Post: #1 Title: بعد الاربعين تعالن جاى Author: الصادق سيكا Date: 03-31-2013, 04:24 AM Parent: #0
دايرين نعرف السر وانتن من الطمنطاشر لحدى العشرينيات بتبهدلونا كدا ليه .. العبدلله ماخت سته شواكيش مع الرأفة .. السبب شنو يعنى ..؟ الشناء .. ما شين بدليل انو اى واحدة منهن قالت ليى انت شرط والعيون ما عندك .. فدايرين نعرف السر ..؟
Post: #2 Title: Re: بعد الاربعين تعالن جاى Author: محمد حيدر المشرف Date: 03-31-2013, 04:57 AM Parent: #1
ستة شواكيش ؟؟! سته يا الصادق !!!
Post: #3 Title: Re: بعد الاربعين تعالن جاى Author: خضر الطيب Date: 03-31-2013, 06:52 AM Parent: #2
Quote: شواكيش
الشاكوش دا منو يا الصادق ؟
غايتو حاجه ذى دي بتحصل لصنفين من البشر
والحمد لله ما لاقتني ...لاني من شبيت وانا زاهــد
Post: #4 Title: Re: بعد الاربعين تعالن جاى Author: طلحة عبدالله Date: 03-31-2013, 07:11 AM Parent: #3
يا سيكا كان التمنتاشر واللا الأربعين واللا الستة والخمسين كلهن بحبن الشواكيش .. أسأل مجرب ولا تسأل من طرف ساي . من جهة أخري حقيقي أنا مستغرب والله في حكاية القياس بالاعمار دي .. ياخ الحسناء حسناء كان عمرا عشرين واللا ستين .. ثم ياخ المثل بقول ليك : ما تعاين للعمر عاين للخلقة والأخلاق .
Post: #5 Title: Re: بعد الاربعين تعالن جاى Author: الصادق سيكا Date: 03-31-2013, 08:36 AM Parent: #4
Quote: ستة شواكيش ؟؟! سته يا الصادق !!!
أوووو حبيبنا المشرف الذى شرفنا .. انا أيضاً أؤيد فكرة أن تفك ارتباطك بقيقا اسفيرياً
قال الاستاذ الراحل حميد الذى هو من نواحى ديار الشايقة ستة خرفن وتيس ما كفن ستة خرفن في فد يوم المعدوم أشكال وألوان أي خدار في اليوم داك في كملن رف كمين دكان أول كفو الخواجات بعدو العمدة وصمد الساقية ناس المجلس والمشروع بعدو الطلبة وباقي الناس حتى الشفع والحروم ستة خرفن وتيس إنصفن ستة خرفن في فد يوم اول شاكوش اخدته من بلومتى ولازلت أتحسس اثاره بأثر رجعى .. ايييييييييه ما أتعس الحياة وبلومتى ترفضنى .. ذاك هو اول يوم حاولت فيه الانتحار فذهب الى النهر لكن امواجه المتلاطمة أدخلت الرعب فى قلبى ثم أننى كرهت ان تبتل ثيابى ولا أحب رجال الانقاذ النهرى أن يروا سوءتى
Post: #6 Title: Re: بعد الاربعين تعالن جاى Author: الصادق سيكا Date: 03-31-2013, 08:51 AM Parent: #5
الحبيب خضر الطيب الذى هو من نواحى بريطانيا .. لا أظن هوايتك المفضلة موجودة فى بريطانيا
Quote: الهوايات المفضلة: بهوى العيون السودا
لذلك ربما أخدت شاكوش وانت لا تدرى أنك لا تدرى .. فما تحلف ساى يا خضر اخوى .. ثم انت ليه ما قادر تقبل على وتواجهنى بالحقيقة دى .. عيونك فيها شئ يحير بس انت مقبل منى غادى
Post: #7 Title: Re: بعد الاربعين تعالن جاى Author: الصادق سيكا Date: 03-31-2013, 09:07 AM Parent: #6
يا طلحة وينك انت ... والله ما طالبنى حليفة امس كنت عايز افتح بوست اسأل منك بس خفت أرهق الباندونق حق بكرى صاحبى دا ..
هيا طلحة وحات سيدى الحسن يفرق .. من طمنطاشر للعشرينات ديل ما عندهن رحمة المثل بقول ليك اسعلنى ولا تسعل الدكتور الا يا طلحة اخوى ما بعد العشرينات ديل عاقلات ورايقات وكل يوم تتمنى شاكوشن ديل ياخى ما سمعت وردى بغنى ليهم الحنينة السكرة ..؟
Quote: ياخ الحسناء حسناء كان عمرا عشرين واللا ستين
لا يا طلحة الاربعين دى جمالا براهو كوم حيث الرزانة والهدوء والتعقل وكما قال الشاعر الشدر الكبير ممن عادى تلص منو الكراسات والكتب المقطعة .
Post: #8 Title: Re: بعد الاربعين تعالن جاى Author: الصادق سيكا Date: 03-31-2013, 09:15 AM Parent: #7
يا جماعة انا نسيت اوضح حاجة مهمة للمستمعين والمستمعات , حقيقة ً انا اخدت خمسة شواكيش الا السادس داك فبعد ما هى عرفت نيتى المسبقة والحتمية فى تدبير شاكوش لها على غرار الما تلحقو جدعو بعداك هى اصابتنى فى مقتل . هذا ما لزم توضيحه. الا طلحة وعبدالله ده ليه ما خاتى تلفونو فى البروفايل او حاول يرسلو لى عن طريق الخاس ..؟ سؤال منطقى برضو .. والزول القاعد جمبو ممكن يجاوب مافى ايتها مشكلة
Post: #9 Title: Re: بعد الاربعين تعالن جاى Author: جميلة ابراهيم السيد Date: 03-31-2013, 09:30 AM Parent: #8
سيكا وضيوفك سلام
الخمسة عرفناهم قضاء وقدر .. لكن السيك السادس دة كان في قبولك هههههه
Post: #10 Title: Re: بعد الاربعين تعالن جاى Author: الصادق سيكا Date: 03-31-2013, 09:49 AM Parent: #8
بالمناسبة للذين لا يعلمون شيئاً عن سن الاربعين.. دى سن النبوءة .... للزول العايز يبقى نبى لكن للاسف الشديد محسن خذلنا .. يعنى يا معاوية المدير لما تصل الاربين دى احتمال تبقى نبى برضو وارد المافى شنو على قول قيقا ..؟ الناس الدقوا اللربعين والفاتوها، نصيحتي دي لا تابُوُّها... في نصيحة... اما بالنسبة لاخواتنا من الجنس اللطيف فلن يتم تصدركن الى الكويت كما أرادت الدكتورة اشراقة ومعها كرمنو ود. امنة ضرار لا لن يتم تصديركن الا بعد تصدير رجولتنا وتخنيثنا . اما اللاتى بلغ الاربعين ويطمعن أن يكن نبيات فلتعلمنّ ان سجاح كانت خاتمة النبيات فى البصرة ..امن من امن بها وكفر من كفر بها انتن ربّات فى بيوتكن من غير أن تخلقن شيئاً
Post: #11 Title: Re: بعد الاربعين تعالن جاى Author: الصادق سيكا Date: 03-31-2013, 09:59 AM Parent: #10
Quote: لكن السيك السادس دة كان في قبولك هههههه
جميلة بوحيرد السودانية .. لقيتك حريييييييييييييفة ... فعلا يا جميلة أخدت السيك فى قبولى .. الكلام ده كان فى الكلاكلة القبة وحاتك زعلة ساى ابيت العشاء المشكلة زميلى سواها فينى .. اما بمناسبة الشواكيش أعرفك أن كلها فى الرأس فى أتجاه المخيخ الايمن والحمدلله ان المخيخ الايسر يعمل بصورة طبيعية أحياناً
Post: #12 Title: Re: بعد الاربعين تعالن جاى Author: وليد عبد اللطيف Date: 03-31-2013, 10:05 AM
Quote: ستة شواكيش ؟؟! سته يا الصادق !!!
اكيد عملوا ليك شغل بحري كان في واحد كل مايمشي لصنايعن يصلح ليهو العربيه يقول ليهو ما تشتغل لي شغل بحري ( دق شواكيش بس ) . . عاين مفروض تفرح دا حسب ماحدث لواحد صاحبني قال ما متكيف من الشاكوش إلا عشان ادتني ليهو فلانه السمحه ديك اها كمان لو بقن ما زي فلانه ديك تبقن عليك الاتنين ميتا وخراب ديار
سيكا تحياتي ليك ولضيوفك
تعديل كلمة حدس الى حدث ياخي الرطانه مشكله عدييييييل
Post: #13 Title: Re: بعد الاربعين تعالن جاى Author: الصادق سيكا Date: 03-31-2013, 10:26 AM Parent: #12
الحبيب ولى
Quote: اكيد عملوا ليك شغل بحري
لا حقيقة انا من اسرة محافظة
Quote: كان في واحد كل مايمشي لصنايعن يصلح ليهو العربيه يقول ليهو ما تشتغل لي شغل بحري ( دق شواكيش بس )
شغل بحرى براهو يا ولى على بالطلاق البنات ديل عملوا لى شغل العاصمة القومية وضواحيها .. وخسوساً بلومة دى شغلها كان عجيب .. تعرف نار اليشب والمرزبة بتاعت النبى محسن ديك ..؟ ولّه ما سمعت بيها يا وليد ...؟ كان ما سمعت بيها معناتا انت كافر عديل ..
Quote: قال ما متكيف من الشاكوش إلا عشان ادتني ليهو فلانه السمحه ديك
بينى وبينك يا ولى اى واحدة شاكوشة احلى من التانى الا بلومة
Post: #14 Title: Re: بعد الاربعين تعالن جاى Author: عمر عبد الخالق سعيد Date: 03-31-2013, 10:47 AM Parent: #13
Quote: الشناء .. ما شين بدليل انو اى واحدة منهن قالت ليى انت شرط والعيون ما عندك .. فدايرين نعرف السر ..؟
يمكن ...... ونستك ,,,, بايخة
Post: #15 Title: Re: بعد الاربعين تعالن جاى Author: طلحة عبدالله Date: 03-31-2013, 10:53 AM Parent: #13
يا سيكا يقيني إنو العمر أصلا ما مهم طالما أن الحسناء مازالت هي الحسناء .. بعدين صدقني كلهن بتساون في حتة الشاكوش دي .. أسأل صريع غرام رأسه كله لم يعد فيه موضع خال من كدمات وفلقات الشواكيش .. ما تدقس يا حبيب.
Post: #16 Title: Re: بعد الاربعين تعالن جاى Author: محمد محمود محمد Date: 03-31-2013, 10:55 AM Parent: #13
اخونا الصدق سيكا__ زميلنا في الجامعة ..بعد اول شاكوش..(وهو كان زول شاعر جد)..بس ما بيقرا شعرو ألاّ للخاصة.. المهم...قطّعا في حنانو ...وكتب ليها.... وأبيتني فحرمتي نفسَكِ نِعْمةً.. وحرمتني وحرمتي غصناً أن يميل وينثني طَرِباً بكل حديقةٍ من سوسنِ.. ف يا اخوي ولا يهمك هن ال خسروا ..زي ما قال صاحبنا تحياتي
Post: #17 Title: Re: بعد الاربعين تعالن جاى Author: ابوحراز Date: 03-31-2013, 11:25 AM Parent: #16
والله نحن نحمد الله كثيراً فقد اصبح الطلب علينا بالجملة بعد بلوغنا سن الأنبياء !!! وعلى الرغم من أن الرجل بعد هذه السن يقوم له شعر كثير في أماكن غير مرغوب فيها إلا أنه والحق يقال حينما يرجع الانسان بذاكرته للوراء يشاهد صوره ايام الزواج وفترة الجاهلية يجد ان صوره في الأربعين أكثر وسامة وهذا في رأيي المتواضع ما يجعل الجكس أكثر { مساسكة } وجرياناً نحو الطرف الآخر بل وعن تجربة شخصية ألاحظ ان الغيرة على الرجل بعد الأربعين تصبح في أوج قمتها وعنفوانها وتكثر اسئلة من على شاكلة كنت وين مشيت وين قابلت منو ليه الليلة لابس القميص الحلو ده ؟؟ بعد الأربعين يزيد الحب ويشتعل ولكن المؤسف أن حرباً شرسة تدخل على الخط كما حدث معي حيث تغير الاسم في الموبايل من الحبيب الى الحاج !!! وهي محاولة مكشوفة بأن تتقمص دور الحاج والهدف منها ان تكون رزين ولاتتطاول عيناك هنا أو هناك وتصبح زول جامع سااااااااااااااااااي ولكن كما تدين تدان فقد قلبنا الطاولة وكتبنا الاسم في الموبايل { الحاجة } بدل الحبيبة وكالعادة { سجمي } حينما قرات اسمها على الموبايل الحاجة واحتجت الى الأمم المتحدة ولكن قلت لها : وهل انا اقف الآن على مزدلفة ؟؟؟ قال الحاج قال !!! شاكوش وااااحد أخذته في حياتي بالسوق الشعبي حينما ذهبت لملاقاتها في الكافتيريا التي نلتقي فيها وأخبرني صاحب الكافتيريا بأن المبروكة تزوجت مغترب من ابوظبي !! وحينها لم اصعد لبرج سوداتيل كما يفعل جيل اليوم ولكن ذهبت كداري يشهد الله من السوق الشعبي للفتيحاب واي { زير سبيل } قابلني في الطريق أخذت منه جغمة جغمتين الآن حينما اأتي مع ابنائي بالسيارة من الفتيحاب للسوق الشعبي دائماً أقول لهم 00 لاحولالالالالالالالالالالالالالالالالالالالالالالا !!! والله حتى اللحظة لا أدري كيف قطعت هه المسافة مشيا على الأقدام !!!!
والله لكن يا أبو حراز كلامك حكم بل شعر عديل بالنسبة لناس الأربعين ودرر بالنسبة للناس الح يوصلوا بعد سنتين تلاتة للأربعين . بالله قول لينا تاني كلام زيو .
Post: #19 Title: Re: بعد الاربعين تعالن جاى Author: محمد عوض السيد Date: 03-31-2013, 06:26 PM Parent: #18
..
والله حالتك تحنن سته شواكيش .. انعل ابو النجارة زاتو
الاحبة الاعزاء عمر طلحة محمد محمود ابوحراز محمد عوض بت خوجلى قواسيب من الود .. عذراً لن استطع الرد الان أنا متوجه لعزاء احد الاخوان فى وفات والدته ساعود ريثما تنتهى مراسم العزاء ... شكرا لانكم كنتم هنا
Post: #23 Title: Re: بعد الاربعين تعالن جاى Author: عادل الباهي عبدالرازق Date: 03-31-2013, 08:29 PM Parent: #21
أنتو شنو قصة الاربعين المدورا في البورد الايام دي بلاهي نحن قاعدين مع جلاكين
الصادق ياحبيب هو غير الشواكيش دي الحامينا نمد رأسنا شنو
Post: #24 Title: Re: بعد الاربعين تعالن جاى Author: سامى عبد المطلب Date: 03-31-2013, 09:19 PM Parent: #23
الزول السمح سيكا بوست جميل وسواقتك سمحه بالحيل خلينى اول حاجه اسلم على " الحاج " ابو حراز الذى افتقدنا بوستاته الجميله ذات النكهه الفريده ....
عندنا صاحباً لينا طبيب ووجيه ومن اسره محترمه بكل ثقه اتقدم لواحده وهو واثق الخطوه يمشى ملكاً فاذا به يتفاجأ بشاكوش محترم ولم ينبس صاحبنا ببنت شفه ، اها نص الليل صنقر على حيلو وقال قولته المشهوره " بت ال .... تابانى انا ، انا ما احسن من ناس كتااااار " اها يا سيكا " يا خى انت احسن من ناس كتااااار ..... ولا يهمك "
Post: #25 Title: Re: بعد الاربعين تعالن جاى Author: حسن حماد محمد Date: 03-31-2013, 10:45 PM Parent: #1
Quote: بت ال .... تابانى انا ، انا ما احسن من ناس كتااااار " اها يا سيكا " يا خى انت احسن من ناس كتااااار ..... ولا يهمك "
يا اخوانا هوى سيكا دا ما يطلع بيكم فوق ويعمل ليكم برئ
