Post: #1
Title: الى محمد جمال الدين ...
Author: كمال علي الزين
Date: 03-29-2013, 00:26 AM
Quote: جزيرة أم أرضة تقع مباشرة خلف منطقة حزام الجعليين قبالة جزيرة رفيدة من جبل أولياء حوالي ثلاثة كيلو مترات من خزان جبل أولياء ناحية الشمال. معظم أراضي الجزيرتين مملوكتين بالتمام والكمال عبر كل التاريخ المعلوم لجدي من طرف أبي و جدي الآخر من طرف أمي، وآل إلينا التوريث "الورثة" في الختام دون كثير من الوارثين عبر المثابرة... كما إنها الأقدار!. كلها كانت أقدار.
رفيدة جزيرة موسمية شبه ميتة الآن، تغطي سطحها الطحالب الخضراء وتستطيع أن تتبين المشهد بمنتهى الوضوح وأنت تقف منتصف خزان جبل اولياء وتنظر ناحية الشمال حوالي ثلاثة كيلومترات وعيناك على مجرى النهر.
والثانية "أم أرضة" هي الأكثر أهمية كونها جزيرة دائمة وغنية وتعج بالحياة المائية والبرية ويتم إحياء عدة مشاريع زراعية مروية فوق أرضها من وقت إلى آخر وأول مشروع زراعي كبير حدث كان في أربعينات القرن الماضي (مشروع جدي "حسب الرسول") أنهار في أوائل السبعينات وتتالت المحاولات بشكل مستمر، فاشلة/ ناجحة. غير أن هناك أسرة صغيرة ظلت على الدوام وفي كل الأحوال والظروف تقيم على أرض جزيرة أم أرضة كل الوقت وعندها على الدوام زراعتها الخاصة مستقلة بذاتها على مر الزمان هي : "أسرتي الصغيرة".
|
http://www.sudaneseonline.com/forum/viewtopic.p...6be4e0e412c5d6de1989
هذا ماورد بالتوبيك اعلاه , اضعت الباسويرد الخاص بالفوراول ولم اراسل الادارة بعد ..
هل تعني مشروع (حسب الرسول عبدالعزيز شكرالله) الزراعي ؟
ورأيت أنك تشير اليه بكلمة (جدي) ؟
فهل تعني انه جدك فعلاً ؟
لم اجد لك رقم هاتف ببروافيلك ..
يمكنك الرد عبر الخاص ..
تحياتي ..
|
Post: #2
Title: Re: الى محمد جمال الدين ...
Author: كمال علي الزين
Date: 03-30-2013, 03:09 AM
Parent: #1
(*)
ياخي انا من امبارح الشمار كاتلني ..
قلتا الزول ده بتسلبط في جدي حسب الرسول وكمان قاشر بالفم المليان (مشروع جدي حسب الرسول الزراعي)
خلاص يازول مشروع جدنا حسب الرسول ..
فقد اتضح ان الاخ المدعو / محمد جمال الدين (بتاع هولندا) والذي عرفته في البورد هنا بفضل بكري
هو ايضا حفيد جدي حسب الرسول ...
شكرا يا بكري بقينا نتعارف عندك هنا في البورد بالصدفة ..
________________________________________________________
حسب الرسول جدي مباشرة وطلع جده برضو بس باللفة وانا كنتا قايلو متلبط ,عشان كنتا ناوي اشاكلو في سلبطتو دي :)
|
Post: #3
Title: Re: الى محمد جمال الدين ...
Author: محمد البشرى الخضر
Date: 03-30-2013, 03:54 AM
Parent: #2
شنو يعني مافي آكشن!!
سينما أوانطة ادونا فلوسنا :)
|
Post: #4
Title: Re: الى محمد جمال الدين ...
Author: محمد عبد الماجد الصايم
Date: 03-30-2013, 08:19 AM
Parent: #3
التِلِصّق هيّن .. كعب الزوغة في حالات الرش!!
|
Post: #6
Title: Re: الى محمد جمال الدين ...
Author: كمال علي الزين
Date: 03-30-2013, 09:33 AM
Parent: #4
| Quote: التِلِصّق هيّن .. كعب الزوغة في حالات الرش!! |
وعند الرش طواااااالي بقول ليهو : حسب الرسول ده منو ؟
_____________________________________________
كان لقيتو مقبقبنو في بوست بتصل على 999
|
Post: #5
Title: Re: الى محمد جمال الدين ...
Author: كمال علي الزين
Date: 03-30-2013, 09:26 AM
Parent: #3
Quote: شنو يعني مافي آكشن!!
سينما أوانطة ادونا فلوسنا :) |
ولولا الحرج كنتا عاوز احصل اقول :
شيل يابكري شيل ..
_______________________________________________
عكازي دسيتو ورى ضهري وخشيت في الزول بالاحضان
|
|