Post: #1
Title: آخر الزمر طيط!!
Author: عمر الفاروق عبد الله الشيخ
Date: 03-30-2013, 11:33 AM
دك الورق وتقسيمه من جديد
المباراة الكيزان ضد الكيزان
علي عثمانيون .. بشيريون .. نافعيون .. عسكريون .. سائحون .. اصلاحيون .. ترابيون
آخر زمرهم طيط وطيط طيط انقاذ حديد
جايين بعد شوية
|
Post: #2
Title: Re: آخر الزمر طيط!!
Author: عمر الفاروق عبد الله الشيخ
Date: 03-30-2013, 11:52 AM
Parent: #1
الزارعنا غير الله يجي يقلعنا .. حكمة انقاذية يضعها الانقاذيون علي حيطان بيوتهم ويكتبونها علي خلفايت فاخرات سياراتهم
التمكين التمكين باسم الدين والتموين تكتيك انقاذي آتي ثمره قرابة ربع قرن من الزمان
تنابلة السلطان كثيرون يأمرون بمعروف اتبعوا أولي الأمر منكم لانهم يحكمون بالشريعة ولا ينهون عن منكر أولي الأمر تاركين الحساب لمنكر الحقيقي ورصيفه نكير
قالوها أفضل منا لم تلد النساء في هذا السودان العقيم ولذا فالشعب الكريم ترك لنا الحكم راضيا لأن الباقين منتهين!!
ولهذا ولغير هذا فنحن نتداول السلطة داخل بيتنا طالما الآخرون ممتنعون عن التصويت .. وهذا يعني اجماع سكوتي لصالح الإنقاذ حكم بالتزكية لعدم وجود منافسون
ونسوا أو تناسوا ....
|
Post: #3
Title: Re: آخر الزمر طيط!!
Author: عمر الفاروق عبد الله الشيخ
Date: 03-30-2013, 12:05 PM
Parent: #2
قالوا عن رئيسهم يمتلك قدرات بشرية هائلة تجعله سوبرمان السودان بدونه السودان يصبح يتيما فهو صاحب الكاريزما المقبولة والجماهيرية الساحقة .. في أي سودان هذا الرئيس؟
هل هو في السودان الفرنسي أم ياتري سودان الحبشة القديم ام هو سودان آخر في قارة الأنتاركتكا وبرضه "طيط" فرعون مصر قال ابنوا لي صرحا لعلي اطلع علي آله موسي وقارون قال لي مال تنؤ به العصبة وناس الرايخ قالوها هاي هتلر
كيزان السودان قالوا نحن اصحاب الخلافة في الأرض وتوابع السلطان قالوا دونه الطوفان
طيط آخر جايين ليه
|
Post: #4
Title: Re: آخر الزمر طيط!!
Author: عمر الفاروق عبد الله الشيخ
Date: 03-30-2013, 12:14 PM
Parent: #3
الناس ديل بقوا علي حديدة التجربة السياسية مافي خرمجة الا وخرمجوها ..فدمروا ما دمروا بعد ما جربوا ماجربوا باسم المشروع الطيطي .. طول الدهر بيفسد .. كل شيء له عمر صلاحية افتراضية ام آلهية
حتي لبيد سئم سؤال الناس كيف لبيد؟ وهو الذي عاش عمرا اطول من غيره ..
سؤالي:لي الأغلبية الصامتة هل هم صامتين في راي ولا شيتن تاني؟
|
Post: #5
Title: Re: آخر الزمر طيط!!
Author: عمر الفاروق عبد الله الشيخ
Date: 03-30-2013, 12:27 PM
Parent: #4
الضارب علي الكي بورد يشتكي وناس بيوت البكا والقاعدين بشربوا شاي العصاري ولا المغارب بيحكوا .. عن سؤ الحكم ويمشوا يتعشوا وينوموا ديل كوم
الشايلين سلاحهم طالعين الجبال بيكاتلوا ديل كوم امكن زمارة الانقاذ بيعلوا ليهم حساب
لكن البخوفوا جد المظلومين والما لاقين حق الدوا واللي بياكلوها وجبة واحدة ان شاء الله سخينة وسروايلهم مقدودة ورافعين يديهم لي الله يدعوا ديل الحيسقطوا حجركم اما الباقين فاخر زمرهم لدي عصبة الحاكمين طيط
|
Post: #6
Title: Re: آخر الزمر طيط!!
Author: عمر الفاروق عبد الله الشيخ
Date: 03-30-2013, 01:40 PM
Parent: #5
الزمر ده بادي من زمنا بعيد تعالوا نحسبها
حكم وطني بعد الاستقلال من اواخر 55 ولغاية نوفمبر 58 حكم ديمقراطي انجز الجلاء والسودنة حوالي 3 سنوات
انقلاب عسكري 17 نوفمبر 58 ولغاية اكتوبر 64 ستة سنين وكانت ظروف العالم من حولهم مساعدة عدد من المشاريع التنموية ولكن السقطة الكبري كانت في بيع حلفا لمصر بمبلغ 15 مليون فاقتطع جزء من السودان عزيز بثمن بخس
حكم ديمقراطي آخر عرف بالديمقراطية التانية من 24 اكتوبر 64 الي 24 مايو 69 حوالي 5 سنوات شهد فيه السودان الدكتاتورية المدنية في الحزبين الكبيرين اما الثوار الحقيقيون لاكتوبر من قوي النقابات والطلاب كان لهم اجر المناولة للحكم
انقلاب مايو 25 1969 ولغاية 6 ابريل 85 حكم عسكري آخر حوالي 16 سنة شهد فيه السودان ما شهد من تحولات من اقصي اليسار لاقصي اليمين مع البيعة لنميري التي مهدت للحكم الكيزاني فيما بعد
سنة سوار الدهب من 6 ابريل 85 الي منتصف 86 والتي كانت فترة انتقالية تمهد لانتخابات جديدة
الديمقراطية التالتة والتي كانت صورة بالكربون من الديمقراطية التانية حوالي 3 سنوات كان ابرز ما فيها اتقافية الميرغني قرنق والتي كانت تمهد لسودان جديد
انقلبت عليه ما يسمي بالحركة الاسلامية التي دبرت ونفذت انقلاب 30 يونيو 89 والمستمر حتي تاريخه وابرز اخفاقاته فصل الجنوب عن الوطن الام وتوابع اذا الانفصال غير كوارث الانقاذ الاخري التي حكينا عنها كثيرا حوالي 24 سنة
|
Post: #7
Title: Re: آخر الزمر طيط!!
Author: عمر الفاروق عبد الله الشيخ
Date: 03-30-2013, 02:18 PM
Parent: #6
تعالوا نشوف الطيط الكبير وين في عمر السودان ده من ما اخد استقلاله واللي عمره لغاية الآن 57 سنة
نصيب العسكر منها 47 سنة والتجربة الديمقراطية 10 سنوات ودي عاوزه دراسة متأنية نتشارك فيها كلنا
ليه عمر الحكم العسكري في السودان رغم ما يذخر به من عقول مستنيرة وكفاءات مجربة ليس قدحا في العسكرية ولكن حكم العسكر المأجرين لقلب السلطة ما السبب فيه؟
|
|