الوزير شلاقه

Quote: توقَّع وزير المالية تحقيق نمو يقدر بـ «3.6» في 2013م بسبب تحسن الوضع الاقتصادي والزيادات المتوقعة في إيرادات الدولة بعد الاتفاق الأخير مع دولة الجنوب. وأضاف أن الاتفاقية مع جوبا تقضي بمنح السودان «25» دولاراً عن كل برميل يمر عبر أراضي السودان ، ما يعني عملياً أكثر من ملياري دولار سنوياً. وتوقَّع تصدير نحو «300» ألف برميل بحلول 2016م

الزول ده بذكرني بقصة شلاقة بس يلفح راس موضوع ويقعد ينظر
نمو 3.6 في عام 2013 المشي منها ربع كامل .
2016 وين وإنحناوين 3 سنوات الجايه دي مافيها شي كلها توقعات .
بعدين السودان ده كان البترول كلو حقو ما حصل نمو 3.6 في السنه
إنتاج جنوب السودان نحو 350 ألف برميل يوميا من النفط الخام قبل أن يوقف إنتاجه.
عشان يصل الأنتاج الي الرقم ده عايز ليهو ثلاثه أشهر تقريبانقول شهر سبعه فاضل من السنه خمسه شهور
كان ضربناها رياضيات ساي 350X25X30X5= 1.312.5000.000
ما بتصل ملياري دولار جاب الرقم ده كيف ماعرفته . جنس شلاقه غااااايتو بس الصبر

نرجع لقصه شلاقه


شلاقة سمع جوطة عند الجيران, سأل وحدة لقاها مارقة من بيتهم" الحاصل شنو?",
خجلت تقول مرت جارهم زعلت منو رجعت عند اهلها ,
قامت قالت ليهو عربيتهم اتسرقت؟؟؟؟؟؟؟؟؟ّ
طوالي لفه عمتو و مشي لي جارهم يواسيهو, قال ليهو:
يا زول ما تزعل نفسك,
الحمد لله ارتحت منها, ياخي كل ما امشي مكان القاها مع
واحد من اصحابك او اصحاب ولدك, و بعدين من شكلها زاتو ما كويسة, و ما حصل
مشيت شارع زلط, إلا لقيتها واقفه. بوظوها اولاد الحلة, راكبنها ليل و نهار
اتعلموا فيها, اولاد حامد, ناس فريق ورا, اصحاب ولدك بتاعين الكورة, اظن اول
ما انت تنوم او تكون مسافر بجوا بركبوها كلهم بالدور, و الله المكنيكية
بتاعين المنطقة الصناعية ما اظن في واحد فيهم ما بعبص فيها.
و كل مرة بجي عايز اكلمك القاك ماف, حتي مرة قالوا شفع الحلة نزلوا بيها
الخور, انتهت عدييل و الله, ياخي ريحة دخانها دي بشمها من جوه بيتنا,,,,, لكن
اقول ليك حاجة ما تزعل بتكون مع واحد من شباب الحلة المساطيل ديل, بلعب بيها و
بلف بيها و اخر الليل بزهج منها بجيبها ليك قدام البيت و يزوغ
صراحة كدا, انا و الله قبال كدا ركبتها, و ما عجبتني, و الله العندي في البيت
مش قديمة؟ علي اليمين احسن منها

Quote: نرجع لقصه شلاقه شلاقة سمع جوطة عند الجيران, سأل وحدة لقاها مارقة من بيتهم" الحاصل شنو?", خجلت تقول مرت جارهم زعلت منو رجعت عند اهلها , قامت قالت ليهو عربيتهم اتسرقت؟؟؟؟؟؟؟؟؟ّ طوالي لفه عمتو و مشي لي جارهم يواسيهو, قال ليهو: يا زول ما تزعل نفسك, الحمد لله ارتحت منها, ياخي كل ما امشي مكان القاها مع واحد من اصحابك او اصحاب ولدك, و بعدين من شكلها زاتو ما كويسة, و ما حصل مشيت شارع زلط, إلا لقيتها واقفه. بوظوها اولاد الحلة, راكبنها ليل و نهار اتعلموا فيها, اولاد حامد, ناس فريق ورا, اصحاب ولدك بتاعين الكورة, اظن اول ما انت تنوم او تكون مسافر بجوا بركبوها كلهم بالدور, و الله المكنيكية بتاعين المنطقة الصناعية ما اظن في واحد فيهم ما بعبص فيها. و كل مرة بجي عايز اكلمك القاك ماف, حتي مرة قالوا شفع الحلة نزلوا بيها الخور, انتهت عدييل و الله, ياخي ريحة دخانها دي بشمها من جوه بيتنا,,,,, لكن اقول ليك حاجة ما تزعل بتكون مع واحد من شباب الحلة المساطيل ديل, بلعب بيها و بلف بيها و اخر الليل بزهج منها بجيبها ليك قدام البيت و يزوغ صراحة كدا, انا و الله قبال كدا ركبتها, و ما عجبتني, و الله العندي في البيت مش قديمة؟ علي اليمين احسن منها

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷أ

ياخ دي بالغت فيها علي باليمين انتهيت منو ..

هو اكيد ما اقل من شلاقة بتاعك دا ..
لامن تذكر قصة المليارين الصرح بيها السنة الفاتت وقال ما حا اقول ليكم المصدر من وين ..

تصريحه هو خلق هوة في الاقتصاد السوداني لم تستطيع ملياريه ان تردمها حتى الآن ..
غير كدا جاب هوى واتهامات للحكومة في انها باعت مصفاة الجيلي لدولة قطر ..

Quote: تذكر قصة المليارين الصرح بيها السنة الفاتت وقال ما حا اقول ليكم المصدر من وين ..

يا الدرديري أخوي
معالي الوزير ده عندو غرام مع الملياريين
اي تصريح لازم يكون ملياري
البترول مليارين
عائدات الدهب مليارين
بدل ماشفرو الشعب السوداني
بقيو يصفرو في الأرقام

تحياتي

Quote: (رويترز) - أظهرت بيانات يوم الخميس ارتفاع معدل التضخم السنوي في السودان ليقترب من 50 في المئة في مارس آذار ما يعكس أزمة اقتصادية حادة دفعت بمعظم سكان البلاد إلى دائرة الفقر. وذكر الجهاز المركزي للاحصاء أن التضخم زاد إلى 47.9 بالمئة من 46.8 بالمئة في فبراير شباط بسبب أسعار الغذاء التي تشكل 52.9 في المئة من المؤشر والتي ارتفعت 2.6 بالمئة خلال الشهر. وزاد التضخم في السودان بشدة بعد انفصال جنوب السودان في يوليو تموز 2011 مستحوذا على ثلاثة أرباع الإنتاج النفطي للبلاد. وبلغ المعدل السنوي للتضخم 15 بالمئة في يونيو حزيران 2011 وهي آخر بيانات قبل استقلال الجنوب

اها دي كيف دي
الوزير يصرح نمو 3.6 واجعاني وجع
والجهاز المركزي للاحصاء بقول التضخم وصل الخمسين