غيرت ..رايي..!

وزعلت من نفسي وأنا أمحو كل ماكتبت بعد جهد كتابة وتفكير ـ(جد جد)ـ وليس مجرد مقدمة ..



الرقابة الذاتية ..وأحيانا تقرأ (الجبن) ..(المسالمة) ..(مبدأ أبعد عن الشر وغنيلو) ..أو (حتى عدم الرغبة في خلق عداوة) ..أو ..او ..


تتسبب في إجهاض فكرة ..موت ضمير ..و شعور بعدم الرضا قد يصل لاحتقار الذات ..


قل ما تؤمن به فعلا ..فلن تغيير ..مالم تتغير!

ولأن الفكرة التي كنت بصدد مشاركتها معكم (بح) ..دعوني اشارككم فكرة تغيير الرأي والاحجام عن قول مانريد للأسباب أعلاها

أو لأي أسباب أخرى ..ومدى تأثيرها فينا من الداخل ..وهل نشعر حقا بهذا التأثير ..؟!!

عذرا لأستخدام


فلا شيء عاجل ولا يحزنون ..!

فقط وجدت نفسي لم استخدمها مطلقا ..وقررت تجريبها ..


ولم اتردد وأغير رأيي..

صعب تعرف دوافع الكتابة والمثر عليها حولك ذاتي ا موضوعي
مرات كتيرة بتكتب لكن بتتوقف عند النشر
ولما ارجع ليها مرة تانية بعد فترة بعدزول التأثيرات
تلقي انو عدم نشرها كان فكرة صحيحة حتي ل مجرد مداخلات في مواضيع مطروحة

لا يمنع انو في افكار عندها علاقة باللحظة الحالية اذا اتنشرت بعدها بتكون ما مفيدة لكن في العموم .. لا تنشر كل ما تكتب او تفكر فيهو اذا كان خارج هذه الحالة

Quote: لا يمنع انو في افكار عندها علاقة باللحظة الحالية اذا اتنشرت بعدها بتكون ما مفيدة لكن في العموم .. لا تنشر كل ما تكتب او تفكر فيهو اذا كان خارج هذه الحالة

كلام حلو ياجعفر ..لكن ما بتعتقد أنو الانفعال اللحظي في العموم بعبر عن الراي التلقائي والحسب زعمي اصدق وبعبر عننا

خاصة الكتابة اليها علاقة بالراي ..والهي في الغالب بمناسبات بعينها ..ووفق إنفعالات واستفزازات معينة

غير كدة بتكون كتابة فكرية ..او ابداعية ..ودي ما مرتبطة بآنية الحدث ..

سلام يا داليا
الثقة بالنفس والصدق ،،، اكتب العايز تكتبو - بتسمع الرأي المخالف لو اقتنعت بيهو يبقي انت المستفيد واعترف بالرأي الاخر ... (ثقة بالنفس)

الموضوع شنو بالضبط؟

Quote: الموضوع شنو بالضبط؟

Quote: زعلت من نفسي وأنا أمحو كل ماكتبت بعد جهد كتابة وتفكير الرقابة الذاتية - تتسبب في إجهاض فكرة ..موت ضمير ..و شعور بعدم الرضا قد يصل لاحتقار الذات .. قل ما تؤمن به فعلا ..فلن تغيير ..مالم تتغير!

Quote: ولأن الفكرة التي كنت بصدد مشاركتها معكم (بح) ..

يفتح الله ..عايزين الفكرة الأصلية بس ولاّ بلاش

نعم يا داليا الرقابة الذاتية لابد منها, لكن ظان تتحول لخوف و تهيّب و فكرة ابعد من الشر وغنيلو فدا لايصح
وبكدا تنتفي الفكرة الأساسية من البورد وهي النقاش وتبادل الآراء و اختلافها بكل حرية
ويمكن السبب في دا لإنتشار ثقافة كسر العين و التعامل مع المختلف باعتباره عدو يجب نسفه وتحقير رأيه
وسهولة تجاوز الخلاف رأيك و كلامك لشخصك بل و أهلك كمان
ودي حاجة للأسف تتقاصر اللائحة عن معالجتها, يفترض كان يعالجها الوعي و الوعي فقط

الكلام ده متعلق بالكتابة هنا ، زي ما اتضح لي من تعقيب ودالبشرى
واللا ذي علاقة بالكتابة عمومآ وماقد يواجهها من ردود فعل .. و أفعال ؟

الأخ أيمن .. برجاء الرد على أبو ساندرا عن داليا.

Quote: الأخ أيمن .. برجاء الرد على أبو ساندرا عن داليا.

هوِّن عليك يا اخ حسين ... هوِّن

Quote: هوِّن عليك يا اخ حسين ...

ده كلام يتقال يا أيمن لأكتر زول مصعبا ..

Quote: الكلام ده متعلق بالكتابة هنا ، زي ما اتضح لي من تعقيب ودالبشرى واللا ذي علاقة بالكتابة عمومآ وماقد يواجهها من ردود فعل .. و أفعال ؟

الكلام متعلق بالكتابة عموما لكنه مطروح في المنبر وموجه لعضويته..ومعظمهم بكتبوا هنا ..
ولاني قلت

Quote: مشاركتها معكم ..

من الطبيعي ان يفهم ود البشرى أنها خاصة بالمنبر ..

Quote: نعم يا داليا الرقابة الذاتية لابد منها, لكن ظان تتحول لخوف و تهيّب و فكرة ابعد من الشر وغنيلو فدا لايصح

والله يا ود البشرى الرقابة الذاتية دي بتبقى مرات غول عديل تبلع الوراها والقدامها ..

Quote: الموضوع شنو بالضبط؟

(واحد) مايفهم الموضوع لا يضير ..المشكلة أنو يزعل من فهم واحد تاني ليهو ..

Quote: الأخ أيمن .. برجاء الرد على أبو ساندرا عن داليا.

Quote: الرقابة الذاتية ..وأحيانا تقرأ (الجبن) ..(المسالمة) ..(مبدأ أبعد عن الشر وغنيلو) ..أو (حتى عدم الرغبة في خلق عداوة)

Quote: (واحد) مايفهم الموضوع لا يضير ..المشكلة أنو يزعل من فهم واحد تاني ليهو ..

Quote: الثقة بالنفس والصدق ،،، اكتب العايز تكتبو - بتسمع الرأي المخالف لو اقتنعت بيهو يبقي انت المستفيد واعترف بالرأي الاخر ... (ثقة بالنفس)

يابشمهندس أهلين..

..كلامك جميل لكن ربما تتكلم عن حالة مثالية ـ قد لا تتوفر في كل الأحوال ـ .قد يصاب اياً منا باوقات تتزعزع فيها ثقته في نفسه وقد يلجأللالتفاف حول الحقيقة أحيانا..، والمشكلة مافي الراي المخالف ..(المشكلة انك ما تقول رأيك عشان يخالفوك او يتفقوا معاك ..)!

Quote: (واحد) مايفهم الموضوع لا يضير ..المشكلة أنو يزعل من فهم واحد تاني ليهو ..

والله لكن لقيتك خطيرة، وبتعرفي تلبعي بالحتة الفيها الحديدة كمان.. بل بنفس العصاية زاتا...
،
،
إنتي كده بديتي ثورة التغيير.. إلى الأمام، إلى الأمام..
،
،
(لو كان عرفت لايك بجيبوها كيف كان أغنتني..)
،

لا نكتب الا ذواتنا يا داليا ..
وذواتنا هى ذاتها متغيره ..
فأين التماسك من كل ذلك ؟!

يبقى لازم الزول يغير رأيو ..
وبحيث يكون التغيير هو التماسك الوحيد الممكن ..
والمحك الأساسي يكون الصدق مع الذات .. ومع متغيراتها بالضروره ..

حقو ازين المداخله دى بى زهرة حمراء !!

(

Quote: واحد) مايفهم الموضوع لا يضير ..المشكلة أنو يزعل من فهم واحد تاني ليهو ..

متاكدة انو في زول فاهم حاجة....ولا بس مجاملات الجنس اللطيف
حكمة اليوم
اللاموضوع عند البعض موضوع

يا بلير سلامات ياخ ..

Quote: حكمة اليوم اللاموضوع عند البعض موضوع

أنا ما متأكدة لكن انت متأكد أنو دي حكمة ..؟!!



حكمة والله وحكاية لكن ..

Quote: لا نكتب الا ذواتنا يا داليا .. وذواتنا هى ذاتها متغيره .. فأين التماسك من كل ذلك ؟!

ماقلت إلا الحق يا مشرف ..

Quote: يبقى لازم الزول يغير رأيو .. وبحيث يكون التغيير هو التماسك الوحيد الممكن .. والمحك الأساسي يكون الصدق مع الذات .. ومع متغيراتها بالضروره ..

يعني امسك في كلامك ده قوي ..وعلى مسئوليتك


بما أنك ما ختيت الوردة ..وغيرت رأيك ..أنا سافعل

Quote: إنتي كده بديتي ثورة التغيير.. إلى الأمام، إلى الأمام..

بس ما تكون حقت القذافي يا بدري


حديدة إيه ياعم ده أنا غلبااان :)

Quote: وزعلت من نفسي وأنا أمحو كل ماكتبت بعد جهد كتابة وتفكير ـ(جد جد)ـ وليس مجرد مقدمة

محوتى فكتبتى لنا نص وفكرة تحاكي ما تعانيه من الم نبيل


احترامي وتقديري

يا داليا
ممكن أركب مكنة أيمن و أشرح ليك فهمي لحكمة بلير؟؟
حا أشرح بدون انتظار الأذن
فهمتا أنو انك مسحتي الموضوع الكنتي عايزة تكتبيهو بعد المرور على الرقابة الذاتية
بقى مافي موضوع
ومن عدم الموضوع ده طلع موضوع زي الفل
يبقي حكمة بلير في محلها (ناس تعمل من عدم الموضوع موضوع )



وبفسر أحلام كان ما عاجبك

غايتو انا لمن اقرر اكتب بكتب تووووووووشك
اللى يفهمنى مرحب بيه الما فهمنى مشكلته ما مشكلتى
المهم انى بكون مقتنعه بالكتبه وعايزه غيرى يستفاد ويشاركنى فيه
ولو طلع غلط فى شى ما بخجل اعتذر
ياهو بنتعلم وبنعلم وبنقيف وبنقع وبنحيا وبنموت
الحياه كان ما عشناها بطلاقه بتجى لحظات بنندم اننا ما جربنا وما عرفنا وما حاولنا وما سعينا
عشان خوفنا من فهم غيرنا
اصلا مستحيل تلقى فهم مشترك مع كل الناس
ياما بنلقى المعانا وبنلقى العلينا
وياها دى الحياه والبشر
بما انى ما بغضب ربنا وبأذى غيرى فى الكتبته
لا مانع في طرحه
واختلاف الاراء لا يفسد فى الود قضيه

يا رنوية سلام ..

انا كتير بقرا ليك وفعلا أنت من الناس المتصالحين مع نفسهم شديد ودي ميزة

Quote: بما انى ما بغضب ربنا وبأذى غيرى فى الكتبته لا مانع في طرحه

تعرفي يا رانية الناس العندهم فكرة واضحة عن ما يغضب الله وما يؤذي الناس ـ حسب فهمهم، معتقدهم ـ ديل ناس مشاكلهم قليلة غالبا،الكتابة شيطانها قوي وشهوة الانتصار للذات والفكرة بتخلينا كتير نبطش بدون ر حمة ..!

ALGARADABI

Quote: فهمتا أنو انك مسحتي الموضوع الكنتي عايزة تكتبيهو بعد المرور على الرقابة الذاتية بقى مافي موضوع

لا .. لا
بعد ما مسحت الموضوع الكانت عايزة تكتبو اتولد موضوع :

Quote: الرقابة الذاتية ..وأحيانا تقرأ (الجبن) ..(المسالمة) ..(مبدأ أبعد عن الشر وغنيلو) ..أو (حتى عدم الرغبة في خلق عداوة) ..أو ..او .. تتسبب في إجهاض فكرة ..موت ضمير ..و شعور بعدم الرضا قد يصل لاحتقار الذات ..

اي نعم عنوان الموضوع كان طويل ،،، بس واضح !
بتاعة المشرف

Quote: (واحد) مايفهم الموضوع لا يضير ..المشكلة أنو يزعل من فهم واحد تاني ليهو ..

فيتمـــــــــــــــــــــــــــــــــــــلمل ...!!!

Quote: فيتمـــــــــــــــــــــــــــــــــــــلمل ...!!!

كًر ده منو ده ..؟

Quote: اي نعم عنوان الموضوع كان طويل ،،، بس واضح !

يا أخوانا أيمن بعده بعوقكم ههههه


شكرا يا أيمن للإستماتة في الشرح ..


ومعاها بتاعتي أنا ..

يا قرضابي ..

أزيك وأحوالك والوليدات ..

أنت الفهمت عبارة بلير على نحو نبيل (بتاعت الفاضل الفوق)


لوقريت عبارتو الفوق الحكمة حتفهم غير الفهمتو أعد ..


ممكن يكون لخص البوست حسب فهمو او وجهة نظرو (ما عندي مشكلة )


بس عبارتو لا ترتقي لأن تكون حكمة (ده رأي ) وما ببلعو هههههه


يا أخوانا الحكمة كان ما معاها متلازمة الدهشة بتبقى إنشاء ساي ..

Quote: محوتى فكتبتى لنا نص وفكرة تحاكي ما تعانيه من الم نبيل

شكرا كتير يا فاضل على حسن الظن العريض ..

سلامات يا ناس
ممكن اشارك -عضو جديد ويتيم- ول للسناير بس؟

شكراً

Quote: لا نكتب الا ذواتنا يا داليا .. وذواتنا هى ذاتها متغيره .. فأين التماسك من كل ذلك ؟! يبقى لازم الزول يغير رأيو .. وبحيث يكون التغيير هو التماسك الوحيد الممكن .. والمحك الأساسي يكون الصدق مع الذات .. ومع متغيراتها بالضروره ..

دي مش اسمها (الحنف) يا رفيقي في الغار.. (ما كان إبراهيم يهودياً ولا نصرانيّاً ولكن كان حنيفاً مسلماً)
او (الكسرة) بلغة الموسيقى
المهم .. دي ما بتاعة ( صاحب الحوالي ... على التوالي ... حولا!)

من زاوية شوفي -وانا في البلكونة مستمخ- انو دا ما تغيير الرأي القصدتو ست الدار بت حافظ
هي قصدت (النطة) الواااحدة ديك .. يعني الزول يبلع السيف متني .. ويلحقو بالذمة ذااااتا .. او يمطها (للنوع ابو استك)
والله صحي

عشان كدي الناس بتسأل عن الوعود: كلام رجال؟
















-----------

داليا ازيك ياخي
لسة متضامنة مع قيقراوي .. ول غيرتي رأيك برضو؟

أجي يا "فتحي " جابت ليها حليفة ..كمان ههههه

Quote: هي قصدت (النطة) الواااحدة ديك .. يعني الزول يبلع السيف متني .. ويلحقو بالذمة ذااااتا .. او يمطها (للنوع ابو استك) والله صحي

في فرق بين الزول يقول كلام ويرجع منو "ينط" وبين يقرر ما يقول الحاجة الكاااان عايز يقولا ..فبالله ما تحلفوا بلسانا

Quote: لسة متضامنة مع قيقراوي .. ول غيرتي رأيك برضو؟

لحدي الآن ما غيرت ..لكن على سيرة الحليفة ..بالله عليك وفي ذمتك ..ليه قررت تكتب بأسمك الحقيقي ..؟

أي إجابات هلامية ما معتمدة ..

كلام الأول ما بتحوّل!!

Quote: لحدي الآن ما غيرت ..لكن على سيرة الحليفة ..بالله عليك وفي ذمتك ..ليه قررت تكتب بأسمك الحقيقي ..؟ أي إجابات هلامية ما معتمدة

غيرت رأيي .. بس

























-------

بالكسرة ..
عيبوا لي (حمودي) بالكسرة دي!؟
المافي شنو هو؟





بعيداً عن الذمة الواااسعة التي تسع الجميع ..

اقري (موت دنيا .. الفصل الاخير في الرواية ) بتعرفي .. وفألك طيب
تعالي ومعك آخرون ..
دعوة مفتوحة لهجاء الراوي .. مجاناً
والله صحي ..المافي شنو؟

يعني يا داليا بعد التجيع دا كلّو مافي أمل نقرا الموضوع الأصلي!!
الشمار كاتلنا ياخ :)

Quote: إنتشار ثقافة كسر العين و التعامل مع المختلف باعتباره عدو يجب نسفه وتحقير رأيه وسهولة تجاوز الخلاف رأيك و كلامك لشخصك بل و أهلك كمان ودي حاجة للأسف تتقاصر اللائحة عن معالجتها, يفترض كان يعالجها الوعي و الوعي فقط

الوعي عاجز عن إدارة الرأي والرأي الآخر وين ما اتلفت
وبالذات هنا في المنبر
عدم القبول بالآخر بخلي الشغلانة لون واحد يحرمك كتير من متعة المشاهدة
المحطة الوسطى نعامة لا لمت مع الجداد ولا لحقت الأبل، لكن عدم قبول الراي الآخر بخليك تميل لي الوسطية

بوستات كتيرة في البال ممنوعة بي رقيب عدم القبول والوصول لي مرحلة الشخصنة
توم وجيري
ياني
عاصم الطيب
عادل يوسف طاشر سنة غياب
استاذ عبد الغفووووور
وعن الديش والأمن وشيطان السياسة
...
وحاجات تانية مالياني
وحتى الرد علي البوست دا اخد اكتر من خمسة دقايق
!!!
تحياتي

Quote: الوعي عاجز عن إدارة الرأي والرأي الآخر وين ما اتلفت

Quote: عدم القبول بالآخر بخلي الشغلانة لون واحد يحرمك كتير من متعة المشاهدة

Quote: بوستات كتيرة في البال ممنوعة بي رقيب عدم القبول والوصول لي مرحلة الشخصنة

Quote: يعني يا داليا بعد التجيع دا كلّو مافي أمل نقرا الموضوع الأصلي!! الشمار كاتلنا ياخ :)

ههههه موتوا..ماااافي ..أي أمل دنقل ..

Quote: اقري (موت دنيا .. الفصل الاخير في الرواية ) بتعرفي .. وفألك طيب تعالي ومعك آخرون .. دعوة مفتوحة لهجاء الراوي .. مجاناً والله صحي ..المافي شنو؟

يعني ما في طريقة تباصر لي رد موجز ..

Quote: يعني ما في طريقة تباصر لي رد موجز

نهي زندقي
انت قايلانا جينا هنا ساكين لينا كيس؟
ما جينا للورجغة دي ذااااتا!
المافي شنو؟



النمرة غلط




























---------

انت قاصدة ملاسي ول قيقراوي؟
عشنا وشفنا اب سطر بضحك على اب سطرين (واحد للقراية .. ؤ واحد جااااهز للفط)


ما هو ما بتجي يا داليا ياخي ..
الما عندو صبر للقراية .. يكوس ليو درب تاني للمعرفة
او يكوس العرس .. بالدرب العديييل داك
المافي شنو .. العرس مفيد للصحة!؟

المعرفة حفت بالمشاق .. والشقاوة من يوما
وقديمن قيل: "اذا كنت لا تقرأ الا ما يعجبك .. فتأكد انك لن تتعلم ابداً"

مافي حاجة مجاناً ..
الا في سطر اب سطر
ورزق المورجغين على اصحاب البطل

Quote: كلام الأول ما بتحوّل!!

ده كان زماااان ..