Post: #1
Title: كل ربع والجميع بخير
Author: درديري كباشي
Date: 04-01-2013, 09:40 AM
Parent: #0
نتمنى للربع كل ربع وهم بخير
كلمة ربع كلمة بدوية خليجية ممكن تعني الاهل والقبيلة والجنسية ..
آسفين نحن امام ثقافة جديدة
والواحد يحاول يتأقلم اهو ..
يعني تخيلوا لو الاعمار بيد الله هذه اصبحت تقاس بالربع ربع
يعني عمرك تضربه في اربعة
يعني هممممممم اتنين نطلع بالواحد..
لا حول ولا قوة الا بالله ..
ماشي طيب خليها بالدفعة في المنبر
يعني دفعة 2002 عمرهم 52 ربع ما شاء الله عيننا باردة
|
Post: #2
Title: Re: كل ربع والجميع بخير
Author: درديري كباشي
Date: 04-01-2013, 09:46 AM
Parent: #1
بالمناسبة نحن كسودانيين بصورة عامة
ثقافة الربع ما جديدة علينا
من زمن نشتري اللحمة بالربع
والعيش الذرة بالربع
والمحلبية بالربع
والتلج بالربع
والباسطة بالربع
ومن كثرة ماا هي راسخة هذه الثقافة
انت تقول للجزار يا عمنا ربع وبس
هو عارف انك تقصد ريع كيلو و عارفك تقصد لحمة لانه هو اصلا لا بيع شيئا آخرا
وتقول للعياشي يا عم عبد الله ربع .. هو عنده معبار كدة بحجم الجردل اسمه ربع ( بس هو ربع شنو ما عارفه والله ) تروح طاحونة تقول لهم دققو لي الربع دا
|
Post: #3
Title: Re: كل ربع والجميع بخير
Author: درديري كباشي
Date: 04-01-2013, 09:55 AM
Parent: #2
كلمات اغنية المزار
من بعد ما عز المزار
والليل سهى وملت نجوموا الانتظار
والشوق شرب
حزن المواويل وانجرح خاطر النهار
وبقيت اعاين في الوجوه
واسال عليك وسط الزحام
قبال اتوه يمكن الاقي البشبهك
ما الليل براح والشوق بيندهك
شايلاه وين النيل معاك
عصفورة جنحاتها النجوم وانا بي وراك
بسال عليك مدن وبعصر سلافة الليل حزن
بسأل عليك في المنفى في مرفى السفن
امكن طيوفك اخريات الليل تمر
تملأ البراحات للحزين طول العمر
ما نحن بينا الامنيات والتضحية
بينا المعزات والعذابات في الحياة
بينا الهوى اخلاص على قلب انكوى
وكلام كثير قلناه آخر الليل سوا
انو راح نتلاقى لو طال النوى
لكن كلامنا الكان وكان
خايف يكون شالو الهوى
ياا سلام عليك عبد العال السيد يا مبدع
الله يرحمك يا مصطفى سيد احمد
يا اخوان ما في كلام كثير قلناه في آخر الليل سوى
يعني في ربعنا الاول
وكلام كثير قلناه آخر الليل سوا
انو راح نتلاقى لو طال النوى
لكن كلامنا الكان وكان
خايف يكون شالو الهوى
خايف يكون شايله الهوى
|
Post: #4
Title: Re: كل ربع والجميع بخير
Author: سليمان القرشي
Date: 04-01-2013, 10:00 AM
Parent: #3
عمنا الكباشي سلامات
كل ربع وانت بالف خير وربنا
يعيد عليك الارباع القادمة
وانت اكثر توهجا وجمال
تسلم
|
Post: #6
Title: Re: كل ربع والجميع بخير
Author: درديري كباشي
Date: 04-01-2013, 10:50 AM
Parent: #4
Quote: عمنا الكباشي سلامات
كل ربع وانت بالف خير وربنا
يعيد عليك الارباع القادمة
وانت اكثر توهجا وجمال
تسلم |
سلام يا سليمان وكل ربع وانت بخير
بالمناسبة من الربع الاول محيراني غزالتك المتنمرة دي
ما عارف انت لونتها ولا هي من قوات الصاعقة في الغابة
انا ما شفت قبل كدا غزالة مرقطة
|
Post: #5
Title: Re: كل ربع والجميع بخير
Author: محمد بابكر محمد
Date: 04-01-2013, 10:08 AM
Parent: #2
تحياتى وكل (ربعين) بضم الحرف الاول
وانت بخير
ودائم التالق
وبصحة
وعافية
سلامات يا استاذنا
|
Post: #7
Title: Re: كل ربع والجميع بخير
Author: درديري كباشي
Date: 04-01-2013, 10:54 AM
Quote: تحياتى وكل (ربعين) بضم الحرف الاول
وانت بخير
ودائم التالق
وبصحة
وعافية
سلامات يا استاذنا |
سلام يا محمد
ويشهد الله انا اعدك احد مكاسب ربعي الاول العظيمة من هذا المنبر
ادام الله الود
وكل ربع وانت بخير
|
Post: #8
Title: Re: كل ربع والجميع بخير
Author: سليمان القرشي
Date: 04-01-2013, 12:19 PM
Parent: #7
ياعمنا درديري
ماتعمل رايح في ربعية تاني
مالاقتك اصلا بقولوها
ربع عبار هههههه
|
Post: #9
Title: Re: كل ربع والجميع بخير
Author: درديري كباشي
Date: 04-01-2013, 12:27 PM
Parent: #8
Quote: ياعمنا درديري
ماتعمل رايح في ربعية تاني
مالاقتك اصلا بقولوها
ربع عبار هههههه |
انا بتكلم عن العيش الحب ما عن العيش السائل ..
لكن ربع العيش الحب هو ربع شنو بالظبط ؟
اكيد ما ربع كيلو لانه وزنه اكثر من خمسة كيلو ولا ربع شوال لانه الشوالات حجمها مختلف
|
Post: #10
Title: Re: كل ربع والجميع بخير
Author: Artiga Gilani
Date: 04-01-2013, 01:14 PM
بسم الله الرحمن الرحيم
درديرى
كل ربع وانت بخير
وربنا يجعلو ربع خير وبركه
ويديم علينا الارباع
ارتيقا
|
Post: #11
Title: Re: كل ربع والجميع بخير
Author: درديري كباشي
Date: 04-01-2013, 09:20 PM
Parent: #10
سلام ارتيقا
وانت بالف خير يا حبيب
والربع الثاني انشاء الله يكون شهر سلام ووئام ووحدة
خلي بالك احسن حاجة تقسم السنة لارباع
|
|