والشخوص التي تقوم بكل ذلك تتحسب على اقل من اصابع اليدين مجتمعات.. شخوص معروفين هنا تجد على رأسهم معَلم البذاءة والركاكة والانحطاط هشام هباني ومجموعة محدودة معه وهؤلاء هم من يتسببون في "تشويه" صورة الاعلام المعارض
بالمنبر العام لسودانيز..وإذا حسبناهم وسط المعارضين بحق وحقيقة وموضوعية لن نجدهم يمثلوا ولا 0.5% من المجموع لكنهم الاعلى صوتاً والاكثر جعجعة وبوستات وكواريك..
منبر يكتب فيه معارضين موضوعيين ومحترمين ويتعاملون بإحتراف في ابراز المصدر وأهمية الخبر وبعده مثل الباشمهندس محمد ابراهيم على او واصل على ويتركه بكري الصايغ ويكتب فيه حيدر جني ولاتجد بوستات زهير الزناتي وعبد الله الشيخ من يقول up
وتعتزله عزاز شامي وتُهاجم فيه نجلاء سيد احمد وغيرهم .. عشان يورجغ فيهو هشام هباني وطراجي مصطفي وسيف عوج الدرب- وقلة أخرى لسع دورهم ما جاء لكن ينتظرون - ؟؟
لا وكمان يصبحوا هم ممثلي المعارضة ومن يهاجمهم كانما يهاجم المعارضة ومن يهبشهم كانما يخدم خط النظام ..؟
عني شخصيا يا حمد لا اعتبر نفسي اعارض المعارضة ولا اهاجم شخص يمثل المعارضة وأعتبر من يوجه لي مثل هذا الحديث قاصر في نظرته عن رؤية الفيــل بشكل كامل وبيهبش في ضنبه بس..
الحاجة التانية بالنسبة لطرح هشام هباني نفسه كمعارض انا لا اعتقد ذلك.. وانطلق من رؤية ان هشام هباني عارف نفسه بيعمل في شنو وطارح نفسه كشخص بيسئ للمعارضة ويشوهها لهدف هو بيخدمه وخدمه حتى الان بكفاءة عالية..
والبعض الآخرين ايضاً خادمين " انفسهم " بصورة جيدة جدا وبطلوا أي شغل ومشغلة وبقت ارزاقهم بتعتمد على ورجغة سودانيز اونلاين وبيتعايشوا منها .. الواحد محقب يديه 24 ساعة قدام المنبر وكل اسبوعين يمشي مؤتمر عشان يملأ كرشه
من البوفيه المفتوح او يشيل ليهو لافتة قدام سفارة ويقبض الفيها نصيب ويجي يملانا غاغة هنا - امرقوا - اكتلوا - لا تفعلوا - وبعد يكتب بوسته يتمطي في الكرسي ويعمل رفرش عشان يعرف البوست عمل كم كلك
وكل مازادت الكلكات كلما كان اكثر معارضة وليهو وزنه كما عبرت احداهن هنا ذات يوم بان لها وزنٌ كبير وسط المهمشين ودليلها انه شوفوا بوستاتي بتعمل كم مشاهدة ..:)
لا واحدهم - مسحلب يُدعي جدادات يتفاصح بان الملايين يتابعونه وينتظرون اخباره - .. هؤلاء ليسو معارضة يا حمد ولا يمثلونها ولا يخدمون خطها.. والناس اللذين يقولون بان مهاجمتهم خدمة لخط النظام للاسف لايدرون بان الصمت عليهم
وتاييدهم وتشجيعهم فيما هم فيه هو بالضبط خدمة النظام..
اذا اردنا معارضة مجدية وخطاب اعلامي معارض فعال في هذا المنبر لابد من تحجيم هذه الاشكال في التحدث باسم المعارضة او اعتبارهم افراد يمثلونها او لهم لونية معارضة مختلفة عن الموضوعية..
ثم كيف يعني انسان يقول المعارضة فيها الصادقون والموضوعيون والجادون والهادفون وبها اناس اخرون لهم لونية اخرى ؟؟
ماهي اللونية الاخري في مقابل الموضوعية والصدق والجدية..؟
أليست الكذب والتهريج وعدم الجدية..!!
فكيف نقبل بخطاب اعلامي معارض يضم الموضوعية والجدية والصدق والهدف مع الكذب والبذاءة والتهريج والاسفاف ..!

تحياتي مع اسفي للاطالة لكن ........
اتمني ان اكون عبرت عن ما يليني من مثالك

Quote: اول قبل ما انسي احب اشكرك على حسن ظنك اني لا كوز لا امنجي ودا ظن حسن منك ان قلت ذلك لكن ... ( ودي عشان تشوف نحن بنتكلم عن شنو ) ولكن هل تقدر تمشي تكتب رايك دا في بوست من بوستات هباني او ترد ليهو بصورة مباشرة بالكلام دا وأنت في مامن من القرف والملل والعوارة بتاعت اسطوانته المشروخة بتاعت ماريك في.....ومارايك في موقف.....ومارايك في قوله .... وباقي مداخلاته الصبيانية الطفولية المحفوظة لكل متابع للمنبر؟؟ بل هل اذا كتبت ذلك حاتكون في مأمن من انك نفسك تطلع كوز وامنجي وضنب كيزان او أقلاها تكون زول بتخدم في خط النظام..؟! طبعا في إمكانك كتابة ذلك لكن حايكون في بالك انه تبعات الجهر برايك في زول ( خلاص ) تم تصنيفه من "أحد " حراس بوابة النضال حاتكون كبيرة لذلك من الأفضل عدم الدخول في معمعة مامنها فايدة ودا موقف معذور أي انسان يتخذه لانه التجربة علمت الكثيرين انه الصمت خير وسيله لكسب راحة الراس.. نرجع لموضوعنا.. قولك ياحمد اني وصلت مرحلة احباط اعتقده غير حقيقي ولم ولن تستوي عندي المعارضة والحكومة البتة ولو في ناس استوت عندهم يبقي مفروض يعيدو النظر.. بالعكس انا بعتبر المعارضة ( على أرض الواقع ) اتقدمت خطوات كبيــرة والنظام انهار من عدة اتجاهات لكنها للأسف هنا دا بس ( وهنا بالمنبر ) أي المعارضة متراجعة عن مواكبة الواقع ومشلولة جزئياً في اداءها والسبب يكمن في انه يوجد بعض المتسلبيط فيها والمتعلقين في سلمها بيشدوها للأسفل وذلك بتشويه خطابها وخطها العام.. ودايما انا شخصيا بقول " بيشوهو " لانهم هم بالتأكيد لا يمثلوها ولن اعطيهم هذا الشرف حين اقول انه هشام هباني " مثلاً " بيمثل المعارضة كدة حا اكون اديتو اكبر من حجمه واكتر من حقه لانه لايمثل الا نفسه الدنيئة لكن شعبطته هو او من هم على شاكلته - على قلتهم - بيعمل تشويش على الخطاب الاعلامي المعارض وبيدي فرصة لمثل محمد حامد جمعة الانت وصفته بركيزة للنظام بالمنبر وقلم مؤثر مثلاً انه يتخذ منهم مدخل لطعن المعارضة وليس هو فقط المعارضة بالمنبر اذا تتبعنا تاريخها تعرضت لعدة هجمات من منسوبي النظام او من بعض الاعلاميين على مدي فترات - عندك الهندي عز الدين مثلا وعندك مصطفي البطل وعندك كمال عبد اللطيف وعندك شلة منبر باريس وعندك بعض الاعضاء هنا ممن يمكن ان تقول متابعين فقط وغيرهم - هؤلاء عندما يريدون ان يهاجموا ( معارضة المنبر ) ماهو مدخلهم لذلك؟ وماهي الشخوص التي يهاجمون المعارضة المنبرية في شخصها ؟ ستجد ان الكذب ، الفبركة ، الاشاعة ، البذاءة ، الانحطاط ، قلة الأدب ، تشويه سمعة الغير ، نشر الأخبار الكاذبة ، ترويج فبركات جهاز الامن لترتد على الاعلام المعارض حين كشفها .. والشخوص التي تقوم بكل ذلك تتحسب على اقل من اصابع اليدين مجتمعات.. شخوص معروفين هنا تجد على رأسهم معَلم البذاءة والركاكة والانحطاط هشام هباني ومجموعة محدودة معه وهؤلاء هم من يتسببون في "تشويه" صورة الاعلام المعارض بالمنبر العام لسودانيز..وإذا حسبناهم وسط المعارضين بحق وحقيقة وموضوعية لن نجدهم يمثلوا ولا 0.5% من المجموع لكنهم الاعلى صوتاً والاكثر جعجعة وبوستات وكواريك.. منبر يكتب فيه معارضين موضوعيين ومحترمين ويتعاملون بإحتراف في ابراز المصدر وأهمية الخبر وبعده مثل الباشمهندس محمد ابراهيم على او واصل على ويتركه بكري الصايغ ويكتب فيه حيدر جني ولاتجد بوستات زهير الزناتي وعبد الله الشيخ من يقول up وتعتزله عزاز شامي وتُهاجم فيه نجلاء سيد احمد وغيرهم .. عشان يورجغ فيهو هشام هباني وطراجي مصطفي وسيف عوج الدرب- وقلة أخرى لسع دورهم ما جاء لكن ينتظرون - ؟؟ لا وكمان يصبحوا هم ممثلي المعارضة ومن يهاجمهم كانما يهاجم المعارضة ومن يهبشهم كانما يخدم خط النظام ..؟ عني شخصيا يا حمد لا اعتبر نفسي اعارض المعارضة ولا اهاجم شخص يمثل المعارضة وأعتبر من يوجه لي مثل هذا الحديث قاصر في نظرته عن رؤية الفيــل بشكل كامل وبيهبش في ضنبه بس.. الحاجة التانية بالنسبة لطرح هشام هباني نفسه كمعارض انا لا اعتقد ذلك.. وانطلق من رؤية ان هشام هباني عارف نفسه بيعمل في شنو وطارح نفسه كشخص بيسئ للمعارضة ويشوهها لهدف هو بيخدمه وخدمه حتى الان بكفاءة عالية.. والبعض الآخرين ايضاً خادمين " انفسهم " بصورة جيدة جدا وبطلوا أي شغل ومشغلة وبقت ارزاقهم بتعتمد على ورجغة سودانيز اونلاين وبيتعايشوا منها .. الواحد محقب يديه 24 ساعة قدام المنبر وكل اسبوعين يمشي مؤتمر عشان يملأ كرشه من البوفيه المفتوح او يشيل ليهو لافتة قدام سفارة ويقبض الفيها نصيب ويجي يملانا غاغة هنا - امرقوا - اكتلوا - لا تفعلوا - وبعد يكتب بوسته يتمطي في الكرسي ويعمل رفرش عشان يعرف البوست عمل كم كلك وكل مازادت الكلكات كلما كان اكثر معارضة وليهو وزنه كما عبرت احداهن هنا ذات يوم بان لها وزنٌ كبير وسط المهمشين ودليلها انه شوفوا بوستاتي بتعمل كم مشاهدة ..:) لا واحدهم - مسحلب يُدعي جدادات يتفاصح بان الملايين يتابعونه وينتظرون اخباره - .. هؤلاء ليسو معارضة يا حمد ولا يمثلونها ولا يخدمون خطها.. والناس اللذين يقولون بان مهاجمتهم خدمة لخط النظام للاسف لايدرون بان الصمت عليهم وتاييدهم وتشجيعهم فيما هم فيه هو بالضبط خدمة النظام.. اذا اردنا معارضة مجدية وخطاب اعلامي معارض فعال في هذا المنبر لابد من تحجيم هذه الاشكال في التحدث باسم المعارضة او اعتبارهم افراد يمثلونها او لهم لونية معارضة مختلفة عن الموضوعية.. ثم كيف يعني انسان يقول المعارضة فيها الصادقون والموضوعيون والجادون والهادفون وبها اناس اخرون لهم لونية اخرى ؟؟ ماهي اللونية الاخري في مقابل الموضوعية والصدق والجدية..؟ أليست الكذب والتهريج وعدم الجدية..!! فكيف نقبل بخطاب اعلامي معارض يضم الموضوعية والجدية والصدق والهدف مع الكذب والبذاءة والتهريج والاسفاف ..! تحياتي مع اسفي للاطالة لكن ........ اتمني ان اكون عبرت عن ما يليني من مثالك

دا المفروض يكون منفستو للمعارضة
يسلم هالكيبورد يا ود اخوي وتسلم البطن الجابتك
ما خليت فرضا ناقص ليك التحية

Quote: بخصوص كيانات المعارضة انا مثلا بعتبر نفسي معارض (رافض) للنظام دا لكن ما تابع لأي من الكيانات دي تنظيميا (بشجع بعضا منها أو قريب منها) وفي الوقت نفسو قد تكون لي ملاحظات على بعضها بس الملاحظات دي ما بتصل لمرحلة عداء وبالتالي تخذيل بمعنى آخر الما قادر أعملو أنا كمعارض ما بطالبهم هم يعملوه لأنو أنا ما مفوضهم يعملوا نيابة عني أو أقوم أخت ليهم سقف أقول ليهم انتو ككيانات مفروض مستوى معارضتكم يكون كدا وتعفوني أنا لأني فرد وانما مفروض على أدعم خطواتهم الإيجابية أو أفرادهم الإيجابيين وأغض الطرف مؤقتا عن هفواتهم إلى حين (ليس نهائيا) لأنو على الأقل في اتفاق على حد ولو أدنى أما الناس السيئيين جدا في المعارضة ديل يجب عدم اسقاط سقطاتهم على المعارضة ككل

مرحب محمد البشرى

Quote: تعرف يا حمد الكلام دا غير دقيق الإختزل المعارضة في هشام ما هو محمد حامد ولا الكيزان ولا الرماديين من فعل ذلك هم من يعتبرون انفسهم معارضين وشرفاء ونبلاء و بلا بلا بلا إلى آخر هجص الاسافير دا

كلامي دقيق فيما يخص محمد حامد لأنو الإختزال دا مهم جدا ليهو
بعدين محمد حامد لما قال الكلام دا ما قالو على عجل قعد وشرب شاي حتى قالو

شوف الدقة في الكلام (المعارضة وهم كفكرة وأشخاص)
خليهم الأشخاص بس كيف المعارضة تكون وهم كفكرة ؟ لغاها عديل كدا
يعني الناس ما تعارض ولا حتى زول يفكر فيها


بخصوص المعارضين والنبلاء ديل يا محمد وخصوصا الما تابعين لتنظيمات
زول قال أنا معارض للنظام يقولوا ليهو شنو ؟ المعارضة تقول ليهم لا ما تعارض

باخي بكري ذاتو قال أي زول يكتب هنا أنا ما مسئول منو يتحمل مسئولية كتابتو

طيب هشام هباني أو غيرو يكتب ويتحمل مسئولية كتابتو المعارضة ما مسئولة منو
لكن لو في كتابتو ما يشين دا ما بنسحب على المعارضة (الوصفتها انت فوق ديك)

Quote: يا حمد انا بقول ليك جرائم عديل كدا كذب و سرقة بل وحتى القتل حاجات زي دي تقول لي هفوات ومؤقتا !!

دي أنا ما مختلف فيها معاك ، دي جرائم محددة بواسطة القانون وصاحبها ما جدير بعمل عام حتى القانون ممكن يعزلو من ممارسة العمل العام

أنا بتكلم عن هفوات مثلا إيراد خبر سياسي كاذب ، الشطح احيانا في مهاجمة رموز النظام زي دي الأحزاب ممكن ترفضها لكن حاليا ممكن تتجاوز

عنها على أساس أن النظام بيتعامل بقسوة مع عضويتها وإنو العضوية دي في حالة حرب إعلامية مع النظام

بس السؤال الحائر يا محمد

هل البينتقد المعارضة معارض ويريد إصلاحها ولا بنتقدها من موقف مراقب ولأنو فيها ناس سيئين

ومراقب دي بتقودنا لي هل يريد انتصار المعارضة على النظام ولا ما فارقة معاه انتصرت ولا ما انتصرت

(برضو المعارضة الأنت وصفتها فوق بتاعة الكيانات)

مراحب يا فاضلابي

Quote: ن تشتم البشير باقذع الالفاظ والا فمعارضتك زي عدمها. ان لاتقول ان المؤتمر الوطني اصاب ابداً فهذه من الكبائر. ان لاتسلِّم علي اي فنان غني في عهد المؤتمر الوطني وان تقاطع حفلاته. ان تتهم اي زول بدون دليل. أن تؤمن بحكمة البصيرة أم حمد نقطع راس العجل جوه الزير وبعد داك نكسر الزير عشان نطلِّع راس العجل. ان تؤمن ان الدين الاسلامي هو سبب مشاكل السودان. ان تؤمن بمبدأ وضع العربة امام الحصان. ان يكون خطابك دائماً ذكر مسالب الإنقاذ دون ذكر الحلول رغم علمك ان راعي الضان في الخلاء يعرف مسالب الإنقاذ. ان تردد كالببغاء كل مايقوله خصوم المؤتمر الوطني ان لاتخالف اي زول يكتب في سودانيز اونلاين تحت اسم المعارضة. ان تؤمن ان الديمقراطية وحرية الراي مكفولة فقط للمعارضة.

دي أبد ما ممكن تكون معايير معارضة منضبطة
المعارضة البقصدها أنا يا فاضلابي اتكونت بموجب ميثاق الدفاع عن الديمقراطية
ودي كانت عايشة تجربة ديمقراطية حقيقية بما فيها أهل النظام الحالي
وكان حق إبداء الرأي مكفول للجميع بس اتكونت من عجين كان مليان سوس
لذلك ما صمدت كتير

Quote: دي أبد ما ممكن تكون معايير معارضة منضبطة

الصاح يا حمد ان تقول:
دي أبداً ماممكن تكون معارضة منضبطة
وهذا ماقصدته يا حمد بما في ذلك معارضة ميثاق الدفاع عن الديمقراطية.

إذنكم يا جماعة

مرحب حيدر الزين

مبدئيا كدا
وبصراحة
اعجبتني بسماحة كتابتك وسماحة نفسك

وأثبت إنك زول ديمقراطي وتنشد الحوار الجاد

في ناس لو جبت اسمهم في بوست بيقلبوا ليك البوست والصحون الفيهو بباقي السلطة في رأسك
برجع لكتابتك

تعرف يا حمد ..
المشكلة مش في النماذج الشاذة من المعارضين
المشكلة في سكوت المعارضين الجد جد عليهم بحجج مختلفة وواهية!!

الإنقاذ ياها قدامنا وشايفين بلاويها ..
دايرين المعارضة (الما عارفنا دي) تبقى جسم
موحّد ببرنامج مرضي لنص الشعب السوداني الفضل بس
.. وبعد دا لو قعدت الإنقاذ تلاتة دقايق لومني!!!




هوي يا معارض!
ساكت هسي على هفوات ناس محسوبين عليكـ ..
بعدين برضو ح تسكت عليهو؟ ويبقى فرقكـ من القاعدين ديل شنو؟؟

مرحب الجنيد حمد

Quote: بداية لعمل سياسي متكامل يخرج البلاد من الدائرة اللعينة تحديد المطالب او الغاية من العمل المناوي للنظام ... يعني شغلة يوم نتفاوض ويوم نتداوس دي ما منها فائدة تكوين حكومة ظل لوضع الخطط والدراسات والبرامج الاسعافية لادارة الدولة بعد رحيل النظام مع تسمية من يشغلون الحقائب الوزارية وغيرها ؟؟؟

كلام طيب ونتمنى إنو المعارضة تستفيد من أخطاء الماضي وتبدأ في تنظيم نفسها بصورة جيدة

بمناسبة الأخطاء دي

تعرف معارضة التجمع بدأت قوية جدا وشكلت تهديد قوي للنظام

لكنها وقعت في أخطاء مميتة أهمها اعتبار الحركة الشعبية (الأم) أحد فصائل المعارضة والإعتماد عليها في قيادة عمل عسكري يطيح بالنظام

رغم إن خط الحركة ونهجها كان واضح وثبت في الأخير إنو الحركة كان عندها هدف واحد وهو فصل الجنوب

المعارضة لا بد أن تضم في صفوفها من يؤمن بقيم الديمقراطية والحرية والعدالة ووحدة الوطن وتساوي مواطنيه وتبعد كل من ينادي بجهوية أو عرقية من صفوفها

صبري يا برشلوني شيل شيلتك

Quote: ولا عندك رأي منسوب المؤتمر الوطني بإنهم يحكمونا غصباً عنّا .. من المُفترض أن يُعتبر رأي ويُحترم ؟

يا ليت لو رأي ناس المؤتمر وحدهم ياخ دا مرات بيكون رأي زول مصنف نفسو معارض يقول ليك

لو البديل المعارضة إنشاء الله ناس المؤتمر يحكمونا إلى الأبد

أو الكلمة العجيبة ديك

أبشر بطول سلامة يا منو كدا ماعارف

مرحب أبو الريش

Quote: وبالنسبـة للمعارضـة فإن هى استفادت من كتابات شخص ما ضـد الحكومـة، ثم تغاضت عن تفلتاته القانونية والاخلاقيـة، فهو منهم وإن نكروه.

هم أصلا ما بنكروه وإلا مفروض يُفصل من التنظيم

بس بتبقى الحتة بتاعة إنو الناس المتفلتين ديل أقلة باتفاق الناس

طيب ما مكن عشان حفنة أشخاص الناس تقوم تنهش في جسم المعارضة

الشيئ التاني في ناس في المعارضة دي جادين جدا في محاربة أي سلوك ما قويم لذلك ما اعتقد لو يسر ليهم استلام الحكم حيسمحوا بالتفلتات دي

حتى الكيزان كتنظيم الزول البفوت حدود اللياقة ويسويها شينة قاعدين يقرشوهو وبيبعدوهو من دائرة الضوء لكن ما بيعدموه

الحاصل هنا في المنبر مافي زول ليهو يد على زول أي زول بقول الفي رأسو وبيمشي

زول ما منظم قال أنا معارض ودي طريقتي في المعارضة منو البمنعو ؟

هل المعارضة دي عندها صلاحية تقول لي زول ما تعارض معانا بطريقتك دي؟

ببساطة حيقول ليهم إنتو منو ؟ أنا مواطن سوداني بمارس في حقوقي وبطريقتي

تسلم يا حمد عبد الغفار..
لا شئ يستحق التعصب البتة .. طالما الامر اختلاف قراءات لا اكثر ...







تحياتي دكتورة نجاة محمود وكل الاسرة اتمناها بعافية وصحة جيدة

د. نجاة

أحمد بن عوف

مشكورين على الدعم

مرحب الصائم

Quote: دايرين المعارضة (الما عارفنا دي) تبقى جسم موحّد ببرنامج مرضي لنص الشعب السوداني الفضل بس .. وبعد دا لو قعدت الإنقاذ تلاتة دقايق لومني!!!

طبعا ما حتقعد والمعارضة اتحدت في التجمع قبل كدا لكن زي ما قلت ليك السوس ما خلاها

عشان كدا أنا بطالب الما قادر يعارض بصورة منظمة أو تحت كيان

يعمل رايح بدل لعب الباصات للحكومة (بدون قصد)

Quote: يعمل رايح بدل لعب الباصات للحكومة (بدون قصد)

يا عم الحاج كيف امسيت
ما عارفك قاصد شنو بالباصات للحكومة, هل تقصد الناس تشوف الغلط وتسكت عليه عشان لاصوت يعلو فوق صوت المعركة وكدا ؟
طيب الكلام دا قولوا يا معلّم مش للـ

Quote: الما قادر يعارض بصورة منظمة أو تحت كيان

بل للقادر يعارض بصورة منتظمة وتحت كيان
طبعا الكلام عن الواقع ما الأسافير اللا بتودي ولا بتجيب, وأديك أمثلة:
الباص البيني الرهيب اللعبو حزب (حزيبات) البعث بحكاية طرد حزب الأمة
الون توهات الساقوها حركات حق و المركز لحدي ما سجّلوا قون في روحهم
فتح اللعب من الأطراف و اللعب - تقرا النصل - الجماعي من وثيقة الفجر الجديد
.. إلخ إلخ

يا عزيزي الأذى الذي تسببه اطراف المعارضة - القادرة تعارض و منظمة في كيانات - و الفائدة التي افادتها للنظام تفوق آلاف المرات الباصات التي تتحدث عنها
قول الناس بطّلت الباصات, البحمي المعارضة التقريش و القلش في قونها شنو؟

Quote: الباص البيني الرهيب اللعبو حزب (حزيبات) البعث بحكاية طرد حزب الأمة الون توهات الساقوها حركات حق و المركز لحدي ما سجّلوا قون في روحهم فتح اللعب من الأطراف و اللعب - تقرا النصل - الجماعي من وثيقة الفجر الجديد .. إلخ إلخ يا عزيزي الأذى الذي تسببه اطراف المعارضة - القادرة تعارض و منظمة في كيانات - و الفائدة التي افادتها للنظام تفوق آلاف المرات الباصات التي تتحدث عنها قول الناس بطّلت الباصات, البحمي المعارضة التقريش و القلش في قونها شنو؟

لا حولاااا

ياخ كدا انت علقتها في خط ستة عديل هسة باصك دا يمين موسى الزومة يدخلها، خلي الحكومة

يا محمد المعارضة المعنية معروفة لي وليك ولناس كتار هنا

أما رغبات تغيير الحكم والتجمعات البتم بعجلة وكلفتة ويجمعها فقط هدف تغيير الحكم كراهية في الكيزان دي أخير منها الناس البتلعب في الباصات ديل

المعارضة الهادفة لعمل تغيير جذري في الحياة الإجتماعية والسياسية هي المعنية والصراعات البتحصل فيها دي حتمية للغربلة ليذهب زبدها ويبقى فيها ما ينفع الناس

أها ما ينفع الناس دا حقو الناس تساعدو لأنو بيعمل في ظروف ضاغطة جدا

يا محمد زول معارض خارج السودان تتوقع منو شنو غير يطقطق الكيبورد دا وطقطقة الكيبورد دي بتخضع احيانا لما يعانيه من ضغوط عشان كدا بتظهر الهفوات