Post: #1
Title: يُهيب المؤتمر الوطني ووالي الخرطوم بالمواطنين استقبال د. محمد مرسي غدٍ
Author: HAIDER ALZAIN
Date: 04-03-2013, 06:34 AM
دعوة اطلقها المؤتمر الوطني بولاية الخرطوم..
وكذلك اطلقها والي الخرطوم - نسيت اسمه لكن شكله بيشبه احمد البلال بشلاضيمه -
وهذا لإستقبال سعادة الدكتور مرسي في زيارته للخرطوم..
لقيت الدعوة لافة في كم قناة ي في الشريط تحت الدعوة لافة تمشي وتجي
ونسبة لانه الدكتور مرسي دكتور عزيز " اوي " علينا .. وضيف الحكومة ضيف لكل ابناء النيل الطيبين ..
فقلنا نساعد " الحكومة " بالمقترحات عشان يكون الحشد لايق بسعادة الريس مرسي ...
وكذلك بالمقترحات لكيفية استقباله والاحتفال به وهلمجراااااااء..
اهم مقترح للشباب هو يا جماعة الراجل ضيفكم فانسوا تسألوه من حلايب..
هسع ان بقيت طالب زول قروش متسلفها منك او حتى " قالعها " منك وجاك عزمتو في البيت بتسعلو منها؟؟؟
وطيب يآخي !
مافي داعي للافتات او يفط او حلايب وكدة.. خاصة وانه ظرف مصر الحالي لايسمح بإثارة موضوع حلايب ..
نشوف المقترحات البناءة والمفيدة
وشكراً
|
Post: #2
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-03-2013, 06:39 AM
Parent: #1
بعدين يا اخوانا اللمبي ... اللمبي يا اخوانا .. بالله ما تنسوهو يا سعادة الوالي .. سلموهو اكبــر " يافطـة " ترحيب الراجل مهما كان وزيــر دفاع وكمندان
جيبو اللمبي اول زول .. تاني الرقاصة والمعازيـــم هينات !!
|
Post: #3
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: عبد الصمد محمد
Date: 04-03-2013, 06:42 AM
Parent: #2
ولله انت لا تفرق عن الكيزان إلا كما يفرق وليد الخير عن حيدر الزين
|
Post: #5
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: زهير عثمان حمد
Date: 04-03-2013, 06:47 AM
Parent: #3
الاخ حيدر
أزيك
أنت قصتك شنو معنا يا خي الاهابة وين سمعتها كلمنا
تحياتي ياصديق
|
Post: #6
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-03-2013, 06:48 AM
Parent: #3
حبابك يا عبد الصمد عبد القادر ..
شايفك الليلة يا عمكـ قلعت البدلة وجيت بالجلابية .. اها الجديد عندك 
ــــــــــــــــــــــ..
انا قلت ليك شنو يا خال قدر ما تنعصر حا تجري داخل بالاسم دا..
عموماً ترحيب كبير بمقدمك كما نرحيب بمرسي :)
|
Post: #4
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: Hani Arabi Mohamed
Date: 04-03-2013, 06:43 AM
Parent: #2
ممكن نكرّمو بأوسيف ووادي حلفا ونديهو عبري فوق البيعة هوادة
يعني أراضينا خسارة فيه ؟ وفي أهلو ؟
|
Post: #7
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-03-2013, 07:04 AM
Parent: #4
Quote: ممكن نكرّمو بأوسيف ووادي حلفا ونديهو عبري فوق البيعة هوادة
|
مقترح جيد يا هاني عربي..
ما خسارة فيهو وإكرام الضيف واجب.. !
وياريت مع ديل نشوف كم بقرة كدة نحفز بيها الاقتصاد المصري الشقيق ...
|
Post: #8
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-03-2013, 07:11 AM
Parent: #7
العزيز قريبنا زهير حمد..
تحياتي ..
| Quote: أنت قصتك شنو معنا يا خي الاهابة وين سمعتها كلمنا |
اوريك شفتها وين ..
امس جيت لافي في قنوات السودان لقيت الاتي:
قناة فيها عوضية عذاب  في اغنية دلوكة عجبتني ..
وقناة فيها مباراة الاهلي شندي والمريخ العاصمي ( زووووط ) ما عارفها انتهت كم كم ..
وقناة فيها لقاء مع عقيد شرطة مرور والمذيعة كانت بتسأله غن كانوا بيفحصو " الإتاراات " للبصات السفرية في الطرق السريعة 
وقناة فيها واحد لابس جلابية وطاقية صفراء وبيغني حلفاوى بالاورغ 
أها الإهابة جات " لافة " في قناتين من القنوات دي..
ــــــــــــــــــــ..
بعدين موضوعك شايفو ماشي كويس.. ربنا يوفقك وموعدنا غدٍ بعد استقبال مرسي 
|
Post: #9
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-03-2013, 10:58 AM
Parent: #8
اها يا هاني عربي .. هل تعتقد ان الرئيس مرسي - حفظه الله - سيتجاهل الدعوة بالنسبة لحلفا وعبري!!
| Quote: وأضاف الأشعل، فى تصريحات لـ"الحرية والعدالة" : بالنسبة لزيارة الرئيس المنتظرة لدولة السودان ستساهم بشكل كبير فى توثيق العلاقة مع الجارة السودانية وستعمل على الإسراع فى تنفيذ عدة مشروعات كبيرة ومنها منفذ "قسطل-حلفا" وتنشيط العلاقات الاقتصادية. |
يتبقي فقطـ استيراد " الصعايدة " لتكتمل دعوة " اللمبي " بتحسين نسل السودانيين بإبادة جينات الكسل والخمول ..
|
Post: #10
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-03-2013, 11:08 AM
Parent: #9
اما الموضوع الاهم في زيارة السيد / مرسي ( حفظه الله ) للسودان فيتمثل في ما اضافه الدكتور عبد الله الاشعل :
| Quote: أن هذه الزيارات تعطى فرصة كبيرة لعودة العلاقات إلى سابق عهدها قبل أن تفسدها الأنظمة السابقة لكنها ليست كافية، فمصر تحتاج إلى إستراتيجية جديدة للتعامل مع القارة السمراء، مقترحا أن يكون هناك وزير مختص بالعلاقات مع إفريقيا لبحث سبل التعاون أكثر. |
واخد بالك من الانظمة السابقة دي !!
ــــــــــــــــــــــ..
والذ منها القول بان التعامل مع السودان يخضع لاستراتيجية جديدة مع " القارة السمراء "
يعني شعبي وادي النيل والعلاقات العربية والعرب بح بح ..
|
Post: #11
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-04-2013, 08:40 AM
Parent: #10
|
Post: #13
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: HAIDER ALZAIN
Date: 04-04-2013, 09:00 AM
Parent: #11
من ناحيتي ما شغال بانه البشيـر يمشي يستقبل مرسي في المطار او ما يستقبله .. فهكذا قدر الحوش الخلفي دائماً ..
ولا عندي شغلة بانه " اللمبي " يرفع علم مصر وهو يرتدي بزة وزير الدفاع او لا يرفعه فهو اللمبي ويكفي..
ولا عندي شغلة بانه الصحف الصادرة صباح اليوم الخميس " جلها " تصف زيارة مرسي للخرطوم بالـ " زيارة التاريخية " فهكذا هي صحافتنا وهكذا يؤمرون فيكتبون..
المشكلة في المواطنين المساكين ديل .. يهيبوهم لي شنو!!
والاشكالية الاكبـر انه الشعب يهيبوه فيتهاب...
ــــــــــــــــــــــــ
عموماً اتمني انه الناس الحاتتهاب هناك تخلي عندها عشرة وذوق وبعد نظر وما " تزعج " الزوار الاكارم بقصة حلايب ..
|
Post: #12
Title: Re: يُهيب المؤتمر الوطني ووالي الخرطوم بالمواطنين استقبال د. محمد مرسي
Author: Hani Arabi Mohamed
Date: 04-04-2013, 08:50 AM
Parent: #9
تحياتي حيدر الزين
Quote:
يتبقي فقطـ استيراد " الصعايدة " لتكتمل دعوة " اللمبي " بتحسين نسل السودانيين بإبادة جينات الكسل والخمول ..
|
أكرر السؤال الذي طرحه الحلفاوي العجوز على اللمبي حين قال ذلك الكلام:
يأني يا أبد الرحيم ما وريتني المسرريين هينومو مأ نسوان السودانيين ولا السودانيين هينومو مأ نسوان المصريين
|
|