أبقو رقاق يا جماعة أنا عضو جديد

يا جماعة انا عضو جديد وداير أشرب معاكم شاي المغربية لو ما عندكم مانع ونتونس شوية كدة عن اخبار البلد وهموم الشعب السوداني لو ما عندكم مانع

يا رقيق حبابك الف....... بس اللقيمات عليك

حبابك الصديق أخوي وتمهل في العنقريب اللقيمات جاهزة

مرحب بيك سيف الدين جبريل

الدار دارك

مع التمنيات باقامة سعيدة .

مرحب بي ود الحارة الخامسة , اخوزميلي عماد و صديقي عصام , مع انها جات متاخرة
وتحياتي لي(محمدوحافظ يحيي ولكل الجرافة المعاك )

انا برضو ما شوفتو الا اسع
نرحب بيك بأثر رجعى

تحياتي لكم جميعآ الرائع أسعد الزول القيافة أنت بحار ولأ شنو.
أخونا الجريفاوى والهى أنت مننا تب ما دام دفعة عماد وصاحب عصام.
دكتورة بيان العلماء ورثة الأنبياء ويا أهلآ ومرحب بيك واتشرف بيكم كثير.

٭٭ سيف الدين جبريل ٭٭

انسان حنون ملئ بالمشاعر والاحاسيس الدافئة
يحترمك كانسان ويجبرك علي احترامه منذ اللحظة
الاولي لحديثك معه.
هادئ هدوء الواثق من نفسه في كل تصرفاته لا ولم
تهزه اعاصير الحياة وقد اعجبني فيه اعتزازه
وتقييمه للوقت فهو لا يضيع ثانية واحدة دون عمل شئ
مفيد مثمر ، يحب المغامرة التي تجعله يري الجديد والمفيد
يضحك من قلبه ويبكي من قلبه انه سيف الانسان الجميل الذي
قد يعطي بلا حدود لعطائه ، ويحب بلا حدود لهذا الحب
ولكنه ابدا لا يعرف ان يكره او يحقد علي انسان فهو دائما
متسامح حتي فيمن يخطئ في حقه يسامح بلا حدود ،
سيف ممن ينامون وضميرهم مرتاح وممن يضعون راسهم في الوسادة
وهم مقتنعون بانهم متوكلون دوما علي الله .
سيف صاحب قيم ومبادئ يحترمها وتحترمه لانه لم يخذلها يوما في احترامه لها
في كل مايقوم به ،، سيف يعشق الوطن وينام ويصحو علي حب الوطن وذكرياته
هناك مع الاحبة والاصدقاء ..
سيف لك مني كل الحب ياوطن الحب في زمن اللا حب .

فوق دوما ومتقدم دوما ياسيف .

مرحب بيك يا سيف نحن حا نبدا الجكة عشان نبقى رقاق ...
...انت جيب اللبن

الوليد حبابك أخوي ونجيب لك لبن الطير ونضبح لك الشايلة أبقى تعال علينا جاي.

الأخت الأستازة الأعلأمية سارة منصور الكلأم دة ماكتير عليوعلى العموم لكى منى ولزوجك الفضيل عاصم المهدي باقاة من الورود رسلتا يجيبوها ليك من هولندة بلد الورود.

هلااااااااااا
خش لى جوه
بنابر و لا كراسى
السكر كيف واللبن مقنن ولا عادى
مرحب بيك سيد الدار

حبابك ألف يا فرح وعندنا عناقريب نحنا ناس مساكين وتحياتنا لي ناس كنيكتكن والهى بلدكم دي الأسم بتاع نطق صعب بالعربي والأيام دي معانا دكتور ياسر من عندكم.

الله يخليك كلنا بنحب العناقريب ومويه الزير
كنتكت دى نحن خشينا ليها مدرسه عديل كدا حتى قدرنا نطقناها
عشن الامريكان بتاعين الاختصارات عارفين خشمنا معوج قلوا لينا قولوها سى تى ct
دكتور ياسر الصيدلى صاحب الرشيد بتاع هارفورد ولا منو

اها يا ابو السيوف كل حاجة جاهزة الشاي و اللبن والرقاق و اللقيمات يالا ابدا عشان نعرفك شايت علي وين

سيف
انا اصلى رقيق..وبدخل جنبى زول واحد
لكن والله انا قايلك قديم خلاص
باقى ليك كسرت رجلى دى خلتنى فهمى قل شوية
مرحب بيك
شلكك بتشبه لى زول قراء فى الهند
علا الاسم ضايع منى
ولقدام

لويكن صوتا صباحا الف مرحب يا صباح
اويكن لحنك نشازا لست اول من سمعته
ها الصباح
وياهلا بالجرافة
الناس القيافة

بت فاطنة

فرح أخوي ياسر دة طبيب بشري عمل المعادلة هنا فى سان فرانسيسكو.
الوليد والهي أنا كنت فى الكورة أو التيوة لما أكون تعبان بشوتا ضفاري فأنا هسي شايت ضفاري.
أبو قوتة أنا درست فى المانيا لكن ما مشيت بعيدأحتمال مشبهني على أخوي أسمو فخرالدين محمد جبريل درس فى الهند,وعلى فكرة أنا من أعزة أصدقائي عبد المقيس كان رئيس اتحاد الطلأب السودانيين فى الهندوصديق الطفولة والصبأ رعد الزبير المحينة وكنا بنلعب التيوة مع بعض وأنا كنت الكابتن بتاعو يعني كنت لعاب.
عشة بت فاطمة أسم له رنين وموسيقى خاصة أتغنى به اين ما زهبت وأين حط بي الرحال أتوقف لأتصل وأسمع صوتها أنها أمي الحنونة عشة بت مصطفى.فألف مرحب بيك وحبابك عشرة ليك ولي المعاك.

>
يا ود جبريل حبابك وما تخاف الرقه دي حقت السودانية
بس من رأسهم لي رجليهم ما شايف رجلينا رقاق

مرحب بيك وسعداء جدا ان تكون معنا وجمبنا

وفى انتظار مساهماتك

وشكرا لبكرى ابوبكر لاتاحة هذة الفرصة


ولى قدام يا سيف