Post: #1
Title: يعني شنو معارضة المعارضة ؟؟
Author: فرح الطاهر ابو روضة
Date: 04-08-2013, 06:16 PM
Parent: #0
يعني شنو معارضة المعارضة ؟؟
والمعارضين المعارضة ديل ممكن نصنفم شنو يا جماعة
حالمين بوطن تاني يعني
والله الفهم دا راسي فيه تخيين على التخانة الفيه
افيدونا
عن معارضة المعارضة
يرحمكم الله
مع التحييييييييييييييييييييييييييييية
|
Post: #2
Title: Re: يعني شنو معارضة المعارضة ؟؟
Author: درديري كباشي
Date: 04-08-2013, 06:26 PM
Parent: #1
عندما تكون المعارضة طيعة هينة لينة تايهه متذبذبة بين مهادنة النظام ومحاربته .. لا تستطيع ان تجمع الشعب حولها .. تنادي بالديمقراطية ولا تطبقها في نفسها ..
تفتكر انت بينك وبين نفسك اليست هي اولى بالمعارضة من غيرها
|
Post: #3
Title: Re: يعني شنو معارضة المعارضة ؟؟
Author: ABUHUSSEIN
Date: 04-08-2013, 06:27 PM
Parent: #2
ويني هي المعارضة علشان إعارضوها ....؟؟؟؟
|
Post: #4
Title: Re: يعني شنو معارضة المعارضة ؟؟
Author: Mohammed Sedeq
Date: 04-08-2013, 06:30 PM
Parent: #2
Quote: عندما تكون المعارضة طيعة هينة لينة تايهه متذبذبة بين مهادنة النظام ومحاربته .. لا تستطيع ان تجمع الشعب حولها .. تنادي بالديمقراطية ولا تطبقها في نفسها ..
تفتكر انت بينك وبين نفسك اليست هي اولى بالمعارضة من غيرها |
يعني لما تشوف المعارضة راقدة دريش و واقفة حجر عثرة بيننا وبين التغيير
فشنو تقوم تنتقد المعارضة وتعارضها لما تقوي راسها الفاضي ده
لانو معارضين السجم ديل هم اول حجر عثرة في طريقنا لو شلناهم ولا بقوا قدر المسؤولية نكون قريبين من التغيير
غير كده ماف حل
|
Post: #5
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-08-2013, 08:11 PM
Parent: #2
Quote: عندما تكون المعارضة طيعة هينة لينة تايهه متذبذبة بين مهادنة النظام ومحاربته .. لا تستطيع ان تجمع الشعب حولها .. تنادي بالديمقراطية ولا تطبقها في نفسها ..
تفتكر انت بينك وبين نفسك اليست هي اولى بالمعارضة من غيرها |
سلام محترم
درديري كباشي
صحيح يا دريري المعارضة في كثير من مواقفها كانت غير
متسقة مع تطلعات الشارع السوداني وفيها شي من الخذلان
والمساومات واحياناً كثيرة
نقد العهود والمواثيق
مما دفع البعض الي حمل السلاح واخرين عادوا الي حمله
ودا ليه اسباب كثيرة وانت سيد العارفين
طبيعة النظام نفسه واستهدافه للكيانات السياسية واختراقها من قبل الاجهزة الامنية للنظام
الاختلاف في الروى والافكار حول نظام الجبهة الاسلامية
ضعف الكيانات السياسية ومنظمات المجتمع المدني بسبب سياسات السلطة (( التمكين ))
المناخ الغير المناسب بعدم توفر الحريات الكافية
وهذا لا يعني بان المعارضة لم تنجز والفرق واضح ما بين دولة المشروع الحضاري والاجماع السكوتي
والان ولعل الكلام هنا يطول ويطول
ولكن يا درديري اخوي
الشي الطبيعي الانا بتوقعه كما يتوقعه غيري لو كانت هناك جهة رافضة لهذا الوضع المهادن من قبل المعارضة
وفي نفس
الوقت مختلفة مع النظام لماذا لا تعمل هذه الفئات مع المعارضة ومحاولة الارتقاء بادئها للوصول للاهداف
او تكوين كيان سياسي قائم بذاته يضع الحلول لازمة الحكومة والمعارضة معاً
كما التيارات الشبابية القادت العمل الجماهيري بكل من مصر وتونس وكانت
سباقة في اطروحاتها للكثير من القوى السياسية
لكن تعال شوف مجموعة معارضة المعارضة
اهم اطروحاتهم البديل غير موجود حالياً
المعارضة نائمة في العسل
وبحث مكثف عن أخطأ المعارضة دون وضع حلول لمعالجة هذه الأخطأ
ولو نظرت لمؤيدي فكرة معارضة المعارضة
تدي ربك العجب
دا كله بخليني احك رأسي واسأل هل نتوقع من تيار معارضة المعارضة
كيان مستقل في مستقبل ايامنا يخرج البلاد من اخفاقات السلطة الحاكمة
وينتشل المعارضة مما هي عليه ؟؟؟
والسوال الاساس لا زال مطروحاً
يعني شنو معارضة المعارضة ؟؟؟
|
Post: #6
Title: Re: يعني شنو معارضة المعارضة ؟؟
Author: بدر الدين احمد موسى
Date: 04-08-2013, 08:33 PM
Parent: #5
ابو روضة
سلام
يعني تأييد الانقاذ بالدس!
|
Post: #7
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-08-2013, 08:40 PM
Parent: #6
Quote: بو روضة
سلام
يعني تأييد الانقاذ بالدس! |
سلام يا بدر الدين
لو انت وصلت للنتيجة دي
وطبعاً شورتك عندك
يبقى ياخ البرقص ما بحتاج
يغتي دقنه
لكن انحنا امام تفصيد حالة موجودة
يعني الواحد لا برضى يوصفوه
كوز ولا معارض
ودا وضع ما طبيعي
ما شوفنا لينا دولة بتتكون من
حكومة ومعارضة ومعارضة المعارضة
كدي خلينا نشوف ونجمع مزيد من الاراء
وبعد داك بنصل
وتحييييييييييييييييييييية
|
Post: #8
Title: Re: يعني شنو معارضة المعارضة ؟؟
Author: محمد أبوالعزائم أبوالريش
Date: 04-08-2013, 08:40 PM
Parent: #6
| Quote: يعني تأييد الانقاذ بالدس! |
ومرّات جهراً
|
Post: #9
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-08-2013, 08:54 PM
Parent: #8
تحياتي يا ابو الريش
البجدد خياراته للوقوف ضد شعبنا
وبشي من الوضوح والشفافية دا ما فيه
مشكلة
ولا منو خوف في النهاية دا قراره وما يخدم مصالحه وبالتالي طوع قناعاته ووظفة لخدمة هذا النظام
ياخ
ناس معارضة المعارضة ديل والله في تقديري الوطن محتاج ليهم لو هم صحيح ضد النظام القائم
وضد ممارسات الانقاذ
وعلى استعداد لخدمة الوطن بعيد عن هذه التيارات السياسية الغير مقتنعين بيها
ياخ المعارضة دي ما هي الحزب الشيوعي
ولا موقف من حزب الامة او الصادق المهدي
والناس ما ليها بافرادا المعارضة هم شنو
انحنا قدام وطن بموت وبستباح
وهم في نفس النقطة
لا مع المعارضة ولا الانقاذ
طيب الناس تقعد في الوسط وتنبسط لمتين ؟؟
وهم بامكانكم انتاج الكثير وابتكار ما عجز عنه الاخرين خاصة وهم ناس
عندهم راي في كل ما يحدث بالساحة السياسية السودانية
مش احتمال نشوف لينا كيان سياسي يخرجنا من المحنة الانحنا فيها دي
احترامي
|
Post: #10
Title: Re: يعني شنو معارضة المعارضة ؟؟
Author: Elawad Eltayeb
Date: 04-08-2013, 10:15 PM
Parent: #9
يعني "معاردة" أو كما قال.
جنة النفاق، حيث ترفع سبابتك مكبراً متكبراً وأنت تسبح في سرك لأبليس.
الرمادي كما قال درويش
أو الزيف كما وصفه سالينجر
أحترم الكوز في هذه الحالة البائسة حيث صدق ولو في إعلان فجوره.
|
Post: #11
Title: Re: يعني شنو معارضة المعارضة ؟؟
Author: Mohammed Sedeq
Date: 04-08-2013, 10:21 PM
Parent: #10
| Quote: يعني معارضة المعاردة أو كما قال. |
|
Post: #13
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-08-2013, 11:01 PM
Parent: #11
في سبيل جماعة معارضة المعارضة قمنا
نبتغي رفع الغـــــــــــــــــــــــــــــــــــــــطاء
ههههههه
وسلام محترم
|
Post: #12
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-08-2013, 10:31 PM
Parent: #10
Quote:
الكوز في هذه الحالة البائسة حيث صدق ولو في إعلان فجوره. |
المحترم
Elawad Eltayeb
والله ما قلت الا الصدق
الكوز صدق ولو في اعلان فجوره
وبالنتيجة ممكن نستخلص ما توصل اليه حبيبنا بدر الدين
ولا يا ربي في ناس جادة في معارضة المعارضة دي
وعندها فهم لانتاج معارضة بديلة وقيادات بديلة
كدي نشوف وعلم ناس معارضة المعارضة واســــــــــــــــــع
حتى لتجيير المواقف
وتحيييييييييييييييييييييييييييييية
|
Post: #14
Title: Re: يعني شنو معارضة المعارضة ؟؟
Author: tmbis
Date: 04-09-2013, 06:48 AM
Parent: #12
Quote: يعني شنو معارضة المعارضة ؟؟
والمعارضين المعارضة ديل ممكن نصنفم شنو يا جماعة |
كدي اول حاجة ورينا انت منو زاتو البتصنف دا ..
ورينا انت ظاطك من ناس ووين .. ومن يات كوكـــب ..؟
...
والله معضلة عجيبة .. عاهات عجيبة .. جاي يصنف ويسمي وينمط ..
|
Post: #15
Title: Re: يعني شنو معارضة المعارضة ؟؟
Author: سرالختم عباس
Date: 04-09-2013, 07:01 AM
Parent: #14
سلام يا أبو روضة
معارضة المعارضة دي معارضة لا وجود لها إلأ في بعض المواقع الإسفيرية لكن في الواقع ما حاجة ليها وجود
انا ما بتفق مع الناس البقولوا إنهم كيزان وما الي ذلك بالعكس هم ضحايا كيزان زيهم زي اي مواطن سوداني تاني
موش في مقولة اسمها خالف تذكر ؟؟
أها يا ابو روضة في كثير من الناس ديل بيخالفوا فقط للظهور خاصة وأنو الخط العام للأسافير معارض فالواحد منهم
عايز ليهو صوت وسط هذه الأسافير خاصة وانهم طبعا هم لا ليهم في العير لا ليهم في النفير وحديثهم في السياسة ده
نظام الناس بيتكلموا في السياسة أنا ليه ما أتكلم عشان كده لو لاحظت لي أبناء التيار ده تجد آراؤهم محدودة .
عشان كده الناس ما مفروض يشغلوا بالهم فهم فاقد نضالي وبالتأكيد لي قدام كان الله هون لابد أ، تتضح لهم الشغلة .
تحياتي
|
Post: #21
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 07:21 AM
Parent: #15
Quote: سلام يا أبو روضة
معارضة المعارضة دي معارضة لا وجود لها إلأ في بعض المواقع الإسفيرية لكن في الواقع ما حاجة ليها وجود
انا ما بتفق مع الناس البقولوا إنهم كيزان وما الي ذلك بالعكس هم ضحايا كيزان زيهم زي اي مواطن سوداني تاني
موش في مقولة اسمها خالف تذكر ؟؟
أها يا ابو روضة في كثير من الناس ديل بيخالفوا فقط للظهور خاصة وأنو الخط العام للأسافير معارض فالواحد منهم
عايز ليهو صوت وسط هذه الأسافير خاصة وانهم طبعا هم لا ليهم في العير لا ليهم في النفير وحديثهم في السياسة ده
نظام الناس بيتكلموا في السياسة أنا ليه ما أتكلم عشان كده لو لاحظت لي أبناء التيار ده تجد آراؤهم محدودة .
عشان كده الناس ما مفروض يشغلوا بالهم فهم فاقد نضالي وبالتأكيد لي قدام كان الله هون لابد أ، تتضح لهم الشغلة .
تحياتي |
سر الختم يا صديقي
لو الحكاية فيما توصلت ليه من تصينف
يلا يدي ويدك مع ايدهم مع الكل نحاول نتشلم من الضياع
يا الحبيب هي البلد ناقصة فاقد نضالي على قولك
وحسب اقوالم المعارضة نائمة في العسل
البديل ما في
الناس الفي المعارضة ما عندهم موضوع
وما ليهم فهم في الديمقراطية
سبحان الله يضع سره في اضعف خلقه
امكن يطلع منهم من هم قادرين على قيادة
البلد دي الي بر الامان
ودا المطلوب
قيادات كما وائل غنيم
ونوارة نجم
وحامدين صباحي
مناضيليين يسدو عين الشمس
وبدل الخطاب المحبط المساند للسلطة دي
يعجلوا ليينا ما تبقى من ايام للسلطة
ونقول لييييييييييييهم تعظيم سلام
خالص تحيييييييييييييييييياتي
|
Post: #16
Title: Re: يعني شنو معارضة المعارضة ؟؟
Author: بشير أحمد
Date: 04-09-2013, 07:06 AM
Parent: #14
بي كلامك ده إنت معارض راسكـ عديييل ؛أليس ذلكـ كذلك؟...(علي قولت حسن مُعوّض).
|
Post: #19
Title: Re: يعني شنو معارضة المعارضة ؟؟
Author: الشيخ سيد أحمد
Date: 04-09-2013, 07:19 AM
Parent: #16
أبوالروض سلام
المعارضه التي نحلم بها هي تلك التي يكون تركيزها على الجوانب السالبه في العمليه السياسيه والإقتصاديه والإجتماعيه..بتركيزهاعلى تلك الجوانب تلفت الإنتباه لضرورة مراجعة السياسات ....وبذلك تكون قد قامت بدورها الوطني في غبداء رأيها دونما مساس بالوطن ومصالحه.
إن وجدت مثل هذه المعارضه سيكون السودان محظوظآ لأن الكل حكومه ومعارضه سيعمل على سد كل الثغرات التي تعيق تقدمه ونموه وتطوره....مثل هذه المعارضه جديره بالإحترام وسيلتف الكثيرون حولها بإعتبار أن المصلحه الوطنيه هي التي تحركها وتدفعها لتسليط الضوء على مواقع الخلل سواء في التشريع أو التنفيذ.
أما معارضة فلان إتزوج وفلانه طلقوها وفلان بنى بيت وفلان عمل .....فهي لا ترقى لوصف معارضه .....نقل مثل تلك الأخبار والإفتراءات التي طالت الكثيرين أضرت كثيرآ بمشروع ما يسمى بالمعارضه....لذلك عليها أولآ أن تكون جاده في طرحها وتحترم عقلية الشارع وعليها أن تنأى بنفسها عن الصغائر التي ستكون خصمآ على رصيدها "هذا إن وجد لها رصيد" ومحاولة تحري المصداقيه في التعاطي مع القضايا.إن توفر ذلك سيلتف الكثيرون حولها.
|
Post: #23
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 07:34 AM
Parent: #19
Quote: أبوالروض سلام
المعارضه التي نحلم بها هي تلك التي يكون تركيزها على الجوانب السالبه في العمليه السياسيه والإقتصاديه والإجتماعيه..بتركيزهاعلى تلك الجوانب تلفت الإنتباه لضرورة مراجعة السياسات ....وبذلك تكون قد قامت بدورها الوطني في غبداء رأيها دونما مساس بالوطن ومصالحه.
إن وجدت مثل هذه المعارضه سيكون السودان محظوظآ لأن الكل حكومه ومعارضه سيعمل على سد كل الثغرات التي تعيق تقدمه ونموه وتطوره....مثل هذه المعارضه جديره بالإحترام وسيلتف الكثيرون حولها بإعتبار أن المصلحه الوطنيه هي التي تحركها وتدفعها لتسليط الضوء على مواقع الخلل سواء في التشريع أو التنفيذ.
أما معارضة فلان إتزوج وفلانه طلقوها وفلان بنى بيت وفلان عمل .....فهي لا ترقى لوصف معارضه .....نقل مثل تلك الأخبار والإفتراءات التي طالت الكثيرين أضرت كثيرآ بمشروع ما يسمى بالمعارضه....لذلك عليها أولآ أن تكون جاده في طرحها وتحترم عقلية الشارع وعليها أن تنأى بنفسها عن الصغائر التي ستكون خصمآ على رصيدها "هذا إن وجد لها رصيد" ومحاولة تحري المصداقيه في التعاطي مع القضايا.إن توفر ذلك سيلتف الكثيرون حولها. |
المحترم
الشيخ سيد احمد
لك التحييية والتقدير
والله انا ما فهمت يعني الجبهة الثورية مثلاً بتهتم في بياناتها بالجانب الاجتماعي اكثر من اهتمامها بعودة الديمقراطية
وقضايا المهمشين ؟؟
ولا ناس قوى الاجماع الوطني متابعيين زيجات ووفيات المؤتمرجية اكثر من البلد
لو كنت تقصد ما يحدث من مهاترات تدور في بعض الاسافير هدا المنبر جزء منها
انا لم اقصد دلك من بعيد ولا قريب ما قصدته ان يكون للشخص موقف واضح
لو كان هو حقيقة ليه راي معارض لهذه السلطة
وبعيد عن الشخصنة
والافراد المعارضين وفهمهم للمعارضة
في نهاية قلنا القضية قضية وطن حقي وحقك وملك للكل
والمعارضة ليست حكراُ فيه على زيد او عبيد من الناس او تنظيم معين
اما الا يقبل البعض وصفهم بالكيزان
وتكون مواقفهم داعمة وسند للكيزان الكلام دا فيه كلام
وسلام يفرح خاطرك
|
Post: #27
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 07:46 AM
Parent: #16
| Quote: بي كلامك ده إنت معارض راسكـ عديييل ؛أليس ذلكـ كذلك؟...(علي قولت حسن مُعوّض). |
المحترم بشير احمد
كدي نطلع من حكاية انا وانت دي
ونركز على الموضوع
افيد لي وليك
وللكل
مع التحييييييييييييييييييية
|
Post: #17
Title: Re: يعني شنو معارضة المعارضة ؟؟
Author: عبدالمنعم الطيب حسن
Date: 04-09-2013, 07:09 AM
Parent: #14
Quote: يعني "معاردة" أو كما قال.
جنة النفاق، حيث ترفع سبابتك مكبراً متكبراً وأنت تسبح في سرك لأبليس.
الرمادي كما قال درويش
أو الزيف كما وصفه سالينجر
أحترم الكوز في هذه الحالة البائسة حيث صدق ولو في إعلان فجوره.
|
دا الكلام
,,,,,,,,,,,,,,,,,,,,,,,,,,
معارضي المعارضة ، هم مؤيدي الحكومة ،
انقاذيين صبحت عليهم الواطة ،
دورهم كبير ، ولهم في احباط الشعب فنون ....
يميلون مع الريح حيث تميل ؛
فهم مع البشير في الصباح ، ومع غازي ظهرا ، ومع علي عثمان بعد الظهر ، ويحبون السائحين علنا ،
والجيش في كل الوقت ،
مع ود ابراهيم ، وقوش ، ونافع والمدير ...........
هم الانقاذ في اعظم تقلبات ضياعها ، وضياع الوطن ؛
..........................
ابو روضة كيف انك يا حبيب ، وسلام وتحية ؛
|
Post: #18
Title: Re: يعني شنو معارضة المعارضة ؟؟
Author: نايف محمد حامد
Date: 04-09-2013, 07:13 AM
Parent: #17
معارضة المعارضة
يعنى مجموعة من المنافقين و الكذابين الذين يدعون الحياد و هم مساندون للنظام
و على رأسهم 3 فى المنبر
رجلان اهبلان يدعيان الفهم و الفتوة و امرأة تناضل ضد الشيوعيين
و لهما اذناب
|
Post: #30
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 07:56 AM
Parent: #18
Quote: معارضة المعارضة
يعنى مجموعة من المنافقين و الكذابين الذين يدعون الحياد و هم مساندون للنظام
و على رأسهم 3 فى المنبر
رجلان اهبلان يدعيان الفهم و الفتوة و امرأة تناضل ضد الشيوعيين
و لهما اذناب |
قالوا يا نايف
الزول فعايلو ببينلك طبعه
لك خالص الود وربك يصلح الحال باحسن مما كان
وما معروف ممكن بكرة تجي منهم
بشارة ضؤ
واعلان التخلي من مثل هكذا مواقف
يا كوز راسه عديل
او يرفض الكلام المغتغت وفاضي
وتحييييييييييييييييييييية
|
Post: #20
Title: Re: يعني شنو معارضة المعارضة ؟؟
Author: مدثر صديق
Date: 04-09-2013, 07:20 AM
Parent: #17
| Quote: يعني شنو معارضة المعارضة ؟؟ |
يعني الحق أحق أن يتبع ....
فليس كل ما تاتي به المعارضة صحيح ...و كذلك الحكومة...
الامر التاني :
اي معارضة تعني .......المسلحة , السلمية , معارضة الداخل , الخارج , الفجر الجديد , فجر الصادق المهدى ...
|
Post: #24
Title: Re: يعني شنو معارضة المعارضة ؟؟
Author: سرالختم عباس
Date: 04-09-2013, 07:35 AM
Parent: #20
Quote: أبوالروض سلام
المعارضه التي نحلم بها هي تلك التي يكون تركيزها على الجوانب السالبه في العمليه السياسيه والإقتصاديه والإجتماعيه..بتركيزهاعلى تلك الجوانب تلفت الإنتباه لضرورة مراجعة السياسات ....وبذلك تكون قد قامت بدورها الوطني في غبداء رأيها دونما مساس بالوطن ومصالحه.
إن وجدت مثل هذه المعارضه سيكون السودان محظوظآ لأن الكل حكومه ومعارضه سيعمل على سد كل الثغرات التي تعيق تقدمه ونموه وتطوره....مثل هذه المعارضه جديره بالإحترام وسيلتف الكثيرون حولها بإعتبار أن المصلحه الوطنيه هي التي تحركها وتدفعها لتسليط الضوء على مواقع الخلل سواء في التشريع أو التنفيذ.
أما معارضة فلان إتزوج وفلانه طلقوها وفلان بنى بيت وفلان عمل .....فهي لا ترقى لوصف معارضه .....نقل مثل تلك الأخبار والإفتراءات التي طالت الكثيرين أضرت كثيرآ بمشروع ما يسمى بالمعارضه....لذلك عليها أولآ أن تكون جاده في طرحها وتحترم عقلية الشارع وعليها أن تنأى بنفسها عن الصغائر التي ستكون خصمآ على رصيدها "هذا إن وجد لها رصيد" ومحاولة تحري المصداقيه في التعاطي مع القضايا.إن توفر ذلك سيلتف الكثيرون حولها. |
سلام يا الشيخ سيد أحمد وعساك طيب
ياخ المعارضة دي ما علي قلب رجل واحد وفيها من أقصي اليسار إلي أقصي اليمين .
والمعارضة المعروفة للحكومة دي ياها الأحزاب السياسية المعروفة دي شيوعي أمة شعبي وما إلي ذلك
فإسقاطات البعض هنا ليه الناس تقوم تحملها للمعارضة والمعارضة فعلت والمعارضة عملت والمعارضة سوت
مع العلم إنو المعارضة السودانية لا ضعيفة ولا شئ بس لا قطر لا الغرب راضين عليها ولو كانوا راضين عليها الاتعمل في القذافي ده كان زمان اتعمل في البشير
والشئ الثاني قول المعارضة ضعيفة أها الحل شنو إذا لإنت قلبك عليها ؟؟
نعمل علي مزيد من الإضعاف ليها ولا نحاول الولوج جواها ونصلح حالها ؟؟
تحياتي
|
Post: #28
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 07:52 AM
Parent: #20
Quote: يعني الحق أحق أن يتبع ....
فليس كل ما تاتي به المعارضة صحيح ...و كذلك الحكومة...
الامر التاني :
اي معارضة تعني .......المسلحة , السلمية , معارضة الداخل , الخارج , الفجر الجديد , فجر الصادق المهدى ... |
كله نضال مشروع يا سيدي
لا انا ولا انت بقادرين على نحدد لتنظيم ما كيفية اختيار
ادوات نضاله
البقدر اختاره انا على سبيل المثال اين اقف من كل ذلك
السوال يا حبيبي
هل هناك ما يسمى معارضة المعارضة
وحقيقة هم ليس بكيزان ؟؟
ولماذا مواقفهم مؤيدة وداعمة للسلطة
تصل درجة الفجور اكثر من الكيزان انفسهم
احترامي
|
Post: #26
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 07:43 AM
Parent: #17
Quote: دا الكلام
,,,,,,,,,,,,,,,,,,,,,,,,,,
معارضي المعارضة ، هم مؤيدي الحكومة ،
انقاذيين صبحت عليهم الواطة ،
دورهم كبير ، ولهم في احباط الشعب فنون ....
يميلون مع الريح حيث تميل ؛
فهم مع البشير في الصباح ، ومع غازي ظهرا ، ومع علي عثمان بعد الظهر ، ويحبون السائحين علنا ،
والجيش في كل الوقت ،
مع ود ابراهيم ، وقوش ، ونافع والمدير ...........
هم الانقاذ في اعظم تقلبات ضياعها ، وضياع الوطن ؛
..........................
ابو روضة كيف انك يا حبيب ، وسلام وتحية ؛ |
يعني الحكاية ما فيها
توزيع ادوار
او كما قال بدر الدين
كيزان بالدس
وتبقى دي العوجة
العشم فيهم كبير والله وحبل الامل ممدود
نقطة سطر جديد
كيفك عبدالمنعم الطيب
اريتك بخير وعافية
وياهو انحنا النفس طالع نازل
والعافية تمام
وتسلم على السوال
|
Post: #22
Title: Re: يعني شنو معارضة المعارضة ؟؟
Author: احمد التجانى احمد
Date: 04-09-2013, 07:28 AM
Parent: #14
قبل كم يوم كدة يا ابوشتله , جا زميل كتب انه زوجة مدير مكتب الوالى تتسبب فى ازمة اصحاب الركشات فى فداسى بسبب اختفاء مبلغ مالى يخص مدير المكتب , قام جا زميل مناضل بالجوز قال المسالة فيها مدعرة وعلاقه مشبوهة بين المراة وسواق الركشة وبعد شوية جا زميل مناضل ثانى له صلة قرابه مع زوج المدعى عليها واكيد بالزوجة نفسها وبالناعم كدة قال ليهم يا جماعة القصة مغلوطة ولم يفتح الله عليه باى اسلوب ادانه او اى عتاب لزميله المناضل
السؤال (موجه ل ابوشتله)
هل ادانة الزميل المعارض لما اتى به من افك واشانة سمعة المحصنات تعتبر معارضة للمعارضة
هل ادانة الزميل الذى استمرا الكذب على صفحات هذا المنبر وبهتان الزملاء بما ليس فيهم تعتبر معارضة للمعارضة
ما راى الزميل ابوشتله فى وجود الشيخ الترابى فى جسم المعارضه , وهل سيستمر هذا التجانس بينه وبين القوى المعارضة
بعد سقوط الحكومة الحاليه ام انها متطلبات المرحله ورزق اليوم باليوم
بعدين يا ابوشتله الموضوع دة اتسهك من عدد مرات تدويره فى المنبر , قديتونا ياخ 
|
Post: #25
Title: Re: يعني شنو معارضة المعارضة ؟؟
Author: عبدالمنعم الطيب حسن
Date: 04-09-2013, 07:39 AM
Parent: #22
وقد رصدت اكتر
من ابي الحرقص ،
جاء يرقص .....
.............................
ولكن هل يستطيع ان يغطي دقنه ؟
|
Post: #29
Title: Re: يعني شنو معارضة المعارضة ؟؟
Author: محمد البشرى الخضر
Date: 04-09-2013, 07:55 AM
Parent: #25
سلامات يا ابو الروض Quote: لو كنت تقصد ما يحدث من مهاترات تدور في بعض الاسافير هدا المنبر جزء منها
انا لم اقصد دلك من بعيد ولا قريب ما قصدته ان يكون للشخص موقف واضح |
كفيتني بردك اعلاه سؤال كنت عايز اسالك ليه هل بتتكلم عن الأسافير ولاّ أرض الواقع
فاالأسافير اصلا لا فيها معارضة لا حكومة
و الشايفنه دا و الغاغا و نتضامن ونشجب و سقطت سقطت ياكيزان مجرد فنجطة ساي لا وزن لها ولا تأثير
و البسوّوا فوقوا الناس دا قصة صحيت الصباح دخلت النت شتمت الحكومة وســخرت منها - وأحيانا من الإسلام نفسه - وهتفت هتافين تلاتة مجرد نظام انا عملت العلي و ريّحت ضميري و كتبت عند الناس مناضلا و عشت باقي يومي منتشيا ومبسوط
ودا لا يعدو ان يكون بندق في بحر و غاغة فارغة ساكت, اها الناس الواعية المابتتخم بالهتافية دي ولا بتخاف من تصانيف الأسافير العرجاء دي ولا عاملين حساب موازنات وصداقات لما يشوفوا الغلط و الهبل و الكذب و يسمّوه باسمه ويقولوا عليه غلط وهبل و كذب, بسمّوهم معارضة معارضة 
|
Post: #34
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 08:27 AM
Parent: #29
Quote: كفيتني بردك اعلاه سؤال كنت عايز اسالك ليه هل بتتكلم عن الأسافير ولاّ أرض الواقع
فاالأسافير اصلا لا فيها معارضة لا حكومة
و الشايفنه دا و الغاغا و نتضامن ونشجب و سقطت سقطت ياكيزان مجرد فنجطة ساي لا وزن لها ولا تأثير
و البسوّوا فوقوا الناس دا قصة صحيت الصباح دخلت النت شتمت الحكومة وســخرت منها - وأحيانا من الإسلام نفسه - وهتفت هتافين تلاتة مجرد نظام انا عملت العلي و ريّحت ضميري و كتبت عند الناس مناضلا و عشت باقي يومي منتشيا ومبسوط
ودا لا يعدو ان يكون بندق في بحر و غاغة فارغة ساكت, اها الناس الواعية المابتتخم بالهتافية دي ولا بتخاف من تصانيف الأسافير العرجاء دي ولا عاملين حساب موازنات وصداقات لما يشوفوا الغلط و الهبل و الكذب و يسمّوه باسمه ويقولوا عليه غلط وهبل و كذب, بسمّوهم معارضة معارضة |
محمد البشرى كيف حالك يا رجل يا طيب
الاسافير يا محمد البشرى وسيلة من وسائل التواصل الممكن توصل بيها رايك وقطعاً مفيدة والكلام دا اثبتته تجاربنا وتجارب الاخرين
والاسافير ووسائل التواصل الاجتماعي صحيح هي ليس النضال كله
واعلان التضامن مع قضية ما
والادانة والشجب ليس بالشي المعيب ان لم تكن مطلوبة لفضح ممارسات النظام وفق ما هو متاح
حتت الهتافية في كل الاوقات دي
والاساءة للمعتقدات والشخوص
بكل تاكيد شي غير مطلوب فمثل هكذا خطاب يلجأ اليه عديم الحيلة ومن ليس لديه حجة في اي قضية اساسية
كما يمارس سدنة الانظمة الشمولية
نعم الارتقاء بخطابنا نحو الاخر مطلوب
الادراك التام بمتى تنتهي حرياتنا مطلوب
نقاش قضايا تفيد انقاذ الوطن وبلا حساسيات مطلوب
الغير مطلوب يا محمد البشرى
ان يدعي البعض بانهم كلتة
غير منتمية للحكومة وتعارض المعارضة
وفي نفس الوقت مواقفها داعمة للحكومة
ولا ترضى ان تصنف ضمن منظومة الكيزان
خالص الود والتقدير
ولك مني تحييييييييييييييييييييييييييية واحترام
|
Post: #31
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 08:00 AM
Parent: #25
Quote: وقد رصدت اكتر
من ابي الحرقص ،
جاء يرقص .....
.............................
ولكن هل يستطيع ان يغطي دقنه ؟ |
|
Post: #32
Title: Re: يعني شنو معارضة المعارضة ؟؟
Author: الشيخ سيد أحمد
Date: 04-09-2013, 08:00 AM
Parent: #25
سلام أبوالروض
Quote: المحترم
الشيخ سيد احمد
لك التحييية والتقدير
والله انا ما فهمت يعني الجبهة الثورية مثلاً بتهتم في بياناتها بالجانب الاجتماعي اكثر من اهتمامها بعودة الديمقراطية
وقضايا المهمشين ؟؟
ولا ناس قوى الاجماع الوطني متابعيين زيجات ووفيات المؤتمرجية اكثر من البلد
|
هل الحياه الإجتماعيه بمنأى عن العمليه السياسيه؟؟ تطبيق الديمقراطيه ليس بمعزل عن الحراك الإجتماعي بإعتباره المساهم الحقيقي في التطبيق للمنهج الديمقراطي.تذكر بأن البرامج السياسيه وإستمراريتها مرتبطه بصوره مباشره بالحياه المجتمعيه بإعتبار أنها القاعده التي يقوم عليها البناء السياسي...على البرامج السياسيه ان تتوافق مع الأعراف الإجتماعيه وإلا فلن تجد لها أماكن للتطبيق.
Quote:
لو كنت تقصد ما يحدث من مهاترات تدور في بعض الاسافير هدا المنبر جزء منها
انا لم اقصد دلك من بعيد ولا قريب ما قصدته ان يكون للشخص موقف واضح
لو كان هو حقيقة ليه راي معارض لهذه السلطة
وبعيد عن الشخصنة
والافراد المعارضين وفهمهم للمعارضة
|
ما يحدث من مهاترات في بعض الاسافير وبالتحديد موقع "بكري" ليس بمعزل عن الحياه الإجتماعيه والسياسيه والإقتصاديه في السودان ...ولكن الغريب في الأمر أن البعض يقوم بتزيين بعض الإسقاطات وإدراجها ضمن أوجه النضال.
الحديث عن المواقف السياسيه ووضوحها حديث طويل ولكن ألا تتفق معي في ان البقاء على جانب واحد لفتره طويله غير وارد في اللعبه السياسيه!! حراك العمليه السياسيه وتقلبها بين فينه واخراها يفتح المجال لتغيير الكثير من المواقف وكثيرآ ما اصبح أعداء الأمس حلفاء اليوم.
|
Post: #33
Title: Re: يعني شنو معارضة المعارضة ؟؟
Author: الشيخ سيد أحمد
Date: 04-09-2013, 08:09 AM
Parent: #32
سلام سرالختم
Quote: سلام يا الشيخ سيد أحمد وعساك طيب
ياخ المعارضة دي ما علي قلب رجل واحد وفيها من أقصي اليسار إلي أقصي اليمين .
والمعارضة المعروفة للحكومة دي ياها الأحزاب السياسية المعروفة دي شيوعي أمة شعبي وما إلي ذلك
فإسقاطات البعض هنا ليه الناس تقوم تحملها للمعارضة والمعارضة فعلت والمعارضة عملت والمعارضة سوت
مع العلم إنو المعارضة السودانية لا ضعيفة ولا شئ بس لا قطر لا الغرب راضين عليها ولو كانوا راضين عليها الاتعمل في القذافي ده كان زمان اتعمل في البشير
والشئ الثاني قول المعارضة ضعيفة أها الحل شنو إذا لإنت قلبك عليها ؟؟
نعمل علي مزيد من الإضعاف ليها ولا نحاول الولوج جواها ونصلح حالها ؟؟
تحياتي |
ضعف ما يسمى بالمعارضه يتجلى في قاعدتها التي تتناقص يومآ بعد آخر...عدم وجود ارضية إنطلاق لحوار بناء يعمل على جمع كل الفئات التي تعارض هو الفشل بعينه....لم يلتقي ما يسمى بالمعارضون حول محور واحد على الإطلاق...يجتمعون ثم ينفضوا وكل يحلم بأن يكون هو السيد والرئيس...المصالح الشخصيه هي الغالبه ....بدلآ من أن يتسابقوا في إيجاد مخرج للأزمه التي تعيشها البلاد تجدهم يتدافعون للظهور في شاشات التلفزه في محاولات بائسه للظهور والتشفي....لن تقدم هذه الفئه التي تدعي النضال شيئآ للسودان طالما أن عقليتها أسيرة للأنا والأنا وحدها.
تحياتي.
|
Post: #35
Title: Re: يعني شنو معارضة المعارضة ؟؟
Author: الجنيد حمد
Date: 04-09-2013, 08:40 AM
Parent: #33
تحية طيبة
العزيز /ابوروضة تحياتي واحترامي
اهلنا قالوا
فرق المديدة من العصيدة (هين) دقيق ....؟؟
اها الناس البعارضوا المعارضة ديل
عاملين بقصة عصا نايمة وعصا قائمة
يعني
لو كمبلت هم جمب الميس يردوا
ولما يقرب يتكدوا بحومروها
وتلقاهم شغالين حومرت وهلمجرا ....؟
النصيحة
في ناس خايفين من الجاي
الجاي البساوي بين الناس لا سيد ولا يحزنون
انت وحيلتك واجتهادك وجماهيرك
اها وضع جنس ده بخرب بيوت يذكر فيها السلطان وماكلة لاخرين
وبرضوا الناس ديل امكن راجين الفرج
بس هم مالم عليك الله عشان افهم برضوا
الرسول كان فهمتهم باصي لي فهم معاك
باقي اتلخبت علينا الاختساس
..................................
|
Post: #37
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 08:53 AM
Parent: #32
تحياتي مرة اخرى
الشيخ السيد احمد
| Quote: هل الحياه الإجتماعيه بمنأى عن العمليه السياسيه؟؟ تطبيق الديمقراطيه ليس بمعزل عن الحراك الإجتماعي بإعتباره المساهم الحقيقي في التطبيق للمنهج الديمقراطي.تذكر . |
لو كنت اشكالية الديمقراطية داخل التنظيمات السياسية المعارضة
انا بتفق معاك يتفاوت مستوى الحريات من تنظيم الي اخر ودا برضه راجع لطبيعة بعض التنظيمات السياسية وارتباطها الوثيق بالطايفية دا من جهة
والامر الثاني انعدام الممارسة الديمقراطية نفسها وضعف التجربة الديمقراطية (( الانقلابات العسكرية )) سبب اساس
المحجوب قال وانت سيد العارفين بنتعلم الديمقراطية بمزيد من الديمقراطية
فيما يخص اعداء الامس اصدقاء اليوم
على سبيل المثال انا لا يمكن ان اتصور ان اكون صديقاً لم يؤيد حكم شمولي ونظام على مدى اربعة وعشرين عام كان خصماً على الوطن وانسانه
وان يطبل لهامش حريات فتلعها الشعب السوداني من جلاده اقتلاعاً
ويصفها كأنما هي منحة يقدمها المؤتمر الوطني
ولكن من الممكن اتوافق مع من له قناعة بحمل السلاح
ومن له راي في اليات العمل المعارض دون ان يقوده ذلك الي ابتكار روى وافكار
تساند السلطة
والمنضويين للمؤتمر الوطني
ان ينتج البعض مثل هكذا افكار تحت مسمى معارضة المعارضة
فهذه سقطة يجب ان ينهض من كبوتها من ليس له علاقة بهذه السلطة المجرمة
وعليهم ان يشقوا طريقهم بتنظيم يتجاوز كل ما لا يرضي قناعاتهم
فالوطن ومعارضته ليس رهينة لفرد او تنظيم بعينه
ومن راى غير ذلك فعليه ان يقبل بان ينسبه الاخرين لمنظومة المؤتمر الوطني
دون ان يكدر صفوفه هذا الوصف
ولك احتــــــــــــــــــــــــــــــــــــرامي
|
Post: #36
Title: Re: يعني شنو معارضة المعارضة ؟؟
Author: adil amin
Date: 04-09-2013, 08:48 AM
Parent: #1
Quote: يعني شنو معارضة المعارضة ؟؟
والمعارضين المعارضة ديل ممكن نصنفم شنو يا جماعة
حالمين بوطن تاني يعني
والله الفهم دا راسي فيه تخيين على التخانة الفيه
افيدونا
عن معارضة المعارضة
يرحمكم الله
مع التحييييييييييييييييييييييييييييية |
المؤتمر الوطني= المؤتمر الشعبي+حزب الامة+الحزب الشيوعي= احزاب مركزية لها ماضي مشين وموثق في المركز والهامش
وهم اعادة تدوير وليس تغيير
والاغلبية سنة 2013
هي ان تكون الاغلبية تتبع البرنامج الذى يجعلهم جميعا في وضع تنموي واقتصادي افضل سواء كانو في الاقاليم او المركز
والمعارض للمعارضة ليس بالضرورة يكون مؤيد للمؤتمر الوطني
لكن وصل مرحلة لا عاجبو البنا ولا بالعجن في الطين
وفى برنامج جديد في السودان يغنيك عن كل ما هو مذكور اعلاه
اقرا كتب منصور خالد بتعرفه
|
Post: #38
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 08:58 AM
Parent: #36
Quote:
Re: يعني شنو معارضة المعارضة ؟؟ (Re: الشيخ سيد أحمد)
تحية طيبة
العزيز /ابوروضة تحياتي واحترامي
اهلنا قالوا
فرق المديدة من العصيدة (هين) دقيق ....؟؟
اها الناس البعارضوا المعارضة ديل
عاملين بقصة عصا نايمة وعصا قائمة
يعني
لو كمبلت هم جمب الميس يردوا
ولما يقرب يتكدوا بحومروها
وتلقاهم شغالين حومرت وهلمجرا ....؟
النصيحة
في ناس خايفين من الجاي
الجاي البساوي بين الناس لا سيد ولا يحزنون
انت وحيلتك واجتهادك وجماهيرك
اها وضع جنس ده بخرب بيوت يذكر فيها السلطان وماكلة لاخرين
وبرضوا الناس ديل امكن راجين الفرج
بس هم مالم عليك الله عشان افهم برضوا
الرسول كان فهمتهم باصي لي فهم معاك
باقي اتلخبت علينا الاختساس
.................................. |
صديقي الجميل الجنيد حمد
ليك القومة يا زول يا وهيييط
واهو انحنا ماشين في الدرب البفهمنا
كان نفهم حاجة
المهم في حاصل الحاصل والمتحصل
خليك قريب وارخي اضانك
وممكن كان غلبنا نشتري لينا
فهامات
وسلام
يا زول
يا محترم
|
Post: #40
Title: Re: يعني شنو معارضة المعارضة ؟؟
Author: محمد البشرى الخضر
Date: 04-09-2013, 09:31 AM
Parent: #38
يا عم ابو الروض الكلام لا زال عن الأسافير عموما و البورد دا تحديدا؟ صاح كدا
خلينا نثبت النقطة دي لأنو التعاطي بختلف عن الواقع أكيد! ثبّتناها؟ خير يا قريبك
Quote: الغير مطلوب يا محمد البشرى
ان يدعي البعض بانهم كلتة
غير منتمية للحكومة وتعارض المعارضة
وفي نفس الوقت مواقفها داعمة للحكومة
ولا ترضى ان تصنف ضمن منظومة الكيزان |
اها لا توجد مجموعة تدعي انها كتلة غير منتمية للحكومة وتعارض المعارضة, لو في كدي ورينا ديل منو ووين ومتين ادّعوا كدا
الحاصل كالآتي مناضلي الأسافير مع العجز البنعانيه كلنا بالمناسبة قصاد فعل شي ايجابي ضد الظلم و القهر الواقع على الأرض فعليا استمرأوا النضال الإسفيري المبني على الهتافية و الغاغ غاغ و السـخرية و السباب في حق الحومة ومنتسبيها وزي ما قلت ليك أحيانا السخـرية من الإسلام نفسه يعتبر احد درجات النضال ضد الحكومة
اها استمرؤا الحاصل دا كنوع من المسكّن المريح للضمير نظام عملت العلي و ناضلت خلاص
اها في خضم التخدير دا يجيك صوت يرفض مثلا شتيمة أم أو زوجة الرئيس أو معايرته بالعقم, أو يرفض يهز راسه بطريقة القطيع و يقبل يشتري اي تراش أو هراء مخالف للمنطق أو يسأل عن المصادر أو عديل يسمّي الكذب كذب و البلاهة بلاهة
صوت زي دا بخرب عليك المتعة اللذيذة الوفّرتها ليك جرعة الهتاف و التضامن اليوميّة و الإحساس المريح انك الليلة ادّيت واجبك تجاه بلدك وشعبك بالكم مداخلة شجب و هتاف سقطت وليكم يوم يا اولاد الهرمة .. إلخ
الحل شنو طيّب مع الناس الفقر ديل؟ سمّيهم معارضة معارضة و خدّر رقبتك إنّك كوّيس وشريف و نبيل .. إلخ
لو الناس فكّرت بمنطق شوية و تخلّت عن طريقة التفكير القطيعي دي و نظرت للامر بشكل عقلاني
في البورد دا مثلا من سبب و يسبب أذى للمعارضين واطروحاتهم
من يشكك في عمالتهم للنظام و ذممهم و نزاهتهم
حتلقاهم المحسوبين على المعارضة أنفسهم هم الأكثر و الأشد أذى لرصفائهم - عايز أمثلة و لنكات قول 
|
Post: #43
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 10:46 AM
Parent: #40
العزيز محمد البشرى
هذا ما كتبه ابو روضة
Quote: يعني شنو معارضة المعارضة ؟؟
والمعارضين المعارضة ديل ممكن نصنفم شنو يا جماعة
حالمين بوطن تاني يعني
والله الفهم دا راسي فيه تخيين على التخانة الفيه
افيدونا
عن معارضة المعارضة
يرحمكم الله
مع التحييييييييييييييييييييييييييييية
|
طيب يا محمد دا ما كتبته انت
Quote: يا عم ابو الروض الكلام لا زال عن الأسافير عموما و البورد دا تحديدا؟ صاح كدا
خلينا نثبت النقطة دي لأنو التعاطي بختلف عن الواقع أكيد! ثبّتناها؟ خير يا قريبك
|
السوال هل في كلام ابو روضة ما بخص به هذا المنبر بالتحديد ؟؟؟
ولا عايز تثبت نقطة هي اصلاً جزء من حاصل حاصل
والمجموعة دي موجودة في الاسافير وفي حياتنا اليومية بتجد من يقول ليك المعارضة ما جايبه همها
وياخ الحكومة دي لو مشت البجي منو
ودي معارضة مكيفات
وناس حالمين بالسلطة والمنبر او غيره من الاسافير ليس استثناء بكل تاكيد
في موضوع التعاطي مع الاسافير بختلف من الواقع دي انا ما فهمتها
يعني مثلاً انا اتبنى فكرة نكاية باخرين في الاسافير وفي الواقع يكون لي راي اخر ؟؟؟
ارجو التوضيح
ثانياً
Quote: اها لا توجد مجموعة تدعي انها كتلة غير منتمية للحكومة وتعارض المعارضة, لو في كدي ورينا ديل منو ووين ومتين ادّعوا كدا
|
انت تقول بعدم وجود مثل هذه المجموعة والمشاركين في هذا الطرح يقولون بوجودها وبعضهم يدافع عنها ويذكر اسباب تبنيها لهذا الخط وهذا ينفي
الادعاء بعدم وجودها
اما الامثلة والشخوص في تقديري هذا غير مفيد للطرح ولا بتشريخ الحالة
بقدر ما هو مطلوب
اثبات الحالة وتواجدها في حياتنا اليومية او عبر الاسافير
Quote: الهتافية و الغاغ غاغ و السـخرية و السباب في حق الحومة ومنتسبيها وزي ما قلت ليك أحيانا السخـرية من الإسلام نفسه يعتبر احد درجات النضال ضد الحكومة
اها استمرؤا الحاصل دا كنوع من المسكّن المريح للضمير نظام عملت العلي و ناضلت خلاص
اها في خضم التخدير دا يجيك صوت يرفض مثلا شتيمة أم أو زوجة الرئيس أو معايرته بالعقم, أو يرفض يهز راسه بطريقة القطيع و يقبل يشتري اي تراش أو هراء مخالف للمنطق أو يسأل عن المصادر أو عديل يسمّي الكذب كذب و البلاهة بلاهة
صوت زي دا بخرب عليك المتعة اللذيذة الوفّرتها ليك جرعة الهتاف و التضامن اليوميّة و الإحساس المريح انك الليلة ادّيت واجبك تجاه بلدك وشعبك بالكم مداخلة شجب و هتاف سقطت وليكم يوم يا اولاد الهرمة .. إلخ
|
يا عزيزي محمد البشرى
لم نقل بان السلبيات غير موجودة وبان المعارضة ومنسوبيها منذهين من كل دنس
وبالمقابل هذا لا يدفعني لتبني راي يهدم مسيرة من يتبنون خط لصبح خلاص
الدور العلي عاتقك وعاتق كل من ينظر في عيوب منسوبي المعارضة دور تنويري يرتقي بما هو مفيد
ويقيف ضد كل ما هو متهالك بحسم
وعلى الاقل يا محمد البشرى من يهتف سقطت سقطت يا كيزان حتى لو كان هتاف في غير موضعه
دي قدرته
وفي تصوري
افضل من من يجد نفسه وفي كل ما يطرح متوافقاً مع المنظومة الحاكمة او يصفق لهم
المؤتمرجية
بقرض حرقه مواستثمارهم كيزان على منوال (( مغفل نافع ))
اللهم الا لو كان يقومون به من ادوار برضاء تام وبقناعة تبادل المهام
Quote: في البورد دا مثلا من سبب و يسبب أذى للمعارضين واطروحاتهم
من يشكك في عمالتهم للنظام و ذممهم و نزاهتهم
حتلقاهم المحسوبين على المعارضة أنفسهم هم الأكثر و الأشد أذى لرصفائهم - عايز أمثلة و لنكات قول
|
قد تتبائن وجهات النظر فيما ذهبت اليه بيني وبينك
وهناك بوست مفتوح يتناول هدا الموضوع تحديداً
ولنا في راي من هناك
ولكن الثابت يا محمد البشرى مثل هده التصرفات مرفوضة حتى ولو كانت
اتت في شكل ردود افعال
وهي في الاول والاخير
تحسب على المنسوبة اليه
وليس لشخص اخر او كيان سياسي بعينه او كتلة معارضة
لك خالص التقدير والاحترام وشكراً على تواصل مفيد
|
Post: #39
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 09:21 AM
Parent: #36
Quote: المؤتمر الوطني= المؤتمر الشعبي+حزب الامة+الحزب الشيوعي= احزاب مركزية لها ماضي مشين وموثق في المركز والهامش
وهم اعادة تدوير وليس تغيير
والاغلبية سنة 2013
هي ان تكون الاغلبية تتبع البرنامج الذى يجعلهم جميعا في وضع تنموي واقتصادي افضل سواء كانو في الاقاليم او المركز
والمعارض للمعارضة ليس بالضرورة يكون مؤيد للمؤتمر الوطني
لكن وصل مرحلة لا عاجبو البنا ولا بالعجن في الطين
وفى برنامج جديد في السودان يغنيك عن كل ما هو مذكور اعلاه
اقرا كتب منصور خالد بتعرفه |
انت جبت النجيضة يا عادل
العنده راي فيما هو موجود من تنظيمات بسبب ملاحظات تاريخية
وتراكم اخفاقات على حسب قناعاته
يلا يتكرم لينا بتنظيم جديد يسد عين الشمس زي ما قلنا
على سبيل المثال اهلنا في دار فور لما شافوا التنظيمات دي ما بتعبر عنهم
وما عجبم الحال
ياهو انتجوا تنظيمات وحملوا السلاح مهما يكن الراي في كثرة هده التنظيمات وتمزقها
ولكن في النهاية بتعبر عن راي وبتتبنى قضية عادلة
السوال
وين مجموعة معارضة المعارضة من الحتة دي ؟؟؟
وليه هم منتظرين احزاب عندهم فيها راي اساساً تقدم ليهم شي ؟؟
وليه مواقفم داعمة للحيكومة
خارج السطر
اغلبية الفين وتلتاشر وانتخابات في ظل نظام الانقاذ على ما اعقتد يكفي راي
المراقبين الدوليين فيما ادلوا به من افادات
بان هده الانتخابات لا ترتقي الي مستوى المعايير الدولية
وتحيييييييييييييييييييييييييييييييية
|
Post: #41
Title: Re: يعني شنو معارضة المعارضة ؟؟
Author: عرفات حسين
Date: 04-09-2013, 10:15 AM
Parent: #39
انا مع البديل , والبديل انا معارضو
الاخ
العزيز الفاضل
فرح
عندي شخص عزيز لمن تقول له
انت معارضة المعارضة ,
بقول : انا مع البديل , والبديل انا معارضو
المهم المسخ ده يمشي وياتي بديل
انا مع البديل , والبديل انا معارضو
|
Post: #44
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 10:50 AM
Parent: #41
Quote: انا مع البديل , والبديل انا معارضو
الاخ
العزيز الفاضل
فرح
عندي شخص عزيز لمن تقول له
انت معارضة المعارضة ,
بقول : انا مع البديل , والبديل انا معارضو
المهم المسخ ده يمشي وياتي بديل
انا مع البديل , والبديل انا معارضو |
بالضبط او الربط يا عرفات حسين
المجموعة موجودة وبكثافة
ولك تحيية واسعدني توجدات في هدا البوست
ونعم يدهب كل مسخ
ويبقى البديل
وطن خير ديمقراطي
وتسلم يا الحبيب
|
Post: #42
Title: Re: يعني شنو معارضة المعارضة ؟؟
Author: درديري كباشي
Date: 04-09-2013, 10:17 AM
Parent: #39
ابو روضة كيفك .
معارضة المعارضة هي ليست تنظيم متعمد انما هي ردة فعل ويمكن تمثل غالبية اهل السودان الصامتون والصامدون ..... هؤلاء لو مسكت اي واحد من يده وسألته .. انت راضي عن الحكومة دي .. سيرد ما راضي والله لكن البديل منو ؟؟... كيف ستكون هنالك معارضة حقيقية والمواطن العادي لا يعتبرها بديل ولا يتمنى رجوعها ؟؟
السؤال الثاني : من الذي تسبب في هذا الاحباط لدى الاغلبية الصامته : هي ما يسمى بالمعارضة نفسها ..
ببساطة انظر للحكام الآن وامسكهم من الرئيس الى آخر عضو في البرلمان وحلل انتماءاتهم .. ستجد معظمهم ينتمون لما يعرف بالمعارضة الآن واقرب واحد وزير ا الاعلام والذي هو حاليا بالنسبة للمعارضة تركي اكثر من الاتراك انفسهم ....بل اذا صفيت الترابي وجماعته وغازي وجماعته والسائحون وجماعة قوش ستجد الصافي الباقي هم ناس المعارضة هم ناس نهار ومسار والدقير والميرغنني والمهدي مع العتاولة الباقين من النظام وماسكين بزمام الامور ..
وفي ذات الوقت ان هؤلاء الاغلبية هم مواطنيين عاديين وبسطاء انت لا تستطيع ان تطالبهم بتكوين تنظيم او كيان يضمهم .. حتى يكون هذا الكيان اقوى من المعارضة والنظام ويكون هو البديل الاجدى .. لكن دورك انت كانسان واعي مثقف . ان توجد هذا الكيان وتعيد ثقة الجماهير به .. واقناعهم كذلك انك اذا استلمت السلطة لن تسلمها لهؤلاء الانتاهزيين الذين شبعوا تجارة بمكتسبات الشعب اصحاب سياسة رجل برة ورجل جوة ..
ياخي ابسط شئ كيان يكون له قدرة على انشاء قناة تلفزيونية يستطيع ان يشاهدها المواطن في حجر الطير وحجر العسل وكل حجارة اهلنا الطيبين .. حتى يغسلوا من رؤوسهم الاوهام ويصحوا على الحقيقة
|
Post: #45
Title: Re: يعني شنو معارضة المعارضة ؟؟
Author: محمد البشرى الخضر
Date: 04-09-2013, 11:04 AM
Parent: #42
Quote: السوال هل في كلام ابو روضة ما بخص به هذا المنبر بالتحديد ؟؟؟
ولا عايز تثبت نقطة هي اصلاً جزء من حاصل حاصل |
يا ابو الروض ياخي ما عشان كدا انا سألتك في الأول الموضوع ما عن الأسافير عن المعارضة الحقيقية ومعارضتها كذلك
لكن بعض الاخوان بدا لي انهم بتكلّموا عن الأسافير وردودك ليهن وقعت عندي كذلك
ما علينا طالما الكلام عن المعارضة الحقيقية على الأرض فدا موضوع تاني خالص, عليه ما عليك بكلامي أعلاه إذ أنه ينطبق فقط على نضال و معارضة الأسافير
و يختلف بالتأكيد عن الوضع في الأرض حيث المعارضة الحقيقية اللا فيها لفح صورة أو رابط أو فبركة خبر ولا فيها راجل ملو هدومه بتكلّم عن طلاق فلانة و عقر فلان أو من يكذب بكل قوّة عين و يجد من يطبّل له بعد دا
فا عذرا يا ابو الروض على الخروج برة الموضوع
غايتو كان فتحت بوست تاني بتكلم عن معارضة المعارضة الاسفيرية استصحب مداخلاتي الفاتن معاك فيه
|
Post: #48
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 11:46 AM
Parent: #45
Quote: يا ابو الروض ياخي ما عشان كدا انا سألتك في الأول الموضوع ما عن الأسافير عن المعارضة الحقيقية ومعارضتها كذلك
لكن بعض الاخوان بدا لي انهم بتكلّموا عن الأسافير وردودك ليهن وقعت عندي كذلك
ما علينا طالما الكلام عن المعارضة الحقيقية على الأرض فدا موضوع تاني خالص, عليه ما عليك بكلامي أعلاه إذ أنه ينطبق فقط على نضال و معارضة الأسافير
و يختلف بالتأكيد عن الوضع في الأرض حيث المعارضة الحقيقية اللا فيها لفح صورة أو رابط أو فبركة خبر ولا فيها راجل ملو هدومه بتكلّم عن طلاق فلانة و عقر فلان أو من يكذب بكل قوّة عين و يجد من يطبّل له بعد دا
فا عذرا يا ابو الروض على الخروج برة الموضوع
غايتو كان فتحت بوست تاني بتكلم عن معارضة المعارضة الاسفيرية استصحب مداخلاتي الفاتن معاك فيه |
لووووووووووووووووووووول
يا محمد البشرى
انا قلت ليك المنابر ليس استثناء عشان كدا اتت بعض مشاركات الاعضاء بما فهمت كما الردود
وكلامك يا زول على العين والرأس وما خدنو مادة اساسية في الحوار وردينا عليه بلا تجاهل
ولو ركزت في الجانب التاني برضهه حتلقى ما يشب الرأس
وكما اسلفت لك هو نوع من العنف اللفظي المتبادل نتمنى ان يكف عنه منسوبي المعارضة
اما حكاية الصور واللفح دي
والله يا ود البشرى
الخبر المكدوب بيرد عليه بالصاح
والبلفح ياهو الناس ما قاعدة تقصر معاهو
ولفح المؤتمرجية اكثر بكثير من لفح افراد منسوبيين للمعارضة
وياخ والله دي كلها حاجات مقدور عليها وعين كل عاقل بصيرة
ويبقى القاسم المشترك بينا كلنا الارتقاء بالاداء وتطوير ادوات
العمل المعارض او كما قال درديري كباشي
اما اتخاد خط سالب وهدام
دا الموقف المعيق بعييينه
ولا كيييييييييييييييييييييييييييييييف
وتحيييييييييييييييييييييية تصل لي عندك
خالص الود والاحترام
|
Post: #46
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-09-2013, 11:29 AM
Parent: #42
Quote:
ابو روضة كيفك .
..
وفي ذات الوقت ان هؤلاء الاغلبية هم مواطنيين عاديين وبسطاء انت لا تستطيع ان تطالبهم بتكوين تنظيم او كيان يضمهم .. حتى يكون هذا الكيان اقوى من المعارضة والنظام ويكون هو البديل الاجدى .. لكن دورك انت كانسان واعي مثقف . ان توجد هذا الكيان وتعيد ثقة الجماهير به .. واقناعهم كذلك انك اذا استلمت السلطة لن تسلمها لهؤلاء الانتاهزيين الذين شبعوا تجارة بمكتسبات الشعب اصحاب سياسة رجل برة ورجل جوة ..
لكن دورك انت كانسان واعي مثقف . ان توجد هذا الكيان وتعيد ثقة الجماهير به .. واقناعهم كذلك انك اذا استلمت السلطة لن تسلمها لهؤلاء الانتاهزيين الذين شبعوا تجارة بمكتسبات الشعب اصحاب سياسة رجل برة ورجل جوة ..
ابو الدر الزول الضل
اوفيت وكفى وصلاتي على المصطفى
والبصمة بالعشرة
خالص الود
وتحيييييييييييييييييييييييييييية
|
Post: #47
Title: Re: يعني شنو معارضة المعارضة ؟؟
Author: د.محمد حسن
Date: 04-09-2013, 11:33 AM
Parent: #46
خنسى ضكر
|
Post: #49
Title: Re: يعني شنو معارضة المعارضة ؟؟
Author: احمد التجانى احمد
Date: 04-09-2013, 01:04 PM
Parent: #47
قبل كم يوم كدة يا ابوشتله , جا زميل كتب انه زوجة مدير مكتب الوالى تتسبب فى ازمة اصحاب الركشات فى فداسى بسبب اختفاء مبلغ مالى يخص مدير المكتب , قام جا زميل مناضل بالجوز قال المسالة فيها مدعرة وعلاقه مشبوهة بين المراة وسواق الركشة وبعد شوية جا زميل مناضل ثانى له صلة قرابه مع زوج المدعى عليها واكيد بالزوجة نفسها وبالناعم كدة قال ليهم يا جماعة القصة مغلوطة ولم يفتح الله عليه باى اسلوب ادانه او اى عتاب لزميله المناضل
السؤال (موجه ل ابوشتله)
هل ادانة الزميل المعارض لما اتى به من افك واشانة سمعة المحصنات تعتبر معارضة للمعارضة
هل ادانة الزميل الذى استمرا الكذب على صفحات هذا المنبر وبهتان الزملاء بما ليس فيهم تعتبر معارضة للمعارضة
ما راى الزميل ابوشتله فى وجود الشيخ الترابى فى جسم المعارضه , وهل سيستمر هذا التجانس بينه وبين القوى المعارضة
بعد سقوط الحكومة الحاليه ام انها متطلبات المرحله ورزق اليوم باليوم
بعدين يا ابوشتله الموضوع دة اتسهك من عدد مرات تدويره فى المنبر , قديتونا ياخ
____________________________________________________
تم تحويل المداخله للصفحة الثانيه بعد ان تعمد ابوشتله تجاهلها
انت بتفتح البوستات لاصحابك بس يا ابوشتله ولا الراى شنو؟
|
Post: #50
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 08:39 AM
Parent: #47
برضه فهم يا دكتور
لكن السيدات ينفع ليهم المصطلح دا
وتحييييييييييييييييييييية
|
Post: #51
Title: Re: يعني شنو معارضة المعارضة ؟؟
Author: Kabar
Date: 04-10-2013, 08:52 AM
Parent: #50
|
Post: #53
Title: Re: يعني شنو معارضة المعارضة ؟؟
Author: وليد محمد المبارك
Date: 04-10-2013, 09:03 AM
Parent: #51
طبعا يا ابو روضة البوست ده بوضح عقلية السوداني تماما
وانو كيف بياخد كل الاشيا بـ هلا مريخ وكيف بطبق نظرية الما معانا ضدنا
عشان يجاوبك يلزم توضيح الاتي
1- من هي المعارضة
2- هل هي كيان واحد بمعنى لو عارضت الشعبي مثلا باعتبار انو معارضة اكون عارضت المعارضة
يعني البوست ده بوري تاما انو الكيزان ما اسواء من غيرهم .. نفس الفهم .. الفرق بس في الموضع ..
الناس هنا ما قادرة تستوعب الكيانات ذات المسميات الكبيرة دي لا تؤخذ صم لم كده
وانه ليس بالضرورة ان اكون مختلف مع الحكومة يعني لاذم اكون متفقة مع ( كيان محدد ) بعارضها
لكنها الانانية وضيق الافق والبلادة ..
نفس الملامح والشبه .. لا يختلف كيزان الحكومة عن كيزان من يحتكرون المعارضة عليهم
كلهم ساديين انانيين يعتقدون في انفسهم الكيثر ويظنون ان لهم وصاية على البقية ومن خرج عن دائرتهم فهو العدو
|
Post: #55
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 09:12 AM
Parent: #51
Quote: فرح ... حبابك
انتا كيسك فاضي ،
و المعارضة ما عندها كيس ، ذاتو...!!!!
اها انتا داير تناقاش و تسمع راي تاني ،و لا داير تسمع الكلام البيعجبك؟...
لو اخترت التاني,,
معارضي المعارضة خونة و بطيخ و شنو كده ماعا رف..!!!!
كبر
|
سلام يا استاذ كبر
ياخ انت شخصتني
وعلمت بالانا عايزو
والانا ما عايزو
تاني انا اقول معاك شنو
غير سبحانك علام الغيوب
وعلى كل حال رد متوقع
وتسلم
وتحيييييييييييييييييييييييييييية
|
Post: #52
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 09:02 AM
Parent: #50
معارضي المعارضة هم من يمكن تسميتهم المحايدون وهؤلاء يمثلون غالبية الشعب السوداني
الذي مل من الحكومة وفسادها لكنه في نفس الوقت لا يثق في المعارضة ففضل الحياد .
بعض المعارضين يمتازون بضيق الافق فإما ان تكون معهم او ان تكون ضدهم ويصفوك بأحط الالفاظ و اقبحهها
هؤلاء لا يستحقون الرد فهم السبب الرئيسي في تحييد الشعب.
المعارضة الحقيقية هم هؤلاء المحايدون لان مصلحتهم الوطن
ونهجهم ان يقولوا لمن احسن احسنت ولمن اساء اسأت
لقد ضرب بعض الاخوة هنا امثلة حقيقية لحقيقة المعارضين المزعومين فهم يقولون لمن ينتمي للحكومة اسأت مهما فعل ولمن ينتمي لهم احسنت مهما فعل
انظر حولك في المنبر وستجد هذا الامر جليا جدا .
السودان الان يحتاج لقيادة حقيقية تتقدم الصفوف ولكن هذه القيادة للاسف متوارية حتى الان
وكل الموجود في الساحة هي اشباح ظهرت في وقت اختفت فيه القيادة الحقيقية
وليس بمقدور هذه الاشباح جمع الناس حولها لذا سيظل الغالبية في موقف الحياد او سمهم معارضة المعارضة ان شئت
|
Post: #54
Title: Re: يعني شنو معارضة المعارضة ؟؟
Author: محمد البشرى الخضر
Date: 04-10-2013, 09:09 AM
Parent: #52
WOW
الهجمة المرتدة في الصفحة التانية دي ح تتعبك يا ابو الروض
عايز دعم من ناس سقطت سقطت نشجب نشجب نتضامن نتضامن سريع وإلاّ ح تتنفض بالطريقة دي
|
Post: #58
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 09:23 AM
Parent: #54
Quote: WOW
الهجمة المرتدة في الصفحة التانية دي ح تتعبك يا ابو الروض
عايز دعم من ناس سقطت سقطت نشجب نشجب نتضامن نتضامن سريع وإلاّ ح تتنفض بالطريقة دي |
الحبيب محمد البشرى
صباحك خير يا الحبيب
وياخ والله الحكاية لا عايزه ليها دعم ولا تضامن
والمسالة ما هي هلال مريخ
لكل راي يحترم في حدود ما توجود بها حروفه
وما دونه متروك بلا ضجر
او تانيب من ضمير
وتحيييييييييييييييييييييييييييييية
|
Post: #56
Title: Re: يعني شنو معارضة المعارضة ؟؟
Author: صبري طه
Date: 04-10-2013, 09:14 AM
Parent: #52
أمسك يا ود البُشرى الدعم اللوجستي دا
Quote: معارضي المعارضة هم من يمكن تسميتهم المحايدون وهؤلاء يمثلون غالبية الشعب السوداني
الذي مل من الحكومة وفسادها لكنه في نفس الوقت لا يثق في المعارضة ففضل الحياد .
|
يا محمد صدّيق .. مافي حاجة اسمها حياد .. غالبية الشعب دا بحايد بين منو ومنو ...
يعني شايف ليك صناديق اقتراع ماشة جزء منّها للحكومة وجزء منّها لحزب الأمة وجزء منها للاتحادي وهو في الحتّة دي قال أنا ما حأصوّت لأي صنايق .. وحأحكم نفسي بي نفسي
نفرض قال كلامي دا .. وفاز المؤتمر الوطني براهو كدا ...
في الوضع دا غالبية الشعب السوداني القلت محايد دا .. راضي بحكم المؤتمر الوطني ولاّ لا ...
إذا كان راضي خلاص هو تلقائياً صوّت ليهم من غير ما يصوّت ذاتو ...
وإذا كان غير راضي .. خلاص هو مُعارض لهم ومفروض يبحث إسقاطهم وعن البديل ليهم ...
حتقول لي فرمالة البديل منو ؟
حأقول ليك سيحدّده فور إسقاطهم .. السؤال: في نتيجة بتظهر قبل الامتحان ؟
ـــ
أنا لا أنتمي إلى أيّ حزب سياسي مُعارض أو غير مُعارض ويمكنك تصنيفي مع غالبية الشعب السوداني المذكور أعلاه .. ولا أؤيد نظام المؤتمر الوطني ومعارض له ...
ما رأيك ؟
ـــ
|
Post: #59
Title: Re: يعني شنو معارضة المعارضة ؟؟
Author: محمد البشرى الخضر
Date: 04-10-2013, 09:28 AM
Parent: #56
كان دا ياهو دعمك يا صبري أظن ابو الروض من التمهيدي ح يطير :)
|
Post: #64
Title: Re: يعني شنو معارضة المعارضة ؟؟
Author: صبري طه
Date: 04-10-2013, 10:11 AM
Parent: #59
| Quote: كان دا ياهو دعمك يا صبري أظن ابو الروض من التمهيدي ح يطير :) |
تمهيدي شنو يا ود البشرى ياخ ...
البعض بيشرّق ويغرّب على حسب اختلافو مع بعض المُعارضين .. ويجي يقول ليك المُعارضة خايبة (لاحظ للشر يعم دي) .. يعني عشان ممارسات البعض بيلقوا اللوم على الكل .. ومُش كدا وبس .. كمان الواحد بيجنّد نفسو جندي كيبورد اليوم كلّو وتلقاهو جاري وراء بوستات البعض واصفاً إياها بالمُعارضة الخايبة (ولاحظ اسلوب الجمع تاني) ...
وتقول لي النظام دا بيخدموهوا أكتر من كدا كيف ؟
ــــ
مُش حقّو الناس تنسى الخايبين ويورّونا المُعارضة الرشيدة على أصولها ؟
ــــ
|
Post: #57
Title: Re: يعني شنو معارضة المعارضة ؟؟
Author: adil amin
Date: 04-10-2013, 09:16 AM
Parent: #52
قلت يا ابو روض اهلك في دارفور شالو السلاح لانهم لم يجدو من يمثلهم
ده مش دقيق تماما
في الحزب الفدرالي السوداني/ محمد ابراهيم دريج من 1984 وهو حزب عظيم
وفي حركة تحرير السودان عبدالواحد ويه تشبه برنامج السودان الجديد
د.جون قرنق عنده مقولة انا امثل الاغلبية؟؟
ونحن نقول ان فقهو
كل احزاب المراكز من 1956 رؤيتها عااطلة فشلت في تشخيص ازمة السودان وفشلت في علاجها
والاغلبية والاقلية في الدولة الديموقراطية ماه دين ولا عرق ولا زعيم ولا طائفة
اغلبية برنامج وتكون واعي بالبرنامج
وانتخابات 2010 كانت مربط الفرس وما كان يجب ان ينسحب قطاع الشمال مع االنخبة السودانية وادمان الفشل الامة والشيوعيين
ولحدي هسه البرنامج بالسد عين المشس هو البرنامج الانتخابي لقطاع الشمال 2010 بتاع الانتخابات(الامل9)
فقط ازمة الاعلام الحر تعيق التغيير الجذري في السودان
واهل التشويش من احزاب المركز القديم ايضا
البلم بتاع الديلوكتيك/الشيوعي مع بتاع الابتلاءات وبيوت الاشباح/الشعبي شنو ودي (مثلية سياسية) وكلاهما من نفس المنبع -وافدة من مصر المؤمنة
|
Post: #60
Title: Re: يعني شنو معارضة المعارضة ؟؟
Author: وليد محمد المبارك
Date: 04-10-2013, 09:31 AM
Parent: #57
Quote: قلت يا ابو روض اهلك في دارفور شالو السلاح لانهم لم يجدو من يمثلهم
ده مش دقيق تماما
في الحزب الفدرالي السوداني/ محمد ابراهيم دريج من 1984 وهو حزب عظيم
وفي حركة تحرير السودان عبدالواحد ويه تشبه برنامج السودان الجديد
د.جون قرنق عنده مقولة انا امثل الاغلبية؟؟
ونحن نقول ان فقهو
كل احزاب المراكز من 1956 رؤيتها عااطلة فشلت في تشخيص ازمة السودان وفشلت في علاجها
والاغلبية والاقلية في الدولة الديموقراطية ماه دين ولا عرق ولا زعيم ولا طائفة
اغلبية برنامج وتكون واعي بالبرنامج
وانتخابات 2010 كانت مربط الفرس وما كان يجب ان ينسحب قطاع الشمال مع االنخبة السودانية وادمان الفشل الامة والشيوعيين
ولحدي هسه البرنامج بالسد عين المشس هو البرنامج الانتخابي لقطاع الشمال 2010 بتاع الانتخابات(الامل9)
فقط ازمة الاعلام الحر تعيق التغيير الجذري في السودان
واهل التشويش من احزاب المركز القديم ايضا
البلم بتاع الديلوكتيك/الشيوعي مع بتاع الابتلاءات وبيوت الاشباح/الشعبي شنو ودي (مثلية سياسية) وكلاهما من نفس المنبع -وافدة من مصر المؤمنة |
اهو ده زول بعارض الحكومة وبعاض المعارضة القاصدنها انتو تحديدا ومحتكرنها
حد يقدر يقول عليه كوز
انهم يضيقون واسعا بكل بلاده
|
Post: #63
Title: Re: يعني شنو معارضة المعارضة ؟؟
Author: HAIDER ALZAIN
Date: 04-10-2013, 09:45 AM
Parent: #60
يا ابوروضة سلامات وكيف اخبارك !!
كلامك جميل جدا وبوست في السلك احييك عليه..
أها عشان الامور تكون واضحة وكدة دون غتغتة عاوز اسألك عن شخصيات عشان اعرف هل هؤلاء معارضة!! "" بمعني إني اذا عارضتهم وغلطتهم وحتى لو شتمتهم ..شفت كيف !"
هل هذا بيعني اني بعارض المعارضة؟
الشخصيات بالمنبر هم :
1/ المشبوه هشام هباني ..
2/ المسترزق الكوز محمد سليمان..
3/ الطلشة الشترا تراجي مصطفي..
4/"بعض" جريوات تراجي مصطفي بالمنبر البيصفقو ليها في الصاح والغلط..
5/ "بعض" جلاليب هشام هباني البيلسبها وقت يتزنق في كورنر..
6/ "كل " ما ياتي بخبر كاذب ومفبرك ومضلل وينشره بالمنبر مما ينعكس سلبا على مصداقية الشخص /والموقع
** كل وبعض ديل بنجي ليهم بامثلة برضو بعد تجاوبنا على الثلاثي المرح أعلاه وهل هم تعتبر معارضتهم معارضة معارضة..
خارج المنبر لو بقي في الحياة الواقعية هل تعتبر معارضة هؤلاء الشخصيات معارضة معارضة..
1/ حسن عبد الله الترابي
2/علي الحاج
3/احمد حسين آدم
4/صلاح قوش
5/الصادق المهدي
6/الميرغني وابنه جعفر
7/غازي العتباني - بما حايكون قريباً -
8/اخليل ابراهيم وجريواته من امثال سيف مساعد وباقي الرجرجة
9/عبدالواحد نور وبقية تجار الحروب
ديل برضو من ناس خارج الاسافيـر ( رغم انه مافي شئ اسمها برة الاسافير طالما عندهم انصار وعندهم حبايب بيدافعو عنهم هنا ويتكلموا باسمهم )
هل هؤلاء انت بتعبرهم المعارضة ومعارضتهم تخرج من ملة النضال؟
ولك التحية
ـــــــــــــــ
معليش يآخي قلنا نسالك مباشرة وبالامثلة عشان الامور تكون واضحة .. انت رجل تهدف للاصلاح وتعديل المايل وفي الحالة دي المباشرة بتكون احسن :)
|
Post: #67
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 10:52 AM
Parent: #63
لك التحيية حيدر الزين
Quote: كلامك جميل جدا وبوست في السلك احييك عليه..
أها عشان الامور تكون واضحة وكدة دون غتغتة !" |
ربنا يكفينا شر الغتاتة يا حيدر الزين ويبعد عننا كيد الكائدين
Quote: بمعني إني اذا عارضتهم وغلطتهم وحتى لو شتمتهم ..شفت كيف !"
هل هذا بيعني اني بعارض المعارضة؟
الشخصيات بالمنبر هم :
1/ المشبوه هشام هباني ..
2/ المسترزق الكوز محمد سليمان..
3/ الطلشة الشترا تراجي مصطفي..
4/"بعض" جريوات تراجي مصطفي بالمنبر البيصفقو ليها في الصاح والغلط..
5/ "بعض" جلاليب هشام هباني البيلسبها وقت يتزنق في كورنر..
6/ "كل " ما ياتي بخبر كاذب ومفبرك ومضلل وينشره بالمنبر مما ينعكس سلبا على مصداقية الشخص /والموقع |
بداية
لو ملاحظ يا حيذر الزين انا قلت بانو القضية قضية وطن وليس موقف من شخوص
وقلت ما بنفع يكون في حكومة ومعارضة
ومعارضة المعارضة وقلت المجموعة دي بتتخد مواقف سالبة وفي معظم الحالات مؤئدة للسلطة
وانت ما عليك من الاخرين بقدر ما تهمك مواقفك
في الموقف من الحكم الشمولي
استرداد الديمقراطية
الحق المشروع للشعب السوداني في نضاله ضد هذا النظام المتهالك
اما سوالك عن مجموعة من زملاء المنبر هنا انا اجيبك بصراحة
هشام هباني في رؤيتي المتواضعة زول جدع وود بلد لو ترك الانسياق وراء الشتم والسباب وتصفية الحسابات
من هنا انا بقول ليه بكل صدق يا هشام هباني لك التحية
والبلد محتاجة لكل سطر تكتبه فوفر قلمك وفكرك لما يفيد
واسمو وسامح وتجاوز وليس في ذلك ما يعيب
المحترم محمد سليمان لم يسبق لي شرف حوار معه لذا من غير العادل ان احكم عليه
تراجي مصطفى زولة ليها موقف واضحة من هذا النظام ومن قضايا المهمشين من هنا لها التحية
وهدا لا يعني موافقتنا على كل اطروحات تراجي
واختلافنا معها من الحين للاخر لا يجعلنا نسلبها مواقفها تجاه قضايا الوطن وهامشه
بعض جربوات هشام هباني
والله يا حيدر الزين غايتو انا مرات قاعد اتداخل في بعض بوستات هشام هباني وقد اكون احد هؤلاء الجربويات
اذن لا تعليق
Quote: خارج المنبر لو بقي في الحياة الواقعية هل تعتبر معارضة هؤلاء الشخصيات معارضة معارضة.
4/صلاح قوش
7/غازي العتباني - بما حايكون قريباً -
|
يعني يا حيدر الزين البقفز من السفينة كله ولا بطردوهو من السلطة
او بحاول يتمرد على مشايخته انحنا نديه بصمة بالعشرة ولا شنو
لك التحيييييييييية وتسلم على المرور
|
Post: #61
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 09:33 AM
Parent: #57
Quote: قلت يا ابو روض اهلك في دارفور شالو السلاح لانهم لم يجدو من يمثلهم
ده مش دقيق تماما
في الحزب الفدرالي السوداني من 1984 وهو حزب عظيم
وفي حركة تحرير السودان عبدالواحد ويه تشبه برنامج السودان لجديد
د.جون قرنق عنده مقولة انا امثل الاغلبية؟؟
ونحن نقول ان فقهو
كل احزاب المراكز من 1956 رؤيتها عااطلة فشلت في تشخيص ازمة السودان وفشلت في علاجها
والاغلبية والاقلية في الدولة الديموقراطية ماه دين ولا عرق ولا زعيم ولا طائفة
اغلبية برنامج وتكون واعي بالبرنامج |
المحترم عادل امين
لك التحيية تاني وثالث ورابع
واين عدم الدقة في كلامي
انا قلت في سياق المداخلة يا عادل امين هناك بعض المجموعات حملت السلاح
ولم الغي نضالات الاخرين
وكلها حركات واحزاب اختارت طرق مشروعة للنضال
والمقصود من هذه الجزئية توضيح
بان هؤلاء لم تستكينوا لنظرية
البديل الغير موجود
والمعارضة نائمة في العسل
وغيرها من تبريرات جماعة معارضة المعارضة
بدل شقوا طريقهم في ثبات ويقين بالوصول ففي قناعتهم نفس فكرة فشل احزاب الشمال
التي تتبناها اختلفنا او اتفقنا حولها
فعلوا ذلك لانهم اهل قضية وحق مضام
خالص الود والتقدير
|
Post: #62
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 09:37 AM
Parent: #61
Quote: أنا لا أنتمي إلى أيّ حزب سياسي مُعارض أو غير مُعارض ويمكنك تصنيفي مع غالبية الشعب السوداني المذكور أعلاه .. ولا أؤيد نظام المؤتمر الوطني ومعارض له ...
ما رأيك ؟ |
سلام يا صبري طه
وتسلم على المدد هههههههه
او كما قال محمد البشرى
|
Post: #65
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 10:23 AM
Parent: #62
سلام يا صبري
الناس غير متساويين في فهمهم ونظرتهم للامور
فالعقل الجمعي بيسأل اذا ذهب نظام الانقاذ منو حايكون البديل
والسؤال نابع من معرفة الناس بالمعارضة وقياداتها ماشايفين فيها شخص بيستحق
وده بيدل على انهم متأكدين انو في حالة ذهاب نظام الانقاذ حايجي واحد منهم.
لاحظ انا بتكلم عن العقل الجمعي لانو الغالبية ما حايفهمو ليك حكاية البديل الديمقراطية والكلام ده تقولو للنخبة والمثقفين بس.
و ده سبب كلامي انو الغالبية بقت محايدة والا تفسر شنو كراهية الغالبية للحركات المسحلة بكافة انواعها وعدم تجاوبها مع دعوات المعارضة المتكررة بالخروج للشارع
المعارضة يا حبيب فقدت الدعم داخليا وما لم ينصلح حالها او تظهر كيانات جديدة معبرة عن طموحات الناس حايكون سيناريو التغيير صعب وبطئ غير انو ما حايجي عن طريق المعارضة دي
ولما اقول المعارضة بقصد بيها الاحزاب والكيانات القائمة حاليا وقياداتها بالاضافة للحركات المسلحة
ولا اقصد عموم الناس وكل من يعارض الحكومة فانا نفسي معارض للحكومة والا اكون بعارض نفسي
اذن معارضتنا فقط للقيادات ولكيانات المعارضة في طريقة تعاطيها مع الامور
|
Post: #66
Title: Re: يعني شنو معارضة المعارضة ؟؟
Author: HAIDER ALZAIN
Date: 04-10-2013, 10:40 AM
Parent: #65
Quote:
لاحظ انا بتكلم عن العقل الجمعي لانو الغالبية ما حايفهمو ليك حكاية البديل الديمقراطية والكلام ده تقولو للنخبة والمثقفين بس. |
ماقصرت والله يا محمد صديــق ..
| Quote: المعارضة يا حبيب فقدت الدعم داخليا وما لم ينصلح حالها او تظهر كيانات جديدة معبرة عن طموحات الناس حايكون سيناريو التغيير صعب وبطئ غير انو ما حايجي عن طريق المعارضة دي . |
يا محمد صديق لو سمحت لي..
صاحبنا اللي علي يسار الشاشة دا تبع ياتو كيان؟
|
Post: #68
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 10:59 AM
Parent: #66
Quote: ماقصرت والله يا محمد صديــق ..
|
الشينة منكورة
ما ياهو الواقع جبت حاجة من عندي انا
Quote: يا محمد صديق لو سمحت لي..
صاحبنا اللي علي يسار الشاشة دا تبع ياتو كيان؟ |
صاحبنا منو؟!
انت قاعد بالقلبة ولا شنو
استعدل
استعدل
|
Post: #69
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 11:00 AM
Parent: #66
| Quote: لاحظ انا بتكلم عن العقل الجمعي لانو الغالبية ما حايفهمو ليك حكاية البديل الديمقراطية والكلام ده تقولو للنخبة والمثقفين بس. |
طيب المثقف لو كان محبط وموئد في مواقفه للنظام
وبرى انو مافي بديل
والمعارضة سجم
العقل الجمعي دا يستنير كيف ؟؟؟؟؟
وكما قال درديري كباشي واجب المثقف دور تنويري وارتقاء
والكل يعمل حسب طاقته ومجهوده
اما ان اوظف نفسي للهدم والتشكيك في الاخرين
بدعوى انا لا عا########ي المعارضة ولا الحكومة
دا كلام ما مظبوط
لانو بامكان كل فرد منا ان يعمل حتى من خارج هذه التنظيمات السياسية
|
Post: #74
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 11:14 AM
Parent: #69
Quote: طيب المثقف لو كان محبط وموئد في مواقفه للنظام
وبرى انو مافي بديل
والمعارضة سجم
العقل الجمعي دا يستنير كيف ؟؟؟؟؟
وكما قال درديري كباشي واجب المثقف دور تنويري وارتقاء
والكل يعمل حسب طاقته ومجهوده
اما ان اوظف نفسي للهدم والتشكيك في الاخرين
بدعوى انا لا عاجبــانـي المعارضة ولا الحكومة
دا كلام ما مظبوط
لانو بامكان كل فرد منا ان يعمل حتى من خارج هذه التنظيمات السياسية |
معاك يا ابو روضة انو دور المثقف اكبر من مجرد الاكتفاء بالكلام والانتقاد بس
وانو لازم يكون في حراك فعلي وشغل جاد في سبيل التغيير
بس في نفس الوقت لازم نعترف بحق الناس في انتقاد المعارضة وعدم اعترافهم بها ممثل لهم
وحقهم في ان يكون لهم كيان خاص يمثلهم
وعدم وجود هذا الكيان حتى الان لا يعني انه يجب على هؤلاء عدم انتقاد المعارضة ومعارضة افعالها وتوجهاتها
|
Post: #70
Title: Re: يعني شنو معارضة المعارضة ؟؟
Author: سرالختم عباس
Date: 04-10-2013, 11:05 AM
Parent: #66
Quote:
يا ابوروضة سلامات وكيف اخبارك !!
كلامك جميل جدا وبوست في السلك احييك عليه..
أها عشان الامور تكون واضحة وكدة دون غتغتة عاوز اسألك عن شخصيات عشان اعرف هل هؤلاء معارضة!! "" بمعني إني اذا عارضتهم وغلطتهم وحتى لو شتمتهم ..شفت كيف !"
هل هذا بيعني اني بعارض المعارضة؟
الشخصيات بالمنبر هم :
1/ المشبوه هشام هباني ..
2/ المسترزق الكوز محمد سليمان..
3/ الطلشة الشترا تراجي مصطفي..
4/"بعض" جريوات تراجي مصطفي بالمنبر البيصفقو ليها في الصاح والغلط..
5/ "بعض" جلاليب هشام هباني البيلسبها وقت يتزنق في كورنر..
6/ "كل " ما ياتي بخبر كاذب ومفبرك ومضلل وينشره بالمنبر مما ينعكس سلبا على مصداقية الشخص /والموقع
** كل وبعض ديل بنجي ليهم بامثلة برضو بعد تجاوبنا على الثلاثي المرح أعلاه وهل هم تعتبر معارضتهم معارضة معارضة..
خارج المنبر لو بقي في الحياة الواقعية هل تعتبر معارضة هؤلاء الشخصيات معارضة معارضة..
1/ حسن عبد الله الترابي
2/علي الحاج
3/احمد حسين آدم
4/صلاح قوش
5/الصادق المهدي
6/الميرغني وابنه جعفر
7/غازي العتباني - بما حايكون قريباً -
8/اخليل ابراهيم وجريواته من امثال سيف مساعد وباقي الرجرجة
9/عبدالواحد نور وبقية تجار الحروب
ديل برضو من ناس خارج الاسافيـر ( رغم انه مافي شئ اسمها برة الاسافير طالما عندهم انصار وعندهم حبايب بيدافعو عنهم هنا ويتكلموا باسمهم )
هل هؤلاء انت بتعبرهم المعارضة ومعارضتهم تخرج من ملة النضال؟
ولك التحية
ـــــــــــــــ
معليش يآخي قلنا نسالك مباشرة وبالامثلة عشان الامور تكون واضحة .. انت رجل تهدف للاصلاح وتعديل المايل وفي الحالة دي المباشرة بتكون احسن :) |
سلام يا حيدر الزين
هو الزول ذاتو البيعارض المعارضة من أجل اشخاص ده خليهو الليعارض ساي
اها يعني المعارضة عشان فيها اكس أو زد من الناس نحنا نعارضها ؟؟
الزول البيترك قضاياهو وقضايا شعبو عشان يتفرق لي ملاحقة ومساككة زول ده ذاتو ما جدير يتكلم عن هموم ومشاكل الغير
الزول الما عندو قضية ولا مظلمة وبيعارض في فلان ولا علان المعارض ليها شنو
رغم يقيني أن الفئة المعنية في هذا البوست لا تستهدف الشخصيات المذكورة وحدها بل تصيب سهامها كل من يعارض النظام ونموذج عرفات حسين
جديد كرت عايزين طوالي يتلحوا
أضف الي ذلك مواقفهم في معارضة النظام باهتة أو حاجة كده غتغتة وش يعني نظام نحنا برضو معارضين لكن ما عاجبنا حال المعارضة
غايتو الخلاصة الشايفها أنا إنو الناس دي ما عندها أي رؤية تنطلق منها وهم ناس تائهين ساي وعايزين يثبتوا وجودهم بي خالف تذكر
وكتبت فوق انو هم ما كيزان ومتيقن تماما انو ما مستفيدين من النظام ولا شي بس الشغلة مكاواة ساي مع إدعاء الشفتنه وانو الاولاد جاغمنها
ومقددنها وهو الواحد فيهم قضيتو شنو مشكلتو شنو مع منو وعايز شنو ما عارف ويقول ليك انا ود قلبا وصعلوق الاسافير .
تحياتي
|
Post: #72
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 11:13 AM
Parent: #70
الجميل سر الختم
خالص الود والاحترام
|
Post: #73
Title: Re: يعني شنو معارضة المعارضة ؟؟
Author: HAIDER ALZAIN
Date: 04-10-2013, 11:14 AM
Parent: #70
سلامات يا سر الختم عباس .. ومرحب بيك..
| Quote: رغم يقيني أن الفئة المعنية في هذا البوست لا تستهدف الشخصيات المذكورة |
دا المطلوب من هذا البوست.. من هي الفئة المقصودة التي يستهدفها هذا البوست..
المباشرة يا سر الختم عباس المباشرة هي اهم شئ في العمل الإصلاحي التنويري.. اليس كذلك..!
أما يا حبيب حول قولك :
Quote: هو الزول ذاتو البيعارض المعارضة من أجل اشخاص ده خليهو الليعارض ساي
اها يعني المعارضة عشان فيها اكس أو زد من الناس نحنا نعارضها ؟؟ |
فأرجو انك تعيد قراءة مداخلتي تااااني مرة وتشوف انا جبت الامثلة بالاشخاص ديل عشان شنو..
ــــــــــــــــــــــــــــــــ..
اسمعني كان ما فهمت او ماعرفت واستغلق عليك شئ اسأل محمد صديق*
محمد صديق دا بتلقاهو مكتوب بالانجليزي وهو البيتكلم عن الكيانات الجديدة والنخبة ومعلق صورة الترابي " يسار " الشاشة في بروفايلو
( ما تحت الخط امزح ماك ما تتحسس )
|
Post: #75
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 11:24 AM
Parent: #73
Quote: اسمعني كان ما فهمت او ماعرفت واستغلق عليك شئ اسأل محمد صديق*
محمد صديق دا بتلقاهو مكتوب بالانجليزي وهو البيتكلم عن الكيانات الجديدة والنخبة ومعلق صورة الترابي " يسار " الشاشة في بروفايلو
|
انا قايلك بتفهما طايرة لكن طلعت وارقو ساي
نشرحها ليك بالطريقة البله جابرية ما مشكلة
باقيلك الترابي ده لو كان اصغر بعشرين سنة ما كان جهجه ليك باكات المعارضة و الحكومة الاتنين
الزول ده العمر خاينو بس
فعلا معارضة عجز فيها الترابي يتضرع فيها عرمان
ثم ثانيا انت مصر علي يسار الشاشة دي
ياخ
استعدل
استعدل
|
Post: #78
Title: Re: يعني شنو معارضة المعارضة ؟؟
Author: سرالختم عباس
Date: 04-10-2013, 11:46 AM
Parent: #73
سلام يا حيدر
اول شي مافي اي تحسس ياخ امزح ساي
الشئ الثاني الفئة المذكورة دي يا حيدر بدأتها شخصية ثم اتجهت بعد داك لمعارضة المعارضة بس كده سااااااي نظام انتصارات ذاتية
وزي ما قلت ليكم هم ناس تايهين يعني لا موقف لا ارتكاز فكري ولا هدف
ناس لقت الباس وورد ده وهاك يا طقطقه فلان داك رشو علان داك بلو
انا شخصيا شايف انو الناس ما مفروض تنزعج منهم هي محض مشاغبة وهم بالتأكيد ما من ذوي الوزن الثقيل
بعدين من كثرة تبييضهم أضحوا في محل التجاوز
بعدين يا حيدر انا ما فهمت حتة ممكن تفهمني ليها يعني عشان المعارضة فيها الترابي او هشام هباني أو أي من الذين ذكرتهم
نحنا نقعد نشتغل في الخط البيخدم الحكومة ونترك قضايانا ؟؟
ستين الف مرة ذكر هنا انو المعارضة ما علي قلب رجل واحد ومعروف عن اي معارضة نظام في الغالب لا تحمل لونية واحدة
اها الناس ديل إذا هم معارضين للنظام كما يدعوا خليهم يركبوا أي من الخطوط المعارضة بدل تفرغهم لمساككة المعارضين
وفي يقيني ان مقارعة النظام هي المفروض تكون ليها الأولوية عوضا عن مساككة ضحايا النظام ده طبعا للزول اللي هو معارض .
تحياتي
|
Post: #71
Title: Re: يعني شنو معارضة المعارضة ؟؟
Author: HAIDER ALZAIN
Date: 04-10-2013, 11:06 AM
Parent: #66
يا فرح ولك التحية..
يآخي ما تخمني ساكت الله يرضي عليك.. انت فاتح بوست عن معارضة المعارضة وأنا سألتك كالتالي:
Quote: عاوز اسألك عن شخصيات عشان اعرف هل هؤلاء معارضة!! "" بمعني إني اذا عارضتهم وغلطتهم وحتى لو شتمتهم ..شفت كيف !"
هل هذا بيعني اني بعارض المعارضة؟ |
ما ممكن تجاوبني بمقطوعة عن انطباعك الخاص عن الشخصيات دي..
انا ما سألتك عن الشخصيات انا سألتك عن رؤيتك في من يعارضهم هل خرج من ملة المعارضة ودخل في ملة معارضة المعارضة أم كيف؟
وياريت تعلل وتذكر السبب إذا " دخل " وإذا " خرج "
معليش طول بالك معاي يا فرح الهدف هو الإصلاح ووضع الامور في نصابها .. والا كيف؟
بعدين يا حبيب اللستة بتاعت أرض الواقع / لاني شايفك قلت لاحد الزملاء هنا انك لاتتحدث عن الاسافير فقلنا نخت ليك اسافير وبرة اسافير..
المهم اللستة بتاعت برة الاسفير كانت كالتالي:
Quote: خارج المنبر لو بقي في الحياة الواقعية هل تعتبر معارضة هؤلاء الشخصيات معارضة معارضة..
1/ حسن عبد الله الترابي
2/علي الحاج
3/احمد حسين آدم
4/صلاح قوش
5/الصادق المهدي
6/الميرغني وابنه جعفر
7/غازي العتباني - بما حايكون قريباً -
8/اخليل ابراهيم وجريواته من امثال سيف مساعد وباقي الرجرجة
9/عبدالواحد نور وبقية تجار الحروب |
قدرة الله لقيتك شفتها بس 4 و 7
شنو يا فرح يآخي صلح النضارة..
|
Post: #76
Title: Re: يعني شنو معارضة المعارضة ؟؟
Author: صبري طه
Date: 04-10-2013, 11:33 AM
Parent: #71
وعليكم السلام يا محمد ...
ويا نهار مُش فايت على بعضو .. شنو الكلام الكُبار كُبار دا .. وجمعي وفردي ونظرية ذات الحدّين ياخ ؟!
Quote: محمد صديق كتب: الناس غير متساويين في فهمهم ونظرتهم للامور
فالعقل الجمعي بيسأل اذا ذهب نظام الانقاذ منو حايكون البديل
والسؤال نابع من معرفة الناس بالمعارضة وقياداتها ماشايفين فيها شخص بيستحق
وده بيدل على انهم متأكدين انو في حالة ذهاب نظام الانقاذ حايجي واحد منهم.
لاحظ انا بتكلم عن العقل الجمعي لانو الغالبية ما حايفهمو ليك حكاية البديل الديمقراطية والكلام ده تقولو للنخبة والمثقفين بس.
و ده سبب كلامي انو الغالبية بقت محايدة والا تفسر شنو كراهية الغالبية للحركات المسحلة بكافة انواعها وعدم تجاوبها مع دعوات المعارضة المتكررة بالخروج للشارع
المعارضة يا حبيب فقدت الدعم داخليا وما لم ينصلح حالها او تظهر كيانات جديدة معبرة عن طموحات الناس حايكون سيناريو التغيير صعب وبطئ غير انو ما حايجي عن طريق المعارضة دي
ولما اقول المعارضة بقصد بيها الاحزاب والكيانات القائمة حاليا وقياداتها بالاضافة للحركات المسلحة
ولا اقصد عموم الناس وكل من يعارض الحكومة فانا نفسي معارض للحكومة والا اكون بعارض نفسي
اذن معارضتنا فقط للقيادات ولكيانات المعارضة في طريقة تعاطيها مع الامور |
يا محمد صديق .. دقيقة ياخ .. وجمعي شنو كمان ...
أنا القدّامك دا ورغم صُغر سني وقتها خرجت ضد حكومة الصادق ما قبل الإنقاذ .. وخرجت مؤيداً كما الكثيرين للبشير عقب الانقلاب مُباشرة ...
إذاً بتبقى المُشكلة شنو ؟
المُشكلة هي في كيف تحكم وبماذا تحكم ونتاج حُكمك .. وليس فيمن يحكم يا محمد أخوي .. ومُشكلة الإنقاذ اتضح أنها فقط استأثرت بالسلطة لحزب من بقية الأحزاب له برنامج آيدولوجي معروف للكل .. ويا ليته استئثار للحكم فقط .. يا عزيزي ديل مشروعهم يقلبوا كل البلد كيزان .. مشروع حضاري وجهاد ضد أبناء الوطن الواحد .. وشنو ما عارف وهلمّجرا ...
وفي زول قال ليك الشعب الفضل ما عايز يغيّر النظام عشان عارف اللي حيجي منو ولاّ دي حشرتها ضمنياً داخل كلامك وخايف تقولها عديل كدا ؟
أتحدّاك تعمل استطلاع عشوائي في عينة عشوائية محل ما تقبّل لو جات النتيجة بأفضلية بقاء النظام على ذهابه حتى ولو اتى الشيطان ذات نفسو .. (يا عزيزي لو عندك وجع ضرس .. حتقلعو ولاّ حتسأل البديل منو ؟)
ثمّ ثانياً يا عزيزي .. لنفترض أنّ أغلب الشعب السوداني طائفي وأتى بحزب الأمة مثلاً بأغلبية ساحقة .. أها يا اللخو هنا المُشكلة شنو ؟ مُش في النهاية ديمقراطية وحكم الشعب لنفسه .. أنا بقول ليك الكلام دا وما مُقتنع بالأحزاب الطائفية البتّة .. لكن إذا الغالبية عايزة كدا حنعمل شنو غير إنّو نطالب بحفظ حقوق الأقلّية من خلال بيئة ديمقراطية ...
صدّقني يا صديق .. كلامك الفوق دا هو اللي بيطوّل عُمر النظام ...
|
Post: #77
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 11:43 AM
Parent: #76
هلا بيك صبري
انا ما قلت انو الشعب بيتمنى بقاء النظام لو لاحظت في اول رد لي قلت انو الغالبية في موقف الحياد والمعارضة عاجزة عن كسبهم لصفها
وعاجزة عن اقناعهم باحقيتها وقدرتها على قيادة البلد
اعلم ان الغالبية العظمى تتمنى ذهاب النظام
لكن السؤال هو هل
الجميع على استعداد للعمل لازالة هذا النظام؟
سؤال البديل هو سؤال حقيقي ويجب التعامل معه والاجابة عليه
هنالك مشكلة قيادات في السودان هذا الامر كتبت عنه في مواضيع منفصلة
نحن نعاني من انعدام القيادات في كافة المجالات
والاحزاب تفتقر للرؤية الواضحة .
النظام الذي يطيل عمره هي الظروف الراهنة وليس حديثي او حديث غيري
النظام لن يزول بمجرد تضامني وغيري مع احزاب المعارضة وكياناتها
فانا تجدني مثلا داعما للحركات الشبابية وصفحاتها في الفيس لان ما تقوم به هذه الحركات اكبر مما تقوم به الاحزاب مجتمعة
فقد نجحت في جذب الكثير من الشباب لصفوف المعارضة ونجحت في توعيتهم
واذا قامت الاحزاب بدورها على اكمل وجه لما حكمتنا الانقاذ كل هذا الوقت
نحن ندعم العمل المعارض ولكننا لا نقدس كيانات المعارضة بل ننتقدها املا في ان ينصلح حالها.
تحياتي ليك يا غالي
|
Post: #80
Title: Re: يعني شنو معارضة المعارضة ؟؟
Author: د.نجاة محمود
Date: 04-10-2013, 12:00 PM
Parent: #77
بوست عالي التشفير
انت قاصد معارضة المعارضة في المنبر موش؟!!!
لانه لا يوجد معارضة للمعارضة خارج المنابر
انا شخصيا معارضة مضادة وما كوزة ولو كنت كوزة كنت جيت سوطتا ليكم عيونكم
وقلت ليكم كوزة حيث الانتماء اختيار ما مرض جلدي لا احترم الا قلة قليلة من معارضين النظام
واحتقر البقية شديد خاصة الاغبياء منهم
لو المعارضة ياها المطروحة هنا اخير عدم الثورة والتغيير
الشعب بستحق بديل محترم موش احمد وحاج احمد
نايف المسكين بطل خوفك دا وخلي المطاعنات
انا حرة اعادي من اعادي واحب من احب بدون وصايا
تمبس وحات نضري الناس دي حتلبسك نوط الكوزنة والامنجية ولن يشفع ليك تاريخك الطلابي
لانه شعبة الفبركة في المعارضة ممكن تعمل ليك تأريخ من مافي
|
Post: #82
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 12:27 PM
Parent: #71
Quote:
قدرة الله لقيتك شفتها بس 4 و 7
شنو يا فرح يآخي صلح النضارة..[/QUOTE
يا حيدر الزين النضارة مركبة
والرد شافي وافي لو اردت الاستنتاج
مع التحييييييييييييييييييييييييية
|
Post: #79
Title: Re: يعني شنو معارضة المعارضة ؟؟
Author: Kabar
Date: 04-10-2013, 11:48 AM
Parent: #66
|
Post: #83
Title: Re: يعني شنو معارضة المعارضة ؟؟
Author: سرالختم عباس
Date: 04-10-2013, 12:28 PM
Parent: #81
Quote:
و ان كنت تبغى اسقاط النظام يا اخا المعارضة ، فالنظام سيسقطه ليك ناس كبر و محمد البشرى و تمبس و عبد الماجد الصائم ديل، و عشان تصدق يا فرح الطاهر ابوروضة.. من اللحظة دي و بنديك شهر.. خلي كل الأحزاب الحايمة دي تجي تكتب اقرار في المنبر ده و تقول الروووب عدييل...و ح نسقط ليك النظام ده في تلاتة ساعات فقط ( و الله صحي)...!!!! |
سلام يا كبر
طيب ما تسقطوه راجين شنو وهي الأحزاب دي ذاتها ما دام شايف انها ما نافعها داير بي روبها شنو
عاجبك حال الشعب السوداني الفضل ده ولا شنو
|
Post: #89
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 01:40 PM
Parent: #81
Quote:
نطريتي في معارضة المعارضة تجدها في هذا ابوست
المناضل المضاد.. لعناية جارلس دينق |
دكتورة نجاة لك التحيية
شكراً على اهدائي نظريتك
ويجعلنا من الناس الكلهم نظر
والعقل الراشد للتنظير
ولو المولى هون
ينتظر ويفاد
مع التقــــــــــــــــــــــــــــدير
|
Post: #84
Title: Re: يعني شنو معارضة المعارضة ؟؟
Author: HAIDER ALZAIN
Date: 04-10-2013, 01:01 PM
Parent: #79
سلام تاني يا سر الختم عباس..
جيتني في النضمي رغم إنك بتقول " الفئة المذكورة " والفئة ليست مذكورة ..! مشفرة يعني.. ما علينا
Quote: انا شخصيا شايف انو الناس ما مفروض تنزعج منهم هي محض مشاغبة وهم بالتأكيد ما من ذوي الوزن الثقيل
بعدين من كثرة تبييضهم أضحوا في محل التجاوز |
محض مشاغبة وينبغي تجاوزهم وكدة.. وبوست طويل عريض مفتوح ليهم.. دا غير كمينات البوستات الفي الارشيفات والمكتبات؟
المهم برضو ما علينا خلينا في النقطة الخلتني ارد ليك وهي:
| Quote: بعدين يا حيدر انا ما فهمت حتة ممكن تفهمني ليها يعني عشان المعارضة فيها الترابي او هشام هباني أو أي من الذين ذكرتهم نحنا نقعد نشتغل في الخط البيخدم الحكومة ونترك قضايانا ؟؟ |
وامسك معاه برضو المقتبس دا لانهم بيتناقشن الاتنين دون معزل :
| Quote: ستين الف مرة ذكر هنا انو المعارضة ما علي قلب رجل واحد ومعروف عن اي معارضة نظام في الغالب لا تحمل لونية واحدة اها الناس ديل إذا هم معارضين للنظام كما يدعوا خليهم يركبوا أي من الخطوط المعارضة بدل تفرغهم لمساككة المعارضين |
يا سر الختم سؤال خلينا نفرز الكلام من هنا / كتير من الناس بتجي تقول ليك المعارضة ليست على قلب رجل واحد .. اوكي!!
وتقول ليك الترابي او هشام هباني لا يمثل المعارضة .. اوكي !!
يكضب هباني ويتباذئ ويقل ادبه وما يخلى زول في حاله وهو لا يخدم خط المعارضة بل يُحسب انه في الطريق الذي يخدم " قضايانا " مش؟
.. ويقلب الترابي الحكومة ويسلمها للعساكر ويدور حرب الجنوب وهو على راس السلطة ويتسبب في مشكلة دارفور وهو في راس السلطة وابليس عصره .. ثم ينقلب عليه تلاميذه ويقوم جاري يجي للناس القلب حكومتهم الشرعية ويباركهوهو ويبقي قائد معارضة يخدم " قضايانا" مش؟
يجي واحد يقول هباني كضااااااااب وبذئ وقليل ادب وكلامه خادش و "بيدعي " انه بيتكلم باسم المعارضة ويوزع صكوك النضال بيجيك البيقول ليك المعارضة ليست على قلب رجل واحد..
كويس يجي يشتم او يكضب او يسئ لزيد او عبيد من الناس يجي زيد او عبيد دا يسكه ويشتمه ويقول ليهو انت بتكضب وتسئ مالك.. يجيك واحد يقول ليك انت بتسك هباني ليه وشاغله عن قضاياهو الوطنية العظيمة انت كدة بتخدم " خط الحكومة " ..
اقول ليهو أه أه ووينها قضاياهو الوطنية العظيمة التي بيخدمها؟ بالكضب والتلفيق والاساءة والنبذ والتشهير والدعـــارة الفكريــة التي يمارسها وتشويه صورة المعارضة..
يرجع يقول ليك المعارضة ليست على قلب رجل واحد 
أها انت قلت أي معارضة للنظام لا تحمل لونيــة واحدة صاح؟
الالوان التانيــة دي شنو .. هل هي الكضب والتلفيــق والتزويــر والبذاءة والإفتراء على الناس والا شنو؟
لانه هشام هباني و" كمييين " اسم هنا لا تمثل الا هذه اللونية ولا خط لهم الا هذا الخط الغارق في البذاءة والنبذ والكضب والتلفيق.. هل هذه لونية معتمدة للنضال؟
طبعاً حا يجي واحد يقول ليك انا قابلت فلان الفلاني الكضاب والمزوراتي والملفق وهو زول كويس جدا على المستوى الشخصي وزول ممتاز وصادق ولو عرفتو كان حبيتو..!
زي حبيبنا فرح ابو روضة يقول هباني انسان وطني وغيور وزول كويس بس عيبه بيشتم وينبذ .. طيب في زول سكوهو هنا او سألوهو وهو قاعد في حاله؟
في زول هنا سالوهو او سكوهو عشان هو اكال والا ما بيدفع شيرنق والا بينوم بالسفة؟
طيب قضايانا دي هل حا نخدمها بهذا الأسلوب؟
هل اذا قام هباني / وامثاله.. بالوقوف حراس على بوابة المعارضة واصبحو يصنفوا في الناس دا معارض ودا عميل ودا كوز ودا امنجي واقبض دا عنصري واخنق دا ذيل كيزان وهكذا..الخ
بيعتبر تصنيفهم دا هو المقياس .. ودي لونية معتبرة شرعاً للمعارضة؟
طيب اذا كنت بسعي لبديل للعصابة الحاكمة في السودان وقدامي النموذج الهباني ومن يشاكله وهو " يدعي " انه شرعي وعاوز يحكم ولم تعجبني هذه الاساليب الملتوية في محاربة العصابة
وقمت حاربته هو نفسه حتى لا يعتقد ان له الحق الشرعي في سلطة تمثل لونيته هذا هل اصبح مخطئاً ..؟
الا يُعتبر رفضي للكذب والتدليس والمآكلة باسم النضال والمعارضة والبذاءة باسم العمل المناضل أيضاً لونية من لونيات المعارضة؟
الا يحق لي " طالما انك قلت انه من المعروف ان معارضة النظام لا تحمل لونية واحدة .. الا يحق لي ان احمل اللونية التي اراها ..؟
ماهو النظام اساساً هل يُقرر ان احد يقوم بخدمة خطه بينما الاخر يسعي لإسقاطه..!
هل اسقط اشخاص من نظام معين لآتي بأشخاص آخرين يقودوا نفس النظام او نظام شبيه له..
يعني هل اغير الأشخاص وأبقي على النظام والا كيف؟
عموما هي استفسارات عامة يا حبيبنا سر الختم عباس .. خذ منها ما يعجبك ولياخذ ابوروضة ما يعجبه وكل القراء لهم اخذ ما يردونه..
فقط لتبقي انه قصة معارضة المعارضة دي مافي..
في شئ اسمه معارضة اشخاص كاذبون وبذيئون وملفقون وهم من يريدون ان يصوروا الأمر كان معارضتهم ومعارضة اساليبهم وافتراءاتهم والتصدي لهم هي معارضة للمعارضة
وبهذا يريدون ان يصوروا انفسهم كحراس لبوابة النضال والمعارضة يدخلون عبرها من يرضوا عنه ويخرجون من لا يرضوا عنه..
كان ليهم .. وهيهات.. لانه في تشاشات مفتوحة باسم النضال بيتعيش منها ناس على حساب ابو روضة المسكين دا ولازم تنقفل..
تحياتي
|
Post: #85
Title: Re: يعني شنو معارضة المعارضة ؟؟
Author: HAIDER ALZAIN
Date: 04-10-2013, 01:07 PM
Parent: #84
Quote: يا حيدر الزين النضارة مركبة
والرد شافي وافي لو اردت الاستنتاج |
استنتج ليه يعني؟
قالو لك انا فكي والا بخط ربل..
9 اسماء مرصوصة تحت بعض..
انت فتحت اقتباس ومسحت من واحد لي تلاتة ونزلت الرابع
وسحت خمسة وستة ونزلت سبعة..
ومسحت الاتنين الباقيات وقفلت الاقتباس
انت ما تقول بااااص بس وخلاس مالها باص عيبها لي وقت الورق يبقي كعب ..
ارميها في الزميل ياعمك يا سيكك وشالها يا مرقك
ـــــــــــــــــــ
التعديل اتذكرت :)
اسأل محمد صديق حبيبنا دا .. قبل كدة الزميل اداهو سيك في قبولوا لمن ورقه طقطق .. بس السمحة كان قبول الزميل وشيلها الزميل
رغم انه محمد صديق سمي ليهو مربوطة لكن برضو ملصها في الزميل بي حرفنة ههههه
|
Post: #87
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 01:40 PM
Parent: #85
حذف للتكرار
|
Post: #88
Title: Re: يعني شنو معارضة المعارضة ؟؟
Author: Mohammed Sedeq
Date: 04-10-2013, 01:40 PM
Parent: #85
Quote: التعديل اتذكرت :)
اسأل محمد صديق حبيبنا دا .. قبل كدة الزميل اداهو سيك في قبولوا لمن ورقه طقطق .. بس السمحة كان قبول الزميل وشيلها الزميل
رغم انه محمد صديق سمي ليهو مربوطة لكن برضو ملصها في الزميل بي حرفنة ههههه |
السيك خليه انت عارف انا من قبيل بقول ليك استعدل
قلت كدي اشوف حيدر ده يساره ده عكس ولا الشاشة مالها معكوسة عنده
اها قلت اقعد ذي الشاشة لقيت ليك الصورة يساري صدق
ذكرتني واحد في منتدى منزل ليه صورة وفيها بت مديه الكاميرا ضهرها
واحد قال ليه والله قدر ما قلبت الجهاز عشان اشوف وش البت دي ما قدرت
|
Post: #90
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 05:00 PM
Parent: #85
Quote: استنتج ليه يعني؟
قالو لك انا فكي والا بخط ربل..
9 اسماء مرصوصة تحت بعض..
انت فتحت اقتباس ومسحت من واحد لي تلاتة ونزلت الرابع
وسحت خمسة وستة ونزلت سبعة..
ومسحت الاتنين الباقيات وقفلت الاقتباس
انت ما تقول بااااص بس وخلاس مالها باص عيبها لي وقت الورق يبقي كعب ..
ارميها في الزميل ياعمك يا سيكك وشالها يا مرقك |
سلام يا حيدر الزين
والله لا فكي ولا بتضرب ربل
لكن في فهمي بتقرأ ما بين السطور كويس
في تنزيل الرابع والسابع
رد وانا مقتنع بيه
لو عايزيني اقول ليك الصادق المهدي مناضل
تقوم تقول لي بفاوض الحكومة وابنه جوه السلطة
الترابي مناضل تقول لي هو مدبر انقلاب الجبهة الاسلامية
خليل مناضل وشهيد تقول لي دباب النظام وو
ياخ من قبلت به قوى الاجماع الوطني والجبهة الثورية وشق طريقه في سبيل منازلة هذا النظام
ووقع على كل المواثيق الخاصة بالالتزام بعودة الديمقراطية وعدم التفريط فيما تبقى من ارض
لماذا نقلل من شأنه ولو اختلفنا معه في اليات اسقاط النظام
ووالله يا حيدر الزين دا كله ما موضوعنا
موضوعنا الناس البعارضو المعارضة
بسبب اختلافم مع البعض
او ملاحظات على تنظيمات سياسية وبتكون مواقفم داعمة للكيزان
او الكيزان بجروا وراهم عشان يكبروا بيهم الكوم او العكس
لا اكثر
تخريمة
قلت لي اقول باص
عليك الله في لزوم الواحد ينوم بالورق ما دام التسمية موجودة
ومربوطة ومظبوطة
ههههههههههههه
وتحيييييييييييييييييييية
|
Post: #86
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 01:23 PM
Parent: #79
| Quote: اها يا فرح يا صديقي ، شفت الشغل ده ، ايه رأيك ، في ناس ، زي ناس عمك كبر، حضروهو بيان عينيك يا تاجر..),و ناس زي ديل اكيد بتكون من زمان صنفتهم في خانة انهم معارضة المعارضة .. من غير ان تديهم حتى فرصة يشرحوا ليكم هم شنو و ماشين وين؟..و يا فرح ، ..!!! |
لك التحيية كبر
الغريبة انت شاركت المرة الاولى وهاجمتني واتهمتني باني مثلي ومثل المعارضة (( الكيس فاضي )) ومع دلك يا كبر انا لم اشير اليك برمادية او شي من هذا القبيل فمن اين اتيت بانني
صنفتك رمادي
وهل يحق لي تصنيفك وانا لم التقيك اكثر من مرتين ثلاثة وبمداخلات لم تتجاوز عدة كلمات ..؟؟؟
؟؟؟؟
| Quote: نظام الجبهة الإسلامية الحاكم في ديار السودان لن يسقطه سقط المتاع السياسي المسمى الجبهة الثورية .. أو احزاب الطائفية.. أو البعثيين أو الشيوعييين... عارف ليه؟ لأنو ديل كيس ذاتو ما عندهم..و الله صحي |
الجبهة الثورية يا عزيزي كبر ضمن القوى السياسية التي كافحت ونضالت هذا النظام وحملت السلاح لحظة تجبرت الانقاذ وارادت ان تصادر مكتسبات اهل الهامش وبغير حق
واحتارت طريق نضال مشروع لا مساومة فيه
فمدحنا او ذمنا للجبهة الثورية لن يزيدهم بها ولا يبصهم بمنقصة
وكذلك احزابنا السياسية الطايفية منها والحديثة فهي احزاب عريقة تشكل وجدان الشعب السوداني منذ ما قبل فجر الاستقلال الي يومنا هذا
ولا بديل لديمقراطية او حريات ومشروع لدولة مدنية
الا عبر هذه الاحزاب
فالتحية للجميع ولنضالتهم واساليبهم المختلفة في ذلك ضد هدا النظام المجرم
اما اسقاط هدا النظام فمسئولية تقع على عاتق الشعب السوداني بنضالاته اليوميةا المتواصلة وليس تنظيم بعينه
صحيح الطريق
شايك وطويل لطبيعة هذا النظام المستبد المجرم
ومر النضال بكل الظروف تصاعداً وترهلاً وتماسكاً وتشردماً ولهذا عوامله
وما يبشر خيراً بانه متواصل
وللعلم يا كبر الجبهة الثورية وغيرها من احزاب معارضة ه وتنظيمات معترف بها من قبل السلطة الحاكمة
ونالت الاعتراف بانتزاع الحقوق انتزاعاً في تنازل واضح عن بدعة الحزب الواحد والاجماع السكوتي والمشروع الحضاري الهالك
ويتواصل المشوار
فضلاً المحافل الاقليمية والدولية
وسيتواصل تنازل هذه السلطة وترهلها بفعل العمل الثوري المتواصل الي زوال هذا العهد الكريه
| Quote: و ان كنت تبغى اسقاط النظام يا اخا المعارضة ، فالنظام سيسقطه ليك ناس كبر و محمد البشرى و تمبس و عبد الماجد الصائم ديل، و عشان تصدق يا فرح الطاهر ابوروضة.. من اللحظة دي و بنديك شهر.. خلي كل الأحزاب الحايمة دي تجي تكتب اقرار في المنبر ده و تقول الروووب عدييل...و ح نسقط ليك النظام ده في تلاتة ساعات فقط ( و الله صحي)...!!!! |
والله يا كبر انا ما عارف حكاية بنديك شهر او بتدي المعارضة شهر دي شنو ؟؟؟
ياخ لا ابو روضة طارح نفسه ود ابراهيم وجماعته عشان يقوم يستولى على السلطة بين يوم وليلة
ولا المعارضة بتراهن على انقلاب عسكري
ولا هي بتقوم بالعمل نيابة عن الشعب السوداني باحتلال القصر
المطلوب هنا بالضبط يا كبر
حكاية المعارضة ما عا########ا والنظام ما عاجبنا دي وبس
وحكاية ندي المعارضة شهر دي يا كبر وبعد داك انت وجماعتك تتحركوا دي فيه اقصاء للاخر ونسف لنضالات متراكمة منذ مجي هذا النظام الي يومنا هذا
وبخل بمقدراتك على هذا الوطن
وطالما انت لديك المقدرة على اسقاط هذا النظام وفي ظرف ثلاثة ساعات فانهض يا اخي ويا فرحة الشعب السوداني بك وبامثالك
فماذا تنتظر والشعب السوداني يستغيث
ولماذا تنتظر عجز المعارضة
ولماذا تمهلها شهر والوطن ينزف
وبكل تاكيد الشعب السوداني لن ينظر لهذه الاحزاب نظرة قداسة فارغة المحتوى والمضمون سيتجاوزها الي رحابك انت ورفاقك فامضي يا كبر ولا تنتظر
سر وعين الله وشعبنا ترعاك
كما فعل شباب الثورة بكل من مصر وتونس
بس كل شي الا ننتظر فشل المعارضة
وانحنا ضد النظام والمعارضة معاً
اما لو كنت تقصد اصلاح من الداخل وعملية مكياج تهدف لتصفية قضية الشعب السوداني في مجمل قضايا فلهذا موقف اخر
Quote: و عشان نكون معاكم واضحين : نحن ما عندنا حاجة اسمها علي عثمان أو نافع علي نافع ( الإتنين ديل محكمة دولية ذاتو ما ح يصلوها.. ضبح عديييل و في محلو)..!!!
اها قصرنا معاكم؟؟؟؟ |
كل من تسبب في جريمة او فساد بحق هذا الوطن سيقدم لمحاكمة عادلة وليس ضبحاً اهوج كما فعلت جماعات الاسلام السياسي بمعمر القذافي فالشعب السوداني شعب تجارب
ومومن ايمان قاطع بالقضاء وعدالته
وحقه في ملاحقة هؤلاء مشروع ولن يزول بالتقادم ولم يكفل به شعبنا من ينوبون عنه في هذا الامر
وبكل تاكيد لو لم يطالب به كبر وجماعته او المعارضة هناك ملايين من يطالبون به ومومنيين بضرورة القصاص من كل
مجرم فاسد ظالم
وحتماً
نعم نعم
مهما هم تاخروا فانهم ياتون
وتحيييييييييييييييييييييييييييييييية
|
Post: #91
Title: Re: يعني شنو معارضة المعارضة ؟؟
Author: محمد البشرى الخضر
Date: 04-10-2013, 08:34 PM
Parent: #86
يا كبر .. يااااا كبر
يديك العافية ياخ, سخانة ألف !! قلت لي ماعايزين شكشكة معارضة هههههههههههههههه
لكن ما عصرت علينا في التلاتة ساعات, ما شوية يا صديق؟ زيدها شوية
|
Post: #92
Title: Re: يعني شنو معارضة المعارضة ؟؟
Author: عبدالمنعم الطيب حسن
Date: 04-10-2013, 09:38 PM
Parent: #91
| Quote: فالنظام سيسقطه ليك ناس كبر و محمد البشرى و تمبس و عبد الماجد الصائم ديل |
كبر عليك الله انت جادي والله بتهظر ،؟
عليك الله قول بهظر عشان الضغط ، وعشان المصداقية ... مصداقيتك ، والمنبر ...
| Quote: و ح نسقط ليك النظام ده في تلاتة ساعات فقط ( و الله صحي)...!!!! |
عامل بسيط كان شغال في الحلة ، وهو من مكان تاني ، والاسطى المعاهو من اهله ، فسالته ان كان اليوم بتاع العمل ليس طويلا ،
فاجاب : والله الاسطى مرات طيب بنقيف الساعة 12 الا دقيقة ،
لكن مرات صعب بنشتغل لحد الساعة 12 ودقيقة ...
( والله صحي )
......................................
بعدين ناسك ذاتن ماك مالي ايديك منهن ، شايف ود البشرى نط ...
|
Post: #93
Title: Re: يعني شنو معارضة المعارضة ؟؟
Author: محمد البشرى الخضر
Date: 04-10-2013, 10:01 PM
Parent: #92
| Quote: وعشان المصداقية ... مصداقيتك ، والمنبر ... |
يا منعم اعمل حسابك ...حديثك عن المصداقية ومصداقية المنبر تحديدا
بصنّفك معارض معارضة و بمرقك من ملّة النضال الإسفيري البارد و زمرة شرفاء المنابر
فا شنو .. خلّي بالك وانت بتجيب سيرة المصداقية لأنّها إحدى الموبقات عند شرفاء المنابر :)
| Quote: شايف ود البشرى نط ... |
يا عمّي اسمها اعادة تقدير موقف و أخذ بإرادة الجماهير
لأنو زي ما عارف الثورة تراجع ولا تتراجع وكدا
|
Post: #94
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-10-2013, 10:49 PM
Parent: #91
انت ما لك لاكنة
ما تقول سمحة المقدرة
وكت كبر اخوك اداك كوم معاهم
هههه
بعدين ياخ الشغلانة هينة ما بتساوي ليها ربع ساعة
ما شفت ناس ود ابراهيم لو ما انكشاف امر الدجاجة
وحكاية الفكي
كان البشير قطروا قام
وكله في سبيل الله
|
Post: #95
Title: Re: يعني شنو معارضة المعارضة ؟؟
Author: محمد البشرى الخضر
Date: 04-11-2013, 05:25 AM
Parent: #94
يا ابو الروض كان على تغيير زي تغيير ود ابراهيم التلاتة ساعات كتار
الكوماندر كبر هنا بتكلّم عن تغيير حقيقي
مش تغيير استبدال دكتاتور بآخر في ثياب مستنير لا يستنكف أن يستخدم نفس ادواته من فساد و كذب و ميكافيلية :)
وتغيير زي دا عايز اكتر من تلاتة ساعات في رأيي :)
|
Post: #96
Title: Re: يعني شنو معارضة المعارضة ؟؟
Author: وليد محمد المبارك
Date: 04-11-2013, 06:10 AM
Parent: #95
لسع بعض المعارضين او من يعتقدون كذلك في انفسهم
منصبين انفسهم وصايا على الناس .. يا اما تختار كوم من المطروح
او انت موالي للنظام
المشكلة ما مشكلة نظام ومعارضة
المشكلة مشكلة فهم قاصر وبليد اساسا للحريات والدمقراطية
والما معانا فهو ضدنا
|
Post: #98
Title: Re: يعني شنو معارضة المعارضة ؟؟
Author: الصادق الخالدى
Date: 04-11-2013, 07:07 AM
Parent: #96
الحيكومة ؟ وضعها ومكشوف 
والمعراضة ؟ حالها يغنى عن سوالها .
والمواطن ؟ راسو دايش وزيتو طالع 
وغالبو البسويهو !! لانو الاتنين خاتنو فى كستبانة
واحد قاعد فى راسوا يضايق ويحز ويجز فيهو
والتانى بفتش يحرش فى الخارج وينهب فى إغاثته ومتاجر بقضيته ومنتظر جر جنازتو عشان يضحك آخيرا 
Quote: لسع بعض المعارضين او من يعتقدون كذلك في انفسهم
منصبين انفسهم وصايا على الناس .. يا اما تختار كوم من المطروح
او انت موالي للنظام
المشكلة ما مشكلة نظام ومعارضة
المشكلة مشكلة فهم قاصر وبليد اساسا للحريات والدمقراطية
والما معانا فهو ضدنا |
بس يا وليد
منو البقدر يقول البغلة فى الابريق
للمتعارضين ديل
واحد هاوى الرماديين
وتحايا للجميع
|
Post: #97
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-11-2013, 06:33 AM
Parent: #95
Quote: يا ابو الروض كان على تغيير زي تغيير ود ابراهيم التلاتة ساعات كتار
الكوماندر كبر هنا بتكلّم عن تغيير حقيقي
مش تغيير استبدال دكتاتور بآخر في ثياب مستنير لا يستنكف أن يستخدم نفس ادواته من فساد و كذب و ميكافيلية :)
وتغيير زي دا عايز اكتر من تلاتة ساعات في رأيي :) |
صباحك باهي يا محمد البشرى
والله التغيير البتم بعد اثبات عجز المعارضة بكافة فصايلها
وفي ظرف ثلاثة ساعات
يا تغيير من الداخل على نهج اصلاحيي المؤتمر الوطني
او تغيير على طريقة ود ابراهيم
تخريمة
هسي انت خلاص اتيقنت بالتلاتة ساعات دي
وما قلت لي رايك نظرية المعارضة المضادة
|
Post: #99
Title: Re: يعني شنو معارضة المعارضة ؟؟
Author: HAIDER ALZAIN
Date: 04-11-2013, 07:24 AM
Parent: #97
Quote: عليك الله في لزوم الواحد ينوم بالورق ما دام التسمية موجودة
ومربوطة ومظبوطة |
سمح سمها يا النجيض..
ات قايل " بليِ " في اربعة و " دامة " في تلاتة بتسمي مربوطة ؟؟!
أها وبعد ناسك ديل يوقعوا علي الديمقراطية والإلتزام وكدة..
الشئ السوهو زماااان داك والقتل والختف.. نقول عليهو عفا الله عما سلف.. والا زي ما قال العمدة ود هباني بعد تجي الديمقراطية نجيبهم ونسألهم كان " يرضو " بالمحاكمة !!!
|
Post: #101
Title: Re: يعني شنو معارضة المعارضة ؟؟
Author: وليد محمد المبارك
Date: 04-11-2013, 09:44 AM
Parent: #99
Quote: بس يا وليد
منو البقدر يقول البغلة فى الابريق
للمتعارضين ديل |
نحن يالخالدي
نحن البنقول
يعجبهم او لا يعجبهم
لا فرق بينهم وبين الحكومة .. كلهم اقصائيين اوصياء على البشرية .. ولا حق لاحد غيرهم في اي رائي
|
Post: #102
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-11-2013, 10:44 AM
Parent: #99
Quote: سمح سمها يا النجيض..
ات قايل " بليِ " في اربعة و " دامة " في تلاتة بتسمي مربوطة ؟؟!
أها وبعد ناسك ديل يوقعوا علي الديمقراطية والإلتزام وكدة..
الشئ السوهو زماااان داك والقتل والختف.. نقول عليهو عفا الله عما سلف.. والا زي ما قال العمدة ود هباني بعد تجي الديمقراطية نجيبهم ونسألهم كان " يرضو " بالمحاكمة !!! |
تحياتي حيدر الزين
هو انحنا بنسبق الاحداث ليس
مش اول نبني راي سديد في الموقف من النظام
وما يعيشه شعبنا من ذل وهوان
وبعد الخلاص
كل شي بتم وبارادة شعبنا وليس برؤية زيد او عبيد من الناس
ثم ياخي التجارب هي زاد الشعوب واستخلاص المفيد منها
خير معيين
والتحيية للماجد هشام هباني وكل زملاء المنبر دون استثناء
احتـــــــــــــــــــــــــــــــــــــــــرامي
|
Post: #100
Title: Re: يعني شنو معارضة المعارضة ؟؟
Author: adil amin
Date: 04-11-2013, 09:43 AM
Parent: #61
Quote: انا قلت في سياق المداخلة يا عادل امين هناك بعض المجموعات حملت السلاح
ولم الغي نضالات الاخرين |
ابو الروض
سلام مريع
طبعا نحن من جماعة لا عاجبنا البنا(المؤتمر الوطني ولا البعجن في الطين(احزاب السودان القديم)
يعني اي حاجة غير كده في السودان كويسة
وبالنسبة لي دارفور التحرر من اصنام المركز كان يجب ان يحدث من 1984 مع انشقاق ابراهيم دريج حاكم اقليم دارفور بعد نميري ما غتس مايو الاشنراكية في مستنقع الاخوان المسلمين
والاخوان المسلمين عبر العصور عملو كل ما هو مشين
حاربو ابناء جنوب السودان تحت دعاوى الدولة الدينية وقتلو منهم الملايين بواسطة القوات النظامية ثم اخترعو الدفاع الشعبي وصفو الجيش وحاربو النوبة في الجبال بمسمي الخوارج..ثم تلى ذلك ان اخترعو مركب ذو قوة ثلاثية للابادة في حرب دارفور 2003 ليس الجيش اللحق امات طه ولا الدفاع الشعبي بل الجنجويد القتلة الماجورين والثالثة لابته دخلت جحر الضب الخرب بتاع المحمكة الجنائية الدولية ولكن معارك دارفور الرئيسة 2003 كانت بين العدل المساواة والاخوان المسلمين في المركز وديل نفسهم استخدموا في حرب الفجار في جنوب السودان وجبال النوبة زمن التمكين والشيخ الترابي
لذلك القوى السياسية التي تحمل برنامج حقيقي في دارفور من -نهضة دارفور - هم الحزب الفدرالي السوداني وحركة تحرير السودان اي حاجة غير كده تشكل تناقض زائف ومموه
وذى ما قلت ليك
المؤتمر الوطني
المؤتمر الشعبي
الامة
الشيوعي
حاجة واحدة ماضي مشين وحاضر مضطرب ومستقبل مجهول
ولم يكن السودان فراغ حضاري او فكري وسياسي لمن جابو لينا البلاوي دي من الخارج- كان في فكر وحضارة وسياسة ولا زال موجود...حتى في البورد ده ويتعامى عنه مختلي الوعي الشعور ديل
وبعدين لحدي بوستك ده الناس ما قادرة تجاوز تمجيد الاشخاص الى تمجيد البرنامج
يعني بلغة قرنق
لم يتحرروا من شنو
يكتلو الناس في الهامش ويجو ينططو في المركز- انا الجدري المفقع ملاح البامية الموقع
ويبتزلو تراث الجعليين(الاصل) الذين قانلو التركية السابقة وغطرسة اسماعيل باشا الذى جاء من اجل العبيد والذهب كما زعم وكل تراثهم في الحماسة كان ضد الحاميات التركية وليس حروب ضد قبائل السودان كما يفعل المتجوعلين الان...
|
Post: #103
Title: Re: يعني شنو معارضة المعارضة ؟؟
Author: ABUHUSSEIN
Date: 04-11-2013, 11:16 AM
Parent: #100
Quote: نحن البنقول
يعجبهم او لا يعجبهم
لا فرق بينهم وبين الحكومة .. كلهم اقصائيين اوصياء على البشرية .. ولا حق لاحد غيرهم في اي رائي |
تستحق لقب الشفت فعلاً ....
إديك العافية
|
Post: #104
Title: Re: يعني شنو معارضة المعارضة ؟؟
Author: درديري كباشي
Date: 04-11-2013, 11:50 AM
Parent: #103
قالو سبب جزاء سنمار الشهيرة انه الملك النعمان أخذ معاه سنمار وهو يتفقد في نواحي القصر المشيد . ويدشن المراحل التي تمت ويتابع سير العمل ..
سمنار رمى ليه درابه ودته في ستين داهية ..
قال تعرف يا مولانا في سر هنا حا اقوله ليك بس ما تكلم زول ..
مولانا قال قول يابني سرك في بير ..
اها سنمار قال : تعرف في القصر دا في طوبة ( صخرة) لو جريتها البنا دا كله يرقد هردبيس ساي تراب ساي ..
الملك قاله ياراجل ؟؟
سنمار : والله صحي ..
الملك : في زول غيرك عارف قصة الطوبة دي ..
سنمار بكل فرح ابدا والله يا مولانا ..
الملك : ان بقى كدا تعال معاي فوق ..
وطلع بيه السطوح : ودفره من هناك وقاله وانا زاتي ما عاوز اعرف الطوبة دي محلها وين ايه رأيك..
اها نحن حكينا القصة دي ليه .. عشان نعرف قيمة الجنيه ..
ونقول للاخ كبر لو صحي عندك سر يخلي الحكومة دي تنهار في تلاتة ساعات عليك الله اعمل نايم وماتقولوا لزول ..
ما تفجعنا فيك وفي ود البشرى وكفاية الراحوا ..
|
Post: #108
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-12-2013, 07:53 AM
Parent: #104
| Quote: ما تفجعنا فيك وفي ود البشرى وكفاية الراحوا .. |
والله يا درديري كباشي
الحيكومة دي طبعاًَ بتاعت جمبات على قول الكاركتير
وناس ود البشرى اخوي ديل
حيكونوا في جنبة العفو الرئاسي
ولو حصلت اي مستجدات انحنا علينا النزول للشارع
والاعتصامات الي حين اسقاط حكم القضاء
يعني يا الحبيب ما تشيل همهم الله يرضى
عليك خليهم يحددوا ساعة الصفر
وتحييييييييييييييييية
|
Post: #105
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-11-2013, 12:42 PM
Parent: #100
من المشاركات الثرة التي تتبنى بوضوح فكرة معارضة المعارضة او النضال المضاد ما جادت به دكتور نجاة بالرابط المرفق بهذا البوست والذي تقول عنه بانه (( نظرية تعتقد بموجبها بانها مناضلة مضادة .))
كما انها تنفي نفياً قاطعاً اي علاقة لها او انتماء لتنظيم المؤتمر الوطني
وشي جيد ان يتبرأ كل وطني حر من هذه المنظومة التي سطت على السلطة ومارست كل اشكال التنكيل بالشعب السوداني اضافة للخراقات السياسية التي ارتكبتها هذه المنظومة بسم الدين .
وساحاول هنا الطواف بقرأة متواضعة للرابط المرفق وقد لا استطيع ان احيط بكل ما تهدف اليه الدكتورة نجاة وما استخدمته من لغة في فك طلامس بعض الشفرات وما تهدف اليه ولكن يبقى لي حق الاجتهاد وتوصيل رؤيتي
حول ما هو مطروح
كما وعدت
و ساختار اهم ما هو مطروح كسند للدكتورة الفاضلة لتنبي نظرية المجاهدة المضادة
Quote: .. وكذب سياسي يراد منه مكاسب سياسية بخسة.. وهذا الذي يهمنا..
محاولات يائسة لتزوير التأريخ لأحزاب اليسار
محاولة تبرير وجود ولجؤ سياسي بنشر الكذب الضار
نشر الكذب الضار والمعلومات المغلوطة عن السودان
صنع مناضلين سياسين بالكذب
تبني مواقف بالكذب..وبطولات كاذبة..
المحاولة لتزوير التأريخ هذه دخلنا فيها في مناقشات وصلت لحد شكلات حادة ومازال الحوار مفتوح.. والتأريخ معروف..
محاولة تبرير اللجؤ السياسي بالاكاذيب هذا ضعف انساني ناجم عن تأنيب ضمير
ما علينا..
نشر الكذب الضار والمعلومات المغلوطة عن السودان.. هذا ما يمس اى مواطن سوداني ويجب محاربته بكل الوسائل..وهذا افضل الجهاد المضاد .
.
|
حاولت ان اجد موقفاً يسند ما توصلت اليه الدكتورة من تبني فكرة النضال المضاد فلم استطيع نفس المبررات وشخصنة القضايا الوطنية
فلو كانت هناك محاولات كاذبة لتزوير التاريخ لفئة سياسية بعينها كما تقول الدكتورة
فالتاريخ في هذا العصر لا يزور وبين هذا وذاك الوثائق والشواهد التاريخية وليس هناك
سبب يجعل من خلاف حول بعض حقايق تاريخية من هو في صدق الانبياء
والاخر في موضع الكذب والفجور كما ابو جهل
ويقيني لم تقوم الجبهة الاسلامية بالانقلاب على الشرعية الحاكمة لان هناك من افترى
عليها او صادر تاريخها وتاثيرها على الساحة السسياسية السودانية بل كانت تشكل الضلع
الثالث داخل الجمعية التاسيسية
وهنا تنتنفي فكرة تزوير التاريخ كداعم لفكرة المناضلة المضادة
تتحدث الدكتورة نجاة عن وجود كتب تنشر الكتب الضار والمعلومات المغلوطة عن السودان
انا لا ادري اين الكذب الضار والذي قام بعض افراد لو سلمنا بذلك كما تقول
هل هذا ينفي الكوارث التي حاقت بالوطن
مند الانقلاب وصعود الاسلاميين لسدة الحكم ؟؟
الاغتيالات السياسية
الفصل التعسفي قانون الصالح العام
الابادة الجماعية
التهجير
القوانيين الاستثنائية طواري وغيرها من قوانيين مذلة في حق انسان السودان
اين نظرية الدكتورة ومواقفها من كل ذلك ؟؟؟
الا تعتبر هذه القضايا قضايا جوهرية تسقط الخلافات الشخصية والانتماءات الحزبية الضيقة ؟؟
الا ترى في كل ما هو مذكور تبرير كافي لظهور بعض الممارسات السالبة حتى لدى بعض فئات المعارضة ؟؟
ملاحظة
المح تارجح في الموقف فتارة تاخذنا الي المناضلة المضادة ومرة الي المجاهدة المضادة ؟؟؟
تقول الدكتورة في نظريتها
Quote:
قد ضرب مصنع الشفاء نسبة لمعلومات مغلوطة وكذب ضار من المعارضة.. كانت النتيجة
انعدام الادوية الحيوية من الاسواق ثم ظهورها مستوردة غالية الثمن .. مما اثر على المساكين والفقراء فمات عدد منهم لعدم استطاعته شراء هذه الادوية الغالية بعد ان تنصلت الحكومة من مجانية العلاج0 فصار لسان حال المواطن ضايع معاكم وبلاكم).. وفقد الغرب الثقة في المعارضة السودانية..
كتب مولانا اسماعين يوما ان العباءة الايرانية كانت فرضا |
تتحدث الدكتورة عن ضرب مصنع الشفاء كاحد اهم الاسباب التي قادتها الي تبني نظرية المجاهدة المضادة او المعارضة المناضلة المضادة
وتورط المعارضة في ضرب المصنع
انا اسال الدكتور المحترمة نجاة
هل كانت امريكيا تحتاج لمن يمدها بمعلومات او من يثير حفيظتها تجاه هذا النظام
الانقاد نفسها استعدت امريكيا والعالم اجمع ويمكنك مراجعة ادبياتهم ( امريكيا روسيا قد دنى عدابها ))
وما اظن ان تلك الايام خافية عليك
فضلاً عن استضافة عصابات الهوس الديني وفتج السودان على مصرعيه قلعة حصينة لهم مثل ابن لادن ايمن الظواهري وغيرهم
كما لا يفوتك وقوف الانقاذ الي جانب احتلال الكويت وفتح جسر تواصل بين الخرطوم والعراق وخروج المظاهرات المنادية صدام المخلص
بالقضاء على الفراعنة ودول الخليج
من اجل بناء الامبراطورية العظمى التي يكون لمتاسلمي السودان نصيب فيها ؟؟
فلو تركنا كل ذلك هناك سوال مهم يفرض نفسه
لو كانت للمعارضة السودانية يد او سلطان امر ناهي على امريكيا لدرجة استدعاء طائرات وصواريخ
لماذا لم يتم استدعائها للقضاء على سلطة الخرطوم كما فعلت معارضة العراق
والشواهد تقول بان امريكيا وقفت مع هذه السلطة سنداً ومعين حتى في استئصال الجنوب
ثم تتحدث الدكتورة نجاة عن نقص الدواء بمستشفيات وصيدليات السودان عقب ضرب المصنع وفاتها ان تمدنا
بالطاقة الفعلية لانتاجية هذا المصنع
دون تضخيم حتى نتوصل للاضرار الفعلية لضرب مصنع الشفاء
وكم كان يوفر من دواء حتى لا نكن مغاليين في تقييم اداء المصنع وما لحق انسان السودان من اضرار بضربه
وحتى يمكننا ان نجد حجة قوية للقول بان الدكتورة نجاة محقة بان تعارض المعارضة كونها معارضة تتبنى نظرية خاصة
المجاهدة المناضلة
خاتمة القول
لك التحية دكتورة نجاة
واتمنى ان اكون قدمت ما هو مفيد بشأن نظريتكم المرفقة
وتحييييييييييييييييييييييييييية
|
Post: #106
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-11-2013, 06:45 PM
Parent: #100
Quote: ابو الروض
سلام مريع
طبعا نحن من جماعة لا عاجبنا البنا(المؤتمر الوطني ولا البعجن في الطين(احزاب السودان القديم)
يعني اي حاجة غير كده في السودان كويسة |
سلام الحبيب عادل وتحية تصل عندك
وقد اتفق معك في بعض ما اتيت به هنا
فالسودان القديم الذي تسميه بكل تاكيد غير مرضي وبه من الاخفاقات قادت الي الوضع المذري الذي تعيشه البلاد اليوم
ولعل الانقلاب الاخير على الديمقراطية لا تتحمل مسئوليته الجبهة الاسلامية وحدها بل هناك شركاء حقيقيين
من تجاوزوا مطالب ابريل في محاكمة سندة مايو
وعدم متابعة منجزات الانتفاضة
وكانت قاصمة الظهر المماطلة في انجاز اتفاقية الميرغني قرنق بسبب الكيد والغيرة السياسية
ولعل ضعف التجربة الديقراطية والانقلابات العسكرية المتتالية سبب مباشر في بتر اسباب التطور الديمقراطي في البلاد
وفي ختام هذه الجزئية
تعال نتفق بما انو هناك اعتراف بسودان لابد ان يكون رحيب ولابد لنا ان نعترف بتبائنه وتعدده الثقافي والعرقي
وبالتالي تكويناته السياسية والمجتمعية
فثقافة استئصال وتغييب الاخر على ما اعتقد جربناها اكثر من اربعين عاماً من عمر الاستقلال
فما انتجت غير سودان مريض فاقد للهوية والامن والسلام وتحول النزيف فيه الي نزيف
ارض وانسان فخوفنا من ان يتلاشى ه من على الخارطة الوطن اكبر
Quote: وبالنسبة لي دارفور التحرر من اصنام المركز كان يجب ان يحدث من 1984 مع انشقاق ابراهيم دريج حاكم اقليم دارفور بعد نميري ما غتس مايو الاشنراكية في مستنقع الاخوان المسلمين
والاخوان المسلمين عبر العصور عملو كل ما هو مشين
حاربو ابناء جنوب السودان تحت دعاوى الدولة الدينية وقتلو منهم الملايين بواسطة القوات النظامية ثم اخترعو الدفاع الشعبي وصفو الجيش وحاربو النوبة في الجبال بمسمي الخوارج..ثم تلى ذلك ان اخترعو مركب ذو قوة ثلاثية للابادة في حرب دارفور 2003 ليس الجيش اللحق امات طه ولا الدفاع الشعبي بل الجنجويد القتلة الماجورين والثالثة لابته دخلت جحر الضب الخرب بتاع المحمكة الجنائية الدولية ولكن معارك دارفور الرئيسة 2003 كانت بين العدل المساواة والاخوان المسلمين في المركز وديل نفسهم استخدموا في حرب الفجار في جنوب السودان وجبال النوبة زمن التمكين والشيخ الترابي |
دار فور جرح الوطن النازف
الكلام حولها يطول ويطول فقد تحمل هذا الاقليم
عبء هذا النظام الاكبر في القتل والتهجير والابادة
والتفرقة بحسب العرق
وايضاً لا يفوتنا بان هذا الاقليم تم اهداره كفيره من اقاليم السودان بتجنيد انسانه ودفعه لحرب دينية لا ناقة له فيها ولا جمل بجنوب السودان
حرب استخدمت فيها الانقاذ كل اساليب التغييب والهوس الديني ثم اصطفت من القبائل ما اردات وتركت الغالبية العظمى لرحمة من لا يرحم
الجنجويد وفصائل ومليشيات النظام بما فيها الجيش السوداني
وايضا اصبحت مستنقاً لتصفية حسابات فرقاء الجبهة الاسلامية المنشيية والقصر
كما هذا الاقلييم ما لحق بقية اجزاء السودان حتى في العهود الديمقراطية قصيرة التجارب
وذلك بتوظيف الطايفية والدين
وجر المواطن البسيط لصندوق الانتخاب بلا معرفة اي من الاحزاب يخدم مصالحه الطبيقية
مثل هكدا اوضاع عانى منها ولا يزال يعاني منها اهلنا بجنبال النوبة وجنوب كردفان ووسط السودان وشرقه بلا استثناء
ولعل تجربة الانقاذ المريرة كانت اشارات انتباه ولوعي يتراكم و يتشكل
والمجود الان من تنظيمات سياسية وعسكرية بكل من دار فور وجبال النوبة والنيل الازرق وشرقنا الحبيب
بكل تاكيد اضافة حقيقية للارتقاء بالممارسة السياسية في الساحة السودانية وسيكون لها مستقبل مشرق قي رسم معالم السودان جديد مع بقية القوى السياسية
وهي طريق خلاص ايضاً من ظلام حكم عنيد جبار
Quote: يكتلو الناس في الهامش ويجو ينططو في المركز- انا الجدري المفقع ملاح البامية الموقع
ويبتزلو تراث الجعليين(الاصل) الذين قانلو التركية السابقة وغطرسة اسماعيل باشا الذى جاء من اجل العبيد والذهب كما زعم وكل تراثهم في الحماسة كان ضد الحاميات التركية وليس حروب ضد قبائل السودان كما يفعل المتجوعلين الان... |
الجزئية الاخيرة دي
بصمة بالعشرة
وختاماً
لك خالص التحايا والتقدير وشكراً للتوضيح
الوافي وضافي
وتحييييييييييييييييييييية
|
Post: #107
Title: Re: يعني شنو معارضة المعارضة ؟؟
Author: د.نجاة محمود
Date: 04-12-2013, 04:19 AM
Parent: #106
بالله دا الفهمتو من نظريتي دي؟؟
آن لبيان بت ام بيان ان تمد رجليها
|
Post: #109
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-12-2013, 08:03 AM
Parent: #107
Quote:
بالله دا الفهمتو من نظريتي دي؟؟
آن لبيان بت ام بيان ان تمد رجليها |
سلام يا دكتورة
ايوه والله وطبعاً الفهم قسم ودا الربنا قسموا لينا غايتو
ومددي رجليك كما تشتهي يا دكتورة ومشواريك
( وعديلة علييك )
مع التحيييييييييييييية
|
Post: #110
Title: Re: يعني شنو معارضة المعارضة ؟؟
Author: adil amin
Date: 04-14-2013, 11:51 AM
Parent: #109
Quote: يعني شنو معارضة المعارضة ؟؟
والمعارضين المعارضة ديل ممكن نصنفم شنو يا جماعة
حالمين بوطن تاني يعني
والله الفهم دا راسي فيه تخيين على التخانة الفيه
افيدونا
عن معارضة المعارضة
يرحمكم الله
مع التحييييييييييييييييييييييييييييية |
والله يا ابو الروض
اعتقد ان ما حاولت د.نجاة توضحيه
ان المعارض الذى لا اخلاق له ويختلق الاكاذيب وليس الحقائق في وصمه للنظام
والهماز المشاء بالنميم وعتل بعد ذلك زنيم
لن ياتي بالتغيير
وخاصة اذا كان مجرب ومن جرب المجرب حاقت به الندامة
ونرجع لموضوعي معاك
المؤتمر الوطني
المؤتمر الشعبي
حزب الامة
الحزب الشيوعي
ديل حاجة واحدة واختلاف مقدار....
في المماراسات المشينة عبر العصور من 1964 ولحدي الان
والمشين عندي
1- العنصرية
2- القتل الرخيس في الهامش
3- الثراء الحرام وتدمير الاقتصاد
وكله موثق عندنا وفي البورد ده كمان وكتب ليها قلقات- ذى مالا بقولو اهلنا في دارفور
اذا كان في واحد بعارض لمؤتمر الوطني وهو من الجماعة ديل بكون (...)..وشايلة موسا تتطهر
واذا كان في زول بعتقد انه دي بس الكيانات السياسية في السودان... في 90 حزب مسجل في انتخابات ى2010
واذا هم ديموقراطيين فعلا
ودي ما ديرة مخ تخين كما ذكرت بكل تواضع
عايزة تحرر من شنو في عصر العلم والمعلومات وتتعامل مع الحقائق فقط....
لمن واحد يواجهم بمخازيهم وتاريخهم المشين مايقولو ليه انت مؤتمر وطني ويقعدو يمارسو اغتيال الشخصية والابتزال الملا خور البورد عدة مرات
| Quote: والمعارضين المعارضة ديل ممكن نصنفم شنو يا جماعة |
ديل اذكياء جدا اكثر من ما تتصور اذا معارضتك القاصدا والمعول عليها في التغيير ناس قريعتي راحت بتاعين المركز ديل...
وخرجو يوم قيامة الساحة الخضراء مع رياح التغيير للسودان الجديد
وقليل من الديلوكتيك ينفع
Quote: صدام ثيران البايسون
عادل الامين
الحوار المتمدن-العدد: 3774 - 2012 / 6 / 30 - 15:38
المحور: اليسار , الديمقراطية والعلمانية في مصر والسودان
التناقضات المتطاحنة وغير المتطاحنة
Antagonistic and non antagonistic contradictions
التناقضات المتطاحنة هي التناقضات الأساسية التي تميز تطور المجتمع تحت ظروف تاريخية مختلفة والتناقضات المتطاحنة تصدق في كل العلاقات الاجتماعية في المجتمع المستغل وهي ترجع إلى المصالح التي لا يمكن التوفيق بينها الخاصة بالطبقات والجماعات والقوى الاجتماعية المتعادية وتحل التناقضات من هذا النوع عن طريق الصراع الطبقي الثوري والثورة الاجتماعية التي تغير النظام الاجتماعي ومما يميز التناقضات المتطاحنة إنها تصبح أكثر حدة وعمقا كلما تطورت ويصبح الصراع بينهما صداما حادا وتتحدد الأشكال التي تحل بها هذا الصدام بالظروف التاريخية لنوعية للصراع ومن الأمثلة الواضحة للتناقضات المتطاحنة التناقض بين البرجوازية والطبقة العاملة في المجتمع الرأسمالي وذلك التناقض بين الدول الرأسمالية الناشئ عن التنافس بين الدول الرأسمالية وصراعاتها من اجل الأسواق ومناطق النفوذ وليس هذا التناقض طبقيا ولكنه يؤدي إلى صراعات عنيفة بين الاستعماريين في مختلف البلاد وهذه التناقضات أسباب الحروب الاستعمارية من اجل إعادة تقسيم العالم ومن اجل الأسواق،وهذا يجسده أيضا الصراع الرئيس في السودان بين الهامش بجهاته الأربع المركز عبر العصور أما التناقضات غير المتطاحنة فهي تلك التي توجد لا بين الطبقات العادية وإنما بين الطبقات والجماعات الاجتماعية التي بينها-إلى جانب التناقضات- مصالح مشتركة ومما يميز هذه التناقضات أن تطورها لا يؤدي بالضرورة إلى العداء كما أن الصراع بينها لا يؤدي إلى الصدام..كما هو الحال بين المزارعين والرعاة في دارفور وبين دينكا نقوك والمسيرية في جنوب كردفان ولا تحل التناقضات غير المتطاحنة بحرب طبقية ضارية وإنما تحل بالتحويل التدريجي المخطط للظروف الاقتصادية وغيرها التي تؤدي إلى خلق هذه التناقضات،كذلك يقضي على التناقضات غير المتطاحنة، شانها شان التناقضات الأخرى بصراع الجديد ضد القديم والتقدمي ضد المتخلف والثوري ضد المحافظ وتؤدي التغيرات في الطبيعة وفي مضمون التناقضات إلى تغيرات في شكل حلها ..أما التناقض كقانون للتطور فانه لا يختفي في ظل المجتمعات سواء كانت رأسمالية –صراع راسي- أو اشتراكية-صراع أفقي..وتكمن الأزمة السياسية في السودان الآن في عدم تمييز هذه التناقضات..والخلط المستمر للأوراق..رغم انه اتضح تماما أن التناقض المتطاحن الآن في السودان أضحى بين مشروعين فقط ..مشروع السودان الجديد والدولة المدنية الفدرالية الديمقراطية وبين مشروع السودان القديم الممتد من الاستقلال وهو الدولة المركزية الفاسدة والفاشلة والفاشية وعبارة عن مشروع غوغائي مستورد من خارج الحدود(الاخوان المسلمين)....والمخزي في الأمر أن التناقضات غير المتطاحنة هي التي سببت ولا زالت تسبب الموت الرخيص والتردي المريع في الخدمات في الهامش والمركز أيضا وأدخلتنا عالم مجلس الأمن والمحكمة الجنائية الدولية المعروف المآلات..حيث يشكل حزب المؤتمر الوطني الحاكم قمة سنام الرأسمالية الطفيلية التي خرج الانجليز وسلموها البلادفي وضع متطور لمشروع لدولة مدنية ديمقراطية...فقط كان ينقصها الفدرالية التي طالب بها أبناء الجنوب الأذكياء من 1947 لتعيد توزيع السلطة والثروة بين المركز والهامش فلبث أهل السودان القديم في مكانهم جاثمين ..وان عداء أحزاب السودان القديم المركزية الحزب الشيوعي و حزب المؤتمر الشعبي وحزب الأمة نموذجا للحزب الحاكم المؤتمر الوطني..عداء غير متطاحن..بل عملية تمويه وغوغائية سياسية..فقط ستسهم في إعاقة التغيير القادم وحسم الصراع المتطاحن الحقيقي بين المركز والهامش..فأين ذهب ذكاء أبناء حضارة رماة الحدق؟؟!!..هذه الحضارة التاريخية التي تميزت بالدقة والإتقان ولا زال أبناؤها يؤدون أعمالهم ويقدمون خبراتهم في دول مجلس التعاون الخليجي بنفس الدقة والعمل الخلاق... |
|
Post: #111
Title: Re: يعني شنو معارضة المعارضة ؟؟
Author: وليد محمد المبارك
Date: 04-14-2013, 07:29 PM
Parent: #110
| Quote: لمن واحد يواجهم بمخازيهم وتاريخهم المشين مايقولو ليه انت مؤتمر وطني ويقعدو يمارسو اغتيال الشخصية والابتزال الملا خور البورد عدة مرات |
عليك نور يا عادل
لكن البفهم منو .. الطينة واحده باختلاف الاتجاهات والايدلوجيات .. كل واحد فيهم متصور نفسو (ادهم صبري ) وكانه البطل في فلم هندي .. لوحده هو الصحيح وكل ما خلاه غير ذلك
طبعا فهم معارضين الغفلة .. الحكاية في تبادل الكراسي ... الكرسي الان عند الانقاذ .. ويجب ان يدعمهم الجميع لاقتلاع هذا الكرسي منهم .. ومن لم يدعهمهم فهو انقاذي .. بكل بساطة
ماف واحد فيهم متصور انو في زول ممكن تكون ما عنده مشكلة مع الانقاذ تحديدا .. لكن مشكلته مع الممارسات التي تمارسها الانقاذ .. وهذه الممارسات التي تمارسها الانقاذ ان مارسها اي كيان اخر يصنف عند الزول ده هو والانقاذ على درجة واحده
ده الناس السميتهم قريعتي راحة .. ما قادرين يستوعبوه
حاجة تانية ما قادرين يستوعبوها برضو
الانقاذ قنعنا منها .. لذلك لن يكون الاهتمام عالي بمعالجة عيوبها
لكن بالنسبة للمعارضة ( فسع في امل ) وامل ان لا ينقطع .. في ان تعالج عيوبها .. لذلك اي هنه صغيرة وممارسة بليده مفروض تدق ليها الصفحائح حتى تعالج
ولو ما عملنا كده .. طيب عاوزين نغيير شنو
لكن نرجع ونقول .. الطينة واحدة
ولا فرق بين كيزان اليمين .. وكيزان اليسار إلا في الموضع والمسميات
او هكذا يبدو
والبوست ده دليل على ذلك
|
Post: #114
Title: Re: يعني شنو معارضة المعارضة ؟؟
Author: adil amin
Date: 04-15-2013, 11:48 AM
Parent: #111
Quote: الانقاذ قنعنا منها .. لذلك لن يكون الاهتمام عالي بمعالجة عيوبها
لكن بالنسبة للمعارضة ( فسع في امل ) وامل ان لا ينقطع .. في ان تعالج عيوبها .. لذلك اي هنه صغيرة وممارسة بليده مفروض تدق ليها الصفحائح حتى تعالج
ولو ما عملنا كده .. طيب عاوزين نغيير شنو
|
والله يا وليد
شفت المازومين الفي البورد ديل عارفين الحقيقة وفادت قد اضانم-عشان كده يفرو ذى الجرذان من اي بوستات اشارك فيها او يفتحوها هم نفسهم حتى لا تنشكف عورة جهلهم القبيحة على الملا...لاني استخدم الوثائق...
ومخهم وقف في اكتوبر 1964 ومرات بصل ابريل 1985 حسب الاحتفال الجنائزى الذى يقيموه في منافيهم التي يضجر من نفسه فيها الضجر
لا الاحزاب التقليدية شخصت مشكلة السودان سنة 1954 عشان تضعنا في اتجاه دولة حقيقية مدنية فدرالية ديموقراطية اشتراكية رغم مشروع محمود محمد طه 1955 المتطور جدا جدا ومعروض في هذا البورد الان(زاره 6400 زائر)...ولا كلاب بافلوف اليسارية واليمينية جاءت بجديد من بضاعة خان الخليلي المصرية لحدي ما جاء برنامج السودان الجديد 2005 الذى شخص الازمة ووضع حل علمي لها لو في قرد شمبنازي في جنينة حيوانات الخرطوم كان استوعبو
ونحن الان في 2013 في زمن الحركة الشعبية وخريف نيفاشا والتوزيع العادل للسلطة والثروة الما وصل ربيع العرب ذاتم...
الحزب الشيوعي او المؤتمر الشعبي ده نعمل بيهم شنو؟؟
ودي هدية ليك من مكتبتي في الحوار المتمدنQuote: الحرب الباردة الجديدة
نحن انتقلنا إلى مرحلة جديدة عالمية وإقليمية وقطرية عبر العالم بعد نهاية الحرب الباردة القديمة والصراع بين المعسكر الرأسمالي الغربي الذي تقوده أمريكا والمعسكر الاشتراكي الشرق الذي كان يقوده الاتحاد السوفيتي السابق..ولان ثورة المعلوماتية أفرزت واقع جديد وقاد ثورة في عالم التواصل الاتصالات فقد انكشف جانب قبيح كبير في الاختلالات الفكرية التي قادت إلى اختلالات في المنظومة السياسية والاقتصادية والاجتماعية لدول الشرق الأوسط القديم من عرب وعجم.في ظل التواجد المزمن لدولة إسرائيل في المنطقة وايدولجيتها العنصرية التي تم إدانتها في مؤتمر ديربن في جنوب أفريقيا 2001 رغم بروز تيار معتدل كبير في إسرائيل أفرزته اتفاقيات السلام العديدة في إيجاد صيغة مثلى للتعايش في المنطقة وحل القضية الكبرى في الشرق الأوسط وإيجاد وطن للفلسطينيين في حدود 1967 كأعلى سقف يمكن الوصول إليه في هذه المرحلة وبرز حزب كاد يما ليقود التوجه الإسرائيلي إلى سلام عادل ودائم..
رغم أن تغيرات ما بعد الحرب الباردة القديمة اكتنفت العالم وأخذت الكثير من الدول في العالم الثالث وعبر القارات الستة تشق طريقها إلى الديمقراطية والدولة المدنية الحقيقية عبر ثورات الألوان والتطورات الدستورية المستمرة..تأخر الأمر كثيرا في الشرق الأوسط وأفرزت أحداث 11/9/2001 واقع جديد يسمي الإرهاب الدولي المرتبط بالعرب والمسلمين والناجم عن القهر السياسي والاجتماعي المخيم في دول المنطقة ..والناجم عن سياسة المصالح التي تنتهجها الدول الغربية وتعوق نشر نموذجها الديمقراطي المتطور الذي اقتبسته العديد من الدول مثل اليابان وكوريا الجنوبية وتطورت وبقي الشرق الأوسط ضحية ما يعرف بسياسة دكتور جيكل اند مستر هايد..بدعم الأنظمة الديكتاتورية ثم التخلي عنها بعد أن انطلقت ما يعرف بثورات الربيع العربي...
ظلت إيران وطموحاتها النووية حجر العثرة في طريق المحافظة على التوازن النووي مع إسرائيل التي سعى الغرب لتحجيمها ولجمها باستماتة بسياسة الجذرة التي خلفاها عصا..وقام الغرب بإطلاق سراح أدواته في الحرب الباردة القديمة الإخوان المسلمين بإعادة تسويقهم ديمقراطيا ولكن بأسس جديدة باسترجاع تاريخي لمعركة الجمل وإعادة الصراع الطائفي في المنطقة والخلافات بين السنة والشيعة التي تفكك الدولة القطرية وقد تعيد رسم الخارطة...ودفعت بالإخوان المسلمين ليركبوا قطار الثورات الليبرالية وحركات التغيير التي امتدت في أكثر من دولة بانتهازيتهم المعروفة والمدعومة من الغرب وبدعم من فضائية الجزيرة وعبر الفوضى الخلاقة ليكون التغيير فادح الثمن وباهظ التكاليف..وإذكاء حرب بادرة جديدة بين أمريكا وإيران تكون أدواتها النخب الإسلامية المتعطشة للسلطة في كل بلد عربي..وإحباط كل سكان الشرق الأوسط بإدخالهم في حرب باردة جديدة ليس لها جدوى ..ولا تلبي مطالب شعوب المنطقة ..
هناك فرق جذري بين التغير وبين إعادة التدوير وقد كان الأجدى تحرير كافة شعوب الشرق الأوسط من نير وأصر الايدولجيات العنصرية والتزمت المذهبي والجمود العقائدي ..ولاية الفقيه الإيرانية والصهيونية الإسرائيلية والإخوان المسلمين المصرية والسلفية والسعودية والبعثية السورية...وان الطريق إلى الدولة المدنية والديمقراطية الحقة لا يكون أبدا عبر هذه الايدولجيات المستنفذة التي تشكل حجر عثرة أمام طموحات الملايين..الحالمين بان يرو بلادهم عملاق اقتصادي والنظر ابعد من الشرق الأوسط إلى الهند وماليزيا والبرازيل وكوريا الجنوبية...
الذي يريد نشر الديمقراطية في الشرق الأوسط يجب عليه تعرية هذه الايدولجيات المرحلية وهدم الأساس الفكري لها وتحرير وعي الناس منها ليتجاوزوها بصناديق الاقتراع بدلا عن حالة الاستقطاب الحادة التي نعاني منها ألان..خاصة أن ولاية الفقيه تترنح في إيران وهي ليس منسجمة مع أصول الدين وعراها عبد الجبار المعتزلي منذ أمد بعيد ويستمر علماء من أبناء الشيعة المعاصرين في تجاوزها حتى الآن من أمثال أياد جمال الدين وعبد المجيد الخوئي وغيرهم كما هو الحال شعار- تطبيق الشريعة(الإسلام هو الحل) الذي يرفعه الإخوان المسلمين وألقى بظلاله الكثيفة في بلد المنشأ مصر، فقط لاحظوا نتائج الانتخابات البرلمانية وما فرزته من -أغلبية انتهازية- مع ملاحظة أن الانتخابات الراسية المصرية خلت من مرشح مسيحي وامرأة بل حتى النوبة المصريين المهمشين ظلوا خارج الخارطة السياسية المصرية هذا هو مشروع الإخوان المسلمين -النسخة المصرية- وقد تجازوه الواقع وعراه الكثير من المفكرين المصريين مثل فرج فودا والسودانيين مثل محمود محمد طه ويريدون أن يجعلوه بديل ديمقراطي للأنظمة الحاكمة المنتهية الصلاحية .. أما الصهيونية وأساطيرها المؤسسة فقد عراها روجيه غاردوي المفكر الإسلامي المعاصر المعروف..أما السلفية فهي حركة مجتمع أصلا ولا ضير منها إن ظلت حركة مجتمع ما عدا السلفية الجهادية المتأثرة بالإخوان المسلمين -نسخة حسن البنا-و العمل العنيف على التغيير من أعلى والأمر متروك لولي الأمر في السعودية لتطوير البلاد دستوريا وعبر خطوات مدروسة للوصول للديمقراطية والدولة المدنية الحقة القائمة على المواطنة......
ختاماً لحل أزمة الديمقراطية والدولة المدنية كمعادل موضوعي لاستقرار المنطقة والسلم العالمي في الشرق الأوسط.. هو السعي على توفيرها كوعي وسلوك أولا ولن يتم ذلك إلا بتجاوز إعادة إنتاج هذه الايدولجيات جميعها ودعم المنابر الحرة و القوى الليبرالية الحرة وترسيخ القيم الليبرالية القائمة على إعلاء المواطنة والدستور المتضمن للإعلان العالمي لحقوق الإنسان..وسيظل العالم يترنح في طريقة للبحث عن العدالة السياسية-الديمقراطية - والعدالة الاجتماعية-الاشتراكية-..ما لم توجد نظرية جديدة تجمع بين هاتين القيمتين والمدينة الفاضلة نسخة القرن الحادي والعش
|
|
Post: #115
Title: Re: يعني شنو معارضة المعارضة ؟؟
Author: adil amin
Date: 04-15-2013, 11:56 AM
Parent: #114
| Quote: يعني شنو معارضة المعارضة ؟؟ |
اها يا ابو الروض قصرنا معاك
يمكنك ان تعلن البوست خالي من الجرذان بفضل مسحوق عادل امين ذو القوة الثلاثية للابادة
وخليك دائما يا ابن دارفور الحرة مع الحزب الفدرالي السوداني./والوالد العزيز محمد ابراهيم دريج واعادة دارفور اقليم واحد وانتخابات في البطاقات النيفاشية 9و10و11و12 بس.لحدي ما نتقابل في اللفة
احزب السودان القديم المذكورة اعلاه ليست معارضة بل معارطة من عرط يعرط عرطا
واشكرك على الاستضافة الكريمة
وتحياتي لكل المتحاورين الاذكياء فقط في هذا البوست ؟؟وجه ضاحك
|
Post: #112
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-14-2013, 11:33 PM
Parent: #110
Quote: والله يا ابو الروض
اعتقد ان ما حاولت د.نجاة توضحيه
ان المعارض الذى لا اخلاق له ويختلق الاكاذيب وليس الحقائق في وصمه للنظام
والهماز المشاء بالنميم وعتل بعد ذلك زنيم
لن ياتي بالتغيير |
لك التحية المحترم عادل امين
وفيما جادت به الدكتورة الفاضلة نجاة مع بوست اخر فهمت مقاصد الدكتورة تماما ومعايير التغيير التي تنشدها
وكما قلت يا عزيزي عادي امين
ابداء راي حول النظام الشمولي الفاشي الحاكم الان غير مرتبط بالاختلافات مع الشخوص او ممارسات البعض
بل القضية قضية وطن وشعب اضنته سنوات الانقاذ البغيضة ويحتاج لمن ينتشله
اما ان ننظر لبعض ممارسات ترتكب تاسم المعارضة وكأنها كل قضايا الوطن
هذا ما لا نفهمه
Quote: وخاصة اذا كان مجرب ومن جرب المجرب حاقت به الندامة
|
لا ادري اي تجربة تقصد هل المقصود التجارب الديمقراطية التي تعاقبت على مدى تاريخ ما بعد الاستقلال
وهنا تاتي اهمية لمحاسبة هذه التجارب بموضوعية
فترة بقائها
فترة غيابها
فترات حكم العسكر وسلبياته على الممارسة الديمقراطية
الحل بسيط اخي عادل
بما انو هذا ما يشكل قناعاتك وقناعات اخرين فقد انتظم الهامش الان ووسط وشمال وشرق السودان الكثير من التنظيمات الشبابية والاحزاب
والتي ستكون لها مستقبل مشرق في الخارطة السياسية السودانية
اما لو جيت لرائي الشخصي
كما قلت لك الممارسة الديمقراطية واحزابنا السياسية رهينة الظروف المحيطة بها بفعل المؤسسة العسكرية وطبيعة بعض احزابنا الطايفية
ولعل الهامش الذي تتحدث عنه الان يا عزيزي عادل في فترات الديمقراطيات الثلاثة كان مركز ثقل لهذه القوى
الجبهة الاسلامية
حزب الامة
الاتحادي الديمقراطي
وبعض قبائل الهامش اسهمت بفعالية في توطيد هذا النظام وقدموا ابنائهم وفلزات اكبادهم دروع بشرية لنظام مستبد مجرم فاين الخلل ؟؟؟
Quote: ونرجع لموضوعي معاك
المؤتمر الوطني
المؤتمر الشعبي
حزب الامة
الحزب الشيوعي
ديل حاجة واحدة واختلاف مقدار....
في المماراسات المشينة عبر العصور من 1964 ولحدي الان
والمشين عندي
1- العنصرية
2- القتل الرخيس في الهامش
3- الثراء الحرام وتدمير الاقتصاد |
Quote: اذا كان في واحد بعارض لمؤتمر الوطني وهو من الجماعة ديل بكون (...)..وشايلة موسا تتطهر
واذا كان في زول بعتقد انه دي بس الكيانات السياسية في السودان... في 90 حزب مسجل في انتخابات ى2010
واذا هم ديموقراطيين فعلا |
ههههههههه والله يا عادل انا لي قناعة بان احزابنا السياسية وعلى علتها استطاعت ان تعمل الكثير في الوقوف ضد هذا النظام المتجبر
وقدمت الكثير من التضحيات وقلت في احدى المداخلات بان سقوط الديمقراطيات ليس مسئولية العسكر وحدهم بل هناك من يتحمل المسئولية
عدم التعجيل بتوقيع اتفاقية الميرغني قرنق كان خطأ تاريخي اصاب الوطن في مقتل عدم صياغة دستور يتوافق مع العقلي الجمعي للمجتمع السوداني
ومنذ فجر الاستقلال وخاصة في فترات الديمقراطية اخفاق
ومع ذلك ارى بان هذه الاحزاب هي اساس مشروع السودان المبني على اسس الدولة المدنية التي تقوم على المواطنة وانا لا شايف نفسي ( .... )
ولا شايل موسي اطهر هههههههه
| Quote: لمن واحد يواجهم بمخازيهم وتاريخهم المشين مايقولو ليه انت مؤتمر وطني ويقعدو يمارسو اغتيال الشخصية والابتزال الملا خور البورد عدة مرات |
يا عادل
يا سيدي هناك من يدير مثل هده الخلافات بشي من محاولة الهاء الناس عن الواقع المعاش
وبغرض القول بان النظام الحكام في السودان الان هو الافضل رغم فشله الذريع في قيادة السودان الي بر الامان
هناك من لا يمارس النقد الموضوعي الا بغرض النيل من الكيانات السياسية وبعض الشخصيات التاريخية
هناك من هو موظف توظيفا دقيقا لتمجيد الدكتاتورية بمثل هكذا موضوعات
اما النقد الهادف الذي يخدم مسيرة هده الكيانات السياسية وفي اطار ما يطورها ويحاول ان يقف على المعيق لتجاوزه
فلا احد يرفض مثل هكذا موضوعات الا من هو على شاكلة انصار وربايب حكم العسكر
لك تحيية مرة اخرى
واحـتـــــــــــــــــــــــــــــــــــــــــــــــــــرام
|
Post: #113
Title: Re: يعني شنو معارضة المعارضة ؟؟
Author: adil amin
Date: 04-15-2013, 11:33 AM
Parent: #112
Quote: ومع ذلك ارى بان هذه الاحزاب هي اساس مشروع السودان المبني على اسس الدولة المدنية التي تقوم على المواطنة وانا لا شايف نفسي ( .... )
ولا شايل موسي اطهر هههههههه |
سلام يا ابو الروض
الليلة الا تقول الروب
حاجيب كل اسلحة الدمار الشمال الموثقة للبوست ده
وطبعا انا حددت ليك قواعد الاشتباك وماهو مشين في نظري ونظر كل العالم المتحضر
1- العنصرية
2- القتل الرخيس في الهامش
3- الثراء الحرام
وطبعا قلت ليك عندي كتب ليها قلقات
او شيء شايفك بديت تتحيز لرؤية هؤلاء -نفس الناس - سبب بلاوي السودان من 1956-
طيب جمهورية العاصمة المثلثة دي من تاسست بعد الاستقلال في حاجة اسما الكشة تقوم بها الشرطة ضد مواطنين سودانيين من الاصول الافريقية عبر العصور لا في فرق بين ديموقراطية ولا شمولية وتصدى لهذا الازلال محمود محمد طه وبكاه الجنوبيين برتانيم الدينكا مع الراحل قرنق في امريكا
ده ما يخص المركز المتعفن عبر العصور
نجي للهامش
وامسك ليك فقط هامش جبال النوبة ومن كتاب افريقا رايتس عم ما حاق بابناء جبال النوبة من 1983 لحدي الان والديموقراطية المزعومة
Quote: النوبة في السياسة السودانية
لقد عاملت المعارضة السودانية النوبة معاملة أفضل بقليل مقارنة بحكومة الرئيس عمر البشير الحالية .
و عندما كان حزب الأمة في الحكومة ، كان هو القوة الرئيسية خلف سياسة المليشايات والحملة ضد النوبة . ويتحمل الصادق المهدي ، رئيس الوزراء آنذاك ، الجزء الأكبر من مسئولية ما يجري حالياً من مأساة حقوق الإنسان في جبال النوبة ، وكذلك مبارك الفاضل ، وزير الداخلية، و عبدالرسول النور حاكم كردفان ، و بعض الشخصيات القيادية في حزب الأمة كفضل الله برمة ناصر. كما أنضم بعض سياسي حزب الأمة ، كرئيس اللجنة البرلمانية السابق حريكة عز الدين ، إلى الحكومة العسكرية الحالية ، و هو يواصل المشاركة في الحملات العسكرية.
أما الآن وهم في المعارضة ، فإنهم يتشدقون بكلمات "الديمقراطية" و "حقوق الإنسان".
ولكن ليس هناك من مؤشر بأن حزب الأمة قد غير موقفه تجاه النوبة . فالحزب ما يزال يرى أن البقارة هم إحدى دوائره السياسية الرئيسية ، وعتقد أن مساندته للنظرية التوسعية للبقارة هو أفضل طريق لكسب قياداتهم الذين هم مع الحكومة الآن . و لم يعبر حزب الأمة حتى عن ندمه ، ناهيك عن تقديم الإعتذار عن جرائمه في جبال النوبة . و لا يزال النوبة يتشككون في نوايا حزب الأمة ، كما يعارض الحزب بشدة السماح للنوبة بتقرير مصيرهم .
لقد طال إنتظار بيان واضح من حزب الأمة يقر فيه بجرائمه الماضية في جبال النوبة و يعلن إقراره بمبدأ إحترام كل حقوق شعب النوبة . وحتى يتم تأكيد مثل هذا الإلتزام ، فإن شكوك النوبة الخاصة بأن حزب الأمة لديه نفس سياسة الحكومة الحالية سيكون لها ما يبررها.
إن الحزب الإتحادي الديمقراطي ليس له مثل هذا السجل السيء في جبال النوبة ، و لكنه ما زال حزباً يمثل مصلحة محلية ضيقة ، بدلاً من أن يكون حزبا قوميا حقيقاً . و كان بإمكان الحزب ، و برؤية أوسع للسودان ، أن يستغل بكل سهولة عدم التوافق بين النوبة و حزب الأمة لمصلحته ، و أن يسعى إلى عمل تحالف إستراتيجي مع الحزب القومي السوداني أو مجموعات النوبة الأخرى في عقد الثمانينات . و لكنه فشل في ذلك. و مثله مثل حزب الأمة تماماً ، فإن الإتجاد الديمقراطي منقسم على نفسه فيما يختص ببعض القضايا ، كالقوانين الإسلامية ، و حق تقرير المصير بالنسبة للجنوب ، مما أثار شكوك النوبة بأن الحزب يشارك الحكومة الحالية رغبتها في إقامة دولة إسلامية . لقد طور الحزب الإتحادي الديمقراطي مؤخراً بعض الرؤى تجاه الشعوب المهمشة في شمال السودان ، و لكن هذه الرؤى لم تترجم إلى إلتزامات بعد . و ما زال النوبة في إنتظار إلتزام واضح من جانب الحزب الإتحادي الديمقراطي فيما يختص بحقوقهم الأساسية.
يهيمن حزبا الأمة و الإتحادي الديمقراطي على التجمع الوطني الديمقراطي المعارض ، و الذي يطرح نفسه كبديل لحكومة عمر البشير – الترابي. مع ذلك ، فإن للنوبة مبرراً قوياً لشكوكهم بأن حكومة التجمعسوف لن تمثل تغييراً جوهرياً في السياسة الشمالية تجاه النوبة . و أن للجيش الشعبي لتحرير السودان ديناً كبيراً مستحقاً للنوبة ، ليس الآن جبال النوبة كانت ما زالت الجبهة الرئيسية في الحزب ، و لكن لمشاركة أكثر من ثلاثة آلاف من قوات النوبة في المعارك التي جرت في جنوب السودان ، و الذين ظلوا مخلصين بصورة دائمة للعقيد جون قرنق . كما أستفاد الجيش الشعبي أيضاً من القائد يوسف كوة ، كعضول لوفود محادثات السلام و الرحلات الخارجية. و أعتمدت الحركة الشعبية بدرجة كبيرة على مهارات يوسف كوة كرئيس لمؤتمر الحركة عام 1994م. و لكن إلتزامات الحركة تجاه النوبة ظلت موضع سؤال . و لى الرغم من أن الجيش الشعبي يطالب رسمياً بمنح جبال النوبة حق تقريرالمصير ، لكن الكثيرين يتشككون بأن هذا الإلتزام يمكن التخلي عنه من أجل الحصول على إتفاق أوسع.
و لقد تفجرت مخاوف النوبة العميقة بتوقيع "اتفاقية شقدوم" بين الجيش الشعبي وحزب الأمة ، في 12 ديسمبر 1994م. فبينما تقر الفقرة الثانية من الإتفاق بأن "حق تقرير المصير هو حق إنساني أساسي للشعوب " نجد أن الفقرة الرابعة تحتوي على خلاف ذلك ، و أنها مناقضة لموقف الجيش الشعبي: "2/4 يرفض حزب الأمة ذكر تضمين جبال النوبة ، و منطقة أبيي ، و جبال الأنقسنا في الفقرة الخاصة بحق تقريرالمصير ، لأنه لا يعترف بحق تقرير المصير لأي مجموعة تقع خارج جنوب السودان . كان الموقعون عن حزب الأمة هما عمر نور الدائم ، و مبارك الفاضل.
يجب على الجيش الشعبي لتحرير السودان أن يعلي من شأن إلتزاماته تجاه النوبة لتصبح جزء مكملا ًلوضعه التفاوضي مع الأحزاب الشمالية و مع الحكومة ، إذا كان ذلك من خلال الإيقاد أي أي وسطاء آخرين (كالرئيس كارتر) . و يجب على الحركة الشعبية أن لا توقع أي إتفاقية لا تعطي النوبة حقوقاً متساوية مع الجنوبيين.
إن موقف الأحزاب السياسية و الحركة الشعبية تجاه النوبة لمؤشر على وجود مسلك تفضلي واسع الإنتشار وسط القيادة المعارضة. فهم يعتقدون أن إيجاد الحلول يكمن في عمل الصفقات بين القادة ، و ليس في التعبئة الشعبية . و لقد جلبت هذه النظرة المأساة للسودان ، وسوف تظل كذلك.
(من كتاب افركا رايتس..1996) |
يا يلا يا ابو الروض عشان ما نخلط الاوراق
ابعد الحزب الاتحادي الديموقراطي من القتل الرخيس والجرائم ضد الانسانية
وراجع معاي الموقف ############ لقطاع الشمال في تحالفه مع هؤلاء في انتخابات 2010
وكان يجب ان يخوض الانتخابات مع القوى الديموقراطية الحقيقية الجديدة التي ليس لها مثل هذا الماضي المشين مهما كان نوعها
وكمان اجمل ليك جرائم ارتكبت في حق الجنوبيين
1- الحرق في بابنوسة 1965
2- الحرق في الضعين 1987
3- تشكيل التجمع العربي في دارفور في 1988 وقيامه بحرب ابادة ضد القبائل غير العربية بواسطة مسار (راجع كتاب السودان حروب الموارد والهوية)
دي كلها في ديموقراطية الامام التي تتاسف على زوالها ذى ناس المركز المترفين
نرجع للمثل السوداني الزال البسوي حاجة شينة ويدين الاخرين بنقول عليه غلفا شاايلة موسا تتطهر
عشان كده بنساءلم
لماذا يدينون حزب المؤتمر والبشير؟؟؟
|
Post: #116
Title: Re: يعني شنو معارضة المعارضة ؟؟
Author: Artiga Gilani
Date: 04-15-2013, 02:40 PM
Parent: #113
بسم الله الرحمن الرحيم
الاخ / الطاهر
الواحد بتجنب البوستات الساخنة لانو اذا مشاركتك ما صادفت هوى بعض المشاركين فى البوست طوالى بصوبو عليكم الراجمات ويطلعوك كوز وما الى اخره من اوصاف تصنف من باب اذا لم تكن معنا فانت ضدنا وهذه صفة غالبة على اصحاب الراجمات .. لكن البوست ده مهم جداً وقدر ما قاومت فكرة المشاركة غلبنى للاسباب سالفة الذكر ..
اسفيرياً فى كثير من الاحيان انا بكون معارضة معارضة مش لانى مؤتمر وطنى او كوز او خلافه فانا ومنذ ان وحيت الدنيا لم انتمى لاى حزب سياسى نهائياً .. بكون فى هذه الحالة بسبب ان البعض يعارض بمشاركات اما فيها اختلاق واكاذيب .. او غير منطقية .. او خارجة عن الادب ومثل هذه المشاركات فى رائ لا فائدة ترجى منها وهى بالاضافة لذلك خصم على المعارضة .. كما ان محاربة عدوك بنفس سلاحه ( الغير اخلاقية ) تضعك فى متبة مساوية له ..
اذا جيت لارض الواقع ومن داخل السودان فان معارضة المعارضة قائمة على البديل منو .. والبديل منو ليست بمعنى ان حواء السودان قد عقمت وحكم السودان متوقف على اسماء بعينها .. ولكن من باب ان معارضة المعارضة هؤلاء هم ادوات التغيير الفعلية للسلطة وليس الاحزاب .. هم من نزل الشارع فى اكتوبر وابريل واطاحو بحكومات لم يكن يتخيل رؤسائها بان هنالك قوة يمكن لها تغيرهم .. حملو ارواحهم باكفهم .. ونزولو الشارع وكان التغيير .. واى تغيير عبر ثورة لابد له من بديل مؤقت لملء الفراغ الدستورى الناجم عن الاطاحة بالنظام .. وذلك اما بانحياز الجيش للشعب واستلامه لسلطة ومن ثم تسليمها للشعب او وجود مجلس انتقالى جاهز من قوى المعارضة او حكومة ظل سمها ما شئت .. والوضع الراهن يبعد الجيش عن معادلة لتغيير السلطة بحكم وجود اهل النظام انفسهم بقيادته العليا .. ولا وجود لخيار مدنى جاهز ومتوافق عليه من قبل المعارضة .. من هنا تأتى كلمة البديل منو التى تستخدمها الاغلبية الصامته من هذا الشعب .. فالجميع يتخوف من الفوضى الان فى حال الاطاحة بالنظام دون وجود ترتيبات مسبقة وجميع الشواهد تدل على ان الفوضى ستكون سيد الموقف فى حال قيام انتفاضة عفوية وغير معدة سلفاً .. والحديث عن صوملة السودان لاسند لافتراضه الا هذا الامر ..
وسنأتى لاحقاً لموضوع كيانات جديدة تقود التغيير من وسط هذه الاغلبية الصامتة ( معارضة المعارضة ) كما طالبت انت وسبق ان قالها لى الاخ / طه جعفر .. كبديل ايجابى لمعارضة المعارضة ..
خالص تقديرى
ارتيقا
|
Post: #117
Title: Re: يعني شنو معارضة المعارضة ؟؟
Author: فرح الطاهر ابو روضة
Date: 04-16-2013, 01:44 PM
Parent: #116
الرائع Artiga Gilani
خالص التحايا والتقدير
والجزئية دي بصمة بالعشرة
ويا ليتنا جميعنا نتحلى
بمصداقةي الطرح
والشفافية تجاه نقد انفسنا قبل الاخرين
وقبول الاخر مهما كانت حدة الاختلاف
وباقي المداخلة بجييك ليها بي رواقة حان الان وقت (( الكفيل ))
مع التحيييييييييييييية
Quote: بسم الله الرحمن الرحيم
الاخ / الطاهر
الواحد بتجنب البوستات الساخنة لانو اذا مشاركتك ما صادفت هوى بعض المشاركين فى البوست طوالى بصوبو عليكم الراجمات ويطلعوك كوز وما الى اخره من اوصاف تصنف من باب اذا لم تكن معنا فانت ضدنا وهذه صفة غالبة على اصحاب الراجمات .. لكن البوست ده مهم جداً وقدر ما قاومت فكرة المشاركة غلبنى للاسباب سالفة الذكر ..
اسفيرياً فى كثير من الاحيان انا بكون معارضة معارضة مش لانى مؤتمر وطنى او كوز او خلافه فانا ومنذ ان وحيت الدنيا لم انتمى لاى حزب سياسى نهائياً .. بكون فى هذه الحالة بسبب ان البعض يعارض بمشاركات اما فيها اختلاق واكاذيب .. او غير منطقية .. او خارجة عن الادب ومثل هذه المشاركات فى رائ لا فائدة ترجى منها وهى بالاضافة لذلك خصم على المعارضة .. كما ان محاربة عدوك بنفس سلاحه ( الغير اخلاقية ) تضعك فى متبة مساوية له .. |
|
Post: #118
Title: Re: يعني شنو معارضة المعارضة ؟؟
Author: احمد التجانى احمد
Date: 06-27-2013, 07:53 AM
Parent: #117
اب
|
|
|
|