Post: #1 Title: الملام الأصل ونكهات تتفاوت فى الجودة Author: منعمشوف Date: 03-09-2013, 00:51 AM Parent: #0
أغنية الملام لأيقونة التجربة السودانية مصطفى سيد احمد أغنية حميمة وقريبة لأى زول فينا كتبهاعبدالوهاب هلاوى وعلاجها الراحل مصطفى موسيقيا وسمعناها منه فى التسجيل الوحيد حسب علمى مع الراحل محجوب عبد الحفيظ وبالأحرى سمعتها انا لأول مرة بغرفة الغجر بداخلية معهد الموسيقى والمسرح نواحى بانت بصوت الفنان المسرحى عبدالحكيم عامر وكل ما يداهمنى الحنين تأخد الملام لها مقعداً أمامياً من الأزمة وتتحكر. شأءت الصدف أن أجد رفيقة دربى الوعر مجنونة هى أيضاً بالملام بل وتسمعها بنكهات مختلفة، فبدأت أناً ايضا فى تناول هذه النكهات للحد الذى جعلنى أخيراً أفكر أن اشركم فيها معى.
كدى فى الأول نسمع الأصل وسيدها الذى عالجها
Post: #2 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 00:56 AM Parent: #1
نبدأ بالأصغر والأحدث سيف الدين حسان وأظنه من برنامج نجوم الغد
Post: #3 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 00:59 AM Parent: #2
الملام بصوت أبوبكر سيد أحمد
Post: #4 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:02 AM Parent: #3
الملام بصوت حافظ عوض أربجي
Post: #5 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:06 AM Parent: #4
الملام بصوت محمد إبراهيم أبوعرب وهو إبن أخت مصطفى سيد أحمد ويدرس الموسيقى بكلية الموسيقى والدراما
Post: #6 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:09 AM Parent: #5
الملام بصوت عوض أحمودى
Post: #7 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:12 AM Parent: #6
الملام بصوت صلاح كوستى
Post: #8 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:16 AM Parent: #7
الملام بصوت نزار الماحى سليمان
Post: #9 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:19 AM Parent: #8
الملام بصوت زيادة النور
Post: #10 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:24 AM Parent: #9
الملام بصوت مامون حمدتو
Post: #11 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:32 AM Parent: #10
وأخيراً وإحتمال كبير جداً ليس آخراً الملام بصوت مجاهد عمر
Post: #12 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 01:39 AM Parent: #11
الغريبة لم أسمعها على الإطلاق بصوتى عمر خليل وعاطف أنيس وديل شباب كما تعرفون إرتبطت تجربتهما الموسيقية فى بداياتها بتجربة الايقونة مصطفى سيد أحمد
Post: #13 Title: Re: الملام الأصل ونكهات تتفاوت فى الجودة Author: محمد جبره Date: 03-09-2013, 03:35 AM Parent: #12
حبيبنا منعم
تحيات واشواق
عرفناك زول شواف لكن سميع دي واضح انها من تأثيرات اختنا طرفكم
الحميمية الفي الاغنية دي مردها في المقام الاول للزول الفراش هلاوي و الحكمة في انها اتحفظت بتسجيل يتيم للراحل مصطفى و بالعود فقط لان مصطفى غناها ذي الونسه الدقاقة و باقاعه هو الجواه و سجيته , وخلى اللحن والكلام والعود ماخدين راحتهم كامله عشان كدا اي محاولة لادائها بمصاحبة اوركسترا أو حتي ايقاع بتلقاها مكتفه ونفسها مخموم لان العود في الاغنية عبر عن اللحن تماما و كان ذي الفراش يرك ويطير بين المقاطع باحساسه النبيل
تحياتي
Post: #14 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 08:08 AM
كتب سيف اليزل أحمد عبر الفيسبوك Seifelyazal Ahmed من أجمل ما غني مصطفي سيد أحمد، وأول مرة سمعتها من إحدي الزميلات زمن الجامعة وكانت تغنيها بحب وطرب شديد ـ ملحوظة جني وجن زول يعمل ليهو حاجة مفترض إنو تكون جميلة هو أساسها ويقوم يخرمجا، زي تسجيل صلاح كوستي الفوق دا ،دا مايك ولا علبة بف باف ومالوالمايك العادي عيبو لي بعدين زي التسجيل مصورنو من حفله دكاكينية من غيرإذن صاحبهاـيعني بالدس
Post: #15 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 08:23 AM Parent: #14
العزيز محمد جبرة تحيات طيبات يا شاب فعلاً النص جميل وإحساسه إحساس الونسة الدقاقة ومصطفى مشى فى معالجته على النحو دا
Quote: اي محاولة لادائها بمصاحبة اوركسترا أو حتي ايقاع بتلقاها مكتفه ونفسها مخموم لان العود في الاغنية عبر عن اللحن تماما و كان ذي الفراش يرك ويطير بين المقاطع باحساسه النبيل
وهنا برضو تحليلك سليم، ذكرتنى زمان وفى أواخر التسعينات فى ناس حاولوا ليهم محاولة فاشلة جداً وذلك بتركيب موسيقى على تسجيلات عود لمصطفى سيد أحمد ويمكنك أن تتخيل النتيجة
فى كل محاولات الشباب ديل عجبتنى محاولة مجاهد عمر العوّاد الخطير وصوته الهامس
شكر ليك يا شاب
Post: #16 Title: Re: الملام الأصل ونكهات تتفاوت فى الجودة Author: منعمشوف Date: 03-09-2013, 08:42 AM Parent: #15
سلامات يا سيف اليزل
Quote: دا مايك ولا علبة بف باف ومالوالمايك العادي عيبو لي بعدين زي التسجيل مصورنو من حفله دكاكينية من غيرإذن صاحبهاـيعني بالدس
ـههههه يبدو إنو دى كانت مشكلة فى تسجيل صوت الحلقة كلها، وملاحظتك دى تلقاها برضو فى تسجيلات عمر خليل فى نفس الحلقة واضح إنو السودان دا فيهو شح فى مهندسين الصوت، وكتير من القنوات العاملة تعانى من مشاكل فى الصوت وجودته دى كانت قناة أمدرمان وحقيقة القناة ديل برغم إجتهاداتهم لكن بعملوا فى حاجات كتيرة كدا زى الأماتورز.
شكراً ليك شاب
Post: #17 Title: Re: الملام الأصل ونكهات تتفاوت فى الجودة Author: معاوية الزبير Date: 03-12-2013, 07:11 AM Parent: #16
فاضل لينا نسمعها بي صوتك يا منعم تحياتي يا شاب، كم هي جميلة منك،، يا حبيب
Post: #18 Title: Re: الملام الأصل ونكهات تتفاوت فى الجودة Author: منعمشوف Date: 03-14-2013, 08:21 PM Parent: #17
Quote: فاضل لينا نسمعها بي صوتك يا منعم
والله ياهو دا الفضل يا ماو ! شكلك ناوى تقفّل حوش بكرى
تعرف الزول التانى العجبنى شغلو هو نزار الماحى سليمان وعازف الأورغان المعاهو برضو زول فنان بالإضافة لود المليجى فى الدنب التلاتة أدونا الإحساس بتاع الأوركسترا والإتكلمت انا فيهو مع الأخ جبرة فوق
بالمناسبة نزار برضو غنى كلمات الأغنية بطريقة صحيحة يعنى مثلاً ما قال: الوردة لو خانا الفراش ما أظن تخونو مع الندى بل قال وكما تقول القصيدة ويغنيها مصطفى : الوردة لو فاتا الفراش ما أظن تلومو مع الندى
ودى من الحاجات التى أحترم فيها الفنان الذى يقلّد عمل مسموع
Post: #19 Title: Re: الملام الأصل ونكهات تتفاوت فى الجودة Author: صلاح شعيب Date: 03-14-2013, 08:37 PM Parent: #18
صديقنا المسرحي منعمشوف والله انتباهتك مهمة في أمر الملام هذه الأغنية التي ضمت ثلاثة أرواح مبدعة كملتها أرواح الموسيقيين الجميلين.. حقا استمتعت بكل من غنى الملام في إطار الإحساس والإمكانيات الصوتية والملام هي تكامل العمل الفني وهذا ما نفتقده اليوم. 1_الشاعر عبد الوهاب هلاوي من أميز شعراء الأغنية وقدم الكثير من الأغنيات التي لحتها كم هائل من الفنانين والملحنين 2_الملحن الفنان يوسف السماني من أميز الملحنين وهو الذي قام بتلحين الملام، وقدم لمصطفى أيضا (شال هم فرقتك) والتي سحبت من مصطفى في ملابسات محددة ومنحت أولا للفنان صلاح كوستي الذي غناها في حلقة تلفزيونية في الثمانينات، ثم سحبت منه ومنحت للفنان حمد الريح رغم أن مصطفى سجلها في الأول عبر شريط منصفون! 3_المغني مصطفى بأبعاده الصوتية التي اعطت اللحن عمقه.
آمل أن يتمعن الإخوة الملحنون هذه الأغنية المتنوعة في موازيرها ليدركوا أن اللحن ليس تكلف وإنما إلهام في المقام الأول. وتحياتي لك يا منعم
آمل أن يخرج الملحن المغني يوسف السماني من بياته الشتوي ويضيف لتجاربه اللحنية الجميلة.
Post: #20 Title: Re: الملام الأصل ونكهات تتفاوت فى الجودة Author: منعمشوف Date: 03-14-2013, 09:41 PM Parent: #19
العزيز جداً صلاح شعيب علّك طيب وبالف خير
منحتنى والله معلومة مهمة وهى أن الأغنية من ألحان يوسف السمانى ذو الإسلوب المختلف وعلى ذكر أغنية " شقى الأيام " وماتم فيها من حرابة، كان وقتها برنامج " مطرب وجماهير " مسجل نقاط عالية وكل الناس تقريباً بتترقبوا وتحضروا، كانت حلقة حمد الريح وبعد غنى كم أغنية أعلنت المذيعة فتحية إبراهيم عن مفاجأة ليصعد يوسف السمانى البوديوم ويعلن للناس أن أغنية شقى الايام هى لحمد الريح وفى مشهد مرتجل سلمه الأسكورات بتاعة الأغنية زعلت أنا زعل شديد وقلت "كان من الممكن ترتيب ذلك بأريحية وودية من غير شو قد يُحرج مصطفى سيد أحمد" وقمت يا زول حردت باقى الحلقة وحردت حمد الريح زاتو ــهههــ والله صحى يا صلاح وزى ما بقول ليك
لكن يوسف السمانى موسيقى وملحن ما ساهل وترك بصمات فى تأريخ الأغنية السودانية السبت الفات مع صادق شيخ الدين فى بروكسل إتكلمنا عنها شوية وعن جمال الموسيقى الفيها وياريت نسمع من الزملاء موسيقىّ البورد
وتحياتى مجددا يا شاب
Post: #21 Title: Re: الملام الأصل ونكهات تتفاوت فى الجودة Author: منعمشوف Date: 03-16-2013, 01:41 PM Parent: #20
تابع أخيراَ صادق شيخ الدين البوست ووعد بالكتابة كلام جميل أهو جانا يا صلاح زول من الموسيقيين يكلمنا عن الأغنية ونسخها المختلفة
Post: #22 Title: Re: الملام الأصل ونكهات تتفاوت فى الجودة Author: منعمشوف Date: 03-16-2013, 06:01 PM Parent: #21
ياأخوانا الأسد صادق دا ما مضمون وممكن ما يجينا هنا خالص على العموم إقتنصت فرصة وجوده معاى فى البيت بأمستردام وكنّا عمليين وجبنا الكاميرا وسجلنا تحليله للأغنية والنسخ المطروحة ونسمع رايكم فى كلامه وتحليله
Post: #23 Title: Re: الملام الأصل ونكهات تتفاوت فى الجودة Author: محمد الكامل عبد الحليم Date: 03-16-2013, 06:07 PM Parent: #21
تحية...
شكرا استاذ منعمشوف علي محاولات صياغة مزاج مترع بشجن دافق من دن تجئ عذوبته من صوت خالد موسوم بمصطفي ليتناوب المتذوقون للحن اجترارا تتعدد الوانه بتعدد ذائقتهم الشجية...لنسبح في معارج التذكار تارة والرجاءات مرات ومرات قبل ان تتصيدنا شباك الحبيب اسري بقيود حريرية... في التوق او الخيال او الاحلام...
شكرا في جميع الاوقات...
Post: #24 Title: Re: الملام الأصل ونكهات تتفاوت فى الجودة Author: منعمشوف Date: 03-17-2013, 10:18 AM Parent: #23
وشكرأ جميلاً ليك إنت أخى محمد الكامل على الكلام الطيب والمتابعة وتسلم كتير يا شاب
Post: #25 Title: Re: الملام الأصل ونكهات تتفاوت فى الجودة Author: منعمشوف Date: 03-17-2013, 11:28 PM Parent: #24
شكراً يا صادق ياخى ياريت برضو تكلمنا شوية عن مجموعة الشعراء والملحنين الجو من كسلا هلّاوى، عمر الشاعر، الحلنقى وعزمى أحمد خليل
Post: #26 Title: Re: الملام الأصل ونكهات تتفاوت فى الجودة Author: Siham Elmugammar Date: 03-18-2013, 00:08 AM Parent: #25
العزيز منعم يعنى من بطرفكم ما عندها اسم والا خايف تجيب اسمها الهوا يقسمها ياخ اشواق بلا حدود ليك ولكل من بطرفكم وسلام قدر الدنيا لاحمد
مصطفى والملام مرة واحدة انت عارف يا منعم انا مصطفى ده من رحل وانا ما بقدر اسمع ليهو قبل 3 سنين وشوية بالصدفة بسمع فى الراديو صدح صوتو من كترت ما انهجمت و اترجمت بدل ما اوقف الراديو وقفت العربية و قعدت بكيت بكيت بكيت امانه الدنيا ما صعبة وامانه ما فقدنا ناس
Post: #27 Title: Re: الملام الأصل ونكهات تتفاوت فى الجودة Author: منعمشوف Date: 03-18-2013, 02:04 AM Parent: #26
يا حليلك يا سهام إنت وجبجب والأولاد، والله ليكم وحشة يا شبيبة آفو كيفن مابنجيب إسما بت صغيرون
تعرفى نفس حكايتى فى قصة سماع مصطفى دى، يوم كنت ومجموعة من الاصدقاء هنا بينهم خالد الطاهر بنسمع فى "المسافة" ونغنى معاها، وفجأة تبدل الفرح لنحيب وبكاء هستيرى وحالات من التشنج وبعدها لسنين طويلة ما قادر أسمعه، وشوية شوية بمساعدة ماجدة رجعت أسمعوا تانى.
ماجدة وحموضى بالف خير ويغرونكم سلام كتير تحياتنا لأولادك التلاتة جبجب، محمد وحسام
Post: #28 Title: Re: الملام الأصل ونكهات تتفاوت فى الجودة Author: منعمشوف Date: 03-18-2013, 02:18 AM Parent: #27
ـهههههـ
Quote: فاضل لينا نسمعها بي صوتك يا منعم
دى حقت أهلك ناس مقرات يا معاوية، انا اليومين ديل يا صحبى ما مركّز مع السياقات، برغم أن البورد كلو مشغول بالسياق. ـهههـ حقو يسمو ربع السياق زى ما سمو من قبل ربع المعيار
Post: #29 Title: Re: الملام الأصل ونكهات تتفاوت فى الجودة Author: منعمشوف Date: 03-18-2013, 02:45 AM Parent: #28
كتب سيف اليزل عبر الفيسبوك ( حاولت أعمل إقتباس لكلامه ولكن هناك مشكلة تشفير، أرجو متابعته تحت الصفحة) شكرا يا سيف وشكراًعلى المتابعة وكلامك مفهوم جداً واشاور فيهو صادق والشباب من الموسيقيين الذين يمرون من هنا، دا فيدباك شحمان للحاجة العملا صادق ومشجع جدا فى المضى فيها ونحاول يا شاب.
شكراً كتير
Post: #30 Title: Re: الملام الأصل ونكهات تتفاوت فى الجودة Author: Abu Mariam Date: 03-18-2013, 03:46 PM Parent: #23
Quote: تحية...
شكرا استاذ منعمشوف علي محاولات صياغة مزاج مترع بشجن دافق من دن تجئ عذوبته من صوت خالد موسوم بمصطفي ليتناوب المتذوقون للحن اجترارا تتعدد الوانه بتعدد ذائقتهم الشجية...لنسبح في معارج التذكار تارة والرجاءات مرات ومرات قبل ان تتصيدنا شباك الحبيب اسري بقيود حريرية... في التوق او الخيال او الاحلام...
شكرا في جميع الاوقات...
ده شعر ده يا ىأستاذ؟؟؟ كلام جميل بجمال الاغنية
Post: #31 Title: Re: الملام الأصل ونكهات تتفاوت فى الجودة Author: Abu Mariam Date: 03-18-2013, 03:52 PM Parent: #30
الأن من البيت سمعت كلامي تاني.. لقيته ناقص كتير،، لكن ح اواصل بالكتابة املا الفراغات
وسهام المجمر سعيدين بمرورك....وعندها معاي قصة لذيذة عندها علاقة بمصطفى.. لكن علي بالطلاق ما احكيها ليكم.. لاحظو اني مستخدم الحليفة الرئاسية للدولة..
Post: #32 Title: Re: الملام الأصل ونكهات تتفاوت فى الجودة Author: منعمشوف Date: 03-19-2013, 09:18 PM Parent: #31
بالله يا أسد كمّل شغلك كدا وبالمرة إستلم البوست دا، لأنو يخصكم أنتم كموسقيين أولاً وتانياً لأنى سأتغيب لفترة قد تطول. وشكراً ليك ولكل الناس المروا من هنا متداخلين وقرّاء وفيسبكاب
Post: #33 Title: Re: الملام الأصل ونكهات تتفاوت فى الجودة Author: محمد الكامل عبد الحليم Date: 04-01-2013, 07:41 PM Parent: #30
نحية...ابا مريم...
تتصدينا مثل تلك الالحان ونهديها حواسنا...تتبلل بها حتي لا نعود خاسرين...لكنها تاخذنا الي محطات التذكار ولا يجئ القطار...ليبدأ الغناء من جديد توقا لما هو أت من بعيد يا تري ام من ازمنة رحلت اليها ارواحنا وستعود...
سلامنا هو قبلة منك الي مريم..
Post: #34 Title: Re: الملام الأصل ونكهات تتفاوت فى الجودة Author: منعمشوف Date: 04-06-2013, 03:24 PM Parent: #33
Quote: تتصدينا مثل تلك الالحان ونهديها حواسنا...تتبلل بها حتي لا نعود خاسرين...لكنها تاخذنا الي محطات التذكار ولا يجئ القطار...ليبدأ الغناء من جديد توقا لما هو أت من بعيد يا تري ام من ازمنة رحلت اليها ارواحنا وستعود..
كلام شحمان يا محمد الكامل
يا صادق وين الوعد يا شاب بملء الناقص من تحليل الفديو عارفك مشغول مع ضيوفك، لكن كدى حاول أدينا طلة
Post: #35 Title: Re: الملام الأصل ونكهات تتفاوت فى الجودة Author: درديري كباشي Date: 04-06-2013, 04:13 PM Parent: #34
يا منعشوف
يا سلام عليك
يا سلام
وبس
أغنية ولحن بنكهة الذكريات وطعم لا تعرف كنهه لكنه يطربك و يشجيك ويشقيك ويشكيك ويشفيك .
بصراحة انا من عشاق فن مصطفى الغيورين لا احب ان اسمع تجاربه عند غيره مع احترامي للجميع ..