Post: #1
Title: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 10:59 AM
Parent: #0
** من البدايه ولتثبيت مبدأ الشفافيه :- مابوقع على إقرار ذمه نُهائى ..
** الخيار كان بين الدفاع والداخليه ... إخترت الداخليه ...
## وكنت واضح وصريح عند التعيين عايز أكون نفسى ...
## الغُربه غير الرطوبه والأمراض ماإستفدت منها إى شئ ...
|
Post: #2
Title: Re: ## ياناس يودانيزونلاين باركووووا لى .. بقيت وزير !!! ##
Author: عاطف عمر
Date: 03-20-2013, 11:02 AM
Parent: #1
اللهم اجعله خير
يا مولانا إتعشيت بى شنو ؟؟
بعدين إتغطيت كويس ؟؟
|
Post: #10
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:20 AM
Parent: #2
Quote: اللهم اجعله خير
يا مولانا إتعشيت بى شنو ؟؟
بعدين إتغطيت كويس ؟؟ |
** ياباشمهندس ..
** إتعشيت فووووول ,,, لكن ماأتغطيت ......
(ودام الود بيننا)
|
Post: #3
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:04 AM
Parent: #1
** أها اول ماأستلمت الوزاره أدونى تلاته عربات من الورقه ___ عشان مافى زووول يجيب ليكم الخبر ناقص ..
** بيت حيكومه حدادى مدادى وبحديقتو ..
## إى زوول قريبى ود صاحبى خريج عاطل من سنة 90 عينتو ..
## الميزانيه طوالى جنبت ليك 70% وخارجتا دولارات بإسم المدام فى جزر الكنارى ...
## إى زوول من بحرى أو الجزيره أو من أعضاء الحوش دا ماعندو إى مُشكله جواب تعيينو جاهز (بغض النظر عن قبيلتو) ...
|
Post: #5
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:09 AM
Parent: #3
** اها اول سفريه بعد قعدت فى الكُرسى على الصين عدل جبت ليك مصنع الملابس الجاهزه الماخمج ودخلتو مِلح بإسم منظمتى اللى هسه ماأخترت ليها إسم ومعاهو خمسين عربيه إستثمار بإعتبار إنها للشرطه ومن الميناء لود أُختى فى الكرين ... أفتكر الوضوح مُهم فى الأمور دى عشان الإشاعات والتهويل !!!!!!!!!!
|
Post: #4
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-20-2013, 11:07 AM
Parent: #1
عبد الكريم الامين ( الماكيكي )
تحية وتقدير ,,
| Quote: مابوقع على إقرار ذمه نُهائى .. |
أصلوا ما في زول طالبو منك الاقرار ده لو عملوا ملى خانه ساى
أصلوا ما سمعنا بمسئول سالوهوا ( من أين لك هذا ) ... خالنهم لربهم يسالهم قدام
ده غير أنو الذمة دي ما مطلوبة أصلا في أداء مهامك الوظيفية
لو أتوفرت حتكون زول دمك تقيل ومعرقل لسير العمل
مبروك الوزارة ......... ولما ترجع عليك الله أتوصي باخونا صلاح غريبة
مشي البلد ديك وغتس لا إدارة ولا وزارة فشوف ليهوا إن شاء الله مدير مكتب معاك
بالعدم ناطق رسمي باسم الوزارة ..............
تحياتي
|
Post: #7
Title: Re: ## ياناس يودانيزونلاين باركووووا لى .. بقيت وزير !!! ##
Author: osman righeem
Date: 03-20-2013, 11:15 AM
Parent: #4
Quote: اللهم اجعله خير
يا مولانا إتعشيت بى شنو ؟؟
بعدين إتغطيت كويس ؟؟ |
والله يا باشمهندس
انا زاتو قلت اللهم اجعله خير
عارف امس اتعشينا مع بعض
ومشينا النادي الاردني سولفنا و هو شيش
وطلعنا في امانة الله حوالي الساعة 1:30 صباحا
اها الحصل شنو ... يكون عيتر ؟؟؟ مش
|
Post: #15
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:35 AM
Parent: #7
Quote: والله يا باشمهندس
انا زاتو قلت اللهم اجعله خير
عارف امس اتعشينا مع بعض
ومشينا النادي الاردني سولفنا و هو شيش
وطلعنا في امانة الله حوالي الساعة 1:30 صباحا
اها الحصل شنو ... يكون عيتر ؟؟؟ مش |
** ابو رغيم ..
## مساء الخير بالصباح..[/green
ياخى الله ينعل ابو الفول .. لكن الموضوع دا ياالله يكون من الشيشه ؟؟؟؟
(ودام الود بيننا)
|
Post: #9
Title: Re: ## ياناس سودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:17 AM
Parent: #4
** ياجماعه أنا من البدايه كنت واضح وعايز أكون نفسى بعد العمر دا:-
## ركبت المصنع وجبت عُمال بنغاله وهنود بتراب القروش وغيرت ليك لبس الشُرطه والعطاء كان مقفول على الوزير..
## الحمد لله واللهم أبعد عنا الحسد والحاسدين والطمع والطماعيين (وهذا من فضل ربى) طلعت لى أرباح مابطاله بس هى كم خلووووها مستوره.
## إى مركز شرطه أو نقطه حدوديه بُنيانا قديمه عند صاحبى مقاول والنص بالنص أديتو الشغلانه ..
** أها الوزراء أصحابى والله ماقصرو معاى :- اللادانى قطعة أرض فى موقع مُتميز واللأدانى مزرعه .. ولسه حالتى ماتميت أسبوع فى الوزاره والله لمن أكلت فى خاطرى وندمت على تضييع زمنى فى الغُربه الكُربه...
|
Post: #13
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:30 AM
Parent: #4
| Quote: أصلوا ما في زول طالبو منك الاقرار ده لو عملوا ملى خانه ساى أصلوا ما سمعنا بمسئول سالوهوا ( من أين لك هذا ) ... خالنهم لربهم يسالهم قدام ده غير أنو الذمة دي ما مطلوبة أصلا في أداء مهامك الوظيفية لو أتوفرت حتكون زول دمك تقيل ومعرقل لسير العمل |
** ود الخطيب ..
** سلام ومساءك خير..
## إحتراماً لمبدأ الشفافيه وكدا ,, والأولو شرط آخرو نوووور... (من أين لك هذا) و (قانون الثراء الحرام) - ديل مالغوهم من بدرى..
| Quote: مبروك الوزارة ......... ولما ترجع عليك الله أتوصي باخونا صلاح غريبة مشي البلد ديك وغتس لا إدارة ولا وزارة فشوف ليهوا إن شاء الله مدير مكتب معاك بالعدم ناطق رسمي باسم الوزارة .............. |
** الله يبارك فيك ...ومقروض فيك لى غرض فى السعوديه عايز لى مندوب (بيزنس إذ بيزنس)..
** الزوول القلتو لى دا مابتنطبق عليهو شروط التعيين عندى وبالواضح ما من الجزيره ولا من بحرى وفى الحوش ماكان عندى معاهو موضوع ياكل نارو ويمشى يشمشر بعيد عنى لكن عشان خاطرك مُمكن اساعدو فى مكان تانى بعد موافقه وكيل أعمالو بعاصمة سازونيا الإسلاميه..
(ودام الود بيننا)
|
Post: #6
Title: Re: ## ياناس يودانيزونلاين باركووووا لى .. بقيت وزير !!! ##
Author: محمد احمد القاضي
Date: 03-20-2013, 11:12 AM
Parent: #1
مبروك الوزارة من غير شروط
الاخ عبدالكريم أحمد الامين
|
Post: #8
Title: Re: ## ياناس يودانيزونلاين باركووووا لى .. بقيت وزير !!! ##
Author: عماد قريش
Date: 03-20-2013, 11:16 AM
Parent: #6
مبروك الوزارة
وشروطك عادية جدا
ومافى زول أحسن من التانى
|
Post: #11
Title: Re: ## ياناس يودانيزونلاين باركووووا لى .. بقيت وزير !!! ##
Author: ناصر احمد الامين
Date: 03-20-2013, 11:21 AM
Parent: #8
يا سعادتك عليك الله جازف لي كشك في جامعة الرباط.
|
Post: #14
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الله عبد العزيز
Date: 03-20-2013, 11:31 AM
Parent: #11
مبرووووك الوزاره ياسعاتك
ياخي عندي طلب بسيط عندي ود خالتي مغلبنا شديد جاب 45% نفسوا اخش طب الخرطوم
بتقدر عليها دي كان مابتقدر عادي
|
Post: #30
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 12:14 PM
Parent: #14
Quote: مبرووووك الوزاره ياسعاتك
ياخي عندي طلب بسيط عندي ود خالتي مغلبنا شديد جاب 45% نفسوا اخش طب الخرطوم بتقدر عليها دي كان مابتقدر عادي |
** ود عبدالعزيز..
** سلام..
## ود خالتك إعتبرو تب إتخرج وكمان وشهادتو فى يدو بعد يخلص الخدمه الإلزاميه ,, وبعد داك خليهو يشوف ليهو مكتن يقرأ فيهو الطب دا الخيار الأول ,, الخيار التانى مُمكن ندخلو سنه رابعه عشان يكون إتعرف على الزملاء الدكاتره وبعد داك مابقدر أوعدك بأنو يشتغل شوف ليهو هايس أو أمجاد أو ركشه ..
(ودام الراعى فى خدمة الرعيه)
|
Post: #24
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:49 AM
Parent: #11
| Quote: يا سعادتك عليك الله جازف لي كشك في جامعة الرباط. |
** أخوى ود أحمد الأمين..
## الكلام دا عيب منك .. كُشك بس .. إنت تجى تبنى اكشاكك على حساب الوزاره من بداية الركن العلى الشارع الى نهاية الركن التانى بس خلى ليهم البوابه عشان يخشو بيها الطلبه والأساتذه ... افووووو عليك .....
 - التصديق جو الظرف..
(ودام الود بيننا)
|
Post: #12
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-20-2013, 11:25 AM
Parent: #8
عبدالكريم أحمد الامين ،،،
بـوسـت بـه كـثـيـر من الإســـفـــاف ،
أقـرب الي أحـلام ظـلـوط ،
ذكرني الرسـوم المتحركة إسـبـونـج بـوب ،
لـيه بكري ما ودا الـبـوسـت الـخـور ،
مـش عـارف ؟
الأسـتـاذ عبدالكريم أحمد الامين ،
مـبروك الـوزارة ،
أشـــواقـي الـحـارة ،،،،
عزالدين عباس الفحل
ابوظبي
|
Post: #16
Title: Re: ## ياناس يودانيزونلاين باركووووا لى .. بقيت وزير !!! ##
Author: عبداللطيف شريف على
Date: 03-20-2013, 11:35 AM
Parent: #12
السيرة الحقيقية لاهل الحظوة ....
بمزاااااج متابعين ....
بوسيتيك افخم من بتاع العرضة الما منووو فائدة ....
حبينا نقول سلام ليك يا زول .....
بحرى طراوة و وناااسه ويا جمال ناسها ..
|
Post: #31
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 12:23 PM
Parent: #16
Quote: السيرة الحقيقية لاهل الحظوة ....
بمزاااااج متابعين ....
بوسيتيك افخم من بتاع العرضة الما منووو فائدة ....
حبينا نقول سلام ليك يا زول .....
بحرى طراوة و وناااسه ويا جمال ناسها .. |
** ود شريف على..
** سلام ومساءك خير والتحايا لكل أهل ست الهوى والطراوه..
## تخيل حتى إحلام اليقظه عايزين يحاسبونا عليها ,, دعونا نحلم بإسفافنا لربما تتفشى غبينتنا ونجد حائط مبكى لماآل إليه حالنا والذى يُغنى عن السؤال ...... عــجـــبـــى !!!!! كما يقول صلاح جاهين.....
(ودام الود بين أهل بحرى)
|
Post: #17
Title: Re: ## ياناس يودانيزونلاين باركووووا لى .. بقيت وزير !!! ##
Author: عبداللطيف شريف على
Date: 03-20-2013, 11:35 AM
Parent: #12
اسف على التكرار .....
|
Post: #18
Title: Re: ## ياناس يودانيزونلاين باركووووا لى .. بقيت وزير !!! ##
Author: عبداللطيف شريف على
Date: 03-20-2013, 11:35 AM
Parent: #12
|
Post: #20
Title: Re: ## ياناس يودانيزونلاين باركووووا لى .. بقيت وزير !!! ##
Author: وليد عبد اللطيف
Date: 03-20-2013, 11:40 AM
Parent: #18
ما تنسانا يا سعادتك بعدين اي حاجه في اي مكان
|
Post: #33
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 12:33 PM
Parent: #20
| Quote: ما تنسانا يا سعادتك بعدين اي حاجه في اي مكان |
** ود عبداللطيف ... افووووو عليك..
## أها ياخوى من هسه بلحق دفعتك مديراً لإدارة الرياضه بالوزاره ,, بس تبعد لى لعيبة الكوره المواسير الشايفم بنططو قدامى ديل الواحد ساقو وعضلو واحد ,, إن شاء الله تجيب لعيبه أجانب ,, (على قولة قيقراوى :- المافى شنو) الجناسى والبزابير فى درجى ,, عليك يمين الله هو فى الكاميرون او الكنغو او الواق الواق والواحد عمرو ماشاف السودان ولا فى الخريطه طلع ليهو جواز وجنسيه ... خلى اللعيبه الجايبم للوزاره ست الشئ ذاتا
(ودام الود بيننا)
|
Post: #21
Title: Re: ## ياناس يودانيزونلاين باركووووا لى .. بقيت وزير !!! ##
Author: فايزودالقاضي
Date: 03-20-2013, 11:42 AM
Parent: #18
قبل السلام عبداللطيف الداخل بتلاتة مداخلات ده احلق ليهو راسه بالله .
ثم السلام عليكم يامولانا ..
| Quote: ** الخيار كان بين الدفاع والداخليه ... إخترت الداخليه |
هي الوزارة الوحيدة الادونا ليها من زمن عثمان دقنة وكمان قافل عليها ؟
احلم بعيد من وزارتنا دي ..
تحياتي ،،
|
Post: #34
Title: Re: ## ياناس يودانيزونلاين باركووووا لى .. بقيت وزير !!! ##
Author: عبداللطيف شريف على
Date: 03-20-2013, 12:40 PM
Parent: #21
Quote: قبل السلام عبداللطيف الداخل بتلاتة مداخلات ده احلق ليهو راسه بالله .
ثم السلام عليكم يامولانا .. |
فائز اخوى
تحياتى ..
من زمان كايس لى مدخل اكسر ليك فيه تلج ما لاقى ...
اهاا انا لو بتحلقوا لى بموسكم دى الموت حبابو والله جابو .....!!!
تقبل تحياتى وتقديرى ..
|
Post: #35
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 12:42 PM
Parent: #21
Quote: هي الوزارة الوحيدة الادونا ليها من زمن عثمان دقنة وكمان قافل عليها ؟
احلم بعيد من وزارتنا دي .. |
** ود القاضى (ياصفوه)..
** سلام ومساءك خير..
## والله الموضوع دا ماكل فى خاطرى وكنت عارفك حاتحتج ,, لكن اللمبى بهناك ماخلى فيها كدا ,, يعنى عايزنى أشيل جثمان تم تشريحو..
## غايتو خليك قريب عايز لى مناديب فى السعوديه..
** إحتياطياً كدا :- بباصر ليك مع الوالى بيت فى موقع متميز ببورسودان ..(ماتعتبر الأمر رشوه ,, بل خدمه لوجه الله لا لا للسلطه لا للجاه)
(ودام الود بيننا)
|
Post: #23
Title: Re: ## ياناس يودانيزونلاين باركووووا لى .. بقيت وزير !!! ##
Author: كمال سالم
Date: 03-20-2013, 11:47 AM
Parent: #12
ألف مبروك وعقبال مساعد رئيس إن شاء الله .
بس أنا عندى طلب بسيط أرجو أن توليه إهتمامك .
يأخ الرباطه بتاعين المرور ديل كرهونا حياتنا شوف
ليهم مأكله تانيه غير محمد أحمد المغلوب على أمره ده .
إن شاء الله تشغلهم ترزيه فى المساء يفصلوا القماش الجبتو من الصين ده .
وما تنسى ,, عيد ميلادك جو القصر .
|
Post: #26
Title: Re: ## ياناس يودانيزونلاين باركووووا لى .. بقيت وزير !!! ##
Author: ناصر احمد الامين
Date: 03-20-2013, 11:50 AM
Parent: #12
| Quote: ذكرني الرسـوم المتحركة إسـبـونـج بــوكـس |
اسمها (اسبونج بوب)
قلنا ليكم أقرو ... أقرو
انت فاضي لي المك نمر؟
|
Post: #22
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:43 AM
Parent: #8
Quote: مبروك الوزارة
وشروطك عادية جدا
ومافى زول أحسن من التانى |
** ود قريش..
** الله يبارك فيك .. الحمد لله أنو شروطى عاديه .. تصريح السلاح بتاعك جاهز لقيت طلبك مركون ومغبر بس جيب صوره شخصيه للبطاقه وتعال إستلم التصريح..
(ودام الود بين الجميع)
|
Post: #19
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 11:39 AM
Parent: #6
Quote: مبروك الوزارة من غير شروط
الاخ عبدالكريم أحمد الامين |
** ودالقاضى..
** سلام ومساءك خير..
## الله يبارك فيك ,, ومن ضمن الشروط أقعد فى الوزاره تلاته سنين..
(ودام الود بين الجميع)
|
Post: #25
Title: Re: ## ياناس يودانيزونلاين باركووووا لى .. بقيت وزير !!! ##
Author: فايزودالقاضي
Date: 03-20-2013, 11:49 AM
Parent: #19
نسيت ابارك ليك الفول
|
Post: #27
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-20-2013, 11:59 AM
Parent: #25
ناصر احمد الامين ،،،
مـــا شــــاء الله ،
ثــقـــافـــتـك عـالـيـة في عـالـم الأطـــفال ،
،،،
عزالدين عباس الفحل
ابوظبي
|
Post: #28
Title: Re: ## ياناس يودانيزونلاين باركووووا لى .. بقيت وزير !!! ##
Author: ناصر احمد الامين
Date: 03-20-2013, 12:02 PM
Parent: #27
Quote: مـــا شــــاء الله ،
ثــقـــافـــتـك عـالـيـة في عـالـم الأطـــفال ، |
تخصصي الاول اطفال 
|
Post: #29
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-20-2013, 12:09 PM
Parent: #27
عبدالكريم أحمد الامين ،،،
جـــرة الـسـمــن من أمـــامـك ،
وأضـــغــاث الأحـــلام من خـلـفـك ،
بـس مـا تـكـسـر الـجــرة ،
عبدالكريم أحمد الامين،
يـا مـلـك يـا رايـق ،
أصـحـي يـا بــريــش ،
بــوســت يـعـمـل ســـوء الـهـضـم ،
،،،
عزالدين عباس الفحل
ابوظبي
|
Post: #32
Title: Re: ## ياناس يودانيزونلاين باركووووا لى .. بقيت وزير !!! ##
Author: أمير محمد ادريس
Date: 03-20-2013, 12:31 PM
Parent: #29
يا سعادتك مبروك الوزارة الغير مشروطة
انا من ناس بحري وعايز لي كشك زي بتاع صحبي ناصر بس في كمبيوتر مان
|
Post: #38
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 01:00 PM
Parent: #32
Quote: يا سعادتك مبروك الوزارة الغير مشروطة
انا من ناس بحري وعايز لي كشك زي بتاع صحبي ناصر بس في كمبيوتر مان |
** ود محمد إدريس ..
** سلام ..
## بعد أن قام مدير المكتب بعمل تحرياته اللازمه لم يجد مايفيد أنك بحراوى ,, ولكن أفهمته بأن إسم الوالد ماغريب على ويخيل إلى من نواحى الصافيه ,, وإذا إعتبرنا عدم كفاية الأدله فبعضويتك فى الحوش دا بنباصر ليك كشكين تلاته حول إستاد التحرير بالمزاد..
** ولو العرض ماعجبك خلينى أشوف والى الولايه ورئيس العسس والمُحتسب يقلع ليك جُزء من المان والكمبيوتر ذاتو ..
(ودام الود بين البحراويه)
|
Post: #41
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 01:01 PM
Parent: #32
Quote: يا سعادتك مبروك الوزارة الغير مشروطة
انا من ناس بحري وعايز لي كشك زي بتاع صحبي ناصر بس في كمبيوتر مان |
** ود محمد إدريس ..
** سلام ..
## بعد أن قام مدير المكتب بعمل تحرياته اللازمه لم يجد مايفيد أنك بحراوى ,, ولكن أفهمته بأن إسم الوالد ماغريب على ويخيل إلى من نواحى الصافيه ,, وإذا إعتبرنا عدم كفاية الأدله فبعضويتك فى الحوش دا بنباصر ليك كشكين تلاته حول إستاد التحرير بالمزاد..
** ولو العرض ماعجبك خلينى أشوف والى الولايه ورئيس العسس والمُحتسب يقلع ليك جُزء من المان والكمبيوتر ذاتو ..
(ودام الود بين البحراويه)
|
Post: #36
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 12:49 PM
Parent: #19
Quote: Abdelbagi Alm Alhuda · الدويم الثانوية
معاليكم أنا عارف ليك خطابة عندها النسوان من الهند والسند ولبنان وكل المليحات والمكحلات فهلا أشرت فقط وشبيك لبيك كل البنيات الصغار بين يديك يا معالي الوزير |
** أخوى عبدالباقى ..
## سلام..
** والله ناس مُثنى وثلاث ورباع دى مرحله مُتأخره وحالياً أنا فى مرحلة تكوين النفس وتأمين المُستقبل .. وأفيدكم بأننى راجل مُوحد وأخاف ألا أعدل بينهن ..(شوفت الإيمان دا كيف!!!!)
(ودام الود بين الجميع وشكراً على مرورك وتحياتى لحلة الفكساب)
|
Post: #39
Title: Re: ## ياناس يودانيزونلاين باركووووا لى .. بقيت وزير !!! ##
Author: فايزودالقاضي
Date: 03-20-2013, 01:00 PM
Parent: #36
Quote: ## غايتو خليك قريب عايز لى مناديب فى السعوديه..
** إحتياطياً كدا :- بباصر ليك مع الوالى بيت فى موقع متميز ببورسودان ..(ماتعتبر الأمر رشوه ,, بل خدمه لوجه الله لا لا للسلطه لا للجاه)
(ودام الود بيننا) |
يطير وزير الداخلية وتطير وزارته وقرابته
شوف لي موضوع البيت في بورسودان والمندبة في السعودية
كما لايفوتني ان انبهك بأني اقبل الرشوة بكل اشكالها
بجيب ليك شيخ يبقى مفتيك الخاص يحلل ليك ماحرمه الله
|
Post: #42
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 01:06 PM
Parent: #39
Quote: يطير وزير الداخلية وتطير وزارته وقرابته
شوف لي موضوع البيت في بورسودان والمندبة في السعودية
كما لايفوتني ان انبهك بأني اقبل الرشوة بكل اشكالها
بجيب ليك شيخ يبقى مفتيك الخاص يحلل ليك ماحرمه الله |
DONE
** ياصديقى أنا جهزت المُفتى قبل ماأقعد فى الكرسى...
|
Post: #40
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-20-2013, 01:00 PM
Parent: #36
مولانا عبد الكريم الامين ( الماكيكي )
| Quote: الله يبارك فيك ...ومقروض فيك لى غرض فى السعوديه عايز لى مندوب (بيزنس إذ بيزنس).. |
ما عندك أى مشكلة تحت الخدمة والطلب , والعمل مع شخصكم الكريم خدمة للوطن
حول الريالات لتأسيس الاعمال وبعد كده ..........أحلام سعادتك أوامر .........
| Quote: الزوول القلتو لى دا مابتنطبق عليهو شروط التعيين عندى وبالواضح ما من الجزيره ولا من بحرى |
بالله لا من الجزيرة ولا من بحري ... أنساهوا خالص الظاهر سعادتك ماشي على المنصب الرفيع
ومذاكر في كتاب (( الجهوية من أساس الخدمة المدنية ))
وكتير الدعوات بالتوفيق وحفظكم الله ..............................زخر للوطن
|
Post: #50
Title: Re: ## ياناس يودانيزونلاين باركووووا لى .. بقيت وزير !!! ##
Author: محمد الكامل عبد الحليم
Date: 03-20-2013, 05:19 PM
Parent: #19
|
Post: #51
Title: Re: ## ياناس يودانيزونلاين باركووووا لى .. بقيت وزير !!! ##
Author: محمد الكامل عبد الحليم
Date: 03-20-2013, 05:19 PM
Parent: #19
|
Post: #52
Title: Re: ## ياناس يودانيزونلاين باركووووا لى .. بقيت وزير !!! ##
Author: محمد الكامل عبد الحليم
Date: 03-20-2013, 05:20 PM
Parent: #19
تحية...
بعد التبريكات لا تنسي اعضاء المنبر من صالح الدعوات(أن يعودوا الي رشدهم لتامين مستقبل الوليدات)..وعندهم زميلهم يلحقهم في الزنقات...
خوفنا أن يقودك الاستوزار للتعدد في الزيجات....وقالوا (اللوم يجي بالغفلات...)
هل نطمع في مؤتمر صحفي لتاكيدد التصريحات أو التلميحات؟...وماذا عساك فاعلا بالمغتربين بخصوص التحويلات...
المشكلة هي الجمع بين الركشات...
|
Post: #64
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 07:13 AM
Parent: #52
Quote: بعد التبريكات لا تنسي اعضاء المنبر من صالح الدعوات(أن يعودوا الي رشدهم لتامين مستقبل الوليدات).. وعندهم زميلهم يلحقهم في الزنقات...
خوفنا أن يقودك الاستوزار للتعدد في الزيجات.... وقالوا (اللوم يجي بالغفلات...)
هل نطمع في مؤتمر صحفي لتاكيدد التصريحات أو التلميحات؟...وماذا عساك فاعلا بالمغتربين بخصوص التحويلات...
المشكلة هي الجمع بين الركشات... |
** الزميل محمد الكامل..
** صباحك خير..
## أمبارح بنزينى قطع .. أها الليله من الصباح قلت أبدا بيك ... من ناحية الفزعه عند الزنقات أخوك رقبتو سداده..
## من ناحية مُثنى وثلاث ورباع أخوك موحد وبركز على أنو يبعد من الركشات فى ظل الوضع الإقصادى الضاغط..
## هنالك مؤتمر صحفى جامع ,, بس خلينى أثبت كُرعى وأشوف المناديب توريداتم كيف !!!!
** المغتربين ديل :- أها قلت أسرك بالقرار إلـــغـــــاء تـــأشــــيـــرة الـــخـــروج نُـــــهـــائى ,, وذلك بما يتوافق مع الدستور ولقد آليت على نفسى تطبيق دولة القانون وليس قانون الدوله..
(أها قصرت معاكم)
|
Post: #55
Title: Re: ## ياناس يودانيزونلاين باركووووا لى .. بقيت وزير !!! ##
Author: محمد مختار جعفر
Date: 03-20-2013, 08:35 PM
Parent: #19
سلام وتحية ، سعادة الوزير ، في زمن كل شيء ممكن وكل ممكن متمكن فى تحقيق أهداقه
اللهم إلا أصحاب الضماير الحية وهؤلاء أصبحوا فى خانة الا معقول وغير الممكن ..
مولانا .. / فى الزمن الأغبر الذى نعيشه حيث أصبح العاقل مجنون والمجنون هو العاقل المقتدى به ، الطليعة والرمز ..
سيدي ...صبرنا حتى كل صبرنا ( بتشديد اللام ) ولما كل صبرنا كل صابرنا فأومأ برأسه ( أن لافرق أصبح عنده بين الحرام والحلال ، وتجاوز غيره خانة الأخلاق الى خانة اللا أخلاق فى ممارسة العمل ، أي عمل .. حتى لو كان ( شيل الطوب ) ممكن يرحلو ليك مكسر ..!!
وبعد كل ماتقدم مولاي الوزير ، نرفع عريضتنا الى مقامكم السامي بالتصديق لنا لتكون أروقة القصر الجمهوري والبهو الخاص بالإستقبال مكاناً مناسبا لعرض أعمالنا التشكيلية ، وذلك رفعاً لقيم الإحساس بالوطنية وصدقاً بالنيات والزمم ، .. ولما كان هذا المكان جازباً للمتفرجين وغير المشترين لأنه لا يدخله غيركم ( ولمن لف لفكم ) أصلكم بتلفوا على كبير ولفائفكم بقدر عمائمكم ، لذا عندما ( بارت ) بضاعتنا فى الداخل ولجأ الكثير منا لبيع اللحم بالجزارات وعمل العناقريب الهوائية ( الهبابة ) لمن يأنسوا في أنفسهم كفاءة القدرة على ذلك الشيء ،، وفينا من نال خبرة الرواكيب بأقل الأسعار فى بلد كثر ملاك الأراضي فيها من غير السودانيين ، نرى موافقتكم لهذا المشروع غير الربحي وغير السوي لمن إحتجبت عنده زائقة الرؤية الجمالية وأختفت عندهم مكارم الفضيلة وصفاء النفس وتجاوزتهم القناعة واكتمل عندهم حب الذات وغرقوا فى الملذات ..
سيدي الوزير العفيف الشريف .. وأقول العفيف الشريف ، لأن العفة أصبح لها مخارجها والشرف أصبح له براهينه المستجدة ، المباحة والمطلوبه ..
و أخيراً لكم تحية معطرة بأريج ألوان أصبحت قاتمة وغاب إشراق صفائها وتدرج فضاءآنها الى غياهب الحالك المجهول ..
محمد مختار جعفر
|
Post: #37
Title: Re: ## ياناس يودانيزونلاين باركووووا لى .. بقيت وزير !!! ##
Author: مجاهد محمد عباس
Date: 03-20-2013, 12:55 PM
Parent: #1
صباح الخير يا سعادة ...
اتاريهو حلمي انا مطلعو كبير سااااااااكت
أنا حلمت بي قعدة تانية .. بس المرة دي (أساسي) 
|
Post: #43
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 01:10 PM
Parent: #37
Quote: صباح الخير يا سعادة ...
اتاريهو حلمي انا مطلعو كبير سااااااااكت
أنا حلمت بي قعدة تانية .. بس المرة دي (أساسي) |
** ولدنا الباشمهندس ود محمد عباس..
## صباحك خير..
## آسفين ساهرنا بيك أُمبارح ,, تحت الطلب لخدمة الرعيه..
(ودام الود بيننا)
|
Post: #44
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 01:27 PM
Parent: #37
** أها ياجماعه هلا هلا على الجد ونخش تُشك فى البيزنس :-
1\ لا أقبل إى عطايا أو هدايا عينيه (ساعات , ريحه , أقلام , الخ...) دى ما فى جدولى ولا من اخلاقى أتسمى بحاجات زى دى..
2\ الهدايا النقديه (الكاش البقلل النقاش) فدى يجب أن تسلم للمناديب وذلك على حسب النطاق الجغرافى وبعد أن يستلم المندوب ويشعرنا يتم تقديم الخدمه ..
3\ جده :- ود القاضى و ود الخطيب .. ** الرياض :- ............. و..................
4\ الإمارات :- ناصر أحمد الأمين ..
5\السودان :- نستلم فى كرين بحرى وبمواعيد مُسبقه مع مدير أعمالى...
6\ مصر :- الحبيب حبيب نوره ...
7\ خدمات الدول الأُوربيه وأمريكا يمكن تقديمها لدى مندوب الإمارات..
## وذلك بموجب الفتوى التى أصدرها لى مُفتى الوزاره بأن العطيه من الراشى إذا لم يستلمها المُرتشى بيده فلا إثم عليه وإذا إستلمها المندوب أيضاً فلا إثم عليه إذ تندرج تحت مُسمى تسهيل الخدمات وذلكم من باب سد الذرائع فى خدمة البلد الضائع ##
(مايجى واحد يقول لى عايز إسم المُفتى أو مصدر الفتوى )
#### المناديب فى الخاص سوف تصلكم العقود والنسبه المُحدده لعملكم ونثريات ومصاريف (راجعوا ويسترن يونيون) لزوم الكشخه وكلو من دقنو وفتيلو...
|
Post: #45
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 02:30 PM
Parent: #44
** أها الليله استقريت ليك فى الوزاره عاينت من الشباك القى ليك مُُراح ضأن فى الوزاره خلو النجيله زى إستاد المريخ بعد مشيت الوالى..
** ناديت مُدير المكتب وسألتو الضأن دا شنو ؟؟؟ قال لى :- هدايا من التُجار ورجال الأعمال..
## إستغربت وقلت ليهو :- هو أنا عينونى وزير الداخليه ولى الثروه الحيوانيه ..
** المهم لقيتا ليك 250 خروف..
## بالله شوف الناس الضأن ديل جايبين لى خرفان ياخرفان ,, فى واحد من الناس ديل كاتب إسمو فى الخروف ولى خاتى رقم تلفونو يعنى حا اعرفم كيف؟؟
## طوالى تعليمات لمدير المكتب يتصل بحاج فتح الله ومحمد احمد والعطا جنب الكرين بتاع بحرى يشيلو الخرفان ديل راكب فى خمسمائه ,, ولى أقول ليك خليهم يشيلو 150 خروف والدفع كاش البيدفع يرفع خرفانو والمابيدفع يتخارج يشوف ربو..
## ياسعادتك المية خروف نعمل بيهم شنو ..
** يامحمد أسال العساكر السادين خدمه ديل آخر مره اللحمه دخلت بيوتم بتين ؟؟ أضبحو الميه خروف وقسمويهم للعساكر كرامة المنصب ,, ياخى قالوا:- الفُقراإتقاسمو النبقه..
## قروش الـ 150 خروف رسل عربيه جيب لى الشباب بتاعين شارع الحوادث ديل هنا عشان يشيلو القروش دى يدفعو قروش الصيدليات البيشيلو منها الدوا ... (صدقه لوجه الله تعالى) (حلوه دى)
## والله السُلطه حلوه ومُتعبه ,, تجيها مزلط ومكشط ومفِلس ,, وتدور البيليه معاك أصلو ماتشبع ....!!!!!
** ونواصلــــــــــ ........
|
Post: #46
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 02:44 PM
Parent: #45
** إجتماع مع مدير الشؤون الماليه بالوزاره:-
## أسمعوا المُراجع العام ناقح طارنا ناس الداخليه حمونى أخش الوزاره وأراجع حساباتا ,, أنا النقه الكتيره ماقاعد أحبها جهزوا إى رسوم قاعدين ناخدا بأورنيك 15 فقط وكعوبات الإيصالات ,, وخلوهو يجى يراجعا وريحونا من نقتو ...
## بس ياسعادتك أورنيك 15 بنطلعو لرسوم التاشيره والجوازات الجديده وتجديد الجوازات القديمه..
## كفايه جداً ,, ماليهو علاقه بباقى الرسوم التانيه ..
** تعليمات :-## بمجرد ماتم المراجعه وترسلو القروش للماليه ,, تانى يوم طوالى تكونو جاهزين بطلب قروش من الماليه يعنى وردتو 250 مليون تدقشو الماليه طلب بى 650 مليون عشان لما تحصل النقه يدفعوا الـ 450 مليون ..
## (ودى إسمها سياسة المخابز تكون داير 50 عيشه تقول ليهو:- بالله أدينا 150 عيشه .. يقول ليك:- باديك 75 عيشه بس )
** كلامى دا مفهوم ..
** مفهوم سعادتك..
|
Post: #47
Title: Re: ## ياناس يودانيزونلاين باركووووا لى .. بقيت وزير !!! ##
Author: حبيب نورة
Date: 03-20-2013, 03:52 PM
Parent: #46
Quote: 6\ مصر :- الحبيب حبيب نوره ...
7 |
عُلِم وسينفذ يا سعادة المستشار
جار تحصيل الإتاوات حسنة وزندية
على فكرة ممكن أمسك ليك منطقة الهلال الخصيب برضو
|
Post: #48
Title: Re: ## ياناس يودانيزونلاين باركووووا لى .. بقيت وزير !!! ##
Author: Siham Elmugammar
Date: 03-20-2013, 04:13 PM
Parent: #47
سلام ياسعادتك
انا والله طلبى ما كبير .. بس مصاريف مدرسة الاولاد
وغسالة اتوماتيك
ونفسى امتلك سبيليت واستمتع بنومة من كرركركركر
هذا مع الشكر
|
Post: #49
Title: Re: ## ياناس يودانيزونلاين باركووووا لى .. بقيت وزير !!! ##
Author: الزبير صالح الزبير
Date: 03-20-2013, 04:40 PM
Parent: #48
معالي الوزير
طلبي ما كبير انا بس عاوز لي طربيزة ومكنة تصوير ومكان اشتغل فيهو ويفضل داااااخل اسوار جامعه الاحفاد عشان عندي رطوبة وما بقدر اقعد برة
وبالعدم مكان فيهو نفس الملامح والشبه
|
Post: #53
Title: Re: ## ياناس يودانيزونلاين باركووووا لى .. بقيت وزير !!! ##
Author: Nader Abu Kadouk
Date: 03-20-2013, 05:47 PM
Parent: #49
| Quote: يا سعادتك عليك الله جازف لي كشك في جامعة الرباط |
يا سعادتك ناصر ده انت ما فهمتو ........
|
Post: #54
Title: Re: ## ياناس يودانيزونلاين باركووووا لى .. بقيت وزير !!! ##
Author: أسامه الكرور
Date: 03-20-2013, 06:59 PM
Parent: #53
Quote: ** يامحمد أسال العساكر السادين خدمه ديل آخر مره اللحمه دخلت بيوتم بتين ؟؟ أضبحو الميه خروف وقسمويهم للعساكر كرامة المنصب ,, ياخى قالوا:- الفُقراإتقاسمو النبقه..
## قروش الـ 150 خروف رسل عربيه جيب لى الشباب بتاعين شارع الحوادث ديل هنا عشان يشيلو القروش دى يدفعو قروش الصيدليات البيشيلو منها الدوا ... (صدقه لوجه الله تعالى) (حلوه دى) |
ياها دى زاااااااتا البطيرك من الوزاره قبل ما تصحى من النوم
قال شارع الحوادث قال
يعنى بتدعم المعارضه عديل كده
|
Post: #56
Title: Re: ## ياناس يودانيزونلاين باركووووا لى .. بقيت وزير !!! ##
Author: محمد مختار جعفر
Date: 03-20-2013, 08:41 PM
Parent: #54
تكرار مقصود ... للحالة التى وصلنا إليها ..
سلام وتحية ، سعادة الوزير ، في زمن كل شيء ممكن وكل ممكن متمكن فى تحقيق أهداقه
اللهم إلا أصحاب الضماير الحية وهؤلاء أصبحوا فى خانة الا معقول وغير الممكن ..
مولانا .. / فى الزمن الأغبر الذى نعيشه حيث أصبح العاقل مجنون والمجنون هو العاقل المقتدى به ، الطليعة والرمز ..
سيدي ...صبرنا حتى كل صبرنا ( بتشديد اللام ) ولما كل صبرنا كل صابرنا فأومأ برأسه ( أن لافرق أصبح عنده بين الحرام والحلال ، وتجاوز غيره خانة الأخلاق الى خانة اللا أخلاق فى ممارسة العمل ، أي عمل .. حتى لو كان ( شيل الطوب ) ممكن يرحلو ليك مكسر ..!!
وبعد كل ماتقدم مولاي الوزير ، نرفع عريضتنا الى مقامكم السامي بالتصديق لنا لتكون أروقة القصر الجمهوري والبهو الخاص بالإستقبال مكاناً مناسبا لعرض أعمالنا التشكيلية ، وذلك رفعاً لقيم الإحساس بالوطنية وصدقاً بالنيات والزمم ، .. ولما كان هذا المكان جازباً للمتفرجين وغير المشترين لأنه لا يدخله غيركم ( ولمن لف لفكم ) أصلكم بتلفوا على كبير ولفائفكم بقدر عمائمكم ، لذا عندما ( بارت ) بضاعتنا فى الداخل ولجأ الكثير منا لبيع اللحم بالجزارات وعمل العناقريب الهوائية ( الهبابة ) لمن يأنسوا في أنفسهم كفاءة القدرة على ذلك الشيء ،، وفينا من نال خبرة الرواكيب بأقل الأسعار فى بلد كثر ملاك الأراضي فيها من غير السودانيين ، نرى موافقتكم لهذا المشروع غير الربحي وغير السوي لمن إحتجبت عنده زائقة الرؤية الجمالية وأختفت عندهم مكارم الفضيلة وصفاء النفس وتجاوزتهم القناعة واكتمل عندهم حب الذات وغرقوا فى الملذات ..
سيدي الوزير العفيف الشريف .. وأقول العفيف الشريف ، لأن العفة أصبح لها مخارجها والشرف أصبح له براهينه المستجدة ، المباحة والمطلوبه ..
و أخيراً لكم تحية معطرة بأريج ألوان أصبحت قاتمة وغاب إشراق صفائها وتدرج فضاءآنها الى غياهب الحالك المجهول ..
محمد مختار جعفر
|
Post: #57
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-20-2013, 09:55 PM
Parent: #47
Quote: عُلِم وسينفذ يا سعادة المستشار
جار تحصيل الإتاوات حسنة وزندية
على فكرة ممكن أمسك ليك منطقة الهلال الخصيب برضو |
** ياحبيب ..
## ماتلخبت الإختصاصات .. هو فضل فيها هــلال ولى خصيب زى مابقول صديقنا كيكى المنطقه دى لحقت غنم زهرا وفى رواية أُخرى لحقت أُمات طه ,, قاهرة المُعز دى منطقه مقفوله ليك وأتوقع منها غــلــه حلوه لينا ولصالح البلد..
(ودام تعاوننا لخدمة دولة يودانيزونلاين)
|
Post: #58
Title: Re: ## ياناس يودانيزونلاين باركووووا لى .. بقيت وزير !!! ##
Author: وضاحة
Date: 03-20-2013, 09:59 PM
Parent: #57
مبروك عمو بعدين شغل ناس تسفاى ديل ان شاء الله مناديب
|
Post: #59
Title: Re: ## ياناس يودانيزونلاين باركووووا لى .. بقيت وزير !!! ##
Author: Khalid Elmahdi
Date: 03-21-2013, 01:11 AM
Parent: #58
| Quote: إى زوول من بحرى أو الجزيره أو من أعضاء الحوش دا ماعندو إى مُشكله جواب تعيينو جاهز (بغض النظر عن قبيلتو) . |
يعني ناس المزاد ينومو قفا.. لي طلب عند سيادتكم، وهو التوسط للفنان محمد جعفر، فطلبوا بسيط، يعني عايز رجل الشارع العادي يستمتع بحقو، ويشوف شوية جمال وسط النتانه، حتى يحس بانو عايش..
تحياتي يا ولدنا
خالد المهدي
|
Post: #60
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-21-2013, 04:28 AM
Parent: #59
عبدالكريم أحمد الامين ،،،
أصـــحــي يــا بـــريـــش ،
يـا خـي الدكـتـور مـا قـال لـيـك ،
مـا تــــاكـل مـيــلـوحــة ،
إه الـهِــــــبــــاب ده ؟
،،،
عزالدين عباس الفحل
ابوظبي
|
Post: #61
Title: Re: ## ياناس يودانيزونلاين باركووووا لى .. بقيت وزير !!! ##
Author: مازن فيصل هلال
Date: 03-21-2013, 05:01 AM
Parent: #60
ألهم أمييين يا سعادة المستشار
بس بعدين ما تنسونا من صالح (الدعوات) (:
|
Post: #62
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 06:38 AM
Parent: #61
Quote: ألهم أمييين يا سعادة المستشار
بس بعدين ما تنسونا من صالح (الدعوات) |
** الإبن مازن ..
** صباحك خير..
## ناس بحرى ليهم الاولويه فى إى شئ..
(ودام الود بيننا)
|
Post: #63
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 07:08 AM
Parent: #62
Abu Mohd Foad Mohd · Dubai, United Arab Emirates
** يظهر الكوته كملت ,, أو يكون الجماعه فكو الباكم بتاع زيت الفرامل ,, طيارات داخل الدوله مامعانا **
## عشان السبب الفوق دا اولاً والإجتماعات ثانياً أعــتـــذر لكل زملاء حوش ود ابوبكر أن أرد عليهم فى مُداخله واحده حفاظاً على البنزين وخوفاً من تنفيس باكم الفرامل ........ها ها ها ها :-
Quote: سلام ياسعادتك
انا والله طلبى ما كبير .. بس مصاريف مدرسة الاولاد
وغسالة اتوماتيك
ونفسى امتلك سبيليت واستمتع بنومة من كرركركركر
هذا مع الشكر |
## بت طه المجمر
## سلام وصباحك خير
**إنتى أسياد الجلد والرأس ,, طلباتك أوامر ,, والنبى وصى على سابع جار ,, يعنى إنتى بحق الجيره فى المزاد وحق الحوش دا ,, وحق أخوك الباشمهندس هِشام ود. عصام ..
** بالنسبه لمصاريف المدارس معاك من دار الحنان الى الثانويه بإعتبار أولادك من أولاد العاملين عليها .
## بس الجامعه مامعانا تحاولى تجازفى الموضوع دا ,, لانو عندنا شح فى الدورررررات.
## الغساله الأُوتوماتيكى دى وديناها ليك فى بيتكم بالمزاد ,, أصلو فى كوته جبتها معاى من الصين.
## الإسبيلت على باليمين فى المكتب الكلو 6X3 مركبين لى ثلاثه 2 طن قرب يجينى شلل من البرد كلمت ناس الصيانه يفكو ليك الجديد ويجيبو موسنايت يسدو بيهو محلو..
(اها يابت أخوى فى طلبات تانيه)
************************************************************
Quote: معالي الوزير
طلبي ما كبير انا بس عاوز لي طربيزة ومكنة تصوير ومكان اشتغل فيهو ويفضل داااااخل اسوار جامعه الاحفاد عشان عندي رطوبة وما بقدر اقعد برة وبالعدم مكان فيهو نفس الملامح والشبه |
** أخوى الزبير
** صباحك خير
## لكن لقيتك خطير عايز تجاور جنب الجيكسى والجلكسى ,, المؤسسات الخاصه دى ماعندنا عليها سُلطه ,, لكن مُمكن أديك فى الوزاره كشك وتسميهو مكتب خدمات وعلى بالطلاق مُعامله ماجايه من كشكك دا ماتمشى لقدام ولاأجر فيها قلم.
(معقول أقصر مع ناس الحوش)
**********************************************************
| Quote: يا سعادتك ناصر ده انت ما فهمتو ........ |
## ود ابو كدوك
## سلام
** ياخوى والله فهمتو بدل كشك إديتو السور كلو ,, بيعمل ليهو 25 كشك .. ومعاهو إعفاء من إى رسوم ..
(افو عليك فى زول بقصر مع أخوهو)
**********************************************************
Quote: ياها دى زاااااااتا البطيرك من الوزاره قبل ما تصحى من النوم
قال شارع الحوادث قال
يعنى بتدعم المعارضه عديل كده |
** جنابو أُسامه
** صباحك خير
## أخوك حريص أقنعت ليك الريس ورئيس الجهاز بأن العمل دا :- بيمتص وتيرة التذمر الموجوده فى الشارع ,, بعد وصول خبر المُستشفى البنبنى فيها لشعب دولة تورتانيا فى قارة أنتارتيكا ونقفل فى المُستشفيات فى عاصمتنا واللى اصلها مُستشفيات هى والعدم سواء..
لازم الواحد يكون شفت ويعمل تأمين من جهتين ماعارف مستوى الخُبث والدسائس فى الوزارات والمجلس عندنا كيف !!!!!!!!!
## إحتياطياً بلغ كل الزملاء الشالهم للصالح "الخاص" إنى صلحت ليهم المعاشات وأيضاَ لو فى إى ضابط من دفعه قبل الدفعه (60) لازال فى الخدمه سوف يُمنح نوط الصبر على المكاره والجداره .
## تخيل حتى أحلام اليقظه أصدرو ليها منشور بمنعها !!!!!!
(ودام الود بين المُحاليين للصالح "الخاص")
**********************************************************
| Quote: وبعد كل ماتقدم مولاي الوزير ، نرفع عريضتنا الى مقامكم السامي بالتصديق لنا لتكون أروقة القصر الجمهوري والبهو الخاص بالإستقبال مكاناً مناسبا لعرض أعمالنا التشكيلية ، وذلك رفعاً لقيم الإحساس بالوطنية وصدقاً بالنيات والزمم ، .. ولما كان هذا المكان جازباً للمتفرجين وغير المشترين لأنه لا يدخله غيركم ( ولمن لف لفكم ) أصلكم بتلفوا على كبير ولفائفكم بقدر عمائمكم |
## الصديق الفنان التشكيلى ودمختار
## سلام وصباحك خير..
** ياخوى القصر دا بنشوفو بس يوم أداء القسم وتانى مابنشوفو ,, عشان الواحد يكون معاك واضح وإنت زول صديق عندك صالة القادمين بالمطار إعتبرا من اليوم الغاليرى بتاعك , وأبعد من صالة المغادرين لانو الشعب الفضل الطالع مافاضى يتفرج إلا على باب الطياره وهو يغلق ..
(ودام الود بيننا)
**********************************************************
| Quote: مبروك عمو بعدين شغل ناس تسفاى ديل ان شاء الله مناديب |
## د. وضاحه
## صباحك خير
** ود القاضى دا أهم مندوب عندى فى جده غير ,, وإحتمال مايقدر يتداخل يرد على زوووول من حجم العمل المُوكل إليه وإحتمال كبير يقدم إستقالتو ويتفرغ للعمل الحر ..أزيدك فى الشِعر بيت وظيفة مندوب دى أصعب من وظيفة الوزير ذاتو..
(ودام الود بين الجميع لخدمة أنفسهم وبعدين نشوف البلد)
**********************************************************
| Quote: يعني ناس المزاد ينومو قفا.. لي طلب عند سيادتكم، وهو التوسط للفنان محمد جعفر، فطلبوا بسيط، يعني عايز رجل الشارع العادي يستمتع بحقو، ويشوف شوية جمال وسط النتانه، حتى يحس بانو عايش.. |
** الصديق ود المهدى
** سلام ومساءك خير بتوقيت كندا..
## يازول ديل مُمكن يجو ينومو فى المكتب ذاتو ,, ود مختار جارى تنفيذ طلبو ,, بس بعد أجيه نفسى والأصحاب حاأخليك المزاد دا صوره مُصغره من دُبى .. وإحتمال كبير أشترى المنطقه الصناعيه ببحرى وأبيعا ليك للصينيين أو الكوريين..
## لانو لو دخلت معاهم شريك حا يكرهونى ليك بالضرائب والنفايات والزكاه "للمال المابحول عليهو الحول" ورسوم المحليات والولايه ورسوم بدل مايشيلا زول غيرنا – لكن الجماعه ديل مافى قرد بيسألهم.... تخيل الغريب مُميز أكتر من سيد البلد!!!!!
(ودام الود بيننا)
|
Post: #65
Title: Re: ## ياناس يودانيزونلاين باركووووا لى .. بقيت وزير !!! ##
Author: الصادق سيكا
Date: 03-21-2013, 07:33 AM
Parent: #59
| Quote: ياناس يودانيزونلاين باركووووا لى .. بقيت وزير !!! |
ينعل ابو الروب المر زاتوووووو..
ما قلنا ليكم بالليل الواحد ما يشرب روب ..
يعنى فى داعى يعنى ...المريسة دى مالا ؟؟
المريسة مصنوعة من العيش والعيش حلال ..
العرقى مالو ..؟ العرقى مصنوع من البلح والبلح حلال ..
وله كيف يا ...؟
|
Post: #69
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 09:20 AM
Parent: #65
Quote: ينعل ابو الروب المر زاتوووووو..
ما قلنا ليكم بالليل الواحد ما يشرب روب ..
يعنى فى داعى يعنى ...المريسة دى مالا ؟؟
المريسة مصنوعة من العيش والعيش حلال ..
العرقى مالو ..؟ العرقى مصنوع من البلح والبلح حلال ..
وله كيف يا ...؟ |
** الصادق..
** سلام..
## كيف يعنى وزير يشرب مشروبات بلديه ؟؟ إنت ماعارف إنو الوزير لو جاو صداع ولى دخلت ليهو باعوضه لإى أضانو بيسفروهو الأُردن أو المانيا أو مايو كلينك بدبى ## (إنت مفتكر الوزراء ديل زى العوام) !!!!!!!!!!
## على كل بما إنو البلد الحمد لله فى حالة توجه حضارى وماعايزين النقله تكون كبيره وتخلق جفوه وإندهاش للزملاء الوزراء :- فالبلح بقينا نختو فى الإجتماعات كما هو من دون إى مُدخلات عليهو وجنبو الفول المدمس مــــــزه ...
|
Post: #66
Title: Re: ## ياناس يودانيزونلاين باركووووا لى .. بقيت وزير !!! ##
Author: الصادق سيكا
Date: 03-21-2013, 07:34 AM
Parent: #59
| Quote: ياناس يودانيزونلاين باركووووا لى .. بقيت وزير !!! |
ينعل ابو الروب المر زاتوووووو..
ما قلنا ليكم بالليل الواحد ما يشرب روب ..
يعنى فى داعى يعنى ...المريسة دى مالا ؟؟
المريسة مصنوعة من العيش والعيش حلال ..
العرقى مالو ..؟ العرقى مصنوع من البلح والبلح حلال ..
وله كيف يا ...؟
|
Post: #67
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-21-2013, 08:42 AM
Parent: #66
| Quote: ** يظهر الكوته كملت ,, أو يكون الجماعه فكو الباكم بتاع زيت الفرامل ,, طيارات داخل الدوله مامعانا **.. |
كيف الكلام ده نطالب المهندس بكري أبو بكر
بتخصيص كوته مفتوحة لسعادة الوزير ........
----------------
*مندوب صاحب السعادة في جدة
تحياتي
|
Post: #68
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 09:11 AM
Parent: #67
Quote: كيف الكلام ده نطالب المهندس بكري أبو بكر
بتخصيص كوته مفتوحة لسعادة الوزير ........
----------------
*مندوب صاحب السعادة في جدة |
** ود الخطيب ..
** صباحك خير..## موضوع السعودى الداير ليهو خمسين فـــدان فى السليت باصرنو ,, بس إستلمتو ولى نشوف زول حاضره هنا لكن الدفع بالعمله المحليه البقت مهلبيه..
## بالله شوف لينا موضوع مُحاصصة الكوته..( اللهم وفق مناديبى فى أدء مهمتم الرساليه)
|
Post: #70
Title: Re: ## ياناس يودانيزونلاين باركووووا لى .. بقيت وزير !!! ##
Author: أمير محمد ادريس
Date: 03-21-2013, 09:24 AM
Parent: #68
## بعد أن قام مدير المكتب بعمل تحرياته اللازمه لم يجد مايفيد أنك بحراوى ,, ولكن أفهمته بأن إسم الوالد ماغريب على ويخيل إلى من نواحى الصافيه ,, وإذا إعتبرنا عدم كفاية الأدله فبعضويتك فى الحوش دا بنباصر ليك كشكين تلاته حول إستاد التحرير بالمزاد..
** ولو العرض ماعجبك خلينى أشوف والى الولايه ورئيس العسس والمُحتسب يقلع ليك جُزء من المان والكمبيوتر ذاتو ..
--------------------------
صباح خير يا سعادتو..
يا سعادتو انا سرتي ولا صرتي ما عارف المهم مدفونة في بحري الطراوه وبعدين في ناس مشاركين في البوست ده جيراني في الحي وسوق الحي واللذي منو
فا بالله ما تنساني من كشك كمبيوتر مان بالذات وانا برضو حاجز كرسي مندوبكم في الرياض وما جاورها ..
|
Post: #71
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-21-2013, 09:25 AM
Parent: #68
عبدالكريم أحمد الامين ،،،
بـوسـت عـنـصـري ،
زي ريـحـة الـتـركـيـن الــنـي ،
مـيـن الـقـال لـيـك تـشـرب رووووووب ؟
الله يــطــولـك يـا روح ،
،،،
عزالدين عباس الفحل
ابوظبي
|
Post: #72
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-21-2013, 10:03 AM
Parent: #71
سعادة الوزير
نهارك سعيد
Quote: ## موضوع السعودى الداير ليهو خمسين فـــدان فى السليت باصرنو ,, بس إستلمتو ولى نشوف زول حاضره هنا لكن الدفع بالعمله المحليه البقت مهلبيه..
## بالله شوف لينا موضوع مُحاصصة الكوته.. |
الموضوع ماشي كويس .... والدفع حيكون يورو حته الكوته أصلوا سعادتك ما تقلق
لانوا حصة المندوب بياخدة هنا من الزبون مباشره وقروش الصفقه بتكون مشت لحسابك في ماليزيا
وكلوا عشان الوطن والخدمة لمصالحتوا العليا ..............
نحن في خدمة الوطن 24×24 _ عاي مدار الساعة _
تحياتي
|
Post: #73
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الماجد مصطفى
Date: 03-21-2013, 10:10 AM
Parent: #72
مولانا ،، عبد الكريم ،، تحياتي ،،
اولن بالتبادي ،، انا زميل منبر ..
وتانين .. زميل مهنة ...
وتالتنً .. عندي بيت في بحري ..
__________
يعني بالمؤهلات الفوق دي كوووولها ....
دايرك .. سعادتك .. تباصر .. لي ....
موضوع .... ادارة المرور ....
تعملوني ..
فريق ...
تعملوني ....
لواء ....
ان شاء الله وكيل عريف زاتو....
الرتبة .. ما مهمة ... اي حاجة ممكن ....
بس ... بالله .. تشوف لي الموضوع .. ده
معليش ما تقول .. طماع ... وكدا ...
بس ... والله .. مغرود .. فوقو ... شدييييييييييييد ..
كسرة :
الموضوع ده ... لو شفتو لي ... علي .. النعمة ما انساك ...
،، تحياتي ،،
|
Post: #74
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 10:56 AM
Parent: #73
Quote: اولن بالتبادي ،، انا زميل منبر ..
وتانين .. زميل مهنة ...
وتالتنً .. عندي بيت في بحري ..
__________
يعني بالمؤهلات الفوق دي كوووولها ....
دايرك .. سعادتك .. تباصر .. لي ....
موضوع .... ادارة المرور |
** الزميل عبدالماجد مُصطفى..
** سلام ومساءك خير..## آسفين للتأخير كان عندنا إجتماع فى مجلس الوزراء , ضربنا البلح والمدمس والعصائر ,, الموضوع القلتو دا حقيقةً ماسكو ودا أُختى مُحاسب قديم ,, لكن بحق الزمالات القلتها حتكون نائب مدير الإداره للشوؤن الماليه والقانونيه ,, المواضيع الأُخرى الماديه الهايفه والتى تتعلق بالنثريات والبدلات والذى منووووووووووووو - تجى لولدنا اللواء محمد مُدير المكتب بتلقى ظرفك جاهز
(إتخارج من المكان الإنت فيهو بــس ماتلغى إقامتك عشان بعدين اللوم ماترمى فينا)
|
Post: #76
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الماجد مصطفى
Date: 03-21-2013, 11:28 AM
Parent: #74
Quote: آسفين للتأخير كان عندنا إجتماع فى مجلس الوزراء , ضربنا البلح والمدمس والعصائر ,, الموضوع القلتو دا حقيقةً ماسكو ودا أُختى مُحاسب قديم ,, لكن بحق الزمالات القلتها حتكون نائب مدير الإداره للشوؤن الماليه والقانونيه ,, المواضيع الأُخرى الماديه الهايفه والتى تتعلق بالنثريات والبدلات والذى منووووووووووووو - تجى لولدنا اللواء محمد مُدير المكتب بتلقى ظرفك جاهز
|
آسفين للتأخير كان عندنا إجتماع فى مجلس الوزراء ...
ما مشكلة يا سعادتك ... نحن .. ورانا .. شنو ... وإن شاء الله الاجتماعات دي ،، في ميزان الحسنات ،،، والبدلات ...
ضربنا البلح والمدمس والعصائر ،، محل ما ... يسري .. يمري ... واصلو انتو .. محل ما تمشو .. تضربو .. بالعافية ان شاء الله ..
الموضوع القلتو دا حقيقةً ماسكو ودا أُختى مُحاسب قديم ،، ما مشكلة يا زول ..
ود اختك .. اولى برضو ... لانو .. منهجكم بالتأكيد .. الكفاءة ... قبل .. الولاء . وكده يعني ...
لكن بحق الزمالات القلتها حتكون نائب مدير الإداره للشوؤن الماليه والقانونيه ...
لا .. لا .. لا.. ياخ .... عليك الله ... ختيني القانون ده ... والله كجنتو ... الله واحد ..
خلو ... لي ... المالية دي ... برااااااااااااااها .
،، تحياتي ،،
|
Post: #75
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 11:08 AM
Parent: #72
Quote: الموضوع ماشي كويس .... والدفع حيكون يورو حته الكوته أصلوا سعادتك ما تقلق
لانوا حصة المندوب بياخدة هنا من الزبون مباشره وقروش الصفقه بتكون مشت لحسابك في ماليزيا
وكلوا عشان الوطن والخدمة لمصالحتوا العليا ..............
نحن في خدمة الوطن 24×24 _ عاي مدار الساعة _
تحياتي |
** ود الخطيب ..
## على بالطلاق الماأشتغل معاك الرماد كال حماد - شغلك نضيف وأنا مبسوط منك - كلمت مدير الأراضى قبل نص ساعه كان معانا فى إجتماع فى 600 متر مربع أحتياطى كانت فى موقع مُميز فى العاصمه يودانو - شارع سـاهرون - الناصيه بتاعت شركة BMW سجلتها بإسمك..
** دا حــافز ليك عشان بقية المناديب يعرفوا أنا ناسى الشغلم نضيف أنا برضو بستنضف ليهم الحاجات..
## ( تشاتير الصفقه الجايه بالله رسل لى من جده لاندكروزر موديل 2014 - لونو لون زينب وظبطت المخفى - رسل البوليصه بإسم :- مُنظمة يد فى إيد تجدع بعيد وترعى الوليد)
(تحياتى وسلام للأولاد)
|
Post: #77
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-21-2013, 11:38 AM
Parent: #75
سعادة الوزير أدامك الله وابقاك زخر للوطن
كتير التحايا والسلام
Quote: ** ود الخطيب ..
## على بالطلاق الماأشتغل معاك الرماد كال حماد - شغلك نضيف وأنا مبسوط منك - كلمت مدير الأراضى قبل نص ساعه كان معانا فى إجتماع فى 600 متر مربع أحتياطى كانت فى موقع مُميز فى العاصمه يودانو - شارع سـاهرون - الناصيه بتاعت شركة BMW سجلتها بإسمك..
** دا حــافز ليك عشان بقية المناديب يعرفوا أنا ناسى الشغلم نضيف أنا برضو بستنضف ليهم الحاجات..
## ( تشاتير الصفقه الجايه بالله رسل لى من جده لاندكروزر موديل 2014 - لونو لون زينب وظبطت المخفى - رسل البوليصه بإسم :- مُنظمة يد فى إيد تجدع بعيد وترعى الوليد)
(تحياتى وسلام للأولاد) |
سعادتك الكلام ده انا طبعتوا وبروزتوا كاهم شهادة نلتها في حياتي
حاخت صورة منها في الصالون والتانية في المكتب .........
نحنه في خدمة سعادتك لانو خدمتك خدمة للوطن ونحنه فداء للوطن
** الحافز مقبول وجعله الله في ميزان حسناتك
****جارى البحث عن الاندكروزر لون زينب ولو مافي نطلب اللون ده من تايوتا اليابان
بس بنتمني مع الاندكروزر ده سعادتك يتكرم علينا وندخل 10 لاندكروزرات لون أبيض
و15 دينا و 15 حافلة و 100 ركشه باجاج منظمة أيد على أيد محتاجة تتوفر ليها موارد كويسة
عشان تقدر تقدم خدمات جيدة للمواطن
***********وكلوا لاجل الوطن والمواطن
تحياتي
|
Post: #78
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 12:08 PM
Parent: #77
## عـاجـل وهـام وســـرى :-
** الى مندوبنا الذى بدولة الإمارات ود أحمد الأمين:-
## بما أننى سوف أقوم بزيارات الى الولايات لتفقد سير العمل , وبما أن حكايات اللساتك البطير من العربيات وبيكم زيت الفرامل البيقدوهو بالحقنه والطيارات البتلتخ الواطه أصبحت شئ عادى وبعد يعملو للمرحوم عرس الشهيد ويكونو لجنة تحقيق ومن بعدها تتلجن اللجنه..
** خاطبت الجماعه بتاعيين طيران الإتحاد والأمارات ورسلو لى العروض بتاعتم , وعشان تكون فى الصوره مُحتاجين طياره صغيره سعة 12 راكب 5 شنكل بس ماتكون موديل 78 او 81 - عدد ساعات الطيران الفعليه المؤجره 18 ساعه - الطياره تقعد اسبوع اسبوعين لما تكمل الساعات دى..
** أهم حاجه المُضيفه يكون معاها مُحرم - الكتريبنق :- كفيار , سلمون مُدخن , لازانيا , رُبيان , هامور فيليه ,, يجيبو معاهم صودا وتونيك وإى حاجه فاتح شهيه..
** أدفع ليهم من الرصيد العندك 180,000 $ - عشان عندنا مُشكله هنا فى الدووررررات - والمساء أغشى دكان عمك حمدناالله بتاع التياب فى شارع حمدان - بيديك 75,0000 درهم (نصيبك) - أنا دفعت لجماعتو هنا بالعمله المحليه _
** موضوع وصول الطياره دا مُهم جداً لضمان إستمرار العمل _ وإتحرك شويه شوف المُستثمرين _ مامعروف إمكن تجينا إستراحة مُحارب طـاشــه..
** إتصل بى على تلفون الثُريـــــا...
(عادى مُمكن يكون سرى وهام وعاجل وإى شخص يقرأ الرساله)
|
Post: #79
Title: Re: ## ياناس يودانيزونلاين باركووووا لى .. بقيت وزير !!! ##
Author: معاوية محمد الحسن
Date: 03-21-2013, 12:35 PM
Parent: #77
معقول ياسعادتك
انا أخر من يعرف
عموما الف مبروووك وان شاء الدقن والشالات المطرزة حا اجيبهم ليك معاي من هنا
يعني أخيرا نقدر نقول وداعا للغربة ونلم باقي الشلة ونرجع ياكرومة
غايتو انا عاوز أمسك الجوازات ياخي دي دخلها مليار فى اليوم
عليك الله خليني فيها بس شهر وبعد داك ان شاء الله تنقلني الاحتياطي المركزي
|
Post: #80
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 06:44 PM
Parent: #79
Quote: معقول ياسعادتك
انا أخر من يعرف
عموما الف مبروووك وان شاء الدقن والشالات المطرزة حا اجيبهم ليك معاي من هنايعني أخيرا نقدر نقول وداعا للغربة ونلم باقي الشلة ونرجع ياكرومة
غايتو انا عاوز أمسك الجوازات ياخي دي دخلها مليار فى اليوم
عليك الله خليني فيها بس شهر وبعد داك ان شاء الله تنقلني الاحتياطي المركزي |
** الصديق أبو محمد..
** مساءك خير..
** ياخوى جوازات شنو أنا مُحتاج ليك فى الدوحه دى .. فى نثريات المفاوضات ودا بند مفتوح لا فيهو إيصالات ولا فى زول عارفا هى كم شنطه مقفوله بالدووورررات بتجيك مع الحقيبه الدبلوماسيه السفير ذات نفسو مابكون عارف فيها كم ,,, قحط على الجماعه فى الصرف وشيل 40% والباقى حولو جزر البهامس بنك HSBC( رقم الحساب والسوفت كود فى الخاص) ..
** على بالطلاق مشيت ليك مشوار سويسرا مخصوص عشان الشالات والعمم الماخمج وبكل الألوان..
** وداعاً للغربه هو دابو كده غربتكم وترطيبتكم بدت..
(ودام الود بيننا لخدمة نفسنا وبعدين نشوف الوطن)
|
Post: #82
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 07:08 PM
Parent: #77
Quote: ****جارى البحث عن الاندكروزر لون زينب ولو مافي نطلب اللون ده من تايوتا اليابان
بس بنتمني مع الاندكروزر ده سعادتك يتكرم علينا وندخل 10 لاندكروزرات لون أبيض
و15 دينا و 15 حافلة و 100 ركشه باجاج منظمة أيد على أيد محتاجة تتوفر ليها موارد كويسة
عشان تقدر تقدم خدمات جيدة للمواطن |
** ود الجطيب ..
### D O N E
## بس بالله زيد فى الكوته دى عشر مواتر هوندا هديتنا للحزب (من باب :- أطعم الفم تستحى العين)
** فى زميلنا وزير ثقيل بالرغم مو وضوحنا وهدفنا من البدايه وقبل مانقعد فى الكرسى , بدأ يلسن علينا رسل اوتوس لبتو وبلى إستشن 3 لولدو وآيفون 5 لمرتو لانها هى الشاده القِده والأمور كلها فى يدها ..
## هام بوليصة الشحن بإسم المنظمه..
** على بالطلاق بالتلاته شِدة مامتكيف من شغلك النضيف القاعه الكُبرى للإجتماعات بالوزاره سميتا ود الخطيب هول ...
|
Post: #81
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 06:57 PM
Parent: #72
Quote: نحن في خدمة الوطن 24×24 _ عاي مدار الساعة _
تحياتي |
** مندوبنا الذى بجده غير (ودالخطيب)
** مساءك خير..
## والله وماطالبنى حليفه إنت الوحيد فى المناديب الشغال معاى صاح ,, بطريقتك دى قبل مانقفل السنه الماليه فى إحتمال كبير مجموعتنا دى والوليد بن طلال نركب فى سرج واحد.. صحى لى ود الـــقـــاضـــى دا عمل بس مُعاملتين ومِهببات وجماعتو ماناس حاضره وماعندهم الكاش البيقلل النقاش..
## بالله أرفع مستوى الخدمه الى :- 7x24X30 - رسلت شريحه وتلفون الثريا بالارمكس..
## عايزك تختف رجلك على تايلاند أو سنغافوره تجيب مليون سماعة بلوتوث ,, اصلو حا أطلع قرار إى سائق عند الترخيص إجبارى يشترى السماعه والمشروع دا شراكه بينى وبينك وأخو الريس ...(الرزف بيحب الخفيه الموضوع دا لسه بيناتنا التلاته فقط)
(ودامت خدمتنا للوطن والمواطن)
|
Post: #83
Title: Re: ## ياناس يودانيزونلاين باركووووا لى .. بقيت وزير !!! ##
Author: الزبير صالح الزبير
Date: 03-21-2013, 07:51 PM
Parent: #81
| Quote: المؤسسات الخاصه دى ماعندنا عليها سُلطه ,, لكن مُمكن أديك فى الوزاره |
الفيك اتعرفت يعني في مسئول في السودان يقول الجزء دة ما بنقدر عليهو
انا قصدي من الشغلة دي ما القروش انا عاوز اساهم مساهمة متواضعه في خدمة الشعب
عشان كدة كشك وزارتك دا ما بيخارج
ملحوظة اذا ما بتقدر علي الاحفاد البديل وزارة المالية كل موظفينها بقو حريم
|
Post: #84
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-21-2013, 10:23 PM
Parent: #83
Quote: الفيك اتعرفت يعني في مسئول في السودان يقول الجزء دة ما بنقدر عليهو انا قصدي من الشغلة دي ما القروش انا عاوز اساهم مساهمة متواضعه في خدمة الشعب عشان كدة كشك وزارتك دا ما بيخارج
ملحوظة اذا ما بتقدر علي الاحفاد البديل وزارة المالية كل موظفينها بقو حريم |
** ود صالح الزبير..
** جُمعتك مُباركه..
## والله كُشك الوزاره دا يأكلك الشهد..
** وبالنسبه لاصحابى بهمنى فى المقام الأول الترابط الأُسرى لانو ركيزه أساسيه لإستباب الأمن ,, يعنى أديك كُشك فى محل الجيكسى البقايض فى الشوارع دا وأخلق مشكله مع أُم الأولاد فى عـيـد الأُم..
|
Post: #85
Title: Re: ## ياناس يودانيزونلاين باركووووا لى .. بقيت وزير !!! ##
Author: Nader Abu Kadouk
Date: 03-21-2013, 10:37 PM
Parent: #84
من امتع البوستات رغم شتارة الاخ...........
ناصر الله يسامحك.........
يا سعادة الوزير شايفك ناسينا و كده...........
|
Post: #86
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-22-2013, 04:10 AM
Parent: #85
| Quote: Quote: يا سعادتك ناصر ده انت ما فهمتو ........ |
## ود ابو كدوك
## سلام
** ياخوى والله فهمتو بدل كشك إديتو السور كلو ,, بيعمل ليهو 25 كشك .. ومعاهو إعفاء من إى رسوم ..
(افو عليك فى زول بقصر مع أخوهو)
Quote: من امتع البوستات رغم شتارة الاخ...........
ناصر الله يسامحك.........
يا سعادة الوزير شايفك ناسينا و كده........... |
** الصديق ود ابو كدوك..
** جُمعتك مُباركه..
## والله ماناسيك (الرزق بحب الخفيه) فى مُهمات مابقدر أصرح بيها ,, ومن هو المُوكل بالقيام بها (أها دى ياها مُهماتك وبتجيك بالدى أتش ال)..
## ناصر أخوى هو وكيلنا المُعتمد الُمُصرح به بالإمارات ..(وبكون فى وكلاء زى اللهو الخفى)
** إى شتاره تخيل بقول بــــــــــــــــاص ,, حتى لو ورقى كويس وممكن يسيك ..(عـاد ماوزير وكدا)
## فى مثل بيقول :- الببارى الجداد بوديهو وين كدا ماعارف ................
## دى مهمه سريعه وسريه (داير لى فيلا فى لندن ,, وعلى بالطلاق ماتقول إى حاجه حقك محفوظ وعـودك راكب "التسجيل حيكون بإسم أُم الأولاد)
|
Post: #87
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-22-2013, 04:17 AM
Parent: #86
** إنتو ناس الرياض الفى السعوديه ديل ماعايزين يشتغلوا معاى ولى الرياض دى مافيها سعوديين مُرطبين **
** قــرار :- تـعـيين إبن خالى المُهندس طارق ميرغنى على مُصطفى مندوباً سامياً بالرياض ,, وشوف لى تمبس دا لو داير يخش معانا فى الشغل لانى مغروض فيهو لمشوار كوريا**
|
Post: #88
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-22-2013, 05:16 AM
Parent: #87
** الشعب الفضل إثراءاً لمبدأ الشفافيه الواحد من البدايه كان واضح معاكم إنى عاوز يكون نفسو فى المولد السيدو غائب ,, وعشان مافى واحد يمشى يعمل فيها شفته ويقعد يِطقس ويجى يكُب ليكم مكنات بحثت بى قوقل وسألت مصادرى الخاصه وعندى صاحبى بيعرف الوزير وأهلو ماكان عندهم حديده ويجى يكضب ليكم فى الموقع الإسمو سودانيزونلاين كأنو إكتشف الذره ..
** عشان كدا عايز أبصركم ياناس يـــودانيزونلاين - دخــلــت الوزاره أباطى والنجم.. الفنادق كنت بجى مارى بجنبها ومعلوماتى عنها محل نوم للناس الغُرباء الماعندهم مكان ينومو فيهو ..
** بعد جيت الوزاره بقو يجيبو لى الفطور والغدا منها على حساب الوزاره وضيوف الوزاره بنوديهم ليها عزومات على بالطلاق ماكنت قايل فى زووول بيعرف يطبخ أحسن من أُمى ومرتى ,, لكن لقيت ليك عــضــة الفنادق غــيــر..
** كنت ساكن بيت إيجار مجهج سيدو كل تلاته شهور فى حق الإيجار ..
** عندى عربيه جغروتا بتمشى المنطقه الصناعيه أكتر من المشاوير العايز أمشيها..
** أصحابى والناس البعرفهم بضايرو منى زى الزوول العندو مرض مُعدى (كرهتم ليك بالديون) بشيل طقاية دا بلبسا ليك فى رأس التانى عشان أقدر امشى أمورى...
## أها بحمد الله وفضله بعد ليبيا فتحت معاى :-(اللهم لاحسد)
## بقى عندى بيت 4 طوابق فى حى زمان بجنب كوشتو ماكنت بجى..
## تلاته عربات من الوكاله أكياس البلاستيك الفى المقاعد أبيت أفكها (نظام بوبار وكدا)..
## عماره 8 طوابق فى شارع رئيسى فيها 12 دكان و32 شقه .. (الكلام دا بقوولو عشان الإشاعات والتهويل)
## مزرعه 33 فـــدان بس.. (فيها 50 بقره فرزيان جبتهم من هولندا)
## عندى عمارتين لسه فى مرحلة التشطيب ..
## والله أنا أفقر واحد فى الجماعه المعانا فى الوزاره..
^
^
## وللمصداقيه خايف يجى واحد من الشمشرجيه يقول ليكم:- لى ما جاب سيرة حاجتو البرا .....
## عندى فيلا فى دُبى بإسم المدام..
## فيلا فى ماليزيا بإسم الوالده..
## فيلا فى الريف الإنجليزى بإسم المدام..
## شقه فى تركيا بإسم ولدى..
## شقه فى إسبانيا (ماربيلا) بإسم بتى..
## فيلا فى شرم الشيخ بإسم ود أُختى..
## عندى أرصده بسيطه مصاريف فى جزر الكنارى والباهامس ودبى وماليزيا وسويسرا ولندن وإسبانيا..
** أها ياجماعه أنا كتاب مفتوح ماتصدقو إى إشاعات أو تهويلات ,, وللعلم الكلام الفوق دا كلو مافيهو حاجه بإسمى ..(قايلين كيشه)
## تحوطأً قال من إيه قوانين :- (من اين لك هذا) و (الثراء الحرام) ... أستغفر الله .. هى لله ,, هى لله ,, لا للسلطه ولا للجاه ...(الأيادى والعصايات فووووق) ^
^
^
## أها بعد جيهت نفسى وناسى وأصحابى ,, بعد دا نتفرغ لموضوع الوزاره
|
Post: #89
Title: Re: ## ياناس يودانيزونلاين باركووووا لى .. بقيت وزير !!! ##
Author: ALGARADABI
Date: 03-22-2013, 06:10 AM
Parent: #88
| Quote: وأفيدكم بأننى راجل مُوحد وأخاف ألا أعدل بينهن ..(شوفت الإيمان دا كيف!!!! |
شوف يا خوي ، مافي وزير بخاف من مرتو.... بالطريقة دي ما بتعمر في الوزارة
هنع .....آل القطر و الأجر على الله
|
Post: #90
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-22-2013, 06:29 AM
Parent: #89
Quote: شوف يا خوي ، مافي وزير بخاف من مرتو.... بالطريقة دي ما بتعمر في الوزارة
هيع .....آل القطر و الأجر على الله |
** عمر ياخوى ..
** إنت إشتغلت قبل كدا وزير ؟؟؟
## عشان لو ليبيا فتحت عليك زى مافتحت علينا ,, لازم تعرف إنو مرة الوزير هى البتمشى الوزاره ,, الكلام دا ختو حلق فى اضانك الكبيره دى..
|
Post: #91
Title: Re: ## ياناس يودانيزونلاين باركووووا لى .. بقيت وزير !!! ##
Author: عفاف الصادق بابكر
Date: 03-22-2013, 03:19 PM
Parent: #90
من احلى البوستات قبل الارشفه بايام عليك الله خلى البوست مواصل لاخر العام يمكن الله يقول ليها كونى هههههههههههه ..
غايتو عن نفسي سعيدة جدا بالوزارة واصبحت مطمئنه على وضع الدرة وحمودي .... عاد يا مولانا خليتهم ليك فى رقبتك امانه هههههههههههههت
|
Post: #92
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-22-2013, 03:38 PM
Parent: #91
Quote: من احلى البوستات قبل الارشفه بايام عليك الله خلى البوست مواصل لاخر العام يمكن الله يقول ليها كونى هههههههههههه ..
غايتو عن نفسي سعيدة جدا بالوزارة واصبحت مطمئنه على وضع الدرة وحمودي .... عاد يا مولانا خليتهم ليك فى رقبتك امانه هههههههههههههت |
** أُختى بت الصادق..
## سلام وجمعتك مُباركه..
** أها ثبتنا كُرعينا ,, وعندى مُنظمة إيد قى إيد تجدع بعيد وتراعى الوليد _ عايزك تكونى مسؤوله عن الباحثات الإجتماعيات .. ومافى إى مُشكله تداومى فى الشهر يوم يومين ,, وتاجرى ليك واحده تكونى بتثقى فيها تمسك ليك شغلك ..
## أفوووو عليك الدُره وحمودى يمشو مع اولادى يقعدوا فى الفيلا بتاعت كندالما يكملو الجامعات..
(ودام الراعى فى خدمة الرعيه)
|
Post: #93
Title: Re: ## ياناس يودانيزونلاين باركووووا لى .. بقيت وزير !!! ##
Author: عباس محمود
Date: 03-22-2013, 10:39 PM
Parent: #92
سعادة الوزير
بمنتهي الوضوح والشفافية اري انك تعطي الوعود المميزة لي ناس بحري والجزيرة
اقترح علي سيادتكم ان يتم الموضوع ( بالمحاصصة ) ويكون برضه لي جبل اولياء نصيب
اتمني لك فترة خالية من الاستجوابات امام البرلمان ( الصوري ) او نقة الصحفيين
لك الشكر وبعدها ..... اي هتاف ومرفوع معاه سبابة يدي ا ليمني
|
Post: #94
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-23-2013, 07:05 AM
Parent: #93
سعادة / الوزير حفظه الله ذخر للوطن
صباحك زين ,,,
Quote: ## عايزك تختف رجلك على تايلاند أو سنغافوره تجيب مليون سماعة بلوتوث ,, اصلو حا أطلع قرار إى سائق عند الترخيص إجبارى يشترى السماعه والمشروع دا شراكه بينى وبينك وأخو الريس ...(الرزف بيحب الخفيه الموضوع دا لسه بيناتنا التلاته فقط)
|
فعلا انا من يوم الخميس في رحلة (( ماكوكية )) هسه جاى من المطار ..
والتفاصيل في الخاص ما عوزين القراء يحسدونا على النعّم والبركات وهي تتنزل ...
وده من باب دارى علي شمعتك تولع زيادة .....
****
Quote: ## هام بوليصة الشحن بإسم المنظمه..
|
عديلة .........وياريت سعادتك مع منظمة (( أيد على أيد ت جدع بعيد )) سجل لينا منظمة صغيرونه ( دخلوها وصقيره حام )
بتنفع برضوا لانوا ما عوزين كل بوالص الشحن تتركز على منظمه أيد على أيد كل ما سجلنا منظمات
أكتر ... شتتنا العيون وكترنا الجهات المستفيدة ولو شكليا على الاقل ..... باقي التفاصيل حاتصل بيك في تلفونك الثريا
وكلوا من أجل الوطن وفي خدمت الوطن ..............
تحياتي
|
Post: #96
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-23-2013, 11:53 AM
Parent: #94
| Quote: فعلا انا من يوم الخميس في رحلة (( ماكوكية )) هسه جاى من المطار ..والتفاصيل في الخاص ما عوزين القراء يحسدونا على النعّم والبركات وهي تتنزل ...وده من باب دارى علي شمعتك تولع زيادة ..... |
** ود الخطيب ..
** سلام وصباحك خير.. و (جـــاخ) - دى طبعاً جــ زاك الله خــ يراً
## اها الامور تتم وتمشى على حسب ماتم الإتفاق عليه تلفونياً..
## السماعات دى تتحرك بنفسك وتجيبا فى الرحله 632 بكره إقلاع الساعه 19 ووصول الساعه 23 وأنا مجهز ليك الورديه عشان تتخارج حتى لو شايل هيرويين وجبت معاك عمل المصور فى قزازة الجون ووكر..
|
Post: #97
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-23-2013, 12:09 PM
Parent: #94
Quote: عديلة .........وياريت سعادتك مع منظمة (( أيد على أيد ت جدع بعيد )) سجل لينا منظمة صغيرونه ( دخلوها وصقيره حام ) بتنفع برضوا لانوا ما عوزين كل بوالص الشحن تتركز على منظمه أيد على أيد كل ما سجلنا منظمات
أكتر ... شتتنا العيون وكترنا الجهات المستفيدة ولو شكليا على الاقل ..... باقي التفاصيل حاتصل بيك في تلفونك الثريا
وكلوا من أجل الوطن وفي خدمت الوطن ...... |
** ود الخطيب ..
** والله وماطالبنى حليفه كرهت أغانى السيره عشان الأُغنيه دى الكرهونا بيها العيشه ومعاها واحده تانيه كده زيها ..
## ماعليك خلينا فى منظمتنا دى لأنها إنسانيه وتستقى إسمها من مورثنا الثقافى فى التكافل الإجتماعى (والله الكلام الكبير دا الواحد بيقولو لمن يصدقو ذاتو ,, مع إنو عارفو مكنه)
## بتاع الجمارك زووولنا عــديل ومرتو صاحبة المدام وماقاعدين نقصر معاهم ,, ومبسوط منى - (اكتر من شريف الولايه الفى إفريقيا ديك)
## بالله سِـــرع وتيرة العمل باقي لينا فى الوزاره دى 4 شهور ونتخارج ...
(سلام للأولادوتحياتى)
^
^
^
## التريب بتاع السماعات ماتنساهو بكره - سلم فى المطار وأرجع والمندوب حايديك كبير فيهو التشاتير بتاعت عمولة السماعات وتذاكر سفر للأولاد إسبانيا عشان إجازة الربيع _
** أنا زووول حقانى بدفع عمولات الناس الشُغلا نضيف حتى قبل ماأصِرف البضاعه  [/
|
Post: #95
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-23-2013, 11:40 AM
Parent: #93
Quote: سعادة الوزير
بمنتهي الوضوح والشفافية اري انك تعطي الوعود المميزة لي ناس بحري والجزيرة اقترح علي سيادتكم ان يتم الموضوع ( بالمحاصصة ) ويكون برضه لي جبل اولياء نصيباتمني لك فترة خالية من الاستجوابات امام البرلمان ( الصوري ) او نقة الصحفيين
لك الشكر وبعدها ..... اي هتاف ومرفوع معاه سبابة يدي ا ليمني |
** الصديق ود محمود..
## صباحك خير..
## دى جيه من مجلس الوزراء ومدير المكتب لقيتو خاتى لى مُذكره منك..
## السياسه الشغال بيها هى سياسة الستينيات والسبعينيات (زمن الجوز كان 3 فرد والدسته 18 والإبريق بوضئ جامع وزاويتين) وأزيدك من الشِعر بيت مجلس بلدى بحرى كان يتبع له الآتى :-
## توتى - الكلاكلات - جبل الأولياء -
## الباعوضه - الجزيره إسلانج - السروراب - - أها داخليين ولى ماداخليين - ياخى ديل جوا الجك ..
## ياراجل برلمان شنو - الجماعه ديل بيجو يوم الماهيه وصرف الحوافز - مافى زول من الزملاء الوزراء شغال بيهم الشغله..
## أنا وزير من جبهة الأحزاب المُتصالحه ودخلت مخصوص عشان إنتهى ليك من حكايات العـــصـــايـــــات والأصــــابـــع المرفوعه التى تستفز الشعب الفضل..
^
^
^
** كسره :- طبعاً إجتماعنا كلها فشنك وكذب وزى سوق الحراميه الجنب سوق الخضار الكان فى العاصمه - طلعت ليك قرار إى شخص يتواجد فى مكان عام أو إحتفال أو إجتماع يحمل عــــصـــــاه يتم مصادرتها فى الحال بإعتبارها حيازه لسلاح أبيض ,, وإذا إحتج أو قاوم يتم حبسه أسبوع حتى ولو كان سيد الجنينه ذاتو..
(ودام الود بيننا لخدمة أنفسنا وأصحابنا)
|
Post: #98
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-23-2013, 12:10 PM
Parent: #95
سعادة / الوزير _ الظاهر اليوم معاليك مشغول شوية ربنا يعينك على مهامك الوطنية _
نهارك سعيد ,,,
Quote: ## بس بالله زيد فى الكوته دى عشر مواتر هوندا هديتنا للحزب (من باب :- أطعم الفم تستحى العين)
** فى زميلنا وزير ثقيل بالرغم مو وضوحنا وهدفنا من البدايه وقبل مانقعد فى الكرسى , بدأ يلسن علينا رسل اوتوس لبتو وبلى إستشن 3 لولدو وآيفون 5 لمرتو لانها هى الشاده القِده والأمور كلها فى يدها ..
|
هو الحزب لسه بركب مواتر سيزوكي سوداء ...
دي مرحلة وخلصت حنجيب ليهم عربات هونداي كورية
مع أني ما عوز سعادتك تفتح باب زي ده لانوا الحزب ده بالذات مهما ( أطعمتوا )
لسان حالوا ( هل من مزيد ) لا بشبع ولا بستحي ...
طبعا كلامك أوامر عليا وجاري شحن 10 هونداي أكسنت بيضاء برمز الشجرة الخضراء
هدية لشباب الحزب من عينة المؤلفة قلوبهم ...
الأعضاء الراسخين أبعد منهم لو حتهديهم عربات أقل عربية حتكون BMW الحوت ....
*** الوزير ده أنساهوا عملنا اللازم معاهوا ... قبل شوية قابلوا جماعتنا في مكتبوا
وشرحوا لى خطورة التعرض لمعاليك تحت بند البيتوا من قزاز ما يفلع بيوت الناس بالطوب
ووريناهوا أنو ملفوا ما ناقص ... فتفقنا على التطبيع وحسن العلاقات والتعاون المثمر من
أجل الوطن ...
****بالمناسبة استلمنا منو شيك بمبلغ مائتان مليون مساهمه منو في جهود منظمة أيد على
أيد في خدمة الوطن والمواطن وعربون محبه منو وتقدير لجهودكم الوطنية
سعادتك اطمئن نحنه في خدمة معاليك وخدمة الوطن
تحياتي
|
Post: #99
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-23-2013, 02:51 PM
Parent: #98
Quote: *** الوزير ده أنساهوا عملنا اللازم معاهوا ... قبل شوية قابلوا جماعتنا في مكتبوا وشرحوا لى خطورة التعرض لمعاليك تحت بند البيتوا من قزاز ما يفلع بيوت الناس بالطوب
ووريناهوا أنو ملفوا ما ناقص ... فتفقنا على لتطبيع وحسن العلاقات والتعاون المثمر من
أجل الوطن ... |
## مندوبنا الهُمام ود الخطيب .. جـــــــــاخ - (مرة أُخرى)..
## ونحمد الله كثيراً أن الداتا العملناها للوزراء والمسؤوليين وخارجناها برا البلد إنكم إستغليتوهـا فى مكانا الصحيح لدرجة إنو اليوم فى إجتماع المجلس صاحبنا مارفع عيونو من البلح ومزة المدمس ..
## بس بالله البلى إستيشن 3 رسلو القصر بسرعه لانو مساعـد الريس نسى حقو فى لندن ,, وماعايز يدرعـو لي المهمه فى رقبتى دى ... رسلو زول يجيب ليهو العده حقتو هو كلو سعرو أقل من 400$ يرسلو ليهو واحد فى مهمه رسميه تطلع بـ 40,000 جنيه إسترلينى.. (شفتا الأمانه دى كيف !!! مع إنو من مصلحتى أمشى اجيب البتاع النساهو دا من لندن أو أرسل إى واحد من المناديب)[/B](ولكن حرصاً على المال العام أخير أدفع من جيبى ولا أخسر الدوله) (إيه الأمانه دى كلها .....)
Quote: ****بالمناسبة استلمنا منو شيك بمبلغ مائتان مليون مساهمه منو في جهود منظمة أيد على
أيد في خدمة الوطن والمواطن وعربون محبه منو وتقدير لجهودكم الوطنية |
** الحمد لله هذا من فضل ربى -
## بالله عشان الناس يذكرونا بالخير المبلغ دا :- رسل بيهو حليب بودره ,, وبانبرس ,, وكورن فليكس , سيريلاك , والفواكه المُعلبه بتاعت فارليز للأطفال (أهم حاجه فى الإرساليه دى تشوف تاريخ الصلاحيه )(دى لله كمان نجيبا ضاربه تسمم الشُفع) وشوف لى أدوية أطفال بتاعت حُمى وفيتامينات وإنتي بايوتك سيرب ,, ودريبات - الحاجات دى برسل ليك طيارتى المأجره من طيران الأمارات تجيبا بنفسك وتسلما لواحد إسمو نعيم على من جماعة دولة سودانيزونلاين هو الوحيد البنثق فيهو يوصل الحاجات للأطفال .. (تلفونو رسلت ليك على الثُريا) ^
^
** بعد الترطيبه دى عايز أتفرغ فى الشهور الباقيه أشوف موضوع الترتيبات فى الوزاره قبل ماتجينا إستراحة مُُحارب طاشه , الواحد يقدم إستقالتو ويتخارج بالقسمه الكتبا ليهو ربو .. ( شوف الإيمان دا كيف !!!!!!!!!!!!)
|
Post: #100
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-24-2013, 12:53 PM
Parent: #99
## قـرارات :-
1\ إلــغـــاء تـأشـيرة الخروج لمخالفتها لدستور دولة يودانيز..
2\ تحسين معاشات المُحالين للصالح "الخاص"..
3\ تخفيض رسوم إصدار الباسبير والجناسى..
4\ سحب الباسبير والجناسى من إى مخلوق تم منحه لها بما يخالف القانون ..
5\ إنشأ ساحة التظاهر السلمى بنفس مواصفات الهايدبارك.. (ودى عندها قصه سوف تورد لاحقاً)
6\ إلغاء رسوم فتح البلاغات الجنائيه..
|
Post: #101
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-24-2013, 01:19 PM
Parent: #100
| Quote: 5\ إنشأ ساحة التظاهر السلمى بنفس مواصفات الهايدبارك.. (ودى عندها قصه سوف تورد لاحقاً) |
** زميلنا وزير شؤون الأديان , وقف لى فى حلقى وحلف بدينو وإيمانو إنو الساحه دى هو طلبا قبل سنه عشان يدرب فيها العباد على إداء المناسك..
** قلت ليهو ياخى ماادوك ساحه جاهزه ومنجله .. تخيلو قال شنو:- الساحه ديك للتدريب على الحج , وعايز يعمل الجديده للعُمره , والله جماعتى ديل الواحد فيهم أصلو مابيشبع , ناسيين ود الأحد نُهائى - هسه سمعتو ليكم بى زووول شتت دفنو معاهو قروشو ولى الحاجات اللأحسا!!
## اها بعد ماإتدخل الريس وأقنعتو بأهمية ساحة التظاهر من ناحيه أمنيه للتنفيس على الشعب الفضل , صاحبنا جرا واطى..
^
^
^
## يوجد بالساحه مكتب للأمم المُتحده إى جماعه عايزين يسلمو مُذكره سهلنا ليهم الموضوع وبقى أبولستك منو وفيهو.
## مكتب لوزارة الخارجيه لتسليم العرائض وطلبات اللجوء للسفارات الأجنبيه .
## مكتب وزارة الداخليه لتصديقات المظاهرات برسوم إسميه (خمسه مليون) وهى عباره عن حوافز للعساكر الذين يوفرون الأمن للمتظاهرين... ( على بالطلاق ماداخل لى منها إى مليم أحمر فى جيبى)
## توجد بأركان الساحه كافتريات وشيشه لخدمة المُتظاهرين ودى بالواضح عطاء وقع لود أُخوى ..
^
^
^
## بعد كده لاعـذر لمن أُنــذر اشوف لى جماعه شايلين ليهم يافطه ولا مُجمعين فى مكان غير الساحه دى إفكهم منى الجليل الرحيم ..
|
Post: #102
Title: Re: ## ياناس يودانيزونلاين باركووووا لى .. بقيت وزير !!! ##
Author: Khalid Elmahdi
Date: 03-24-2013, 01:21 PM
Parent: #90
| Quote: لازم تعرف إنو مرة الوزير هى البتمشى الوزاره ,, الكلام دا ختو حلق فى اضانك الكبيره دى.. |
الراجل ده يا سعادتك، ما عارف انو القانون هنا : سيروا بسير رؤساءكم..
داير يجب ليك كفوة مع كبارها..
|
Post: #103
Title: Re: ## ياناس يودانيزونلاين باركووووا لى .. بقيت وزير !!! ##
Author: Khalid Elmahdi
Date: 03-24-2013, 01:32 PM
Parent: #102
ياخي زي ما طمنتنا على طلبات ناس المزاد.. أنا لي طلب بسيط، لو ممكن جامع حاج أنسه ده تحولو باسمي وكمان عايز لي جنبو فيلل (يعني جمع فيلات) وكان ما وقع ليك كلامي ياخي زي بتاعات كافوري ديك..
ان شاء الله تكون فهمت قصدي، عدم المؤاخذة يعني، أصلو سمعنا انو الوزراء لازم يكون عندهم مواصفات خاصة، عشان كده عايزك تكون فهمت كلامي بتاع الفيلل، فهمت؟
|
Post: #104
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-24-2013, 01:45 PM
Parent: #103
Quote: ياخي زي ما طمنتنا على طلبات ناس المزاد.. أنا لي طلب بسيط، لو ممكن جامع حاج أنسه ده تحولو باسمي وكمان عايز لي جنبو فيلل (يعني جمع فيلات) وكان ما وقع ليك كلامي ياخي زي بتاعات كافوري ديك..
ان شاء الله تكون فهمت قصدي، عدم المؤاخذة يعني، أصلو سمعنا انو الوزراء لازم يكون عندهم مواصفات خاصة، عشان كده عايزك تكون فهمت كلامي بتاع الفيلل، فهمت؟ |
** الصديق ود المهدى..
** صباحك خير..
## ياخوى مالك داير تبوظ علاقتى مع رب العباد ,, نحنا بنلحس من مال الحيكومه بس , وفى بيوت الله تلقانا بنبكى ساعة خُطبة الجمعه..
## وحليفتنا فى المجلس بس سوق السبابه كُلها على بالطلاق (بس مابتعرف الحلفو عليها الأولى ولى الرابعه) - هسه على بالطلاق ماترجع فاضى تجى تشيل إستاد التحرير أصلو هو حقنا وقلعهو مننا زنديه أهو قلعتو ليك إن شاء الله تعملو مول .. بلا رياضه بلا لمه هو وينون اللعيبه اليعملو ليهم إستاد..
## يتم تسجيل إستاد التحرير بإسم خالد المهدى وحرمه.. (دا عشان المال السائب مايقرك زينا وتقوم تدبل فى المدام)
|
Post: #105
Title: Re: ## ياناس يودانيزونلاين باركووووا لى .. بقيت وزير !!! ##
Author: أمير محمد ادريس
Date: 03-24-2013, 02:05 PM
Parent: #104
وانا برضو حاجز كرسي مندوبكم في الرياض وما جاورها ..
-----------------
ده شنو يا سعادتك ده تهميش عديل كده ،، اسمح لي سعادتك انا يمكن اكون من اول الناس اللي حيرفعو لافتات الاحتجاج عديل كده الا اذا كانت في ترضية كده.. يعني كده.. ممكن نعمل سكتم بكتم ..
|
Post: #106
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-24-2013, 02:15 PM
Parent: #105
سعادة الوزير
أطيب تحية
| Quote: حرصاً على المال العام أخير أدفع من جيبى ولا أخسر الدوله) |
أنت يا سعادتك من زمن جيبك الخاص وجيب الدولة العام
هسه (( الجيب وأحد ))
---------
جارى العمل لتنفيذ توجيهات سعادتكم
*** فكرة ساحة الاحتجاج ممتازة وتحتاج لمزيد من التفاكر بخصوص الاستثمارات الممكن يتم إلحاقة بالمشروع
لمزيد من العائدات والارباح _ في الخاص بتلقي تصور كامل للانشطة الاستثمارية الممكن تلحق بالساحة _
**** بتمني برضوا تلقي لينا فرقة مع وزير الحج والعمرة نستثمر في ساحة التدريب بتاعتهم
ممكن نلحق أسواق ومحلات وإضافة مادة في التدريب تتعلق بسلوك الحجاج في الاسواق والمولات ....
البلد ده كنز لايفني ووطن الفرص المتواصله
نحن في خدمة سعادتكم حفظكم الله وابقاكم زخر للوطن .............
تحياتي
|
Post: #110
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-24-2013, 05:47 PM
Parent: #106
Quote: *** فكرة ساحة الاحتجاج ممتازة وتحتاج لمزيد من التفاكر بخصوص الاستثمارات الممكن يتم إلحاقها بالمشروع
لمزيد من العائدات والارباح _ في الخاص بتلقي تصور كامل للانشطة الاستثمارية الممكن تلحق بالساحة _ |
** أنشط مندوبين الوزاره ود الخطيب..
## مساءك خير..
## تم الإطلاع وجارى التنفيذ.. أُخد ليك خفسه للصين مُحتاجين 1500 شيشه للمحلات الموجوده فى الساحه ..
Quote: **** بتمني برضوا تلقي لينا فرقة مع وزير الحج والعمرة نستثمر في ساحة التدريب بتاعتهم
ممكن نلحق أسواق ومحلات وإضافة مادة في التدريب تتعلق بسلوك الحجاج في الاسواق والمولات .... |
** ياخى دا خايفو يخنق .. أصلو مابوسع مواعين الإستثمار قافل الموضوع عليهو وأخوهو وراجل بتو .. لكن لو هو عامل فيها طرزان أخوك سبيدارمان الوكالات البتفوج الحُجاج والمُعتمرين حيتصلو بيك وظبطت الأمور معاهم ... إستلم من عندك .. أها زولو الفى السعوديه وقفت ليك نثرياتو وراتبو !!!!!!!!!!
|
Post: #107
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-24-2013, 05:23 PM
Parent: #105
| Quote: ده شنو يا سعادتك ده تهميش عديل كده ،، اسمح لي سعادتك انا يمكن اكون من اول الناس اللي حيرفعو لافتات الاحتجاج عديل كده الا اذا كانت في ترضية كده.. يعني كده.. ممكن نعمل سكتم بكتم .. |
** الأمير إبننا أمير..
** لايوجد تهميش بس مندوب الرياض عندو مواصفات خاصه ,, لكن بنجربك فى شغلتين كان بقيت نجيض فيهن نسلم الرياض وماجاورها ومابعد عنها.
## المهام بتجيك بالارامكس
|
Post: #108
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-24-2013, 05:34 PM
Parent: #107
Quote: Gamal Musbal Rahmat Alla
كيكى الجميل انا حاطعن في تعيينك وزير داخليه لانك راجل انفصالي زيك وزي الخال الرئاسي واهل جريدته اين (صورة الارانديت) صاحب الكدوس التي كانت تزين بروفايلك والا عشان الجماعه وعدوك تحت تحت بالوزارة شيلتها من بروفايلك وتسقط تسقط احلام الفولنجيه. |
** المُشاركه دى من الحله الورانيه ..
** الأخ جمال ..
** سلام ومساءك خير ..
## تشابه عليك البقر بين :- الكيكى و الماكيكى - وتخيل الإثنين أصحاب ..
** الماكيكى بقى وزير فى دولة يودانيز..
## وكيكى لايزال من عوام الشعب الفضل وينازع لإسترداد الحقوق المسلوبه ..
(ودام الود بين الجميع)
(ابو محمد فؤاد) - الماكيكى...
|
Post: #109
Title: Re: ## ياناس يودانيزونلاين باركووووا لى .. بقيت وزير !!! ##
Author: ولياب
Date: 03-24-2013, 05:34 PM
Parent: #107
سعادة الوزير الأمين / عبد الكريم الأمين
سلام عليكم ورحمة الله وبركاته
أسمح لي ودعني أن أنقل لكم صادق التهاني والتبريكات للمنصب الجديد الذي صادف أهله (من ربوع الجزيرة) ونظراً للنقص الحاد لدينا من وزراء ومسئوليين ، نأمل من سعادتكم النظر بعين العطف والاعتبار بتعيين خال عيالي ( المستشار ياسر دوانة) مستشاراً لكم ، وبعد داك نحن وكل الأهل (بنجو وراه العفش) .
مقدمه
أحمد أبوالعباس / مواطن من نواحي حلفاج
|
Post: #111
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-25-2013, 05:44 AM
Parent: #109
Quote: أسمح لي ودعني أن أنقل لكم صادق التهاني والتبريكات للمنصب الجديد الذي صادف أهله (من ربوع الجزيرة) ونظراً للنقص الحاد لدينا من وزراء ومسئوليين ، نأمل من سعادتكم النظر بعين العطف والاعتبار بتعيين خال عيالي ( المستشار ياسر دوانة) مستشاراً لكم ، وبعد داك نحن وكل الأهل (بنجو وراه العفش) .
مقدمه
أحمد أبوالعباس / مواطن من نواحي حلفاج |
** ود أبو العباس..
## سلام وصباحك خير..
** اول بالتبادى جحا أولى بلحم تورو .. يعنى أنا أشوف مصلحتك إنت أولاً بعدين أنت تشوف الناس الجايين من طرف حكومتك..
** تخش إنت وبعدين العفش ملحوق (بيجى مع المُمثله)..
** عندنا نقص فى المناديب بالرياض إبن خالى (طارق ميرغنى) فى إجازه سنويه (أمير إدريس) مندوب مؤقت تحت الإختبار (تمبس) لم يرد حتى الآن بقبول المهمه او رفضها... تعتبر حالياً أنت مندوبنا المُعتمد رسمياً بالرياض (فى الخاص العقد بتاعك ونثرياتك " لى ويسترن يونيون" وأرقام حساباتنا)..
## لو دخلت أخو الحيكومه قبل ماتخش إنت إحتمال كبير يعمل ليك :- (عبدالفتاح حمد) شوف أنا براعى لمصلحة ناسى كيف ؟؟!!!!
## إتحرك فى الشُغل شويه باقى من الزمن 4 أشهر ونهاجر نلحق الأولاد ..(مافى وزير فى دولتنا دى اولادو قاعدين معاهو كلهم يا فى كندا أو بريطانيا أو أُستراليا أو امريكا أو دُبى وفى ناس فى حتات والله فى الخريطه مابقدر أطلعا)
(وزبر الداخليه والمصالح الخاصه)
|
Post: #112
Title: Re: ## ياناس يودانيزونلاين باركووووا لى .. بقيت وزير !!! ##
Author: ابراهيم عبدالناصر
Date: 03-25-2013, 06:56 AM
Parent: #111
سعادة الوزير المبجل
لست طامع في مركز أو كرسي
فقط حضور لندعو لك الله سبحانه وتعالى بدوام الصحة وموفور العافيه
ودمت دوماً في خدمة الشعب والرعيه
|
Post: #113
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-25-2013, 08:30 AM
Parent: #112
فـــراغ عـجـيـب
|
Post: #114
Title: Re: ## ياناس يودانيزونلاين باركووووا لى .. بقيت وزير !!! ##
Author: عماد قريش
Date: 03-25-2013, 08:40 AM
Parent: #113
أخونا عز الدين ده شكلوا زعلان منك لأنك ماعبرتوا بمنصب فى وزارتك
وعشان إنت ماعايز معارضة أنا بقترح إنك تمسكوا مكتب العلاقات الخارجية والإتصال
|
Post: #117
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-25-2013, 09:24 AM
Parent: #114
Quote: أخونا عز الدين ده شكلوا زعلان منك لأنك ماعبرتوا بمنصب فى وزارتك
وعشان إنت ماعايز معارضة أنا بقترح إنك تمسكوا مكتب العلاقات الخارجية والإتصال |
** ود قريش..
## سلام وصباحك خير..
## ياخوى أنا وزير من الأحزاب المُتصالحه مع النظام اللاحضارى ,, وكل زووول أحسن يشوف ناسو ,, معقول بس اشيل اصبعى اطبز بيهو عينى شوفت ليك وزير اعوووووور ..
## يعنى أضحى بود القاضى و ود الخطيب ود أحمد الأمين "ناصر" وتمبس وأمير إدريس و ولياب وإبن خالى طارق ميرغنى وحبيب نوره ..
** أها إنت رأيك شنو ؟؟؟
(ودام الوزير فى خدمة رعاياالأحزاب المُتصالحه)
^
^
^
## ياعمده ماتجى تمسك ساحة التظاهر السلمى وإيراد الكافتريات عندك فيهو 20% .. على بالطلاق ماتقول إى حاجه .. إقامتك ماتلغيها ...
|
Post: #115
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-25-2013, 08:52 AM
Parent: #113
صباح الأنوار والاستثمار سعادتك ...
Quote: ** ياخى دا خايفو يخنق .. أصلو مابوسع مواعين الإستثمار قافل الموضوع عليهو وأخوهو وراجل بتو ..
لكن لو هو عامل فيها طرزان أخوك سبيدارمان الوكالات البتفوج الحُجاج والمُعتمرين حيتصلو بيك وظبطت الأمور معاهم ... إستلم من عندك .. أها زولو الفى السعوديه وقفت ليك نثرياتو وراتبو !!!!!!!!!! |
أتصل على من صباح الرحمن نشوف لى طريقة ترجعوا الراتب والنثريات
ووعدني أنوا برضوا حيشوف طريقة مع وزيرهم بنظروا في حته توسيع مواعين الاستثمار
لاجل وطن ذو مواعين تسع الجميع ... أو أديهوا شوية وعود محتاجنوا كم شهر لقدام
نشوف خطة العمل العندوا ويوصلنا للناس البتعاونوا معاهوا ... وبعد داك يحال للصالح العام
مع شهادة تقدير وأمنيات بالتوفيق في عمل أخر ... ومبلغ كويس كمكأفاة تقاعد
**
بالجنبه :
سعادتك الموطن ده بشكوا من ( فراغ عجيب ) .......حقوا تشوف لى مندوب هناك
بدل ما يقعد كل مرة ينط لينا في البوست زي (( فرقع لوز )) ...
وعاش السفّرجل في سلام مع الحّرجل
|
Post: #116
Title: Re: ## ياناس يودانيزونلاين باركووووا لى .. بقيت وزير !!! ##
Author: أمير محمد ادريس
Date: 03-25-2013, 08:55 AM
Parent: #115
فـــراغ عـجـيـب
----------------
وانت جيت داخل هنا بياتو صفه يالحبيب
|
Post: #119
Title: Re: ## ياناس يودانيزونلاين باركووووا لى .. بقيت وزير !!! ##
Author: عماد قريش
Date: 03-25-2013, 09:46 AM
Parent: #116
| Quote: ## ياعمده ماتجى تمسك ساحة التظاهر السلمى وإيراد الكافتريات عندك فيهو 20% .. على بالطلاق ماتقول إى حاجه .. إقامتك ماتلغيها ... |
والله عشان حليفتك دى أنا موافق يعنى ماعشان ال 20% رغم إنك ختيتنى فى خانة الهتيفة
| Quote: وعاش السفّرجل في سلام مع الحّرجل |
وكما قال أخونا عبد الناصر أنا حأرسل لود الفحل كميات من الحرجل المركز من الكافتيريا تخليه قاعد فى البيت زى الولد فى كاركتير محمد الحلو
ويبطل الرحلات المكوكية عشان مايتطاول على المقامات
|
Post: #120
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-25-2013, 09:52 AM
Parent: #116
** منوبنا السامى بالرياض المير أمير ..
## صباحك خير..
| Quote: ## المهام بتجيك بالارامكس |
** إن شاء الله تكون إستلمت ,, أضف الآتى :- 1650 لاب توب للوزاره (فى الحقيقه الوزاره عندها 150 بس) الباقى إستثمار..
## حولت ليك التشاتير فيها حق التذاكر وحقك ...(شُغلنا دائماً على مويه بيضا)
## بالنسبه للناس العندها فراغ وتريد أن تُثنينا عن أداء مهام عملنا :- بــــــــــاص ...
## لو فى إى حاجه إتصل على الثريا .. الآرضى لا ... موبايلات الحكومه لا..
|
Post: #121
Title: Re: ## ياناس يودانيزونلاين باركووووا لى .. بقيت وزير !!! ##
Author: سامى عبد المطلب
Date: 03-25-2013, 09:56 AM
Parent: #116
تهانينا لكم سيدى الوزير وادامكم الله ذخراً للوطن والمواطنين
نرفع طلبنا لسيادتكم نحن مواطنى الجزيره اذ اننا نشتكى من قله الضرائب والعوائد ومحاصيل مشروعنا لا تخضع لشعيره الزكاه حتى لو تجاوز الانتاج النصاب ...!
اما بالنسبه لمنطقتنا فوزاره الطرق والجسور تصر على تشييد طريق يربط بين اللعوته المعيلق ابوعشر وكلمناهم قلنا ليهم ما فى داعى يكلفوا نفسهم اليودوهو حته تانيه وهم مصريين
يا ريت سيادتك تتدخل وتكلم الوزير المعنى بالغاء الطريق او تحويله لجهه اخرى لانو اولادنا خربانين وحيستعملوا الطريق ده للتفحيط بسياراتهم الفارهه التى وفرتها لهم وزاره النقل ...!
وعاش تحالف البحراوجزراويين ....!
|
Post: #123
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-25-2013, 10:59 AM
Parent: #121
| Quote: نرفع طلبنا لسيادتكم نحن مواطنى الجزيره اذ اننا نشتكى من قلة الضرائب والعوائد ومحاصيل مشروعنا لا تخضع لشعيره الزكاه حتى لو تجاوز الانتاج النصاب ...! |
** إبننا الباشمهندس ود عبدالمطلب..
** مساءك خير..
## والله عشان كلامك الفوق دا وحقانية ووطنية أهلى ناس الجزيره ,, وزير الماليه شخصياً بعد يومين حايمر على الجزيره عشان يحقق الرابط..
Quote: اما بالنسبه لمنطقتنا فوزارة الطرق والجسور تصر على تشييد طريق يربط بين اللعوته المعيلق وابوعشر وكلمناهم قلنا ليهم ما فى داعى يكلفوا نفسهم اليودوهو حته تانيه وهم مصريين
يا ريت سيادتك تتدخل وتكلم الوزير المعنى بالغاء الطريق او تحويله لجهه اخرى لانو اولادنا خربانين وحيستعملوا الطريق ده للتفحيط بسياراتهم الفارهه التى وفرتها لهم وزاره النقل ...!
وعاش تحالف البحراوجزراويين ....! |
## كلمنا الوزير عشان الكدا بتاعت تطلع أحسن يحول ميزانية الطريق لكبرى يربط أبو عشر بالهلاليه مع حسر طائر بنهرين واحد ينزل فى ودرواه والتانى فى الجنيد..
## اولادنا ديل خليهم البورش والكمارو يقرشوهم ويمشو على حواشاتم قبل مايجى وزير الزراعه يبعين لنفسو (اصلو ماعندو قشه مُره ملك اللحس والهمبته) ..
|
Post: #118
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-25-2013, 09:40 AM
Parent: #115
| Quote: أتصل على من صباح الرحمن نشوف لى طريقة ترجعوا الراتب والنثريات ووعدني أنوا برضوا حيشوف طريقة مع وزيرهم بنظروا في حته توسيع مواعين الاستثمار لاجل وطن ذو مواعين تسع الجميع ... أو أديهوا شوية وعود محتاجنوا كم شهر لقدام نشوف خطة العمل العندوا ويوصلنا للناس البتعاونوا معاهوا ... وبعد داك يحال للصالح العام مع شهادة تقدير وأمنيات بالتوفيق في عمل أخر ... ومبلغ كويس كمكأفاة تقاعد |
** ضراعى اليمين ود الخطيب..
## صباحك خير..
## ياخوى الناس ديل مابنفع معاهـم إلا اللعب الضاغـط ,, أديهو يومين وبيجيك بشروطك..
Quote: سعادتك الموطن ده بشكوا من ( فراغ عجيب ) .......حقوا تشوف لى مندوب هناك بدل ما يقعد كل مرة ينط لينا في البوست زي (( فرقع لوز )) ...
وعاش السفّرجل في سلام مع الحّرجل |
*** بــــاص ,, مع إنو ورقى كويس وإحتمال السيك 500% .. وعاش السفرجل مع الحرجل فى ظلال تزاوج وصداقة الباجيروات "دى جمع تكسيير للباجيرو بالخليجى" من كل الألوان .. وتانى بـــاص..
^
^
^
** ود الخطيب ..
## ودعتك الله على سفر الطياره منتظرانى فى المطار نتلاقى فى اديس ابابا  لقينا لينا فيها باب رزق حلو ...
|
Post: #122
Title: Re: ## ياناس يودانيزونلاين باركووووا لى .. بقيت وزير !!! ##
Author: أمير محمد ادريس
Date: 03-25-2013, 10:02 AM
Parent: #118
** إن شاء الله تكون إستلمت ,, أضف الآتى :- 1650 لاب توب للوزاره (فى الحقيقه الوزاره عندها 150 بس) الباقى إستثمار..
## حولت ليك التشاتير فيها حق التذاكر وحقك ...(شُغلنا دائماً على مويه بيضا)
## بالنسبه للناس العندها فراغ وتريد أن تُثنينا عن أداء مهام عملنا :- بــــــــــاص ...
## لو فى إى حاجه إتصل على الثريا .. الآرضى لا ... موبايلات الحكومه لا..
-----------------------
علم وينفذ سعادتك
الناس العندها فراغ ولا يهمك نحنا بنتكفل بيهم وبالتعاون مع مندوبكم النشط ودالخطيب ..
|
Post: #124
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-25-2013, 06:17 PM
## اها جيتكم صادى كنت فى مهمة سفر :-
## طبعاً من اهم مقومات الدول التى تحترم شعوبها :- توفير التعليم والصحه والأمن .. الإتنين الاوائل ماعندى بيهم شغله الدوله خصخصتهم وطلقت الموضوع ســداح مــداح (الميكانيكى يفتح مستوصق ... والأُمى يفتح مدرسه) ... بس موضوع الأمن دا ماشاء الله ميزانيتو مفتوحه والأمن مُستتبب ..
** العساكر والضُباط والموظفين المدنيين عندى فى الوزاره بطلوا يحلفو بالطلاق ,, والحليفه الجديده بقت وحات معالى الوزير الريحنا راحة السنين..
** طبعاً أدخلت نظريه أمنيه جديده تُدرس حالياً فى أرقى الأجهزه الأمنيه فى العالم وهى تحِـد من تذمر الشعب الفضل وزى مابقولوا:- ناس الوطن الإسمو سودانيزونلاين الكاشفين البير وغطاهو "تمسكم ضنب الككو" أها نحنا مسكناهم الككو ذات نفسو موش ضنبو وذلك بالنظريه الجديده :- (إطلاق الإشاعه من أجل الإضاعه) - ومُلخص النظريه تشوف موضوع شكلنا ليهو لجنه أو عايزين نشكل ليهو لجنه "عشان إتلجن نُهائى" وتفكو فى الهوا أو تدى راس الموضوع لصحفى فرحان وبيحب الإثاره.
** بعد كدا شوف الجرايد والمُحللين الخط باعوووووا ... اللأعب شطبووووو ... اللأعب سجلوووووو ... جوازات سفرنا وجنسيتنا بتتوزع للبسوى والمابسوى ..... الوزير أ ع م مرتو قبضوها فى المطار بمليون دولار ... الوزير ن ص ح مرتو خلعتو لانو أزوج السكرتيره....
** الوقت البتكون فيهو أصداء الإشاعه أو الحقيقه مدوره .... برضو جماعتنا بكونوا مدورين فى مصالحهم الخاصه ..
## شـــوفــتوا النظريه دى رهيبه كيف ؟؟؟
## فى الشهرين الباقيين لينا ديل فى الوزاره حا اتحفكم بنوادر ,, على بالطلاق الواحد ذاتو لو ماحاضرا مايصدق....
|
Post: #125
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-26-2013, 04:37 AM
Parent: #124
أحــلام ظـلـوط ،
|
Post: #126
Title: Re: ## ياناس يودانيزونلاين باركووووا لى .. بقيت وزير !!! ##
Author: Nader Abu Kadouk
Date: 03-26-2013, 04:49 AM
Parent: #125
رغم التجاهل من كل الشباب ....لكن انا برد ليك.....
انت انسان سخيف...
|
Post: #127
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-26-2013, 05:15 AM
Parent: #126
Quote: Quote:
أحــلام ظـلـوط
رغم التجاهل من كل الشباب ....لكن انا برد ليك.....
انت انسان سخيف ...
26-03-2013, 04:49 AM
Nader Abu Kadouk
|
- - - - - - - - - - -
عزالدين عباس الفحل
ابوظبي
|
Post: #128
Title: Re: ## ياناس يودانيزونلاين باركووووا لى .. بقيت وزير !!! ##
Author: ادم الهلباوى
Date: 03-26-2013, 06:02 AM
Parent: #127
اها باسعلدتك ما تبجل علينا بشوال السكر
..
|
Post: #130
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-26-2013, 10:14 AM
Parent: #128
| Quote: اها ياسعادتك ما تبخل علينا بشوال السكر |
** ود الهلباوى..
** سلام وصباحك خير..
## ياخوى طلبك بسيط ........ ولايُلبى طـمـوحـاتى فى خــدمـــة أهلى ناس الحـــــوش دا .. عشان كدا ,, على بالطلاق
"طبعاً دى الحليفه المتداوله والمُعتمده فى المجلس يومياً" شوال واحد مابتسمى بيهو ... فى الكوته الإحتياطى بتاعت تعاون الوزاره 1500 شوال ,, تصلك فى محلك تلفون مُدير المكتب اللواء محمد (إسعاف) تلقاهو فى الخاص ... والترحيل علينا ... أها قصرنا معاك ... أفووووو عليك قال شوال قال .........
(ودام الود بيننا لخدمة رعايا دولة يودانيز)
|
Post: #129
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-26-2013, 09:58 AM
Parent: #126
| Quote: إنت إنسان جـاهـل ، |
** ود ابكدوك..
## صباحك خير..
## المابعرفك يجهلك (مثل موزمبيقى) ,, والعباره الفوق دى أرميها فى أقرب محل به سلة مُهملات .. و (بــــــاص)
## وكان مالقيت سله مُهملات كبشرا لليوم الأسود...
(ودام الود بيننا)
^
^
^
## يُقال :- كُل إناءِ بما فيه ينضحُ ...
|
Post: #131
Title: Re: ## ياناس يودانيزونلاين باركووووا لى .. بقيت وزير !!! ##
Author: عزالدين عباس الفحل
Date: 03-26-2013, 11:06 AM
Parent: #129
عبدالكريم أحمد الامين ،،،
لـك عـاطـر الأشـواق ،
مـا دام أنـك منـتعـش ،
بأحـلامـك الـسـرمـديـة ،
مـا تـنـسـي ،
حـوض زهـور قـدام،
مـدرسـة الخـشـب الإبتدائية ،
بالشعـبيـة شمـال ،
الخرطوم بـحري ،
قـال وزيـر ،
،،،
عزالدين عباس الفحل
ابوظبي
|
Post: #132
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-26-2013, 11:20 AM
Parent: #131
## بــــــــــــــــــــــاصــــــــــــــــــ ## 
|
Post: #133
Title: Re: ## ياناس يودانيزونلاين باركووووا لى .. بقيت وزير !!! ##
Author: أمير محمد ادريس
Date: 03-26-2013, 11:26 AM
Parent: #132
يا سعادتك شنو حكاية ا ل ض ب ا ن الحائم حول البوست ده نسأل الله السلامة
|
Post: #134
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-26-2013, 12:15 PM
Parent: #133
| Quote: يا سعادتك شنو حكاية ا ل ض ب ا ن الحائم حول البوست ده نسأل الله السلامة |
** مندوب الرياض الأمير أمير..
** مساءك خير..
## إستلمت فى الخاص تقرير بإنجازاتك ..
## تقول شنو :- لاعندى مك جارى هنا ولاعندى ايفون وزمنى متوفر وماقاعد أركب طيارات كتير وماعندى باجيرو حتى يتلصق فينى ولاساكى لى شُهره عشان يقولوا لى ياخى إنت زووول سخيف كتبو ليهو بــــــــــــــاصــــــــــــــــــ ,, بطريقه مُـهـذبـــه ,, يعنى بالرندوق :- إتخارج شوف ربك ورقى كويس وإحتمال السيك 500% وبرضو ماعايز يفهم ...
** فى الحاله دى تركب مكنة د. مُصطفى :-
## الـتـجـاهـــل ...
## الـتـجـاهـــل ...
## الـتـجـاهـــل ...
## ظِـبـطـ الأمور باقى من الزمن شــــهـــــران..
(ودام الود بيننا لخدمة الرعيه)
|
Post: #135
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-26-2013, 01:01 PM
Parent: #134
صاحب المعالي مولانا / عبد الكريم أحمد الامين
Quote: ** ود الخطيب ..
## ودعتك الله على سفر الطياره منتظرانى فى المطار نتلاقى فى اديس ابابا لقينا لينا فيها باب رزق حلو ... |
أقتصاد في طور نمو ..... وحكومة مجتهدة في تطوير البنية التحتية .... ومغتربين ومهاجريين مجتهدين ببنوا وبستثمروا في بلادهم
بجتهاد ظاهر ........ أفراد ............... وجماعات لانو كلهم ما الله اداهم امكانيات مادية كبيرة ........ فبتلقي كمية من المغتربين بره
متشاركين في مشروع واحد في بلدهم
Quote: الأنشطة الاقتصادية في أديس أبابا متنوعة. وفقا لإحصاءات رسمية من الحكومة الفدرالية، فان بعض 119.197 شخص في المدينة يعملون في التجارة
والتبادل التجاري؛ 113.977 في الصناعة التحويلية والصناعة؛ 80.391 من ربات البيوت المختلفة والمتنوعة؛ 71.186 في الإدارة المدنية؛ 50.538 في مجال النقل
والاتصالات؛ 42.514 في التعليم والصحة والخدمات الاجتماعية؛ 32،685 في خدمات الفنادق والمطاعم، و 16.602 في قطاع الزراعة. بالإضافة إلى سكان المناطق الريفية
في أديس أبابا، وسكان المدن أيضا يشاركوا في تربية الحيوانات وزراعة الحدائق. حاليا 677 هكتار من الأراضي تروى سنويا، والتي فيها 129.880 قنطار من الخضروات المزروعة.
كثير من الاثيوبيين الفقراء يأتون من المناطق الريفية إلى أديس أبابا كمتسولين ويملئون بعض الشوارع. في الآونة الأخيرة، انخفض عدد المتسولين بعد محاولة الحكومة
والمنظمات غير الحكومية لنقل بعضهم، وتوفير لهم التعليم وفرص العمل. انها تعتبر نسبياً مدينة نظيفة وآمنة، مع أن الجرائم الأكثر شيوعا هي النشل،
النصب، والسطو البسيط.] وفي الآونة الأخيرة كانت في المدينة طفرة في اعمال البناء مع البنايات شاهقة الارتفاع في كثير من الأماكن. أيضا أصبحت الخدمات
الفاخرة المختلفة متاحة، وزاد بناء مراكز التسوق في الآونة الأخيرة. بعض الناس قد وصفوا المدينة "منتجع عاصمة أفريقيا. |
أديس بلد الحشود البشرية الضخمة ... ومع كدة الحياة والحركة فيها غاية في الانسياب
بلد في تطور ونمو مستمر ... ربنا يوفق أهلها ... فرص الرزق والاستثمار فيها كويسة , غايتو اصحابي العندهم اعمال فيها
أمورهم ما بطالة .... منهم سودانيين يمكن امكانياتهم ما سمحت يعملوا شغل في السودان لكين فرصهم يعملوا شغل في إثيوبيا
وبعضهم كان لى فعليا محاولات يشتغل في السودان .... بس الظروف ما ساعدتوا .... الكلفة الخيالية في السودان بتخلى العوز يعمل
فيهوا شغل مهما كان صغير لازم يكون ملياردير ................................................. ياريت الظروف تسمح لسعادتك تمشي البلد ديك
وأضمن ليك حتلاقي ناس يستحقوا التقدير ........وبلد رغم فقرها مظاهر الرقي والتحضر فيها ظاهره لا تخطئها عين
أديس سيرته بتهيج أشواقي ....................
وتقبل أجمل تحية ,,,,
|
Post: #136
Title: Re: ## ياناس يودانيزونلاين باركووووا لى .. بقيت وزير !!! ##
Author: حسن طه محمد
Date: 03-26-2013, 02:50 PM
Parent: #135
يا خاين
أول مرة أشوف لي صديق خاين
أجيك لحدي دبي
ونتعشي سوا فول وسمك
ما تقول لي انك خلاس استلمت الوزارة
علي الاقل كنت جيتك المطار
انت قايل جية المطار دي ساهلة
دي بتستاهل بيت مش في كافوري
دي عايزة فيلا في اتلانتيس
ومنتجع في ماليزيا
وشهادة دكتوراة من هارفارد
ما تقول لي ما عندك واسطة في هارفارد
مبرووووووووووووووك
ومبروك لينا جميعا
دا انا صاحبك والصحاب قليل
وحدي معاك الدكاتوراة والا بيني وبينك
|
Post: #137
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-27-2013, 08:38 AM
Parent: #135
Quote: أديس بلد الحشود البشرية الضخمة ... ومع كدة الحياة والحركة فيها غاية في الانسياب
بلد في تطور ونمو مستمر ... ربنا يوفق أهلها ... فرص الرزق والاستثمار فيها كويسة |
** ود الخطيب ..
## صباحك خير..
## بالله شوف لينا مكتب فى شارع بولو جنب مطعم الطائره عشان يكون ساهل فى الوصف ..
## وحياتك إى واحد بعرفو كسح عمل ليهو بيزنس بهناك آخر إحترام ليهو كمستثمر وتسهيلات مُُبالغ فيها...... مافى مسؤول بقول ليك أنا شريكك ولى عودى راكب ولى الموضوع دا مافى طريق يمشى إلا نطلع للوالى والمُحتسب حقهم ..
## ياخى زى مابقول واحد صاحبى :- الناس ديل الله فاتح ليهم المُكيف ومدينا ضهرو ..
(ودام الود بيننا)
|
Post: #138
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-27-2013, 09:08 AM
Parent: #137
Quote: يا خاين
أول مرة أشوف لي صديق خاين
أجيك لحدي دبي
ونتعشي سوا فول وسمك
ما تقول لي انك خلاس استلمت الوزارة |
** الصديق سعادة المُستشار ود البوب..
** صباحك خير..
## واحسن من البدايه نحلف ليك حليفة الوزراء والمصلحجيه :- عـلـى بـالـطـلاق - التعيين دا جا بالغفله ساكت مُُساهر فى محل إتعشينا داك ذاتو ... بس العشا كان شية جُمر وهامور فيليه .. يجينى ليك تلفون الساعه واحده صباحاً من رئيس حزبنا الإُتصالح مع حيكومة السجم والرماد وأصر إنو الوزاره دى طلعت من ضمن كـــــوتــــة الترضيه ,, وكان ماجيت الجماعه بيلحسوها كعادتم فى لحس إى شئ ..
** أها الكلام حصل بعد سفرك بشهرين ,, وهسه باقى لى شهرين وأتخارخ :-
## الــحـــمــد لله بــقـــرى وغــنــمـــى فـــى جــــامــعــات كـــنــــدا ,,, والتى دنـــا عــــذابــهــا واولادى فـى الــــزريــــبـــه ..
(ودام الود بيننا)
|
Post: #139
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-27-2013, 12:58 PM
Parent: #138
سعادة الوزير المستشار / عبد الكريم أحمد الأمين حفظه الله زخر للوطن
Quote: ** ود الخطيب ..
## صباحك خير..
## بالله شوف لينا مكتب فى شارع بولو جنب مطعم الطائره عشان يكون ساهل فى الوصف ..
## وحياتك إى واحد بعرفو كسح عمل ليهو بيزنس بهناك آخر إحترام ليهو كمستثمر وتسهيلات مُُبالغ فيها...... مافى مسؤول بقول ليك أنا شريكك ولى عودى راكب ولى الموضوع دا مافى طريق يمشى إلا نطلع للوالى والمُحتسب حقهم ..
## ياخى زى مابقول واحد صاحبى :- الناس ديل الله فاتح ليهم المُكيف ومدينا ضهرو .. |
جاري البحث في منطقة بولي رود .... جم كافيه الطائرة نعّم الاختيار ....
*حقوق الصورة دي محفوظة لبلير .
صادفته سعودي عندهم استثمارات في إثيوبيا ومستشفيات معروفة هناك , قلت لى مش الأقربون أولي بالمعروف !!!...
أها حكي لى حكايتوا لما زمان مشي يستثمر عند الأقربون ... ندمني على سؤالى ليهوا ... ناسنا صعبين شديد
المسئول هناك بهموا حجم الاستثمار ونوعيتوا ما تقول ليهوا عوزين نعمل كافية ولا مطعم لازم يكون شغل كبير
والبلد محتاجه ليهوا وحيشغل منهم عدد كم وفائدة البلد منوا على المدي الطويل شنو !!! قوانينهم واضحة ....
وناسهم شغالين بجدية ما عادية .....
ناسنا ما بتجيهم عوجه وكتار منهم شغالين في البلد ديك وما تنسي سعادتك نحنه من الجنسيتين الاكتر مزايا وتقدير
في البلد ديك ( السودانيين والكينيين ) وديل الجنسيتين الما بحتاجوا تأشيرة دخول لإثيوبيا وبتعاملوا من الناس والسلطات
بتقدير ما عادي .............
********* حته تخلى المنصب بعد شهرين دي ما واقعة لى معليش لو تخلى الوزارة دي لوزارة تانية
فحقوا عشان خاطر الوطن تفكر في الموضوع ده .......... زملائك الوزراء بكنكشوا في كرسيهم عشرات السنين .........
وتقبل صادق التحية والتقدير
|
Post: #140
Title: Re: ## ياناس يودانيزونلاين باركووووا لى .. بقيت وزير !!! ##
Author: Khalid Kodi
Date: 03-27-2013, 06:50 PM
Parent: #139
ياسيادة الوزير، بعد السلام،
شايف الناس دى كلللللها دايرين منك حاجه،
أها، انا وزمرتى الحاجه الدايرنها منك (مادايرين منك حاجه) لاخير ولاشر !
الحكاية ببساطه كالاتى ، العبد لله وعدد من الفنانين والعرابيد (جمع عربيد) عايزين نشوف لينا خيم (بنجيبا برانه) ونمشى ندقها فى الخلأ ده ، بعييييد عن ماشيدتوه من غابات اسمنت وحضاره ...
كل العايزنو ياسعادتك أنك تصدر فرمان للجماعه بخلونا براحتنا! يعنى بالواضح ماتضايقونا ... يعنى ماعايزين منكم حاجه لاخير ولاشر !
أها بحكم العشره طلبنا ده غالى ؟
|
Post: #143
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-28-2013, 09:54 AM
Parent: #140
Quote: ياسيادة الوزير، بعد السلام،
شايف الناس دى كلللللها دايرين منك حاجه،أها، انا وزمرتى الحاجه الدايرنها منك (مادايرين منك حاجه) لاخير ولاشر !الحكاية ببساطه كالاتى :-
العبد لله وعدد من الفنانين والعرابيد (جمع عربيد) عايزين نشوف لينا خيم (بنجيبا برانه) ونمشى ندقها فى الخلا دا ، بعييييد عن ماشيدتوه من غابات اسمنت وحضاره ...
كل العايزنو ياسعادتك أنك تصدر فرمان للجماعه بخلونا براحتنا! يعنى بالواضح ماتضايقونا ... يعنى ماعايزين منكم حاجه لاخير ولاشر !
أها بحكم العشره طلبنا ده غالى ؟ |
** الزميل خالد كودى..
## سلام وصباحك خير..
## ياخوى طلبك دا أول زوول إطلع عليهو مُدير مكتبى اللواء محمد "إسعاف" جانى قال لى والله معاليك مافاهم طلب صاحبك مره يقول دايريين ومره يقول مادايريين ..
## أها قلت ليهو ديل ناسى ناس حوش ود ابوبكر ما (الحوش التانى المكِره الناس عيشتم "حوش منقا") وطلبو أنا فاهمو لأنو فى حوشنا دى عندنا مُصطلحات برانا بنفهما وحا أشرح ليك لاحقاً ,, خلى الطلب دا وإنتظر التعليمات :-
## الحتات الموجوده حالياً الوادى الأزرق "لاتوجد به خدمات" ,, الوادى الأحمر "توجد به خدمات ملك حُر للوالى" ,, الوادى الأصفر لم يتم تخطيطه بعد وباعو تلاتة أرباعو للمُغتربين ودقسوهم فى البيعه دى ..
## يتم تحديد 64 فــدان بالوادى الأحمر "تدفع الوزاره رسوم الخدمات للوالى" وتسجل بإسم رابطة الفنانيين التشكيليين..
## يمنع تواجد إى شماشره من الأمن فى الحيازه المذكوره..
## يتم التعاقد مع شركة كيربى لبناء غاليرى بمواصفات عالميه ..(وإحقاقاً لمبدأ الشفافيه يتولى الفنانيين إستلام المبلغ من الوزاره للصرف على البناء والتشييد)
## يتم بناء إستراحات بمواصفات تليق بالفنانيين وأهل الفن تقديراً لهم لنشر الجمال والإبداع..
( أها ياود كودى قصرت معاكم ,, ودام الود بيننا)
|
Post: #141
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-28-2013, 09:30 AM
Parent: #139
| Quote: ********* حته تخلى المنصب بعد شهرين دي ما واقعة لى معليش لو تخلى الوزارة دي لوزارة تانية فحقوا عشان خاطر الوطن تفكر في الموضوع ده .......... زملائك الوزراء بكنكشوا في كرسيهم عشرات السنين .. |
** مندوبنا الذى بجده غير ... ود الخطيب..
** مساءك خير..
## ياخوى والله عايزين نُرسى للبشريه دى حاجه إسمها أدب الإستقاله قبل الإقاله (وإستراحات المُحاربين) .. بس سيد الجنينه مُتمسك بي وعايز يقنعنى عادى أنو الواحد فى دولة يوانيز دى يحلف بالطلاق فى الفارغه ومقدوده ويحدد جدول زمنى لعمل الوزاره وماينفذو ,, وشنو السابقه العايز تعملا لينا دى إنك تحدد ثلاثه سنين لعملك وتتخارج .... يعنى أجيب واحد بدلك يبدا يلحس فى الوزاره من جديد ويغير لى لبس الشرطه ويمشى أوكرانيا يجيب لى عربات هكر إسبيرات ماعندها....
## أها إستقالتك دى بلها وأشرب مويتا ,, ولو لحست كوعك قاعد قاعد ...
## المهم طلبت إجازه امشى العُمره كان ننضف جزء من ال###### وأصلى لى صلاة إستخارة يانزلت من المُركب الغرقانه دى ,,,يا حتلت بى..
## والله الكنكشه عند الجماعه ديل بس بوستيك وصباع أمير فى الكُرسى ,, وكوارع نعيمه فى اليد ..
(وباب رزق ولحس جديد ربما ينفتح على البحرى)
|
Post: #142
Title: Re: ## ياناس يودانيزونلاين باركووووا لى .. بقيت وزير !!! ##
Author: الطيب عثمان يوسف
Date: 03-28-2013, 09:52 AM
Parent: #141
*** يا سعادتك الفحل دا واقف ليهو فترة ، أدخلو ؟
.................................
مقشرة
|
Post: #144
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-28-2013, 10:12 AM
Parent: #142
| Quote: *** يا سعادتك الفحل دا واقف ليهو فترة ، أدخلو ؟ |
## اللواء الطيب عثمان..
## بـــــــــــــــــــــــــاصـــــــــــــــ
## ومافى داعى للكلتشات ...
|
Post: #145
Title: Re: ## ياناس يودانيزونلاين باركووووا لى .. بقيت وزير !!! ##
Author: الطيب عثمان يوسف
Date: 03-28-2013, 10:38 AM
Parent: #144
*** اللواء الطيب دى ذكرتنى نكتة المقدم و الجندى .
طبعا لو حكيتها ليك هنا بكري حيودى البوست الخور و حيرفع النكتة فووووق .
|
Post: #146
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-28-2013, 11:05 AM
Parent: #145
Quote: *** اللواء الطيب دى ذكرتنى نكتة المقدم و الجندى .
طبعا لو حكيتها ليك هنا بكري حيودى البوست الخور و حيرفع النكتة فووووق . |
** خلاص نخليها مع حجر وفنجان قهوه فى عشاء الغد ...
## باخوى نُكتك دى ماحتكون إى حاجه مع الإعلان العايز بنات للكويت (او الحِله) :-
## قال إيه تلاته صور من الرأس للرجلين بإتجاهات مختلفه..
## ماتكون عملت عمليات جراحيه..!!!!!!!!!!!!!!!!!!!؟؟؟؟؟؟؟؟؟؟؟؟؟؟ (أها الحته دى فيها تأويلات كتيره) لو كتبناها نحنا ذاتنا بنمشى الخوووووور (خور شمبات أو خووور نصرالدين ,,, خوووور ابو حبل بعيد مننا)
** اللون يكون الصفار البوديهو النار والخضار البختوهو تذكار مامعانا..
|
Post: #147
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-30-2013, 10:41 AM
Parent: #146
** ود الخطيب ..
** صباحك خير..
## بالله اخطف رجلك على الزهره البيضاء وأسس المكتب ,, المواضيع ماشه كما تشتهى ..
(ودام الود بيننا)
|
Post: #148
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-30-2013, 11:21 AM
Parent: #147
معالى الوزير مولانا عبد الكريم أحمد الامين
صباحك زين ,,,
| Quote: ## بالله اخطف رجلك على الزهره البيضاء وأسس المكتب ,, المواضيع ماشه كما تشتهى .. |
مافي أى مشكلة ومرسل ليك في الخاص التكلفة الايجار والتأسيس البيت الفي الصورة كمكتب في ضاحية هادئة
و مصروفات المكتب والعمالة المطلوبة : السكرتيرة ( جميلة وبيضاء وما عاملة أى عمليات جراحية سابقا )
والسائق و........ التي بوي والعربات بك أب للمكتب ولاندكروزر لاستخدام سعادتك لما تجي زيارة .............
كدي حول لى 50 ألف دولار والتفاصيل لاحقاً ............... ونحن دوما في خدمة الوطن
|
Post: #149
Title: Re: ## ياناس يودانيزونلاين باركووووا لى .. بقيت وزير !!! ##
Author: جعفر محي الدين
Date: 03-30-2013, 01:03 PM
Parent: #148
سعادة الوزير عبد الكريم أحمد الأمين
أدام الله عزه وأطال بقاءه بكرسي الوزارة
أخونا عبد الناصر الخطيب خلاص أنجز كل ما يمكن إنجازه
في مندوبية جدة ... الرجاء تسفيره مديرا لمكتبكم بالزهرة البيضاء
وقبول ترشيحي مندوبا لسعادتكم في مدينة جدة
مع التصريح لنا بفتح مكتب للخدمات الموازية
بدلا من القنصلية يعمل يومي الخميس والجمعة فقط
مع تحديد النسبة التي ترونها مناسبة لنا من الدخل المتوقع
|
Post: #150
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الله عبد العزيز
Date: 03-30-2013, 04:14 PM
Parent: #149
| Quote: كدي حول لى 50 ألف دولار والتفاصيل لاحقاً ............... ونحن دوما في خدمة الوطن |
ياسعادتك الزول دا بسمسر فيك ماتضيع القريشات ساي انا ممكن اشوف ليك فيلا بربع المبلغ دا في ادس جوه
|
Post: #151
Title: Re: ## ياناس يودانيزونلاين باركووووا لى .. بقيت وزير !!! ##
Author: Emad Ahmed
Date: 03-30-2013, 04:54 PM
Parent: #150
سلام يا بو محمد فؤاد
سابقا نصبت من شخصك الكريم بوزارة اعتز بها كثيرا
هسه الواحد ماعايز أي وزارة
دايرينك ترجع لينا بوست ست العشق والهوي (بحري طراوة)
بحكم سلطاتك ونفوذك ..
تقديري
|
Post: #156
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-02-2013, 10:13 PM
Parent: #151
Quote: سلام يا بو محمد فؤاد
سابقا نُصبت من شخصك الكريم بوزارة اعتز بها كثيرا
هسه الواحد ماعايز أي وزارة
دايرينك ترجع لينا بوست ست العشق والهوي (بحري طراوة)
بحكم سلطاتك ونفوذك .. |
## وزير التوثيق والثقافه ..
## سلام ومساءك خير..
## تمت مُناشدة صاحب نفاج ست الهوى والطراوه ود السر كرار لإعادة الأمور الى نصابها بالتنسيق مع سيد الحوش ,, ولم يقم بإجراء اللازم ولذلك لربما يتم سحب الجواز والجنسيه البحراويه منه ,,, وسوف يصبح من البدون ..
(ودام الود بيننا)
|
Post: #155
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-02-2013, 10:06 PM
Parent: #150
| Quote: ياسعادتك الزول دا بسمسر فيك ماتضيع القريشات ساي انا ممكن اشوف ليك فيلا بربع المبلغ دا في ادس جوه |
** ود عبدالعزيز..
** سلام..
## ياخوى ود الخطيب غير أنو ضُراعى اليمين هو شريك عديل فى البيزنس دا ,, لو عندك مشروع فى اديس ومُحتاج لتوسعه مُمكن نشاركك.
(ودام الود بين الجميع ,, وبارك الله فى من نفع وإستنفع)
|
Post: #154
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-02-2013, 10:01 PM
Parent: #149
Quote: أخونا عبد الناصر الخطيب خلاص أنجز كل ما يمكن إنجازه
في مندوبية جدة ... الرجاء تسفيره مديرا لمكتبكم بالزهرة البيضاء
وقبول ترشيحي مندوبا لسعادتكم في مدينة جدة
مع التصريح لنا بفتح مكتب للخدمات الموازية
بدلا من القنصلية يعمل يومي الخميس والجمعة فقط
مع تحديد النسبة التي ترونها مناسبة لنا من الدخل المتوقع |
** الأخ جعفر..
** سلام ومساءك خير..
## إتأخرت عليك أصلو المأموريات الداخليه كتيره .. ياخوى ود الخطيب لايمكن الإستغناء عنه .. ثانياً أنا ماوزير كوووووز ببيع ناسى فى أقرب ملف ... لكن مُمكن نشوف ليك وضع كويس فى قونزوا بالصين ... طبعاً دى الكيزان قربو يسموها المنشيه كرهو الصينيين عيشتم ..
(ودام الود بيننا)
|
Post: #152
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 03-30-2013, 05:03 PM
Parent: #148
| Quote: كدي حول لى 50 ألف دولار والتفاصيل لاحقاً ............... ونحن دوما في خدمة الوطن |
DONE
** راجع حسابك بالبنك الأهلى ..
|
Post: #153
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 03-31-2013, 09:24 AM
Parent: #152
سعادة الوزير الموقر حفظه الله زخر للإستثمار والمستثمرين
تحية خضراء بلون الورق الأخضر الذي وصل الحساب
أدمها الله خضرة وحفظها من الزوال
*** لست بحاجة أن أقول جارى التنفيذ كل شي يتم وفق الخطوات الموضوعة سلفا
وبوصول دفعة من التمويل كل الامور ستمضي حسب ماهو متفق عليه , ووفقنا الله
واياكم دوما لخدمة الوطن ....
جعفر محي الدين
التحية وكتير السلام ,,,
Quote: خونا عبد الناصر الخطيب خلاص أنجز كل ما يمكن إنجازه
في مندوبية جدة ... الرجاء تسفيره مديرا لمكتبكم بالزهرة البيضاء
وقبول ترشيحي مندوبا لسعادتكم في مدينة جدة
مع التصريح لنا بفتح مكتب للخدمات الموازية
بدلا من القنصلية يعمل يومي الخميس والجمعة فقط
مع تحديد النسبة التي ترونها مناسبة لنا من الدخل المتوقع |
معقولة يا جعفر طيب عبد الناصر ده لو ماشي لموقع أخر
ما عندو قرائب ولا أولاد من منطقتوا ولا أى زول يختوا محلوا !!!
يأخي أتلومته فيني شديد ... ياتوا مسئول بمشي يسيب حتتو من غير ما يعمل ترتيباتوا
بعدين شنو خميس وجمعة , العمل في البزنس مع سعادة الوزير على مدار أيام الأسبوع
ويوميا 24/24 وبعد كده ياريت الجهد والوقت يكفوا .......
تجي تقابلني في مكتبنا بجدة ونديك وظيفة كويسة براتب شهري دولاري ...
بس المنصب نفسوا ممنوع الاقتراب او التصوير ..
مع أطيب تحية
----------------
أخونا عبد الله عبد العزيز
ياخي بالغته سمسرة شنو في الخمسين ألف دولار !!! ده ياداب دفعة وفكت ريق
Quote: ياسعادتك الزول دا بسمسر فيك ماتضيع القريشات ساي انا ممكن اشوف ليك فيلا بربع المبلغ دا في ادس جوه
|
كلامك مقبول ومعقول وعلى العين والرأس , بس بمواقيتكم أنتو الناس النمرهم بيضاء
نحنه نمرنا ( صَفر ) يعني حكومة ومواقيتنا وتكاليفنا البنختها لتنفيذ أعمالنا مختلفة شديد
وأى كلفة فيها مصروفات منظورة وأخري غير منظورة وأمور يطول شرحها .......
يعني مبلغ سعادة الوزير ده هو بحول فيهوا وعارف سلفا 30 للمندوب تحية لجهودوا ...
و20 ألف لو بالغت لتنفيذ الاعمال المطلوبة ... وكمان ممكن تزيد ليه الكلام ده كل ما البقوم
بالعمل كان مبسوط وراضي وحسابوا ملان أخضر كل ما تفاني وأبدع في عملوا .....
وده كلوا عشان عيون الوطن ....
تحياتي
|
Post: #157
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-05-2013, 07:12 AM
Parent: #153
| Quote: العمل في البزنس مع سعادة الوزير على مدار أيام الأسبوع ويوميا 24/24 وبعد كده ياريت الجهد والوقت يكفوا ....... |
** ود الخطيب ..
** سلام وجُمعتك مُباركه ..
## للأسف كنا مشغولين بزيارة الرئيس الماسوره الهطله الجانى ناطى من يومين ,, هطله وقابل هطله والنتيجه هطلتين ..
** الأمور ماشه باسطه ,, والبلد كتر فيها زواج المسيار ,, تشوف الدقون والجلاليب والشالات مع الجكس الذى لايتجاوز العشرين عادى جداً داخلين لبناية هى عباره عن شقق مفروشه وبالتحريات من قبلنا وجدنا أن هؤلاء متزوجين مسيار ويحملون أوراق تُثبت أنهم متزوجين مسياراً ,, وعلى بالطلاق أوراق فيها شعار الدوله وطالعا من ياتو جهه مامعروف ..
## عايرا ومدينها ســوط ... بعد المسيار ... ومع وجود المد الشيعى .. بعد كدا فى زواج المُتعه ودا نظامو بينفع مع جماعتنا ديل لانو فيهو فتوى ممكن تأجر على حسب قدرتك الجسديه نص ساعه ,, ساعه ,, 15 دقيقه .... مافى واحد يجى يسأل تأجر شنو !!!! يعنى حتكون عجله من ابو الشيخ...
^
^
^
## جايك لنوادر إجتماعات مجلس الوزراء تدى ربك العجب (تقول لى سوق المواسير!!!!)!!!!!
|
Post: #158
Title: Re: ## ياناس يودانيزونلاين باركووووا لى .. بقيت وزير !!! ##
Author: Abdlaziz Eisa
Date: 04-05-2013, 08:16 AM
Parent: #157
Quote: ** ياجماعه أنا من البدايه كنت واضح وعايز أكون نفسى بعد العمر دا:-
## ركبت المصنع وجبت عُمال بنغاله وهنود بتراب القروش وغيرت ليك لبس الشُرطه والعطاء كان مقفول على الوزير..
## الحمد لله واللهم أبعد عنا الحسد والحاسدين والطمع والطماعيين (وهذا من فضل ربى) طلعت لى أرباح مابطاله بس هى كم خلووووها مستوره.
## إى مركز شرطه أو نقطه حدوديه بُنيانا قديمه عند صاحبى مقاول والنص بالنص أديتو الشغلانه ..
** أها الوزراء أصحابى والله ماقصرو معاى :- اللادانى قطعة أرض فى موقع مُتميز واللأدانى مزرعه .. ولسه حالتى ماتميت أسبوع فى الوزاره والله لمن أكلت فى خاطرى وندمت على تضييع زمنى فى الغُربه الكُربه... |
الاخ عبدالكريم الامين
سلامات
ملايين التبريكات...
وبمناسبة نجاهك الباهر في الداخلية سيقرر البرلمان تحويلك الى الدفاع..
واظنك واضح ما بتمشي تفتش لدفاعات بالنظر او اللمس..
طبع لينا العلاقات بين الازواج ثم ننتقل للتطبيع الدولي
مودتي
|
Post: #159
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-05-2013, 11:54 AM
Parent: #158
Quote: وبمناسبة نجاحك الباهر في الداخلية سيقرر البرلمان تحويلك الى الدفاع..
واظنك واضح ما بتمشي تفتش لدفاعات بالنظر او اللمس..
طبع لينا العلاقات بين الازواج ثم ننتقل للتطبيع الدولي |
** ود عيسى..
** سلام وجُمعتك مُباركه..
## ياصديق برلمان شنو وبطيخ شنو .. إنتو مُصدقين إنو فى برلمان .. دى عالم بتجى يوم الصرف بس والبيجو يومى بيكونو نايمين نومة أهل الكهف .. والباقى ناس خليها مستوره جاريين فى مصالحم ..
## ياخوى دفاع شنو مع اللمبى أبو رياله العندنا فى دولة يــودانيز ,, هسه عندو نظريه جديده تجاوزت الدفاع بالنظر بقى الدفاع باللمس وفى عندو الدفاع بالنيه بس بشرط إنك تكون مُغتسل ومتوضئ ... شفتا التطور دا كيف ؟؟؟؟
** من الداخليه يا مكان فيهو فائده لناسى ياولايه كاربه فيها فائده ..
(ودام الود بيننا لخدمة مصالحنا)
|
Post: #160
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-05-2013, 05:25 PM
Parent: #159
** لمحه من إجتماع فى مجلس الوزراء لمناقشة موضوع الإستثمارات[/red]:-
## مشهد عام زهور تتوسط طاولة الإجتماعات ,, كمية من المُكسرات ,,, بلح ,,, ماء صحه ,,, عصائر ,, ترامس شاى وقهوه ,,, بس عيد ميلاد..
## أها لى شلقاتم قالوا عايزين يسمعوا رأى وزير الداخليه فى موضوع الإستثمارات الأجنبيه ..
## ياناس ماتبدوا إنتو وخلونى فى النهايه لأنو كلامى لو قلتو إجتماعكم دا بفرتق قبل ماأتم كلامى..
## أصرو على أن أبدأ وهم قالو بيحبو النصيحه (إذ كان صاحب مسدار النصيحه دقهو دق العيش فى شنو ماعرف؟؟) ..
** اولاً:- يجب إحترام من يأتى للإستثمار وتوفير كافة الضمانات له لان رأس المال بطبعه جـــبــــان,, وازيدكم من الشِعر بيت أتى مُستثمر خليجى وصدقت له وزارة الإستثمار بى 500 فدان وسدد الرسوم والذى منه وتعهد بأن تكون 90% من العماله سودانيه ,, تبقى له تصديق من وزارة الزراعه (وزير الزراعه طبعاً ملك الشراكات واللقف) حلف بدين امو وأبوهو مايصدق للمستثمر إلا إذا كان شريكو 50% \50% بشنو ؟؟؟ بالتصديق بس دى كل مساهمتو فى رأس مال الإستثمار ... المُستثمر ركب التونسيه وإتعوض الله فى المبلغ الدفعو وكسح لدوله إفريقيه جارتنا ,, إحترموهو آخر إحترام وبدون عمولات أو يشاركوهو فى إستثماراتو..
** ثانيا:- شركه إيطاليه لبنانيه تعمل فى مجال تدوير النفايات ,, صدقت ليهم وزارة الإستثمار وشحنو المصنع من إيطاليا لجبل على بالإمارات بناءاً على هذا التصديق وكذلك السيارات ,, تعهدوا بأن تكون كل العماله من عندنا وبرواتب مُجزيه وإنهم يهمهم أمر إصحاح البيئه بقى ليهم تصديق والى الولايه حلف بالطلاق مايصدق ليهم إلا إذا كان شريك معاهم النص بالنص ,, علماً بأن هذه الشركه وضعت شرطاً على نفسها بأن تمنح الولايه 30% من إرباحها...
## الجماعه لما لقو الموضوع فيهو نهب ولحس نزلو المصنع والسيارات فى جبل على وصدقو ليهم وأدوهم مساحه 30000 قدم مُربع وبإعفاء من الإيجار لمدة سنه ويادار مادخلك شــر..
## بعد كلامى دا أشوف ليك الكراسى إتجرجرت والهمهمات وكل واحد طبق موبايلو ومفتاح عربيتو وإتخارجو ... وكلامى دا ماعجبم ...
## أها من يوم الإجتماع دا ولى هسه مادعونى لإجتماع فى مجلس الوزراء ,, وماعارف البلد دى ماشه كيف؟؟؟ كُل واحد يكوجن زى ماهو عايز ومافى زوووول يقول ليهو تلت التلاته كم !!!!!!!!!!!
## تخيلو لو الإستثمارات دا لقت الناس البتفهم وتراعى لمصلحة البلد :- كان كم بيت إتفتح عليهو باب رزق ؟؟ كان كم خريج لقى ليهو وظيفه ؟؟ كان كم مُستثمر أحضر أمواله لدفع عجلة الإقتصاد النايمه ؟؟؟
|
Post: #161
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-06-2013, 01:24 PM
Parent: #160
** دولة القانون ,,, وقانون الدوله ,,, وقانون العلاقات الخاصه ,,, وقانون شيلنى وأشيلك ,,, وقانون عودى راكب ,,, وقانون لو عايز مشروعك ينجح شارك أخو الريس أو الوالى ,,, وقانون اللأقانون ,,, وقانون يافيها ياأطفيها ,,, وقانون حمورابى ,,, وقانون قراقوش ..
## هذه هى القوانيين الساريه المفعول فى دولة يودانيز الفاسده ##
** القوانيين المُعطله :- قانون الثراء الحرام ,,, قانون من أين لك هذا ,,, قانون العقوبات (لايطبق على الواصلين ويُطبق على المساكين)
|
Post: #162
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-07-2013, 09:11 AM
Parent: #161
سعادة المستشار عبد الكريم أحمد الامين حفظه الله زخر للوطن
بعد التحية وكتير السلام ,,,
Quote: ## للأسف كنا مشغولين بزيارة الرئيس الماسوره الهطله الجانى ناطى من يومين ,, هطله وقابل هطله والنتيجه هطلتين ..
|
وده نفس السبب الخلاني اليومين الفاتو في زيارة ماكوكية للقاهرة
عقب الاعلان عن نتائج زيارة الرئيس الماسورة ... وبتمني الايام دي تركز جهودك
مع الناس ديل لانوا أتضح أنو المستقبل في البلد داك بقي حقهم .........
كنت في مشاورات مستمرة وتقديم عروض بالاراضي الزراعية المروية بكم والمطرية بكم
وفهمتهم الحكومة حتديهم بس لازم يكون عندهم ظهر قوي عشان يطلع ليهم مواقع حلوه وعلى النيل
عاليه الخصوبة لا تحتاج للأسمدة ووووووووووو _ المهم بعنا موية كويسة في حارة السقاين _
والطلبات ومقدم العمولات حولناهوا الحساب في ماليزيا
ده غير لقاءات مع اتحاد الحرفيين وورش أصلاح العربات ناس الود بلية ودماغوا العاليا عشان نشوف
طلبات المستثمرين في المنطقة الصناعية الجديدة , كتسهيلات وتخليص طلباتهم المقدمة للإستثمار
البلد جنينة وغفيره إغترب
******** موضوع المسيار كامل تشجيعي ودعمي على الاقل يكون في شي في البلد ساير ...........ما كلو واقف
######## تابع المواسير والمواسير عن كثب دي شفرة المستقبل في البلد الفضل
############## باقي المواضيع ماشه زي سكينة في جاتوه والتقرير الاسبوعي حتلاقاهوا في الخاص
تحياتي
|
Post: #163
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-07-2013, 09:26 AM
Parent: #162
** ود الخطيب الضراع الذى لايخيب ..
** صباحك خير..
## الواحد كان عايز يتخارخ لكن بى كلامك دا ,, يادوب القعده حِلت ..
** يعجبنى فيك شغلك على مويه بيضا..
## أها الأيام دى الموضوع الساكيهو عايز ليهو عُمره يوم جُمعه والمطره تكون صابا ,, عايز أرحل المقابر الجنب النيل إتملت ومافى فرقه لطفل عشان يدفنوهو ,, ومحلها حتقوم مجموعة فنادق عالميه بإسم شخصيه وهميه (عارف) ليه عشان نِقة ناس الجرائد والعالم الحاسده..
## فى العقود تفهم الحلبه ديل أنو العماله 70% من عندنا و 30% فقط من عندهم إذ بدهم إستثمار مُش إستحمار ..
(ودام الود بيننا لخدمة المصالح المُشتركه)
^
^
^
## كسره:- أُمبارح البلد نامت مُرتاحه من دون إى قلاقل تؤثر على الوضع الأمنى بعد ماالجماعه البطيخاب طاروووو... هو سيد البلد طار !!!!
|
Post: #164
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-07-2013, 09:53 AM
Parent: #163
سعادة المستشار عبد الكريم أحمد الامين حفظه الله زخر للوطن
Quote: ## الواحد كان عايز يتخارخ لكن بى كلامك دا ,, يادوب القعده حِلت ..
** يعجبنى فيك شغلك على مويه بيضا..
## أها الأيام دى الموضوع الساكيهو عايز ليهو عُمره يوم جُمعه والمطره تكون صابا ,, عايز أرحل المقابر الجنب النيل إتملت ومافى فرقه لطفل عشان يدفنوهو ,, ومحلها حتقوم مجموعة فنادق عالميه بإسم شخصيه وهميه (عارف) ليه عشان نِقة ناس الجرائد والعالم الحاسده..
## فى العقود تفهم الحلبه ديل أنو العماله 70% من عندنا و 30% فقط من عندهم إذ بدهم إستثمار مُش إستحمار ..
(ودام الود بيننا لخدمة المصالح المُشتركه)
^
^
^
## كسره:- أُمبارح البلد نامت مُرتاحه من دون إى قلاقل تؤثر على الوضع الأمنى بعد ماالجماعه البطيخاب طاروووو... هو سيد البلد طار !!!!
|
انا ذاتي سعادتك كتير حاولته أعتزل وأوقف الاعمال بس بتذكر الوطن ... نحن نعمل لاجل الوطن
فما نقدر نتخارج ولا نقيف ......... الوطن ينادينا
غايتو العارفوا مقابر حمد وخوجلي في بحري دي فيها مواقع لاستثمارات ما عادية وعلى النيل مباشرتا
وأهو زي ما قالوا الحــلب أخونا الحي أبقي من الميت سعادتك تحاول تزبط الموضوع ده سريع انا ما عارف الجماعة
دي لى هسه ما ستثمروها ليه ........ تجي تعّمر ولو ما عندك وقت انا بجيك نعّمر هناك في السودان ....
الحــلبه فاهمين وجاهزين وخليت كمية منهم مفكرين يسافرو الخرطوم يشوفوا الامور على الطبيعة ومتوقع كم
مستثمر منهم يكون وصل فعلا وكم واحد نزل إعلان في الصحف هناك بشكر الماسورة بتاعنا على الكرم الحاتمي
والفدادين المبذولة بلا حساب للطير والسابلة ..... ما علينا إن شاء الله حد ما حوش المهم نحنه نطلع عمولاتنا و
أى واحد منه لاقيتو فهمتوا شعارنا (( اليأكل وحدو يزور ))
######## بره النص الجماعة ديل هبو في الماسورة بتاعهم لمجرد السمع أنو وعدنا يدينا حلايب وشلاتين ما خلو لى حاجة نحنه ماسورتنا المفدي
وعدهم يديهم نص البلد....................................... ولا واحد ما قال بغّم
## سمعته بالخبر سيد البلد طار طبعا انا لا لى في العير ولا في النفير ولا عارف سيد البلد من غيرو أكيد عارف خدمة البلد
ما مدينا أي فرصة ....... غايتو زمأأأأأأأأأأأأأأأأأن شجعته الموردة زمن أحمد بابكر ... وبريش والجقر والعقد الفريد بس أظنو زمنا فات وغناينا مامات بس بغني بالبركة
|
Post: #166
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-07-2013, 03:59 PM
Parent: #164
Quote: غايتو العارفوا مقابر حمد وخوجلي في بحري دي فيها مواقع لاستثمارات ما عادية وعلى النيل مباشرتا
وأهو زي ما قالوا الحــلب أخونا الحي أبقي من الميت سعادتك تحاول تزبط الموضوع ده سريع انا ما عارف الجماعة
دي لى هسه ماإستثمروها ليه ........ تجي تعّمر ولو ما عندك وقت انا بجيك نعّمر هناك في السودان |
** ود الخطيب..
** مساء خير..
## ياخوى الجماعه الأيام دى فى صراع أفيال داير بيناتم ,, خلينا ننجض موضوع المقابر دا والموضوع فيهو شركه أمريكيه ,, على بالطلاق واحد فيهم يفتح خشمو مافى والبفتح خشمو تُهمتو جاهزه ,, (الإخلال بالامن القومى ومحاولة الإستيلاء على السُلطه بالقوه) ..
## مابطال تعال جرب عُمرة الخرطوم فى الساحه الخضرا ,, الأيام دى فاضيه والمُعتمرين هجوا مشو ماليزيا ##
(ودام الود بيننا)
|
Post: #165
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-07-2013, 09:53 AM
Parent: #163
حذفت للتكرار الظاهر يدي بقت تقيلة على الارسال
|
Post: #167
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-10-2013, 08:52 AM
Parent: #165
** أفادت التقارير الأمنيه أن اللحس والسرقه والرشوه بالولايات تفوق العاصمه ,, وأن الوزراء بالنسبه للولاه يعتبروا شحاديين **
** فلقد قام والى ولاية المواسير بشراء عربه لاندكروزر موديل 2013 لإبنته للذهاب بها للجامعه بسعر مليار ومائتان وخمسون مليوناً**
## وعند رفع التقرير للجهات العليا لإتخاذ اللازم ,, لم نتلقى رداً حتى تاريخه بالرغم من عبارة عاجل ,, ولربما نتلقى الرد بعد شهرين بأن نخليها مستوره ,, والتى أصبحت تستحى من السُتره ##
(ودام البلد ملحوساً ومنهوباً لفئة المُقربين)
|
Post: #168
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-10-2013, 09:22 AM
Parent: #167
شيخنا المستشار عبد الكريم أحمد الامين
التحية والتقدير
# دي تقارير مهمه سعادتك تستحق الاهتمام و المتابعة وحقوا تشوف مع الجماعة لو في طريقة تقايط الوزارة بولاية
قبل مده قريت أنو ولاية سنار مثلا كان حجم إختلاساته 310 من حجم ميزانيته 600 ما عارف مليار ولا مليون
المهم الرقم كان أكتر من النص !!!!!!!!! طبعا دي في الخيال ما قاعد تحصل بس شكرا لحكومتنا التي
جعلت من هذا ممكنا ........
### سعادتك أنت وين قبل يومين قدر ما تلفته أشوفك في بث الجزيرة عن مؤتمر الدوحة ما شائفك كان في عكسه مليارية
شائف مصطفي عثمان شحادين في خط مافي ... المتعافي في خط 6 أمين حسن عمر يفتح ويغمض ... وبشه في الخرطوم لسان حالوا أمطري أنا شيئيتي سيأتينا خراجك ..
########## سعادتك فكر في موضوع الولاية ونحنه جاهزين للدعم والتنمية ومرسل ليك أول مشروع تنموي خطة متكاملة لمهرجان سياحة وتسوق ... ما تندهش الأولويات قي البلد ديك بقت مخّتلة خلقة ....
############ شوف الموضوع ونحنه جاهزين لمهرجانات السياحة والتسوق
تحياتي
|
Post: #169
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-10-2013, 11:01 AM
Parent: #168
| Quote: ### سعادتك أنت وين قبل يومين قدر ما تلفته أشوفك في بث الجزيرة عن مؤتمر الدوحة ما شائفك كان في عكسه مليارية[/red شائف مصطفي عثمان شحادين في خط مافي ... المتعافي في خط 6 أمين حسن عمر يفتح ويغمض ... وبشه في الخرطوم لسان حالوا أمطري أنا شيئيتي سيأتينا خراجك .. |
** ود الخطيب ..(الذى يجلب المُفيد)
** سلام..
## موضوع الدوحه دا عـضـتـو تــافــــهـــــه ولاتستحق التصوير والظهور والذى منو ,,, كُلها 3الف$ فى اليوم مع السكن فى فندق 5 ستار وعربية ضيافه للترحيل من والى ,, بعد داك إنت وحندكتك ورزالتك وتقربك من الشيوخ مُمكن يعصرو ليك ظرف فيهو 20 الف $ وأحياناً يورو ..
** ياراجل المانحيين والقطريين بقوا شُداد عارفين جماعتك والمُفاوضيين من الطرف الآخر ملوك اللِحس والهمبته ,, القروش دى هم حيصرفو على المشاريع والأشخاص الذين يستحقونها بمعرفتهم ,,, الموضوع لو فيهو كـِـــده كان سيد الجنينه مشا بنفســـو..
لذلك يمكن أن يحدث الآتى:-
1\ الإتفاقيه دى يكون حدها الفندق الذى تمت فيهو الإجتماعات ..
2\ المفاوضيين ما من مصلحتم الموضوع دا ينتهى والنقاطه العايشين عليها تقيف ,, إن شاء الله دارفور تعدم طفاى النار..
3\ كالعاده الحكومه لاتلتزم بإى إتفاق ...
4\ تكون هنالك جولة مفاوضات أُخرى لمُراجعة المفاوضات السابقه ..
5\ الموضوع دا مُمكن ما يتحلا إلا بعد 10 سنوات ..
## بفكر جدياً فى موضوع الولايات أم مليارت .... المبلغ بتاع والى سنار بالمليارت ,, تم تزبيل الموضوع وستره وكفى الله اللاحسين شر الفضيحه ,, والكاش بيقلل النقاش ..
(الى أن نلتقى فى ولايه مُرطبه ,,, والله شكلنا حنعملا هوووووى ياليلى )
|
Post: #170
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-11-2013, 06:40 AM
Parent: #169
** مُستثمر خليجى لديه 1500 فدان بإحدى الولايات طلب منه الوالى شخصياً أن يُزبله بالمعلوم حتى يسمح له بالزراعه فما كان منه الى أن غفل راجعاً ولاتزال الأرض بوراً ,, تم رفع الأمر للجهات العُليا موثقاً بإفادة المُستثمر وشاهدين عدول مُسلميين ومختونيين وأُخذت إفادتهما بعد أن توضأ وصليا راكعتين **
## اها برضو حتخلوها مستوره ... والله مستوره ذات نفسها خجلت من إسمها ...
(كل ماتلحس أكثر تثبت فى كرسيك أكثر) (حكمه ذات توجه حُمارى)
|
Post: #171
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-11-2013, 10:04 AM
Parent: #170
شيخنا المستشار عبد الكريم أحمد الامين
أدامك الله وأبقاك زخر للوطن ... والمواطن لو لقيت ليهوا فرقة في خدماتك العظيمة
بعد التحية وكتير السلام ,,,
# نباء ولاية سنار , ونباء المواطن الخليجي صاحب 1500 فدان في الجنينة الغفيرة أغترب كلها بتخلينا في الطريق الصحيح لطب الولاية بدلا عن الوزارة
أتخّيل سعادتك ولاية تبرطع فيها زي ما عوز ... ميزانية اتحادية وميزانية تعمله براك من ولايتك رسوم وجبايات ومخالفات ونفيايات وووووووووو
ومهرجانات سياحة وتسوق ....... ياخي أقوليك شنو ياها دي البركات البتتفتح من السماء والارض ... القاصدنها ذأأأأأأأأأاته
## المهم ولاية دي ما بنفع معاها مناديب , أول ما تتعين سعادتك ألم عفشي وعيالى وأجي البلد جري ... ماظن تلقي زول تأمنوا على خزائن ولايتك زي
وحاجتهد معاك نعمل تيم عمل مثابر كل ما نقعد في إجتماع حيكون هدفنا وأحد (( تطوير الموارد وإستحداث موارد جديدة ))... صحة تعليم ووووووووووووو
ما عندنا شغله بيهم عوزين يتطوروا يطوروا نفسهم براهم لو على الصحة مافي زول بموت غير يوموا ولو على التعليم القروا عملوا شنو ( قر ينفخهم )
### وحّرم ما طالب كتير فيلا حكومية كنائب والي ووزير مالية الولاية وأربعة ولا خمسة عربات حكومة وراتب وبدلات ما حناقش فيها كتير لانوا ما مفكر فيها
أصلا ولا حتطلع حاجة من الحاطلعوا من إجتهادي واتصالاتي وتساهيلي كم مليار شهريا حق الحلاوه للعيال
###### بتمني سعادتك تشوف موضوع الولاية ده في أقرب وقت ممكن لانوا عندي كل الدراسات للموضوع ده مكتمله وجاهزين للأنتقال لولايتنا
وليك أجمل تحية سعادة الوالي _ باعتبار ما سوف يكون _
|
Post: #172
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-11-2013, 04:59 PM
Parent: #171
| Quote: بتمني سعادتك تشوف موضوع الولاية ده في أقرب وقت ممكن لانوا عندي كل الدراسات للموضوع ده مكتمله وجاهزين للأنتقال لولايتنا |
** نائب الوالى ,, مسؤول بيت مال المُسلمين ,, رئيس العسس ,, والمُحتسب والمُنسق ود الخطيب ..
(والله مُسميات وظيفتك بقت زى إسم ليبيا زمان).
** ســـلام..
## موضوع الولايه ساعيين ليهو بجديه شديده بلا داخليه بلا خارجيه ,, هنالك حيث لارقيب ولاحسيب تغرف بس البيخونك عدم حرفنتك ,, لكن إحتياطياً قبل مانستلم الولايه ,,, عايزين نعمل حركه فى شكل ورده ندوات عن إصحاح البئه والتعليم والصحه والأمن وإنسان الولايه ,, عشان كدا تشوف لينا 5 عربات لنقل الأوساخ من الأحياء وتشوف لينا شركة إنارة للشوارع بالطاقه الشمسيه ..
** بعد الحاجات دى حاأرتب ليك زيارات خارجيه بتاعت تؤامه مع الدول والمُدن المُحترمه ,, وكذلك زيارات تنويريه لأبناء الولايه فى المهاجر ,, على بالطلاق بدلات "$" ساهى من الزيارات دى بغربتك لمدة 20 سنه ..
(ودام الود بيننا لخدمة الولايه المُرتقبه)
|
Post: #173
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-12-2013, 05:25 AM
Parent: #172
## نائب الوالى والمُحتسب ود الخطيب ..
@@ جُمعتك مُباركه ..
## بعد أن تؤدى شعائر الجُمعه بالحرم :-
## مطلوب إسم رنان للولايه المُرتقبه ,, بعيداً عن الأسماء التى إنتهجها تُجار الدين ..
|
Post: #174
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-13-2013, 11:46 AM
Parent: #173
شيخنا المستشار عبد الكريم أحمد الامين
التحية والتقدير
# والله بعد كلامك ده الحماس 1000
## بدينا نجهز الكبابي بس بصورة أفضل من النموذج أعلاه لاحد زملائكم الولاة كما جاء في بوست هنا
ستكون الصورة لسعادتكم وانتم تسلموا بحرارة عى أحد المواطنين من ابناء ولايتكم ده غير اللوحات المضيئة وعشرة الف صورة لسعادتكم تعلق بالمكاتب الحكومية
ودي ما دعاية لشخصك لا سمح الله لكين عوزين المواطن يحس بتواجدك في كل المواقع عين ترعي وتراقب ..........
#### تم طرح الاسم الجديد للولاية لبيوت خبرة عالمية للتنافس في تقديم أسماء مبتكره لاسم الولاية وشعارها حيث تقدمت لذلك شركات إعلامية وفنية من مصر ولبنان والهند
وفعلا بدء سحب مظاريف المواصفات والشروط مقابل 20ألف دولار لا ترد ...و راعينا أنو يكون أسم رنان وذو معاني جديدة
#### ننتظر تحديد الولاية وتعينكم ليجري الإعداد لاحتفالية ضخمه بعاصمة الولاية تحت عنوان استقبال والي القرن ... راسلنا ولاه داخ وخارج السودان لتشريف الحفل المرتقب
####### عربات النفايات وعدد 2 أسعاف وعربة مطافي وإتنين بكاسي هيلوكس دبل كبينة _ ديل لى _ أرجو تجهيز إعفاءات باعتبارهم
داخلات في التجهيزات لولايتكم لتبدأ على بركة الله إنطلاقتها الميمونة
#################### الايام دي بخطر ببالى محجوب شريف لما كان بقول للحرامي زمأأأأأأأأأأأأأأأأأأاان ...
((( بتسرق سفنجة وملايا وغير ( تصدق ) بيسرق ولاية !!!!!!!! ))) التقول من الزمن داك أستاذنا دي قلبوا حاسي ..........
تحياتي
|
Post: #175
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-13-2013, 02:47 PM
Parent: #174
| Quote: ####### عربات النفايات وعدد 2 أسعاف وعربة مطافي وإتنين بكاسي هيلوكس دبل كبينة _ ديل لى _ أرجو تجهيز إعفاءات باعتبارهم داخلات في التجهيزات لولايتكم لتبدأ على بركة الله إنطلاقتها الميمونة |
## نائب الوالى ود الخطيب..
** مساءك خير..
## تم إجراء اللازم..
Quote: ##الايام دي بخطر ببالى محجوب شريف لما كان بقول للحرامي زمأأأأأأأأأأأأأأأأأأاان ...
((( بتسرق سفنجة وملايا وغير ( تصدق ) بيسرق ولاية !!!!!!!! ))) التقول من الزمن داك أستاذنا دي قلبوا حاسي .. |
** ياخى شوفتا الناس النضيفه وأخلاقا عاليه نظرتا للامور كيف؟؟ البيسرق ولايه وتجيب المُستندات ويتقبض بالثابته ونقدم فيها تقرير لسحب الحصانه لمُعاقبتو ,,, يقولو ليك إحـــتـــســــب ... لى يومى ويومك دا ماعارف معنى الكلمه دى شنو (إحتسب وخليها مستوره)..
## ياخوى نمسك الولايه ونعلن إنفصالا عن البلد المُهببه دى..
|
Post: #176
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-15-2013, 04:45 AM
Parent: #175
** أخونا أُسامه العوض ..
** أدانا ليها بالمُستندات من منظمة الشفافيه CPI , ونتيجتنا ماشاء الله :- مُغتسله ومتوضئه ومُحجبه وبى دقنا:-
Re: جيدلكم ياشماليين: الفساد المتوضئ تفوق على الفساد السادة]
|
Post: #177
Title: Re: ## ياناس يودانيزونلاين باركووووا لى .. بقيت وزير !!! ##
Author: حسن طه محمد
Date: 04-15-2013, 05:00 AM
Parent: #176
سعادة الوزير
وصلت الصفحة السادسة وانت لسه وزير !!!!!
ياخي والله طولت خلاااااااااااص
طيب المليارات دي كلها لسه ما كفتك ؟
اقترح عليك : في كل بلد في العالم : افتح حساب بمليون دولارز
|
Post: #178
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-15-2013, 05:29 AM
Parent: #177
Quote: سعادة الوزير
وصلت الصفحة السادسة وانت لسه وزير !!!!!
ياخي والله طولت خلاااااااااااص
طيب المليارات دي كلها لسه ما كفتك ؟
اقترح عليك : في كل بلد في العالم : افتح حساب بمليون دولار. |
** ود البوب ..
** سلام وصباحك خير..
# دى إسمها مرحلة تكوين النفس وخاصةً لما تكون وزير من قبل الجبهه المُتصالحه ,, من ناحية الحسابات الخارجيه بالدورررررات تى بتقوم بيها الحكومه على وزن المثل :- (أطعم الفم تستحى العين) ,, وبعد داك إنت وفهلوتك تخمش وتسرق لا حسيب ولارقيب ولا فى حد بيقول ليك تلت التلاته كم ,, تظهر الريحه ,, تسمع كلمة :- إحـــتـســــب ,, وخلووووها مُــســتــوره..
## الوزاره قريب حنفك دربها وداخلين على الولايات (والى الولايه) أحسن من أخو الريس ,, اللغف هُـبـر هُـبـر هُـبـر هُـبـر ..
(ودام الوالى فى خدمة الشعب المتوالى)
|
Post: #179
Title: Re: ## ياناس يودانيزونلاين باركووووا لى .. بقيت وزير !!! ##
Author: فتح العليم محمد أبوالقاسم
Date: 04-15-2013, 06:22 AM
Parent: #1
كلام فارغ لامعنى له .
وكان من ا لانسب التعبير في مقال عن تلك الاخفاقات والواسطات .
|
Post: #180
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-24-2013, 05:09 AM
Parent: #179
** تعليمات لجميع أقسام الشرطه:-
## يعمل بهذه التعليمات من تاريخ تلقيها تقوم مراكز الشرطه كل فى دائرة إختصاصها بحماية الساحات الرياضيه والساحات المُخصصه كمتنفس للأحياء من التغول عليها وتحويلها لمبانى ##
|
Post: #181
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-24-2013, 07:12 AM
Parent: #180
سعادة المستشار
صباحك زين ,,,
| Quote: ## يعمل بهذه التعليمات من تاريخ تلقيها تقوم مراكز الشرطه كل فى دائرة إختصاصها بحماية الساحات الرياضيه والساحات المُخصصه كمتنفس للأحياء من التغول عليها وتحويلها لمبانى ## |
غايتو قدر الفضلوا في كم وأحد من الكبار خاتين عينهم عليهم
وماظن الناس تزعل كباره ..... غايتو بتوقع أقسام الشرطة يسمعوا توجيهك
(( بحماية ساحات المولد المخصصة للإحتفال بالذكرة العطرة )) رياضية ومتنّفس للأحياء
دي ما معانا ... المتنفسّين ليها شنو !!!!!!!!
والنصيحة لو ما لقيت ولاية فاضية وبقيت والي غايتو حنّس سيد الجنينة لو يديك السدود
أها دي أحسن من أي ولاية ... فيها تفحيط بإهمال
تحياتي
|
Post: #182
Title: Re: ## ياناس يودانيزونلاين باركووووا لى .. بقيت وزير !!! ##
Author: مهيرة
Date: 04-24-2013, 11:50 AM
Parent: #181
سلامات ياسعادة الوزير
والله عجبتنا ليك الوزارة ، لكن لينا اسبوعين نساسق بدربكم والسكرتارية مانعانا الدخول لفخامتكم
طلب صغير ياسعادتك قبل ماتسيب الوزارة وتستلم الولاية:-
عاوزة لى جواز ديبلوماسسسسسسسسى
عشان الجماعة ما يتلتلوا أختك فى مطار الخرتوم الدولى
تحياتى وتقبل هذه الباقة وربنا يحفظك من عين الحسود يامولانا
|
Post: #184
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-26-2013, 11:17 AM
Parent: #182
Quote: والله عـجبتنا ليك الوزارة ، لكن لينا اسبوعين نساسق بدربكم والسكرتارية مانعانا الدخول لفخامتكمطلب صغير ياسعادتك قبل ماتسيب الوزارة وتستلم الولاية:-
عاوزة لى جواز ديبلوماسسسسسسسسى |
** دكتورتنا بت الجعلى (مهيره)..
** حمداً لله على السلامه وجُمعتك مُباركه..
## يادكتوره يظهر عليك مشيت الوزاره الغلط ,, مكتبى فاتح على البحرى ومدير المكتب مافى بينى وبينو حجاب عشان حركات السكرتاريه بتاعت :- الوزير فى إجتماع الوزير مع الريس ..
## بخصوص طلبك الجواز الأحمر جاهز ,, يعنى العندهم الجواز أحسن منك ولا أفهم منك ..
(ودام الود بيننا)
|
Post: #183
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-26-2013, 09:36 AM
Parent: #181
Quote: والنصيحة لو ما لقيت ولاية فاضية وبقيت والي غايتو حنّس سيد الجنينة لو يديك السدود
أها دي أحسن من أي ولاية ... فيها تفحيط بإهمال |
** ود الخطيب..
** سلام وجُمعتك مُباركه..
## مشكور على تجهيز مكتب أديس والفيلا..
** موضوع السدود الآن له الأولويه أكثر من الولايه وذلك لأسباب قانونيه ولوجستيه والقانون الذى يحكمه قانون خاص مُفصل عند ترزى أفرنجى..
(ودام الود بيننا)
|
Post: #185
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-27-2013, 07:53 AM
Parent: #183
سعادة الوزير ,,,
بعد التحية وكتير السلام
والله بالشايفوا ده حقوا نتقل المسأل شوية ... ياخي لو بتلاقي سيد الجنينة كلموا
كده كتره شديد !!! ما قلنا حاجة يسرق هو حراميتوا في البلد الهامله , كمل حاجات الحكومة
قبل على حق الناس ... قول لى عارفنك بايعة وماظن بتفكر في القبر ... بس البتعمل فيهوا
ده حيخلي الجنينة تجوط الناس ما حتسامحك في أرضه ودمها أها حتقتلهم كلهم ولا الدباره شنو !!!
بعدين لو جاطت السرقتوا وكنزتوا ده حيفيدكم في شنو !!!
لو الجنينة خربت أنتوا أول المتضررين الناس أغلبهم ما عندهم البخسروهوا
لكين أنتوا خسارتكم كبيرة والعملتوا من دم الناس السنين الفاتت دي كلها ما حيفيدكم وانتوا هاربين في بلد تاني
ولا جات الطوبة في المعطوبة وأستلموكم في المحكمة الدولية ...
الناس البتسترخص في ارواحهم لو ديل على ديك والجنينة كلها هبت ما بتقدرهم ....والله ما بتقدرهم
يا سيد الجنينة وحراميتك أسرقوا زي ما عوزين بس عليكم الله أبعدوا من الارض والدم
وتحيا أم دوم
تحياتي
|
Post: #186
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-27-2013, 04:52 PM
Parent: #185
Quote: يا سيد الجنينة وحراميتك أسرقوا زي ما عوزين بس عليكم الله أبعدوا من الارض والدم
وتحيا أم دوم |
** ود الخطيب..
** سلام ومساءك خير..
## مُشكلة سيد الجنينه إنو هطله ومابيسمع إلا كلام الهطله اللمبى ,, وشكلو حايوديهو الخووووور وزمان قالوا:- الببارى الجداد بوديهو الكوشه ,,, هسه الجماعه ديل فرقهم شنو من الأسد البقتل فى شعبو ,, إنها بداية النهايه ,, علماً بان قوات جهاز الأمن هى التى تتولى الإباده ...
|
Post: #187
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 04-28-2013, 03:30 AM
Parent: #185
Quote: يا سيد الجنينة وحراميتك أسرقوا زي ما عوزين بس عليكم الله أبعدوا من الارض والدم
وتحيا أم دوم |
** ود الخطيب..
** سلام ومساءك خير..
## مُشكلة سيد الجنينه إنو هطله ومابيسمع إلا كلام الهطله اللمبى ,, وشكلو حايوديهو الخووووور وزمان قالوا:- الببارى الجداد بوديهو الكوشه ,,, هسه الجماعه ديل فرقهم شنو من الأسد البقتل فى شعبو ,, إنها بداية النهايه ,, علماً بان قوات جهاز الأمن هى التى تتولى الإباده ...
|
Post: #188
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 04-28-2013, 07:20 AM
Parent: #187
سعادة المستشار عبد الكريم أحمد الأمين
صباحك زين ,,,
على ايامنا كان الكومر والعصي والبمبان (( يا بوليس ماهيتك كم ورطل السكر بقي بي كم )) ......
(( نحنه الطلبه سلاحنا الطوب لن يحكمنا طيش حنتوب ))
ماكان في رصاص حي ... لأنو مافي عاقل حيواجه هتاف بالرصاص ... الرصاص قبل كده فّجر
أكتوبر _ وكن القرشي شهيدنا الأول _ ونميري أنتفض الناس على نظاموا نقابات وأفراد ومافي زول
ضرب رصاص حي .... في زمن سيد الجنينة الروح أرخص حاجة .......
أكيد حزنته للشاب الزي الورد السلبو حياتوا في أم دوم
مع أنو ده بقي عادي عند حكومة قتل الناس بقي لليها إعتياد ...
ويمكن ده أثر للفساد ما بعد عن موضوعنا هنا كتير ... الزول الفاسد ما تتوقع منو أي قّيم خّيرة ....
تعصموا حق الناس ودمهم ...............
Quote: ## مُشكلة سيد الجنينه إنو هطله ومابيسمع إلا كلام الهطله اللمبى ,, وشكلو حايوديهو الخووووور وزمان قالوا:- الببارى الجداد بوديهو الكوشه ,,,
هسه الجماعه ديل فرقهم شنو من الأسد البقتل فى شعبو ,, إنها بداية النهايه ,, علماً بان قوات جهاز الأمن هى التى تتولى الإباده
... |
فرقهم أنو الأسد ما قام طوالي بنمره أربعة وانو تصاعد الأحداث وصلوا للقتل بدون تميز .......
سيد الجنينة وحكومتوا طوالي عوزه ترسل طياراته وتمسّح وتكسّح ... وترسل دفارات النجدة والعمليات تتصدي للعّزل بالرصاص الحي
تحياتي
|
Post: #189
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 05-04-2013, 11:41 AM
Parent: #188
** نتيجةً لعدم وجود شفافيه فى التعامل مع الطاقم الوزارى ,, وإصرار سيد الجنينه على بقاء اللمبى وبقية الحاشيه الفاسده لذلك قررت التقدم بإستقالتى من وزارة الداخليه وإعادة كل العُهده الموجوده بذمتى لرئاسة مجلس الوزراء **
|
Post: #190
Title: Re: ## ياناس يودانيزونلاين باركووووا لى .. بقيت وزير !!! ##
Author: عبدالكريم أحمد الامين
Date: 05-04-2013, 11:46 AM
Parent: #188
** نتيجةً لعدم وجود شفافيه فى التعامل مع الطاقم الوزارى ,, وإصرار سيد الجنينه على بقاء اللمبى وبقية الحاشيه الفاسده لذلك قررت التقدم بإستقالتى من وزارة الداخليه وإعادة كل العُهده الموجوده بذمتى لرئاسة مجلس الوزراء **
|
Post: #191
Title: Re: ## ياناس يودانيزونلاين باركووووا لى .. بقيت وزير !!! ##
Author: عبد الناصر الخطيب
Date: 05-04-2013, 01:35 PM
Parent: #190
سعادة المستشار الوزير المستقيل ( كنت حاكتب حفظك الله زخر للوطن بس ما بتنفع بعد الاستقالة )
كتير التحايا والسلام ,,,
Quote: ** نتيجةً لعدم وجود شفافيه فى التعامل مع الطاقم الوزارى ,, وإصرار سيد الجنينه على بقاء اللمبى وبقية الحاشيه الفاسده
لذلك قررت التقدم بإستقالتى من وزارة الداخليه وإعادة كل العُهده الموجوده بذمتى لرئاسة مجلس الوزراء ** |
انا بأسف للقرار بس أى زول بعمل البتوافق مع ضميروا وقناعاتوا وأكيد الوزارة هي الفقدتك
بغض النظر عن عدم وجود الشفافية ووجود الحاشية الفاسدة ........ دي حاجات بقت علامه مسجلة لسيد الجنينة وحكومتوا
تصرفك في حد ذاتو يستحق التقدير في بلد ما فيها وزراء بستقيلوا الوزير يا يقيلوهوا من الوزارة يا يموت ودي
نادرة ودي نادرة ... ببساطه ما عندنا مسئول بعترف أنو فشل في منصبوا ولو حسه بكدة
بلقي ألف شماعة يعلق عليها الفشل ده وبرضوا بكون حاسي أنو ملّهم وهبه من ربنا للشعب
عشان يكون قاعد في المنصب ده
### متأكد حاسمع الخبر بعدين في اخبار 10 مساء تم قبول إستقالته لاسباب صحية ....................
تحية وتقدير
|
|