تبارك كيفك يا حـبيب بهذه المناسبه هنالك أغنيه مشهوره للفنان سيد خليفه وبعتبرها من أميز أغانيه بقول فيها:- يا سقاة الكأس من عهد الرشيد عليك الله شوف طريقه جيب لينا الأغنيه فى هذا البوست وشكرا... عمك عبدالله.
Post: #8 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-21-2012, 03:07 AM Parent: #6
Quote: لاعتبارات كتيرة وخاصة ......
كدى نبدا بى الإعتبارات الخاصة في الأول ...
انت يا رضا ... مشاركني في فودكتي (سويدية بالمناسبة ... ما روسية!) الخاصة دي؟
ولاّ الإعتبارات الخاصة - الأنا سيد الشي ظاطا ما عرفتها - دي شنو؟
نورنا في ليلتنا الحمراء دي الله ينور عليك ...
(بالمناسبة ... ليس البوست؛ ولكن الطشمة في بت ام روحها ... في صحة صديقي العازب ... أبو الزهراء!)
... المهم ...
Post: #9 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-21-2012, 03:12 AM Parent: #8
أبو الزهراء ... هو زميل المنبر:
زهير عثمان حمد ...
... المهم ....
Post: #10 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-21-2012, 03:15 AM Parent: #9
أبو السيد ... مهداة لعمّنا ومولانا ... عبدالله محمد عبدالله ...
... المهم ....
Post: #11 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-21-2012, 03:34 AM Parent: #10
ثكلتك امك يا عدو الله ..الهذا الحد انت تجاهر بالمعصية معتزا بأم الكبائر وهي عزة بالاثم قطعا ستذهب بك الي الجحيم في معية المجرم البشير وتابعه الي يوم الدين ( الاضينة) ودالباوقه!!!
ياتبارك في بوست بتاع أبو الزهراء -صديقك زهير- عن السكر وفيهو حكايات أنا دخلتو وكالعادة مالقيت فرصة تانية لكن بما أنه بوستات المجاهرة بالمعصية كترت ممكن أستغل البوست دا عاوز أقول كلام بصراحة منقطعة النظير اولا مابتمنى الاقيك شارب لكن ماعندي مشكلة ولا عندي إيد في إنك تشرب ولا ماتشرب عن نفسي ماحصل خطرت حتى فكرة في بالي إني أمارس حاجة زي دي ولا حيحصل طالما حييت
______ مرة كنت شغالة في إجازة الجامعة في مهرجان المسرح التجريبي في القاهرة وكانت مهمتي التحضير وتجهيز وإزالة العقبات قدام عرض من تايلاند المهم لغاية لبن العصفور المفروض تعرف سكته وتجيبه كيف تعبت جدا من الصباح وجهزنا كل حاجة وجات مواعيد العرض والحاجة الناقصة الوحيدة الحكم فتشنا طقاطيق الارض عشان نلقاهو من غير فايدة المهم بعد تأخير نص ساعة للعرض جانا سكران طينة شاب بلجيكي في بداية التلاتينات وبيترنح عارف أخدنا زي ساعة تاني عشان نجيب قهوة ونفوقه شخصيا ما إحترمته خالص ولو كان عندي سلطة كنت رجعته بلده في دقيقته بدل مايقعد على حساب المهرجان سكران ليل نهار
________ عندي شخصين عزيزين جدا علي أتمنى يبطلوا الشراب لانه البيعملوهو دا تدمير لحياتهم وإدمان
Post: #17 Title: Re: يا دكتور عارف الركابي .. انا الليلة جبت الفودكا ... Author: د.نجاة محمود Date: 12-21-2012, 04:38 AM Parent: #16
بالجد اشتقنا لكتابات شيخ عارف الرصينة المحترمة المستنيرة اتمنى شركك دا يجيبو راجع ربما ربنا يهديك على يده قادر يا كريم في انتظار سمح الخصال
شكـرا عزيزى تبارك على أغنية سيد خليفه أغرقتنى بين أمواج المنى تلك الأغنيه لها وقع خاص فى نفسى إذ تذكرنى بصديق دراسه فى المرحله المتوسطه بمدرسة كسلا الأميريه الوسطى فى الستينات - يا له من زمن - صديقى هذا كان دائما يردد مقاطع هذه الأغنيه ...
سيد خليفه فنان موهوب وكل بيت شعر يتغنى به يزيد من رونقه. شكرا لك مرة أخرى.
Post: #22 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-22-2012, 03:02 AM Parent: #20
القيامة السكرنالا ... ما قامت ...
وقزازة الفودكا ما كملت ...
شكلكم كدا حا تتونسوا معانا الليلة برضو ...
... المهم ....
Post: #23 Title: Re: يا دكتور عارف الركابي .. انا الليلة جبت الفودكا ... Author: سيف النصر محي الدين Date: 12-22-2012, 04:14 AM Parent: #22
Quote: وقزازة الفودكا ما كملت
طيب ما تخلي الباقي للقيامة الجاية
Post: #24 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-22-2012, 05:01 AM Parent: #23
الأغنية يا عم عبدالله أثارت اشجان صديقي من ثمانينات الخرطوم حين كانت حرّة ...
فاتصل عليّ بالاسكايب ورفعنا الأنخاب لله في عرشه الذي بناه فوق رؤوسنا ... حسب علم الفلك السلفي ...
واغنية ابوعركي مهداة أولاً لحبيبتي التي اغني جمالها كلما سنحت الفرصة ... ثم أهديها لكل "الدبايب" الذين أكملوا ليلهم سهرًا .. ياليل ابقى لي شاهد ...
والقيامة بكرة ولاّ بعد بكرة ... حسب نبوءة متنبئ المسيكتاب (وهي مجموعة عرقية تحمل إسم "قشروتي" ليس له ترجمة عربية معروفة! النصف الثاني "آب" كوشي بمعنى "شعب")
ولا زلنا في أول ساعات الليل ... لكنّا في منتصف الويل ...
حسب التوقيت المأساوي للمدن الصماء البكماء ... (كمال عمار: شاعر مصري معاصر)
... المهم .....
Post: #25 Title: Re: يا دكتور عارف الركابي .. انا الليلة جبت الفودكا ... Author: عماد حسين Date: 12-22-2012, 06:18 AM Parent: #24
الحمدلله الذي جعل عارف الركابي ممن يغتاظون لانتهاك حرمات الله
Post: #29 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-22-2012, 08:37 AM Parent: #28
القزازة خفّت شديد ...
بقينا ناس "شرايط" ...
(يقال انو في جماعة من العصر الذهبي - النوع البيدلوا "القطر قام" مع "لسان العرب" - داقّين مسمار في التربيزة بيقيسوا بيهو طول الكاسات)
... المهم ....
Post: #30 Title: Re: يا دكتور عارف الركابي .. انا الليلة جبت الفودكا ... Author: عبد الناصر الخطيب Date: 12-22-2012, 08:56 AM Parent: #29
.
تبارك شيخ الدين
صباح الخير بتوقيتنا مساء الخير بتوقيتكم ,,, وشائفك طولته السهرة شديد
بعدين ياخي اتعبته أعصابنا ونحنه بلد نن أسيد ........
الفودكا كمشروب مرتبط بالرؤس وشرق أوربا زي ما الويسكي مرتبط باسكتلندا وزي التكيلا مرطبته بالمكسيك وزي ما الساكي مرتبط باليابان وزي ما السَوه مرتبطة بإثيوبيا و زي ما العرقي مرتبط بالسودان ............
Quote: (يقال انو في جماعة من العصر الذهبي - النوع البيدلوا "القطر قام" مع "لسان العرب" - داقّين مسمار في التربيزة بيقيسوا بيهو طول الكاسات)
إن ما تعلق الأمر بتمضية الوقت والنعنشه والمرح فالاصل فيهن القصار .......... متفق عليه
------------------------------------------------------------- *البوست ده و ملحقاتوا مكبشره أول ما تمشي السودان تسلم نفسك في مطار تاخد 40 جلدة باثر رجعي
دي طبعاً أسطورة يا ناصر، العرقي مشروب شرق أوسطي نشره الجنود العثمانيون رضي الله عنهم في أرجاء الامبراطورية، لذا تجده معروفاً في أوروبا الشرقية، البلقان، تركيا، والهلال الخصيب، وغيرها من مناطق النفوذ التاريخي للعثمانيين، بنفس الاسم مع تحويرات طفيفة لاتفسد المعنى، ويقوم السكان في كل دولة بصناعته من الفاكهة المحلية المتوفرة، هناك عرقي تفاح، أجاص، خوخ، إلخ، بل إن اليونانيين يصنعون نوعاً منه إسمه "أوز" من صفق النعناع.
Post: #35 Title: Re: يا دكتور عارف الركابي .. انا الليلة جبت الفودكا ... Author: عبد الناصر الخطيب Date: 12-22-2012, 12:02 PM Parent: #34
.
Quote: دي طبعاً أسطورة يا ناصر، العرقي مشروب شرق أوسطي نشره الجنود العثمانيون رضي الله عنهم في أرجاء الامبراطورية، لذا تجده معروفاً في أوروبا الشرقية ، البلقان، تركيا، والهلال الخصيب، وغيرها من مناطق النفوذ التاريخي للعثمانيين، بنفس الاسم مع تحويرات طفيفة لاتفسد المعنى، ويقوم السكان في كل دولة بصناعته من الفاكهة المحلية المتوفرة، هناك عرقي تفاح، أجاص، خوخ، إلخ، بل إن اليونانيين يصنعون نوعاً منه إسمه "أوز" من صفق النعناع.
ود شاموق الصورة أعلاه من رابطك الذي تفضلت به وخصوصا الكباية البي الجنب دي بشوفه في المسلسلات التركية كتير إذا جانا وأفد وأستوطن وقطره الناس عندنا من البلح والعيش ........ ثم صار جزء من ثقافة محليا حتى إعتقدناه مشروب خاص بالسودان
كان في خاطري أكتب المريسة بس أتذكرته أنها برضوا معروفة في دول عربية منها مصر وتسمي الجوزة إن لم أخلط في معلوماتي ........ طيب شرابنا الوطني إن ما ستبعدنا العرقي يكون شنو !!!!!!!!!!!
مع العلم إن كثيرون يفضلونه دون المشروبات الأخري وفي نكته شهيرة بتقول وأحد عزم أصحابوا قعدة فجاب ليهم النظيف ( قزازة ويسكي ) فشربوها وهم بتونسوا حتى قال قائل منهم ياجماعة عوزين نبدا نشرب .......................العرقي وينوا !!!!!! فإحبط صاحب الدعوة إيما إحباط
Quote: وفي نكته شهيرة بتقول وأحد عزم أصحابوا قعدة فجاب ليهم النظيف ( قزازة ويسكي ) فشربوها وهم بتونسوا حتى قال قائل منهم ياجماعة عوزين نبدا نشرب .......................العرقي وينوا !!!!!! فإحبط صاحب الدعوة إيما إحباط
يحكي في هذا الصدد ، ان هناك مهندسين كانو يجلسون في بيت عرقي في الابيض........ومعهم صديقهم الخواجة ، بينما هم يشربون العرقي يجلس معهم صديقهم الخواجة متأبط الوسيكي والشرى وهكذا استمر الحال شهور وسنوات ، وفي يوم من الايام جاء الخواجة بعد ان وجد البار مغلق ......فقام قال لاصاحبه خلاص ادونا من العرقي ده ،،،،،،واثناء شرابه للعرقي مرت صاحبة الانداية ووجدت الخواجة يشرب في العرقي ،فقامت شهقت كدة وقالت الله اكبر الخواجة اسلم؟؟؟؟؟
Post: #37 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-22-2012, 11:07 PM Parent: #36
Quote: طيب شرابنا الوطني إن ما ستبعدنا العرقي يكون شنو !!!!!!!!!!!
جماعة بي جاي اتورطوا وهم سكارى في حادث، اها البوليس شم فيهم ريحة العرقي .. لمن زنقم: شاربين خمر .. قالوا ليو : لا .. دا (شربوت) - ويش هو (الشربوت هادا؟ قالوا ليو: دا مشروب شعبي سوداني
---------
الشربوت .. بالاسم دا هو فخر صناعتنا الوطنية
Post: #40 Title: Re: يا دكتور عارف الركابي .. انا الليلة جبت الفودكا ... Author: طه جعفر Date: 12-23-2012, 00:33 AM Parent: #1
الفودكا ان شاء عليك تتبارك يا الما بتتشارك الغريبة انا هسي شربت خلاص و فودكا كمان سميرنوف بالديباجة الحمراء الما خمج و البيابا الفودكا ان شاءالله بي عرقي العيش اليشرطو
و لنا في الفودكا غزل و اشعار سيزيعها الزمان الفودكا من المشروبات الروحية الشفافة ارفع درجاتها و اجملها هي ماركة grey goose او الوزينة الغبراء و الوزين اللاحم يملأ الميادين جوار عمارتنا انا بهديك يا تبارك قزازة من ال grey goose لرأس السنة فتوقعها في رسالتي و يعثتي المهدوية بعد ما محسن خالد يبطل الشلاقة البيعمل فيها دي
و يشيل كاس فودكا مع عصير الليمون غير المحلي مع السمك بتاع مدني دي و الله يا شباب الفودكا و بعدها سمك بشطة خضراء دا موضوع كبير شديد
طه جعفر
Post: #41 Title: Re: يا دكتور عارف الركابي .. انا الليلة جبت الفودكا ... Author: MAHJOOP ALI Date: 12-23-2012, 01:49 AM Parent: #40
Quote: grey goose
ود الخليفة انت ماسمعته بي 5 wives فودكا ... يااخي دي اقامت قيامة امريكا دون حوجة لمهدي او مسيح دجال !!!!!!!
Post: #42 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-23-2012, 03:19 AM Parent: #41
الزوجة الخامسة دي شرعية يا محجوب؟
لأنو اسم محفّز من غير محفّزات
... المهم ....
Post: #43 Title: Re: يا دكتور عارف الركابي .. انا الليلة جبت الفودكا ... Author: طه جعفر Date: 12-23-2012, 03:42 AM Parent: #41
Quote: ود الخليفة انت ماسمعته بي 5 wives فودكا ... يااخي دي اقامت قيامة امريكا دون حوجة لمهدي او مسيح دجال !!!!!!!
و لا حتي نار اليشب و القبر الخاص بالشخصية الاسطورية هابيل الذي سينقذف علي كنيسة في مكان غير محدد بدقة و هذا من فضل الانبياء لانها لو كانت محددة بدقة دي كان ح تكون عملية ارهابية اما موضوع الاقصي وتحريره دون بقية الاراضي الفلسطينية و موضوع العلمانية من جهة غايتو ح يكملوا لينا الاستوك و نقعد نتلفت
المهم يا محجوب اتمني لك عام جديد و سعيد و اتمني لتبارك و كل زوار بوسته من العلمانيين عام سعيد مليء بانتصارات و النجاحات و لمحسن خالد و اتباعه و مناصريه شهر صفر مبارك و مزيدا من سيارات الاطفاء لانو شايف الجماعة وصفوا التقويم الجريجوري الذي هو بالاساس نوبي بانه غير دقيق التقويم الشمسي اصلا بدأ استخدامه في النيل شمال و جنوب و الله أعلم جريجوري دا واحد حرامي كلندرات ساكت كأس واحدما بنديهو ان شاء القرياف يرميهو
طه جعفر
Post: #44 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-23-2012, 04:00 AM Parent: #43
وعليك السلام يا تبارك وأنا بخير وفي نعم من الله تعالى لا تعد ولا تحصى وقد استقبلت في هذا الشهر ابني إبراهيم وسميته على الطاهر الزاكي باني الكعبة أبو الأنبياء إبراهيم الحنيف الذي عرف أنه عبد لمخلوق فأحسن طاعته واجتهد لمرتضاته حتى هم بذبح فلذة كبده الذي بلغ معه السعي ... وناظر ودعا وقنت وصلى ونادى في الناس بالحج فأتوا من كل فج عميق فاستحق الشهادة العظيمة من الله الذي خلقه وخلق البحر والبروالسماء والأرض وتبارك وعارف ليكونوا عبادا له فكانت الشهادة : (أم لم ينبأ بما في صحف موسى وإبراهيم الذي وفى) وكانت الشهادة ممن لا يذل من والاه ولا يعز من عاداه الرب المالك المتصرف القوي الجبار : (وإذ ابتلى إبراهيم ربه بكلمات فأتمهن) كمّل وأتمّ كل ما أمره الله به عليه الصلاة والسلام
ما بنفرح ليك بأم الكبائر يا تبارك ولا يسر مؤمن بضلال عبد من عباد الله لكن كان اعترافك السابق بالكونياك والـــ 31 نفس من البنقو .. مخرج رأيناه لك والأنسب للعذر من كتابة سيئة كتبتها أنت في حق الله وملائكته ورسله وعلماء المسلمين فأصبح ذلك المقتبس ألصقه لك كلما وجد منك ما يسوء قراءته .. ثم وجدت أن من يحصي عليك ذلك من خلق الله سيتكلف كثيرا .. فأبعدت نفسي حيث تكون أنت
السكران في ذمة الواعي !! مثل سوداني ما هيّن والله .. وأهلنا ما قالوه ساكت !!!
يا تبارك أنت تقول إنك تذكرتني وأنت مع أم الكبائر وأما أنا فأتذكرك في السجود قائلاً : اللهم اغفر لي ولأخي وأدخلنا في رحمتك وأنت أرحم الراحمين وبعد أيام قليلة إن شاء الله سأمشي إلى بيت الله الحرام زاده الله رفعة وشرفا ومهابة وسأخصك بدعاء خاص أسأل الله أن يتولانا جميعا فنحن فقراء إليه وأن يختم لنا بلا إله إلا الله محمد رسول الله
Quote: بالجد اشتقنا لكتابات شيخ عارف الرصينة المحترمة المستنيرة اتمنى شركك دا يجيبو راجع ربما ربنا يهديك على يده قادر يا كريم في انتظار سمح الخصال
حياك الله الأخت الفاضلة د.نجاة محمود وأرجو أن لا تفقدي من يعز عليكم وأنا كذلك أفتقد الإخوة والأخوات بهذا المنبر بسبب انقطاعي ، فالعام 2012 يبدو أني لم أوفق فيه للمشاركات كالعامين اللذين قبله وذلك لارتباطات علمية وتركيز في وسائل دعوية أخرى رأيت أن لها أولوية ومشروع أبحاث وتآليف كان لابد من الانقطاع لها وإن شاء الله تكون الفترة القادمة أفضل من السابق لك تقديري واحترامي وأرجو أن يبلغ سلامي للدكتور إبراهيم وأفراد الأرة المحترمين
Post: #50 Title: Re: يا دكتور عارف الركابي .. انا الليلة جبت الفودكا ... Author: سيف النصر محي الدين Date: 12-24-2012, 11:11 PM Parent: #48
بختك يا تبارك حتنوبك دعوات كاربات في المسجد الحرام من اخونا دكتور عارف. فودكتك دي باين عليها مبروكة ، انت متأكد انها فودكا.؟.كدي اتبنها تاني.
Quote: بختك يا تبارك حتنوبك دعوات كاربات في المسجد الحرام من اخونا دكتور عارف. فودكتك دي باين عليها مبروكة ، انت متأكد انها فودكا.؟.كدي اتبنها تاني.
بيستاهلا يا دكتور سيف .. عندك شك ؟ بين الحجر الأسود والمقام وعند الملتزم وجبل الصفا ... لعل القريب المجيب السميع البصير يستجيب شوف اسمه (تبارك) .. وشوف شيخ .... الدين .... جبريل وجبريل أمين الوحي الذي به حياة القلوب
والفودكا بها موت العقول والأديان والأبدان ..................... والله صحي
ـــــــــــــــــــــــــــــــــــــــــــــــــــــــــ تبارك من زمان معترف في ناس قادننا في المنبر ده البخاري غلط في كده وعلم الحديث فيه وفيه وابن عبد الوهاب سوا وسوا وابن تيمية ... وهم من كبار آل طشمان !!! معلومات مهمة أضفناها من هذا الشريط
يا تبارك بالله عليك قاعد تتخيل يوم موتك ولحظة غرغرتك وخروج الروح من بدنك ؟!وشخوص بصرك قاعد تتذكر مستقبلك الحقيقي ده كم مرة في اليوم بالله ؟! ممكن يكون بكرة الكلام ده ويمكن يكون ده آخر أسبوع لك في هذه الفانية وداك ياهو وقت الجرسة الصحي صحي ...
مرة أبوي رحمه الله قال لي يا ولدي الليلة كلها مانمت .. سمعت صوت الغنماية وكانت بتخرج منها الروح فصنقرت وبقيت أعاين فيها وهي تتألم وترفس بأرجلها وترفع صوتها قال لي : فقلت هذا خروج الروح في الحيوان فكيف يكون في الإنسان ووالله إن والدي كان يبكي بكاء شديدا من هذا المنظر الذي منعه من النوم وقد تذكرت هذا الموقف لما توفي رحمه الله .. فقد خرجت روحه في ثوان لم يكن بين حديثه وموته دقيقتان .. وقلت لعله بمثل هذا الخوف أمنه الله في هذا الوقت العصيب
فمن خاف هنا أمن هناك يا تبارك .. ومن أمن هنا خاف هناك اتحرس من ذنوبك يا عبد الله .. وابك على خطيئتك .. واستحي ممن يغدق عليك النعم ويعطيك بلا حساب ويملك أنفاسك وروحك التي بين جنبيك
Post: #54 Title: Re: يا دكتور عارف الركابي .. انا الليلة جبت الفودكا ... Author: د.نجاة محمود Date: 12-25-2012, 02:50 AM Parent: #53
مرحب بمولانا الوليد دا فيه خير كتيييييييييير ربنا يهديه على يدك بس اكثر من الدعاء له وربنا يتقبل ويشرح له صدره مع فائق الاحترام والمولود مبروك.وربنا يحفظه والف حمدالله على سلامة الزوجة
Post: #55 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-25-2012, 03:37 AM Parent: #54
الوالدة رحمها الله ... لامن تغلب معاي حيلة كانت بتقول ليّ: شديتك في ابوابراهيم ...
أها انا عمّك "آذر" الشدوني فيهو داك لي هسى ما لقيت خبرو ووصفو ...
مبارك ابراهيم الحفي ... قرّ الله به عينك وجعله من عباده الصالحين المتقين انشالله ...
بعدين أيه حكاية معترف دي؟ معترف دي بيقولوها للمجرم ...
انا كاتب ليك البوست دا استجابةً لأمر: وأمّا بنعمة ربّك فحدّث ...
(والله يا دكتور افقتدناك في غزوة "ذات المذراة" التي غزانا فيها المهدي المسيختابي وهدّ بوارج علمانيتنا من صناقيرها!)
انا كاتب ليك البوست دا استجابةً لأمر: وأمّا بنعمة ربّك فحدّث .
إلى أن أرجع ومعي وقت كاف إن شاء الله أردت بيان ما يلي :
من يشرب الخمر ولو لخمسين عاما فهي من كبائر الذنوب ولا تخرجه عن ملة الإسلام
أما من قال هي حلال ولو لم يشربها فإنه يكفر بالله .. لأن استحلال ما علم بالضرورة تحريمه كفر بالله
الموضوع ما ساهل يا تبارك يا ود شيخ الدين .. والدين عظيم فكيف بشيخه ؟!
Post: #57 Title: Re: يا دكتور عارف الركابي .. انا الليلة جبت الفودكا ... Author: محمد فضل الله المكى Date: 12-25-2012, 10:38 AM Parent: #56
عندما أراق النميري ما في جوف القوارير في النهر, وأخذ السمك يلعب بذيله على صفحة الماء, جادت قريحة أحد الباكين على (السائل) المسكوب بأبيات كانت وليدة تلك اللحظة, حيث قال:
شرشـورِ يا ملك الخمـورِ... ويا بديـع المنـظرِ بالتمـرِ أنت مُصـنَّـعاً....أم يا تـرى بالبنـجرِ من غيرِ مزَّةَ أنت آخِرُ بهجةٍ..وبِمزَّة أغدو كأني قيصرِ بالينِّ بالدولارِ أنت مُفضَّلٌ..مهما تُكلِّفُ نحنُ أيضاً نشتري يا بن النُميريِّ ارتكبت جريمةً..فبمنعهِ أسقطْتَ أعلى منبرِ كم(قعدةٍ) باللهِ أنت قعدتها..وعببت من كاساتِهِ يا مُفتري إن القوارير التي أصرعتَها..في حينها كانت تؤسس متجرِ
المهم: أبمزَّةٍ تعاقرها أم بدونها يا تبارك؟
Post: #59 Title: Re: يا دكتور عارف الركابي .. انا الليلة جبت الفودكا ... Author: محمد إبراهيم علي Date: 12-25-2012, 10:43 AM Parent: #57
والله يا ود المكي زولك ده مبالغة عديل ابيات ابو نواس ما كان يقدر يقولها لو حضر تلك الايام
غايتو بعد اذنك حاسرقها منك :)
Post: #58 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-25-2012, 10:43 AM Parent: #56
Quote: إلى أن أرجع ومعي وقت كاف إن شاء الله أردت بيان ما يلي :
من يشرب الخمر ولو لخمسين عاما فهي من كبائر الذنوب ولا تخرجه عن ملة الإسلام
أما من قال هي حلال ولو لم يشربها فإنه يكفر بالله .. لأن استحلال ما علم بالضرورة تحريمه كفر بالله
الموضوع ما ساهل يا تبارك يا ود شيخ الدين .. والدين عظيم فكيف بشيخه ؟!
طيب كدا انت ختيت "العقدة في المنشار" زي ما بيقولوا المصاروة ...
جيب عدتك وتعال ... ورينا الله دا كم ...
لأنو الواحد البنعرفو ... لا حرّم خمر ... لا كفّر من يستحل الحرام أو يحرّم ما احل الله يبتغي مرضاة هذه أو تلك ...
غايتو يا ناس سودا جن اونلاين يومو بتكتلوا ليكم زول...
إن شاء الله لا يقع في يدكم صديق لا عدو ...
هسع الكلام الفوق ده ما أخير منو كلام فكي مسيكتاب ...
كدي يا تبارك الذي بين يديه الفودكا أو الذي هو بين يديها اشرح لينا انت شوتك .. نحنا بي كلامك ده اتجاه المرمى زاتو راح علينا...
قبل المداخلتين الاخيرات ديل أنا كنت واقف جنب البحر واتفرج ساكت ... قلت ياخي الجماعة الكانو زمان بشركو ليهم بالسبح وزيارة القبور وحلاقة الدقن ديك تبارك ده من شيطنتو قاعد يشرك ليهم بالفودكا ...
النجيضة .. بي طريقتك دي الفودكا هينا ... لحم الديك الرومي القدامك ده زاتو الله يستر ما يحرم عليك.
دم بخير وقهوة سودة مرة.
.
Post: #63 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-25-2012, 05:39 PM Parent: #62
Quote: كدي يا تبارك الذي بين يديه الفودكا أو الذي هو بين يديها اشرح لينا انت شوتك .. نحنا بي كلامك ده اتجاه المرمى زاتو راح علينا...
يا عبدالوهاب حجازي ... يا حبيب انا ما بتاع فقه وفتاوي ... وأكرههما كراهية العارف ببواطين الفقه والفتاوى ... هل تصدق انني لا اكتب بعض ما اعرف في الفقه حتى لا يتعلمه أحد مني ... لأنه علم أسود وميّت وما فيه سوى الضرر ....
فلو دايرني احلل ليك أو احرّم ليك الفودكا ... فعليك أولاً أن تنعتق من مفهوم أصول الفقه للحلال والحرام ... وبعدها سوف تستفتي نفسك الملهمة بفجورها وتقواها ... ولن تستفتيني ...
صديقنا ابرا ، من عصرا بدري يتكشم ، عندما يكون ضامنا يقهقه عاليا بعد ذلك ، انا ادوبي عديلا وخفيفا؛
الشم خوخت بردن ليالي الحرة والبراق برق من منا جاب القرة شوف عيني الصقير بجناحو كفت الفرة تلقاها ام خدود الليلة مرقت برة مرقت ......
مجدي يلحق بابرا قريب البلكونة يازول ماشي وين ؟ يرد: داير اشوف المطرة القالا منعم قبل شوية دي . ............................................. بعد فلسة تاريخية ،استلم عادل سبعين جنيها عدا ونقدا ، جاب روم ب 55 جنيه وعشاء ب 15 جنيه. شجعته الشلة كلها ، الصباح عوض فركت عينو من النوم : يا عادل ياخ انت زول ما اقتصادي كلو كلو، الشلة : كلامك صاح ............................................. في الحلة شاركنا القسيم الليالي البهجة كلها، بعد 15 سنةلقيتو ناكر جميل ، ولا مرة، قال: لكل الجيل البعدنا ،
تبارك كيف انك يا رجل
Post: #65 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-25-2012, 08:24 PM Parent: #64
والله كنت في سعادة ... حتى أتتني الاخبار من قعدة مع صديق العمر "طمبرا" ... أن عماد حامد العربي (واسم الشهرة "عماد تلجة") قد توفي صباح اليوم بمصحة الأمراض العصبية والنفسية ...
Quote: والله كنت في سعادة ... حتى أتتني الاخبار من قعدة مع صديق العمر "طمبرا" ... أن عماد حامد العربي (واسم الشهرة "عماد تلجة") قد توفي صباح اليوم بمصحة الأمراض العصبية والنفسية ...
إنّا لله وإنّا إليه راجعون ....
تعازينا االحاره لك فى وفاة صديقك عماد حامد العربى ربنا يلهـم اسـرته الصـبر ويتغمده برحمته... وتحـياتى لك يا حــبيب وإلـى كـل الصـوفيه الـمـتلاتمـه.
Quote: مبارك ابراهيم الحفي ... قرّ الله به عينك وجعله من عباده الصالحين المتقين انشالله ...
آمين .. وأشكر لك التهنئة بس اسمح لي أعطيك مما تعلمناه من العلم الصافي من كتاب الله وسنة رسوله .. وهو ورثة نبينا قولك بعد الدعاء إن شاء الله لا يجوز لأن الدعاء ينبغي أن يكون يجزم فيه الداعي فإن الله قريب مجيب سبحانه وتعالى وقد ثبت قول النبي عليه الصلاة والسلام (لا يقل أحدكم اللهم اغفر لي إن شئت ... ) الحديث
بعدين بين اللغة والشرع موضوع تاني في كلامك الفوق ده : إن شا ءالله ............. وليس انشاالله ... لصق النون مع الشين يغير المعنى
كان صبر لي للخميس والجمعة إن شاء الله يا دكتورة حتى أنهي بعض أعمالي الحالية بتشوفي يمكن العضم زاتو يكون في خبر كان
Post: #70 Title: Re: يا دكتور عارف الركابي .. انا الليلة جبت الفودكا ... Author: MAHJOOP ALI Date: 12-26-2012, 04:09 AM Parent: #68
Quote: بس اسمح لي أعطيك مما تعلمناه من العلم الصافي من كتاب الله وسنة رسوله .. وهو ورثة نبينا قولك بعد الدعاء إن شاء الله لا يجوز لأن الدعاء ينبغي أن يكون يجزم فيه الداعي فإن الله قريب مجيب سبحانه وتعالى وقد ثبت قول النبي عليه الصلاة والسلام (لا يقل أحدكم اللهم اغفر لي إن شئت ... ) الحديث
بعدين بين اللغة والشرع موضوع تاني في كلامك الفوق ده : إن شا ءالله ............. وليس انشاالله ... لصق النون مع الشين يغير المعنى
ياتبارك الشغلة كلها ما عندها علاقة بربنا (جلا وعلا ) بل تنتمي للخليل بن احمد وابي الاسود الدؤلي الذين اتؤ لاحقا فهم يعبدون ويقدسون افراد (الخليل ،ابي اسود ،البخاري ) وينتمون لادوات الجزم والنفي والنصب والرفع وتقاصروا عن مضامين القيم التي لا تخضع لجزم او نصب او رفع ......
Quote: بعدين بين اللغة والشرع موضوع تاني في كلامك الفوق ده : إن شا ءالله ............. وليس انشاالله ... لصق النون مع الشين يغير المعنى
موضوع تاني كيف ؟ هل اهل النحو سبقوا وجود الذات الالهية ؟ وبذلك نعتبر الخليل وابي الاسود (وهم قوم لاحقين للرسالة ) يهذبون قول رب العزه ، لان اقول الرب تعتريها بعض شعشعه ومشعشه !!!!؟ اهدينا هداك الله الذي لا يتشعش او يشعش !!!!!!
Post: #71 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-26-2012, 11:12 AM Parent: #70
Quote: إن شا ءالله ............. وليس انشاالله ... لصق النون مع الشين يغير المعنى
انا لم أكتب انشاالله ... انا كتبت انشالله (كلمة واحدة ليس فيها اسم الجلالة منفصلاً ... كما تنطق في العامية ... لا كما يوجب رسمها الإملائي)
ويمكنك العودة إليها فهي لا زالت موجودة وغير معدلة ...
وانشالله ما يحصل فراق لى قلوب بعد ما اتولّفوا (لا أعتقد أن الموسيقى الشعرية ستبقى لو كتبت "إن شاء الله")
... المهم ....
Post: #72 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-27-2012, 05:24 AM Parent: #71
الخميس جا ... نجيب ليك البوست قريب ....
(خميسك ... ولو تبيع قميصك يا دكتور )
تعال يللا اشرح لينا إلهك الحرّم الخمر وكفّر مستحلّها ... اسمو منو واتولد وين ومتين ومات وين ومتين ... ودرجة الندية (أو الندادة بالعامية) بينو وبين الله قدر كيف ...
النبي طبعًا ما نديد الله ... عشان كدا ما بيحلل ولا بيحرّم ... وربّو مانعو بنص القرآن من ان يدي نفسو حق تحريم الحلال ... الحلال والحرام حقات الله ... وما على الرسول إلاّ البلاغ ...
أها الرسول بلّغ ومات ... وبعدو ظهرو انداد الله البيحللو ويحرّمو زي الله وااااحد ...
تعال قول لينا انت بتتبع منو من الجماعة ديل ... يشرع لك من الدين ما لم يوص به الله انبياءه وعباده الصالحين ...
عشان كمان بعد بكرة الجمعة الأرشفة بتحصل ...
(دكتورة نجات لو عارفة اسماء السلف الصالح الذين يتخذهم دكتور عارف أولياء من دون الله ... ممكن تساعديهو وكدا!)
يا دكتور عارف ، تحية طيبة وبعد ، مبروك الوليد ، ويارب يتربى فى عزكم ويكون أحد أبناء المسلمين البررة ويقر به عينى والديه وينفع وطنه ودينه وكل المسلمين يا قادر يا كريم ، واضح من ردودك أنك زول كويس شديد وخايف الله وما بتزنى وما بتعاقر الخمر وما بتلعب الميسر وما بتاكل الربا ومقيم الصلاة وآتى الزكاة وقايم الليل وبتصوم رمضان والنوافل وقد تكون حجيت أو جاى العمرة وطبيعى أنك تشهد أن لا إله إلا الله وأن محمداً رسول الله ، يعنى انت زول مسلم وزول كويس شديد ، وواضح كمان أنك متفقه فى الدين وقد تكون حافظ كتاب الله أو أجزاء منه وعامل لآخرتك كأنك تموت غداً وبار بوالديك ، وعييييييييييك (حكاية كده لا يعلمها إلا الله) لأنو بعدين لا تزر وازرة وزر أخرى ، وزى ما بقولوا أهلنا (كل شاة معلقة من عصبتها) وإن كل إلا آتى الرحمن فردا ، وهناك توضع الموازين بالقسط ، والله سبحانه وتعالى يقرر وفق موازينك إن كنت سعيداً أو شقياً ، وإن كنت من أهل الجنة أو من أهل النار ، وأنا من هذا المنبر أسأل الله العلى القدير أن يجعلك وإيانا والقراء من أهل الجنة وأن يتجاوز عن خطاياك وخطايانا وخطايا القراء بمحض رحمته وفضله ويدخلنا جميعاً بما فينا (تبارك) (وألحقنا بهم ذرياتهم) جنة نعيم ،
بعدين طبعاً (تبارك) ده هو أصغر أبناء المرحوم والدنا الأستاذ شيخ الدين جبريل ، وأكبرنا فهماً وفكراً وبحثاً وتمحيصاً فى كل شئون الدنيا والآخرة ، بل هو مرجعنا فى كل ما يلتبس علينا ، هو يا أخى مفكر وعبقرى كبير بل هو شريف يرجع نسبه للحسن بن على ، ابن البتول فاطمة الزهراء ، سيدة نساء الجنة ، بنت حبيبنا وقدوتنا ورسولنا سيدنا محمد عليه أفضل الصلاة وأتم التسليم ، وقد نشأ تنشئة دينية قويمة ، اساسها الصدق ومكارم الأخلاق وأداء الصلوات فى أوقاتها وحفظ الكثير من سور القرآن وقرأ الحديث ، والفنون والسياسة والعلوم اللاهوتية وتاريخ الدنيا وعلوم الآخرة ، وعلم الفلك (وبرضو عييييييييك)
هو حر فى شرب الفودكا أو الإقلاع عنها (لأنو أكيد عندو رأى) تبارك يرى أن أحاديث (العنعنة) قد لا تأتينا بالحقيقة ، خاصة وأن اليهود أنفسهم كان لهم دور كبير فى الأحاديث الموضوعة والضعيفة ليوصلونا لما وصل اليه الآن المسلمين من أوضاع مزرية (أحسن منها معاقرة الفودكا) ، تبارك مشكلتو فى (خلفاء الله فى الأرض) ، كل واحد منهم نصّب نفسه نائباً للذات الإلهية ليشبعنا جلداً ورجماً ونفياً فى الأرض ، وعذاب لا أعتقد مطلقاً أن رباً عزيزاً حكيماً رحيماً لطيفاً بعباده يرتضيه لنا كما إرتضاه هؤلاء الخلفاء ، ومن الذى أعطاهم حق هذه الخلافة؟ ومن الذى بايعهم؟ ومن الذى إتبعهم؟ واين صكوكهم الممهورة بتوقيع الرب عزّ وجل؟ وهل جاءهم الوحى أم هم زمرة ساديين ومرضى نفسيين عاثوا فى عباد الله تنكيلاً حتى أذاقونا الأهوال بعمائلهم مما جعل أخى الصغير يجاهر بشرب الفودكا ،
أشرب يا ولد ولا يهمك فلك رب غفور رحيم يحفظك وينعنعشك حتى تلجم كل ما تطاول على الله حجراً لتفشى به غليل السودانيين الطيبين الطاهرين الذين بإذن الواحد الأحد سيدخلون جنة النعيم جزاء وفاقاً لما ذاقوه من ويلات المتاسلمين فى هذا الزمان الكريه ، وان شاء الله القيامة تقوم ، عشان بعدين نشوف مقامات الجماعة ديل وين؟
يا دكتور عارف ، انت حسن النية ودواخلك طيبة وسنقوم نحن أيضاً آل شيخ الدين جبريل بالدعاء لك بين المقام والحطيم ، وفى المقام الذى ذرف فيه سيدنا عمر الدموع فقال له الحبيب (هنا تسكب العبرات يا عمر) وكان ذلك عند أستار بيت الكعبة ، ويا دكتور إذا كانت إمرأة دخلت الجنة بسبب هرة ، فما يدريك عن عدد القطط التى أحسن إليها تبارك ،
ويا تبارك ، عليك بأم فتفت يا ولدى ، والسلام عليك يوم ولدت ويوم تموت ويوم تبعث حيا ، فمكانك فى أعلى عليين ولو كره الكافرون.
Quote: هو يا أخى مفكر وعبقرى كبير بل هو شريف يرجع نسبه للحسن بن على ، ابن البتول فاطمة الزهراء ، سيدة نساء الجنة ، بنت حبيبنا وقدوتنا ورسولنا سيدنا محمد عليه أفضل الصلاة وأتم التسليم
موش بقولوا نيران صديقة دي نيران اخوية اها اخوك الكبير طقاك في الانكل
الأخ هشام ولك تحية طيبة ولكل آل شيخ الدين جبريل .. وشكراً للتهنئة .. ولك مني صادق الدعاء وقرأت القليل عن الأستاذ شيخ الدين جبريل وأتمنى أن أقرأ عنه وأعرف الكثير خاصة ومهنة التدريس هي مهنتي وليت تبارك يترك الكثير مما هو فيه وينشغل بدلاً عن ما يكتب ويجيب لينا حاجة مفيدة له وللأجيال بالكتابة عن السيرة العلمية والعملية لوالده الأستاذ شيخ الدين جبريل رحمه الله
Quote: هو حر فى شرب الفودكا أو الإقلاع عنها (لأنو أكيد عندو رأى) تبارك يرى أن أحاديث (العنعنة) قد لا تأتينا بالحقيقة ، خاصة وأن اليهود أنفسهم كان لهم دور كبير فى الأحاديث الموضوعة والضعيفة ليوصلونا لما وصل اليه الآن المسلمين من أوضاع مزرية (أحسن منها معاقرة الفودكا)
وهذا كلام يجب أن أقول عليه إنه من الباطل الكبير والدعوى الداحضة فالعنعنة والمقصود بها السند نقل بها القرآن الكريم ونقلت بها السنة النبوية وكلامك يبطلهما ... وقد تكون غير منتبه أن القرآن الكريم منقول بالسند كذلك إذا على منطقه ومنطقك ما الذي يثبت وما الذي لا يثبت ؟! أم هي دعوى للتحرر من أي قيد جاء في حديث نبوي ليتم استخراج هذه البطاقة والكلام العمومي : العنعنة (قد) لا تأتي بالحقيقة؟!!!!! هذا تلفت من الشريعة بثوب آخر وإلا يلزم أن يؤتى بعلم الحديث والجرح والتعديل وتأتون بما لديكم من ملحوظات علمية ويتم مناقشتها علميا وقد سلك بعض المستشرقين هذا الطريق وألفوا المعجم المفهرس لألفاظ الحديث ليسهل لهم الوصول إلى شيء من الطعون لكن كانت النتيجة الخيبة لدى بعضهم وإسلام البعض ومن جاء بشبهات بين له الحق وتم توضيحه
المهم ....
علماء المسلمين مجمعين على تحريم الخمر : مثل الكونياك الذي ذكر تبارك قديما أنه شرابه المفضل ، والعرقي ، والمريسة ، والوسكي ، والفودكا التي ادعى أنها بين يديه حاليا والإجماع منعقد على ثبوت حد الجلد
يعني النجيضة على قول ود الصايم .. قريبك ده لو في بلد الشريعة ولو في السودان في تطبيق حدود ينشد ثمانين جلدة ولو كان الأمر بيدي لنصحت أن تكون بجريد نخل من نخيل كرمة البلد لأني باريت النيل العظيم من شمال الخرطوم إلى بلاد المحس وأكثر نخيل عجبني ما شاء الله هو نخيل كرمة البلد .. ياخد ليه زعط بالجرائد الخضراء الطرية من واحد لا تأخذه بتبارك رحمة على أن لا يصل إلى حال ذلك القدقدو .. الذي لم يفقه طريقة الجلد في الشريعة
تبارك ياخ اتخيلتك في السوط رقم 20 وحالتك بقت كعبة تب وطار ليك الجغمتو كلو في راسك
فاللهم أقر أعيننا بتطبيق الحدود الشرعية التي هي زواجر وجوابر يا رب العالمين
المشايخ عماد وود المسلمي لا تأخذكم بالفودكاوي رأفة ... وإن استغاث بمضادات صديقة اللحم والعضم كلو حقنا
يا ود المسلمي لو حوليكم جريد نخل طري وأخدر أحسن من جريد كرمة قول عووووك
Post: #90 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-28-2012, 07:35 PM Parent: #89
Quote: علماء المسلمين مجمعين على تحريم الخمر : مثل الكونياك الذي ذكر تبارك قديما أنه شرابه المفضل ، والعرقي ، والمريسة ، والوسكي ، والفودكا التي ادعى أنها بين يديه حاليا والإجماع منعقد على ثبوت حد الجلد
دا السؤال مربط الفرس ... هل إجماع الجماعة ديل بيأسس لتحريم ... يعني دايرين يتلمّوا ويهرشوا الله ويحرّموا؟
ولاّ قايلين روحهم بيهرشونا نحن؟
"الحد" و "الجلد" ديل موضوعين تانيات حا نرجع ليهم بعد الأرشفة ...
Quote: يعني النجيضة على قول ود الصايم .. قريبك ده لو في بلد الشريعة ولو في السودان في تطبيق حدود ينشد ثمانين جلدة ولو كان الأمر بيدي لنصحت أن تكون بجريد نخل من نخيل كرمة البلد لأني باريت النيل العظيم من شمال الخرطوم إلى بلاد المحس وأكثر نخيل عجبني ما شاء الله هو نخيل كرمة البلد .. ياخد ليه زعط بالجرائد الخضراء الطرية من واحد لا تأخذه بتبارك رحمة على أن لا يصل إلى حال ذلك القدقدو .. الذي لم يفقه طريقة الجلد في الشريعة
تبارك ياخ اتخيلتك في السوط رقم 20 وحالتك بقت كعبة تب وطار ليك الجغمتو كلو في راسك
كرمة البلد بداية الإنسانية والتوحيد ... نقول حبابها ... (وما تدخلونا في حتات ضيقة مع بشاشا ... كفاية "القشروتا" )
عندنا واحد صاحبنا يا شيخ عارف ... رشى الصول بتاع الأوسط امدرمان بى خمسة جنيه ... عشان الجلد يكون براحة ... والصول زعل من انو القروش حبة ... وعينك ما تشوف إلاّ النور ...
Quote: دا السؤال مربط الفرس ... هل إجماع الجماعة ديل بيأسس لتحريم ... يعني دايرين يتلمّوا ويهرشوا الله ويحرّموا؟
ولاّ قايلين روحهم بيهرشونا نحن؟
الإجماع يا تبارك في الشريعة الإسلامية بيكون بناء على مستند (دليل) من الكتاب والسنة لا يمكن أن يجمعوا بدون دليل ... يعني الناس تتفاوت في أفهامها فلا يمكن أن يجتمع رأيها بدون نص وموضوع الخمر كمثال فيه نص من القرآن وأحاديث كثيرة جدا بتحريمها تحريما أبديا ...
Quote: وعينك ما تشوف إلاّ النور .
الجلاد بتاعك يا تبارك بنملأ ليه جيبو تب عشان يقوم بالواجب على أفضل وجه
والسلام عليك يوم ولدت ويوم تموت ويوم تبعث حيا ، فمكانك فى أعلى عليين ولو كره الكافرون.
ولو كره المتاسلمون يا تبارك ود علوية بت همرور ودالعلامة العالم شيخنا العامل على تعليم المسلمين والنصارى منذ ان وعى الدنيا وحتى غادرها كريما وحكيما وعالما لايشق له غبار سلام عليك اخى الاصغر وانت تشرب الفودكا وانت تنهل وتشرب من انهار علم لا محدودة لك التحية والاحترام
Post: #96 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-28-2012, 09:38 PM Parent: #95
Quote: يا تبارك ... ما مشكلة إنك تقوم بي قزازة الفودكا .... وكمان تمشي تجيب (وصلة) قبل ما الخواجة يقفل.
المهم إنك تكون (إتوفقت) .
وما توفيقي إلاّ بالله ...
Quote: ولو كره المتاسلمون
تسلمي يا بت الشيخ سلامة ...
Quote: الإجماع يا تبارك في الشريعة الإسلامية بيكون بناء على مستند (دليل) من الكتاب والسنة لا يمكن أن يجمعوا بدون دليل ... يعني الناس تتفاوت في أفهامها فلا يمكن أن يجتمع رأيها بدون نص وموضوع الخمر كمثال فيه نص من القرآن وأحاديث كثيرة جدا بتحريمها تحريما أبديا ...
والله بكري عامل لينا طابور قلق وما قادرين نخش في التفاصيل قبل الأرشفة ...
قلت لي من الكتاب؟ ... كتاب الله ولاّ قطع اخدر؟ ... يعني الموضوع ما تأويل ضال من الجماعة ديل ... نسمعك ونشوف حججهم و (أدلتهم) ...
Quote: الجلاد بتاعك يا تبارك بنملأ ليه جيبو تب عشان يقوم بالواجب على أفضل وجه
والكلام دا بى شريعة منو؟ ... ولاّ ضُر ساااااي ...
... المهم ....
Post: #97 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-28-2012, 10:03 PM Parent: #96
نسيت ارد على نقطة مهمة جدًا:
Quote: فالعنعنة والمقصود بها السند نقل بها القرآن الكريم ونقلت بها السنة النبوية وكلامك يبطلهما ...
العنعنة لا تحفظ نص كما هو بتاتًا ... إن لم تشارك في تأويل وتضليل ووضع وابتداع النصوص المغلوطة ... ولو كنت تعتقد أن العنعنة باعتبارها "السند" ونقل بها القرآن ... فيجب أن تغيّر من موقفك هذا ...
فالجميع يعلم من أنزل الذكر ومن حفظه ... والجميع يعلم أنه ليس الثقاة وأهل الجرح والتعديل والمستنكحين الذين نقلوا السنة ... فللقرآن ربّ يحفظ ذكرًا ويرفع ذكرا ...
Quote: تبارك مشكلتو فى (خلفاء الله فى الأرض) ، كل واحد منهم نصّب نفسه نائباً للذات الإلهية ليشبعنا جلداً ورجماً ونفياً فى الأرض ، وعذاب لا أعتقد مطلقاً أن رباً عزيزاً حكيماً رحيماً لطيفاً بعباده يرتضيه لنا كما إرتضاه هؤلاء الخلفاء ، ومن الذى أعطاهم حق هذه الخلافة؟ ومن الذى بايعهم؟ ومن الذى إتبعهم؟ واين صكوكهم الممهورة بتوقيع الرب عزّ وجل؟ وهل جاءهم الوحى أم هم زمرة ساديين ومرضى نفسيين عاثوا فى عباد الله تنكيلاً حتى أذاقونا الأهوال بعمائلهم مما جعل أخى الصغير يجاهر بشرب الفودكا ،
الأخ يا زول , لك ودى تلك مشـكلة إبننا تبارك المبارك ومعه الكـثيرين...
Post: #99 Title: Re: يا دكتور عارف الركابي .. انا الليلة جبت الفودكا ... Author: محمد المسلمي Date: 12-29-2012, 01:22 AM Parent: #98
Post: #100 Title: Re: يا دكتور عارف الركابي .. انا الليلة جبت الفودكا ... Author: د.نجاة محمود Date: 12-29-2012, 02:24 AM Parent: #99
فوق وكل سنة مولانا عارف واخونا الصغير تبارك بالف خير منتظرين تبارك يطرح كل اطروحته حتى يرد عليها مولانا بصورة متكاملة
Post: #101 Title: Re: يا دكتور عارف الركابي .. انا الليلة جبت الفودكا ... Author: عامر باضاوي Date: 12-29-2012, 02:36 AM Parent: #100
بالفيديو.. معز مسعود فى مؤتمر أحباب الله بكندا: المتطرفون يغتابون الناس على التليفزيون ويستغلون الدين وهذا طريق مختصر وسريع للإلحاد.. هؤلاء يظنون أنفسهم على هدى.. والشيطان يفضل مدخل التطرف
السبت، 29 ديسمبر 2012 - 03:18
قال الداعية الإسلامى معز مسعود فى مؤتمر أحباب روح الله المقام بكندا، إنه يجب علينا تأمل نوعين ظهرا مؤخرا فى العالم من التطرف، وهو التطرف الدينى والتطرف اللا دينى، موضحا أن الشيطان يفضل مدخل التدين الفاسد والمغلوط على مدخل الكفر بالله.
وأضاف مسعود، أن التدين السىء ما أروعه بالنسبة للشيطان، مشيرا أن بعض التيارات المتطرفة تظن نفسها على هدى وخير، وهم ليسوا كذلك، لذلك فهم لم يغيروا من أنفسهم.
وأوضح مسعود أن المتطرفين بدأوا يفعلون أشياء قبيحة ومنفرة باسم الدين، وهذا طريق مختصر وسريع للإلحاد، لأنهم أشخاص متدينون يغتابون الناس على التليفزيون، وينشرون أفكاراً عجيبة ونظريات غريبة دون تبين ويسبون ويشتمون الناس.
وأكد مسعود أن المتطرفين لا بأس لديهم فى لى المبادئ فى حالة سب الأخر، فضلا عن قيامهم بأفعال أشياء غير أخلاقية وغير منطقية وأشياء غير واقعية وغير عادلة وغير رحيمة.
ودعا مسعود الله فى أخر كلمته، بأن يحمينا من مثل ذلك، ويحمى كل من يشاهده من عائلاتنا وأصدقائنا.
مشيرا أن هناك فرقا هائلا بين الدعاة إلى الله والدعاة إلى أنفسهم على جثة الأخلاق فى هذا الدين.
الأخ العزيز محمد المسلمى الشيخ عيسى كان رجل عالم فى زمنه فى إحدى زياراته للشيخ العبيد صادف حضور شخص ليسأل الشيخ العبيد ;- ياشيخينا التمباك حلال ولا حرام ? رد الشيح إنت عينك لى شـيخ عيسـى تسأل راعى تك ? قال يا شيخى إنا عايز رأيك إنت قال الشيخ العبيد كان سألت راعى تك التمباك حـرام ما فيهـو شـك أخـونا المسلمى وعلى ذلك فقس .
Post: #103 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-29-2012, 05:05 AM Parent: #102
الفصة يا محمد المسلمي مافي البيجزوه الشيوخ والبيحظروه ..
القصة في إلتزامهم بالحلال والحرام ...
انت بتكون ما فهمت ... النوضح ليك اكتر ...
الحلال ليس "مباح" ... الحلال حلال ... لأن الدين ليس "أصول فقه" ... الدين للديّان ...
والحرام كذلك ليس "محظور" ... الحرام حرام ...
وفي الحالتين ... قد نختلف مع الفسقهاء في الحظر والإباحة ... بمعايير الزمان والمكان ...
ولكن لا يجب أن يختلف اثنان في الحلال والحرام ... لأنهما من الله وليسا من الفسقهاء وإجماع العلماء ...
فلو لم يحرّم الله الخمر ... فهي ليست حرام ... ولو أجمع على تحريمها كل خلقه منذ الأزل إلى أن تقوم الساعة ... فالإجماع لا يحلل ولا يحرّم ... في الدين ...
أمّا في الفقه ... فحدّث ولا حرج ... ولا غرو أن الله وصفه بالطاغوت ...
ومن يريد اتباع الطاغوت؛ فعليه بالدكتور عارف ... يحظر له ما لا يعقل ويبيح له ما لا يعقل ... أفلا تعقلون؟
حتى الذكر الذي حفظه الله - وليس الإسناد والعنعنة كما يعتقد دكتور عارف - يقول "اتبعوا ما أنزل إليكم من ربكم ولا تتبعوا من دونه أولياء، قليلاً ما تذكرون"
فمن تموت وظيفة الذكر عنده ... يتبع هؤلاء الفسقهاء أولياء من دون الله ... حينها فقط ... يصير الخمر حرامًا بإجماعهم ... لا بذكر ربهم ...
... المهم ....
Post: #104 Title: Re: يا دكتور عارف الركابي .. انا الليلة جبت الفودكا ... Author: سلمى الشيخ سلامة Date: 12-29-2012, 11:56 AM Parent: #103
Post: #105 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 12-29-2012, 05:54 PM Parent: #104
دين أبوهم ... ودين أبو اللي يعرفوهم ...
يستاهلوا ...
... المهم ....
Post: #106 Title: Re: يا دكتور عارف الركابي .. انا الليلة جبت الفودكا ... Author: MAHJOOP ALI Date: 12-30-2012, 00:16 AM Parent: #100
Quote: أولا المذهب الحنفي : بديع النظام لابن الساعاتي ميزان الاصول للسمرقندي تيسير التحرير لامير بادشاه التقرير والتحبير لابن أمير الحاج أصول السرخسي الفصول للجصاص فتح الغفار لابن نجيم كشف الاسرار للبخاري كشف الاسرار للنسفي مسلم الثبوت لابن عبد الشكور المحرر للسرخسي فواتح الرحموت للانصاري التنقيح لصدر الشريعة بذل النظر للاسمندي الوصول للتمرتاشي
ثانيا : المذهب المالكي الحدود للباجي المنهاج للباجي حاشية البناني على جمع الجوامع إحكام الفصول للباجي المقدمة لابن القصار التقريب والارشاد للباقلاني المختصر لابن الحاجب نشر البنود للشنقيطي نثر الوردود للشنقيطي ( صاحب أضواء البيان ) الموافقات للشاطبي نفائس الأصول للقرافي شرح تنقيح الفصول للقرافي تقريب الوصول لابن جزي المحصول لابن العربي منهى الوصول لابن الحاجب
ثالثا: المذهب الشافعي : المحلي على جمع الجوامع الإحكام للآمدي المحصول للرازي قواطع الأدلة لابن السمعاني المستصفى للغزالي نهاية الوصول للهندي التحصيل للأرموي رفع الحاجب لابن السبكي ( وهو شرح لكتاب مختصر ابن الحاجب ) البرهان لامام الحرمين اللمع ، شرح اللمع للشيرازي الابهاج لابن السبكي البحر المحيط للزركشي نهاية السول للأسنوي التبصرة للشيرازي المنخول للغزالي التلخيص لامام الحرمين جمع الجوامع لابن السبكي المعالم للرازي أصول الشاشي شرح الورقات للمحلي حاشية العطار على جمع الجوامع الآيات البينات للعبادي المنهاج للبيضاوي الورقات لإمام الحرمين
رابعا : المذهب الحنبلي : العدة لأبي يعلى التمهيد لابن الخطاب التحبير للمرداوي الواضح لابن عقيل شرح مختصر الروضة للطوفي المسودة لآل تيمية المختصر لابن اللحام روضة الناظر لابن قدامة نزهة الخاطر لابن بدران أصول ابن مفلح شرح الكوكب المنير شرح غاية الوصول لابن المبرد
تبارك الما بتشارك عندك 15 رب (اله ) حنفي 22 رب شافعي 15 رب مالكي 13 رب حنبلي يعني عندك 65 رب ...... ديل كلهم ماعاجبنك !!!!!!!!!!! كدي ياالله اسالهم ما حكم الزوجة المريضة في مذاهب ال 65 رب ؟
Post: #107 Title: Re: يا دكتور عارف الركابي .. انا الليلة جبت الفودكا ... Author: MAHJOOP ALI Date: 12-30-2012, 01:29 AM Parent: #106
دين ابوهم اسمه ايه حد يعرف فيكم دين كل اتباعه لصوص او ########ين ؟ في المعاصي مولودين في الكراسي مؤبديين في التفاهة معددودين في السفاهة مفردودين علي البلاهة مسنودين للشراهة مجندين علي الأرف متعودين علي الوطن متنمردين بالخيانة موحدين اللي يعرف دين كده ....... يقول لي عليه دين ابوهم اسمه ايه؟؟؟؟؟؟؟؟؟؟
Post: #108 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 01-02-2013, 04:39 AM Parent: #107
وين مفتي الديار السلفية؟
الفودكا غلبتو ولاّ شنو؟ ... منتظرين أدلة تحريم الله - وحده لا شريك له - للخمر ... وتبرئة ساحة الفقهاء (الخمسة و وستين) من تهمة افتراء الكذب على الله ...
... المهم ....
Post: #109 Title: Re: يا دكتور عارف الركابي .. انا الليلة جبت الفودكا ... Author: عماد حسين Date: 01-02-2013, 06:04 AM Parent: #107
Quote: دين ابوهم اسمه ايه حد يعرف فيكم دين كل اتباعه لصوص او ########ين ؟ في المعاصي مولودين في الكراسي مؤبديين في التفاهة معددودين في السفاهة مفردودين علي البلاهة مسنودين للشراهة مجندين علي الأرف متعودين علي الوطن متنمردين بالخيانة موحدين اللي يعرف دين كده ....... يقول لي عليه دين ابوهم اسمه ايه؟؟؟؟؟؟؟؟؟؟
على محجوب الكضاب
أهــا.. الأميرة الاتحرشت بي الزول حصل عليها شنو
Post: #110 Title: Re: يا دكتور عارف الركابي .. انا الليلة جبت الفودكا ... Author: محمد المسلمي Date: 01-02-2013, 07:04 AM Parent: #109
Quote: يا ود المسلمي لو حوليكم جريد نخل طري وأخدر أحسن من جريد كرمة قول عووووك
الاخ الشيخ الدكتور عارف الركابي جزاك الله الخير وتقبل الله منكم وانت تبين للناس وتدعوهم بالحسنة
---------------- عندنا شدر السلم والشقل المطرق حقته في الجلد السوط الواحد حده العظم
Post: #111 Title: Re: يا دكتور عارف الركابي .. انا الليلة جبت الفودكا ... Author: محمد عبدالله مختار Date: 01-02-2013, 08:54 AM Parent: #110
تحية طيبة تبارك ود الشيخ ود. عارف .. اسمحوا لينا بي مشاركة بسيطة .. تبارك يا عزيزي ، تحريم الخمر في القرءان موجود ، ومن قوله عز وجل : (انما الخمر والميسر والأنصاب والأزلام رجس من عمل الشيطان فاجتنبوه) .. خلينا ناخد كمثال لفظ (الأنصاب) وهي نصب كانت ترفع وتذبح عليها القرابين للأصنام ولا يشك مسلم أن الذبح بقصد التقرب الى غير الله عز وجل حرام شرعاً. فما الذي يجعل الأنصاب حرام والخمر حلال وكلاهما في آية واحدة ؟ ليس من الضروري في القرءان ذكر لفظ (حرام) ، فالزنا (وأنا ما عارف رايك هو أيضاً حرام أم حلال) جاء تحريمه في الآية : (ولا تقربوا الزنا) وآيات أخرى ، ولاحظ عبارة (ولا تقربوا) ..
تحياتي
Post: #112 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 01-05-2013, 10:19 AM Parent: #111
Quote: تحية طيبة تبارك ود الشيخ ود. عارف .. اسمحوا لينا بي مشاركة بسيطة .. تبارك يا عزيزي ، تحريم الخمر في القرءان موجود ، ومن قوله عز وجل : (انما الخمر والميسر والأنصاب والأزلام رجس من عمل الشيطان فاجتنبوه) .. خلينا ناخد كمثال لفظ (الأنصاب) وهي نصب كانت ترفع وتذبح عليها القرابين للأصنام ولا يشك مسلم أن الذبح بقصد التقرب الى غير الله عز وجل حرام شرعاً. فما الذي يجعل الأنصاب حرام والخمر حلال وكلاهما في آية واحدة ؟ ليس من الضروري في القرءان ذكر لفظ (حرام) ، فالزنا (وأنا ما عارف رايك هو أيضاً حرام أم حلال) جاء تحريمه في الآية : (ولا تقربوا الزنا) وآيات أخرى ، ولاحظ عبارة (ولا تقربوا) ..
دا ابن كثير ولاّ الجلالين؟
هنا في امريكا الخمر محرّمة على سائقي السيارات "بالقياس" (والله صحي)
عندهم جهاز تنكلوجي مدغمس يقوم "بقياس" نسبة الكحول في الدم ... وكان ثبت انك سايق ونسبة الكحول في دمك "بالقياس" تتجاوز 0.8% ... طيارتك قامت ...
فإنت شكلك جايي تحرّم كرفيس عيون وسواطة قراية ساي (جهاز "قياس" ما عندك يا كافي البلا ) وداير الله يلتزم ليك بى التحريم دق اب ظرطة دا ...
خلّي الدكتور في الفقه والأستاذ الجامعي في مادة الشريعة المهجوم دا الله يفتح عليهو بى كلمة ... عشان تشوف حجم المأساة ...
قال لاحظ عبارة (ولا تقربوا) ... انت لاحظت لى كلمة "الله" الظاهرة على آخره؟
انت قايل الله دا عضو برلمان تطمبج كلامو زي ما ابن كثير داير؟
-------- الشغل مارجالة ومالي رجالة بقيسوها في الكيبورد الظاهر عليك لاوزتة من شدر السلم نشوف ليك طريقة ونحولك لي سوط العنج والحكاية ما تزعجك ممكن تتخارج وتترك الفودكا والا تشرب قبلك في امريكا لكن السودان والسعودية كبر اللفة
Post: #117 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 01-05-2013, 08:10 PM Parent: #116
Quote: الظاهر عليك لاوزتة من شدر السلم نشوف ليك طريقة ونحولك لي سوط العنج والحكاية ما تزعجك
تهديد دا يا مرسي؟
وبى اسم الدين برضو؟
ما صاح تهدد الناس بى اسم الله والرسول ... لسة ما فهمت الحكاية دي؟
الله دا ماضي معاك عقد؟ ولاّ قوة العين البتهدد بيها دي جبتها من وين؟
كدى امشي راجع اسلامك حتى تجي تهدد ... والمرة الجاية هدد بى اسم السلمة أو الظلامية ... ما تهدد بى اسم الله ... الله يكسّرك ...
انا وانت والفودكا نحل مشكلتنا بى الطريقة البتعجبك ... السوط بى السوط والبنية بى البنية ... أوعك تدخّل الله بدون وجه حق ...
ياهو ده دينا ونفتخر به وعاجبنا لكن أظن الفودكا خلاص كملت العندك وكيسك بقي فاضي واسمع نصيحتي كبر اللفة من السودان والسعودية عشان السوط مايقع في الجلد والبتبتة بعدين حارة
شدر سلم غابة الكباشي منتظرك وممكن تجرب وبعديين الحساب ولد
Post: #122 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 01-09-2013, 04:16 AM Parent: #121
قلنا ليك ... كدى امشي راجع اسلامك حتى تجي تهدد ... والمرة الجاية هدد بى اسم السلمة أو الظلامية ... ما تهدد بى اسم الله ... الله يكسّرك ...
انا وانت والفودكا نحل مشكلتنا بى الطريقة البتعجبك ... السوط بى السوط والبنية بى البنية ... أوعك تدخّل الله بدون وجه حق ...
الله يقبل منه ولاّ ما يقبل منه - انت وكت خليت كلام الله وبتطبق كلام "مالك" - انت شغلتك شنو؟ شغال في مكتب القبول انت؟ وفّر مجهودك لى نفسك يمكن الله يقبل منك ... ولاّ رحمة ساااااي بدون ما تؤمن وتستحق القبول ...
ثم تانيًا ...
هسى الآية دي مش سبب يخليك تراجع إسلامك؟ إنت وكت عارف الكلام دا ... تركت الإسلام واعتنقت السلفية ليه؟
بعدين بعد تركك لى الإسلام؛ جينا هددناك نيابةً عن الله؟
انت بتهدد نيابةً عن الله لأنك سلفي ما عندك تقوى لله دي معروفة ... لاكين تهدد من طرف؟ ما بتخاف؟
لو داير تهدد زول نيابةً عن الله ... شوف ليك سلفي جاهل ما بيعرف الله زيك كدا ... شوفوا البيحجز كيدكم عن نحوركم منو ...
... المهم ....
Post: #123 Title: Re: يا دكتور عارف الركابي .. انا الليلة جبت الفودكا ... Author: محمد المسلمي Date: 01-09-2013, 05:13 AM Parent: #122
وروى مسلم: «من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان».
أظن الفودكا فعلت بعقلك ما فعلت وجعلتك تجاهر بها وكمان تصدر الفتاوي وانت في غيبوبة كاملة لا تسمح لصاحبها قيادة عربة وعند قيادتها يعاقبك القانون العلماني الذي تؤمن به والعياذ باالله منه ونصيحتي ليك عشان ترد اشرب لبن بارد واغتسل كغسل الجنابة وبعدين سوف أنصحك وأنصحك واسأل الله لنا ولكم الهداية
------------ وأبشرك عروق شدر السلم حق غابتنا المرة دي الجلد في الضهر وانت نازل تحت والكوراك مابحلك انجض بس وأركز ما تبقي فصاحة نت ساهي نحن عندنا الببكي من الصوت المكان حقنا مكانه التكل وده معدوم عندنا وصيتي ليك ابقي شيال تقيلة ما تبقي ولييد
Post: #124 Title: Re: يا دكتور عارف الركابي .. انا الليلة جبت الفودكا ... Author: محمد المسلمي Date: 01-09-2013, 05:14 AM Parent: #122
وروى مسلم: «من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان».
أظن الفودكا فعلت بعقلك ما فعلت وجعلتك تجاهر بها وكمان تصدر الفتاوي وانت في غيبوبة كاملة لا تسمح لصاحبها قيادة عربة وعند قيادتها يعاقبك القانون العلماني الذي تؤمن به والعياذ باالله منه ونصيحتي ليك عشان ترد اشرب لبن بارد واغتسل كغسل الجنابة وبعدين سوف أنصحك وأنصحك واسأل الله لنا ولكم الهداية
------------ وأبشرك عروق شدر السلم حق غابتنا المرة دي الجلد في الضهر وانت نازل تحت والكوراك مابحلك انجض بس وأركز ما تبقي فصاحة نت ساهي نحن عندنا الببكي من الصوت المكان حقنا مكانه التكل وده معدوم عندنا وصيتي ليك ابقي شيال تقيلة ما تبقي ولييد
Post: #125 Title: Re: يا دكتور عارف الركابي .. انا الليلة جبت الفودكا ... Author: تبارك شيخ الدين جبريل Date: 02-02-2013, 03:19 PM Parent: #124
Quote: نحن عندنا الببكي من الصوت المكان حقنا مكانه التكل
سألنا دكتور عارف .. وبنسألك ... دينكم البيحتقر القاعدات في التكل دا ياتو دين؟
انتو منو؟ ... عشان نفرزكم انتو مسلمين ولاّ كبابيش رايحين من معنى كلمة "الكبّاشي"؟
بالله ادينا آية ولاّ حديث لى مجاليد التكل ديل ... لأنو انا ممكن اجيب ليك مليون ربعية من دوبيت الكبابيش ...
