الموصلي ده منو كمان ؟!!!

الموصلي ده منو كمان ؟!!!!


منذ أيام كنت أتحادث مع ابن أختي المهندس محمد عبر الفيس بوك .. وكان حديثنا منصباً عن نص لي أعجب به محمد كثيراً ... وحقيقة أن من عاداتي التي أحبها التعامل مع أولاد وبنات أخواتي باعتبارهم أصدقاء عديييل كده وليست علاقة الخال بالولد ... يعني ممكن أي واحد منهم عادي يقول لي : تعرف يا خال يا فرده ... ويصارحني بأدق تفاصيل حياته كصديق مقرب جداً .... ما علينا دعونا في موضوعنا ... عندما رأيت إعجاب محمد الزائد بذلك النص ... وكنوع من المباهاة قلت له لقد عرضت هذا النص على الأستاذ / يوسف الموصلي الذي أبدى أعجابه الكبير به ... صعقني رده ... أو كما تقول (الخاله) رانيه .. (جلطني عديييل) ... إذ قال وبالحرف الواحد : الموصلي ده منو كمان؟!!! ... فتخيلوا !!!!!....

***

ولعلم الجميع فأن محمداً هذا يعرف حتى أسماء الاحتياطي ولا أبالغ إن قلت حتى المبرز من الناشئين من أسماء لاعبي برشلونه وريال مدريد وكثير من الفرق الأسبانية والايطالية والإنجليزية والألمانية والتي لا أستحضرها وربما لا أعرفها أيضاً ... بما في ذلك أدق التفاصيل عن سيرهم الذاتية وإنجازاتهم ... ناهيك عن لاعبي هلال مريخ وبقية الفرق السودانية الأخرى بتفاصيل مذهلة .... وحتى لا تقولوا إن هذ الشاب وبالطبع مثله كثر ... ثقافته تقتصر على المجال الرياضي ... فحبيبنا هذا يعرف كل الفنانين الموجودين على الساحة السودانية الآن وأغانيهم وكافة تفاصيلهم ... بالإضافة الى الوطن العربي والقائمة الطويلة من المطربين والمطربات ... وصدقوني حتى على مستوى أوربا والعالم الغربي يعرف الكثير والمثير ... ولكن في النهايه ... تصوروا : الموصلي ده منو كمان؟!!! ... فمن المسئول عن هذا التردي ...وعن هذا الجهل المريع لأغلب أبناء الجيل لهذه القامات السامقة من مبدعينا والتي ملأت الدنيا إبداعاً وتألقا وتوهجاً ونضارا ؟ !!....

***

طبعاً أنا لم أتركه ... وحاولت قدر إمكاني أن أشرح له من هو الأستاذ الموسيقار يوسف الموصلي ... واستعرضت له ما حوت زاكرتي من إشراقات الموصلى .. من ..بلدنا نعلي شانه ... والأماني السندسية ... الخ الخ ... وأن هذا الرجل قد قام بتوزيع بعض أغنيات الخالدين أمثال محمد وردي وآخرين كما إن له دراسات وأبحاث في الموسيقى يتم تداولها على المستوى العالمي ، كما إنه يكتب الشعر الجميل أيضاً، ولقد قام بتلحين العديد من الأغنيات للجيل الواعد من الشباب والتي لا يمكنني حصرها... حتى شعر محمد بالضحالة ..وأظنه جاملني ... فقال : أها .... كده يعني ....

ونعود أحبتي لطرح السؤال الأهم في هذا السياق ... من المسئول عن هذا ؟ ...

هل نتهم الإعلام بالتقصير في تقديم هذه القامات وأعمالها الخالدة ... والإشارة إلى ألحانهم مع جيل الشباب من المطربين ، وتنوير هذا الجيل بما قدموا وما زالوا يقدمونه للفن السوداني على وجه العموم .... أم نلقي باللوم على المبدعين أنفسهم بأنهم لم يسعوا للإقتراب أكثر من هذا الجيل وتقديم منتوجهم قديمه وحديثه بالصورة التي تجعلهم يقبلون عليهم وتستهويهم هذه الأعمال الخالدة وتبقى في زاكرتهم ...ولا نعود نسمع مثل هذه العبارة القميئة : الموصلي ده منو كمان؟!!! ...

أم أن اللوم يقع على هؤلاء الشباب أنفسهم وتقصيرهم في سبر أغوار ومكامن هذا الجمال والتقصي لمعرفة مبدعي بلادهم ... والتمسك بالقشور وما يطرحه بريق الهالة الإعلامية الموجهة أساسًا لطمس هويتهم الثقافية .. ومحو الأمجاد الباذخة من زاكرتهم ووجدانهم ... والخطورة تكمن يا سادتي أن ذلك التوجه ليس قاصراً على كبار الفنانين وفطاحل الشعراء والمسرحيين وكافة مبدعي بلادنا في كافة المجالات بل يمتد ليشمل حتى أسماء القادة العظام وأبطال التاريخ الإسلامي الذين بهروا الدنيا وأشاعوا في الدنيا العقيدة السمحة ونور العدل والســلام ....كما يمكنه أن يتسرب ليشمل بعانخي وتهراقا وعلي دينار وبادي أبشلوخ وعماره دنقس ليصل للإمام المهدي وعثمان دقنه والنجومي وأبو عنجه إلى آخر هذا العقد الفريد ....

أم أن المسئولية مشتركة بين كل هذه المحاور التي ذكرت ويجب على الكل تحمل ما يليه من مهام في هذا الشأن ... بالطبع أطلب من الجميع والمختصين على وجه الخصوص والذين يعج بهم منتدانا العامرهذا المساهمة والإدلاء بدلوهم في هذا المجال حتى لا نعود ونسمع من أغلب أبناء هذا الجيل ثانية : الموصلي ده منو كمان؟!!! ... فهلا فعلتم ....

مع خالص شكري وتقديري ؛؛؛؛

الأخ إدريس ..صباحك خير..
الكلام ده قلناهو لي أستاذنا الموصلي وما صدقنا ..الجيل الجديد لا يعرف عن الموصلي شيئاً ولن يعرف مهما حاول الاستاذ الموصلي العودة للاجواء بالتلحين لي بعض الفنانين أو من خلال إجازاته في الفترة الاخيرة لأنه وبختصااار كده وزي ما بيقولوا الخواجات إت إز توووو ليييت ..
لا هذا ولا ذاك !!! وأعني هنا العيب لا من الجيل الحالي وناس محمد ولااا من الإعلام ..العيب فييي اصحاب الشي زاااتا !!! وهنا بقصد استاذنا الموصلي..
انا خايف جداً من إعتقاد الموصلي إني بترصدو في هكذا بوستات لكن الحقيقة إني بجي اعيد في كلامي ده في هكذا بوستات لإثبات نظريتي في نقاشات طويييلة مع الاستاذ الموصلي إنو لسة عايشين بي ذكريات الماضي ومرات كتييرة التاريخ لا يشفع ..ودي ضريبة السفر والهجرة وعلى الموصلي وغيره تحمل تبعاتها..
بالمناسبة وردي سافر وإنقطع لكن ظل وردي هو وردي بل زادت شعبيته ..وهنا بيظهر سؤال .. إشمعنا وردي؟؟؟
كدي أمشي قول لي ود اختك ده إنو قصيدتك دي أديتا لي وردي يلحنا ليك وشوف ردو ح يكون شنو..
لو قال ليك وردي ده منو كمان يبقا فعلاً في أزمة جيل ...
لكن لو قال ليك والله يا خال انت مااا ساهل وردي عدييييييييييل كده؟؟؟ فحينها حتتعرف الاجابة على كل تساؤلاتك دي وبكل سهولة ..

وليه فى مصر تعرف الأجيال الحديثة الست أم كلثوم ، وعبد الحليم حافظ ووردة الجزائرية
وسيد درويش ومحمد عبد الوهاب والسمباطى وأحمد رامى وبليغ حمدى
بل ويعرفون محمد طه وشفيق جلال وأحمد عدوية

وفى لبنان يعرفون فهد بلان وصباح وفيروز والرحبانية ووديع الصافى

بينما فى السودان تجهل الأجيال الحديثة كثير من المبدعين من فنانين وموسيقين
قد يجهل هذا الشاب الكاشف وعثمان الشفيع وسيد خليفة وعثمان حسين
وبرعى أحمد دفع الله، ، وبشير عباس، وعبد اللطيف خضر وناجى القدسى ويوسف الموصلى ...

فى السودان هى غربة داخلية وليست غربة الخارج تتتعدد أسبابها ومن ضمنها
عشوائية الإعلام ..... ولا يقتصر الأمر على أهل الفن الغنائى ولكن يتعداه ليشمل
معلومات وشخصيات فى المسرح وألأدب وتاريخ السودان الحديث ....

Quote: إذ قال وبالحرف الواحد : الموصلي ده منو كمان؟!!! ... فتخيلوا !!!!!....

سبحان على الله

مع ذلك لو سالتو من وجبة المثلوثة فيها كم حبة ارز

لقال لك بها 1015 حبة

شكرا الشاعر ادريس

واحدة من الأسباب الكتيييييرة إنو فنانين هذا الجيل يتغنون بروائع الأجيال السابقة دون ذكر صاحب الأغنية
و كمان إعلامنا مقصر جداً في نشر أغاني فنانين بعينهم لأسباب سياسية .

إدريس إزيك ياخ

Quote: بالمناسبة وردي سافر وإنقطع لكن ظل وردي هو وردي بل زادت شعبيته ..وهنا بيظهر سؤال .. إشمعنا وردي؟؟؟

يا ود الفاروق , شفت بعينى فى المنبر دة واحد كتب انه ود اخته فى نهائى هندسة يعتقد اعتقاد جازم انه اغنية الطير المهاجر حقت طلال حلفا

مايكل جاكسون قبل وفاته كان بيحضر لحفله اسنعراضيه يعيد بها تعريف نفسه للجيل الجديد الذى لا يعرف غير فيفتى سنت واشر وجاستين تيمبرليك

ياخ خليك من دة انا زاتى كان مرات ابوى بيستغرب لما كان بيسالنى عن الفنانين زى عبيد عبد الرحمن ولا الطيب ما عارف واولاد المقرن

ومنو كدة .. ويلقانى ما بعرفم وهم كانوا بالنسبه لجيلهم لا تخطئهم الاعين , ف شنو حقو المسالة دى تكون مفهومه للجميع وما فيها حاجة لو زول
من الجيل الجديد ما بيعرف استاذ يوسف الموصلى

تحياتى للجميع

Quote: يا ود الفاروق , شفت بعينى فى المنبر دة واحد كتب انه ود اخته فى نهائى هندسة يعتقد اعتقاد جازم انه اغنية الطير المهاجر حقت طلال حلفا مايكل جاكسون قبل وفاته كان بيحضر لحفله اسنعراضيه يعيد بها تعريف نفسه للجيل الجديد الذى لا يعرف غير فيفتى سنت واشر وجاستين تيمبرليك ياخ خليك من دة انا زاتى كان مرات ابوى بيستغرب لما كان بيسالنى عن الفنانين زى عبيد عبد الرحمن ولا الطيب ما عارف واولاد المقرن ومنو كدة .. ويلقانى ما بعرفم وهم كانوا بالنسبه لجيلهم لا تخطئهم الاعين , ف شنو حقو المسالة دى تكون مفهومه للجميع وما فيها حاجة لو زول من الجيل الجديد ما بيعرف استاذ يوسف الموصلى تحياتى للجميع

لما الاعلام يا احمد يسيب الاصل ويذيع الفرع
لابد من مثل هذه التآثيرات
بالرغم من آن حالتي اشعر فيها بالتقصير في حق الجمهور لعدم التواصل المباشر بينما آن سوق الكاست مات
والميديا عاشقة للمجترين والغنا المجاني

Quote: واحدة من الأسباب الكتيييييرة إنو فنانين هذا الجيل يتغنون بروائع الأجيال السابقة دون ذكر صاحب الأغنية و كمان إعلامنا مقصر جداً في نشر أغاني فنانين بعينهم لأسباب سياسية . إدريس إزيك ياخ

صدقت يا ابو حسين

اللوم ما علي الموصلي يا فاروق...

اللوم علي اعلامنا كله المقروء والمرئي والمسموع...

يا رجل سمع اضاني...وشوف يوتيوبي...

اغاني الراحلين صالح الضي...والكحلاوي...تحولت بقدرة جهل باسماء فنانين كتر...

وبالامارة اسأل ود اختك عن اغاني الفنانين التي يرددها كل من فرفور واحمد الصادق...

ما حا تلقي سيرة لهؤلاء العظماء ولن تستطيع مغالطته..

إبن العم إدريس
تحياتي لك

من المسئول عن هذا ؟ ...

تقع المسئولية كاملة على عدة أطراف ، وأقصد مسئولية التعريف بأهرامات الفن والأدب والتاريخ إلخ ...

الأسرة
المدرسة
الإعلام بكل أطرافه

والأشد إيلاما هو جهل الجيل الجديد برموزنا التاريخية وملاحمنا البطولية

دمتم

منتدي الفنان احمد الصادق بالفيس بوك نسب اغنية الرايقه هووي

البتحمل تراثنا وثقافتنا لي احمد الصادق البيغني فيها وماهو عارف معانيها


وهي في الحقيقه من اغاني الرواويس التي ليست ملكاً لأحد


دي مشكله جيل كامل تحياتي أدريس وليك ولكل الحضور الجميل

Quote: منتدي الفنان احمد الصادق بالفيس بوك نسب اغنية الرايقه هووي البتحمل تراثنا وثقافتنا لي احمد الصادق البيغني فيها وماهو عارف معانيها وهي في الحقيقه من اغاني الرواويس التي ليست ملكاً لأحد دي مشكله جيل كامل تحياتي أدريس وليك ولكل الحضور الجميل

خد اها شوف
وعند سيد آحمد الخبر اليقين
تشكر يا ابو السيد

.
.
أخي إدريس ........تحياتي

في ريبورتاج أجرته معي إحدى المجلات التي تصدرها المؤسسة التي أعمل بها،
سألني المحاور عن (الفرق بين الجيل الحالي وجيلنا)، مختصراً اللإجابة قلت:
ـ إن الجيل الحالي هو جيل عصر السرعة والتطور التقني المتسارع ، ضحل الثقافة
ولا يميل للقراءة والإطلاع خارج المناهج المدرسية، يريد كل شيء مختصراً حتى الأكل،
فهو يميل لتناوله ساندويتشات أمام الكمبيوتر أو التلفاز. ملول قليل الصبر.

وعلى العموم قد لا ينطبق ما رأيت على الكل، حتى في محيط عيالي ، فهو ينطبق ولا
ينطبق، فالتعميم المطلق غير وارد.

أكيد استفزك (الوليد) ، وذلك لا ينقص الموصلي القامة شيئاً، ويكفي إنك تحفظ قدره.

كامل الود يا درش.

العزيز ادريس وضيوفه الكرام
اتفق معكم جميعا وحتي مع عمر الفاروق في جزئية الهجرة وعدم الاستقرار في السودان
كما آننا حتى في هجرتنا مقصرين الى حد كبير
وبرغم ذلك فان الفنان السوداني من جيلنا وماسبق الاكثر علاقة بالجيل الجديد من الفنانين
هو شخصي الضعيف تصلني على الاقل 4 ايمليات شهريه تستشير في اعمال قاموا بها آو تلحين آعمال للبعض
اهو رجعة الاجازات صلحت شويه لكن برضو في تقصير اقتضته الظروف (المعيشيه) في زمن اضحى الاجترار سمة اساسيه في السودان
اصبح من الصعب آن يعيش المجددون على الابداع الجديد
والى ذلك الحين ربما يظل الارسال متآخرا و
It is not too late for it my friend Omer but it is too late for some people to understand the situation politically socially.
تحياتي لجميع المشاركين الافاضل

ودي هديه ليكم و
حفل اماسي الخرطوم 2011 بالمتحف القومي وشوفو جمهور الموصلي
وتراوح الاعمار من التاشرات ولي فوق ولكن هذا لاينفي تقصيرنا


اذا النظريه ليست سليمة مائة بالمائةولكن فيها جزئيا
نظرة صحيحة

ارح نلاقي بعضنا يا والريد اللسع فينا
الموصلي الغربة اضافت له اكاديميا ونقصت من رصيدهو الداخلي
في ظل هذا النظام يلمع في قيقم ويحارب عركي ماذا يرجو منه
اعلام مكرس في ساحة الفداء اعلام كذب ونفاق اعلام يصرح القائمن عليه صباح وينفون مساء اعلام غير صحي
فنانون حتي حق الاورشتة غير موجود وحسن الصادق ولا اخوه ترف مالي بحق الاخرين
مشكلة في كل دروب الحياة

Quote: ارح نلاقي بعضنا يا والريد اللسع فينا الموصلي الغربة اضافت له اكاديميا ونقصت من رصيدهو الداخلي في ظل هذا النظام يلمع في قيقم ويحارب عركي ماذا يرجو منه اعلام مكرس في ساحة الفداء اعلام كذب ونفاق اعلام يصرح القائمن عليه صباح وينفون مساء اعلام غير صحي فنانون حتي حق الاورشتة غير موجود وحسن الصادق ولا اخوه ترف مالي بحق الاخرين مشكلة في كل دروب الحياة

ياحليل الكلاكله الكان الجمهور فيها يعطي الموصلي حبا منقطع النظير
منذ زمن الرق
لك التحيه ولا فض فوك

الأستاذ الموصلي
لو استمر انتاجك لعرفك الجيل الجديد .. ولكنك حصرت نفسك في التأهيل الاكاديمي
و ربما كانت لك بصمات في البومات او انتاج فنانين اخرين ولكنه غير ظاهر للمستمع
العادي والذي يهتم فقط بالمغني ولا يعبا بالشاعر والملحن و الموزع.

استاذ ادريس
قالوا في واحدة من البنات الصغار ديل سمعت المرحوم الفنان حسن عطية بغني
في اغنية( الحجل بالرجل ) فقالت لصاحبتها ( بالله شوفي الراجل ده بشتن غنية محمود دي كيف؟)
ــــــــ
والمقصود طبعا المرحوم محمود عبدالعزيز .
ربنا يرحمهم ويرحمنا جميعا

Quote: الأستاذ الموصلي لو استمر انتاجك لعرفك الجيل الجديد .. ولكنك حصرت نفسك في التأهيل الاكاديمي و ربما كانت لك بصمات في البومات او انتاج فنانين اخرين ولكنه غير ظاهر للمستمع العادي والذي يهتم فقط بالمغني ولا يعبا بالشاعر والملحن و الموزع. استاذ ادريس قالوا في واحدة من البنات الصغار ديل سمعت المرحوم الفنان حسن عطية بغني في اغنية( الحجل بالرجل ) فقالت لصاحبتها ( بالله شوفي الراجل ده بشتن غنية محمود دي كيف؟) ــــــــ والمقصود طبعا المرحوم محمود عبدالعزيز . ربنا يرحمهم ويرحمنا جميعا

اتفق معك عزيزي وليد
ولكن الانتاج للاخرين اليس هو بانتاج؟؟؟؟
عشان كده مجتمعنا بيصف العازف بعازف ويصف المغني بفنان ههههههه

Quote: . .أخي إدريس ........تحياتي في ريبورتاج أجرته معي إحدى المجلات التي تصدرها المؤسسة التي أعمل بها، سألني المحاور عن (الفرق بين الجيل الحالي وجيلنا)، مختصراً اللإجابة قلت: ـ إن الجيل الحالي هو جيل عصر السرعة والتطور التقني المتسارع ، ضحل الثقافة ولا يميل للقراءة والإطلاع خارج المناهج المدرسية، يريد كل شيء مختصراً حتى الأكل، فهو يميل لتناوله ساندويتشات أمام الكمبيوتر أو التلفاز. ملول قليل الصبر. وعلى العموم قد لا ينطبق ما رأيت على الكل، حتى في محيط عيالي ، فهو ينطبق ولا ينطبق، فالتعميم المطلق غير وارد. أكيد استفزك (الوليد) ، وذلك لا ينقص الموصلي القامة شيئاً، ويكفي إنك تحفظ قدره. كامل الود يا درش.

لاحرج عليهم عزيزي محمد
فالسودان يعيش عصر الهجره منذ عشرين عاما ونيف
كل الود

Quote: إبن العم إدريس تحياتي لك من المسئول عن هذا ؟ ... تقع المسئولية كاملة على عدة أطراف ، وأقصد مسئولية التعريف بأهرامات الفن والأدب والتاريخ إلخ ... الأسرة المدرسة الإعلام بكل أطرافه والأشد إيلاما هو جهل الجيل الجديد برموزنا التاريخية وملاحمنا البطولية دمتم

عمدتنا الكبير
القصة جايطه جدا خليها على الله

Quote: اللوم ما علي الموصلي يا فاروق... اللوم علي اعلامنا كله المقروء والمرئي والمسموع... يا رجل سمع اضاني...وشوف يوتيوبي... اغاني الراحلين صالح الضي...والكحلاوي...تحولت بقدرة جهل باسماء فنانين كتر... وبالامارة اسأل ود اختك عن اغاني الفنانين التي يرددها كل من فرفور واحمد الصادق... ما حا تلقي سيرة لهؤلاء العظماء ولن تستطيع مغالطته...

صديقي الافوكاتو الفنان نزار
واللوم ايضا على الظروف السياسية التي آخرجت الموصلي من السودان وبعد ثباته في القاهرة
آخرجته الى آميركا نفس الظروف بعد محاولة اغتيال حسني مبارك
وشخصي يتحمل جزئ من ذلك اللوم
تسلم ياحبيب

Quote: وليه فى مصر تعرف الأجيال الحديثة الست أم كلثوم ، وعبد الحليم حافظ ووردة الجزائرية وسيد درويش ومحمد عبد الوهاب والسمباطى وأحمد رامى وبليغ حمدى بل ويعرفون محمد طه وشفيق جلال وأحمد عدوية وفى لبنان يعرفون فهد بلان وصباح وفيروز والرحبانية ووديع الصافى بينما فى السودان تجهل الأجيال الحديثة كثير من المبدعين من فنانين وموسيقين قد يجهل هذا الشاب الكاشف وعثمان الشفيع وسيد خليفة وعثمان حسين وبرعى أحمد دفع الله، ، وبشير عباس، وعبد اللطيف خضر وناجى القدسى ويوسف الموصلى ... فى السودان هى غربة داخلية وليست غربة الخارج تتتعدد أسبابها ومن ضمنها عشوائية الإعلام ..... ولا يقتصر الأمر على أهل الفن الغنائى ولكن يتعداه ليشمل معلومات وشخصيات فى المسرح وألأدب وتاريخ السودان الحديث ...

لا فض فوك يانادر

صدقت يالفاروق
هو الموصلي براه
كيف من الشعراء والفنانين والكتاب والادباء والسيايسيين
هذا الجيل لا يعرفهم

Quote: صدقت يالفاروق هو الموصلي براه كيف من الشعراء والفنانين والكتاب والادباء والسيايسيين هذا الجيل لا يعرفهم

صدقت ياحامد
الا آنها مدروعه فوق رقبة الموصلي فقط

Quote: سبحان على الله مع ذلك لو سالتو من وجبة المثلوثة فيها كم حبة ارز لقال لك بها 1015 حبة شكرا الشاعر ادريس

ياود الباوقه وليداتنا العايشين بره
هم بره اللعبه
عايشين مع ثقافه غربيه آو شرقيه
علاقتهم مقطوعه ويخيل لي ادريس عايش بره
وعموما فنان مابيطلع المسرح كل شهر ويظهر في الميديا كل شهرين بتكون مشكلته كبيره
وطبعا انا واحد من النوع ده

Quote: صعقني رده ... أو كما تقول (الخاله) رانيه .. (جلطني عديييل) ... إذ قال وبالحرف الواحد : الموصلي ده منو كمان؟!!! ... فتخيلوا !!!!!....

ويعني؟ ليه دا كلو؟

أنا ما كنت بعرف الموصلي غير من المنبر دا؟ وأول مرة أعرف انه عنده "دراسات و أبحاث في الموسيقى يتم تداولها على المستوى العالمي" في هذا البوست تحديدا!



سلام للجميع و تحياتي...

Quote: الأخ إدريس ..صباحك خير.. الكلام ده قلناهو لي أستاذنا الموصلي وما صدقنا ..الجيل الجديد لا يعرف عن الموصلي شيئاً ولن يعرف مهما حاول الاستاذ الموصلي العودة للاجواء بالتلحين لي بعض الفنانين أو من خلال إجازاته في الفترة الاخيرة لأنه وبختصااار كده وزي ما بيقولوا الخواجات إت إز توووو ليييت .. لا هذا ولا ذاك !!! وأعني هنا العيب لا من الجيل الحالي وناس محمد ولااا من الإعلام ..العيب فييي اصحاب الشي زاااتا !!! وهنا بقصد استاذنا الموصلي.. انا خايف جداً من إعتقاد الموصلي إني بترصدو في هكذا بوستات لكن الحقيقة إني بجي اعيد في كلامي ده في هكذا بوستات لإثبات نظريتي في نقاشات طويييلة مع الاستاذ الموصلي إنو لسة عايشين بي ذكريات الماضي ومرات كتييرة التاريخ لا يشفع ..ودي ضريبة السفر والهجرة وعلى الموصلي وغيره تحمل تبعاتها.. بالمناسبة وردي سافر وإنقطع لكن ظل وردي هو وردي بل زادت شعبيته ..وهنا بيظهر سؤال .. إشمعنا وردي؟؟؟ كدي أمشي قول لي ود اختك ده إنو قصيدتك دي أديتا لي وردي يلحنا ليك وشوف ردو ح يكون شنو.. لو قال ليك وردي ده منو كمان يبقا فعلاً في أزمة جيل ... لكن لو قال ليك والله يا خال انت مااا ساهل وردي عدييييييييييل كده؟؟؟ فحينها حتتعرف الاجابة على كل تساؤلاتك دي وبكل سهولة ..

الأخ / عمر الفاروق ....

سلامات يا حبيب ...

شكراً أخي عمر لمرورك وإيراد ما تراه في هذا الشأن .... بالنسبة لي أجد إن الإعلام عندنا في السودان قاصر جداً يا عمر في إيصال ما يقوم به مبدعينا لنا أولاً ... وللآخر بشكل مريع .... والأمثلة في ذلك لا تحصى ... كدي أسأل مثلاً عن مصطفى سند أو محي الدين فارس أو محمد محمد علي بعض المحيطين بك من غير السودانيين .. فغالباً لن يعرفوهم ... ولكن تعال أسأل نفس الشخص عن أحمد رامي أو الشناوي أو فاروق جويده .... أنا ما قلت ليك أحمد شوقي أو حافظ إبراهيم .... فتجده يعرفهم حق المعرفه ... وأعرج على علاء الدين حمزه أو برعي محمد دفع الله .... فلن تجد لك صدى ... ولكن أسأله عن بليغ حمدي أو السنباطي أو عمار الشريعي ... فستجده بلا شك يعرفهم يا عمر ... وأسأل نفس صاحبك ده عن الهادي آدم .... فقد يبادرك محدثك بقوله : يا سلام ده شاعر عظيم ..... وأنا لا أقلل من شاعرية الأستاذ / الهادي آدم ... ولكن أعزي سبب شهرته لأغنية (أغداً ألقاك) التي غنتها السيدة / أم كلثوم من ألحا ن الموسيقار محمد عبد الوهاب ..... وتناولتها الهالة الإعلامية المصرية المعروفة بتأثيرها الكبير على محيطنا العربي .... ونفس الشيء حدث للشاعر اللبناني جورج جرداق شاعر (هذه ليلتي) وقس على ذلك مما يطول شرحه .... وفي كافة المجالات .... لدينا مبدعين لا يقلون عن غيرهم للأسف يدفنهم إعلامنا الضعيف المشغول بأمور أقل أهميه .... ولكن إن كنت ترى أن تلقي كل اللوم على المبدع فهذا رأيك الذي أحترمه بلا شك ... من غير أن اتفق معك فيه ..... وكمان يا عمر على شبابنا بذل قليل من الجهد لمعرفة مبدعي بلادهم وأن لا يستسلموا للهالة الإعلامية الموجهه عليهم من كل إتجاه ...وله كيف يا عمر خوي ....

مع خالص شكري وتقديري ؛؛؛؛

Quote: وليه فى مصر تعرف الأجيال الحديثة الست أم كلثوم ، وعبد الحليم حافظ ووردة الجزائرية وسيد درويش ومحمد عبد الوهاب والسمباطى وأحمد رامى وبليغ حمدى بل ويعرفون محمد طه وشفيق جلال وأحمد عدوية وفى لبنان يعرفون فهد بلان وصباح وفيروز والرحبانية ووديع الصافى بينما فى السودان تجهل الأجيال الحديثة كثير من المبدعين من فنانين وموسيقين قد يجهل هذا الشاب الكاشف وعثمان الشفيع وسيد خليفة وعثمان حسين وبرعى أحمد دفع الله، ، وبشير عباس، وعبد اللطيف خضر وناجى القدسى ويوسف الموصلى ... فى السودان هى غربة داخلية وليست غربة الخارج تتتعدد أسبابها ومن ضمنها عشوائية الإعلام ..... ولا يقتصر الأمر على أهل الفن الغنائى ولكن يتعداه ليشمل معلومات وشخصيات فى المسرح وألأدب وتاريخ السودان الحديث ....

الأخ العزيز / نادر الفضلي ....

تحية المودة والتقدير ....

خالص شكري لإثرائك لهذا الموضوع بما طرحته أعلاه .... والذي تجدني أوافقك الرأي فيه تماماً .... ولقد أوضحت ذلك في ردي على الأخ العزيز / عمر الفاروق بعاليه ....

أكرر لك شكري وامتناني أخي نادر ....

مع خالص ودي وتقديري ؛؛؛؛؛

Quote: سبحان على الله مع ذلك لو سالتو من وجبة المثلوثة فيها كم حبة ارز لقال لك بها 1015 حبة شكرا الشاعر ادريس

أخي الحبيب / ود الباوقه ....

تحية ملؤها المودة والتقدير ....

شكراً كتير يا حبيب لمرورك الجميل .....

لاكين أقيف لي الأسألك باوقيشن أخوي إنت ده عديت حبات الرز حقت المثلوثه دي كيف يا حبيبنا ؟.....ههههههههه ...

مع خلص ودي وتقديري ؛؛؛؛؛

Quote: واحدة من الأسباب الكتيييييرة إنو فنانين هذا الجيل يتغنون بروائع الأجيال السابقة دون ذكر صاحب الأغنية و كمان إعلامنا مقصر جداً في نشر أغاني فنانين بعينهم لأسباب سياسية . إدريس إزيك ياخ

أبوحسين الحبيب ....

كيفنك أخوي وجميع من حولك ....


كلامك صاح أبو حسين وأضيف عليه إن أعلامنا في رقبتو إمكانياتو تعبانه خالص ... وما داير أقول ليك سجمانه يا صاحب .....

مع خالص شكري وتقديري ؛؛؛؛

وائل إزيك ياخ..

أعتقد أنت الوحيد الممكن ترد على تساؤلات البوست ده..

طيب ورينا السبب شنو؟ .. والتقصير من منو؟

Quote: وائل إزيك ياخ.. أعتقد أنت الوحيد الممكن ترد على تساؤلات البوست ده.. طيب ورينا السبب شنو؟ .. والتقصير من منو؟

شكرا خالد،

ما اعتقد اني أنا ممكن أجي بالجواب الشافي أو تكون عندي الحقيقة في الموضوع دا، لكن على العموم أديكم القصة أدناه و أسيب ليكم الاستنتاجات منها:

بعد ما قريت البوست دا مشيت فتشت في قوقل على الموسيقار الموصلي ( وللحقيقة ما كنت عارف اسمه الأول حتى)...

المهم، لقيت أنه عنده موقع خاص بيه و بيعرف عنه بصورة جيدة جدا ( ودا مجهود يشكر عليه لأنه قليل جدا من السودانيين البارزين في أي مجال بيهتمو بتسويق نفسهم أو التعريف بي أعمالهم)...

لقيت أنه أنا فعلا ملم بكثير من أعماله وحتى بعضها مثل الحزن النبيل، البت الحديقة و أمطرت لؤلؤا هي أعمال كثيرا ما آنستني و ترنمت بها في أوقات الوحدة لكن للحقيقة أبدا ما حصل سمعت أن أي وحدة فيهم من ألحان أو توزيع الاستاذ الموصلي...

فكرت في الموضوع زيادة لقيت اني نادرا ما أعرف أي غنية تعجبني ملحنها منو بينما في الغالب بكون عارف كاتب كلماتها سواء كانت أغنية جديدة (من جيلنا) أو حتى أغاني الزمن الماضي...

ما عارف إذا الكلام دا بينطبق على كثير من أبناء جيلنا و لا الموضوع دا بالنسبة لي أنا بس، على أي حال برضو داير أضيف أنه كلام أخونا أحمد التجاني أحمد أعلاه مقنع جدا بالنسبة لي و شايفه شيئ طبيعي بصورة عامة أن الأجيال الجديدة ما تعرف فنانين و ملحنين زمن فات...

ومادام نحنا هنا، ياريت تدونا تعريف سريع تاني عن أي أعمال أخرى للاستاذ الموصلي غير المذكورة في موقعه،



عذرا للإطالة وتحياتي للجميع

Quote: بعد ما قريت البوست دا مشيت فتشت في قوقل على الموسيقار الموصلي ( وللحقيقة ما كنت عارف اسمه الأول حتى)...

والله ماقصرت ياوائل واشبعت فضول زميلنا خالد
ايوه كده الماعارف يمشي لي شخينا قوقل

وحرم مابرنجعك ساي
1. ياحبيبي شعر مجدي مسعد حنفي الحان وتوزيع"يوسف الموصلي" غناء عمر بانقا


2. عافيه وشول شعر محمد الحسن السيد الحان الهادي الجبل التوزيع وقيادة الاوركستر "المصري" يوسف الموصلي غناء عافية حسن وكورال كلي الموسيقى المحقود عليه


3. واحشني شعر التجاني حاج موسى الالحان والغناء ابوعركي البخيت التوزيع وقيادة الموسيقى يوسف الموصلي


ديل تلاته من عشرات النماذج والاغنيات عزيزي وائل
اها وبنجيك راجعين نديك تلاته نماذج موصليه قح
والزول القاعد ولابس حذاء ابيض مع عركي ده يوسف الموصلي
ابقى قريب ويسرنا ضمكم لقائمة المعجبين أن نالت استحسانكم

طبعا دي فرصة نسوق يوسف الموصلي في بوست ادريس المحترم
والعارف يكلم الماعارف "والموصلي كسبان"
1. شوق الهوى شعر مختار دفع الله تلحين وتوزيع وغناء يوسف الموصلي


2. الحب يا ام سماح شعر الراحل حسن الزبير الحان وتوزيع وغناء يوسف الموصلي


3. على قدر الشوق كلمات محمد سوركتي الحان توزيع اداء يوسف الموصلي (كليب من التسعينات) سجل بالامارات العربية


4. اخيرا وليس اخرا طفل العالم الثالث كلمات ليلى المغربي الحان وتوزيع وقيادة الاوركسترا العربية يوسف الموصلي
غناء محمد وردي مصطفى سيد أحمد يوسف الموصلي شيرين وكورال كونسرفتوار القاهرة


هذه نماذج لا تذكر عددا من الاعمال الضخمة لشخص يوسف الموصلي وارجو أن أكون قد أعطيت جيلكم فكرة بسيطة وكسبت معجبين جدد ولا انسى الاخ أو الابن ايمن من الفيس بوك الذي ابدى رايا ممتازا وأهديه هذه الشذرات الموصلية
مع التحية والاحترام والتقدير

الموصلي ليس محتاجا للتعريف و لكن الجيل الجديد هو من يحتاج التثقيف

مرة سألت أحد أقربائي و يبلغ من العمر الآن حواي 26 سنة
سألتو قلت ليهو ناس الأمة و الديمقراطي قاعدين يعملوا شنو هسه؟
قال لي ديل منو؟
قلت ليهو ديل فريقين بيلعبوا في دوري الأولى!!

صاحبنا جاوبني وقال لي: و الله أنا ما عندي شغلة بالكوره

...نسأل الله السلامة

Quote: الموصلي ليس محتاجا للتعريف و لكن الجيل الجديد هو من يحتاج التثقيف مرة سألت أحد أقربائي و يبلغ من العمر الآن حواي 26 سنة سألتو قلت ليهو ناس الأمة و الديمقراطي قاعدين يعملوا شنو هسه؟ قال لي ديل منو؟ قلت ليهو ديل فريقين بيلعبوا في دوري الأولى!! صاحبنا جاوبني وقال لي: و الله أنا ما عندي شغلة بالكوره ...نسأل الله السلامة

ضحكتني يامالك والله
تسلم

Quote: من المسئول عن هذا ؟ ...

الاستلاب الثقافي بلا شك هو المسئول تخيلوا اولادنا بسمعوا وحافظين الغناء الخليجي والشرقي عموماً عن ظهر قلب !

Quote: الاستلاب الثقافي بلا شك هو المسئول تخيلوا اولادنا بسمعوا وحافظين الغناء الخليجي والشرقي عموماً عن ظهر قلب !

ده جزئ برضو من المشكلة يابكري

نحن عندما كنا فى جيل الطاشرات لم نحضر ولم نرى فنانين اصلا ما حيين زاتو بل فنانين رحلوا عن دنيانا قبل ان نولد
ولكننا كنا نعرفهم رغم اننا كنا فى جيل الطاشرات
السبب لان الاعلام كان مركزا على التراث السودانى فقط لانه لايوجد غيره
سمعنا بكرومة ولم نراه و خليل فرح ولم نعش فى زمانه و سرور والكاشف والشفيع
برغم عدم معاصرتنا لهم ظلوا بوجداننا لاننا لانسمع غيرهم ولم يكن هناك ديجتل ولا قنوات دولية غير السودانية
لكن الجيل الحالى ضاع فى زحمة القنوات الكثيرة لم يعد يسمع للغناء السودانى فقط
فعندما يختفى الاستاذ الموصلى عن الساحة الفنية لأى سبب فإنه يختفى من الاعلام
ولاجل ذلك نرى شباب طاشرات هذا الزمان مسطحين
والاغرب من هذا عندما سمع بن اختى اغنية يغنيها الكاشف بصوته يقول بالله شوف الزول دا خرب أغنية فرفور كيف ؟؟
تخيلوا
فالاعلام الدولى طغى على الاعلام السودانى والسوق اصبح فيه كثيرا من المتانفسين اعلاميا لخطف أذن الشباب وذوقها التقليدى
هذا هو السبب القوى

Quote: يا ود الفاروق , شفت بعينى فى المنبر دة واحد كتب انه ود اخته فى نهائى هندسة يعتقد اعتقاد جازم انه اغنية الطير المهاجر حقت طلال حلفا مايكل جاكسون قبل وفاته كان بيحضر لحفله اسنعراضيه يعيد بها تعريف نفسه للجيل الجديد الذى لا يعرف غير فيفتى سنت واشر وجاستين تيمبرليك ياخ خليك من دة انا زاتى كان مرات ابوى بيستغرب لما كان بيسالنى عن الفنانين زى عبيد عبد الرحمن ولا الطيب ما عارف واولاد المقرن ومنو كدة .. ويلقانى ما بعرفم وهم كانوا بالنسبه لجيلهم لا تخطئهم الاعين , ف شنو حقو المسالة دى تكون مفهومه للجميع وما فيها حاجة لو زول من الجيل الجديد ما بيعرف استاذ يوسف الموصلى تحياتى للجميع

الأخ العزيز / أحمد التجاني ....

تحية واحتراماً ....

كلام معقول جداً أخي أحمد ..... شكراً لمرورك الضافي ....

مع خالص ودي وتقديري ؛؛؛؛

Quote: اللوم ما علي الموصلي يا فاروق... اللوم علي اعلامنا كله المقروء والمرئي والمسموع... يا رجل سمع اضاني...وشوف يوتيوبي... اغاني الراحلين صالح الضي...والكحلاوي...تحولت بقدرة جهل باسماء فنانين كتر... وبالامارة اسأل ود اختك عن اغاني الفنانين التي يرددها كل من فرفور واحمد الصادق... ما حا تلقي سيرة لهؤلاء العظماء ولن تستطيع مغالطته..

الأخ العزيز / نزار حسين ....

تحية التقدير والمودة ....

أتفق معك تماماً أخي نزار ..... خالص شكري لمرور الكريم .....

مع خالص ودي وتقديري ؛؛؛؛؛

Quote: إبن العم إدريس تحياتي لك من المسئول عن هذا ؟ ... تقع المسئولية كاملة على عدة أطراف ، وأقصد مسئولية التعريف بأهرامات الفن والأدب والتاريخ إلخ ... الأسرة المدرسة الإعلام بكل أطرافه والأشد إيلاما هو جهل الجيل الجديد برموزنا التاريخية وملاحمنا البطولية دمتم

الريس أبوجهينه .....

تحية الحب والمودة الخالصة ....

اتفق معك تماماً يا جلال .....وأخطر ما في الموضوع هو ما أشرت إليه من جهل الجيل الجديد برموزنا التاريخية وملاحمنا البطولية ..... وصدقني يا حبيب أنا عندما فتحت هذا البوست أخذت الموسيقار يوسف الموصلي كنموذج لكي أشير إلى الجهل برموز لوطن بشكل عام ....

شكراً ليك يا ريس .... كفيت ووفيت .....

مع خالص ودي وتقديري ؛؛؛؛؛

الناس البي هنا إزييكم كلكم ..
وتحية للموصلي لي تقبله لي كلامي السخن واللي ح يستمر سخن بناء على قناعتي فقط..
في البداية بقول إنو الموضوع بالنسبة لي تحول لي صراع أجيال وانا مسئول عن الدفاع عن ابناء جيلي تجاه هجمة الأجيال اللي قبلنا..
طيب تعال أسسسة جيبو واحد من ابناء جيل زمان واسألوهو ماذا يعرف عن اللمين برهان؟؟
وبرضو وزي ما بتتريقو على الأولاد الأسة ديل إنهم بيفتكرو أغنية الطير المهاجر حقت طلال حلفا والحنين البي ما قدرو بتاعت محمود فمن ابناء جيلكم وجيلنا من يعتقد إنو قسم بي محيك البدر حقت وردي وبدور القلعة حقت ود اللمين وقبال ميعادنا بي ساعتين حقت ترباس ..
يلا نجي لي موضوع استاذنا الموصلي ..
كدي النسألكم سؤال مباااشر وبدون لولوة ..لو عايزين الجيل الأسة ده يعرف الموصلي أها نقول ليهم الموصلي ده منو ؟؟ وعمل شنو؟؟
أسسة دي انا بسألكم يا العارفين بي الموصلي من المتداخلين والمستغربين ومتعجبين من سؤال الولد ده ردو ليهو ..
الموصلي ده منو؟؟
ولو لقيتو إجاباتكم ترقى لي إنو بناء عليها يصبح الموصلي رقم في خارطة السودان لا يمكن تجاوزه بعد داك نغلط الولد ده وتغلطوني انا زاااتي ..
بالمناسبة ومعليش أستاذنا الموصلي لكن السي في لا يشفع ولو جيت كتبت لي لستة شهادات ودرجات علمية ومشاركات في مسارح ودورات موسيقية ومهرجانات لا يعرفها إلا أسيادها فده لا يعنيني في شئ لأنه وبكككل بساااطة انا عمر الفاروق ده في مجال شغلي برضو عندي قدر شهادات التخصص بتاعتك دي وشاركت في حاجات كتيييرة في مجال عملي فهل يحق لي الشعب السوداني ويجب عليه يعرفني؟؟؟
الموصلي تتحدث عنه أعماله وللأسف ما قدمه الموصلي للمكتبة السودانية من أغاني عظيمة لا يرقى لأن يكون رقم لا يمكن تجاوزه ..للموصلي أعمال بعدد الأصابع الواحدة هي من دخلت قلب ووجدان المستمع السوداني الموصلي يعلمها تمااما وكذلك إنتو يا الأخوة المتداخلون وأسة لو قلت ليكم اذكروها ح تلقو إجاباتكم متفقة فيها ..
سؤال تاني ؟؟؟
تفتكروا لييي جيتو كتبتو عن الموصلي هنا؟؟ وتحديييداً الموصلي؟؟ مش مفروض في فنانين أولى من الموصلي بالتوثيق ؟؟؟
الإجابة..لأنو الموصلي عضو هنا وبيكتب هنا ونفسياً كده لمن لقيتو الموصلي هنا قررتو إنو مفروض كل امة لا إله إلا الله تعرفو عنووة وغصباً كده ..
فنياً كده واعمال تستحق الوقوف عندها الموصلي ولا صلاح مصطفى؟؟
الموصلي ولا الخالدي؟؟؟
الموصلي ولا العاقب محمد حسن؟؟؟
الموصلي ولا عثمان مصطفى؟؟


.

سلامات ادريس والشباب


جاء في الاثر


مهما بلغت شهرتك الافاق قد تجد في هذا الافق او ذاك رجلا لم يسمع بك قط

اذن لا تثريب علي الجميع

Quote: سلامات ادريس والشباب جاء في الاثر مهما بلغت شهرتك الافاق قد تجد في هذا الافق او ذاك رجلا لم يسمع بك قط اذن لا تثريب علي الجميع

صدقت ياخليل وانا متآكد بان اشهر فنان وموسيقي في تاريخ الموسيقى العالميه هو بتهوفن
ومتآكد بان 99and#1642; وزياده من الشعب السوداني مابيعرفوا عنو حاجه

Quote: تفتكروا لييي جيتو كتبتو عن الموصلي هنا؟؟ وتحديييداً الموصلي؟؟ مش مفروض في فنانين أولى من الموصلي بالتوثيق ؟؟؟ الإجابة..لأنو الموصلي عضو هنا وبيكتب هنا ونفسياً كده لمن لقيتو الموصلي هنا قررتو إنو مفروض كل امة لا إله إلا الله تعرفو عنووة وغصباً كده .. فنياً كده واعمال تستحق الوقوف عندها الموصلي ولا صلاح مصطفى؟؟ الموصلي ولا الخالدي؟؟؟ الموصلي ولا العاقب محمد حسن؟؟؟ الموصلي ولا عثمان مصطفى؟؟ .

عمر ليه انت عند؛ مشكله مع ناس معهد الموسيقى وكليه الموسيقى
شايف بوستاتك تتطاقش للتقليل منهم
كده نسيب تقيماتك دي
محاولتك تحديداغنياتي فاشله للاسف وبرغم ذلك فان المساله ليس بالكم وهسع كده فنيا
فنانينك الشباب البتشجعهم كلهم هل فيهم واحد عندو آغنيه في مستوى مرت الايام لعبد الدافع عثمان؟؟؟؟ (وهي )
آحد لحنين للراحل عربي الصلحي وماذا تعرف انت عن عربي الصلحي
والموصلي تغنى ابناء جيلك باغنياته ولم يتغنى هو باغنياتهم
اها جيب لي آغنيه لفناني جيلك في مستوي طفل العالم ولا الحب يام سماح ولا شوق الهوي ولا سفر العيون آو الاماني السندسيه الخ الخ الخ
انا ختيت وبخت الفيديوهات وانت خت مايعجبك "الكلام دخل الحوش"
قناعتك على العين والراس ولكنها ليست من قناعاتي
اخيرا الحمد لله لك بعض الامثله

الراحل محمود عبد العزيز


الراحل نادر خدر في رساله الي امي وعلي قدر الشوق




هذا على سبيل المثال لا الحصر

وليس من بين ابناء جيلك من الفنانين من له القدره آو الثقافة الموسيقيه آو الشجاعة ليلتقي بالجمهور على النت في سودانيس آونلاين وغيرها
ويتعامل مع محاولات التقزيم هذه وكل الذين اتوا هنا هربوا بجلدهم اما انا فلي آهداف نبيله
ولي عوده

استاذنا الموصلي

Quote: الحب يام سماح ولا شوق الهوي ولا سفر العيون آو الاماني السندسيه الخ الخ الخ

أها شوفت الخ الخ الخ دي الانا بقصدا ليك ..صدقني مااف الخ الخ الخ ..صاح ممكن اسة تجي تكتب لي اسامي اغاني كتييرة لكنها ليست في قامة وقبول الاماني السندسية والحب يا ام سماح ورسالة لي امي..
الخ الخ الخ دي هي زاااتا البتخلي الجيل ما يعرفك يا موصلي العرفة القاصدا صاحب البوست بتاعت التوثيق لي معرفة جيل !!

Quote: فنانينك الشباب البتشجعهم كلهم هل فيهم واحد عندو آغنيه في مستوى مرت الايام لعبد الدافع عثمان؟؟؟؟

ولي بي اغنية واااحدة فقط مطلوب من الجيل يعرف ويوثق لي الشخص ده فده غلط ..
صاح ممكن الزول يكون عندو أغنية تاريخية وتكسر العالم وتشتهر وتلاقي قبول لكن هل ده كافي لي إنو عشان الاغنية دي لااازم الناس تعرف عبد الدافع عثمان؟؟
يعني لو انا ما سمعت مثلا مرت الأيام في حياتي ولااا مرة بل قووول سمعتها وما عجبتني فهل ده بيعني إني أجرمت في حق عبد الدافع عثمان وهل ده بيأكد إني من جيل البوكيمونات وابطال الديجيتال؟؟؟
يا موصلي أغنية عوض دكام كسرت الدنيا في زمنها فهل ده كافي إنو نوثق لي طه ؟؟
يا حنين زي عش العصفور بتاعت عافية دي لاقت قبول مخييف ورهيييب زييها زي مرت الأيام فهل ده كافي للتوثيق لي عافية حسن؟؟
وهل لو زول ما عرف عافية حسن معناها أجرم هو اجرم الإعلام؟؟
والله يا موصلي انا قلت ليك وبعترف إنو ممكن تجي اسة توريني التكنيك والتقنيات الإستخدمتها في مليون أغنية وزعتها أو لحنتها وهي من ناحية علم مااا فيها أيييي كلام وممكن تنافس بيها في أعتى مهرجان ومع أكبر المحللين الموسيقيين وما عندي أيي شك في كده لكن ده ما كااافي لي إنو الجيل يعرفك ..دي حاجاتك ..الجيل عايز يتذوق ويحس ما عايز علم ..

سؤالي المهم لصاحب البوست ..
هل إنت بتلوم الجيل على عدم معرفة الموصلي الفنان المغني أم الموصلي الموسيقار الملحن والموزع؟؟؟
وهل تعني يج توثيق تجربة الموصلي الغنائية أم تجربة الموصلي التوزيعية ؟؟

Quote: صعقني رده ... أو كما تقول (الخاله) رانيه .. (جلطني عديييل) ... إذ قال وبالحرف الواحد : الموصلي ده منو كمان؟!!! ... فتخيلوا !!!!!....

ادريس اخوي

العيب ما في محمد العيب في الموصلي زااااتو

ترك البلد قبل تلااتين سنة ونشا محمد واجيال كثيرة لا تعرفه

Quote: اها جيب لي آغنيه لفناني جيلك في مستوي طفل العالم ولا الحب يام سماح ولا شوق الهوي ولا سفر العيون آو الاماني السندسيه الخ الخ الخ

رساله الى امي انتي ليا والكلام القالو عن الخ الح هههه
ياعمر ماحتقدر تجاوب على سوالي لانك في قرارة نفسك عارف الفرق في المستوي الموسيقي
جيلك ده فيهم اصوات كثيره احلي من الموصلي وجماهيرهم كبيره
لكن مافيهو واحد اجماليا بيصل للمستوي الموسيقي لاعمال الموصلي تلحينا توزيعا
وزمان قلنا ليك الفن ماغنا والا لكان بتهوفن رب الموسيقي مافنان
وجيلك ده النجحوا فيهو كلهم نجاحهم كان على ايدي ناس كلية الموسيقي البتهاجمهم في كل فرصه ديل
مثال واحد محمود عبد العزيز
اهتمت به السمندل في اواخر الثمانينات
وسجلت له حصاد تحت اشرافي احسن اعماله
شريط خلي بالك وسكت الرباب وبنوا له هذه الاعمال من زيروا
فاوصلته الي الذروه وايضا بفضل صوته الرائع بلا شك
عمر ياخي حاسب ضميرك شويه ولولا معزتي لك لما قلت لك هذا الكلام

مرت الايام الياذة ولاشك
والماتذوق مرة الايام ماتذوق غناءا
غناه عبد الدافع غناها حمد الريح غناها مصطفى غناها محمود الخ الخ الخ
هل هذا كان اعتباطا ؟؟؟؟ طبعا لا

قربك بفرحني
شعر د عز الدين هلالي معهد الموسيقى سابقا
الحان وتوزيع وقيادة اوركسترا يوسف الموصلي
غناء الراحل المقيم وقثيد الفن محمود عبد العزيز
التنفيذ الموسيقي "ابناء وبنات كلية الموسيقى)



مرت الايام
شعر الراحل مبارك المغربي الحان عربي الصلحي مغنيها الاصلي عبد الدافع عثمان
غناء الراحل المقيم محمود عبد العزيز


مرت الايام
شعر الراحل مبارك المغربي الحان عربي الصلحي مغنيها الاصلي عبد الدافع عثمان
راحلنا المقيم مصطفى سيد أحمد غناها

مع التقدير والاحترام للجميع

سلام يا شباب

اعتقد أن الجيل الجديد ليس من المطلوب منه أن يعرف الموصلي، أنا مثلاً كنت حأستغرب جداً لو في زول من جيلنا قال ما بيعرف الموصلي، لكن من الجيل الجديد طبيعي إنو ما يعرف الموصلي، وأنا متأكد إنو أغلب الجيل الجديد ما بيعرف الملحنين القاعدين يلحنوا لي محمود عبد العزيز.

الموصلي كمغنى معروف لي جيلنا لأننا عاصرناهو وهو بيغنى وبنشوفو في التلفزيون وفي الحفلات، وكموزع برضو للشرائط الانتجها وكنا شهود عليها.

لكن الموصلي كمغني غير موجود لا في إذاعة لا في تلفزيون لا في حفلات. فالجيل الجديد ممكن يسمع بيهو بالصدفة كمغنى، واغلب اغاني الموصلي حيسمعها الجيل الجديد من خلال فنانين تانيين وحينسب الاغنية لفنانين تانين مش للموصلي.

معليش يا استاذنا الموصلي وعشان اوزن معاك الحوار انا بتكلم عن الموصلي المغني..وح اركز على الجانب ده في رحلة التوثيق للموصلي ونشوف هل الجيل الحالي غلطان ولا معاهو حق..
الحاجة الاهم شدييييد العايزك تعرفا يا موصلي انو شريط خلي بالك كان دون طموحات معجبي محمود وهو من اكتتتتر الشرايط فشل بالنسبة لي تجربة محمود..
سيب عنادك ويا عمر ويا مدهشة هي الشرايط الاكتتتتر نجااااح..خصوووووصا سيب عنادك..

Quote: معليش يا استاذنا الموصلي وعشان اوزن معاك الحوار انا بتكلم عن الموصلي المغني..وح اركز على الجانب ده في رحلة التوثيق للموصلي ونشوف هل الجيل الحالي غلطان ولا معاهو حق.. الحاجة الاهم شدييييد العايزك تعرفا يا موصلي انو شريط خلي بالك كان دون طموحات معجبي محمود وهو من اكتتتتر الشرايط فشل بالنسبة لي تجربة محمود.. سيب عنادك ويا عمر ويا مدهشة هي الشرايط الاكتتتتر نجااااح..خصوووووصا سيب عنادك..

تعامل مع الموصلي الفنان
ولا تحاول لي عنق الحقيقه
خلي بالك لم ينتج مثله محمود ولو كان حيا فلن ينتج مثله الا اذا استعان بذوي القدرة الموسيقية والمعرفة كما فعل في السابق
هسع اي واحد لما يكتب عن محمود وذكر اشرطه اول حاجه بقول خلي بالك
بعدين يجي سكت الرباب
اما ماتحدثت عنهم فهي اشرطه جديره بالاحترام والتقدير الا آنها لا ترقى لخلي بالك ولا سكت الرباب
واداء الاوركسترات ضعيف والتنفيذ الموسيقي اضعف مع احترامنا للمنفذين عملوا العليهم
شيل الاشرطة دي وامشي لاي سعودي خبير في الموسيقى جمبك وستعرف الحقيقة التي لاتريد انت ان تقلها
القصه حساب وما كوار ياعمر

كلامك صاح يالصادق قطعا للغياب عيوبه الخطره ودي الحته الوحيده البتفق فيها مع عمر
لكن يوسف الفنان هو الاهم ياصديقي وهذا لم يبارح السودان موجود في كل الفنانين
ازيك ياخ

Quote: وليس من بين ابناء جيلك من الفنانين من له القدره آو الثقافة الموسيقيه آو الشجاعة ليلتقي بالجمهور على النت في سودانيس آونلاين وغيرها ويتعامل مع محاولات التقزيم هذه وكل الذين اتوا هنا هربوا بجلدهم اما انا فلي آهداف نبيله

الله يديك الصحة والعافية يا موصلى .. وأنت تثقفنا فنياً ف وخير سفير للفننانين السودانيين بهذا البورد،
النماذج التى قدمتها هنا موسيقياً رائعة ترتقى بالأذن لسماع فن راقى جميل، قد تختلف درجة الأداء
والموهبة الصوتية والتطريب عند المغنيين بهذه النماذج.

ما ضروري يعرفوك زاتوووووو






مثل خليجي : اللي ما يعرف الصقر يشويه



------------------

Quote: ما ضروري يعرفوك زاتوووووو مثل خليجي : اللي ما يعرف الصقر يشويه ------------------

حبيبنا عمر
ياخي في ناس بتهوفن ذاتو ماعارفنو
الموصلي شنو كمان
تحياتي

أخي عمر فاروق.. أنا في اعتقادي . أن بعض ردودك تحمل الانطباعية..
يا عزيزي .. حكاية يجي جيل ما يعرف اسم فنان .. دي مشكلة متجذرة وتوالت على أكثر من جيل.. يعني في أجيال جات بعد الحقيبة ما كانت بتعرف شيء عن فنانيها .. وجات أجيال ما كانت بتعرف حاجة عن أحمد المصطفى وعثمان حسين وفي أجيال حالية ما بتعرف حاجة عن زيدان إبراهيم ويمكن دكتور المعز عمر بخيت أشار لموضوع زيدان ده في قصة قريبته وصاحباتها الطالبات الجامعيات لمن شغل ليهم أغنية لزيدان وسألهم عن اسم الفنان قالوا ليهو: يكون عثمان حسين؟.. فهل بكده زيدان إبراهيم غير معروف للجيل الحالي؟ ولا انتاجه ليس بالغزارة والجودة التي تجعله معروفاً للجميع؟؟!!.. ولا أحمد المصطفى وعثمان حسين كانوا مغتربين خارج البلاد؟؟..يعني خلاااااص وقفت على الموصلي.؟؟ أكيد يا عزيزي للمشكلة أكثر من جانب.. دي مشكلة أجيال جديدة تعيش في عصر مختلف وظروف مختلفة .. ناس ما فاضية ترجع للوراء قليلاً أو تنتظر شوية عشان تتلقي معلومة.. صدقني أخي عمر التقصير ليس من جانب أستاذ موصلي أو أحد النماذج الذكرتها ليك دي.. التقصير له أطراف عديدة.. فيا عزيزي ما تختزل المشكلة الكبيرة دي كلها في شخص واحد..

Quote: خي عمر فاروق.. أنا في اعتقادي . أن بعض ردودك تحمل الانطباعية.. يا عزيزي .. حكاية يجي جيل ما يعرف اسم فنان .. دي مشكلة متجذرة وتوالت على أكثر من جيل.. يعني في أجيال جات بعد الحقيبة ما كانت بتعرف شيء عن فنانيها .. وجات أجيال ما كانت بتعرف حاجة عن أحمد المصطفى وعثمان حسين وفي أجيال حالية ما بتعرف حاجة عن زيدان إبراهيم ويمكن دكتور المعز عمر بخيت أشار لموضوع زيدان ده في قصة قريبته وصاحباتها الطالبات الجامعيات لمن شغل ليهم أغنية لزيدان وسألهم عن اسم الفنان قالوا ليهو: يكون عثمان حسين؟.. فهل بكده زيدان إبراهيم غير معروف للجيل الحالي؟ ولا انتاجه ليس بالغزارة والجودة التي تجعله معروفاً للجميع؟؟!!.. ولا أحمد المصطفى وعثمان حسين كانوا مغتربين خارج البلاد؟؟..يعني خلاااااص وقفت على الموصلي.؟؟ أكيد يا عزيزي للمشكلة أكثر من جانب.. دي مشكلة أجيال جديدة تعيش في عصر مختلف وظروف مختلفة .. ناس ما فاضية ترجع للوراء قليلاً أو تنتظر شوية عشان تتلقي معلومة.. صدقني أخي عمر التقصير ليس من جانب أستاذ موصلي أو أحد النماذج الذكرتها ليك دي.. التقصير له أطراف عديدة.. فيا عزيزي ما تختزل المشكلة الكبيرة دي كلها في شخص واحد..

حبيبنا خالد صدقني عمر الفاروق ده بحب الفنان الموصلي جدا وبعرقو كويس
لكن بعمل معاي طريقة امهاتنا زمان الواحدة تشوف طفل جارتها وتتكيف منو قلبها يتحرق عليهو
تقوم تجضمو
تحياتي

Quote: الاستلاب الثقافي بلا شك هو المسئول تخيلوا اولادنا بسمعوا وحافظين الغناء الخليجي والشرقي عموماً عن ظهر قلب !

صدقت أخي الكريم بكري إسماعيل وهذا مربط الفرس ....

Quote: الله يديك الصحة والعافية يا موصلى .. وأنت تثقفنا فنياً ف وخير سفير للفننانين السودانيين بهذا البورد، النماذج التى قدمتها هنا موسيقياً رائعة ترتقى بالأذن لسماع فن راقى جميل، قد تختلف درجة الأداء والموهبة الصوتية والتطريب عند المغنيين بهذه النماذج.

الحبيب نادر الفضلي
لعلمي بانك من أحسن الناس دراية بالتذوق للموسيقي
الغربية والشرقية والسودانية
فأنني مطمئن جدا بحديثك هذا
كما أنني لن اتخلي عن وجودي معكم جميعا هنا واتعلم منه كثيرا

Quote: نحن عندما كنا فى جيل الطاشرات لم نحضر ولم نرى فنانين اصلا ما حيين زاتو بل فنانين رحلوا عن دنيانا قبل ان نولد ولكننا كنا نعرفهم رغم اننا كنا فى جيل الطاشرات السبب لان الاعلام كان مركزا على التراث السودانى فقط لانه لايوجد غيره سمعنا بكرومة ولم نراه و خليل فرح ولم نعش فى زمانه و سرور والكاشف والشفيع برغم عدم معاصرتنا لهم ظلوا بوجداننا لاننا لانسمع غيرهم ولم يكن هناك ديجتل ولا قنوات دولية غير السودانية لكن الجيل الحالى ضاع فى زحمة القنوات الكثيرة لم يعد يسمع للغناء السودانى فقط فعندما يختفى الاستاذ الموصلى عن الساحة الفنية لأى سبب فإنه يختفى من الاعلام ولاجل ذلك نرى شباب طاشرات هذا الزمان مسطحين والاغرب من هذا عندما سمع بن اختى اغنية يغنيها الكاشف بصوته يقول بالله شوف الزول دا خرب أغنية فرفور كيف ؟؟ تخيلوا فالاعلام الدولى طغى على الاعلام السودانى والسوق اصبح فيه كثيرا من المتانفسين اعلاميا لخطف أذن الشباب وذوقها التقليدى هذا هو السبب القوى

الحبيب محمد انت قنان وملحن ممتاز آحكي لينا عن ظروف خروجك من البلد
في زمن يتختر فيه الاجترار
تحياتي

Quote: ديل تلاته من عشرات النماذج والاغنيات عزيزي وائل اها وبنجيك راجعين نديك تلاته نماذج موصليه قح والزول القاعد ولابس حذاء ابيض مع عركي ده يوسف الموصلي ابقى قريب ويسرنا ضمكم لقائمة المعجبين أن نالت استحسانكم

شكرا الأستاذ يوسف الموصلي ( بعد دا خلاص العرفة حصلت )

الليلة خميس، نقعد لي أغانيك دي بالليل بمزاج رايق و نستمتع...


تحياتي...

Quote: وليس من بين ابناء جيلك من الفنانين من له القدره آو الثقافة الموسيقيه آو الشجاعة ليلتقي بالجمهور على النت في سودانيس آونلاين وغيرها ويتعامل مع محاولات التقزيم هذه وكل الذين اتوا هنا هربوا بجلدهم اما انا فلي آهداف نبيله

استاذنا الموصلي ..
خلينا نكون واقعيين ..إنت الإنترنت أفادك أكتر من إنو قزمك وإنت زول ذكي عرفت تستخدم الإنترنت كوسيلة تعريف بالموصلي بعد ما عرفت إنك إنقطعت من الجمهور بي سبب الغربة..
كدي تعال إتخييل معاي الموصلي ما بيكتب في الإنترنت ووريني كل زيارات الموصلي الفاتت دي هل كان ممكن تلاقي جزء من النجاح ده؟؟
هل تتوقع إنو كان ممكن ح تلاقي بوست تعريفي زي ده بيسأل وبينور ابناء الجيل الحالي عن فنان إسمو الموصلي..؟
جرب معاي كده يا استاذ إنقطع من الإنترنت ده سنتين وتعال ورينا الحاصل ..

وح اجيك لي قصة كاسيت خلي بالك ..
ويبقى الود..

Quote: استاذنا الموصلي .. خلينا نكون واقعيين ..إنت الإنترنت أفادك أكتر من إنو قزمك وإنت زول ذكي عرفت تستخدم الإنترنت كوسيلة تعريف بالموصلي بعد ما عرفت إنك إنقطعت من الجمهور بي سبب الغربة.. كدي تعال إتخييل معاي الموصلي ما بيكتب في الإنترنت ووريني كل زيارات الموصلي الفاتت دي هل كان ممكن تلاقي جزء من النجاح ده؟؟ هل تتوقع إنو كان ممكن ح تلاقي بوست تعريفي زي ده بيسأل وبينور ابناء الجيل الحالي عن فنان إسمو الموصلي..؟ جرب معاي كده يا استاذ إنقطع من الإنترنت ده سنتين وتعال ورينا الحاصل .. وح اجيك لي قصة كاسيت خلي بالك .. ويبقى الود...

الله يفتح عليك انا زول بعيد من السودان
ولقيت وسيلة للتواصل مع الشعب السوداني الممكن
هل انا قصرت؟؟؟؟
الانترنت اصبح وسيلة انجع من الاعلام المرئي والمسموع
ولما ألقى فرصة أمشي السودان أهو بفرفر كويس وبجي
"الانترنت يتيح لمعجبك/ ومعجبتك أن يكون الواحد منهما صديق ايضا وأخ وأخت وأبنة
شفت العلاقة هنا أعمق كيف بل ان الصفحات التي فتحها المعجبين لي في الانترنت لا تقل عن الفنانين الناشطين في السودان
والحمد والشكر لله من قبل ومن بعد
والحمد لله كل زيارتي الخارجية بالاضافة الى السودان حظيت باستقبالات حميمة من جموع في المطارات
ولو كنت فنان غناي ساكت ده ما كا بحصل
اها هسع تشكرني ولا تذمني ياعمر و
خلي بالك ده ما بتقدرو عليهو نحن جاهزين
تحياتي

وائل جابر ده ما بيعرف (فالج لا تعالج) !
التحية لصاحب البوست و أستاذنا الموصلي و حبيبنا الفاروق

فيصل ازييك ياخ
بالمناسبه موقعكم بتاع بيت السودانيين كان مميز جدا
من حيث نوعية الكنابة خصوصا في الفن
هذه اشاده لابد منها
تحياتي

Quote: شكرا الأستاذ يوسف الموصلي ( بعد دا خلاص العرفة حصلت ) الليلة خميس، نقعد لي أغانيك دي بالليل بمزاج رايق و نستمتع... تحياتي...

Quote: شكرا الأستاذ يوسف الموصلي ( بعد دا خلاص العرفة حصلت ) الليلة خميس، نقعد لي أغانيك دي بالليل بمزاج رايق و نستمتع... تحياتي.....

تمام ياوائل ولو عجبك شغل الموصلي
وعرفت مقاماتو الموسيقية تعال كلمني هنا وخليك
جاهز لبعض الردود لصديقي اللدود عمر الفاروق
وانا الكسبان على كده

تحية طيبة أخي الأكرم : الأستاذ إدريس

إن القضية لها عدة أسباب ، وأذرع . قضية داخلية ثقافية واجتماعية وتعليمية وموسيقية وغنائية ،ساهم فيه الجميع منها :
(1)
فالموصلي رقم صعب ، ليس في السودان بل في أمريكا وفي صناعة الموسيقى التصويرية في الأفلام لمن لا يعرف ذلك ، وهي ما اصطلح علي تسميتها الموسيقى الألكترونية ، والتي تتضاءل من حولها الأغاني السودانية . أما وطننا فقد صار " مقبرة المبدعين " جميعاً في كل المجالات ، إذ لا يعرفونهم إلا بعد الموت فيحتفلوا بهم !!!!
(2)
حقوق التأليف : والخيل تجقلب والشُكر لى حماد :
(وعندما سأل الدكتور " مرتضى الغالي " سؤاله عن رأيه في تجربة موسيقيين مثل " خليل أحمد " أو " أحمد زاهر " ، فتحدث الدكتور " محمد سيف " عن أن هنالك قضية معقدة وبالذات قضية الموسيقى والغناء في السودان ، فالعمل الفني يشترك في صناعته اليوم أكثر من ثماني تخصصات تعمل مع بعضها في نسج الأغنية التي تظهر للإعلان ، ويكون على قمة العمل " المطرب المؤدي " ، ويحتجب كل هؤلاء المبدعين ، ولا يعرف الإعلام عنهم كثير شيء ،بل ربما لن يعرفهم المستمعون أبداً . لذا لم نسمع عن " خليل أحمد" أو " أحمد زاهر " لأنهما موسيقيان ، يعتصرا روحهما مثل كثيرين من المبدعين في الخلق الموسيقي ، ولم يتعرف إليهم أحد . لقد ساهمت قوانين الملكية الفكرية ، في صحوة الحق وعودته لأصحابه في تبيين دور كل هذا الفريق الذي كان يعمل في كواليس العمل الغنائي .)
(3)
أذكر وإلى اليوم أني كنت أقضي الكثير من الوقت في نهاية السبعينات مع الموسيقار الراحل الأستاذ " جمعة جابر " ، وقد تحدث بحسرة عن دور الموسيقيين من ملحنين أسهموا في الكثير من الأعمال الفنية التي نسمعها ، وبعضهم قد وجد هيكل اللحن ، وقام بإعادة هيكلته ليظهر بالصورة التي عرفنا . ومن ذلك اختفاء جميع شركاء العمل الفني الغنائي في " المؤدي " وتلك قصة كبيرة تسهم فيها أجهزة الإعلام وغياب إظهار الحقوق الفنية سابقاً ، واختفاء مجموعة هائلة من منتجي الأعمال الغنائية دون أن يظهر سوى " المطرب المؤدي ".
لا أحد مثلاً يذكر " جمعة جابر " :
فهو لم يكن مغني ، فهو موسيقار وملحن ، بدأ حياته " نص تعيين " في موسيقى البوليس " ونصف تعيين هي وظائف للذين يعملون قبل بلوغهم سن العمل . وهو الذي أسس أول معهد للموسيقى في السودان ، وكانت في الأبيض عام 1960، وبعده أقام الموسيقار " أحمد مرجان " معهداً في بيته بحي الضباط بأم درمان . وجمعة جابر تلقى دراسات عليا في الموسيقى في الإتحاد السوفيتي السابق قبل انهياره ، وقد كان نائب رئيس المجمع العربي للموسيقى . ورحل عن عالمنا أيام الديمقراطية الثالثة ..
فمن يا تُرى يعرف " جمعة جابر " حتى من مثقفينا !؟
نعم في مصر يعرف العامة الموسيقييين ، والشعراء ، لأن لهم إرث في الإعلام الفني وفي الثقافة الفنية .
(4)
منذ قيام الإنقاذ وفي سنواتها الأولى ، كانت هنالك لقاءات وحوارات عن جدوى " الموسيقى والغناء " وقد اضطر أحد المطربين أن يقدم " الأذان بالعود " !!!! . وقد تم إغلاق معهد الموسيقى لعدد من السنوات في بدايات الإنقاذ !!!!! . وظهرت صورة مشوهة من الغناء الديني منخفض السقف شعرياً وموسيقياً ، بل وبعضها قد تم سرقته من ألحان أغنيات معروفة .
(5)
الموسيقى والغناء في التعليم :
لا يوجد في منهاج التعليم ، دراسة للموسيقى ، فكانت الأمية الموسيقية منتشرة بين الجميع . الجميع درس الشعر ولكن مع أمية مطلقة للموسيقى .
(6)
الحفل الذي ينتهي في الحادية عشر له دور ، وفرق الموسيقى في المدارس الثانوية قد تم محوها من الذاكرة لها دور . وبالضغط تم إعادة معهد الموسيقى عندما أفتى أحدهم بنماذج في التاريخ الإسلامي ( طلع البدر علينا في ثنيات الوداع ) ، مجال الحريات في العروض الموسيقية مثل المسرح الغنائي ، والأزياء ، هنالك سيطرة وغلو في نظر القائمين على أمر الحكم والسلطة . ولم يأت الاهتمام في إعلام الدولة بالموسيقى إلا بعد جهد جهيد .
(7)
أذكر كثيراً أن المتنافسين في ساحة الغناء من الشباب بعد أن أفرجت الدولة عن الغناء والموسيقى ، معظمهم لا يعرفون الشاعر أو الملحن للأغنيات التي يتغنون بها.
.......
هنالك الكثير الذي ينتظر ، ولكن المبدعين ووجودهم في الوطن ، لم يحرم فريد الأطرش من الشهرة ، ولا وردة الجزائرية من الشهرة ، ولا أسمهان رغم عمرها القصير ، ولا الكثير من المتمصرين من الغنائيين والموسيقيين .

*

استاذ الموصلي..
يلا تعال نجي لي شريط خلي بالك..وعودتك لي اسكوير زيرو..
رجعت وقييمت لي الشريط من الزاوية العلمية البحتة واشترطت انو اجيب ليك عتاة الموسيقى للمقارنة مع باقي سرايط محمود.. وده مااا اتفاقنا لانو انا قلت ليييك نظريتي مااا علمية..نظريتي العفوية والقبول..ووريييتك لو بي العلم الكورة 9 صفر ليك ولو بي القبول والعفوية وسمع الاضان الكورة 18 صفر لي..
تعال اسسسة نعمل استفتاء ونجيب كللل جمهور محمود هنا ونسألو ايهما اجمل وامتع استماااعا شريط خلي بالك ولا شريط سيب عنادك؟؟ ووالله انا رااااضي بي نتيجة الاستفتاء ده ولو انو من شريحة بسييطة..
لكن ما ممكن تجييب لي مثلا دكتور في الموسيقى يحلل الشريطين وبناء على كلامه تقول لي شريط خلي بالك الاعظم..
يا موصلي موسيقى خلي بالك لو عاجباك طلعا في شرييط يكون موسيقى بس وسمعنا ليها..
لكن لو عايز تحدي بتاع سمع اضانوذوق جمهور فانا اسسسة وامام الجمييع اتحداك نزل اغنية واحدة من شريط خلي بالك وخلينا نقول اغنية كل ما سألت عليك صدوني حراسك..مقابل اغنية بعد الغياب من شريط الحنين..وانا هنا اخترت ليك العملين ديل ما إعتباطا..and#65271;..اخترت ليك العملين ديل لانهم اولا بيمثلو مقارنة بين اول شريط واخر شريط لي محمود ..تانيا لانهم اغنيتين ما حقات محمود والناس سمعتا كتييير..ما حبيت اقول ليك جيب اغنية قربك بسمحني وبعدك مقمحني مقارنة مع اغنية هو الاختار دنيتو مثلا عشان ما تقول اخترت ليك اعمال محمود..
يلاجيب وانا رااااضي بحكم العامة..

Quote: استاذ الموصلي.. يلا تعال نجي لي شريط خلي بالك..وعودتك لي اسكوير زيرو.. رجعت وقييمت لي الشريط من الزاوية العلمية البحتة واشترطت انو اجيب ليك عتاة الموسيقى للمقارنة مع باقي سرايط محمود.. وده مااا اتفاقنا لانو انا قلت ليييك نظريتي مااا علمية..نظريتي العفوية والقبول..ووريييتك لو بي العلم الكورة 9 صفر ليك ولو بي القبول والعفوية وسمع الاضان الكورة 18 صفر لي.. تعال اسسسة نعمل استفتاء ونجيب كللل جمهور محمود هنا ونسألو ايهما اجمل وامتع استماااعا شريط خلي بالك ولا شريط سيب عنادك؟؟ ووالله انا رااااضي بي نتيجة الاستفتاء ده ولو انو من شريحة بسييطة.. لكن ما ممكن تجييب لي مثلا دكتور في الموسيقى يحلل الشريطين وبناء على كلامه تقول لي شريط خلي بالك الاعظم.. يا موصلي موسيقى خلي بالك لو عاجباك طلعا في شرييط يكون موسيقى بس وسمعنا ليها.. لكن لو عايز تحدي بتاع سمع اضانوذوق جمهور فانا اسسسة وامام الجمييع اتحداك نزل اغنية واحدة من شريط خلي بالك وخلينا نقول اغنية كل ما سألت عليك صدوني حراسك..مقابل اغنية بعد الغياب من شريط الحنين..وانا هنا اخترت ليك العملين ديل ما إعتباطا..and#65271;..اخترت ليك العملين ديل لانهم اولا بيمثلو مقارنة بين اول شريط واخر شريط لي محمود ..تانيا لانهم اغنيتين ما حقات محمود والناس سمعتا كتييير..ما حبيت اقول ليك جيب اغنية قربك بسمحني وبعدك مقمحني مقارنة مع اغنية هو الاختار دنيتو مثلا عشان ما تقول اخترت ليك اعمال محمود.. يلاجيب وانا رااااضي بحكم العامة..

ياعمر لو عايز تقارن ماتقارن بين أعمال الراحل محمود ليس له فيها ناقة ولا جمل الا الاداء
برغم ادائه الفريد
قارن بين أي عمل اخر خاص بالراحل في اشرطته الاخرى مع خلي بالك ذاتها أو قربك بفرحني دي ذاتها
التي اعترف محمود بانها الاصعب التي غناها داخل الاستديو
عشان تعرف الفرق في المستوى من كل الاتجاهات

اها


ياعمر برغم ان ده ماتسجيل القاهره برضو الفرق شاسع (البون شاسع)


اشكر اوركسترا محمود لمحاولتهم الايتاء ببعض التفاصيل المستحيلة
في خلي بالك الاصلية وبرغم ذلك فان البون شاسع ياحبيب عمر أصحى ياخ

الاستاذ الشقليني يا واسع الاطلاع
وفيت وكفيت والتعليق علي كلامك يضيع حلاوته وطلاوته فلك الود

تحية لصاحب البوست و أستاذنا موصلي و المتداخلين/ات,

الشئ (الطبيعي) أنه كل إنسان و كل جيل تتفح عينيه على ساحة
غنائية معينة, فيها السائد و لها ما قبلها, ثم ما بعدها!
جيلنا إلتفت للغناء ب(تركيز) منتصف السبعينات و انت طالع
لقينا عثمان حسين و وردي و ابراهيم عوض و زيدان ثم
عبد العزيز المبارك و لونية مختلفة شوية إسمها الموصلي, ثم
مجذوب أنسى و نجم الدين الفاضل إلخ..
شوية شوية ظهروا ناس الخالدي و حيد بورتسودان و حنان اانيل
و آمال النور ، إلخ..
و كانت في الأثناء لمصطفى سيد أحمد طلعات خاصة تجسدت بوضوح
في حقبة الديمقراطية الثالثة التي إختتمها الموصلي بعودة مختلفة و
و جامدة تمثلت في إلبوم شوق الهوى/الحجروك علي و كنت شاهدا
عليها في الفندق الكبيؤ عام 89 ,
طبعا كانت للباشكاتب أبواللمين سطوة ذات طابع إنتاجي و موسيقي
لمع بريقها منذ حفل (لندن) و زاد الشجون, الشهير لأجيال بعينها!
فن الغناء الموسيقي ليس كله لمجرد الغناء فقط, هناك أناس يؤدون
(أدوار) ذات قيمة خاصة في المشهد الموسيقي/الغنائي, منهم على
سبيل المثال و التوضيح: الكاشف, أبو عفان, إبراهيم عوض, وردي
العاقب, الباشكاتب, بشير عباس, عركي, مصطفى, و الموصلي..
محمود عبد العزيز لم يكن أفضل من كثيرين أثروا المكتبة الغنائية
لكنه كان من أصحاب هذه (الأدوار) حيث أدى (دور) فنان الشباب
ب(سطوة) غير عادية, و في (أغرب) حقبة سياسية منذ الإستقلال, لذلك
إستحق تلك الجنازة المهيبة رحمه الله و عوض شبابه الجنة..
'دور' الموصلي في تقديري تمثل و يتمثل في تحديث معاصر للأغنية
في جانبها الموسيقي على الوجه الأخص, و دي شغلة تطلب الإحساس
و المهنية و إثراء التخصص على الدوام, مما دفعه لتحديث أغنيات الغير
و بالتالي (الظهور المزدوج) (كحالة نادرة) رغم (الإختفاء) الشخصي عن
البلد و الساحة الغنائية بجسده في أوقات ظلت تنمو فيها أجيال سودانية
جديدة, مع تطور وقائع عالمية جديدة تتعلق بالإتصال و تبادل المعارف
و .. الغناء! .. و تطور المجتمع السوداني نفسه من حيث إقبال الجنسين
على الشغلانة دي,
ياخي شكر و تحية للموصلي الجميل, و العليه سواه, و سيظل!

-------
الموصلي ياخ ما تقعد لينا لي غنوة (بغير عليك) دي!

Quote: Abdelslam Malik Ali Elhag سالني واحد ممتحن الشهادة السودانية ...عن جامعة الدول العربية بيقدموا ليها ويييييين؟؟؟عشان داير يقرأ فيها

شكراً أخي عبد السلام ..... لا تستغرب يا عبد السلام أخوي من جيل يتمسك بالقشور ويترك اللب جانباً مثل هذا السؤال .....غايتو نقول شنو بس ... الله يكون في العون ....

مع خالص ودي وتقديري ؛؛؛

Quote: Ahmed Sid · متابعة · جامعة النيلين كلية القانون سلام أستاذ الموصلي الانترنت ساهم يزيادة معرفتي بالغنا السوداني رغم انه انامن مواليد 1990 لكن متابع دائم للاذاعة والتلفزيون ولكن ما كنت بلقى فيها كل شيء مع انه انا كنت عارف اشياء عن كل الفنانين لكن ما بالشكل الحالي بعد دخولي للانترنت ومعرفتي باعمالهم النادرة التي لا تنشر لا في الاذاعة ولا في التلفزيون. تحياتي

شكراً أخي أحمد للمرور والتعلق ... وجميل إنك تستفيد من التقنيات الحديثة لتوسيع مداركك الثقافية والفنية .....

مع خالص ودي وتقديري ؛؛؛؛

Quote: Mohamed Jamal · الأكثر تعليقا · ENSA Oujda وردي ومصطفى سيد احمد رحمة الله عليهما لو لم يهاجروا لتقاسمو كل الجمهور السوداني

الأخ العزيز / محمد جمال ....

وردي بلا شك هرم من إهرامات الغناء السوداني .... ومصطفى سيد أحمد في إعتقادي فنان نادر ولن يتكرر قريباً .... ولكن يا محمد أخوي ناس عثمان حسين وإبراهيم الكاشف وعبد العزيز محمد داود وإبراهيم عوض وبقية العقد الفريد تفتكر ياكلو نيم يعني ....

مع خالص ودي وتقديري ؛؛؛؛

Quote: Osama Mohamed Elhassan نظرية (خاصة بي) : أي فنان يهاجر يفقد كثير من ـ إن لم تكن كل ـ أراضيه

أخي أسامه ...

الهجرة بلا شك تؤثر على جماهيرية المبدع ..... ولكن ليس إلى هذا الحد أخي الكريم .....

مع خالص ودي وتقديري ؛؛؛؛

Quote: Abdo Dabanga · الأكثر تعليقا · U of kratoum / economic يا ناس هوي انتو ظلمتونا لكن ما بالدرجة دي والله انا الموصلي وكثير من الجيل القديم عرفتهم وانا عمري اقل من 15 سنوات عارفين من وين اذاعة امدرمان الرادو كان شغال 24 ساعة في البيت ...لو عرفت الفنان سبال اخيو ده من يا بنتظر لحدي ما المزيع يقول التحية للفنان الفلان الفلاني شكرا موصلي شكرا ليكم يا جيل الهروب

الأخ / عبده دبنقا

سلام وتحيه ...


أنا لم أعمم يا أخي الكريم وأكاد أجزم إن هناك من الجيل الحالي ما يعرف أكثر من الأجيال السابقه بكثير عبده أخوي .... يعني النظريه ما ثابته يا حبيب ....

مع خالص ودي وتقديري ؛؛؛؛

Quote: Aiman Awad • الأكثر تعليقا يا جماعة الخير اساْلكم بالله دعوا المجاملات جانبا انجازات الاستاذ موصلى موجودة فى المداخلة الاولى لصاحب البوست شى طبيعى ود اخته ما يسمع بالاستاذ الموصلى بعدين الغناء وتوابعه من الحاجات الاكثر تفاعلية فى حيواتنا كسودانيين اغنيتين ومشاركه فى كم شريط لا يصنعان اسما يعرفه كل الناس حقيقا لا اقصد التقليل من شاْن الاستاذ الموصلى ولا ينبغى ولا استطيع حتى ان اردت ذلك لكن للحقيقة المحدودة التى اعلمها ان عدد البوستات الاتفتحت عن الاستاذ الموصلى تبدو لو انها اكثر من عدد اعماله والله اعلم رد • أعجبني • متابعة المنشور • ‏2 أبريل‏، الساعة ‏01:36 مساءً‏

ذلك كان تعليق الأخ أيمن عوض الأول .....

Quote: الموصلي ود عثمان بلال • الأكثر تعليقا • ‏57‏ سنة ليتك يا ايمن سالت نفسك لماذا كل هذه البوستات واجتهدت قليلا هل لم تسمع طفل العالم الثالث/ الاماني السندسية/ على قدر الشوق/ بريدك ياحبيبي بريدك / رسالة الى أمي / الكلام القالو عنك/ شوق الهوى / سفر العيو ن/ بلدنا نعلي شانا/ شجر العنب وعشرات الالحان واكثر من مائتي اغنية توزيعا لوردي ومحمد الامين ابراهيم عوض مصطفى سيد احمد البلابل علي السقيد عافيه حسن ألخ الخ الخ الخ كلها تم اختصارها في اغنيتين وشوية مشاركة!!!!!! هذه ليست مشكلتي بالطبع ولكن هناك االاف ممن يعرفونها ولكن يبدو انك من الجيل الذي ولد بعد مغادرتي السودان 1991 لذا فحكمك علي ينطبق على كل الفنانين الذين يسترزق بأعمالهم (المقلدين وتعرف باسمائهم) لك العذر ولك التحية رد • 1 • أعجبني • ‏2 أبريل‏، الساعة ‏03:59 مساءً‏

ورد عليه الأستاذ الموصلي مشكوراً كما هو أعلاه ....

ومن ثم عاد أيمن ليقول :

Quote: Aiman Awad • الأكثر تعليقا شكرا على الرد الوافى ويبدو التقصير من جانبى يا استاذالموصلى

شكراً يا أيمن وجميل إنه قد استبان لك الأمر هذا أخي الكريم .....

وهنا أود أن أقول شيئاً في غاية الأهمية لك وللجميع أخي أيمن أنا عندما فتحت هذا البوست لم آت للتوثيق للموصلي لأني أساساً لا أملك الإمكانيات الفنية ولا الثقافية لمثل هذا العمل ... إنما وضعته كنموذج لموقف واقعي واجهني ... وأنا لم أجامل الموصلي لأنه زميل معنا في sudaneseonline فهناك العشرات من الفنانين المشهورين يكتبون هنا حتى إنني لا أستطيع حصرهم ..... وقد أشرت في بداية حديثي أن الخطورة تكمن في أن يمتد الجهل بكافة رموزنا الثقافية والتاريخية المشهورة في مواجهة حملة الاستلاب الثقافي وغسيل المخ التي يواجهنا بها الإعلام الخارجي .....



مع خالص ودي وتقديري ؛؛؛؛

مقاربات التوزيع الاوركسترالي ومجاهدات الكمبوسر الموصلي
في ان الاغنية والموسيقى السودانية الا تكون خارج السودان
غريبة اليد واللسان
انتي لي
شوق الهوى
سفر العيون
وفوق ديل كلهم كان الترحيب حارا بـ (الاماني السندسية)
اتذكر وانا صغير حضرت حفلتين لهذا الفنان العجيب
الذي يمكن ان نستبدل اسمه الاول يوسف بـ اسحاق
واحدة كانت في المزاد ببحري والثانية في اركويت
الغريبة حفلة اركويت دي كانت قمة في الروعة وغني فيها الموصلي
بمزاجية وابداع جميل جدا جدا
الغريبة شنو (ان العروس اتشاكلت مع العريس ورفضت الجلوس في الكوشة)
وطلبت الطلاق عشان العريس رفض يدفع في الكوفير غير تسريحة العروسة
وقال لناس كوافير بردايس ما بعرف لا وزيرة ولا غفيرة
عموما هذا المؤلف الموسيقي المليان الجنتل يسحبك الى
واحشني مع ابوعركي
وياتي بك الى سوف ياتي مع محمد الامين
التقصير منه هو شخصيا انسان وفنان بهذا الحجم
يجب ان تتعلم منه اجيال واجيال
وهو نفس تقصير اخونا الفنان عادل الصديق

Quote: تحية لصاحب البوست و أستاذنا موصلي و المتداخلين/ات, الشئ (الطبيعي) أنه كل إنسان و كل جيل تتفح عينيه على ساحة غنائية معينة, فيها السائد و لها ما قبلها, ثم ما بعدها! جيلنا إلتفت للغناء ب(تركيز) منتصف السبعينات و انت طالع لقينا عثمان حسين و وردي و ابراهيم عوض و زيدان ثم عبد العزيز المبارك و لونية مختلفة شوية إسمها الموصلي, ثم مجذوب أنسى و نجم الدين الفاضل إلخ.. شوية شوية ظهروا ناس الخالدي و حيد بورتسودان و حنان اانيل و آمال النور ، إلخ.. و كانت في الأثناء لمصطفى سيد أحمد طلعات خاصة تجسدت بوضوح في حقبة الديمقراطية الثالثة التي إختتمها الموصلي بعودة مختلفة و و جامدة تمثلت في إلبوم شوق الهوى/الحجروك علي و كنت شاهدا عليها في الفندق الكبيؤ عام 89 , طبعا كانت للباشكاتب أبواللمين سطوة ذات طابع إنتاجي و موسيقي لمع بريقها منذ حفل (لندن) و زاد الشجون, الشهير لأجيال بعينها! فن الغناء الموسيقي ليس كله لمجرد الغناء فقط, هناك أناس يؤدون (أدوار) ذات قيمة خاصة في المشهد الموسيقي/الغنائي, منهم على سبيل المثال و التوضيح: الكاشف, أبو عفان, إبراهيم عوض, وردي العاقب, الباشكاتب, بشير عباس, عركي, مصطفى, و الموصلي.. محمود عبد العزيز لم يكن أفضل من كثيرين أثروا المكتبة الغنائية لكنه كان من أصحاب هذه (الأدوار) حيث أدى (دور) فنان الشباب ب(سطوة) غير عادية, و في (أغرب) حقبة سياسية منذ الإستقلال, لذلك إستحق تلك الجنازة المهيبة رحمه الله و عوض شبابه الجنة.. 'دور' الموصلي في تقديري تمثل و يتمثل في تحديث معاصر للأغنية في جانبها الموسيقي على الوجه الأخص, و دي شغلة تطلب الإحساس و المهنية و إثراء التخصص على الدوام, مما دفعه لتحديث أغنيات الغير و بالتالي (الظهور المزدوج) (كحالة نادرة) رغم (الإختفاء) الشخصي عن البلد و الساحة الغنائية بجسده في أوقات ظلت تنمو فيها أجيال سودانية جديدة, مع تطور وقائع عالمية جديدة تتعلق بالإتصال و تبادل المعارف و .. الغناء! .. و تطور المجتمع السوداني نفسه من حيث إقبال الجنسين على الشغلانة دي, ياخي شكر و تحية للموصلي الجميل, و العليه سواه, و سيظل! ------- الموصلي ياخ ما تقعد لينا لي غنوة (بغير عليك) دي!

اها جاكم الكمنجابي السوداني الكندابي ذاتو
يا معز اخوي حاضر والله
فعلا جميله والله

ليس دفاعاّ عن فنان محدد



ولكن نلاحظ أن اشهر اغنية سودانية على الاطلاق ويعرفها كل العرب هي اغنية :

كدة كدة يا الترلا ,,,,,, صاح ولا لا


اشهر نجوم المسرح هم :

من يقدمون النكات لأسعاد جمهورهم ,,,, صح ولا


اشهر الفنانين التشكيلين هم:

الذين يرسمون في اللواري والعربات



لذا

يجب على الفنان عدم النزول الى مستوى زوق الجمهور (نجومية سهلة)

بل يجب على الجمهور الارتفاع الى مستوى الفن الحقيقي


ولا كيف ؟؟؟؟

Quote: منتدي الفنان احمد الصادق بالفيس بوك نسب اغنية الرايقه هووي البتحمل تراثنا وثقافتنا لي احمد الصادق البيغني فيها وماهو عارف معانيها وهي في الحقيقه من اغاني الرواويس التي ليست ملكاً لأحد دي مشكله جيل كامل تحياتي أدريس وليك ولكل الحضور الجميل

شكراً أخي سيد أحمد شامي على المداخلة الجميلة والتعليق ....

مع خالص ودي وتقديري ؛؛؛؛

السلام عليكم جميعا...
رغم انني لست من المعنيين بالبوست...(من مواليد الستينات)...ولكني أصنّف نفسي مستمع جيد للغناء السوداني
في زمننا كان فناني الشباب بالنسبة لنا عبد العزيز المبارك، خوجلي عثمان اسماعيل حسب الدائم...ثم إفرازات مهرجانات الثقافة
كان ايضا فناني كردفان يشكلون لونية مختلفة (كنت أحب عبد الرحمن عبد الله جدا)
ثم لونية اخرى كان يمثلها حيدر حدربي و يوسف الموصلي....(حتى الان لا اعرف الرابط بينهما...ولكني كنت اعتقد بوجود علاقة وثيقة بينهما)
واعجبت جدا باغنية (حلاتها الزهرة...لحدربي)..واغنية (انتي لي ليوسف الموصلي)
في مدينتنا - كوستي - كانت حلاتها الزهرة هي الاشهر...ولكني كنت اقول للجميع ان لحن اغنية انتي لي ....هي بعث لموهبة تماثل موهبة وردي اللحنية
خاصة المقطع بتاع (انتي يا راحتي و اماني...انتي لما اجيكي تاني ..تملي عيني......الخ ..الى ان يصل اللحن الى : انت يا سعدي و هلاكي انت لي انت لي....
يلا غني و قولي لي....انت لي....) صراحة هذا الجزء من اللحن و اداء يوسف فيه (تسجيل الاذاعة وقتها) لا يقل روعة عن فطاحلة ذلك الزمن....
ودعوني اقول بضعة اسطر عن فنان احببته ..وفنان لفت نظري باغنية له...وهما خليل اسماعيل....و اجمد جاويش والذي لفت نظري باغنية (بذكّرك ساعة الكلام يصبح صعب)...

هذه المعلومات و المعرفة تكونت لدي من الاستماع للراديو فقط.....
وجاء معهد الموسيقى و المسرح...ويشهد الله كم كرهت الموسيقى التي (طلعت ) من ذاك المعهد ...
خاصة عندما سمعت اغنية لخليل اسماعيل (اغنية الحيارى.....ولا شنو كدة ما عارف...فيها عبارات مثل تبقى في الناس المسرة ..وعلى الارض السلام)
وقلت في نفسي معقول ده خليل بتاع (بسحروك)...والاماني العذبة؟؟؟؟
ثم استمعت لاغنية للفنان عبده الصغير ( مسدار غنا ...واظنها من لحن الموصلي نفسه)...فقلت في نفسي هل هذا هو عبده ..الموهبة التي صدحت بهذه ليلتي في الستينات (كان طفل وقتها)؟؟؟؟
ماذا يفعل معهد الموسيقى بالفن السوداني ؟؟؟؟
وازداد كرهي للمعهد ..خاصة بعد سماعي لاغنية يا سلام منك انا آه....
صاح ام خطأ...ربطت بين المعهد و يوسف الموصلي (لأنه كان أكثر خريجيه صوتا و بروزا في الاعلام...و لا انسى برنامج محكمة الفن الذي دافع فيه عن بشير عباس في وجه يوسف السماني)
استمعت لتلك الحلقة لأن فيها وردي...رغم انني كنت لا اطيق يوسف السماني....
وظل كرهي للمعهد قائما ..ومعه Some Dislike للفنان يوسف الموصلي

الى ان جاءت الاماني السندسية....ثم سمعت رسالة الي امي بصوت سمية حسن مع العود فقط
وصرت كبير المغالطين في ان هذين العملين لا يمتان الي معهد الموسيقى بصلة...صحيح المؤلف هو يوسف الموصلي...ولكنه انتجهم بنفس (انتي لي)..وليس (مسدار غنا)....
واعترف الان بأنني احب يوسف الموصلي في:
انتي لي
الاماني السندسية
رسالة الى امي
يا رزينة (اداء حنان النيل)...وهذه الاغنية اعتبرها لوحة فنية بارزة في خارطة الفن السوداني

اخي يوسف....
الامعان في العلمية ..في اعمال مطلوب منها مس الوجدان ....ينفّر اشخاص (مثلي)...
وبالمناسبة كلامي ده كلو انطباعي بحت

Quote: اخي يوسف.... الامعان في العلمية ..في اعمال مطلوب منها مس الوجدان ....ينفّر اشخاص (مثلي)... وبالمناسبة كلامي ده كلو انطباعي بحت

العزيز زكريا شكرا لسردك الجميل ونقدك الانطباعي
احترم رايك جدا السلبي والايجابي // لكن
مسالة علميه دي فيها قولان نحن لي هسع ما عملنا حاجة علمية
كلها محاولات يائسة للحاق بالعالم
تصطدم بصخور سودانية وعقبات لا يعلم بها الا الله
لكن أنا قررت اضمك للكادر الموسيقي الاكاديمي " السري"
لو توافق
تسلم

انت صاح

Quote: . أخي إدريس ........تحياتي في ريبورتاج أجرته معي إحدى المجلات التي تصدرها المؤسسة التي أعمل بها، سألني المحاور عن (الفرق بين الجيل الحالي وجيلنا)، مختصراً اللإجابة قلت: ـ إن الجيل الحالي هو جيل عصر السرعة والتطور التقني المتسارع ، ضحل الثقافة ولا يميل للقراءة والإطلاع خارج المناهج المدرسية، يريد كل شيء مختصراً حتى الأكل، فهو يميل لتناوله ساندويتشات أمام الكمبيوتر أو التلفاز. ملول قليل الصبر. وعلى العموم قد لا ينطبق ما رأيت على الكل، حتى في محيط عيالي ، فهو ينطبق ولا ينطبق، فالتعميم المطلق غير وارد. أكيد استفزك (الوليد) ، وذلك لا ينقص الموصلي القامة شيئاً، ويكفي إنك تحفظ قدره. كامل الود يا درش.

شكراً أخي الكريم محمد فضل الله المكي

صدقت أخي محمد جيل الســرعة هذا والـ take away يريد كل شيء جاهز ...

مع خالص ودي وتقديري أخوي محمد ....

اهداء للصديق ادريس وكل الضيوق
وإهداء خاص للصديق عمر الفاروق

اسماء الفنانين والاغنيات التي لحنها لهم
يوسف الموصلي
أ. الغناء الفردي
البلابل
1. كبرياء 2. حبيتك حقيقة 3. نار هواي 4. بريدك 5. فال هوانا. 6. جميل المعنى "هادية" فقط.
علي السقيد
7. كل النجوم 8. سكة ندية 9. ومداك مداد 10. قولي قولي "جديدة.
عبدو الصغير
11. مسدار غنا "ياذاتي"
خالد محجوب"الصحافة"
12. لوحتي بي ايدك
حيدر بورتسودان
13. شجر العنب
حمد الريح
14. لاني قدرك لا بطولك
محمود عبد العزيز
15. مسافتك 16. قربك بفرحني
مجذوب أونسه
17. خبي الشروق
فيصل الصحافة
18. هجر الحبيب 19. مراكب شوقنا
عافيه حسن
20. قهوة ضحى "جديدة لم تبث بعد"
ريماز ميرغني
21. سيرة الاحباب "جديدة"
سمية حسن
22. ياخدارنا 23. رسالة الى أمي
عمر باناقا
24. ياحبيبي
عثمان زرياب
25. الفضل برجع ليها هي
آمال النور
26. الاماني السندسية "1979"
نسرين
27. سيد الوسامة
اسامة الشيخ
28. جفل الرعد 29. سلمي مرة "جديد"
عاطف أنيس
30. في الكالوس 31. لانك لي حبيب الروح"نص"
ياسر مبيوع
32. شجرة الحب
القلع عبد الحفيظ
33. من زمان عايش معاي "رق"
د منال بدر الدين
34. الميعاد
بشير عجاج
35. لما عرفت انك بتسلم علي "رق"
ب. غناء المجاميع
وردي مصطفى س أحمد الموصلي شيرين
36. طفل العالم الثالث
مصطفى س أحمد والموصلي
37. بين سجن وبيت اشباح
هادية على السقيد والموصلي
38. لصوص العصر 36. لن ابالي
هداي
39. في احدى الجزاير 40. ياجمرة
-----
نسينا
حنان النيل
41. الفرح المهاجر
عييييييك نسينه شروق ابو الناس
42. عافية المطر لمعز بخيت
43. بحب الليل لمدني النخلي

يسلم إحساسك و ابداعك يا موصلي
أسمح لي أهديكم "كبرياء البلابل" من بين عنقود الموصلي أعلاه..
"الفرح المهاجر" رغم إبداع حنان النيل و تجليها فيها مع فرقة السمندل
لكن في أغنيات كدا بتشبه الباشكاتب و كنت أتمنى أسمعها منه!
و شكر مجدد للأخ إدريس على البوست الجميل,

أستاذنا الموصلي :
وقبل ما أرد عليك ح أقيف عند الحتة دي وأديك تحية إجلال وإحترام عليها :

Quote: حنان النيل 41. الفرح المهاجر

واحدة من أجمل الألحان اللي سمعتها في حياتي والحق يقال أول مرة أعرف إنها من ألحانك ..الأغنية دي يا موصلي لي 7 سنوات بفتش في شريطها الماستر لأنو ضاع مني وفي كل إجازة كنت بمشي السودان الف شارع الدكاترة وما بلقى الشريط والنصيييحة ما عايز إلا الشريط الماستر يعني لا إنترنت لا فلاش عااايزا في شريييطا الأصلي..
يا رزينة وصي عينيك الحنينة ترسم الفرح المهاجر في عيون كل المدينة ..مش ياها دي؟؟
دي أغنية انا بوصفها بي إنها واحدة من أرقى الأغاني السودانية ..

نرجع لي الاهداء بتاعك واللستة ..أهو يا موصلي قاعد تجيني في كلامي ..إنت ملحن بارع وموزع موسيقى عبقري لكن مغني عادي في الاونة الأخيرة ..وانا بكرر وبعييد في الكلام ده ما عشان اقزمك بالعكس يا موصلي انا بقول ليك في الكلام ده عشان أبصرك ومعليش استحملا جات من زول اصغر منك واقل خبرة لكن بحاول كمان اديك حقيقة ربما اصابك بعض الغشاوة منها..
الموصلي الفنان حقبة وحقبة جميلة لكن كانت قصيرة وموضتها إنتهت وحالياً المسمع السوداني م ح يتقبل الموصلي الفنان كظاهرة لأنو صوت الموصلي الحالي ما ح يسعفه ولا ح يكون الصوت الممكن يهبش وجدان المستمع الحالي..
أكرر لموصلي الملحن كما راجل المرا حلو حلا..
الموصلي الفنان ببح ..ودي كللل نقطة خلافي معاك وانا بقاتل من أجلها ما عشان أقزمك ولااا اربح وانت تخسر انا بحارب من أجلها عشان بحس إنو في كمية مجاملات قاعدة تحصل على حساب الفن والغنا ..

تخريمة:
لفت إنتباهي بعض اسماء الاغنيات نسبتها لفنانين فهل هي حقتهم وانت لحنتها واديتها ليهم وبعد داك اخدتها ؟؟ تحديييداً الأماني السندسية امال النور ورسالة لي أمي سمية حسن ..لأنو انا الاغنيتين ديل رابطهم بيك انت فقط..

Quote: تخريمة: لفت إنتباهي بعض اسماء الاغنيات نسبتها لفنانين فهل هي حقتهم وانت لحنتها واديتها ليهم وبعد داك اخدتها ؟؟ تحديييداً الأماني السندسية امال النور ورسالة لي أمي سمية حسن ..لأنو انا الاغنيتين ديل رابطهم بيك انت فقط..

ياعمر ازييك ازييك ياخي ما قلت ليك اتعامل معاي كفنان وليس مغني
في ناس كتيرين بحبو الموصلي المغني ليه انت بتعتبر انهم مجاملين وما تحترم رآيهم
وكلامي ده دفاع عن الناس ديل ما عن الموصلي
يعني هسع الرسائل البريديه في النت التي تآتيني يوميا من الناس ديل اقول ليهم شنو
عمر الفاروق قال الموصلي المغني بابح تاني ما تعجبو بي؟؟؟؟ وانتو مجاملين ساكت؟؟؟؟
كده انت جاوبني كصديق
----------------
الاجابه على سؤالك
مثلا
سميه حسن غنت رساله الى امي قبلي في المسرح القومي
امال النور هي اول من تغنى بالاماني السندسيه في مسرح الجزيره
في الدورة المدرسيه ولحنتها وهي تجلس معي بمدرستهم الخرطوم العليا بنات

لك كل الحق - اخي يوسف - في ضمي لما تشاء ...ولي عظيم الشرف في ان يجد رأيا مني - أنا الجاهل موسيقيا - تقديرا من موسيقي موهوب و متعلم و معّلم للموسيقى مثلك

تعرف يا عمر...بعض الاغاني عندما تسمعها لاول مرة....تحتاج لإعادة الاستماع إليها عدة مرات حتى (تتوهط) الاغنية في الوجدان....
انا - مع وردي - يكيفني الاستماع للاغنية اول مرة حتى اترنم بها فورا...ولم يحدث ذلك معي بالنسة لفنان آخر إلا اغنيات ثلاث
كانت احداهن يا رزينة بصوت حنان النيل (وقع في يدي شريط الفرح المهاجر منتصف التسعينات..وانا في اول إغتراب لي بالمملكة المتحدة).....
الشريط في مجمله أكثر من رائع...ومنبع تحيزي له اساسا بدأ لان شخصا ما اخبرني ان ماهر تاج السر كان عازفا بهذا الشريط...
وماهر زميل دراسة في كوستي الاميرية الثانوية العامة...لم التقيه منذ ان ارتحل عن كوستي (قابلته في امريكا 2004 لمرة واحدة )
هذا اللحن - في إعتقادي - وضع يوسف الموصلي بقوة وسط عمالقة التلحين في البلد....
يعني إذا كانت (انتي لي ) لفتت الانتباه للموهبة
والاماني السندسية قالت للسميعة (لي انا تحديدا ) ان التوزيع (ليس ضارا بالصحة) بل يمكن ان ينتج شيئا جميلا
فإن الفرح المهاجر اكّدت لي ان يوسف الموصلي (ليس صدفة)...بل موهبة فطرية ..صقلتها الدراسة....وتمت (جهجهتها) بالانتشار في كل افرع الموسيقى (حتى النقد الموسيقي)...
يقيني لو ان يوسف الموصلي ركّز فيما يجيده و يبرع فيه (التأليف الموسيقي) ...ثم (يوّزع احيانا) لكان شكل موسيقانا أكثر جمالا.....

عزيزي زكريا لك الشكر اليك هاتين الاغنيتين عسى آن نعجب بهما وتضمها لقاذمتك الموصلية

آم سماح من شعر حسن الزبير


الكلام القالو عنك من عبد الوهاب هلاوي



وحندك لي عمر الفاروق هههههه
مع التحية لكما

الحبيب معز
سفر العيون على سبيل المثال
طبعا انا لم اذكر الاغاني التي غنيتها انا اولا وغناها البعض او لوحدي ولم يغنيها
فنانون وده عدد كبير جدا
تحياتي

Quote: سفر العيون على سبيل المثال

بالضبط كدا يا موصلي, دي برضه[ باشكاتبية[,

في حتة بختلف فيها مع عمر الفاروق, أنا من فترة طويلة وصلت
لفكرة أعتقد أنها منطقية و جيدة و هي عدم [التقرير] بأنه فلان أو
فلانة غناي ولا ما غناية لأنه الصوت البشري دا زيو و زي أي
سلعة تبور إن لم تجد مشتري و أكيد لكل سلعة مشتري لأنه
موضوعة [الجمال] دي في الإنسانية زي البصمات و لكل إنسان
وجدانه و إحساسه و تعقيداته الخاصة بيه, زمان كان عندي أخوي
ما بيطيق يخلينا نركب شريط لمجذوب أنسى و كنت بدوري أتعجب!
و عندي صديق سميييييع لكن لي يوم الليلة ما قدرت أقنعه بأنه [زيدان]
غناي و فنان و صوته جميل!
الموصلي بدينا نسمعه, بحكم سننا, حوالي 77, أتذكر زواج المرحوم
الفاتح عام 78 و الراو الكبير للموصلي لحظتها, كذلك الحفلة الدكاكينية
بالعود داخل منزل ناس صالح ع. صالح,, المتابع للموصلي سيجد أنه
صوته تأثر نسبيا لكن تأثرا لا يقارن بحجم الخراب الذي لحق بصوت
[الطيب عبد الله] مثلا, الموصلي لا يزال مسموع ياعمر
و الدليل تسجيل الأماني السندسية الفوق دا و تجاوب الجمهور!
زمان أصوات الفنانين ألوان و مدارس و تنوع مثل الأزاهر, هسة
باستثناء القلة من الجنسين لكن وجدنا نفسنا أمام [ملجة لاخمة] و لو
قلنا فلان أو فلانة ما غناية ينطوا ليك في حلقك دشليون نفر و من
هنا وصلت للقناعة الذكرتها فوق دي, كل زول و كل جيل
ليهو [حاجاته] و ربما لا يوجد standard صوتي عشان نقيس
عليه و نقرر و إنما الإستاندارد ده جوانا نحن و لكل وجدان معاييره
و إستعداده.. و الله هسع أرص ليكم لستة مغنيين ما بحب صوتهم
تحتاروا!

Quote: Quote: سفر العيون على سبيل المثال بالضبط كدا يا موصلي, دي برضه[ باشكاتبية[, في حتة بختلف فيها مع عمر الفاروق, أنا من فترة طويلة وصلت لفكرة أعتقد أنها منطقية و جيدة و هي عدم [التقرير] بأنه فلان أو فلانة غناي ولا ما غناية لأنه الصوت البشري دا زيو و زي أي سلعة تبور إن لم تجد مشتري و أكيد لكل سلعة مشتري لأنه موضوعة [الجمال] دي في الإنسانية زي البصمات و لكل إنسان وجدانه و إحساسه و تعقيداته الخاصة بيه, زمان كان عندي أخوي ما بيطيق يخلينا نركب شريط لمجذوب أنسى و كنت بدوري أتعجب! و عندي صديق سميييييع لكن لي يوم الليلة ما قدرت أقنعه بأنه [زيدان] غناي و فنان و صوته جميل! الموصلي بدينا نسمعه, بحكم سننا, حوالي 77, أتذكر زواج المرحوم الفاتح عام 78 و الراو الكبير للموصلي لحظتها, كذلك الحفلة الدكاكينية بالعود داخل منزل ناس صالح ع. صالح,, المتابع للموصلي سيجد أنه صوته تأثر نسبيا لكن تأثرا لا يقارن بحجم الخراب الذي لحق بصوت [الطيب عبد الله] مثلا! زمان أصوات الفنانين ألوان و مدارس و تنوع مثل الأزاهر, هسة باستثناء القلة من الجنسين لكن وجدنا نفسنا أمام [ملجة لاخمة] و لو قلنا فلان أو فلانة ما غناية ينطوا ليك في حلقك دشليون نفر و من هنا وصلت للقناعة الذكرتها فوق دي, كل زول و كل جيل ليهو [حاجاته] و ربما لا يوجد standard صوتي عشان نقيس عليه و نقرر و إنما الإستاندارد ده جوانا نحن و لكل وجدان معاييره و إستعداده.. و الله هسع أرص ليكم لستة مغنيين ما بحب صوتهم تحتاروا!

معز لعلك طيب
الباشكاتب وعركي ديل المدارس التي تأثرت بها كثيرا
ثانيا اتفق معك ومع عمر بان صوتي الان ليس هو صوتي السابق
انت موسيقار وعارف ليه السبب
وأعتقد ان عمر له علاقة بالموسيقى والرياضة
في الغناء اذا لم تتمرن باستمرار وتكون نشط باستمرار
فانك تفقدجزء من لياقتك الصوتية وهذا ما يحدث في الرياضة
للاعب الكرة و اي رياضة فان عدم التمرين يفقد اللاعب اللياقة البدنية وحساسية المباريات
فيفشل وان تقدم به العمر فان الطين يزيد بله
ولكن في الغناء الفنان مهما تقدم به العمر فانه يستطيع أن يستعيد جزءا كبيرا من قوة اداءه
اذا تمرن أما حكاية أحب وما أحب دي حكاية تانيه و
عمر ده قريب هسع جقلب وشجع لمن نزلت تسجيل جديد للاماني السندسية
----------------
لكن بصراحة في أغنيات أنا غنيتها اعترف كثير من الفنانين بصعوبة تكنيكها
وفيهم ناس بحبهم عمر ده هيييييع

يكفي ان تستمع للاماني السندسية لتعرف من هو الموصلي...


فهي من الاغاني التي يمكنني سماعها بنظام ال Playback
في اي وقت وساعة ولحظة...اغنية تهدي الاعصاب...فيها شجن عذب...
وتفاؤل سمح...فهي لا تغني الا بصوت الموصلي...الذي يعرف وحده
أن يؤديها بمليون طريقة...كل طريقة فيها فص ألماظ جديد...

بلا عمر الفاروق بلا هلال.....

Quote: يكفي ان تستمع للاماني السندسية لتعرف من هو الموصلي... فهي من الاغاني التي يمكنني سماعها بنظام ال في اي وقت وساعة ولحظة...اغنية تهدي الاعصاب...فيها شجن عذب... وتفاؤل سمح...فهي لا تغني الا بصوت الموصلي...الذي يعرف وحده أن يؤديها بمليون طريقة...كل طريقة فيها فص ألماظ جديد.....

كلمو كلمو كلمو كلمو كلمو كلمو كلمو كلمو كلمو كلمو كلمو كلمو
كلمو كلمو كلمو كلمو كلمو كلمو كلمو كلمو كلمو كلمو كلمو كلمو
كلمو كلمو كلمو كلمو كلمو كلمو كلمو كلمو كلمو كلمو كلمو كلمو
كلمو كلمو كلمو كلمو كلمو كلمو كلمو كلمو كلمو كلمو كلمو كلمو
يانزار يافنان

Quote: معز لعلك طيب الباشكاتب وعركي ديل المدارس التي تأثرت بها كثيرا ثانيا اتفق معك ومع عمر بان صوتي الان ليس هو صوتي السابق انت موسيقار وعارف ليه السبب وأعتقد ان عمر له علاقة بالموسيقى والرياضة في الغناء اذا لم تتمرن باستمرار وتكون نشط باستمرار فانك تفقدجزء من لياقتك الصوتية وهذا ما يحدث في الرياضة للاعب الكرة و اي رياضة فان عدم التمرين يفقد اللاعب اللياقة البدنية وحساسية المباريات فيفشل وان تقدم به العمر فان الطين يزيد بله ولكن في الغناء الفنان مهما تقدم به العمر فانه يستطيع أن يستعيد جزءا كبيرا من قوة اداءه اذا تمرن أما حكاية أحب وما أحب دي حكاية تانيه و عمر ده قريب هسع جقلب وشجع لمن نزلت تسجيل جديد للاماني السندسية ---------------- لكن بصراحة في أغنيات أنا غنيتها اعترف كثير من الفنانين بصعوبة تكنيكها وفيهم ناس بحبهم عمر ده هيييييع

أخي العزيز / عمر الفاروق ....

تحية الود المقيم والتجلة ....

بصراحه يا عمر ما وريتنا ماذا على الموصلي أن يفعل حتى يرضيك .... هذا الرجل فنان بكل ما تعني الكلمة وما قد تحتمله من معاني .. قدم للأغنية السودانية الكثير .... وصراحة يا عمر صوت الموصلي الآن ليس كالسابق وإن قلنا غير ذلك فإننا بلا شك نناقي الحقيقة ونحيد عن كلمة الحق .... ولكن للرجل خبراته المهوله والتي صقلها بالعلم والممارسة ولم يبخل على الأجيال الجديده بأن قدم لهم عصارة فنه .... وما زال يغني ويطربنا أخي عمر ويلحن ويقدم أجمل الألحان له ولغيره ويقوم بالتوزيع الموسيقى فما المطلوب منه أكثر من ذلك ....

حقيقة يا عمر أرى أنك لاتخفي إعجابك ببعض أعمال هذا المبدع الكبير .... ولكني حقيقة أراك كتلك التي تصر على أن تجضم إبن الجيران الجميل الذي أعجبها .....كما قال لك .... ياخ أقول ليك شنو بس يا عمر .... الله يديك العافيه وخليك حنيّن على الراجل يا عمر أخوي .....


مع خالص ودي الذي تعرف ؛؛؛؛؛

أنا بصراحه الأماني اسندسيه دي بتعمل فيني عمايل ... إنا لله ..... ياخ عليكم الله اسمعوا وابكو بس .....


الله يديك العافيه يا يوسف ياخ ..... وإن شاء الله تسلم ياخ .....


مع كل الحب الذي تعرف ؛؛؛؛؛

سلام يا أهلنا ......

كما تفضلت الأخ إدريس .... المشكلة لا تنحصر في إبنكم الذي لم يعرف الموصلي ... هي مشكلة جيل مغيّب ومستلب.
الأبناء في السودان يعانون نقص في الثقافة الفنية من ناحية موضوع البوست، لكنهم أفضل حالاً من الأبناء في بلاد الغربة، وهؤلاء تجدهم يعرفون (ليدي غاغا) ولا يعرفون الموصلي.

الأخ عمر الفاروق:
إذا كنت تذكر في أحد البوستات ذكرت لك أني لا يعجبني صوت وأداء ((المغني)) الراحل محمود عبدالعزيز، فلم يعجبك كلامي. (كان هذا البوست قبل وفاة الراحل). أكرر أني بعيد كل البعد عن الإعجاب بمحمود عبدالعزيز رحمه الله، بل وأستغرب المكانة التي وجدها بين الشباب ....... لكني أعرفه بالتأكيد وأعرف تجربته وتابعت ما يرى غيري أنه نجاح.
أيضاً في صغرنا، كنا نسمع رواد الأغنية السودانية، فنعجب بمعظمهم ونغض الطرف عن البعض ....... ((((لكننا بالتأكيد نعرفهم)))).
السؤال الذي أثاره البوست ..... كيف لا يعرف الأبناء هؤلاء القامات؟ ....... لم نطالبهم بالإعجاب، لكنها الثقافة فقط.

سلام و تحايا للجميع....
سمعت الاغنيتين اخي يوسف ...وهما جيدتان....ولكن...
أعذرني لن يخترقا قائمتي..والتي احتفظ ليك فيها بأربع مواقع ...1- انتي لي 2- الاماني السندسية 3- رسالة الى امي 4- الفرح المهاجر
إحساس (متذوق) فقط

في (انتي لي) توجد اذكى قفلة موسيقية لاغنية سودانية بعد (من غير ميعاد) في إعتقادي
عندما لحّن وردي اخر كوبيله في من غير ميعاد ...وعند المقطع الذي يقول فيه الشاعر (الليلة يا حبي الكبير في حرقة ..ضاميني الاسى)...بذكاء شديد قفل وردي الاغنية بنغمة من صوته البشري ورجع الى (صحيتي في نفسي الوجود....الخ) يعني عندما تسمع التنغيم البشري لا يخطر ببالك الا نهاية الاغنية
وذلك بالضبط ما فعلته انتي لي ...عند المقطع (من بيفرح عمري غيرك ...غيري ياتو قدر هواكي)...الارتفاع في الشطر الاول ثم الانخفاض في الشطر الثاني ...Just outstanding
ثم (انت يا سعدي وهلاكي...انتي لي انتي لي....يلا غني وقولي لي...انت لي) قفلة موسيقية غاية في الابداع واكاد اجزم بأنه لم يسبقك عليها فنان اخر...
ولا ادري ان كان للشاعر دور ام هي فكرتك؟ ...فالمخاطب دائما الحبيبة ولذا جاءت (انتي).....ثم في النهاية يطلب منها العاشق ان تقول له (انت لي) ..مثل كان هو يردد لها...شئ فاق حد الروعة.
الهوس بطريقة (قفل) الاغنية بدأ ينتابني منذ ان سمعت اغنية (كلام للحلوة) للباشكاتب....هذه الاغنية والتي اعتبرها احد افضل اغاني الاستاذ محمد الامين العاطفية على الاطلاق في إعتقادي اضر بها الطريقة التي ختم بها الاستاذ الاغنية...فبعد ان حلق بنا في اقصى سماوات الابداع في مقطع (ومرة جالن الف خاطر بعيون عقلي المساهر.....وفجأة عينيك الحبيبة قالن وين مسافر)..جاء المقطع الاخير (يا حلاتك..الخ) والذي -كما ارى - يقل كثيرا في مستوى التطريب عما سبقه

اما الاماني السندسية فهي نغمات موسيقية (لا ادري ان صحت كلمة ميلودي) تدخل الى القلب مباشرة...وتعبث بكل العواطف بداخله
لا تترك لك مجالا لكي تفكر..فقط تنصت و تستمع

بالنسبة لاغنية رسالة الى امي...يجب أن اعترف بأن تسجيل العود و بصوت سمية حسن هو الذي اعطى الاغنية زخما غير عادي (بالنسبة لي)
ولست مبالغا ان قلت انني اعتبرها افضل من (ست الحبايب) لعبد الوهاب

روعة التأليف الموسيقي تتجلى في الفرح المهاجر...وحسن الاستخدام للايقاعات البشرية (الصفقة) جعل من الاغنية لوحة فنية بديعة

مشكور يا ادريس

على وضع نقاط على حروف غلت علينا

وما عرفنا نصونها

فتاهت جمل ثقافتنا واصبحت غير مفهومة لاجيال فتحوا عيونهم على راجل المره حلو حلا والشريف مبسوط مني ..


المسئولية ليست تقع على عاتق الموصلي وهؤلاء القامات انما على آلتنا الاعلامية الكسيحة .. عندهم من التسجيلات ما عندهم لماذا لا يستعرضونها ويشبعوا بها النشأ ..

وبرامج المسايقات الغنائية .ز لماذا لاتفرض عليهم الاعمال فرضا تلك التي يتنافسوا بها حتى تكون فرصة لنفض الغبار عن النفائس المدسوسة ولا تترك لهم حرية الاختيار فيعيدوا تكرار نفس الاعمال المسموعة..



ونهدي عبرك لاستاذنا الموصلي هذا البيت ( بيت سكن عديل كدا ما بيت شعر)


المهم كان ما قدرت تسكنه لحنو لينا ..


انشاء الله يكون بيتك في قلب الخرطوم بجزيرة توتي عندما تصحى البلد من غفوتها وتعرف كيف تكرم المبدعين في حياتهم ..

ونزورك فيه .. بس اوعى تقدم لينا تانك

جنبي وجن التانك

Quote: ونهدي عبرك لاستاذنا الموصلي هذا البيت ( بيت سكن عديل كدا ما بيت شعر) المهم كان ما قدرت تسكنه لحنو لينا .. انشاء الله يكون بيتك في قلب الخرطوم بجزيرة توتي عندما تصحى البلد من غفوتها وتعرف كيف تكرم المبدعين في حياتهم .. ونزورك فيه .. بس اوعى تقدم لينا تانك

درديري ياسلام ياخ
You made my day. I call this music appreciation
في بلد تنوء فيه الفنون من التسطيح والاجترار
شكرا

Quote: سلام و تحايا للجميع.... سمعت الاغنيتين اخي يوسف ...وهما جيدتان....ولكن... أعذرني لن يخترقا قائمتي..والتي احتفظ ليك فيها بأربع مواقع ...1- انتي لي 2- الاماني السندسية 3- رسالة الى امي 4- الفرح المهاجر إحساس (متذوق) فقط في (انتي لي) توجد اذكى قفلة موسيقية لاغنية سودانية بعد (من غير ميعاد) في إعتقادي عندما لحّن وردي اخر كوبيله في من غير ميعاد ...وعند المقطع الذي يقول فيه الشاعر (الليلة يا حبي الكبير في حرقة ..ضاميني الاسى)...بذكاء شديد قفل وردي الاغنية بنغمة من صوته البشري ورجع الى (صحيتي في نفسي الوجود....الخ) يعني عندما تسمع التنغيم البشري لا يخطر ببالك الا نهاية الاغنية وذلك بالضبط ما فعلته انتي لي ...عند المقطع (من بيفرح عمري غيرك ...غيري ياتو قدر هواكي)...الارتفاع في الشطر الاول ثم الانخفاض في الشطر الثاني ...Just outstanding ثم (انت يا سعدي وهلاكي...انتي لي انتي لي....يلا غني وقولي لي...انت لي) قفلة موسيقية غاية في الابداع واكاد اجزم بأنه لم يسبقك عليها فنان اخر... ولا ادري ان كان للشاعر دور ام هي فكرتك؟ ...فالمخاطب دائما الحبيبة ولذا جاءت (انتي).....ثم في النهاية يطلب منها العاشق ان تقول له (انت لي) ..مثل كان هو يردد لها...شئ فاق حد الروعة. الهوس بطريقة (قفل) الاغنية بدأ ينتابني منذ ان سمعت اغنية (كلام للحلوة) للباشكاتب....هذه الاغنية والتي اعتبرها احد افضل اغاني الاستاذ محمد الامين العاطفية على الاطلاق في إعتقادي اضر بها الطريقة التي ختم بها الاستاذ الاغنية. ..فبعد ان حلق بنا في اقصى سماوات الابداع في مقطع (ومرة جالن الف خاطر بعيون عقلي المساهر.....وفجأة عينيك الحبيبة قالن وين مسافر)..جاء المقطع الاخير (يا حلاتك..الخ) والذي -كما ارى - يقل كثيرا في مستوى التطريب عما سبقه اما الاماني السندسية فهي نغمات موسيقية (لا ادري ان صحت كلمة ميلودي) تدخل الى القلب مباشرة...وتعبث بكل العواطف بداخله لا تترك لك مجالا لكي تفكر..فقط تنصت و تستمع بالنسبة لاغنية رسالة الى امي...يجب أن اعترف بأن تسجيل العود و بصوت سمية حسن هو الذي اعطى الاغنية زخما غير عادي (بالنسبة لي) ولست مبالغا ان قلت انني اعتبرها افضل من (ست الحبايب) لعبد الوهاب روعة التأليف الموسيقي تتجلى في الفرح المهاجر...وحسن الاستخدام للايقاعات البشرية (الصفقة) جعل من الاغنية لوحة فنية بديعة

يازكريا عيد الكرة ما كل الغنا بتهضم من الضربة الاولي
في غنا بكون شحمان شديد وداير يتلاك كتير قبل البلع ههههه
انا حاطاردك لمن تزيد قائمتك دي



كدي شيل شمسيه تضاريك
من "مطر العشم

Quote: سلام يا أهلنا ...... كما تفضلت الأخ إدريس .... المشكلة لا تنحصر في إبنكم الذي لم يعرف الموصلي ... هي مشكلة جيل مغيّب ومستلب. الأبناء في السودان يعانون نقص في الثقافة الفنية من ناحية موضوع البوست، لكنهم أفضل حالاً من الأبناء في بلاد الغربة، وهؤلاء تجدهم يعرفون (ليدي غاغا) ولا يعرفون الموصلي. الأخ عمر الفاروق: إذا كنت تذكر في أحد البوستات ذكرت لك أني لا يعجبني صوت وأداء ((المغني)) الراحل محمود عبدالعزيز، فلم يعجبك كلامي. (كان هذا البوست قبل وفاة الراحل). أكرر أني بعيد كل البعد عن الإعجاب بمحمود عبدالعزيز رحمه الله، بل وأستغرب المكانة التي وجدها بين الشباب ....... لكني أعرفه بالتأكيد وأعرف تجربته وتابعت ما يرى غيري أنه نجاح. أيضاً في صغرنا، كنا نسمع رواد الأغنية السودانية، فنعجب بمعظمهم ونغض الطرف عن البعض ....... ((((لكننا بالتأكيد نعرفهم)))). السؤال الذي أثاره البوست ..... كيف لا يعرف الأبناء هؤلاء القامات؟ ....... لم نطالبهم بالإعجاب، لكنها الثقافة فقط..

مساهمة ثرة يامحمد تشكر

الحبيب ادريس بوست جميل بكل التناقضات الفيه
هكذا هي الحياه
اهدي سوداني لموثقنا الكبير عماد احمد

يا موصلي خلاااص عملت. لي العمل؟؟ كتبت ليك رد طويييل عريض راح شمار في مرقة لمن رسلتو وضاااع وحلفت ما اعيدو..:-):-)

يا ابو الريش
موهبة محمود الصوتية لا يختلف فيها اتنين حبوهو ام لا..موهبة الموصلي الصوتية عليها إستفهام كبير..
موهبة الموصلي اللحنية الموسيقية ما بيختلف فيها اتنين..موهبة محمود الموسيقية ما عايزة استفهام زاتوو..بيق زيرو..

بعدين القال ليك منو الجيل اسة ما بيعرف فنانينزمان؟؟
صدقني بيعرفهم بي نففففس القدر البتعرفو بيهو بعض فنانين زمان..
تفتكر جيل زمان بعيرف صاحب اغنية العزيزة؟؟
ولو اسسة دي ادريس ده كان قال لي زول اديت قصيدتي ليو يلحنا مش كان ح يتسال نفس السؤال؟؟
ياخ الموصلي غايب عن الجيل ده ربع قرن وهو عمر جيل كااامل وغايب حتتتى بي اعماله ومع احترامي لي اللستة والمحاولات اللحنية العملا اسة فهي لا ترتقي لدخول مزاجية المستمع الاسة..ولا تقارن بأي حال من الاحوال بما قدمه الموصلي لابنائء جيله مناغاني والحان..

Quote: كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو كلمو

الموصلي دفاعك المستميت عن أعمالك يخلينا نتعاطف مع صديقنا السابق عمر الفاروق

فهو له الحق في الكثير من النقاط

ردك يكون بأعمال جديدة مميزة

الكتابة والنضمي دة خليهو للنقاد (يعني ما ياكلو عيش معاكم كمان)

Quote: الموصلي دفاعك المستميت عن أعمالك يخلينا نتعاطف مع صديقنا السابق عمر الفاروق فهو له الحق في الكثير من النقاط ردك يكون بأعمال جديدة مميزة الكتابة والنضمي دة خليهو للنقاد (يعني ما ياكلو عيش معاكم كمان)

ياعمر عبد الخالق انا في النقد اقدم منك
يعني سينيير 1977
انت مولود متين هههههههه

Quote: يا موصلي خلاااص عملت. لي العمل؟؟ كتبت ليك رد طويييل عريض راح شمار في مرقة لمن رسلتو وضاااع وحلفت ما اعيدو..:-):-)

اعمل حسابك ياعمر والله الموصلي ده يكشحك بي فاتحه
كمبيوترك ده يطير مكنكش فيك

Quote: موهبة محمود الصوتية لا يختلف فيها اتنين حبوهو ام لا

خلاص .... ما دام قلت عنزة ...... تبقى عنزة.

Quote: بصراحه يا عمر ما وريتنا ماذا على الموصلي أن يفعل حتى يرضيك .

والله انا اصلو مافكرت في السؤال ده

Quote: تفتكر جيل زمان بعيرف صاحب اغنية العزيزة؟؟ ولو اسسة دي ادريس ده كان قال لي زول اديت قصيدتي ليو يلحنا مش كان ح يتسال نفس السؤال؟؟

إنت عايز تقارن بين القدمو صاحب أغنية العزيزة (فتحي حسين) والقدمو الموصلي؟ ................. راجع مقياسك ياخ.

Quote: إنت عايز تقارن بين القدمو صاحب أغنية العزيزة (فتحي حسين) والقدمو الموصلي؟ ................. راجع مقياسك ياخ.

مع كامل احترامنا للزميل فتحي حسين الانسان الخلوق
الا آن مقارنة عمر هذه تآتي من قبيل الاستغراق في الاحلام المزعجه
شكرا يامحمد آبو العزائم

والموصلي عمل شنو كمغني خلال ال 25 سنة الفاتت دي تخلي الجيل الأسة عمرو 25-30 سنة يعرفو..
بالله ركز لي في مغني دي يا ابو الريش عشان ما تسوقني لي حتة تانية بتاعت موزع وموسيقي ديك ..انا تركيزي في نقظة واااحدة الموصلي المغني ..
بتاعت موسيقي وموزع دي زاوية تانية أديت فيها رأيي..
ومع إحترامي للموصلي وفعلاً إحترمته كتيير بي قصة نسبه لأغنيتين من أعظم أغانيه لي فنانتين وبالجد دي حاجة كييفتني شديييد منك يا موصلي لكن للأسف ضريبتها عندي اني ح أستخدمها ضدك في إنو ح أسقط منك أغنيتين ..
الأماني السندسية ورسالة لأمي ..

Quote: والموصلي عمل شنو كمغني خلال ال 25 سنة الفاتت دي تخلي الجيل الأسة عمرو 25-30 سنة يعرفو..

كرومة وسرور والكاشف وعائشة الفلاتية...عملوا شنو خلال ال40 سنة الفاتو يا عمر؟؟؟
موضوع الانتشار دا موضوع لا يمكن أن تلوم فيه الموصلي...
فالجماعة الفوق ديل...إرتبطوا ببرنامج حقيبة فن يبث كل جمعة...
بكون كل واحد فيهم بثوا ليه الاغنية الواحدة مليون مرة...
برغم غيابهم عن الدنيا مش الساحة...

هذا ليس قدحا في زوقك الفني...وكل زول بي زوقو...لكن كمان ما تبالغ...
بمنطق العزيزة القلتو دا...قربت أسقطك من حسابات زوق السمع زاتو

Quote: والموصلي عمل شنو كمغني خلال ال 25 سنة الفاتت دي تخلي الجيل الأسة عمرو 25-30 سنة يعرفو.. بالله ركز لي في مغني دي يا ابو الريش عشان ما تسوقني لي حتة تانية بتاعت موزع وموسيقي ديك ..انا تركيزي في نقظة واااحدة الموصلي المغني .. بتاعت موسيقي وموزع دي زاوية تانية أديت فيها رأيي.. ومع إحترامي للموصلي وفعلاً إحترمته كتيير بي قصة نسبه لأغنيتين من أعظم أغانيه لي فنانتين وبالجد دي حاجة كييفتني شديييد منك يا موصلي لكن للأسف ضريبتها عندي اني ح أستخدمها ضدك في إنو ح أسقط منك أغنيتين .. الأماني السندسية ورسالة لأمي ...

تعرف ياعمر مشكلة الغنا دي مسالة مزاجيه والغنا ساهل الكلام خلق الغنا نفسه
كونك ماعارف معنى كلمة فنان دي مشكله كبيره ارجو ان تعالجها بمحا،لة المعرفة
-----
انا في رآيي آن في ال50 سنه السابقه لم يآت من يغني مثل عثمان مصطفى فهل ذلك يقلل من قيمة المغنيين العطماء الاخرين
وفيهم كثيرين جدا احسن من يوسف الموصلي غناءا ولا شك لكن ياعمر الفاروق ربنا سبحانه وتعالي لمن يحاسب الناس يوم القيامه
ما بحاسبهم على سيئاتهم فقط!!! اظنك انت عارف دي وقاعد جمب بيتو والفن في الموسيقى ليس الغناء فقط
هنالك المغني فقط والذي تجهز له الاغنيات بكل ابداعها ويغنيها وهنالك خالق العمل ومجدده وهو الاعلى مقاما
الموصلي كفنان في نواحيه المتنوعه وحسب رآي كثيرين ياتي مع ناس المقدمه في التجديد الموسيقي وما عايز اشرح ليك زياده
انت عارف

يا نزار أسقط طوااالي ..
زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول ..
كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب..
وهو منو البيحضر حقيبة الفن من الجيل البتنبزو فيهو أسة ده؟؟
وهو منو منهم أصصصلاً البيقوم يوم الجمعى الصباح يسمع ليهو راديو ..
ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار..
أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع..
الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة ..
شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..

Quote: يا نزار أسقط طوااالي .. زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول .. كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب.. وهو منو البيحضر حقيبة الفن من الجيل البتنبزو فيهو أسة ده؟؟ وهو منو منهم أصصصلاً البيقوم يوم الجمعى الصباح يسمع ليهو راديو .. ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار.. أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع.. الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة .. شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..

يكفي عبد الدافع آن عددا من الفنانين اتو بعده ليتغنو باغنيته
البديعة الفربده وصفقت لهم الجماهير

يعني تاااني أعيدو أستاذنا الموصلي؟؟؟
والله انا من زمااان قلت ليك انا ما بتكلم عن الموصلي الفنان ..بتكلم عن الموصلي المغني ..
ارجع شوف معاي كم واحد بيتكلم عنك كموصلي فنان مغني صاحب مدرسة غنائية وما مركزين مع الموصلي الموزع الموسيقي..
ووالله مع إحترامي ليهم ومعليش للكلمة الح أقولا لكن نص المتفشخرين بي الموصلي اسة هنا وبيلومو في الجيل ده أتحداااهم هم زاااتهم لو بيعرفو الموصلي الموسيقي قاعد يعمل شنو ؟؟
متأكد إنو في مخيلتهم الموصلي بتاع شريط مصطفى ووردي وربما خالد الصحافة لكن مااا بيعرفو التكتح عن مشروع الموصلي الموسيقي بتاع ال20 سنة الفاتو..
وانا كلللتك يا موصلي وتاااني بقولا ليك تجربة حصاد نجحت لأنها كانت جديدة لكن في قالبها الموسيقي بعد داك ما لاقت قبول بي طريقتك الكنت ح تسوق بيها إيقاعنا السوداني ده لي هاوية ما يعلم بيها إلا الله بي كركبة الإلكترونيات الحشرتها عنوة ديك ..ولولا ناس البدوي لحقو السوق وإن كان هدفهم ربحي إلا إنهم سحبو البساط بعد داك ورجعو الأغنية السودانية بي إيقاعتها لقواعدها سااالمة ..

Quote: الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة

يا راجل...البلم العزيزة علي البحيري شنو؟؟؟

Quote: يا نزار أسقط طوااالي .. زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول .. كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب.. وهو منو البيحضر حقيبة الفن من الجيل البتنبزو فيهو أسة ده؟؟ وهو منو منهم أصصصلاً البيقوم يوم الجمعى الصباح يسمع ليهو راديو .. ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار.. أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع.. الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة .. شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..

العملوه ناس كرومة وسرور...هل يقاس بالكم ام الكيف يا عمر...(مع إحترامي له كتراث غنائي...مجيد)
سيندثر طال الزمن أم قصر بل قد بدأ بعض فناني هذا الجيل فعلا في تغبيش أغاني تلك الحقبة بتشويهها نطقا وأداءا..
والاجيال لا تتوارث الكم...بل تتوارث الكلمات والموسيقي واللحن والأداء كحزمة واحدة لا تنفصل....
فالحقيبة شفعت لها الكلمة...في المقام الأول فأرجع السمع مرتين لتسمع كم أغنية تم تلحينها علي
لحن الخليل (عازة) وجسمي المنحول...وأحرموني ومتي مزاري...وتيهي فوق العز...
ألحان منقولة بالمسطرة والحرف مع كلمات مختلفة...وكانت عرفا لحنيا مقبول في ذلك
والحال لن يكون مقبولا الآن حتي لو كررت جملة موسيقية واحدة .

لماذا تري في الأمر كسير تلج يا عمر...هل دخلت في طبلة أذني لتعرف ان كانت صادقة
في السمع أم مجاملة؟؟؟ ولماذا تضع نفسك مكان أذني لتقرر بالنيابة عني...؟

حينما أدافع عن أعمال الموصلي ادافع عنها بذائقتي الفنية الخاصة بي...
ولا يجبرني الموصلي علي ذلك...(ياخ انت ماك نصيح...كدي اسمع اللزمات الفي
الكلام القالوه عنك...) إنت اصلك بتسمع بي شنو؟؟ وعشان ما ترجع لي موضوع الموسيقي
فأغاني الموصلي لا يجيدها إلا الموصلي وبس. ومع دا كله عايز تلومني

وعايز تلم لي العزيزة...مع البحيري؟؟؟

الفرق بين العزيزة والبحيري...زي الفرق بين جكة الجيش...والاسترخاء في جاكوزي
في سبا نواحي إيطاليا...وحولك كل السحر...

والله تسأل سيد الاغنية زاتو الا يقول ليك كلامي دا

يا نزار عشان ما تمشي بعيد في كسير التلج ده واللي إنت إفتركت إنو بقصد فيها تشكيرك لي أعمل الموصلي ..لالالا أبداً .. انا بقصد البحيرة والعزيزة ديل..
يعني مشيييت وقبلت كلام الموصلي عن اغنية واحدة وأبيت كلامي انا عن أغنية واحدة ..مع غنك أسة جيت بررت إنو الفكرة ما في تقييم الأغنية الواحدة بقدر ما هو بي جودة هذه الأغنية ..
وبي كده ح ترجعني لي المربع الأووول وسؤالي البديت بيهو :
هل مطلوب من الجيل الكااامل معرفة وتوثيق فنان أو مغني وعرفة كل صغيرة وكبيرة عنو لمجرد إنو قدم عمل أو اعمال تعد على أصابع اليد الواحدة ؟؟؟
ده توثيق مش لي حفظ الحقوق لالالا البنتكلم عنو ده توثيق للأجيال عن زولرقم وخارطة في الغناء السوداني ..ودي بتحتاج كم مع كيف ..

Quote: يعني تاااني أعيدو أستاذنا الموصلي؟؟؟ والله انا من زمااان قلت ليك انا ما بتكلم عن الموصلي الفنان ..بتكلم عن الموصلي المغني .. ارجع شوف معاي كم واحد بيتكلم عنك كموصلي فنان مغني صاحب مدرسة غنائية وما مركزين مع الموصلي الموزع الموسيقي.. ووالله مع إحترامي ليهم ومعليش للكلمة الح أقولا لكن نص المتفشخرين بي الموصلي اسة هنا وبيلومو في الجيل ده أتحداااهم هم زاااتهم لو بيعرفو الموصلي الموسيقي قاعد يعمل شنو ؟؟ متأكد إنو في مخيلتهم الموصلي بتاع شريط مصطفى ووردي وربما خالد الصحافة لكن مااا بيعرفو التكتح عن مشروع الموصلي الموسيقي بتاع ال20 سنة الفاتو.. وانا كلللتك يا موصلي وتاااني بقولا ليك تجربة حصاد نجحت لأنها كانت جديدة لكن في قالبها الموسيقي بعد داك ما لاقت قبول بي طريقتك الكنت ح تسوق بيها إيقاعنا السوداني ده لي هاوية ما يعلم بيها إلا الله بي كركبة الإلكترونيات الحشرتها عنوة ديك ..ولولا ناس البدوي لحقو السوق وإن كان هدفهم ربحي إلا إنهم سحبو البساط بعد داك ورجعو الأغنية السودانية بي إيقاعتها لقواعدها سااالمة ..

ناس البدوي؟؟؟؟؟؟؟
يا للمهزلة ياعمر انت يازول ماك نصيح ولا شنو
البتلم التجار مع الرسل
ناس البدوي وغيرهم من التجار هولاء الذين استهلكو الراحل المقيم بل قتلوه
ولولا صوته الصداح ذاك لتلاشي منذ امد بعيد
العملتو حصاد لمحمود ماعملو زول تاني Period
عمر لا تجعل عنادك آن يسوقك الى تهلكة الوقوع في براثن الباطل حول المنطق والحق

Quote: يا نزار أسقط طوااالي .. زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول .. كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب.. وهو منو البيحضر حقيبة الفن من الجيل البتنبزو فيهو أسة ده؟؟ وهو منو منهم أصصصلاً البيقوم يوم الجمعى الصباح يسمع ليهو راديو .. ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار.. أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع.. الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة .. شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..

ركز شويه ياعمر انا ماقلت البحيرة
انا قلت مرت الايام خليك مع الزمن ما يبقي ايقاعك مكلكع ههه
تحياتي

Quote: يا نزار عشان ما تمشي بعيد في كسير التلج ده واللي إنت إفتركت إنو بقصد فيها تشكيرك لي أعمل الموصلي ..لالالا أبداً .. انا بقصد البحيرة والعزيزة ديل.. يعني مشيييت وقبلت كلام الموصلي عن اغنية واحدة وأبيت كلامي انا عن أغنية واحدة ..مع غنك أسة جيت بررت إنو الفكرة ما في تقييم الأغنية الواحدة بقدر ما هو بي جودة هذه الأغنية .. وبي كده ح ترجعني لي المربع الأووول وسؤالي البديت بيهو : هل مطلوب من الجيل الكااامل معرفة وتوثيق فنان أو مغني وعرفة كل صغيرة وكبيرة عنو لمجرد إنو قدم عمل أو اعمال تعد على أصابع اليد الواحدة ؟؟؟ ده توثيق مش لي حفظ الحقوق لالالا البنتكلم عنو ده توثيق للأجيال عن زولرقم وخارطة في الغناء السوداني ..ودي بتحتاج كم مع كيف ..

أبيت كلامك عن أغنية واحدة في حال مقارنتها بالعزيزة من حيث كل شي..
في موضوع الزوق دا انت سميه كسير تلج كسير دراب ما اظننا نتلاقي
يا عمر الفاروق...الما بسمع بي اضانك معناها بكسر تلج؟؟؟

ومطلوب من الجيل ينضف أضانو وبس...اضانو براها بتوديه
لي الاماني السندسية والبحيري.. مش يفرش ليه كوم أغنيات لفنان ما.

الكم ما معانا.. وليس ضروريا .يعني انت عايز الفنان ينتج ليه 50 أغنية
والاضنين يتحولن لي غرابيل...يغربلن العيش من البوتاب؟؟؟

فالورطة هي ورطة جيل...(ناس المعسكرات ديل)

مرت الأيام مرت الأيام ..والله ما عارف البحيرة دي علقت معاي من وين يا موصلي..ولو راجعت فوق باقي لي في أول مداخلة بكون كنت كاتبا مرت الأيام ..
الكبر ..الكبر..

Quote: مرت الأيام مرت الأيام ..والله ما عارف البحيرة دي علقت معاي من وين يا موصلي..ولو راجعت فوق باقي لي في أول مداخلة بكون كنت كاتبا مرت الأيام .. الكبر ..الكبر..

لانك غرقت في بحيرة الموصلي هههه
ولا اشتهيت سمك عوضيه في المورده

بمناسبة العزيزة
نسترخى شوية
وناخد راحة
.....
تحياتى للاستاذ الموصلى والاخوة المتداخلين

Quote: اهدي سوداني لموثقنا الكبير عماد احمد

أغلى هدية والله أستاذنا الموصلي ..

سوداني عمل وطني متكامل نصا ولحنا وأداء.

لحنه الخرافي المدهش يؤكد لنا عبقريتك في التأليف الموسيقي وهو من الأعمال المحببة الى نفسي كثيرا.

أتمنى أن يتم تنفيذ هذا العمل الرائع باوكسترا كاملة وبمشاركة كورال كلية الموسيقى والدراما في أول

زيارة قادمة ليك للسودان إن شاء الله حتى يجد حظه من الانتشار.

أيضا هنالك درر كثيرة مركونة لم يستمع لها الكثيرين دي كمان عايزينك تنفضنا لينا من الغبار ياموصلي مثل :

وينك أنت, بجيك الليلة في الميعاد. نبض الشارع, الهائم وكايس الحب, و الفضل برجع ليها, المشاعل ..... ألخ.

مجددي اللأغنية السودانية في رأيي الشخصي هم : وردي, محمد الامين, كابلي, عركي, موصلي, مصطفى سيد أحمد

هؤلا جميعا أضعهم في مرتبة واحدة ولا أفضل أحدهما عن الأخر.

ولازلنا نطمع ونطمح في المزيد من الابداع والامتاع من الموسيقار الموصلي متعه الله بالصحة والعافية.

أطنان من الشكر والتحايا

Quote: حنه الخرافي المدهش يؤكد لنا عبقريتك في التأليف الموسيقي وهو من الأعمال المحببة الى نفسي كثيرا.

بس ما يسمعك عمر الفاروق

ضمن تقديمه للفنان التاج مكي في الحلقة 13 لموسم2010
عمنا السر قدور عنده كلام هنا حول "القيمة الفنية"!
كلام مرتبط بطبيعة النقاش الدائر هنا:

في الموسم المقبل, أتمنى أن يخصص السر قدور
و قناة النيل الأزرق حلقة حول القيمة الفنية ليوسف الموصلي
ما تغناه,و حول كرمه في تقديم الغير لأغنياته, و تلحينه للأخرين
أي ك(حاتم طائي الغناء و الموسيقى السودانية)!

اكيد الغناء بعد هذا العمر خاصة بالنسبة للموصلي سينتقص من رصيده
كما هو واضح..
ليس كصوت فحسب انما مخارج الحروف فيها مشكلة
خاصة الحروف الشفاهية وليست الحلقية
ودا قطعا بفعل طقم الاسنان.. فالاسنان اهم شىء
بالنسبة للمؤدي او المذيع او المقرىء
عذرا للصراحة
يمكن كلامي هذا لن يعجب البعض

يا احمد يس اسمح لى اقول ليك
ان صوت الاستاذ الموصلى ما زال يحافظ على رونقه
ويصراحة كدا انت زول حاقد وحاسد بس
وللاسف إنت كدا اثبت ان فعلا كلمة برولوم هى
معنى حقيقى لبعض الكتاب الجدد هنا
وواضح من كلامك انت لم تشارك فى هذا المقال من اجل النقد بمهنية
واكيد عندك مشكلة
ودا ظاهر من انك بس عايز تفتش أى عيوب للاستاذ بدليل انك بدات بعذر العمر فى الاول
وعقللك الباطنى لم يقبل ذلك العذر وذهب لموضوع الاسنان وهذا مجرد ادعاء منك ليس له دليل
إنت زول ما كويس

استاذ موصلي

مشروع الأغنية "لن أبالي" ما لك جليتهو ؟ حــــ تقول لي حقوق الشاعر ....

لمن يجي .... ربك يفرجها .... وانت ما ناكر حقو.... فــــــــ بالله ما تكتل الأغنية الجميلة دي


ويا ريت لو رفعتها لينا هنا ..


مودتي







عبد العزيز

Quote: استاذ موصلي مشروع الأغنية "لن أبالي" ما لك جليتهو ؟ حــــ تقول لي حقوق الشاعر .... لمن يجي .... ربك يفرجها .... وانت ما ناكر حقو.... فــــــــ بالله ما تكتل الأغنية الجميلة دي ويا ريت لو رفعتها لينا هنا .. مودتي

حبيبنا عبد العزيز
تم توزيعها على اكمل وجه وهي قيد التنفيذ الموسيقي
وابقي قريب
تسلم

Quote: يا احمد يس اسمح لى اقول ليك ان صوت الاستاذ الموصلى ما زال يحافظ على رونقه ويصراحة كدا انت زول حاقد وحاسد بس وللاسف إنت كدا اثبت ان فعلا كلمة برولوم هى معنى حقيقى لبعض الكتاب الجدد هنا وواضح من كلامك انت لم تشارك فى هذا المقال من اجل النقد بمهنية واكيد عندك مشكلة ودا ظاهر من انك بس عايز تفتش أى عيوب للاستاذ بدليل انك بدات بعذر العمر فى الاول وعقللك الباطنى لم يقبل ذلك العذر وذهب لموضوع الاسنان وهذا مجرد ادعاء منك ليس له دليل إنت زول ما كويس

حاقد وحاسد مرة واحدة كدة
ياها دي المهنية بتاعتك وسنيرتك
بلا برلوم بلا كلام فاضي معاك
امشي اقرأ في الاول انا كتبت شنو وبعدين تعال اتشطر ياشاطر
عيوب شنو الافتش عليها .. اي ابن ادم في الدنيا دي
اذا عنده اي مشكلة في اسنانه الامامية الحروف بتكون مزعجة
وريني هنا مشكلتي وين
بعدين اقل شىء خلي عندك شوية ادب حوار
لانه اسهل شىء في اي منتدى قلة الحياء الغير مبررة دي

Quote: اكيد الغناء بعد هذا العمر خاصة بالنسبة للموصلي سينتقص من رصيده كما هو واضح.. ليس كصوت فحسب انما مخارج الحروف فيها مشكلة خاصة الحروف الشفاهية وليست الحلقية ودا قطعا بفعل طقم الاسنان.. فالاسنان اهم شىء بالنسبة للمؤدي او المذيع او المقرىء عذرا للصراحة يمكن كلامي هذا لن يعجب البعض

يا احمد انا مشيت بروفايلك ومافيهو اي معلومه مفيده
ياخي كدي خلي الفائده تعم وتورينا انت منو
حتى لايكون تعاملنا مع المبني للمجهول
فان جعلته مبنيا للمعلوم فان حوار اللغة ومخارج الحروف الشفاهية آو الحلقية
واعمال الصوتيات بكسر الالف في اعمال سيكون سهلا
وهاك النقد الموضوعي فلا تقل
قلة الحياء الغير مبررة
بل قل
قلة الحياء غير المبررة

الاخ أدريس

بوست كامل الدسم والاقلام التى كتبت به تسعد بان تقراء لها جدا وما شاء الله هذا البوست بكثرة قرائه استفتاء حقيقى للموصلى.

شكرا يا ابراهومه ياصاحب النقاء

نهدي هذا الجزء من الندوة التي استغرقت زهاء
ال الاربع ساعات في واشنجطن دي سي قيل شهر فقط
بينما انا عالجت موضوع الاسنان قبل سنتين ونصف
الي الاخ احمد ياسين
ولو عندك فنان من الاكبر مني عمرا آو من جاء بعدي يتكلم بهذا الوضوح قول لينا
وارجو الا تكون طبيبا لان هذا يشكل فشلا ذريعا في نظريتكم



احمد الله آن آعانني على التغلب على مشاكلي الصحية
والترفع عن محاولات الاستهزاء
وسبحان الله

Quote: مقاربات التوزيع الاوركسترالي ومجاهدات الكمبوسر الموصلي في ان الاغنية والموسيقى السودانية الا تكون خارج السودان غريبة اليد واللسان انتي لي شوق الهوى سفر العيون وفوق ديل كلهم كان الترحيب حارا بـ (الاماني السندسية) اتذكر وانا صغير حضرت حفلتين لهذا الفنان العجيب الذي يمكن ان نستبدل اسمه الاول يوسف بـ اسحاق واحدة كانت في المزاد ببحري والثانية في اركويت الغريبة حفلة اركويت دي كانت قمة في الروعة وغني فيها الموصلي بمزاجية وابداع جميل جدا جدا عموما هذا المؤلف الموسيقي المليان الجنتل يسحبك الى واحشني مع ابوعركي وياتي بك الى سوف ياتي مع محمد الامين التقصير منه هو شخصيا انسان وفنان بهذا الحجم يجب ان تتعلم منه اجيال واجيال وهو نفس تقصير اخونا الفنان عادل الصديق

Quote: والترفع عن محاولات الاستهزاء

غلطان يا يوسف
استهزاء بفنان عمل اسكورنق لاغنية مدتها تزيد عن النص ساعة؟
عموما الكلام الفوق دا انا كتبته في الصفحة الثالثة

Quote: غلطان يا يوسف استهزاء بفنان عمل اسكورنق لاغنية مدتها تزيد عن النص ساعة؟ عموما الكلام الفوق دا انا كتبته في الصفحة الثالثة

عزيزي احمد
والله العظيم لم ار ردك اياه وانا الذي دوما احرص على الردود
فانني اولا اعتذر عن هذه وسوف ارد علي كلامك
-------
اها لعلك سمعت الفيديو وحصلت ليك الطمانينة
يا آحمد انا هسع شغلي تدريس العربية للناطقين بغيرها
كلام عن المخارج وما اليها ما بيخارج في الحتة دي لانني والحمد لله قمة النجاح في مهنتي
هذه واحده
ربما انك اعتمدت على نظريه ما وهي غير ناجحة في حالتي والحمد لله
اكرر اسفي وسارد على مشاركتك الاولى

Quote: مقاربات التوزيع الاوركسترالي ومجاهدات الكمبوسر الموصلي في ان الاغنية والموسيقى السودانية الا تكون خارج السودان غريبة اليد واللسان انتي لي شوق الهوى سفر العيون وفوق ديل كلهم كان الترحيب حارا بـ (الاماني السندسية) اتذكر وانا صغير حضرت حفلتين لهذا الفنان العجيب الذي يمكن ان نستبدل اسمه الاول يوسف بـ اسحاق واحدة كانت في المزاد ببحري والثانية في اركويت الغريبة حفلة اركويت دي كانت قمة في الروعة وغني فيها الموصلي بمزاجية وابداع جميل جدا جدا الغريبة شنو (ان العروس اتشاكلت مع العريس ورفضت الجلوس في الكوشة) وطلبت الطلاق عشان العريس رفض يدفع في الكوفير غير تسريحة العروسة وقال لناس كوافير بردايس ما بعرف لا وزيرة ولا غفيرة عموما هذا المؤلف الموسيقي المليان الجنتل يسحبك الى واحشني مع ابوعركي وياتي بك الى سوف ياتي مع محمد الامين التقصير منه هو شخصيا انسان وفنان بهذا الحجم يجب ان تتعلم منه اجيال واجيال وهو نفس تقصير اخونا الفنان عادل الصديق

دعني اولا اشكرك على هذه القلاده التي زينت بها عنقي
ولكن الم تظلمني بالمقارنة مع الفنان الحبيب عادل الصديق
عادل بعد خروجه من السودان وهجرته
انا انجزت فوق الثلاثمائة عمل من توزيع لي تلحين لي اشراف
في فترة حصاد بل وما قبلها
وبالتآكيد لو كان عادل المهول بعيدا عن غربة السعودية مثلي ومحتكا بالوسط
لاعتزلت وقلت للناس قد جاء من يحمل الامانة عن كاهلي ولكن؟؟؟؟؟

Quote: الاخ أدريس بوست كامل الدسم والاقلام التى كتبت به تسعد بان تقراء لها جدا وما شاء الله هذا البوست بكثرة قرائه استفتاء حقيقى للموصلى.

الدكتور الفنان / إبراهيم عبد الحليم

تحية ترفل بالمودة وخالص التقدير ولتجلة ؛؛؛

بلاشك يا دكتور استفتاء أرى أن حبيبنا الموصلي فاز فيه بالتزكية فقد نال كافة الأصوات بما فيها ثلاثة أرباع صوت حبيبنا عمر الفاروق .....

مشكور للمرور أستاذي الكريم .....

وإن شاء الله تسلم ياخ .....

مع خالص ودي وتقديري ؛؛؛؛؛

غايتو أنا ما عارف.. بقيت مما أدخل البوست ده أتذكر رمضان..

ياخ عمر فاروق ده بعطش عدييييل كده..

أنا شخصياً ممكن أكون ما مقتنع بأصوات مطربين ويكون غيري متيمين بيهم.. لكن لا يمكن أفرض على الناس يحبوهم عشاني أو يكرهوهم عشاني برضو.. وكلامي ده ما قاصد بيهو أن عمر فاروق عايز الناس ما تقتنع بصوت الموصلي المغني.. لكن ما قصدته هو تباين أمزجة المتلقين..

في فنانين أُطلق عليهم زمان فناني الإضراب .. ديل ظهروا لما كبار مطربينا عملوا إضراب.. يعني الساحة بقت فاضية وخالية من التنافس..

أنا غايتو ما مقتنع بأصوات بعضهم (وده رأي شخصي) لكن أحترم تجربتهم وبالتأكيد لهم أعمال جميلة نصاً ولحناً ولهم جمهورهم بغض النظر عن حجمه..

يعني حكاية أنه فنان لازم ثلاثة أرباع الشعب السوداني يعرفه دي ما منطقية.. يعني عاااادي جداً ممكن يكون البعرفوني كمطرب مليون.. وده رقم ماااا ساهل.. من جملة الكم وعشرين مليون.. وطلع منهم ناس ما عندهم علاقة نهاااائي بالفن والغناء.. يعني في الأخير رقم مشرف..

الشغلانة في الأول والأخير نسبية.. وبالتأكيد الحُكم على الصوت يخضع لمعايير.. وهناك ثوابت لا يمكن تجاوزها.. (سلامة الصوت .. ثباته.. تفاصيله) وهذه تبرز ضرورتها في بداية مسيرة المطرب أو مرحلة التقدم لإجازة الصوت.. لكن تتغير تلك المعايير وتتبدل بطول الزمن.. ممكن للأفضل أو يبدأ العد التنازلي إما لإهمال الصوت أو لتقدم العمر...

يعني لا يمكن تطالب كابلي بصوته الدخل بيهو دار الإذاعة أول مرة..

بس عندي سؤال أخي عمر فاروق.. هل إنت غير مقتنع بصوت أستاذ موصلي ده بالكامل ومنذ أن بدأ كمغني؟ يعني عندك شك في إجازة صوت الموصلي كمغني من الأساس وبالتالي علامات الاستفهام تتوجه نحو لجنة إجازة الأصوات في ذاك الوقت ؟.. أم إنك متحفظ على صوت الموصلي المغني الحالي.؟

Quote: بس عندي سؤال أخي عمر فاروق.. هل إنت غير مقتنع بصوت أستاذ موصلي ده بالكامل ومنذ أن بدأ كمغني؟ يعني عندك شك في إجازة صوت الموصلي كمغني من الأساس وبالتالي علامات الاستفهام تتوجه نحو لجنة إجازة الأصوات في ذاك الوقت ؟.. أم إنك متحفظ على صوت الموصلي المغني الحالي.؟

العزيز خالد علي
طبعا من حق عمر وغير عمر أن يعتقدوا ما يعتقدونه في اي فنان
يوسف الموصلي أو غيره
ولكن ليس من حقه أن يمنع حب الاخرين للموصلي
ويصفه بانه مجرد مجاملة . هذه لا تمت الى الانصاف بصلة البتة
ولك التحايا

Quote: عني اولا اشكرك على هذه القلاده التي زينت بها عنقي ولكن الم تظلمني بالمقارنة مع الفنان الحبيب عادل الصديق عادل بعد خروجه من السودان وهجرته انا انجزت فوق الثلاثمائة عمل من توزيع لي تلحين لي اشراف في فترة حصاد بل وما قبلها وبالتآكيد لو كان عادل المهول بعيدا عن غربة السعودية مثلي ومحتكا بالوسط لاعتزلت وقلت للناس قد جاء من يحمل الامانة عن كاهلي ولكن؟؟؟؟؟

خليني اقول ليك يوسف
عارف انت بتذكرني بى منو دائما يا ايها الخلوق
بى شوبنهاور
ورؤيته ان الموسيقى الرائعة هي التي تقوم اساساعلى الميلودي
وان الموسيقى هي لغة الميلودي التي يكون العالم موضوعا لها
اذن لك حب بقدر جمال موسيقاك وبقدر جمالك اللامتناهي
سهلت لنا يا يوسف مفهوم ان الميلودي السوداني الخماسي
يمكن ان يتوافق مع التوزيع الاوركسترالي الحديث
الموضوع عنك عجيب ومعاك قد يطول ويطول وممكن نمسكك
وبنلقى روحك من ايام ميلودي الفم الاول
وصولا الى ان ليس للكاونتربوينت مكان محدد ومعين في المساحة الصوتية للبناء الموسيقى

Quote: خليني اقول ليك يوسف عارف انت بتذكرني بى منو دائما يا ايها الخلوق بى شوبنهاور ورؤيته ان الموسيقى الرائعة هي التي تقوم اساساعلى الميلودي وان الموسيقى هي لغة الميلودي التي يكون العالم موضوعا لها اذن لك حب بقدر جمال موسيقاك وبقدر جمالك اللامتناهي سهلت لنا يا يوسف مفهوم ان الميلودي السوداني الخماسي يمكن ان يتوافق مع التوزيع الاوركسترالي الحديث الموضوع عنك عجيب ومعاك قد يطول ويطول وممكن نمسكك وبنلقى روحك من ايام ميلودي الفم الاول وصولا الى ان ليس للكاونتربوينت مكان محدد ومعين في المساحة الصوتية للبناء الموسيقى

آحمد هل انت موسيقي؟؟؟
قلبي يطاوعني في هذا الشك!!!
عموما فان الموسيقى المتقدمة بكل انماطها هي التي تضع الكاونتربوينت آو اللحن المضاد
كآساس للعلاقات في البناء اللحني
--------
عشقي في الموسيقي هو الكاونتربوينت
وكل زملائي يعرفون ذلك
بالامس اعطاني الزميل عمر بانقا آغنية يريد آن يغنيها من الحان
الزميل المبدع حمزه سليمان كي اقوم بتوزيعها
واول وصيه وطلب منه آن قال لي عايزك تظبط لي الكمنجات
اي آنه يرد الالحان المضاده التي ستعزفها الكمنجات
لك التحية وتشرفنا

عارف يا يا موصلي ..
طريقة التحوّل في الحوار مع الأخ احمد يس لمجرد مداخلتين ده واحدة من أكبر مشاكلك الأنا بشوفا هنا ..
إنك عايز تسمع نغمة واااحدة ..أي حاجة غيرا غير قابلة عندك للسماع وإن غلفتها بي القبول ..
لاحظ التباين وتغيير الرأي الوااااضح وبسرعة لمجرد إيراد مداخلتين الأولى لمن تصادف هوى في نفسك فجريت بحححت البروفايل بتاع الراجل لمجرد قول رأي ..
ولاحظ التحوول الأسرع لمجرد الراجل جاب ليك كلام قبله شكرك فيهو وأسة بقيت تشوف ليهو في طريقة إنو موسيقي!!!!

بالنسبة للسؤال فيما يتعلق بي صوت الموصولي فالموصلي بكل تأكيد ليهو معجبينه وانا ما حا أحجر عليهم لكن هو كصوت حتى ايام زمان هو صوت يدخل عندي في ابواب الأصوات العادية يعني الما مميزة لكن صوت بتاع زول ممكن يغني زي فنانين كتار ..على سبيل المثال حمد الريح ..
الموصلي الحالي وده شي طبيعي لأسباب الهجرة والإنشغال وعامل السن صوتو بقا في النازل أكتر وبالتالي قصة الغنا دي بقت أصعب..
انا بقول التركيز يكون في التوثيق لرحلة الموصلي الموسيقي وليس الموصلي المغني عشان الموضوع يكون عملي أكتر..

Quote: بالنسبة للسؤال فيما يتعلق بي صوت الموصولي فالموصلي بكل تأكيد ليهو معجبينه وانا ما حا أحجر عليهم لكن هو كصوت حتى ايام زمان هو صوت يدخل عندي في ابواب الأصوات العادية يعني الما مميزة لكن صوت بتاع زول ممكن يغني زي فنانين كتار ..على سبيل المثال حمد الريح .. الموصلي الحالي وده شي طبيعي لأسباب الهجرة والإنشغال وعامل السن صوتو بقا في النازل أكتر وبالتالي قصة الغنا دي بقت أصعب.. انا بقول التركيز يكون في التوثيق لرحلة الموصلي الموسيقي وليس الموصلي المغني عشان الموضوع يكون عملي أكتر..

بعيداً عن بائعي بضاعة " من منطلقات شخصية" .. و قراءةً مع كثير مما أجدني متفقاً فيه معك ..
عمر الفاروق...
لقد تحدثت بلساني تماماً.. و عبرت عني بالضبط..
شكراً لك.

Quote: عارف يا يا موصلي .. طريقة التحوّل في الحوار مع الأخ احمد يس لمجرد مداخلتين ده واحدة من أكبر مشاكلك الأنا بشوفا هنا .. إنك عايز تسمع نغمة واااحدة ..أي حاجة غيرا غير قابلة عندك للسماع وإن غلفتها بي القبول .. لاحظ التباين وتغيير الرأي الوااااضح وبسرعة لمجرد إيراد مداخلتين الأولى لمن تصادف هوى في نفسك فجريت بحححت البروفايل بتاع الراجل لمجرد قول رأي .. ولاحظ التحوول الأسرع لمجرد الراجل جاب ليك كلام قبله شكرك فيهو وأسة بقيت تشوف ليهو في طريقة إنو موسيقي!!!! بالنسبة للسؤال فيما يتعلق بي صوت الموصولي فالموصلي بكل تأكيد ليهو معجبينه وانا ما حا أحجر عليهم لكن هو كصوت حتى ايام زمان هو صوت يدخل عندي في ابواب الأصوات العادية يعني الما مميزة لكن صوت بتاع زول ممكن يغني زي فنانين كتار ..على سبيل المثال حمد الريح .. الموصلي الحالي وده شي طبيعي لأسباب الهجرة والإنشغال وعامل السن صوتو بقا في النازل أكتر وبالتالي قصة الغنا دي بقت أصعب.. انا بقول التركيز يكون في التوثيق لرحلة الموصلي الموسيقي وليس الموصلي المغني عشان الموضوع يكون عملي أكتر..

من ملاحظاتي عليك ياعمر انك لم تلحظ الا مايريد قلبك ان يقول شيئا فيه> فخلافي مع االاح آحمد ياسين في موضوع الصوت والاسنان مازال قائما بدليل الفيديو بتاع المحاضره الذي انزلته واستمرار سؤالي
ولكنك لاتريد آن ترى ومازلت اطلب ان آعرف هويته والاحقه بالسؤال واتضح لي من الكتابه الموسيقيه آنه يعرف كثيرا "وليس مجرد هاو بالكسرتين تنوينا على الواو"
وكلامك بتاع صوت الموصلي كترتو ولم يعد يفد شيئا
راجع هذا البوست واحسبه ستجد بانك تكرر نفسك باستمرار كالاغنية الدائرية السودانية
ياعمر محاولاتك التخصصية في ضرب الموصلي لم تقف في الصوت بل تعدته الي الالحان ومره مره تآتي خجولا لتتكلم عن التوزيع للمداراة
ويبدو آن كلام الاخ آحمد الايجابي الكبير عن شخصي قد آثار حفيظتك وجعلها تغلي كالمرجل
حيث لم يعد عندك ماتقوله

حكمة والله وحكاية
ان الذين يبصمون على صكوك الجهل من خلال عقلهم الباطن
هم عُمي البصيرة والقلب
و أعمى البصيرة هو الذي لا يدرك وجه الصواب أما أعمى القلب فهو الذي لا يهتدي إلى الصَّواب متعمدا
وصدق الكتيابي حين قال
أغيب عنك يضيع سر الحضور مني ويضيع فني وشعور إني أنا الانسان

Quote: يا احمد انا مشيت بروفايلك ومافيهو اي معلومه مفيده

ده ردك الأول قبل ما تقرا مداخلة أحمد الإيجابية ..

Quote: عزيزي احمد والله العظيم لم ار ردك اياه وانا الذي دوما احرص على الردود فانني اولا اعتذر عن هذه وسوف ارد علي كلامك

ده ردك التاني بعد ما نبهك أحمد لي ردو الإيجابي..

يا موصلي والله ما دخول في النفوس لكن في حاجات ما عايزة ليها درس عصر تقرأ وتحس من خلال الحروف المكتوبة ..وحركتك الأسة دي واحدة منها ما لم تكون عايز تغالط نفسك ..
أيي زول ح يقرا المداخلتين ديل ح يعرف التغيير الجزري في طريقة تعاملك مع أحمد ده وكيف كان ح تستمر مداخلاتك لو ما وراك إنو قال في حقك كلام إيجابي..

بالمناسبة إستمرار السؤال وإنزال الفيديو كان قبل ما ينبهك على مداخلته الإيجابية وأرجع لاحظ براك تواريخ المداخلتين .. وصدقني يا موصلي حالياً إنت ما ملاحق للأخ احمد إنت إتحولت 180 درجة في طريقة ردودك معاهو ..

بالنسبة للتوزيع والألحان والمداراة انا ما مجدتك يا أستاذ الموصلي انا قلت يركزوا معاك في الحاجات دي لأنو دي العندك فيها منتوج وشغل ..
إنتاجك الغنائي ضعيف وما قدمته للمكتبة السودانية من أغاني خالدة ضعيف ..
بالنسبة للتوزيع كلمتك كتييير وقلت ليك زمااان وبكررا تاااني ومعليش للكلمة لكن إنت كدت تفسد الذوق الموسيقي بي الإيقاعات الجديدة الكنت ح تورطنا بيها ..

بالنسبة للضرب فأكيد الكفة غير متكافئة ..إنت صاحب باع طويل وتخصص وانا زول بعام ساي بسمع بس فعشان كده بتكلم معاك بي لغة الشارع ما لغة معاهد..
وبالنسبة لي تكرار كلامي كما الأغنية الدائرية فياخ إنت براااك وبي عضمة لسانك عامل ليك أغنية غنيتا لي مدة ربع ساعة قلت فيها مقطع واااحد ما زدتو وبتفتخر بيها كأجمل أغنية ليك وسجلتها في النيل الأزرق ..
على قدر الشوق ما يمد مديت على قدر الشوق ..
أجيبا ليك وأوريك كررتها كم مرة ولي مدة كم ؟؟
التكرار مرات كويس عشان يرسخ الفهم ولا شنو ؟

Quote: Quote: غلطان يا يوسف استهزاء بفنان عمل اسكورنق لاغنية مدتها تزيد عن النص ساعة؟ عموما الكلام الفوق دا انا كتبته في الصفحة الثالثة ده كان كلام أحمد الفوق والتحت ده كلامي عزيزي احمد والله العظيم لم ار ردك اياه وانا الذي دوما احرص على الردود فانني اولا اعتذر عن هذه وسوف ارد علي كلامك ------- اها لعلك سمعت الفيديو وحصلت ليك الطمانينة يا آحمد انا هسع شغلي تدريس العربية للناطقين بغيرها كلامك عن المخارج وما اليها ما بيخارج في الحتة دي لانني والحمد لله قمة النجاح في مهنتي هذه واحده ربما انك اعتمدت على نظريه ما وهي غير ناجحة في حالتي والحمد لله اكرر اسفي وسارد على مشاركتك الاولى

هاك هذا الجزء منه بالاحمر
كلامك عن المخارج وما اليها ما بيخارج في الحتة دي لانني والحمد لله قمة النجاح في مهنتي هذه واحده ربما انك اعتمدت على نظريه ما وهي غير ناجحة في حالتي والحمد لله اكرر اسفي وسارد على مشاركتك الاولى