ربنا معاكم يااطفال السرطان

غداً السبت الاحتفال باليوم العالمي للطفل ...احساس وتعريف المجتمع بهذه الشريحة من الاطفال
بعيداً عن معاناتهم في العلاج والماكل والسكن والمشرب ...
المكان حديقة القرشي
الزمان من الساعة 12 ظ -6 م
تصدقوا بالله اننا عشان نعمل اليوم دة مرينا بكتير جدا من الاحباطات اولاً خاطبنا كل جهات الدولة بانها ترعي اليوم وحددنا فيهو تكريم 70 والدة وام لها كثير من التضحيات مع اطفالها بالاخص المصاب بالسرطان وارفقنا فواتير من شركة الناله بعدد 70 توب و70 لبسة بيت للامهات وربنا يجزيهم خير خفضوا لينا من 3100 الي 2800 وارفقنا ايضا فاتورة ب70 لبسة والعاب للاطفال بمبلغ 1900 يعني جملة المبلغ 4700 والله علي مانقول شهيد لم تتجراء اي من مؤسسات الدولة الرسمية او الشركات مثل زين واريبا وشركة حجار عبر شركة كولدير وسوداني لم يتحركو ساكنا وكأن الموضوع لايهمهم من قريب او بعيد ...
فيا اخوان هؤلاء الاطفال ليهم رب يعينهم والحمد لله ناس الخير موجودين ...نتمني مشاركتكم وجيبو معاكم البتقدرو عليه وماتستصغرو اي حاجة مهما كانت ....وربنا يعين
ربنا قد ضاق بهم الحال فأمر بفرجك يارب العالمين