أي نقد للكاركتير المعلق فوق دا... جيبو هنا

خيار وفقوس المشروع الحضاري الإنقاذي ... وتكتلات (جمبات) الحكومة



إي نقد سلبا أو إيجابا... إذا وجد....
وكترو من السلبيات............عشان نتفاداها كان الله فتح علينا بواحد تاني



ولكم كل الإحترام والتقدير

للعودة إلى صفحة الاختيار اضغط على الرابط: أي نقد للكاركتير المعلق فوق دا... جيبو هنا

إنت خلّيت فيها جنبة ينقدوا بيها ؟

السلام يا عبدو مصطفي
غايتو لو الكاركاتير دا فيهو نكتة فشخصيا ما فاهمة والله ..
مع تقديري للجهد المبذول فيه.

Quote: السلام يا عبدو مصطفي غايتو لو الكاركاتير دا فيهو نكتة فشخصيا ما فاهمة والله .. مع تقديري للجهد المبذول فيه.

الأخ طلحة عبدالله
ليس بالضرورة أن يكون الكاركتير فيهو نكتة
إنه نقد ساخر

والجمبة دي أهم شي
ماخودة من
"
الجمبة دي أهم شي
الجمبة الرايت،،
أهم سايد
وهاك هاك البقجلي دا"

والزول دا كان ما كان موهط في الواطة... كان وراك الرقصة حقت الأغنية دي



...................
ولك مني كل الإحترام والتقدير

كركتير فنان يدل على انه صاحبه موهوب ويتمتع بروح ساخره ..

لانه مكونة بسيطة جدا

ومعبره ملامح الشخصين تدل على الاستهتار اللامبلاه وهو واقع المواطن السوداني الآن
يعلق على الوضع السياسي كأنه حادث في شيلي وليس في بلده ..

واجمل ما في الفكرة قلة التفاصيل والتركيز كله على شخصية النفرين المعبرين الوحيدين عن الفكرة والنجاح غي ذلك ..

لا يسئ لاي خلق او عرف او دين

لايأباه الا مكابر يريد ان يحجر حرية التعبير

فعلا كما قال صبري طه هو اجمل كركتير سوداني انا شخصيا شاهدته خلال السنوات الاخيره على الاقل

كلمة "الجنبة" هذه خادشة لحياء الشعب السوداني و بناءا عليه اطالب بجلد هذا الكاريكاتيرست 7 جلدات.

جنبة جانبها التوفيق و جنبة لم يجانبها التوفيق

مبروك جنبة هي لله..هي لله

شكرا عبدو

Quote: جنبة جانبها التوفيق و جنبة لم يجانبها التوفيق مبروك جنبة هي لله..هي لله شكرا عبدو

لك التحية أخ kostawi

وهل هذه الجمبه الرايت
عشان اهم سايت؟؟؟!!!

لك الشكر دائما

Quote: كلمة "الجنبة" هذه خادشة لحياء الشعب السوداني و بناءا عليه اطالب بجلد هذا الكاريكاتيرست 7 جلدات.

والله تلقاك غنيتا لمن فترت

الجمبة دي أهم شي
الجمبة الرايت،،
أهم سايد

.....
أنا بنجلد ال7 جلدات في كلمة "الجمبة"
إلا دا باقيلك زي ضهر منو

Quote: كركتير فنان يدل على انه صاحبه موهوب ويتمتع بروح ساخره .. لانه مكونة بسيطة جدا ومعبره ملامح الشخصين تدل على الاستهتار اللامبلاه وهو واقع المواطن السوداني الآن يعلق على الوضع السياسي كأنه حادث في شيلي وليس في بلده .. واجمل ما في الفكرة قلة التفاصيل والتركيز كله على شخصية النفرين المعبرين الوحيدين عن الفكرة والنجاح غي ذلك .. لا يسئ لاي خلق او عرف او دين لايأباه الا مكابر يريد ان يحجر حرية التعبير فعلا كما قال صبري طه هو اجمل كركتير سوداني انا شخصيا شاهدته خلال السنوات الاخيره على الاقل

الأخ الدرديري
شهادتك... أعتز بها جدا
وإنحناءه هادئة لهذا التقيم
أشكرك
ولك مني كل الإحترام والتقدير

شكرا صبري طه..علي الإستفتاء
جزاك الله خيرا

شكرا شكرا يا مواطن لهذا الابداع ...
يامواطن هذا الابداع بوستر متحرك ضد الظلام والظلم
بوعيك يستمر النضال ..ولقدام

تحياتى

Quote: شكرا شكرا يا مواطن لهذا الابداع ... يامواطن هذا الابداع بوستر متحرك ضد الظلام والظلم بوعيك يستمر النضال ..ولقدام تحياتى

الأخ معاوية عبيد الصائم
كويس انو في ناس فارزين الجمبات دي...بس اريتو
أبطاقية خدرا دا يكون فهم بعد دا

لك التحية دوما

النقد بتاعي يكمن في بخلك!
لمن كنت فنان بالشكل ده
كنت غاطس وين الزمن ده كلوا وبخلان بي اعمالك ليه؟


والله بالجد عمل جميل ومعبر للغاية .. ولي قدام



شطحة
ـــــــــــــ
ده نقاش الهلالاب والمريخاب الراحت ليهم درب الكورة اليومين ديل ولا شنو! هههههههه

محمود علي

Quote: النقد بتاعي يكمن في بخلك! لمن كنت فنان بالشكل ده كنت غاطس وين الزمن ده كلوا وبخلان بي اعمالك ليه؟ والله بالجد عمل جميل ومعبر للغاية .. ولي قدام

شكرا للنقد..ليس بخلا...وهناك اعمال كثيرة حايمة في النت
بس البيت الواسع دا... دخلناهو بعد مدافرة
...لك التحية وشكرا للإطراء

Quote: شطحة ـــــــــــــ ده نقاش الهلالاب والمريخاب الراحت ليهم درب الكورة اليومين ديل ولا شنو! هههههههه

دا احد ابعاد الكاركتير
لانو الناس كانت ... مشغولة بي كورة ما بتستاهل
ويادابهم قعدو في الواطة
والهلالابي طارو ليهو كم يوم... عرف المعلومة ..وأدها للمريخابي
اللسه مخلوع

الكاركتير فيهو نفس عنصري ضد أصحاب الصلع..
كيف يعني تخت في بروفايلك " تفة " قدر دا وتخلى بتاعين الجنبات الاتنين صلع ؟
هذا تحيز منك :)



ــــــــــــــــــــــــــــ..
تسلم كاريكاتير روح نكتته خفيفة ومغذاهو عميق ..

HAIDER ALZAIN

Quote: الكاركتير فيهو نفس عنصري ضد أصحاب الصلع.. كيف يعني تخت في بروفايلك " تفة " قدر دا وتخلى بتاعين الجنبات الاتنين صلع ؟ هذا تحيز منك :)

أخ حيدر.. عنصرية شنو الجبتها لي
ديل .. كان بيناتهم في تحدي...
تأهل المريخ ...يحلق الهلالابي
يتأهل الهلال ... يحلق المريخابي
ودا ممكن تلاحظ ليهو في حلاقة كل الشعر الراس والوجهه
ولو لاحظت المريخابي مغطي ..راسي لأنو خبتو ماشي وجاي
..........
لك التحية
وأتمني ما اكون خرمنت بيك بعيد عن لب الموضوع

سلام عبدو مصطفى ..

ومرحب بيك في الحوش الوسيع وأحي فيك أولا روح ومبدأ تقبل النقد وأيضا طلبك للنقد والتركيز على السلبيات وتلك محمدة قل ان نجدها هذه الأيام .. وأحب أن أنبهك ان في هذا المنبر نقاد لحاظون ساخرون ناقدون في مجال الكاريكاتير ولعلك قد لا حظت ذلك في بوستات انتقدت رسومات كاريكاتورية أخرى تم نشرها أعلى يسار المنبر ..

عن نفسي شخصيا فما اعتدت نقد أو ابداء ملاحظة على عمل فني الا بعد مراجعة اعمال كثيرة مختلفة لمصممها ومبتكرها حتى تكتمل الصورة من كل جوانبها وحتى لا يأتي الرأي أو النقد من زاوية واحدة ورسم واحد قد أكون فيه أما ظالم أو مظلوم . لذلك أرجو أن تعفيني من ابداء الرأي حول الكاريكاتير خاصتك أعلاه لأنني وبكل صراحة لم اشاهد لك أي أعمال قبلا رغم قولك انك موجود في الشبكة العنكبوتية وربما أنا المقصر في هذا الجانب لأنني لا اتجول كثيرا في دهاليز هذه الشبكة ودائما ما أتواجد في حوشنا هذا فقط ..!

اتمنى لك التوفيق ودعنا نرى مزيدا من الاعمال ..

Quote: سلام عبدو مصطفى .. ومرحب بيك في الحوش الوسيع وأحي فيك أولا روح ومبدأ تقبل النقد وأيضا طلبك للنقد والتركيز على السلبيات وتلك محمدة قل ان نجدها هذه الأيام .. وأحب أن أنبهك ان في هذا المنبر نقاد لحاظون ساخرون ناقدون في مجال الكاريكاتير ولعلك قد لا حظت ذلك في بوستات انتقدت رسومات كاريكاتورية أخرى تم نشرها أعلى يسار المنبر .. عن نفسي شخصيا فما اعتدت نقد أو ابداء ملاحظة على عمل فني الا بعد مراجعة اعمال كثيرة مختلفة لمصممها ومبتكرها حتى تكتمل الصورة من كل جوانبها وحتى لا يأتي الرأي أو النقد من زاوية واحدة ورسم واحد قد أكون فيه أما ظالم أو مظلوم . لذلك أرجو أن تعفيني من ابداء الرأي حول الكاريكاتير خاصتك أعلاه لأنني وبكل صراحة لم اشاهد لك أي أعمال قبلا رغم قولك انك موجود في الشبكة العنكبوتية وربما أنا المقصر في هذا الجانب لأنني لا اتجول كثيرا في دهاليز هذه الشبكة ودائما ما أتواجد في حوشنا هذا فقط ..! اتمنى لك التوفيق ودعنا نرى مزيدا من الاعمال ..

أخ ناذر ...أشكر لك المرور
ونتمني أن نلتقي ...مرة اخري
في عمل يرقي لتطلعاتك
ولك مني كل الإحترام والتقدير

كاركاتير جميل ومعبر

بس مش انه مفرض اكاركاتير يعبر من غير كلام
او الكلام يكون عبارة واحدة او عبارتين
عشان ما يكن قصة مصورة اثر من انها كاركاتير

Gafar Bahir

Quote: بس مش انه مفرض اكاركاتير يعبر من غير كلام او الكلام يكون عبارة واحدة او عبارتين عشان ما يكن قصة مصورة اثر من انها كاركاتير

أخ Gafar Bashir
شكرا للملاحظة.. وفعلا الكاركتير احيانا لا يحتاج الي كلام
ولكن احيانا تفرض الكلمات نفسها حتي تعبر كل شخصية عن نفسها

كانت الفكرة... أن تكون فقط علامات استفهام تحوم حول السائل
ولكن لم تفي بالغرض ..لانها .. تضع صفة الجهل الكلي علي السائل
........
لك كل الشكر
وتحية واحترام

الاخ عبدو


صراحة كاريكتير جميل جدا جدا ومعبر


وخطوطك في الرسم جميلة خالص

ولكن السؤال اين انت من زمان



خالينا لفاقدى الموهبة


يقدلوا زي الورل في بلد ما فيها تمساح


قو أ هيد

مجدي كنه

Quote: الاخ عبدو صراحة كاريكتير جميل جدا جدا ومعبر وخطوطك في الرسم جميلة خالص ولكن السؤال اين انت من زمان قو أ هيد

لك كل الشكر والتقدير اخ مجدي كنه
ونتمني أن نكون دائما عند حسن الظن
والتحية للجميع

Quote: والله تلقاك غنيتا لمن فترت

الهبيب عبدو مصطفي
اولا نعتذر للدخول بالجنبة و بدون تحية و كذلك نرحب بيك في هذا المنبر و نتمني ان يطيب بكم المقام.


________________
وبعد ما شفت صورة الجلد اعلاه انا عايز اغير العقوبة من الجلد الي حلاقة التفة الكبيرة دي.

Mahjob Abdalla

Quote: وبعد ما شفت صورة الجلد اعلاه انا عايز اغير العقوبة من الجلد الي حلاقة التفة الكبيرة دي.

كدا يا دابك هبشت اللحم الني
دا اسمو الحقد الأعمش والنضارة
.....
اها حلاقتكم دي كيف ... ياهو شغل الشارع داك
ولا في الضل

كا ريكاتير لطيف والاجمل انو خطوطو الفنية واضحة..وهناك مشكلة كبيرة لاحظتها في كاريكاتيرات الشباب الذين
لا يوضحون الخطوط كما كان يفعل عز الدين وصلاح ابا يزيد وكاروري وابو شوك..فقط جمال الكاريكاتير وضرورته تتطلق من اختزال الكلمات لأن الرسم نفسه هو الكلام..اي اقتصاد اللغة في الكاريكاتير مهم، واجمل كاريكاتير هو الذي (بدون تعليق) لأنه يستعيض فن الرسم بالمعنى..ولأنه يكشف عن ذاته بدون شرح..ملاحظة اخيرة دائما يفضل في الكاركاتير ان تكون كتابة الفرد او الفردة المتحدثة بالخط الفري هاند..والخط نفسو رسم..عموما مبروك هذه البداية المعبرة والأهم الموقف السياسي الراشد.

صلاح شعب

Quote: جمال الكاريكاتير وضرورته تتطلق من اختزال الكلمات لأن الرسم نفسه هو الكلام..اي اقتصاد اللغة في الكاريكاتير مهم، واجمل كاريكاتير هو الذي (بدون تعليق) لأنه يستعيض فن الرسم بالمعنى..ولأنه يكشف عن ذاته بدون شرح..ملاحظة اخيرة دائما يفضل في الكاركاتير ان تكون كتابة الفرد او الفردة المتحدثة بالخط الفري هاند..والخط نفسو رسم..عموما مبروك هذه البداية المعبرة والأهم الموقف السياسي الراشد.

شكرا لك أخ صلاح شعيب
1- اقتصاد اللغة...(لدرجة إختفائها)
2- الخط الفري هاند (جزء من الرسمة)
وان شالله نشيل هذه النقاط ونحاول نختها في قالب العمل القادم

لك مني كل الإحترام والتقدير