بين السفاح جعفر نميري والفنان النعام آدم

لمن عرفو الفنان المطرب النعام آدم أنه سريع البديه ومتوقد الزهن مع شئ من السخرية ففي أحدى اللقاءت التى جمعته مع السفاح جعفر نميري سأل نميري النعام آدم"أنت ياالنعام الفنانين كلهم غنو لي الأ انت لي ما غنيت لي" وفى زكاء ؟أستدرك الفنان النعام آدم الموقف وقال للسفاح نميري"لكن يا أبعاج أنا بغني للبنوت" ورفع أبعاج البليد عصاه فى وجه النعام مبشرا أبشر .وهكذا كان المبدعين من أبناء السودان الذين حافظو على نقاءهم ووقفو فى وجه هذا المتسلط الذى نكل وقتل الأبرياء من أبناء الشعب.الرحمة والغفران للفنان النعام ادم والخزى والعار لهذا السفاح المجرم.

سيف احكى ليك قصة حقيقيه للنعام :

مره استاذ شايقى قال للنعام يا استاذ عندك اغنيه بتقول فيها:

مشتاقين وانتو بتين تجونا سهرانين والليل طال علينا


قام النعام قال ليه اى.... بلكنة الشايقيه الظريفه ديك

قام الاستاذ قال ليه لكن كده غلط،لانو مشتاقين واقعه خبر

مبتدأ وده بيكون مرفوع فلازم تقول مشتاقون

قام النعام قال ليه يعنى دايرنى اقول:

مشتاقون انتو متين تجونا سهرانون والليل طال علوناوالا شنو؟؟

خلاص لامن اجى اغنيلك فى مدرستك ديك بقول كده.

رحم الله النعام ادم ..ولك الود اخى سيف.

رائع يا أستاز صديق الموج أنا عارف ليسا عندك الكثير من ما تعرفه عن هؤلا العمالقة.

والله صديق الموج استاذك عامل ذي بعض الناس في البوادر دى كل مره ناطين لينا في موضوع الاخطاء الاملائيه دى اصلو نحنا في البودار والله فصل استاذك دا