أسرة أمدرمانية تبحث عن مصفوفة مع جنّي أحرق حاجياتها.....

رب الأسرة المنكوبة يُبدي استعداده للتنازل عن منزله للجن

دخلت أسرة أمدرمانية شهيرة في مفاوضات مفتوحة مع مارد من الجن واظب على
إشعال النيران في مقتنيات منزلهم بضاحية الفتيحاب.
وأبدى رب الأسرة المنكوبة مجدي ميرغني استعداده للتنازل عن منزله للجن حال توصلهم لاتفاق معه بعدم ملاحقتهم
إلى المكان الآخر الذي قد ينتقلون إليه بعيداً عن منزلهم الذي يحتله. وقال الرجل لصحيفة حكايات
إن غارات الجن والنيران مجهولة المصدر التي تحرق ممتلكاتهم بدأت الثلاثاء الماضي، وأن النيران بدأت تشتعل
في المطبخ بدون أسباب واضحة. وأضاف أنهم بعد أن أجروا تحريات دقيقة حول أسباب النيران
تأكدوا أنها تشتعل بفعل الجان حين شبّت في ملابس مبتلة و" مشرورة " على حبل الغسيل.
وتظن والدة صاحب المنزل الحاجة فاطمة محمد أن الجنّي تربص بهم وبدأ بإشعال الحرائق في
المنزل انتقاماً لقتل ابنها مامون لفأر "جقر" كان يتجول في المنزل بحرية.
استعانت الأسرة بالشيخ محمد خير من أجل التفاوض مع الجن وإخراجه أو رحيل الأسرة لمنزل آخر بشرط عدم ملاحقتها ..

نفس المسلسل دا حصل للعم المهدي ود مصطفى بالباوقة

ولكن وقتها لم تكن هناك ( مصفوفة ) وقد انتهت المسالة بسفر

الجان المدعو ( نطيي ) الى قبرص او مالطا على ما اذكر

الجان نطيي

كان قد تخصص في حرق اشجار النخيل

والكتابة على الجدران بالبونط الاسود العريض

كذلك تخصص ( بالتكشيح ) بالتراب لكن زائر للمنزل

سلام استاذ / عمر

لا املك والا ان اقول لك اصبحنا واصبح الملك لله .
الناس في الصباح عاوزة تبداء يومها بحاجة كويسة مع ازمة الحياة ، هذا البوست سوف يسبب النكد والحزن لكثير من القراء كما انه يمكن ان يسبب ازمة نفسية لبعض المرضى .

Quote: هذا البوست سوف يسبب النكد والحزن لكثير من القراء كما انه يمكن ان يسبب ازمة نفسية لبعض المرضى .

اخونا فتح العليم

فتح البوست بالصباح احسن من فتحه ليلا تجنبا للكوابيس

مع الشكر

ايضا من قفشات نطي

انه كان يكون بقلب السراير ومن عليها

من النائمين والجالسين

أخوي عمر

ما تنسنى جان خليوه ، رسل ليه أبونا الشيخ الجعلي عمنا ود المرضي عليهم رحمة الله جميعاً ..

ربنا يكون في عون هذه الأسرة وإن شاء الله تجد من ينقذها ..

ويا مثبت العقل والدين ..

Quote: ما تنسنى جان خليوه ، رسل ليه أبونا الشيخ الجعلي عمنا ود المرضي عليهم رحمة الله جميعاً .. ربنا يكون في عون هذه الأسرة وإن شاء الله تجد من ينقذها ..

اعتقد ان شيطان خليوة كان شمهروش والد ( نطيي )

ناس الشيخ الجعلي عليه رحمة الله ورضوانه

كانوا برسلو شخص يادب الجان عديل ويرجع

بارك الله فيك المليك

...... انتقاماً لقتل ابنها مامون لفأر "جقر" كان يتجول في المنزل بحرية.
حيث كان هذا الفأر أمير جماعة الجن التي تستوطن المنزل وتدين بالولاء السياسي لحزب المؤتمر الوطني

Quote: ..... انتقاماً لقتل ابنها مامون لفأر "جقر" كان يتجول في المنزل بحرية. حيث كان هذا الفأر أمير جماعة الجن التي تستوطن المنزل وتدين بالولاء السياسي لحزب المؤتمر الوطني

محمدين

كلامك خارم بارم

وشكرا

نطي بن شمهروش

وهو يغادر منزل العم المهدي

كتب لهم على الجدار

غدا ساتوجه الى مالطا

وتحتها

وداعا .. الى اللقاء

سلامات يا ود الباوقة,,,

Quote: استعانت الأسرة بالشيخ محمد خير من أجل التفاوض مع الجن وإخراجه أو رحيل الأسرة لمنزل آخر بشرط عدم ملاحقتها

الجنى دا إحتمال يكون مفيد فى مفاوضات كتيرة قادمة !!! بعد ما يخلص التفاوض معاهو ويرحل من بيت الأسرة دى أتمنى أن تتم الإستفادة من إمكانياته فى مجالات أخرى وهي كتيرة جدا,,

ياخ ما أكثر حوادث الإستيلاء فى السودان !!!
وبعدها نرسلو لليهود أولاد الهرمة ديل يطلع ميتين أهلهم !ا
ومن ثم نعرج به إلى حلايب,,,, إلخ إلخ إلخ لخ شديد,,

تحياتى

المجاهد عمر سلام
الناس ديا اشوفوا ناس زول يقرا الرقية الشرعية وبعدين الجن بتخارج

---------------
اخبار تيس اليانكي قاتل اطفال العراق شنو

Quote: اخبار تيس اليانكي قاتل اطفال العراق شنو

اليومين دي مع بول الجمال

الله يكرمك

شكرا المجاهد المسلمي

الأخ ود الباوقة ،
تحياتى ،،
و الله قصة ظريفة جداً ، طبعاً الجن موجود فى إعتقاد كل من آمن بالتنزيل ، فى بعض الأحيان يكون هنالك جن مسلم وعلى العكس يحض على عبادة الله جل وتعالى ويقاوم بقية الجن الكافر زى الجن السافر مالطا. شيوخنا الصوفية لهم باع طويل فى هذا المجال ولكنها طبعاً تعتبر من قبيل (الميتافيزيقيا) بالنسبة لنا وليس لهم ، حفظهم الله فلولاهم لهلك النسل والحرث .

مودتى ،،،

Quote: استعانت الأسرة بالشيخ محمد خير من أجل التفاوض مع الجن وإخراجه أو رحيل الأسرة لمنزل آخر بشرط عدم ملاحقتها ..

أقترح على الاسرة الاستعانة بالشيخ علي فهو يفوق الجان خبثاً ودهاءاً هذا بالاضافة الى خبرته الطويلة في مجال التفاوض ..

Quote: ياخ ما أكثر حوادث الإستيلاء فى السودان !!! وبعدها نرسلو لليهود أولاد الهرمة ديل يطلع ميتين أهلهم !ا ومن ثم نعرج به إلى حلايب,,,, إلخ إلخ إلخ لخ شديد,,

انت يا ايمن اقعد اتريق كدا

لما تلقى نطيي ناط في رويسك

ربك يستر

المجاهد ودالباوقة سلام....
(الفتيحاب .. مجدي ميرغني ... مامون ميرغني)
اشارات ان المعني هو الرجل الخلوق الاخ مجدي الاخ الاصغر للاستاذ هاشم ميؤغني
فله التحايا واسال الله ان يفك كربته.

Quote: (الفتيحاب .. مجدي ميرغني ... مامون ميرغني) اشارات ان المعني هو الرجل الخلوق الاخ مجدي الاخ الاصغر للاستاذ هاشم ميؤغني فله التحايا واسال الله ان يفك كربته.

اللهم امين

وان يحنبنا نزغ الشيطان

شكرا اخي وليد

كان عندنا واحد شيخ الليل كلو يساكك في الجن بالحوش

مرات وا ود الباوقة الجن بشترط عدم الخوض في الموضوع

مرة تانية علشان يخرج من البيت أو من الشخص ، كنت عايز

احكي ليك قصة بس اتذكرت شرط الجن دا.

Quote: احكي ليك قصة بس اتذكرت شرط الجن دا.

دوس يا زول

المصفوفة موجودة ...

في قرية الكريدة ضواحي كوستي هناك شيخ مجرد يبيت في البيت كل ساكنيه من الجن يهربوا
ولو في اية أسباب تمنعهم من الهروب بستأذنوا في كام يوم للخروج

Quote: شيوخنا الصوفية لهم باع طويل فى هذا المجال ولكنها طبعاً تعتبر من قبيل (الميتافيزيقيا) بالنسبة لنا وليس لهم ، حفظهم الله فلولاهم لهلك النسل والحرث .

اخى العزيز ..

شيوخ الصوفية هم يفكرون فى انقاذ انفسهم من الخاتمة بمحبة الله ورسوله ...

وهم يعلمون تماما ان مشيئة الله هى الحق .....

هم لا يملكون اى مشيئة ...

واستدامة الحرث والنسل هى رحمة من الله الواحد الخالق ....!


واتمنى للجميع السلامة من سقط القول .

الأخ الفاضل عمر..بعد التحية.._________

Quote: ولكن وقتها لم تكن هناك ( مصفوفة ) وقد انتهت المسالة بسفر الجان المدعو ( نطيي ) الى قبرص او مالطا على ما اذكر

_______
كدي اتأكّد لينا يا حبيب ..مشى قبرص ولاّ مالطا...المسألة بتفرق كتير..
بعدين ليه وكتها ما كان في مصفوفة؟...(مصفوفة معناها شنو بالمناسبة؟)
تحياتي

Quote: وأبدى رب الأسرة المنكوبة مجدي ميرغني استعداده للتنازل عن منزله للجن حال توصلهم لاتفاق معه بعدم ملاحقتهم إلى المكان الآخر الذي قد ينتقلون إليه بعيداً عن منزلهم الذي يحتله

عمنا المهدي بالباوقة لم يستعين بأحد غير الله
وأصر عدم خروجه من أرضه مادام حياً رافضاً خروجه هو أو أسرته برغم من أن الجان كان يمنعهم إعداد أي طعام في المنزل وكان يعتمدون على ما يتيهم من خارج المنزل.

أما ما ظهر في خليوة يقال أنه كان طالب القرب من إحدى الجميلات
ويقال أنه ذهب معهم حتى كدباس وظل يفاوض من خارج الصالون حيث أن البنت المخطوبة هي من تراه حتى اختفى من ناظريها

استراحة للقيلولة وتناول طعام الغداء

وبرجع ليكم للردود باذن الله

ود الباوقة

النيران دى يمكن بقايا ضربت مصنع اليرموك ولا دى ضربة جديدة من اسرائيل و عشان الفضيحة الأمنية ناس البشير ختوها فى الجن , البيت دا فى حي كافور

20 سطر

ود الباوقة

سلام


ابوي كان عندو واحد اسمو شمليخ مرة الصباح مع الشاي امي عليها رحمة الله جابت صينية الشاي لابوي الجان

بي اولادو جو داخلين والدتي عليها رحمة الله صرخة صرخة جابت القرية كلها لينا في البيت

مع انو ما عمل حاجة

خروجهم ساهل جدا ما بفوت ليهو

في هولاندا عندي صاحبي ولدو بلعب مع اولاد الجن سكو سكو والله يقول بي قولو لو يهبش الولد ده يلقو العدة مكسرة

الفرش مقلب البيت جايط ومافي زول